السلام عليكم ورحمة الله وبركاته، كل عام وأنتم بألف خير، أسأل الله أن يعطينا أحسن المسألة ويجازينا بخير العطاء ويتقبل طاعاتنا وقيامنا وصيامنا.
أما بعد؛ فحبيت أنوه عن 3 روايات مكتملين وقصيرين جداً بتصنيف ديني فيهم الكثير من الخير وده مش مجاملة والله، اللي قرأوهم عارفين ده
••الرواية الأولى، بتدور احداثها حول بنت عادية موجودة في كل بيت، لكن بيتها هي غير، بين مليان مجون ومعاصي وقهر، بنت حاولت تهرب وتبعد ويوما تلاقي الأمان تلاقيه في شخص ملحد، يا ترا طريقها هتكون عاملة ازاي؟ يا ترا هتهرب له وتتعذر بالجحيم اللي عاشت فيه ولا هتتماسك، ولو اتماسكت هتتماسك ليه وهتتمسك بإيه، يا ترا هو عايز منها ايه!
دي نبذة بسيطة عن رواية غامض أنيجما "الرحلة"
•••الرواية التانية وهي عالم دافي أوي في اول سنة بيقضيها شاب أجنبي أسلم من جديد وحظه جابه على مصر ورحلته كعب داير بين القاهرة والاسكندرية، ازاي هيتعرف على طريق الاسلام، وحياته هتبقى عاملة ازاي في مصر وهي النقيض لكل حاجة عاشها في بلده الأم، هتيعرف ازاي على حقوقه وواجباته، أول مرة صلى وأول مرة صيام وحكم الختان ، مين معاه في أول طريقه ومين هيكمل معاه، هل هيفضل على الطريق ولا هينتكس ولما ينتكس هيرجع ازاي
ده نبذة بسيطة عن رواية سنة أولى سليمان "الوصول"
الرواية التالتة بتتكلم عن رحلة صعيدي من عيلة مآذين أب عن جد خريج أزهري طموح، ولأنه عايز بعمل حاجة لنفسه قرر يسيب إسنا ويغترب في القاهرة، كان عنده حلم واحد وهو نفس حلم جده وأبوه يكون عنده مكتب مأذونية خاص بيه، بس مش في القرية، عشان كدة اشتغل كل حاجة ممكن يقدر عليها عشان يكون لنفسه قرش يسنده شغلانة واتنين وتلاتة في نفس الوقت، وفي وسط الطريق حب إنه ينفع الناس وميكتمش العلم فقرر إنه يكون مأذون ستريمنج
مسك تليفونه فتح لايف وبقا يستقبل أسئلة الناس، سؤال معقول وسؤال لأ وكومنتات تشكره وتانية تشتمه ده غير اللي بتكراش وتعاكسه، تفتكروا هيتصرف ازاي؟ وهيعمل ايه؟
وقت الخساير والألم والمستشفيات والاستعواض هل إيمانه هيضعف ولا هيستمسك بإيمانه وإيمانه هيغلفه
دي نبذة بسيطة عن رواية مأذون ستريمنج
الروايات فيها من أحكام العبادات والسنن المهجورة بالسند الشرعي والفتاوى، يارب يكونوا في محلهم وأتمنى أن يجازيني الله ينفعنا جميعا بخيرهم ..
التلات روايات من نفس سلسلة شظايا وابطالهم ظهروا هنا كذا مرة، لكنهم منفصلين عن شظايا ثمينة ولهم حبكاتهم الخاصة بيهم
اول اتنين جزئين لبعض؛ الرحلة 1، الوصول 2، انما التالتة منفصلة تماما في الاحداث والزمن.
موجودين في بروفايلي هنا وكمان هسيب لينكاتهم في الكومنتات، الفصل ده هيتساب لمدة شهر رمضان.