صداع....... اول حاجة سمعت فاش وصلت لهاد المدينة
كانشوف فهاد الحي الشعبي كانشوف كيفاش طرا هادشي كيفاش كنا ساكنين فواحد لمدينة لي كالم وفيلا ديالنا لي كنا فرحانين فيها لحي شعبي فكازا فدار الكرا
باقي ممتقبلش هاد التغير لي طرا بين ليلة ونهار
كيفيق براء من افكارو على صوت ماماه لي كتعيط ليه
- سومية : براء ولدي اجي هبط معايا هاد لحوايج علاما يجي مول دار يعطينا سوارت
دار براء داكشي لي قالت ليه مو وبقاو واقفين كايتسناو مول الدار ، شوية كايحس بشي واحد وقف عليهم لهزة لي غايهز راسو جات عينو فعينين هاد الشخص لي كان طوييل ومكدر سمع براء صوتو لي كان فيه واحد البحة رجولية
- عثمان : خالتي سومية هاهومة السوارت ديالكم الى حتاجيتوني فشي حاجة راني فالطبقة لي فوقكم
- سومية : صافي اولدي شكرا بزاف
- براء : ماما واش هادا هو مول الدار
- سومية : اه هو هادا يالاه سربي هز معايا الحويج باش نطلعو دغيا واش غانبقاو هنايا نهار كامل
- براء : هاني جاي
بقاو كايقادو فالدار ولحوايج ما سالاو حتا لقاو بلي طاح ليل ناضت سومية صاوبات لعشا يالاه بدات كتحط لماكة فوق طابلة حتا تقطع الضو
- سومية : اوعدي مشا ضو براء نوض طلع عند السيد اجي يشوف مال الضو
- براء : اماما دابا يرجع راسو
- سومية : نوض عند السيد ولا غانوض نلبس جلابيتي ونمشي انا
- براء : صافي صافي انا غادي
هز براء التيليفون كايضوي بيه وطلع عند لي سميتو عثمان دق المرة اللولة ماحلش دق الثانية يالاه غايدق المرة الثالثة حتى تحل الباب وقابلو صدر عريان حل عثمان الباب وهو لابس غير سروال مالبس والو الفوق بقا براء حال فمو فهاد كتلة الاثارة لي قدامو
- عثمان : سد فمك را لموت كادور
وعى براء على راسو وهبط راسو بالحشمة
- عثمان : بغيتي شي حاجة ؟؟
- براء : سمحليا دقيت عليك فهاد الوقت ديرونجيتك ولاكين راه تقطع علينا الضو
- عثمان : صافي غير سبقني انا جاي
مشا عثمان لبس تيشرت وهبط صاوب ليهم الضو وشداتو سومية اتعشى معاهم لماكلة كاملة محيدش عينيه على براء لي توتر من الشوفات دياولو ، دازت هاد الليلة ولغد ليه كان براء كايجمع وراقيه باش يمشي يتسجل فليسي هاد العام عندو الباك مشا تسجل وفالطريق وهو راجع قرر انو يدور شوية فهاد الدروبة عاد ارجع لدار وهو كايمشا داز من واحد الزنق عامر بدراري
- واحد من دوك الدراري : واهيا خونا اجي نقولك
براء دار راسو مسمعوش ومتكلمش ليه
- واحد من دوك الدراري : اداك ولد القحبة كتصمكها
- براء : تقحب موك ومتبراش وجمع كرك الداك زامل كتعرفني باش تدوي معايا
فهاد اللحظة ناضو كاملين دوروه وبغاو اتحاماو عليه طير ليه واحد التيليفون وبغاو ابداو اضربو فيه ضرب براء هاداك لي قدامو وهرب كايجري ماعارفش راسو فين غادي بقا كايجري حتى لواحد اللحظة مبقاش كيحس بيهم وراه وقف وبقا كايتفس بجهد حتى حس بشي ايد جراتو يالاه بغا يغوت حتى سدات ليه فمو هز راسو حتى لقاه عثمان
- عثمان : شششش...... تهدن وشوف فيا
هز براء عينيه العسليين كايشوف فدوك العينين الكحلين لي كايشوفو فيه بهوس
- عثمان : متخافش ماكينش لي حط ايديه على حاجتي ولي حطها نقطعها ليه وتيليفونك غانجيبو ليك
جرو لعندو حتى لسق عليه وقرب لودنو وقال بهمس
- عثمان : دير فبالك نتا ديالي بوحدي ماكاينش لي يقرب ليك من غيري
________________________________
عطيوني الرأي ديالكم
اول مرة غادي نكتب شي حاجة قولو ليا كيف جاكم هادشي واش نكمل ولا لا