انطلقو يمشون ناحيه الباب تبع البيت لكن صرخت نرجس بخوف وتمسكت بذراع ناصر من سمعت صوت وراهم حط يده ناصر على يدها ولف بسرعه
الحارس:بسم الله عليك معليش بس سمعت صوت وطلعت اشوف
ناصر انتبه لنرجس الي شيلتها طايحه وسحب بيدها ورى ظهره وقال:مافي شي خلاص روح
الحارس ناظر بناصر من فوق لتحت واحتدت نظرة ناصر وبلع ريقه الحارس وصد راجعه لغرفته رجع لف ناصر على نرجس الي زفرت براحه:يماما كان بيوقف قلبي
ناصر يسحب شيلتها من كتوفها يلفها على راسها وابتسم:بسم الله على قلبك بعيد الشر أنا بكرة أراجع الكيمرات أشوف من تجرأيدخل هنا
نرجس الي فهت فيه تناظر قربه وحركته بالطرحه وحتى كلامه الي كان حنون وسرحت فيه تتحسس قلبها الي يدق بفرح لقربه انتبه لها يشوفها مصدومه فيه وضحك :يالله ترا مابنام هنا روحي البيت
تنحنحت نرجس ترجع على ورى وهي تصد تمسك قلبها وداخلها يهمس:لا ي نرجس لاتخضعين لقلبك لاتخلينه يكسرك مرتين هو عرف انك تحبينه ومع هذا راح لفرح وتركك
نزلت دمعه تمسحها بسرعه ورجعت تلف عليه وقالت بحده:يدك لاتلمسني مره ثانية تفهم ولاتحاول تتقرب مني ابد لاني مستحيل ارجع احبك
ناصر كان متاكد انها لسا تحبه ابتسم وقال:طيب انتي الي تعلقتي بذراعي خايفه
نرجس تفشلت بس قالت بسرعه:بالغلط والا انت اكثر شخص سلبت مني الأمان
ناصر نزل عيونه للأرض وهو عارف قد ايش أذاها وصدت نرجس تكمل طريقها وهي تناظر يمين ويسار خايفه همس بداخله:والله لرجع أكسبك ي نرجس
اتجه للملحق ينام وانقضت هذيك الليله على الكل البعض مبسوط والبعض زعلان والبعض مشاعر جدا عاديه
"صباح يوم جديد"
بالمستشفى عند ريم الي دخلت عند مهاب تشوفه لسا نايم وهي تفكر تنتقم من حركة البوق ولمعت ببالها فكرة ذكيه تشوف قلمها كان فيه تزيين ريشه وهي تقدمت عند راس مهاب تمسك الريشه تحركها على وجه مهاب وبسرعه تخبت تحت السرير مهاب انزعج يضرب خده ورجع يتلحف ينام ورفعت راسها ريم وحكت بالريشه بانفه وتحرك يضرب انفه وهو يفتح عيونه وسمع تمتمه ضحك وتأكد انها ريم غمض عيونه على اساس نايم ووقفت ريم تحك فيها اذنه بس استغربت ماتحرك واتجهت من الجنب وهي تحطها على عيونه وخده بس انصدمت وشهقت بخوف من مسكها بيدينها وهو يسحبها بقوه حتى وصلت معه على السرير وهو يسدحها ويحاوطها برجوله ويدينه مثبت فيها معاصم يدينها ورجف قلبها خوف وتوتر من قربه وحركته وقال وهو مبتسم:يوم تبين تنتقمين انتقمي بشي يجمل مو ريشه
ريم بتوتر:اءء بعد عني
مهاب انتبه لخوفها وقرب زياده لوجهها:إذا قلت لا
ريم بلعت ريقها بورطه وبدت تخاف منه مره وقالت بجديه وخوف:لو سمحت مهاب
مهاب انتبه لجديتها وكيف خايفه منه وقال:ليه انتي جبانه ؟
ريم بدت الدموع تجمع بعيونها وانفاسها تعلى وصدت بوجهها وجمدت ملامح مهاب الي ابد مايحب يشوف دموعها وهو مو متعود عليها إلا تضحك ومبسوطه وبسرعه ترك يدينها يبعد عنها ومد يده يوقفها عن السرير وقال:اسف
ريم ضحكت:غصب عنك
مهاب بصدمه:يعني تمثلين
ريم :كيف استاهل الاوسكار
مهاب بصدمه:منجدك والله صدقتك
ريم :تعرف على مواهبي
مهاب ماكان مقتنع انها تمثل ومتأكد انها كانت خايفه بس عرف انها تكابر ماتحب احد يشوف دموعها وكمل على اساس انها تمثل وقال:طيب بالله في احد يصحي نايم كذا
ريم :هههههههههههههههههه كيف بالله
مهاب:ماش محاوله فاشله
ريم:اهجد بس خليتك تلطم بنفسك نفس الاهبل
مهاب توسعت عيونه بصدمه:ي بت ارفعي علومك
ريم :هههههههههههههههه اقول اجهز لان بنفتك من وجهك وبروح بيتي انام التعب الف
مهاب:خروج خلاص
ريم:اي
مهاب هز راسه وطلعت ريم تجهز أوراق الخروج وتشوف اهم التعليمات الي لازم يمشي عليها مهاب ورجعت له تشوفه جاهز وشماغه على كتفه وقالت:انسف شماغك تطلع هيبه
مهاب ابتسم:لي من اسمي نصيب
ريم بغرور ترميي طرف طرحتها بخفيف:أنا لي من اسمي نصيب الريم اخخخ يالبى بس
مهااب بجديه:اتفق
ريم بغرور:ما احتاج رايك واثقه وجداً
مهاب يسحب شماغه يحاول ينسفه بس وخزه بطنه ومسكه بيده وقال:النرجسيه عندك مشكله
ريم تقدمت له تحط عقالها بيده وتنسف شماغه وقالت:يحق لي
مهاب كان يناظر قربها وبسمتها وريحه عطرها الي كانت تخترق انفاسه وحطت ريم عقاله وهي تثبت مقدمه الشماغ ورجعت على ورى وهي تناظره من فوق لتحت:امير امير
مهاب:اوه ريم تمدحني كذا يطقني عرق النرجسيه
ريم بغير انتباه:حبيبي كل من يعرف ريم لازم يصير نرجسي لانه يحق له
مهاب ضحك:انشهد
ريم:سلفي وش رايك آخر يوم تنويم
مهاب:تعالي
طلعت جوالها ريم وهي تقرب له وتفتح الكام وقبل تلقط حط يده مهاب على كتفها وارتعش جسمها تلف وجهها تناضر عيونه وتصور بدون تحس ومهاب يناظر عيونها مبتسم وهز راسها بمعنى:وش فيك
ريم تنحنح تبعد يده عن كتفها:هديت كتفي وش هالأيد
مهاب ابتسم وهو يطلع وراها واتجهو للسياره وركبت ريم معه وانطلقو لبيت مهاب
-عند رنيم الي صحيت وبثقل الأشهر الاخيره اخذت اجازه من دوامها لانها تعبانه ناضرت حوالينها استغربت شهاب الي مانام معها وفكرته زعلان منها وقفت تتجه تبدل وتو بتطلع تدور دخل شهاب
رنيم:هلا حبيبي فينك ماجيت طول الليل
شهاب:مصدع وايد ما ابي اسمع حس احد لفي الشنطه بنسافر الكويت باچر عرس غنى
رنيم انتبهت لزعله واتجهت له تمسك ذراعه:شهابي إذا باقي زعلان مني أنا آسفه وعد ما اتأخر مره ث...قاطعها لمن دفع يدها بقوه:اوفف حنه حنه خلاص ابي هدوء ماتفهمين
رنيم رجعت على ورى بخوف وخرشه وهي تمسك يدها تحطها على صدرها وتناظره بصدمه وبدت الدموع تجمع بعيونها شهاب الي صد يتمدد على السرير:لفي الملابس بسرعه بتمدد عبال تخلصين
رنيم صدت وهي مو مصدقه معقوله ذا شهاب لا لا مستحيل يكون شهاب فتحت الدولاب وحطت الشنطه وهي تجهز ملابسهم وعيونها مليانه دموع وتناظر شهاب الي على جواله ومايناظرها حتى وطاح التيشرت وناظرته تتوقعه بيفز يشيله لانها ماتقدر تطخي بسبب بطنها همست :شهاب
رفع نظره عليها وبحده:نعم
رنيم:بس ممكن تساعدني ما اقدر انزل عشان النونو
شهاب :لا يشيخه اشتغل عندچ أنا اقول خلصيني بقي ساعه ع الطياره
رنيم تحت تاثير الصدمه تشوفه يطلع تاركها وهي تنزل بصعوبه تشيل التيشيرت وحطته بالشنطه وكملت ترتيب الملابس وهي تجلس على السرير بتعب وتنهار تبكي :وش فيك شهاب معقول معد تحبني معقول زعلان مني الموضوع تافه شهاب مستحيل يزعل مني عشان كذا
عجزت تفهم وهي تنهار زياده مو مصدقه أبدا الي قدامها شهاب صدت تمسح دموعها بس شافتها داخل وهو يناظر بعيونها الحمر وقال:إذا خلصتي بكاچ الحقيني لان الطيار مابينتظرچ
رنيم تناظر بصدمه يشيل الشناط متجه للباب وهي تسبقه تمسك كتوفه:شهاب وش يصير ليه تعاملني كذا وش مسويه أنا
شهاب دفعها على جنب وطلع من الغرفه بدون اي تفسير رنيم واقفه بصدمه مو مصدقه ولا مقتنعه بأي شي يسويه شهاب ومو عارفه سبب كل الي يصير
عند عز والعايله كانو مجتمعين على الفطور ووقف عز يغسل وناظرت غيم جواله الي يدق وكان خوي دربه وعرفت انه محمد واخذت جوال عز واتجهت وراه للمغاسل وقالت:عز ممكن ترد علي محمد
عز سحب جواله:بأي حق تطلبين هالطلب
غيم:عز انت تعرف انك مهما حاولت تتجاهل محمد ماتقدر تتجاهل عشرة السنين
عز بحده:غيم لو سمحتي ما ابي أزعلك اتركي موضوعي أنا ومحمد على جنب
غيم تتكتف:طيب أنا مسافرة الكويت اليوم
عز بتعقيده:ليه؟
غيم:احضر زواج عزوتي
عز:وشو انهبلتي انتي تروحين زواج واحد متزاعل مع زوجك
غيم تتكتف:مالي دخل بموضوعكم انت تو تقول كذ
عز يمسك بذراعها بقوه:غيم اصبحي لاتخليني اصبح عليك وروحه ما انتي برايحه
غيم بتحدي:رايحه ي عز تبي تجي تعال ماتبي بكيفك بس أنا محمد له معاريف ووقفات معاي ومو أنا الي اجحد جمايله وانت تعرفني أنا عمري ما اجحد جميلة احد
عز:غيمممممم افهمي روحه مافيه
غيم تتكتف:اسفه بس أنا بروح عز أنا فاهمه انكم زعلانين من بعض بس احب اقولك في الاول والأخير كل واحد يختار الي حاب يعيش معه ونور اختارت برق وشوفها كيف مبسوطه فيه وطول الليل ماتنام إلا على صوته هي تخطت محمد وجالسه تكمل حياتها بس انت موقف على هالموقف
عز:غيم محمد كسر شوكتي قدام الكل واهانني
غيم:فاهمه عليك بس محمد كمان وقف معي يوم عايلتي تبرت مني عمي ابو محمد حطني بعيونه وعوضني عن فقد ابوي خالتي ام محمد كانت قريبه حيل مني وتحبني يمكن حتى اكثر من أديم عوضوني عن عايلتي يوم تخلت عني عز محمد غلط وانا معك بس عشان هالغلط نمحي كل شي زين عمله معنا كل افضاله نجحده هذي مو شيم الرجال ي عز
عز بصراخ يشد ذراعها:قلت لك روحه مافي وانا رحتي صدقيني انها بيني وبينك
طلع عز من المغاسل وبس استقر بنص الصاله سمع غيم الي تقول:رايحه ي عز وأحب اقولك إذا بتجي تعال ماتبي على راحتك
العايله كانو يفطرون ولفو عليهم بصدمه
عز بصراخ يرجع على غيم بقوه وقال:غيم لاتتحديني
غيم بشموخ:وانت لاتمنعني من اهلي
عز بصراخ:ناويه تجننيني حنا اهلك
غيم:هم اهلي يوم تخليتو عني
عز يمسك برقبتها يجر وجهها قريب وجهه:ان رحتي والله لهد حيلك
غيم:تعرفني أنا اقول واطول وطيارتي بعد ساعه
عز رفع يده بيضربها بس غيم ما تصرفت اي تصرف وضلت جامده نفس ماهي وصرخت ام عز:عز وكسر والله لو تمد يدك لأكسرها
عز:يمه فهمها ان محمد الزفت معد يعني لي شي
غيم:بس أنا يعني لي عز محمد اخوي الي ماجابته امي
عز بقهر:غيم انقلعي من وجهي
نواف:عز اترك البنت إذا انت زعلان على اختك هي كمان من حقها تحضر زواج اخوها
عز:يبه الله يرضى عليكم الموضوع خاص فيني أنا وغيم
رحمه:من قال خاص فيكم أنا بنفسي جتني عزيمه من ام محمد وحاضره زواج ولده
ام عز:وانا بعد
عز بصدمه:يمه جده منجدكم ومشاعر نور ؟؟
نور تناظر بعز بحب لانها تعرف ان كلشي يسويه خوف على مشاعرها
رحمه:نور وش فيها هذي هي بتعرس بعدكم وبتأخذ برق ولاعليها خلاف
عز:أنا مو معكم
نور:عز ي اخوي إذا انت مزاعل محمد عشاني احب اقولك اني تخطيته ومعد يفرق عندي يروح محمد ويحل برق صحيح كنت احب محمد بس برق عوضني حيل عنه وعشان كذا محمد ماضي وراح وأحب اقولك مافي قلبي شي عليه الله يسامحه
عز بصدمه :نور انتي بس تقولين كذا عشان أسامحه
نور:لا وربي ي اخوي أقوله من قلبي محمد ماضي وراح أنا حاضري ومستقبلي برق
عز مسك راسه بالم وهو صدع فعلاً وناضر نور الي تقول:على فكرة أنا حاظره زواج محمد كمان لان غنى صاحبتنا وتستاهل نوقف معها ولاتنسون انها يتيمه ومحتاجتنا ومحمد كمان خويك ي عز خليك احسن منه واعمل بأصلك
عز بصدمه:كيف!!!
نواف:جهزو ي الله بنسافر للكويت
عز يناظرهم بصدمه الكل راح يجهز ومابقى بالصاله إلا هو وغيم رفع نظره يناظرها بشكلها الجامد اما غيم كانت مصدومه بعز الي منجد كان شوي ويضربها وكسر شوكتها قدام الكل استحقرت نفسها وهي تحس بضعف مره وصدت بتروح الغرفه بس تفاجأت من مسك كف يدها يسحبها للمجلس ووقفها قدام وجهه
عز:غيم قولي شي
غيم:وش بيفيد مو أنا مايهم رايي ولا كلامي عادي تقتنع من الكل بس أنا لا بالطقاق
عز:لاتقولين كذا مو صح
غيم:شفت بعيوني كيف تسمع من الكل وتقتنع منهم بس أنا لا
عز يقرب يمسك ذقنها:غيمي مو كذا بس أنا انصدمت بنور توقعت لسا زعلانه
غيم تدفع يده:بعد عز خلاص كفايه جروح منك تعب قلبي
عز يمسك يدها:اسف
غيم:ما اقدر أسامحك اعتذر
عز بصدمه:غيم منجدك؟
غيم بصراخ تضرب كتفه:مالي رأي ولا اهميه بحياتك كل همك تداري خاطر الكل وانا لا بستين داهيه ايام وانا احاول أطيب خاطرك مع محمد وانا متاكده انك لسا تحب خويك صح جرحك بس اعتذر حاول يطيب خاطرك بس صديته أنا ماهمني سامحته او لا بس أنا محمد اخوي الي وقف معاي بأمر ياعز أنا كنت محتاجه فيها عزوه وسند أنا كنت ابي أوقف بفرحته وانت تمنعني عشان اختك وش ذنبي طيب دام انت زعلان على آختك أنا كمان زعلانه على اخوي
عز بصدمه:غيم كل هالزعل عش...قاطعته غيم تشد راسه :خلاص تعبت منك ومن هالموضوع ومن هالمشاكل الي ماتخلص كل ماراق خاطري جاء شي يعكره كل ما اقول ضحكت لي الحياه ترجع تثبت العكس
عز يشوفها منفعله:غيم خ...قاطعته بعصبيه وصراخ:غيم غيم غيم الله ياخذ غيم وترتاحون منها
شهق عز بصدمه ووو