بســم ﷲ الرحمــن الرحيــم
السـلام عليڪم
#بيـن انيابهـم
#بقلمـي أنـا: زهــࢪاء
حساب الانستا: zaii1_8
لا تنسون التصويت +التعليق بين الفقرات
+احبڪم زهوراتـي 💋
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بحــر
محسن.... حضرت الجن شقة اثنينجن لأن هناك الشقق صغار ما تكفي بس كلش كبال شقتي
حَنينة.... عادي يمة هم خاف زوجتك تتضايك
محسن... تتضايق او لا ما الها حق تحجي امي وبنتي
ابتسمتلو ومتعجبة تغير حالو وشلون صار جاي احجي واندك الباب بكل قوتو
عقد ابوي حاجبو
محسن.... منو يجيلكم هيج وقت؟
بحــر.... محد يجي هين
كام وكمت وراه راح فتح الباب جفلت من دحكتو أيسـر سلم على ابوي ودخل دحكلي و نظراتو كلها توعد
أيسـر.... اعتذر منك عمي بس ما كدرت اجي صار عندي شغل
محسن.... لا و لا يهمك تفضل
أيسـر... لا ما يحتاج مستعجل بس اريد احجي وية بحــر دقايق
محسن... اي عادي ماكو مشكلة
دخل بالديوانية هوَ وابوي بقيت واكفة بمكاني حجت بيبي
حَنينة.... روحي احجي وية رجلج
بحــر... ما اريدو و لا اريد احجي وياه
حَنينة... نعلي الشيطان وولي احجي وياه
بحــر... ببيبييي فهمينيي ما اريدوووووو عاااد ما احبوو لا اسلووب بي خيررر لا يحبني المنن باااقية يموو
اتنهدت بيبي
حَنينة... روحي خصمي وياه السالفة وخلي يطلكج
هزيت راسي وطلع ابوي من الديوانية واشرلي
محسن... فوتي
دخلت للديوانية وسديت الباب وراي اول ما دحكني هجم عليّ لزمني من فكي وصاح من بين اسنانو
أيسـر.... أننننه موو كتتتتلج اكسررهن الرجليج اذا عتبتتتي بااب البيت ليشش تعاانديين ليششش
وخرت ايدو عني وصحت
بحــر... افهمم ما ارريد اكملل حياتي وياااك افهمم أيسررر
أيسـر... انننه اريد مو بكيفج فااهمة طلاك ما اطلك وسفر ما تسافرين
نزلن ادموعي و صحت
بحــر... مو على كيفك أيسـر اررريد اروح ما اريد اعيش يمك كاافي افهممني زواجنة بالاجباار واني انجبررت علليك موو انتت نفسكك الي ما رتدددني والحد هسااع ما ادحك بعيوونك حب اللي
مسح وجهو وحجة
أيسـر... عوفي الحب وعوفي هالتمسلت تنجبين وتبقين يمي ما ترحين
بحــر.... ارووح يعنييي اروووح
أيسـر.. طكي راسج بالحايط
طكت روحي منو انفجرت بالبجي دفعتو عني وبقيت ابجي وامسح ادموعي اتمنى اخنكو بأيدي دحكتو واكف وعينو علي وايدو ورة ظهرو اتنهد
أيسـر.... تبجين؟! الهدرجة ما تردين العيشة وياي؟
هزيت راسي بأي حرك. فكو وجاوبني
أيسـر.... روحي بحــر الله ومحمد وعلي وياج سافري وية ابوج بس ما اطلكج فترة اذا شفتي مرتاحة هناك والوضع يناسبج خابريلي واجيلج نتفاهم
حجاها ومد ايدو ومسح ادموعي بلعت ريكي و الكلام ضاع مني اتقدم يمي وجرني من راسي الصدرو اتنهدت وبقيت على نفس وضعي مدة وابتعد عني طلع جوزدانو من جيبو وسحب فلوس منو
أيسـر..... ديري بالج على نفسج وهذا مصرف خليه جوة ايدج
بحــر.... ما يحتاج ا
قاطعني
أيسـر.... ما اريد اعتراض ما طول بعدج على ذمتي ما تاخذين مصرف من غيري
سكتت ما اعترضت اخذتهن منو وكلت بعدين ارجعهن الو سلم وطلع رجعت دخلت للبيت
حَنينة.... ها يمة
بحــر... كالي فترة اذا صارلج الوضع هناك اجي اطلكج
حَنينة.... يصير خير
ثاني يوم ابوي اخذ بيبي للدكتور حتى يسألو يصير تسافر او لا واني بقيت كاعدة بالبيت وحدي لا شغل ولا شي حتى الشغل عفتو لأن راح نسافر بعد مدة رجعو ابوي وبيبي
بحــر..... شنو كال الدكتور
محسن.... كال ثلاث ايام اذا بقى سكرها مستقر تكدر تسافر
بحــر.... اي يا بيبي ما تكدرين تلتزمين بس هاي الثلاث ايام
حَنينة... انجبي ملتزمة ونص
بحــر.... اهااا عجل والچاي الي استكانتج ما تنشال من الشكر
حَنينة.... هنه اربع اخواشيك قابل اموت من وراهن
محسن.... صدك جذب يمة اربع خواشيك وانت سكرج يصعد بسرعة ما يصير
حَنينة.... اي عود ما اشرب هاي الجم يوم
محسن... بحــر مهمتج هاي عينج عليها
بحــر.... هههه لعبتي
حَنينة.... دروح مخليلي هاي المصكوعة تراقبني شني زغيرة كدامك
ضحك وحجة
محسن..... أني رايح ادحك صباح و وائل
اختفت ابتسامتي و حتى بيبي ما عجبها لأن خاف ايروح الهم ويغيرو علينة دحك ردة فعلنة وحجة
محسن.... لا تخافن هالمرة قراري ثابت بس رايح اشوفهم واعاتبهم
حَنينة..... الله وياك يمه
طلع ابوي من البيت رحت سديت الباب وراه ورجعت خليت راسي بحضن بيبي
بحــر.... بيبي تتوقعين نتأقلم هناك؟
حَنينة..... ما ادري يمه
بحــر.... بس انروح اكل الابوي يشغلني حتى اشيل مصرفنة
حَنينة.... احسلج ما تبقين مكابلتني وكاعدة
رفعت نفسي الها وبستها
بحــر.... لو ابقى مكابلتج عمررررر ما راح امل
ضحكت ودفعتني عنها
حَنينة.... مصكوعة بطلي لواڪة
بحــر..... فوك ما احبج
حَنينة..... حبتج حية ام سبع روس
ضحكت ورجعت نمت يمها بيبي اول سبب خلاني اعوف أيسـر ما اكدر اخليها وحدها هيَ مرة جبيرة وتعبانة صعبة عليّ اخليها عايشة وحدها وحتى لو راحت وية ابوي اعرفها ما تتأقلم وية مرتو وتحس نفسها ثكيلة فراح يضطر ابوي يخليها بشقة وحدها
مرن ثلاث ايام وبيبي سكرها زين اجة وقت الي نسافر بوقتها خفت وهاي هم خطوة جديدة بحياتي بس بعدين كلت احسلي المن باقيهة هين ما عندي شي يربطني اروح ادحك حياتي هناك واعيش واشتغل ويم بيبي وابوي كاعدة سافرنة واول ما وصلنة دخلنة الشقتنة.
•••••••••••••••
شُــــذير
بيوم الي انكشفت ليلى حسيت هم وانزاح على كلبي والاهم زڪـريا طلكها
كلمن راح الغرفتة وراحو بيت خالو رحمن صعدت للغرفة واتمددت على جربايتي وكعدت اكلب بالموبايل اجة اشعار من زڪـريا بسرعة كعدت على حيلي شفتة كاتب
زڪـريا.... شُــــذير تعاي الغرفتي
شفتها وابتسمت كمت بسرعة ضحكت اآرام وحجت
آرام..... احممم احمممم
درتلها
شُــــذير.... انجبييي
آرام... لازم حبيب الكلب ودة رسالة
شُــــذير.... اهووو آرام سكتي عفية
آرام..... شوف شوف صارت حمرة و الابتسامة شاكة الحلك طبعاً طبعاً غير حلا الها الجو ليلى الحية وخلصنة منها
ضحكت وحجيت
شُــــذير.... شبيج وياي و الله ما بيناتنة شي بس انتِ عقلج وصخ
آرام... عقلي وصخ لو انتم تجيبون الشك حتى منيب شاك بيكم
فتحت عيوني بصدمة
شُــــذير.... جذاااااااااابة
آرام.... و العباس كل ما توكفون السوة يباوع من جوة ليجوة
بقيت صافنة شوية ومديت راسي من الباب ماشفت احد موجود رفعت البجامة ما ادري ليش وطكيتها بركضة الغرفة زڪـريا دخلت وركعت الباب وخليت ايدي على كلبي و اتنفست بسرعة اجت عيني على زكريا كاعد على الجرباية اشرلي اجي يمة مشيت بتردد ورحت كعدت يمة بس بعيد عنة
زڪـريا.... بعد بعد كعدي بطرف الجرباية شدعوة هالكد قريبة
كمت اريد اكعدب طرف الجرباية جرني من ايدي ووكعدني يمة قريب منة خجلت وحبست انفاسي
شُــــذير.... زڪـريا وخر لحد يشوفونة
لف ايدة على كتفي وحجي
زڪـريا..... اكوم هسه انتحر احد يلومني مو كاعدين وحدنة منو يشوفنة يعني؟
رفعتلة نضري
شُــــذير.... شسمة ضايج لأن طلكت هذيج الحية
زڪـريا.... قشمر الفاهية ام راس الاحمر بربج اضوج على هيج وحدة؟
هزيت راسي بلا
زڪـريا....شبيج طاكج ثول
شُــــذير..... اهووو زڪـريا و الله ضوجتني انت و آرام داني مو فاهية انتم من كد ما ملطلطين تشوفوني فاهية
حجيتها وبسرعة انلصمت رفع حواجبة وهو لازم ضحكتة
زڪـريا.... ادبسزز منو الملطلط؟
شُــــذير..... شبيك مو هذا يعني شسمة
ضحك وغماني
زڪـريا..... يلا تكبرين وتبطلين فهاوة
هزيت راسي بأي لزم ايدي بأيدة الثانية وكعد يلعب بأصابعي وايدة الثانية دايرة على كتفي خجلت من قربة مني ما متعودة على هيج قرب راسة الي لفحتني انفاسة همس
زڪـريا.... فرحانة؟
لا ارادي هزيت راسي بأي حسيت بشفايفة على خدي فزيت واجيت اكوم قيدني بحضنة ورجع همس
زڪـريا.... من تبتسمين عبالك وردة متفتحة..... لبـة حشـاي
شُــــذير.... ز زڪـريا
زڪـريا.... نور عيونة
شُــــذير..... خلي اروح
زڪـريا.... جؤ اليوم تنامين يمي
هزيت راسي بلا ما اهتم مد ايدة للتنبلام طفة الضوة اتمدد واخذني الحضنة مد ايدة الكصيبتي
زڪـريا.... شنو هاللون الحلو عبالك فرولاية
ابتسمتلة
زڪـريا.... شبيج صوتج راح احجيلج كلمة
شُــــذير..... شنو احجي
زڪـريا.... ليمتة تحسين؟
شُــــذير..... بيمن احس
زڪـريا..... يبووووووو بجدي بجدي تحسين بي يحبج لا
شُــــذير.... شبيك زڪـريا أني وين اعرف جدك وين شايفني هوَ
زڪـريا..... خرب حظك يا زڪـريا
شُــــذير.... شبي حظك
زڪـريا.... بسببج جاي اشك بأبو اللحم الاشتري منة
شُــــذير... ليش شبي
زڪـريا.... يبيع لحم مطاية
شُــــذير.... عزززا صدددك؟
ما حجة بقى يهتز من الضحك ضحكت على ضحكتة مسح وجهة وحجة
زڪـريا... شيصبرها الروح
شُــــذير... يلا يلا كضة العمر
زڪـريا.... بعدني بعز شبابي شكضي منة ولو من وراج يكضي
شُــــذير.... لا زڪـريا ما اسمحلك هذا الوجهة الطيب تحجي عليه
اتنهد وحجة
زڪـريا...... ااخ يا يابة صدك طيب جنة فراولاية
ابتسمت بخجل واحس ما ادري شنو ببطني بس هيج خبطت من الخجل حمحت وغيرت الموضوع
شُــــذير.... لكيت الفيديو عند ليلى؟
زڪـريا..... اي محتفظة بي بلابتوب
شُــــذير.... زين وهذا طليق آرام شنو سويتولة؟
زڪـريا.... منيب سوالة اللازم
شُــــذير.... يعني آرام راح ترجع اداوم؟
زڪـريا... اي الاسبوع اليجي
سكتت ما حجيت شوية وسألني
زڪـريا.... شذورة انتِ هم تضوجين من تنامين يمي؟
بقيت صافنة شنو ارد أني ما عندي مشكلة انام هنا بالعكس احسن لأن آرام تدرس و ما اكدر انام
زڪـريا... ما تجاوبين؟
لميت شفتي للداخل واستحيت احجي مديتلة ايدي وحجيت
شُــــذير.... انطيني موبايلك
انطاني اياه دخلت ع الملاحظات و كتبتلة السكوت علامة الرضا
انطيتها الة وبسرعة درت غطيت وجهي بالبطانية ونمت ما احس الة زڪـريا منفجر بالضحك ضميت وجهي بالمخدة وخجلانة وهوَ يزيد بالضحك
حضني من ظهري وخلة وجهة بركبتي دغدغني بلحيتة وصاح
زڪـريا..... شنووو هالسوووالف الحلووووة فرولايييية رمااااانة
ابتسمت الة وما جاوبتة ثاني يوم بحــر راحت وية ابوها وكلنة ضجنة عليها ورة ربع ساعة من راحت اجة خالو أيسـر وكللب البيت كلاب لأن عفناها اتروح بس كلنة ما ندري ما يقبل اخر شي عافنة وطلع مرن هذن الكم يوم بهدوء ورة اسبوعين تقريباً جنت جاي اغسل بالمواعين فات خالو أيسـر من يمي باوعلي واتقدم يمي جفلت وسديت الماي اجيت اروح وصاح بأسمي رجعت وكفت يمة مصدومة اول مرة يلفظ اسمي سنين صارلي عدهم ما حاجي وياي حمحم وكال
أيسـر....شوفي شُـــــذير انت عندج تلفون مو؟
هزيت راسي بأي
أيسـر.... عندج رقم بحــر
هزيت راسي بلا
أيسـر.... وين راح صوتج ما تحجين؟
هزيت راسي بأي
عقد حاجبة وهز ايدة
أيسـر.... عندج رقمها لو لا
شُــــذير.... لا
أيسـر.... شعجب
شُــــذير... مو زڪـريا ما يقبل اخلي رقم اي احد
أيسـر.. معليج بزكريا أنه احاجيه خلي انطيج رقمها وتخابريلها وتسألين غخليها بس ما تكليلها أنه كتلج متفقين؟
بقيت صافنة هذا شبي بس كلت يلا اسويها لله وهم اسأل على بحــر رحت انطيتة موبايلي خلة الرقم واتصل ووكف يمي
شُــــذير.... خالو ما ترد
أيسـر... اتصلي مرة ثانية ما ترد على رقم غريب لو اكلج كتبيلها أنه شُــــذير
كتبتلها بسرعة أني شُــــذير شوية وشافتها رجعت اتصلت بيها جاوبتني بسرعة اشرلي افتح سبيكر فتحت
شُــــذير.... هلاو بحــر شلونج
بحــر.... يا هلا بهالصوت زين من اتذكرتيني
شُــــذير... ههههههه بعد قنعت زڪـريا وخليت رقمج بموبايلي المهم شلونج طمنيني عنج
بحــر..... الحمد الله زينة
اشرلي أسألها مرتاحة
شُــــذير.... ان شاء الله مرتاحة هناك
بحــر.... اي و الله مرتاحة
اشرلي اسألها مشتاقة الة لو لا فتحت عيوني بصدمة وهزيت راسي بلا استحي اسألها هيج اسألة بس بعدين كسر خاطري رجعت حجيت
شُــــذير..... مشتاقة الخالو أيسـر؟
بحــر.... خيولي عجل بس اني تردين اشتاقلو لو صدك يريدني ابقى يمو جان خابرني
شُــــذير..... مو خطية
اشرلي احجي انُ هوَ ملتهي وتعبان و كلش ضايج
شُــــذير.... هوَ كلش ملتهي وتعبان و كلش ضايج
سكتت شوية وبعدين حجت
بحــر... شُــــذير اكو واحد يمج؟
فتحت عيوني بصدمة ما احس الة خالو أيسـر اخذ الموبايل مني وسداه وغماني
أيسـر... ما دبرتيها
شُــــذير.... يااا اني شلي علاقة هيَ بحــر تلكفها بعدين خالو لو كاتبلي الورقة بأسئلة
أيسـر... الورقة بأسئلة منين جايبتها هاي؟
سكتت من انتبهت الروحي شنو حجيت انطاني الموبايل وحجة
أيسـر... اروح الآرام ادبرها احسن
شُــــذير.... بعدهي ما جاية من الجامعة
دارلي مصدوم وعاقد حاجبة
أيسـر...... ليش بعدها زڪريا ما راح عليها؟؟؟
شُــــذير.... ما ادري
طلع بسرعة موبايلة وية ما جاي يتصل دخل زڪـريا وحدة
أيسـر... وين آرام
زڪـريا..... منيب ودالي رسالة كال أنه اجيبها
أيسـر.... الهسسسه ما جايين وين رااحوا
زڪـريا..... شنووووو الهسه ما جااية؟؟ خابرررهم بلا بسرعة
اتصل خالو أيسـر على منيب موبايلة مغلق اتصلو على آرام نفس الشي خفنة عليهم وين راحوا ما معقولة الساعة بالاربعة ونص وهمه ما موجودين واذا طالعين ينطونة خبر اجة خالو أحمد يمنة بس سمع بالصار طلع بسرعة بسيارتة لحظات اشبه بالرعب محد منهم يرد و موبايلاتهم اثنينهم مغلقة شوية وانفتح باب المطبخ التفتنة اثنينة ودخل خالو منيب هوَ و رضا
زڪـريا.... آررررررااام ويننننها؟؟
باوعلهم بأستغراب
منيب.... شبيك مو انتَ توصلها وتجيبها
زڪـريا.... لا تخبلننننننننني مو وديتلللي رساالة كتلللي أنه اجيبهااااا
منيب.... رسااالتيش يمعووود تلفوني ضايع من البارحة ما ادري بي وين
بهاي كلماتة عبالك صعقنة على راسنة حجت بيبي وهيَ تحاول تهدي الجو
زهــرة.... كولو يا الله يمه هسه تلكونها كاعدة بالجامعة لو راڪبة تكسي وجاية
أسيل.... يمه تلفونها مغلق بنتيي شبيها جيبوووها الي
دك موبايل خالو أيسـر فزينة كلنة عبالنة آرام طلع خالو أحمد
أيسـر..... ها بوية
أحمد.... اختك ما هي ما لكيتها بالجامعة بتيي ماا ادرري بيهاا ويييين
انسد بسرعة ركض خالو أيسـر برة و وراه الولد بقيت بمكاني وادموعي تنزل يا ربي وين راحت كلشي ولا آرام قريبة مني وما تستاهل اي شي يصير بيها بقيت اكل بأظافري وافتر بالمطبخ خالة أسيل كاعدة ومخلية ايديها على راسها وبيبي راحت تدعي رفعت راسها بعد مدة وحجت
أسيل..... يمه خابري الزڪـريا
فتحت الموبايل وخابرت بسرعة الزڪـريا ما رد اباوعلها منتظرة مني جواب هزيت راسي بلا
شُــــذير..... ما رد خالة
ما احس الة طاحت من الكرسي ع الكاع ركضت الها وصحت بصوت عالي على صوتي اجت بيبي و رضا حاولنا نرفعها أني ورضا وبيبي بصعوبة كعدناها وسندناها ع الكاوتتر شمرت بيبي على وجهة ماي وهي تصلي على محمد و تردد
زهــرة.... كولي يالله ام أيسـر هسه نلكاها شسالفة ماكو شي حبربشية تلكينها تخب بالجامعة
شوية وكعدت خالة أسيل ورجعنة على نفس وضعنة خايفين ومحد يرد على اي اتصال
.........................
آرام
خلصت المحاضرة وكعدت اتاني زڪـريا يجي عليّ اتأخر كلش اجيت اخابرلة وكعدت يمي صديقتي اتعرفت عليها ببداية الدوام
رحيق.... شفتي دكتور مصطفى الحقير شلون جايب الاسئلة
آرام.... بالعباس مو هوَ اخترع المادة اذا هيَ صعبة شيسويلها
رحيق.... لا ادافعيلة هوَ يعوف السهل ويجيب الصعب
هزيت ايدي
آرام..... بلا ما تنجبين هوَ وين اكو سهل حتى يجيبة بس كولي أنه ما ادرس
رحيق.... لا ادرس اصلاً بس من اشوفج انسة
آرام.... قصدج من تشوفين فلان تنسين مو
ضحكت وسوت روحها خجلانة
آرام.... ما يلوكلج والله
رحيق... والله ما تسوين واهس انتِ اصلاً جذب ما احبة هوَ وجه واحد ينحب جنة حية ام سليمان..... المهم شنو اخوج متأخر عليج شعجب
آرام... هسه يجي خاف عندة شغل
رحيق.... ها زين اكلج هوَ شكد عمرة؟
آرام.....27 سنة ومتزوج اربعة وما ينجرع ابدددد
رحيق.... يااااااا هذا متزووج اررربعة ومبين سبورررتي
آرام..... لا بس مظهر اربعة متزوج يومية ينيمهن بكتلة و يكعدهن بكتلة
رحيق.... زين هذاك الصاك ابو السيارة الرصاصية
آرام... منيب هذا يتزوج ويطلك و ابو نسوان ما يفيدج
رحيق.... زين ما عندج بعد اخو
آرام... ما يفيدونج والله كلهم متزوجين خليج ملتهية بالمسعد مالتج يلوكلج
اجت تحجي وصاحتلها بنية اجة خطهم كلتلي اروح وياها ما قبلت راحت وبقيت وحدي ثواني واجالي اشعار رسالة طلعت تلفوني من الجنطة ودخلت على الرسائل لكيت منيب كاتبلي
منيب... آرام طلعلي ورة الجامعة ما خلوني اوكف بالباب
سديت التلفون واخذت جنطتي وملازمي وطلعت نفخت بضجر هسه منيب لو جايني شيدورني أنه طلعت تلفوني ردت اكتبلة لكيتة طافي ما بي شحن غميتة وكملت طريقي وانه احجي على منيب كل مرة زڪـريا يوكف سيارتة عبر الشارع وهوَ يجي يعبرني وصلت ورة الجامعة استغربت ما لكيت سيارة منيب استغفرت الله ولزمت كلاتي بألم لأن بقيت كاعدة هواي اجيت ارجع للجامعة وما احس الة ايد غطت حلكي فتحت عيوني على وسعهن وصحت بس بصوت داخلي بقيت ادفع واصيح اريد ادفعة واعرفة منو ما كدرت ما احس الة بادت روحي بدون لا ادري
فتحت عيوني والم رراسي موتني اجيت اصيح انتبهت شادين حلكي باوعت للمكان غرفة فارغة وبس اني بية زحفت على مقعدي وعيوني دمعن وين انه وين جايبيني نزلن ادموعي وبقيت اشهك بصوت عالي انفتح الباب فزيت ورفعت راسي جفلت من شفت حسين الدم وكف بجسمي ولحظات اشبه بالرعب شكلة يلعب النفس ومضروب بوجهة ومزورك رجعت ليورة اكثر ضحك بخباثة واجة كعد على تك رجل قرب من وجهي درتة بسرعة وكلبي دكاتة الف وادعي اخلص منة لاحتني انفاسة لعبت نفسي و اتذكرت هذاك اليوم الاسود
حسين.... هههههههه عبالهم اخوانج ما الزمج انه حسينننن يمد اخوووج ال**** ايدددة عللللليّ بسيطة اذا ما اندمة ما اطلع اسمي حسين
حجاها وفتح الوصلة درت عليه وتفلت بوجهة وصحت
آرام..... ياااااا ***** يااا ما تستحييي طلعننننييي مناا يا بلاااا شررررررف
جرني من حجابي وصاح
حسين..... تحلمممين اطلللعج اذا ما انددم اخووانج واتووونس وياج
شهكت ورفعت رجلي ورفستة
آرام..... وووووخررر ايددددك يااا نكسسسسسسس عووووفنننني ياا نااااااااس يا عااالم ساااااادعوووووووني
حسين.... ههه لو تموتين محد يوصلج
انفتح الباب رفعت راسي بسرعة فتحت عيوني بصدمة من شفت ليلى صحت بحركة كلب
آرام.... يااا حقيرررررررة شكدد شفتت نذليين بس مثلج ما شفتت طلعوووووني مناااا و الله لوو يلزموووكم اخوووواني يندموووكم عالساعة الفكرتوو بيها تخطفووووني
ليلى.... هههههههههه هاي اذا لكوج عدلة اصلاً
بهت وجهي حاولت ما اخاف منهم بس ما اكدر اثنينهم ماڪو اسوء منهم نفضت الافكار من راسي وصحت
آرام.... طززززز حتى لو ميتة يحفرولكم كبركم قبل كبرري
هجمت عليّ ضربتني راشدي بكل قوتها اتمنيت ايدي مفتوحة صحت
آرام.... حساااافة انتِ بت عمي معتزززز حساااافة تنتميين النه يا متستحيننن ولكمم بيكمممم خيرررررررر فتحوو ايدي والله لشووفكممم أسيللل شجااااابت
ليلى.... جااابت ****
آرام.... مثل ما جاابت امممج
مدت ايدها الحسين
آرام... انطيني الواير
حسين... ههه صار
بقت عيوني تنتقل بيناتهم بخوف واحاول اخفي خوفي انطاها واير حيل ضعيف طبكتة اثنين بعدني ما مستوعبة وما احس الة ضربتني على رجليّ صحت بألم واتوالت عليّ بالضرب بقيت اصيح وادفعها وازيد بالغلط شاغت روحي وكلاتي موتتني من الوجع و علاجي ما شاربتة ما اتحملت نزلن ادموعي وبقيت ادعي عليهم فجأة دك تلفونة رفعو بسرعة وزحجة
حسين.... شنوووووو؟؟ خووو ما كتلوووهم.... حلو الموضووووووع طلعوووني من السااالفة بسرررعة.... شلوووون عرررفو شلووووون
سداه وصاح
حسين.... ال**** رااايحين هااادين على بيتتتنة
عافت الواير وحجت بصدمة
ليلى..... شنوووو بسسسس لا امك حجت
حسين..... لا لا كلولهم مسافر
.............
شُــــذير
قلق وخوف وتوتر صابنة محد يرد من عدهم وكل ما يزيد الوقت نفقد الامل لليل واجو بيت خالو رحمن بدون سلام ولا كلام اخذو اسلحتهم وطلعو بقت خالة نادية يمنة صفكت ايد بأيد وعضت صبعها
نادية..... ااااااخ هيج من الله ويلكون الخاطف ارويم ويخلونة بأيدي ولك عفت الوادم كلها اجيت على هاي الفقيرة
زهــرة.... ما هي خالية السالفة
مسحت على كتف خالة أسيل
نادية..... عوفي البجي خيه واندعليها انت كلب ام وبلكت الله يسهل الها منين تتلكاها المصايب هاي البت
اندك الباب فزينة كلنة عبالنة اجو
نادية... روحي خالة بسرعة فتحي البلب
ركضت بكل سرعتي فتحت الباب الرئيسي صارت بوجهي هُيام
هُيام.... ها شنو ما لكوها
شُــــذير.... لا لسة يدورون
هُيام.... عززا وين راحت البنية
بقيت ساكتة سديت الباب ودخلنة عبالهن احد اجة من شافن هُيام سكتن بعد مدة حجت بيبي
زهــرة... بلا خابري الواحد من ولدج
طلعت خالة نادية تلفونها وخابرت رد عليها اكرم كلشي ما فهمنة من اتصالها بس تكول... صهااام الصخمنيي اااي والله يستاهلون يا يا حللل
سدتة منة وتلكيناها نستفسر
نادية.... شايفين حسين بالكاميرات الكبال الجامعة يفتر بسيارتة ورايحين هادين على بيتهم
زهــرة.... لا يا **** يا **** ابن ال**** ولكمم انطوووني اياااه شيريدد من البتتتت الخااااايس
دكت خالة أسيل على صدرها
أسيل.... صخااام الصخمنني بتييي راحت بيد هذا النذلللل
هُيام.... زين ما كلج شيريد خاف يريد فلوس
نادية..... سداه ابن المصخمة ما خلاني افتهم شي
بقت كل فكرة تجينة اسوء من الثانية الحد. ما اندك الهورنات عرفناهم اجو كمت بسرعة فتحت الهم الباب نزلو من السيارات ودخلو كلهم تعبانين والحزن باين على وجوهم اباوع الخالو أحمد عيونة بكصتة وحمر دخلو بالصالة وكلها واكفة محد كعد رحت جبت الهم كلاصات ماي سفري و وزعتة الهم اخذو
زهــرة..... خايبين وينها ما لكيتوها
صفك ايديه خالو وحجة بقهر
أحمد... ماا ادرررري ما ادررري وينهااا ال**** حسيننننن متأكددددين عنننندة بس اهلللة يكووولون مسااافرين
معتز... اهدا يا خوية هسه ايسر يشوف صاحبة وبلكت يسويلة وساطة ويكدر يقدم شكوة
أڪرم..... اي اذا قدم شكوة نكدر نفتش بيتهم
انتبهت الزڪـريا و حسن ما موجودين شوية وطلع خالو أحمد وطلع وياه خالو معتز وخالو رحمن بقة اكرم يمنة للخمسة الفجر واجة زڪـريا و حسن اول ما دخلو حجو
زڪـريا... لبسن عبيجن وتعالن بسرعة
زهــرة.... ليش ولك
زڪـريا... بعدين تعرفن بسرعة يلا
حسن.... عالسريع
كامن بسرعة لبسن عبيهن باوعلي زڪـريا
زڪـريا... وانت هم يلا
هزيت راسي وصعدت طيارة لبست بشتي ونزلت لكيتهم كاملين الفضول كتلني وين رايحين انقسمنة سيارتين صعدت وية زڪـريا و ويانة بيبي زهــرة وخالة أسيل او ما صعدنة حجة
زڪـريا.... اتأكدنة آرام عد هذا ***** بس الشرطة ما تقبل نقدم دعوة عليهم اريدجن ترحن وتسوون اللازم وية امة وتسجلن صوتها وهي تحجي و تعترف
زهــرة... لا يااااا **** ابن **** بسيطة يخايب لعبتي
أسيل.... ابوك يدري؟
زڪـريا..... لا
أسيل.... جا شلون يمه خاف يصير شي ويكعد يلوم بينة
زڪـريا.... كلشي ما يصير كولي يا الله
اتنهدت
أسيل.. ونعم بالله استعجل يمة
داس السيارة بأعلى سرعتة بس بيتهم حيل بعيد لأن شالو وصلنة بعد مدة طويل وقريب الستة ونص اول ما اجت عيني على سيارة خالو أيسـر ببداية الفرع وكفنة يمة احنه وسيارة اكرم ونزلنة
أيسـر.... ابوه واخوه توة طلعو بيتهم فارغ هسه
اجة خالو منيب شايل عصص هواي من خشب واعوادين ماسحات انطة اول شي البيبي و خالة نادية وزعهن النة وحجة
منيب.... يلا نسوان عشيرة **** الميدان الجن
زڪـريا.... جايبة تلفونج؟
شُـــــذير... لا
انطاني زڪـريا موبايلة
زڪـريا... سجلي الحجي من تعترف
هزيت راسي واخذتة منة علمني الرمز و رحنة ضمت هُيام العصة جوة البشت وراحت دكت الباب لأن هيَ الوحيدة الي لابسة كمامة وما مبين وجهة طولو وهمه ما فاتحين الباب دقايق واجانة صوت بنية من ورة الباب
.... منو
هُيام... السلام عليكم عيني بدون زحمة عدنة لقاح اذا عدكم طفل
سمعناها فتحت الباب بعدهي ما فاتحتها وبيبي دفعت الباب ودخلت هجمت عليها بالحديدة واتردد
زهــرة..... ويننن اررررويم احجيييي
دخلنة و هُيام قفلت الباب بسرعة بقت هاي البنية اتصرخ وبيبي تغلط طلعت ام حسين
ام حسين.... وسم شبيج تصرخين
بس شافتنة فتحت عيونها بصدمة واجت تركض جوة بسرعة ركضتلها خالة نادية لزمتها من شعرها وتضرب بيها بقيت صافنة ومفهية واني من يمي عظامي اتكسرن نامت بالكاع وخالة نادية تضرب والغلط يذكرني من جنت عند ابتهال لزمتها من شعرها ورفعتها الة بسرعة استوعبت فتحت موبايل زڪـريا وصورت
نادية..... شوفي ولج انعل ابوج يا ابو ابنج ***** كدرتو على هاي البت اليوم اشك *** اذا ما كلتي ابنج ال**** وين ضامتة بيا خيسة
حجت بصعوبة
ام حسين.... ما ا ادري م مسافر
نادية... مسافر مو؟ سافر الجهنممم كون هوو وامة باعي لج سوالفج مالت ال**** مو علينة شفنة ابنج يفتر كدام الجامعة هسه اذا ما حجيتي طلقة براسج واشوف يا **** يطلع وراج
بقت صافنة وبهت لونها و صدك خافت نزعت خالة نادية عبايتها وشدتها على خصرها ورفعت اردانتها
نادية.... هاي ما تحجي بالعيني والاغاتي
انتبهت الببيبي هم كامت عن مرت اخو باوعت الخالة نادية واشرت الها
نادية... خلي ندخلهن جوة لا يشهرنة بصوتهن صوت ال****
حجتها وجرت ام حسين من شعرها جوة
زهــرة.... تعاي هيام عينيني جريها وياي
هُيام.... ما اكدر حامل
عافتها واجت خالة أسيل جرتها جوة للبيت رحت وراهن بسرعة لكيت خالة نادية مربطة ام حسين من ايديها جرتها من شعرها وحجت
نادية.... خايبة صبري خلص تحجين ابنج الك**** ورايح بالبت لا اشعلج شعل انت وعطوبج ام ** الخايس
حجت مرت اخوه
... هسههههه أني شعلي بيهم عووووفنيي
طكتها بيبي بالعصة
زهــرة..... اكلي خـ/را كلكم بهذا البيت ****ووتعرفون ال**** وين راح بس تتسترولة
نادية... ما تحجن مو؟
بقن ساكتات باوعتلي وحجت
نادية... طلعي المسدس من الجنطة
فزن اثنينهن وأني استغربت مسدسيش حتى ما جايبين جنط اجيت احجي واستوعبت جاي تخوفهن باوعن وحدة للثانية بخوف رجعت امة باوعت الخالة نادية
ام حسين.... كتلج ما اندلة ولا اعرفة وين
شمرت عصتها واشرتلي
نادية.... روحي حميلي السجين
بقيت صافنة صاحت مرة ثانية فزيت ووسديت التسجيل ورحت ادور على المطبخ ما اندلة وين الحد ما لكيتة دخلت واجت وراية هُيام
فتحنة الجرارات واندور على سجين رفعتلي هُيام جفجفير
هُيام.... هذا احسن
اخذتة منها وشغلت اكبر عين بالوسط وخليت الجفجير عليها خليتها تتحمى كلش وكلتلي هُيام اشيلها بوصلة خاف احترك دورت على بيز وشلتها بي ورحت اخذتها الخالة النادية اخذتة مني وراحت خلتة كبالها فتحت عيونها بصدمة وصاحت
ام حسين.... وخرررررري وخرررررري عنننننننننني
نادية.... تحجين لا بالله اطبعة ب***
ام حسين..... احجييي بسس وخرررري
وخرتة عنها فتحت التسجيل بسرعة حجت
ام حسين.... بمنطقة ****
مجرد ما حجت هيج خلتة خالة تادية على فخذها صاحت بصوت عالي واني سديت التسجيل وركضت بسرعة برة طلعت من البيت لكيتهم واكفين نهاية الفرع ركضت الهم وانطيت الزڪـريا التسجيل وحجيت
شُــــذير.... اسمع الثاني بي العنوان كالت بـ****
اول ما سمعو رادو يركبون السيارات حجة خالو أيسـر
أيسـر.... لحظة منو كلكم ما تجذب امة قابل بسرعة تعترف
منيب.... انروح ما خسرانين شي وانتم ابقو هنا وخلي يبقن جوة اذا ما لكيناهم رجعن شوفن شغلجن
راحو زڪـريا و خالو منيب وحسن وبقو خالو أيسـر و اڪرم رجعت للبيت بس دخلت حجيت
شُــــذير.... خالو أيسـر يكول ابقن هنا انروح نتأكد من المكان يلا
انتبهت الهن مربطاتهن وحدة بصف الثانية وبيبي متربعة كبالهن وكلساع اطك وحدة
زهــرة... اي عرفناها خاف جذابة اليوم كاعديلها كعدة
ام حسين.... و الله م
ضربتها نادية بالعصا على حلكها
نادية.... بري منج الله لا تحلفين بجلالتة
ما ادري شجاني بوقتها بس اتمنيت ابتهال ابدال ام حسين وهيج يسون بيها و ازيد
انتبهت الخالة أسيل كاعدة على صفحة وعيونها مدمعة نزلن ادموعي وياها وين هسه آرام و شنو حالها
ورة نص ساعة دك موبايل خالة نادية اشرتلي ارد رحت بسرعة اخذت الموبايل شفت الاسم زڪـريا جاوبت بسرعة
زڪـريا..... شوفن شغلجن جذابة مو بهذا المكان منطيتجن عنوان غلط
جنت فاتحة سبيكر مجرد. ما خالة نادية وبيبي سمعن بالحجي انهالن بالغلط والضرب عليهن احتارن شيسون بيهن اخر شي تعبن وامة ما تقبل تحجي لـ11 الصبح احنه يمهن اخر شي ملينة وخفنة خاف يجي ابوه لو اخوه او احد من الجيران ردنة انروح بس صاحت بيبي
زهــرة..... ما انشلع من مچاني اذا ما تحجي آرويم وين اكرمعها اتكرمع اليوم
بقينة واكفين و ننتظر بيبي شنو اتسوي كامت وجابت العصة و بقت تضربهن بقوة بشكو منطقة حساسة وتأذي ابتعدت بسرعة ومن يمي تتأذيت هاي لو أني احجي حتى بمكان قبري الما اندلة وين
شافت خالة نادية هيج الوضع جابت العصة وكعدت تضرب وية بيبي وانواع الغلط حسيتها راح ينغمى عليها صاحت بصوت عالي
ام حسين...احجيييي بس وخررررن احجييي اااااااخ يمممه ااااااااخ
ضربتها بيبي براسها
زهــرة... اشكج والحسين اذا هالمرة جذبتي
ام حسين.... لا والله احجي والله
بسرعة دكيت على زگـريا حتى يسمع حجت
ام حسين... بديالى بمنطقة الـ*****
سداه بسرعة عرفتهم راحو اتصل خالو أيسـر جاوبنة
أيسـر.... شُـــــذير ڪليلهم خلي يطلعن بسرعة ابوه على جية
شُـــــذير... و أذا كالن الة
أيسـر.... شبيج انت واذا كالن احنه اهل الحك يلا يلا
سداه رحت كلتلهن اخذلهن كتلة اخيرة وطلعنة من بيتهم رجعنة البيتنة و ننتظر اي خبر عن آرام شوية واجة خالو أحمد مبين عصبي بس دخل صاح
احمد...... منوووو كلكمممممم ترحووووون البيتهممممم شمسووووياتتتتت انتنننن
أيسـر...... ما الهن علاقة المهم عرفنو مكانها امشي نتبعهم
احمد.... شنوو عرفتووو مكانننها ويننن؟
رحمن..... وين كالو
أيسـر.... بديالى
راحو بسرعة وتبعو زڪـريا والباقي
•••••••••••••••••••••••••
آرام
عافت الواير وحجت بصدمة
ليلى..... شنوووو بسسسس لا امك حجت
حسين..... لا لا كلولهم مسافر
ليلى..... خو ما عرفو أنه وياك ابوي يذبحني والله عبالة يم امي عد خوالي
حسين.... لا لا ما يعرفون مستحيل يعترفون على مكاني
باوعتلي بحقد ورفستني برجلها
ليلى.....***** الله يااااااخذذذج
آرام..... مو قبل ما اشوفج شلون تتعاقبين ياااا حقيررررررة للللللج حساااافة انتت من دممممي ولحممممممي بسيطة اذااا ما شوووووفتتتتج الوووووويل
بس خللللي ارررجع
حسين.... هاي اذا رجعتي
بهت وجهي بخوف يا ربي لا بس لا اموت على ايد هذا النكس طلعو هوَ وليلى بقيت متمددة بالكاع و الالم ذابحني جسمي كلة يأذيني حسيت الدنيا وكفت بعيني ما خلصت منة ومن شرة فوك ما دمرني ڪافي شنو يريد مني مو كافي السواه بية كسرني بليلة عرسي وطلكني شيريد بعد مني اكو شي وما اخذة راسي من الوجع ما احس بيه حسيت هاي ليلتي الاخيرة لان الشفتة بيومها محد يحملة غمضت عيوني وبجيت شوية وحسيت بصوت رعيد زادن ادموعي بخوف انه اخاف من صوت المطر كمت بصعوبة و زحفت بالزاوية وابجي بصوت عالي اريد يوكف المطر وصوت الرعيد ذبحني ذبح و كل ما جاية يزيد ما اعرف شكد مر وقت بس جان كفيل بأن انتهي
مدة كلش طويلة وانفتح الباب انخفض نفسي بسرعة صار كدامي حسين رجعت ليورة اكثر بخوف ضحك بطرف شفتة وحجة
حسين... كبل لا تموتين خلي اتونس بيج
فزيت وصحت بعلو صوتي
آرام...... لااااااااااااا علللليك الله لااا احللللفك بروووووح اهللللللك بأعززز شيي عنددددددك لا تسويليييي شيييي وخررررررررررر لااا تتقررررب وخرررررررررررررررر
هجم عليّ يريد يشد حلكي بوصلة بقيت ابحي واصرخ واستنجند بأي احد كلبي من الوجع راح يوكف وجسمي كلة يرجف من الخوف بقيت اصيح الحد ما شد حلكي اختفى صوتي و ادموعي ينزلن بقيت ادفع برجلي واهز راسي بلا نزع قميصة بسرعة غمضت عيوني بقرف ورفعت راسي ليفوم ادعي لا يا ربي ادمر ولله ادمر اذا سوالي شي
فجأة اجت على بالي الليلة السودة الي بعرسي شهكت وخفت وبقيت ادفع وادعي من الله يخلصني منة شك ملابسي اجيت ادفعة برجلي ضربني راشدي بكل قوتة انتيهت بأيدة وبوقتها آرام انطفت مو نفس قبل اغتصبني بأبشع طريقة بوحشية تحت رفضي وبجيي وتوسالاتي ما كدرت استوعب الصار انغمى عليّ واتمنيت ما اكعد بعد
الم بكل جسمي هوسه حوالي ما مستوعبة الجاي يصير بقيت اخذ نفس بصعوبة وانه اسمع صوت زڪـريا يصيح
زڪـريا.... لزززززمو الـ***** لزموووووو
اتمنيت ميتة ولا بعدني عايشة واخواني يشوفوني بهذا المنظر حسيت بشي فوك جسمي عرفتة من لمستة ابوي خلة راسي بحضنة فتحت عيوني ببطئ ورجعت غمضتهن وبعد ما دريت بالصار
••••••••••••••••••••
شُـــــذير
لكوو آرام بوقتها كلها فرحت بس من سمعنة النذل مغتصبها انصدمنة وخالة أسيل كعدت ادك على راسها وتبجي البيت انملة بالحزن وكلبنة انكسر عليها ورة فترة دزو على وحدة اتروح يمها بالمستشفى كامت خالة أسيل بدلت بسرعة واخذتلها ملابس وراحت هيَ وبيبي كعدت على صفحة وابجي والله ما تستاهل الي يصير بيها مر اسبوع و آرام بالمستشفى محد الة خلك يحجي وية الثاني من كد ما بالنة وياها حسين لزموه وقدمو عليه شكوة وعلى امة لأن جانت مشاركتة من كعظت آرام ما نطقت بكلمة غير ••ليلى وياه ••
بوقتها اتخبلنة وخالو احمد كال الخالو معتز موتها على ايدي بس خالو معتز بقى يتوسل بي وكالة ابعدها عن حياتكم و ازجوها بعيد عن بيتكم بس عوفها مع هذا ضل دممهم محترك بيومها سمعنة من هُيام خالو معتز رايح الخوالها وموتها بالضرب وكوة خالها مخلصها من ايدة وكايلة عوفها وازوجها الابني
رجعت آرام من المستشفى متغيرة 180 درجة وتعبانة حيل مرت فترة قريب الشهر وفاجأنة خالو أيسـر كال مسافر بس ما كال وين مسافر
..................
بحــر
مرت فترة استقرينة يم ابوي وماكو افضل منة مرتاحين وأني هم اشتغلت صح ابوي رفض بس قنعتو زوجتو زينة صح مو كلش بس من دحكتنة ما ندخل بيها ولا بولدها هي هم اجتنبتنة اتعرفت على خواتي واخواني صح علاقتي بيهم مو هالكت بس يعني المهم اسمي عايشة يمهم اابتعدت هاي الفترة عن أيسـر وحتى ما ارد على اتصالاتو
بيوم افتقدت آرام و شُـــــذير خابرت عليهم محد اترد استغربت شنو السبب يومين على نفس الحالة الحد ما خابرتلي شُـــــذير وعرفت الصار وية آرام احترك دمي عليها وما ضلت سبة ما سبيتها الو كمت اريد اكول البيبي تدعيلها وحسيت بدوخة حيل قوية لزمت بالباب ووغمضت عيوني بألم الدنيا تفتر بية
فتحت عيوني وبسرعة اتراجعت وجريت الكرسي مالت ميز التواليت وكعدت عليه حسيت بخطوات بأتجاهي رفعت راسي دحكتني بيبي
حَنينة... يا يمة اسم الله شبيج
بحــر... لا هيج دوخة عادية
حَنينة... شو صارلج جم يوم صفرة وما عاجبني وضعج
اجيت احجي انتبهت العيوني وحجت
حَنينة... خايبة يمكن انتِ حامل
رمشت بصدمة وصحت
بحــر..... شنوووووووو!!!... شتحجين بيبي حامل من منو يولي سكتي سكتي
غمتني
حَنينة... خايبة ويهددد منين حامل يعني من *** الهايشة اي غير من رجلج
بحــر... بس بيبي لا مو معقلة احبل بهاي السرعة عفية لا تكولينها
حَنينة..... ما تتونسين يصير عندج فرخ خايبة أنه اول ما سمعت بروحي حامل كمت انكز من الفرح وهمداني من فرحت جبت صبيح ابو الوصخ
ضحكت وطردت الافكار من راسي شنو قابل صدك حامل هيَ بيبي شدراها
مر اسبوع وانتبهت للشهرية متأخرة زاد خوفي وبقيت اندعي كون صدك مو حامل من الشغل وطلعت للصيديلة كتلو بالانكليزي اريد تحليل حمل انطاني اخذتو منو ودفعت فلوسو ورجعت للشقة اول ما وصلت سويتو اتفاجأت من طلعت حامل خليتو على صفحو وكعدت افتر بالحمام ومصدومة يا ربي شسوووي هساع اني وين اولي بروحي ما اريد شي يربطني بأيسـر صح الي شبه مشاعر تجاهو بس ما مستعدة ارجعلو
طلعت الدموع بعيني وما ادري شسوي بنفسي رحت كعدت بغرفتي وحسبة تجيبني وحسبة توديني ما اعرف شنو اتصرف ارجع الو او لا بس ما اريدو احسو متملك ومو متفهم حتى مشاعرو ما مفهمني اياها عضيت شفتي بقهر ورفعت راسي ليفوك ولزمت بطني شنو ذنبو للطفل زين وشنو ذنبي أني هوَ يعرف بية اريد اطلك منو
دخلت بيبي دحكتني كاعدة
حَنينة.... كومي اتعشي
بلعت ريكي وحجيت
بحــر.... بيبي أني حامل
ما احس الة بيبي طكتها بهلولة عالية زادن ادموعي اجت باوستني وتحجي
حَنينة.... الف مبروك يمة ما اصدك يجي اليوم واشوف خلفتج بحضينج....(دحكتني ساكتة حجت بلوم)... يولي شبيج ضايجة غيرج يتمناااه لا تتعافين على نعمة الله
بحــر.. بس بيبي
حَنينة.... لا بس و لا شي الصار صار و هساع انتِ حامل وبس لا تردين تخلفين وتنطيه الو لو تخلينو عندج يولي اتذكري نفسج شلون اتعلعلتي نعلي الشيطان ورجعي الرجلج واذا ما عاجبج اسلوبو يتعدل عجل انتِ تردين واحد كامل اخلاق وخلقة واسلوب ودين وفلوس يولي هذا بالسحبة ما تلكينو
اتنهدت وحجيت
بحــر.... ما ادري بيبي خليني افكر
حَنينة.... فكري يا يمة ما تدرين من يسمعج حامل شنو ردة فعلو احتمال من وحدو يحس على نفسو ويتغير وانه اشوفو خوش ولد ما دحكتي شسوة من اخذنة ابوج
بقيت ساڪتة شوية وبيبي كامت وطلعت من الغرفة كضبت بطني وصفنت يا ترى شنو ردة فعلو من يعرف أني حامل
زين اذا ارجعلو منو يكول يتغير وبيبي وين اتروح اصلاً لو ما اني اجي هين مستحيل بيبي تسافر وية ابوي واذا رجعتلو اكيد ترجع للعراق وهم تكعد وحدها وهيَ مرة جبيرة ومريضة وما ترهم ابد اتنهدت ودحكت البطني خلصت هاي الليلة بين افڪاري و حيرتي
ضميت الموضوع بيني وبين بيبي واتخذت هاي الفترة بس افكر بيها و اراجع نفسي بين ارجعلو وبين لا مرات تجي عيني على بطني واكول شنو ذنبو يتربى بدون اب ان كانت بنت او ولد مصيرو نفسي متشتتة
زين اكيد اذا عرف بية حامل واطلكت منو راح ياخذو مني
مر شهر وقررت لازم اكلو مهمه صار من حقو يعرف
لزمت جهازي ودحكت حسابو مخابرلي هواي ودازلي رسائل بس اني ما ادخل عليهم دخلت على الاستوري مالتو فتحت عيوني بصدمة من دحكتو ناشر صورة ايدو وية بنت نفسها النشرها ببداية زواجنة فار دمي وكتبتلو واني احس نار تطلع من اذاناتي
بحــر...... يا ما تستحي مسوي نفسك تريدني ياا خاااين الله ياخذك
مجرد ما دزيتها الو دز
أيسـر.... ههههههههههههههه
بحــر..... وسم حتى سم الخاين
أيسـر... تغارين هيو؟
دزها واتصل سديتو بوجهو وكلت لو يموت ما ارجعلو كتبتلو
بحــر.... والله ما ترهم عليك اغنية غير ابو البنات انتَ من كد ما تحب النسوان تتمنى تتعدة الشرع وتتزوج خمسة ستة هم نمس وهم شايف نفسو انت مدحك نفسك بالمراية عبالك الف دينار ويحجي النوب ياريت الناشر وياها صورة ايدها حلوة عبالك ايد زلمة النوب شسمنها تروحلي فدوة صدك ما عندك ذوق الله ياخذك وياخذها
أيسـر... ههههههههههههههه لو ادري هيج تراسلين جان نشرتها من زمان
ما جاوبتو سديتو وانقهرت منو وضجت اشو ما خلاني اروح وية ابوي وكضاها علي اكسر رجلج واكسرو الراسج وهساع يخوني
بلعت ريكي ودمعن عيوني معقولة رجع للي يحبها؟ بس هوَ كال أني ناسيها وجانت علاقة عابرة وهيج زين خاف غير وحدة قطع تفكيري تلفوني يتصل دحكتو النمس ياخبرلي اخذتو واترددت اجاوبو اخر شي كلت خلي ادحكو شنو يريد يمسلت جاوبتو
بحــر..... ها الخاين
أيسـر.... ضجتي داهيه؟
بحــر.... معليك بية
أيسـر..... من كل عقلج اعوف الكاهي العندي واروح ادور غيرة؟
رمشت بصدمة وخجلت بلعت ريكي وابتسمت حمحت وحجيت
بحــر.... لا تضحك عليّ بالحجي
أيسـر.... جؤ عيب شنو اضحك عليج ما اضحك عالجهال
بحــر..... موووووو صوجككك صووجي أني اردد عللليك
أيسـر.... هههه اتشاقة شبيج نفسية
بحــر.... اتعلمت منك
أيسـر.... اخلاقج العالية
بحــر... اترسك اخلاق
أيسـر... هم انعم الله
بحــر... منو هاي التنشر صورك وياها
أيسـر.... هههههههه عليج الله عود صدك صدكتي؟
بحــر.... عجل ليش ما اصدك هاي صورة ايدك اعرفها عبالك كرك ويمك ايد بنية
أيسـر... ركزي بالايد الثانية وين شايفتها
بحــر.... عساني اشوفها بجهنم
أيسـر.... هههه بلا هوَ اكيد داخل بس عرفي منو
بحــر... سطرتني منو قصدك؟
ضحك ورجع حجة
أيسـر..... أيد منيب بس ماسح الشعر من ايدة ومعدلها مسويها مالت بنيات
بحــر...... هااااااا؟؟؟
أيسـر.... ههههه اوكفي هسه اوديلج الاصلية
بقيت انتظرو وصدك دزلي الاصلية وايدو واضحة غميتهم اثنينهم النوب شلون كاضبو عبالك صدك كاضب حبيبتو رجع اتصل جاوبتو
أيسـر..... ها داهيه شفتيها لا
بحــر... اي دحكتها عجل المن ناشرها
أيسـر.... حتى اضوجج واخليج تراسلين
بحــر.... اصلاً من البداية اريد احاجيك
أيسـر.... اويلي من البداية احس بيج مشتاقتلي
بحــر.... احساس جيس حب لا ما مشتاقتلك
أيسـر.... ادبسزز خليني هسه متأمل
بحــر... غير احجي الصدك
أيسـر... شنو تردين تحجين
بحــر.... أيسـر
أيسـر.... ها يابة
بحــر.... أني حامل
سكت وصار هدوء يمكن ما استوعب شوية وصاح
أيسـر..... شنووووووووو علللليج الله؟
بحــر.... و الله أيسـر شبيك
انسد التلفون بقيت صافنة هذا شبي ضاج لو فرح شبي هساع
عشر دقايق ورجع اتصل جاوبتو
أيسـر.... عود صدك حامل
بحــر.... والله شبيك أيسـر
دك كاميرا اتردد اجاوبو
بحــر.... المن داك كاميرا
أيسـر.... جاوبي
كمت بسرعة دحكت عالمراية شكلي حلو واتراكي حلو رحت كعدت على الجرباية ورفعت الاتصال دحكتو مبتسم مسح وجهو ومن كد ما مبين فرحان وجهو صاير احمر اتفاجأت من ردة فعلو ما كدرت اضم ابتسامتي عنو
أيسـر... عود صدك حامل؟
بحــر.... عجل يولي اضحك عليك
بقة مبتسم وما يعرف شنو يحجي وكلساع يمسح وجهو
بحــر....فرحان
أيسـر..... چا مخبل ما افرح طبعاً افرح
بلعت ريكي وحجيت
بحــر... فرحان بالطفل لو بية؟
أيسـر... بيكم اثنينكم
ابتسمت و بقينة ندحك ببعض وما نعرف ايش نحجي يمكن هالطفل الله رزقنة بيه حتى يجمعنة سوة مدة وحمحم وحجة
أيسـر.... بحــر اجي ارجعج؟
اتنهدت وما عرفت شنو اجاوبو
أيسـر..... جاوبيني
بحــر.... ما اعرف أيسـر
أيسـر.... اجيلج ونتفاهم؟
هزيت راسي بأي
أيسـر..... هذا هوَ احاول خلال هاي الايام اجيلج
بقينة نحجي شوية وسديتو مرن كم يوم وبيوم الصبح واتصل بية أيسـر وكال جاي اتوترت حيل وحاولت افكر بحل النة يناسبنة اثنينة
رحت يم بيبي وهم حاجتني حتى ارجعلو شوية واجة ابوي هم كعد يمنة
مر الوقت وخابرلي انطيتو العنوان المضبوط واسم المنطقة الكاعدين بيها
بحــر.... من توصل هين انطيني خبر حتى اخلي ابوي ينزل
أيسـر.... تمام
شوية وخابرلي وكلي وصلت نزل ابوي بقيت كاعدة يم بيبي بالصالة
حَنينة.... مو تتعاركون بهداوة
بحــر.... لا بيبي شسالفة جهال نتعارك
حَنينة.... مو تاكلينو بالحجي بتفاهم
بحــر... بيبي تحسسيني أني المو خوش
حَنينة.... اثنينكم مو خوش بس صيري اعقل
بحــر.... ماكو برزانة عقلي
حَنينة.... اي من ****
بحــر... ههههههههههههه بيبي شفتي النسوان المصلخة واخذج الواهس وانحرفتي
حَنينة.... لا يا طايحة الحظ ما الومج مصكوعة من يومج
ضحكت وسكتت شوية وانفتح الباب دخلو ابوي و أيسـر كمت سلمت من بعيد وكعد نص ساعة ما فتح الموضوع كلام عادي بينو وبين ابوي وعن الشغل شوية وبيبي كامت واشرت الابوي يكوم فهمها وكام
محسن.... يلا بابا اخذو راحتكم
طلع هوَ وبيبي كمت سديت الباب وراهم ودرت لكيتو وراي اتفاجأت شكومو مو جان كاعد ما احس الة اخذني الحضنو وحضني بكل قوتو ما كدرت اقاوم حضنو لفيت ايدي على ظهرو وسندت راسي الى صدرو باسني براسي وهمس
أيسـر.... شلونج كاهيتي
ابتعدت عنو احس وجهي اشتعل نار واريد اطم روحي بالكاع ابتسم واخذ بأيدي ومشة مشيت وياه ورحنة كعدنة بالصالة كعد قريب يمي اتنهد وحجة بجدية
أيسـر.... شنو رأيج نبدي من جديد؟
بحــر... شلون يعني!
أيسـر.... عادي نعتبر زواجنة تقليدي وننسة الصار والاسباب الي اتزوجنة على مودها
لميت شفتي للداخل وحجيت
بحــر.... اريد اتعدل اسلوبك
أيسـر.... شبي اسلوبي ما يعجبج
بحــر.... بعد ما يعجبني غيرو
أيسـر.... صار وبعد؟
بحــر.... تبطل استفزاز وكلمة نتناقش بخصوص المستقبل
مجرد ما حجيتها انفجر بالضحك ضحكت وياه غمني وحجة
أيسـر..... بت الحلو مو جنتي ماشية صح شجابج على النقاشات اذا ما نتناقش شلون حبلتي
بحــر.... والله ما تستحي انتَ
أيسـر.... ميخالف هيَ كلها ما تستحي بقت عليّ
بحــر.... لا والله كلها عدها اخلاق
أيسـر... حتى انه عندي اخلاق بس ما تشوفينها
بحــر.... بلا شوفني اياها
ضحك بخبث ودنك همسلي كلام مو حلو بسرعة طفرت ومن الخجل ضربتو راشدي على كيفي
بحــر..... قليل ادب
انفجر بالضحك بشكل هستيري ويدك على رجلو فقد بالضحك هزيت ايدي وبعدني مصدومة منو وكف عن الضحك وبقى يكح اتقربت منو دكيت على ظهرو بكل قوتي
بحــر.... صحة صحة
كمت انطيتو ماي شربو ومد ايدو خلاه على الميز مسح وجهو ويردد
أيسـر.... استغفر الله ربي ضحك خير ضحك خير وية هاي الوجهوه الطيبة
استوعب واختفت ابتسامتو كرصني بزندي
بحــر.... اااخ شبيييك
أيسـر.... شلون تمدين ايدج على رجلج حزام ظهرج
فركت زندي بألم
بحــر.... شنو حزام ظهرج قابل انتَ س****
حك لحيتو
أيسـر.... اثنينة ما تصير النة چارة
بحــر.... شو صدك
أيسـر.... يلا كافي خلي نحجي جد
اتنهدت وسندت ظهري على التخم
بحــر... أيسـر اني ما جنت افكر بالزواج بسبب بيبي جنت افكر بيها هي ربتني واني زغيرة وسوت كلشي على مودي وهساع من كبرت واتمرضت لازم اردلها جميلها حتى هساع اني هين وردت اطلك منك على مودها ما اريد تبقى وحدها وما جنت اتحمل من هيَ عايشة وحدها ببيت مرة جبيرة حلاتها مرتاحة وكلشي يجيلها جاهز
أيسـر.... زين و الحل؟
بحــر..... أيسـر اريد بيت نعيش بي اني وبيبي وانتَ يم بيت اهلك
بقى ساكت حك حاجبو يفكر شوية ورفعلي راسو
أيسـر... بيبيتج تقبل؟
بحــر..... ما ادري ما سائلتها
هز راسو
أيسـر.... ما عندي مشكلة بس بالبداية سأليها
بحــر..... صدك؟؟؟
أيسـر.... والله
ابتسمتلو وفرحت حيلل هذا انسب حل ابتمسلي اختفت ابتسامتي من نضراتو فركت اصابعي بتوتر قرب راسو مني واخذ شفايفي غمضت عيوني واندمجت وياه ابتعد عني كرصني بخدي وكام كمت وياه
بحــر.... وين رايح
أيسـر.... للفندق
بحــر.... عجل ما تبقى هين؟
أيسـر..... لا حاجز وليمتة ما تكملون خابريلي تمام داهية؟
ابتسمتلو وهزيت راسي بأي اتقرب باسني براسي وراح رجعو بيبيتي وابوي حاجيتهم واول ما سمعت بيبي بالشرط الهليتو صاحت
حَنينة.... شنوو شنو ولج من كل عقلج اعيش تالي عمري عد النسيب؟
محسن.... لا بابا لا مو حجي هذا بيبيتج ما تتتحرك منا كاعدة عندي معززة مكرمة
بحــر.... بس بيبي اني اريدج يمي
دكت على رجلها
حَنينة.... لا تخبليني ولج مجلبة بية المن عيشي حياتج وروحي أني هين باقية يم ابوج ابني مبتعدة عنو سنيت ما صدكت يرجعلو عقلو. ترديني اعوفو
اتنهدت وبيبي بقت تحجي وابوي هم اخر شي عفتهم وكمت خابرتلو الأيسر وكتلو بيبي ما قبلت بالبداية خاف عبالو بطلت ما ارجعلو بس بعدين كتلو باجر يجي علي لميت ملابسي وكضيت الليلة بحضن بيبي ثاني يوم سلمت على ابوي ووصاني اي شي يصير اخابرلو وهاي الشقة شقتنة اني وبيبي ايمت ما اضوج اجي هين وصة أيسـر عليّ ورحنة صعدنة بالسيارة ومشت شوية ووكفت كدام فندق درتلو
بحــر.... عجل مو للمطار؟
أيسـر.... لا قابل اتروح سفرتنة خالي بلاش نزلي
فتحت الباب و نزلت نزل جنطتي دخلنة بالفندق وبقينة كم يوم اعتبرناها شهر عسل وبعدها رجعنة للعراق
•••••••••••••
شُـــــذير
رجع خالو أيسـر واتفجأنة بجية بحــر وياه وفرحنة من عرفناها حامل جانت اول مرة نفرح بعد هذاك الحادث
آرام اعتزلت روحها و حتى الجامعة تركتها وما جاي اداوم وما تطلع يم احد بس خالو احمد يدخل الها الاكل واتررجع الصينية نفس ما هيَ ودخلنة بـ2019 وهاي السنة أني نجحت من الثاني وراح اداوم ثالث متوسط
ا
جان زڪـريا كل يوم يدرسني بيوم رجع من داومة صعدت اريد اكلة احطلك غدة او لا اول ما دخلت صارت عيني عالكاع لكيتة مبدل وعايف ملابسة بالكاع لأول مرة كل مرة يغسلهن ويشرهن رفعت راسي شفتة نايم رحت يمة
شُـــــذير.... زڪـريا شبيك
حجيتها ونغزتة بكتفة
فتح عيونة
زڪـريا.... فلاوزنة وخري عني لا اعديج
شُـــــذير.... ياا زين اشرب علاج
زڪـريا... شربت بس كلة من هذاك منيب ابو راس عداني
طلعت من يمة وسديت الباب نزلت سويتلة عصير وسويت الآرام وياه خليتهن بصينية ورحت دكيت الباب على آرام ودخلت لكيت خالو أيسـر كاعد ويسولف وياها وهي مدنكة راسها وتلعب بأظافرها
أيسـر.... شوفي تڪج جابلج عصير
ما انطت اي ردة فعل اشرلي اجيبة رحت انطيتة الة وهوَ كعد يحاول يشربها
طلعت من الغرفة ورحت الغرفة زڪـريا دخلت وسديت الباب وراي
لكيتة كاعد ويفرك راسة بألم انطيتة العصير وكعدت يمة واباوعلة بخوف اول مرة اخاف عليه صح هي فلاونزة بس ما ادري شبية شرب العصير وباوعلي مستغرب
زڪـريا... شبيج ولج
شُـــــذير.... ها لا ما بية شي اشرب علاج حتى اتصير زين
زڪـريا.... شربت جا كلساع
بقيت ساكتة ما ادري شنو اكول غمض عيونة وسند راسة على الجرباية كمت من يمة وصرت ام النسوان الماكو مني اخذت ملابسة ورحت للحمام خليتهن بالغسالة وشغلتها ونزلت درست جوة شوية وصاحلي من فوك
زڪـريا... شُـــــذير
جانت خالة أسيل تكصص بتيتة وتباووع هي وبيبي مسلسل صاح مرة ثانية
زڪـريا..... شُـــــذير
زهــرة.... يووو شبي هذا يجوعر
أسيل... يمة حبيبة اذا ما عندج شي كومي شوفي
عفت الكتاب وكمت صعدت فوك فتحت باب الغرفة واتخصرت
شُـــــذير.... شبيك اتصيح ترا جاي ادرس
زڪـريا.... ملابسي وينهن تلفوني اريدة ليش شلتيهن
بهت وجهي ورمشت بصدمة نزلت ايدي بسرعة ومشيت للحمام طفيت الغسالة ومديت ايدي بالبنطرون فتحت عيوني بصدمة وما مصدكة سحبتة وطلعت موبايل زڪـريا دكيت على خدي ورجعتة للغسالة انهطبت بمكاني هسه شيسوي بية النوب مريض وروحة بخمشة و موبايلة جديد ما صارلة شهر من مشتريه رجعت للغرفة بتررد بلعت ريكي ومن الخوف حجيت
شُـــــذير.... خالو
عقد حاجبة
زڪـريا.... يا خالو ولج شذكركج بالخالو؟
رمشت بفشلة
شُـــــذير..... اقصد زڪـريا
زڪـريا..... ها
شُـــــذير.... شوف شوف اتخيل يعني مو صدك بس اتخيل
زڪـريا.... شنوة؟
شُـــــذير.... شوف اتخيل مو صدك يعني
زڪـريا.... اي غير تحجي
شُـــــذير.... اتخيل أني مخربة موبايلك شسوي بية
اشر عالبنكة
زڪـريا..... شايفة هاي البنكة؟
رفعت راسي الها وهزيتة بأي
زڪـريا.... اسويلج فرة بيها تتونسين
رجعت نضري الة وطفرت وصحت بصدمة
شُـــــذير..... يمممممممه
استوعب وصاح
زڪـريا... تعاااي لج بس لا مخربة تلفووني؟
طفرت من مكاني واني اردد
شُـــــذير.... والحسين مو قصدي
ركضت اريد اطلع طفر كام سد الباب ركضت بسرعة واني اصيح
شُـــــذير.... مووو قصدددي ييييمممممه
وهوَ يركض وراي صارت الجرباية بيناتنة حجة بتهديد
زڪـريا.... خلي الزمج اذبج من الشباج ولللج تتتعااااي
شُـــــذير..... موو قصددي هووو خرررب
زڪـريا... اي مو زعل مني وخرررب من وحددددة شمسويتلة
شُـــــذير... غسلتة بالغسالة بس مو قصددددي
طفر عالجرباية وهو يردد
زڪـريا.... خلي الزمج اغسلج بالغسالة غسل
فتت عيوني بصدمة وما لحكت اركض طفر لزمني من كصيبتي وجرني صحت بألم
شُـــــذير... ووووج يمممممه
لزمت ايدة اللازم بيها كصيبتي جريتها منة راد يرجع يلزمني ركضت من يمة رفعت ايدي بأستسلام وصحت
شُـــــذير.... تحااااالف
زڪـريا... ها؟
شُـــــذير.... بس تجي يمي اصيح و العباس اروح الخالو أحمد اكلة زڪـريا ضربني و غلط عليّ
اتقدم يمي
زڪـريا... شسويتلج ولج؟
رجعت ليورة
شُـــــذير.... ترا اصرخ مو عبالك خرسة
زڪـريا.... لا منيلج خرسة هذا اللسانج يلعلع يمي
شُـــــذير.... اي مو عبالك
وصل يمي اجيت ارجع ليورة ما احس الة جرني من خصري الة فزيت واجيت ادفعة لزمني من ايدي ودنك راسة باسني بخدي وهمس
زڪـريا.... رمانة
بلعت ريكي وغمضت عيوني من حسيت شفايفة على شفايفي رجفن رجليّ وخفت بسرعة دفعتة رفع راسة عني و ابتسم راد يحجي وانفتح الباب
.
.
.
.
.
.
.
الى هنا و انتهت العثـرة الثالثـة و الاربـعـون
تصبحون على الف خير 🤎