بســم ﷲ الرحمــن الرحيــم
السـلام عليڪم
#بيـن انيابهـم
#بقلمـي أنـا: زهــࢪاء
حساب الانستا: zaii1_8
لا تنسون التصويت +التعليق بين الفقرات
+احبڪم زهوراتـي 💋
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بحـــر
رجعنة من الحسينية اني وياه وبيبي بسيارة الطرية ڪلو يسولف وية بيبي عادي و لا فتح موضوع طلاقنة اصلاً وهذا الشي ريحني لأن ما اريد اضوجها البيبي وصلنها للبيت ردت انزل وياها حجت
حَنينة.... لا يمة روحي وية رجلج
دحكتو يضحك بطرف شفتو من ما خلتني انزل وياها طنكرت وسكتت دخلت البيتهم و هوَ حرك السيارة
بحـــر.... هساع شلون اكابلك لو مخليتني بيبي اجي يمها
أيســر... ما اتريد تكابل وجهج
بحـــر.... شڪد مزعج وشايف نفسك عبالك بس انتَ وبس
أيســر.... على كيفج استهدي يالمتواضعة يالماكو نفسج على اساس انتِ الما رافعة خشمج
بحـــر.... ما ارفعو بس على الاصغر مني
أيســر.... شقصدج ادبسزز؟
بحـــر.... اهو أيســر اذا اتريد تتعارك اطبك على صفحة لا نندعم ما اريد اموت وياك
ضحك و هز ايدو وسكت كتفت ايدية وكعدت ادردم
بحـــر.... رافعة خشمي بلا عجل اتعامل وياي نفس الاودام و اني ما ارفعو الخشمي اذا اسلوبك مو حلو شلون اتريدني اعاملك؟
أيســر.... مو حلو أسلوبـي؟
التفتت الو وهزيت راسي بأي دحكلي ومحتار شنو ايرد حسيتو اول مرة احد يصارحو ان اسلوبو مو حلو ولسانو سليط يجرح المقابل
عم الصمت بيناتنة وصلنة للبيت لكينة سيارة زڪـــريا مصفوفة بالكراج يعني واصل قبلنة نزلنة ودخلنة للبيت صعدت قبلو نزعت شالي وخليتو على صفحة رحت طلعتلي شلحة قصيرة سودة ورحت للحمام سبحت ولبستها وطلعت رجعت للغرفة ما لكيتو كلت رايح يسبح بالحمام الخارجي ذبيت الخاولي وكعدت امشط بشعري انفتح الباب ودخل أيســر ما اهتميت اجة اخذ مشط ووكف وراي يمشط
أيســر.... باجر ترحين للشركة؟
بحـــر..... امم
أيســر.... جيد
بحـــر.... ليش؟
أيســر... لا هيج كلت اذا تبقين وحدج اخذج وياي للمستشفى
بحـــر.... لا اروح للشركة
حجيتها والتهيت اضفر بشعري لا ارادي اجت عيني عليه يدحك على رجلي فزيت وبسرعة التفتت الو انتبه النفسو عاف المشط وراح اتمدد سحبت نفس وطفيت الضوة ورحت نمت يمو على الجرباية وانطيتو ظهري ڪسر الصمت بسؤالو
أيســر.... امج وينها؟
التفتت الو وعقدت حاجبي
بحـــر..... ليش هالسؤال
أيســر... هيج بس اذا هيَ منفصلة شعجب ما ترحين الها
بحـــر.... ما اعرفها
اكتفيت بهذا السؤال ودرت وجهي
أيســر... جا من ليمتة انفصلو يعني من جنتي كلش زغيرة و شعجب ما عرفوج عليها
بحـــر.... بعد راحت و اتزوجت ما ادري بيها وين
أيســر.... وابوج ما يعرف مكانها اهلها
بحـــر.... لا....... ليش؟
أيســر... ڪلت اذا احد. يعرف مكانها اخذج الها تشوفينها
بحـــر.... هه ما اروح
أيســر.... ليش؟
بحـــر... شنو الليش؟ خلي ادحك ابوي بالبداية بعدين ادحك امي ما اعرفهم وابوي صارلي سنين ما شايفتو اخر مرة شفتو واني بالابتدائية هساع اروحلهم؟..... ليش اروح الناس خلفوني وذبوني ورة ظهرهم عجل ما فكرو بية لا اب حس ولا ام أيســر عفية لا تفتح الموضوع مرة ثانية لأن ما احب احجي بي
سڪت ما حجة غمضت عيوني ونمت ثاني يوم ڪعدت الصبح قبلو نزلت للمطبخ لڪيت زڪـــريا يتريك
بحـــر.... صباح الخير
زڪـــريا.... صباح النور
بحـــر.... عجل لو منتضرني اسويلك ويانة ريوك
زڪـــريا.... تسلمين شربت چاي ومستعجل كلش
حجاها وكام راح رحت فتحت الثلاجة وطلعت بيض ڪليتو الي عيون وسويت لأيسر خبط لأن ما ياكلو عيون خدرت چاي وڪعدت اڪلب بالموبايل خابرت على بيبي اطمنت عليها سمعت صوت وراي التفتت
بحـــر..... صباح الخير
أيســر.... صباح النور
رجعت حجيت وية بيبي
بحـــر.... يلا بيبي مع السلامة
حَنينة.... مع السلامة يمة
ڪعدت على الطاولة والتفتت الو فاتح الثلاجة وصافن
بحـــر.... شدور
أيســر.... زيتون
بحـــر... يمكن اكلو زڪـــريا
أيســر.... دهر صابة ما ضال شي ما ماكلة
حجاها وطلع علبة زيتون التفت الي
أيســر.... خليتيني اخذ غيبتة
بحـــر.... هههههههه ما ادري عبالي ماكلو كلو لأن شفت يمو علبة زيتون
اجة خلاها على الطاولة يمي دنك على رقبتي اخذ نفس وقرب شفتو من اذني عبالي راح يهمس شي مهم همسلي
أيســر....عطرج مو حلو يعني لا عطر ولا ذوق
غمضت عيوني وحجيت بنفاذ صبر
بحـــر..... عادي هساع مو انتَ لا خلقة ولا اخلاق
ضربني راجدي على رقبتي وكعد اتريك سد نفسي من الصبح بسوالفو
أيســر.... تدرين انه ما احب النسوان
بحـــر... و لا النسوان تحبك
أيســر.... صدك شلون عرفتي؟
بحـــر.... أيســر شمتريك من الصبح
أيســر..... ما متريك هسه جاي اتريك
دحكتو بيأس وما اهتميت
أيســر.... زين تدرين انه معجب بالفلر المسويتة خوش فلر
بحـــر.... اسويلك نفسو؟
أيســر.... صايرة اطيرين جبهات ما عرفناج
بحـــر.... بالعافية اكوم احسلي
أيســر.... كومي مو حلو السمن
دحكتلو ورفعتلو حاجبي رجعت كعدت واخذت خبزة
بحـــر.... شو بعدني جوعانة
ضحك بصوت عالي من سويت هيج اكلت على عنادو الحد ما حسيت صدك شبعت كمت غسلت المواعين وصعدت اخذت ملابسي ورحت بدلت بسرعة لأن اتأخرت طلعت رحت للغرفة لكيتو يلبس بساعتو دحكلي من فوك ليجوة وحجة
أيســر... شهاللبس؟
بحـــر.... ما بي شي مو اول مرة البسو
جنت لابسة بنطرون اسود وقميص اسود ما انكر القميص جان شوية قصير
أيســر.... روحي بدلي كدامي انه كلت اشتغلي وبراحتج بس احترمي الكبالج شايفتني مكرن؟
بحـــر..... ما اريد ابدلهن متأخرة اصلاً
أيســر.... دام هيج الحجي شغل بعد ماكو كعدي بالبيت ولبسي الي يعجبج رايحة تشتغلين ما رايح تعرضين ملابسج لبس كصير هذاك هوَ ******* مبين
فتحت عيوني بصدمة على جرأتو بالكلام احتاريت شنو احجي من الفشلة ماطلعت وياي غير
بحـــر.... والله ما تستحي
ضحك بأستهزاء وما جاوبني بقيت واكفة بمكاني اتقدم يمي وحجة
أيســر.... ما ترحين تبدلين
حجيت واني ما ادحكلو ودايرة وجهي بالجهة الثانية من كلامو
بحـــر.... اطلع خلي ابدل
لزمني من فكي ودار وجهي الو
أيســر... خجلتي ام الفلر؟
بعدت ايدو عن وجهي ما حجيت ضربني راجدي على خدي بخفة وطلع اتنهدت وسديت الباب رحت بدلت ملابسي ولبست شالي ونزلت لكيتو ينتضرني دحك على ملابسي برضا بس ما حجة اخذ سويجو وكام طلعنة برة وصعدنة بالسيارة حركها عم الهدوء بيناتنة شوية وشغل
مرة على غيوم السما
استغربت ذوقو اول مرة اعرف عندو ذوق ما ضميتها بكلبي حجيت
بحـــر.... اول مرة اعرف عندك ذوق
أيســر..... اعجبج
سكتت ما جاوبتو..... مدة واجة سؤال ببالي
بحـــر.... انتَ تحب وحدة قبل؟
دحكلي بسرعة
أيســر.... منو ڪلج؟
بحـــر..... سميرة قبل فترة
أيســر.... قبل جنت مراهق حبيت وحدة والحمد الله ابوي ما قبل اتزوجها اما هسه فلا
بحـــر... زين منو هيَ؟
أيســر.... وحدة
بحـــر.... ادري وحدة عجل واحد
أيســر.... هههه لا اثنين
ضحكت و وصلني للشرڪة وراح الشغلو مرن جم يوم الى ان رجعو اهلو لأيســر خلص محرم وانعزمنة على خطوبة ابن عمو حسن جنت حيل فرحانة ومتحمسة ان اروح للخطوبة وازور البصرة واشوف الاجواء حضرت جنطتي اول ما سمعت وفرحانة بيوم الي انريد انروح دخلت للغرفة لڪيت أيســر مبدل نزل قبلي حجيت بداخلي همزين حتى اخذ راحتي سديت الباب وراه وبدلت وكعدت اخلي مكياج خليت مكياح على حباية ونص بعمري ما مخلية هيج مكياج طلعت ابداعي كلو بي دحكت نفسي بالمراية وشمرت الروحي بوسة
بحـــر..... هوَ منو أيســر كدامي عود يستاهل هيج وحدة يروحلي فدوة مكرافة التڪرفو
سمعتهم يصيحولي من جوة لفيت شالي واندك الباب صحت
بحـــر..... منو بالباب
أيســر..... انه
بحـــر.... افتحو يولي
فتح الباب ودخل وهوَ يردد
أيســر.... وين صرتي حت
قطع كلامو من شافني عقد حاجبو وحجة
أيســر..... شنو شنو وين رايحة شدعوة هالمكياج خففي منة
فتحت حلكي واتخصرت
بحـــر..... فلا اخفف تعبانة بي وصارلي ساعة كاعدة هين اخلي
أيســر..... ماكو روحة اذا ما مستحي
بحـــر.... ما امسحو واروح
أيســر.... تعاندين يعني؟
بحـــر..... اي
أيســر.... خوش لا ترحين
حجاها وطلع بسرعة وقفل الباب عليّ ركضت دكيتو
بحـــر.... أيســر لا تشغل خباثتتك افتتتح البابب
ماكو رد منو عرفتو عاند حسيت اذانتي توش من العصبية شمرت شالي بعيد واتخبلت من وراه بقيت بس افتر اروح وارجع اخر شي كعدت على الجرباية اهز رجلي بتوتر راحو وعافوني لو شنو يارررربي خلصنيي منوو خلصنيي اختنكتت والله
غطيت وجهي بأيدي وبجيت لا من اهل بيهم خير ولا من زوج شمسوية بحياتي اني
انفتح الباب رفعت راسي دحكتو واكف بالباب مسحت ادموعي وكمت اجيت اروح وصار كيالي درت وجهي عنو ما اريدو يدحڪني ابجي لزمني من كتافي ودارني الو
أيســر..... شبيج تبجين
حركت كتفي بأنزعاج
بحـــر...... شلك علاقة ؏ أساس يهمك امري
أيســر.... جا ليش ما يهمني
درت الو وبعدت ايديه عني
بحـــر.... هساع اتمثل دور المثالي؟ يولي حس بنفسك حاكمني من دون لا سبب لا انتَ المعتبرني زوجة حتى اكول حقو يغار عليّ ولا انتَ العايفني ومطنشني اني هم بشر واحس واتعب تعبت منك ومليت لا اعرف اتصرف وياك ولا انتَ التعرف تتصرف وياي شنو الحل بهاي الحالة؟
مسح وجهو وراد يحجي اتراجع وعافني وطلع حركت فكي بأنزعاج وانقهرت من تصرفاتو اخذت جهازي و كتبتلو بسرعة
بحـــر..... والله اذا رجعت للبيت اقتلك خليني مرتاحة منك مكرافة التكرفك و تكرف الزوجني الك
دزيتها الو وسديت الجهاز رحت غسلت وجهي وبدلت نزلت لكيت البيت فارغ بس اني بي بقيت افتر ما ادري شسوي بروحي بس الي اعرفو اذا اشوف واحد كدامي ابتلي بي لليل جنت كاعدة واكلب بالتفزيون انفتح الباب ودخل ما درتلو بال حمحم وحجة
أيســر.... بحـــر
رفعتلو راسي بسرعة اول مرة يلفض اسمي بقيت ساكتة وانتضرو يحجي
أيســر.... احم انه اسف وهاي هذا عشة تعاي اتعشي
بقيت صافنة عليه اول مرة ادحگو ما يعرف يجمع الكلام ويحجي متوتر ويأشر على العلاكة خلاها على الطبلة
أيســر... جبت ڪص لحم تعاي اتعشي
بقيت كاعدة بمكاني و ارمش بصدمة
أيســر.... شبيج ما تحجين
بحـــر..... شنو تريدني احجي؟
أيســر.... تعاي اتعشي
بحـــر.... على كد ما لحيت على العشة جاي اشك مخليلي بي سم
ضحك
أيســر.... لا سدج امان كلشي ما مخلي
مدلي ايدو واشرلي اكوم بلعت ريكي هذا اليوم شنو كلساع صادمني بشغلة ناوي يقتلني ويريد يستدرجني لو شيريد مني بالضبط لزمت ايدو بتردد سحبني الو وكمت بقة لازم ايدي ومخليني كبالو وصافن بعيوني حمحت وسحبت ايدي منو انتبه النفسو وابتعد
أيســر.... يلا تعاي
لزمني من ايدي واخذني للطاولة ڪعدت وكعد بصفي فتح العلاكة و سوالي لفة اخذتها منو واني صافنة
بحـــر... عليك الله بيك شي؟
أيســر... لا و الله ما بية شي
بحـــر.... شو احس بيك شي
أيســر.... هههه لا تحسين بعد
سكتت عنو واجيت اخذ عضة من اللفة ودك جهازي استغربت منو يتصل هيج وقت نزلت اللفة من ايدي وكمت رحت اخذت جهازي ودحكت للأسم هذا ابوي معقولة صاير شي وليش اتصل؟ جاوبتو بدون تردد
بحـــر.... منو؟ ابوي؟
جاوبني بصوت تعبان اول مرة اسمعو
محسن.... هلا هلا بابا شلونج
بحـــر.... الحمد الله انتَ شلونك
محسن.... هسه صرت زين
عقدت حاجبي من كلامو بعدت التلفون عني وباوعت للرقم اتأكدت هذا رقمو لأبوي رجعت حجيت
بحـــر.... انتَ صاحي؟
اتنهد وحجة
محسن.... شلون وضعج بابا زوجج شلونو وياج
بحـــر.... هساع اتذڪرتني؟
محسن... مريض بابا لا تقهريني اڪثر
دمعن عيوني وهمست
بحـــر... شبيك؟
ما جاوبني رجعت حجيت
بحـــر.... وينك
محسن.... اسبوعين وجاي الج بابا
ابتسمت وعيوني دمعن بفرح
بحـــر...... اليي انني؟؟؟ جااي؟ صددددك؟
محسن..... والله وداعتج انطي خبر الامي بس ها بينج وبينها لا يسمعون عمامج
بحـــر.... اصلاً بيبي عايشة وحدها عمامي طردوها
محسن.... شلوون؟
بحـــر... والله
محسن.... سهلة خلي ارجع وكلشي ينحل يلا بابا اروح اني محتاجة شي
بحـــر.... لا سلامتك
محسن... ديري بالج على نفسج
بحـــر..... ان شاء الله
سديتو منو والابتسامة شاكة حلكي التفتت الأيسـر دحكتو واكف وعاقد حاجبو مو فاهم شي من الفرحة ما وازنت افعالي ركضت الو وشمرت نفسي بحضنو واردد
بحـــر...... ابوووي راااح يرررجع هييين
طبطب على ظهري وحجة
أيســر.... يوصل بالسلامة
صحيت على نفسي وابتعد عنو مبتسمة الرجعتو لهين ومستبشرة هالمرة راح تتحسن حياتي رحت بسرعة اخذت جهازي وطلعت من الغرفة اتصلت بيبي وخبرتها اول ما سمعت حجت
حَنينة..... يهدي من يشاء بغير حساب.... الله يوصلو بالسلامة ما كلج يجي هوَ وحرمتو لو وحدو
بحـــر.... وحدو ما اعتقد يجيب زوجتو لهين
حَنينة.... الله ڪريم يمة بس لا تستعجلين بقرار تتندمين عليه بعدين
بلعت ريكي وضغطت بأيدي على البجامة
بحـــر.... شنو قصدج بيبي؟
حَنينة..... تعرفين قصدي
بحـــر.... اني و أيســر ما نتراهم سوة لا هوَ يريدني و.... سكتت وكملت كلامي.... حتى لو قبلت بهذا الزواج هوَ ما راح يقبل بعدين ما ننجمع اني وياه تفكيرنة يختلف ڪلشي بيناتنة يختلف
حَنينة.... محد يشبه احد كل اثنين تلكينهم مختلفين يا يمة لا تستعجلين خوش ناس تخسرينهم
بحـــر.... بيبي اروح الزك نفسي بي؟.....بعدين انـي اريد اعيش احتمال ابوي يقبل ياخذني يمو كافي تعبت طفولتي وشبابي كلو راح يم اخوانو يمكن هساع صحة واتذكر عندو بنت؟
حَنينة... براحتج خو ما اجبرج تالي اطيح براسي سوي التردينو
بحـــر..... اها عفية بيبي اسوي الاريدو
حَنينة.... رحتو للبصرة؟
بحـــر... لا ما اريد اروح
حَنينة.... مو جنتي تردين ترحين؟
بحـــر.... لا ما رحت
بقيت احجي وية بيبي شوية وسديتو كمت دخلت للغرفة لكيت أيســر صافن ويمو الاڪل بعدو دخلت وسديت الباب انتبه الي ومسح وجهو وكام طلع استغربت منو بس ما اهتميت رحت اكلت شوية ولميت الباقي وضميتو بعدها كعدت اصفن شنو اسوي ضايجة وحدي كمت بدلت ملابسي وكعدت امشط شعـري ضفرتو وكمت كعدت على الجرباية واكلب بجهازي بملل اتصلت عليّ آرام جاوبتها
بحـــر.... هلا بالناسيتنة
آرام..... ههه هلا بيج شلونج
بحـــر.... زينة انت شلونج ايمت وصلتو
آرام..... من زمان وصلنة مكانج فاارغ والله ليش ما اجيتي
كلبت عيوني وحجيت
بحـــر.... كلو منو اخوج خلصيني منو
آرام... شبي
بحـــر... عاندتو وقفل عليّ الباب
آرام... ياااا شبي صاير روحة بخشمة وين هوَ كال يوم الخطوبة اجي وحدي تعاي وياااه عفيية
بحـــر... هلو هلو مو بكيفو ايروح وحدو رجلي على رجلو
آرام.... اي اي لا تخلينة تعاي وياه اذا ما اجيتي ياخذلة وحدة بصراوية
بحـــر.... عجل اني هنا خراعة خضرة؟
آرام... هههههههههههههه
بحـــر.. تضحك العوبة واني هنا كاعدة وحدي ضايجة حتى بالسجن هم ارحم
آرام.... شسوي اطير اجيبج واجي المن تعاندية جان مشيتيها الة وبعدين عاركيه علكيها وياه
بحـــر.... اخوج ما يتحمل وروحو بخشمو وكل حجاية والثانية كال ام الفلر
آرام.... ههههه حقة خية جمالج فريد
بحـــر.... عوفي فريد و كليلي طيور الحب شلونهم؟
آرام..... هاااا عرفت عليمن تقصدين زينين زينين بيناتهم نضرات وڪذا
بقينة نحجي الوقت طويل للـ11 انفتح الباب دحكتو أيســر راجع حجيت
بحـــر.... يلا آرام مع السلامة
سديتو منها وڪمت
أيســر.... ويامن جنتي تحجين؟
بحـــر.. وية آرام
اتقدم يمي رفع حاجبو وحجة بشك وهوَ يكز ع الاحرف
أيســر... ويامن جنتي تحجين؟
عقدت حواجبي
بحـــر.... شبيكك أيســر موو كتلك وية آ
بعدني ما مكملة لزمني من فڪي وقرب وجهو الي
أيســر... تحبين واحد؟
فتحت عيوني بصدمة وصحت
بحـــر ..... لاا انتت اتخبلللت رسميي شنو احبب واحد شبيكك أيسرررر
أيســر...... لا تجذببين عنددج واححددد مووو؟
دفعتو عني وصحت
بحـــر.... موو صاحي والله مو صااحيي
لزمني من شعري وصاح
أيســر.... اشش صوتج ما اسمعة اريد اكمل زواجي وياج
عبالك انصعقت على راسي حجيت بخوف
بحـــر.... لاا أيسررر لااا ما اررريد والله ارريد اطللاك منكك ما ارررريد
ما اهتم الڪلامي دفعني على الجرباية اجيت اكوم دفعني بقوة شهكت بدموع وحجيت
بحـــر..... لا أيسرررر وووخرر عنيي لااااا
لزم ايدي اثنينهن ورفعهن ليفوك بقيت ادفع بكل قتوي وابجي
بحـــر.... ابووس ايدكك وخررر مااااا اررريد أيسررر احلللفك ب
ما خلاني اكمل اخذ شفايفي بقوة حسيتو ينتقم مني اختنكت ولعبت نفسي من الي يسويه ما اتحملت انفجرت بالبجي وهوَ مستمر كرهت نفسي وكرهتو اكثر اتخبلت من سحب ملابسي عن جسمي ورجع يوزع لمساتو القاسية على جسمي الدنيا كلها وكفت بعيني شهكت وحجيت بصوت مبحوح
بحـــر..... حقيرررررر وخرررررر وخررر مووو بنية اننني وخررررر
ابتعد عني وعلى وجهو علامات ما عرفت افسرها استوعبت شنو حجيت نزلن ادموعي ابتعد عني عدلت كعدتي وسحبت الملابس واستر جسمي وابجي
أيســر.... شنو قصدج؟
دنكت راسي وغطيت وجهي بأيدي وبجيت وما جاوبتو لزمني من معصم ايدي وحجة
أيســر.... جاوبيني بحـــر شبيج
شافني ما جاوبتو رجع صاح
أيســر.... احجييي
وخر ايدي عن وجهي
بحـــر.... ماا اكدررر ما اكدررررر
أأيســر..... جااااي اكوووول احجيييي
شهكت ومسحت ادموعي بصعوبة جمعت الاحرف وحجيت
بحـــر.... ا اني م متعرضة لأغتصاب
فتح عييونو وعبالك انصعق على راسو وما مصدك بلع ريڪو دنكت راسي وبجيت وسولفتلو الصار طول ما اني احجي اشهك بصوت عالي وكلمة يفهمهة وكلمة لا وهوَ لو يستغفر لو يشرب جكاير كملت ورفعتلو راسي ردت اشوفو من الدموع ما كدرت سبلن عيوني وما دريت بعد بالصار
فزيت عيوني ثڪال وجسمي ڪلو مكسر انتبهت النفسي نايمة بالفراش ولابسة ملابسي غمضت عيوني بتعب ما الي خلك وتعبانة الدنيا كلها طافية بعيني ما اريد شي غير حضن يلمني حتى ابجي
كمت بصعوبة طلعت من الغرفة ونزلت جوة سمعت صوت تلفزيون بالصالة عبالي موجود فتحت الباب ودخلت ما لكيت احد انتبهت للتاريخ بالتفزيون اليوم جمعة يعني مر يوم واني ما ادري وباجر اهلو يرجعون اكيد لأن عدهم دوامات كعدت على القنفة ورفعت رجلي عن الارض ووصفنت بالفراغ
افڪر هساع لو اهلي ربوني ودارو بالهم عليّ هم هذا حالي؟ لو هوَ قدر ومكتوب اشوفو واعيشو بحلو وبمرو
بس اني تعبت اريد اعيشها الحياتي ما اريد اضوك مرورة بأي يوم بعد.... اجت عيني ؏ الباب دحڪتو واكف ما اهتميت الو اجة كعد بنفس القنة الكاعدة بيها بس بيناتنة مسافة قرابة الاقل من النصف متر
أيســر.... شلون صرتي؟
ما جاوبتو اتنهد وحجة
أيســر... وين العيادة وشنو اسم الدكتور؟
ددحكتلو بسرعة وبلعت ريكي انخفض نفسي مجرد ما جاب طاريو خفت
بحـــر... ش شتسوي بي؟
أيســر... شغلة انطيني عنوانة واسمة
دحڪتلو بنضرات خوف وقلق مد ايدو فزيت بخوف لزم ايدي وطمني بنضراتو لميت شفتي للداخل ونزلن ادموعي وبجيت ڪلبي يعتصر عصر من القهر اهاجس نار مولعة بصدري جرني من ايدي الحضنو وخلو راسي على. صدرو ما استوعبت السواه وبين الصدمة والقهر ما عرفت شنو اسوي بس غمضت عيوني وبجيت عافني براحتي وضل يمسد على ظهري وشعور اول مرة احسو لأحد واول مرة يتصرف وياي هيج حجة لعد مدة
أيســر.... اخذلج حقج منة و الحسين
رفعتلو نضري وهزيت راسي بأي
بحـــر.... اريدو يموت الف موتة باليوم مثل ما سوة بية
أيســر... غالي والطلب رخيص
بلعت ريڪي وصفنت اتأملو اول مرة اسلوبو هيج وياي رجعني الحضنو ما حجيت شي خليت راسي على صدرو وعيوني فاتحتهن وصافنة
فترة على هذا الحال حمحم وحجة
أيســر.... ما ڪلتي وين مكانة؟
رفعتلو راسي وانطيتو العنوان.... شوية و أيســر طلع لليل يلا رجع اول ما فتحتاة الباب حجة
أيســر.... بسرعة بدلي وتعاي
بحـــر.... وين؟
أيســر... بسرعة بعدين تعررفين
الى هنا و انتهى الجزء الاول انتظرو الجزء الثاني من البارت