بســم الله الرحمــٰن الرحيــم♥.
لا اليــــــــــــــأسُ ثَــــــوبِي
ولا الأحَـــزانُ تَكسُــــــــــــــــــرني
جَرحــــي عَنــيد بِلســعِ النــارِ
يلتئـــم.
"آنجـــذام"
(معنى انقطاع)
🔵بقلمـي|| قـربان أحمد 🦅.
⭕لاتنســون التصويت ⭐.
~~~~~~~~~~~~~~~~~~~~~~~~~~~~
آرام
واكفه والشمس صايره بعيوني بس لا
والف لا ما ارجع مقرره اكمل وراهن وين
مايفترن اني وراهن اهم شي اوصل اخبار السالار
: - اشجاي تسوين؟؟
فزيت من مكاني على اثر الصوت
انداريت جانت وداد واكفه هي وابنهه
رديت بارتباك
: - ها هيج واكفه على الشميسه شوي
باوعت بشك وارفت وهي تااشرلي
: - شو امشي گبالي يمه خل نگعد ابيتنه
وافتهم لان شكلج مو راحه
فتحت عيوني بصدمه ورديت بعصبية
: - عابتلج شنو شكلج مو راحه شمسويه
قابل
اشرتلي على ابنهه جان واگف على
صفحه سكتت ومشيت واني اتلفت وراي
مااريد اعوفهن بس شيخلصني من وداد خانم
دخلنه البيتهم وهاي اول مره ادخله جان بي
حديقه داخليه عباره عن ورد اشكالهم مريحه
للعين بحيث من دخلت بقيت واكفه صافنه عليهم
: - ولج فوتي اضل اسحل بيج اني
اشرتله على الحديقه
: - امشي هناك المكان حلو
هزت راسهه واردفت بابتسامه
: - اهم شي يعجبج المكان علمود تااخذين
راحتج بالحجي
هزيت ايدي باستهزاء
: - هو اول وتالي تعرفينه اذا مو
مني من ابنج الحقير
ردت بصدمه
: - ياعزااا بعينج شمسويلج
ولج جاي يمج بقربج هو شمالج گلبتي
علي
باوعتله صفح وسحبتهه للحديقه و
اني مكمله كلامي
: - خاب هو كلشي يعرف من سالار الله وكيلج
اعرف مني ومنج بس هو مبين فقير مايعرف
شي
عوجت حلكهه ماعاجبهه كلامي
كعدنه بنهاية الحديقه بحيث محد يشوفنه اذا
فات
: - اي احجي عيوني شعندج وياهن
سحبت نفس واردفت
: - شوفي وداد لاعندي وياهن شي ولا
عندي سالفه عليهن اصلا كل مافي الامر سالار
وصاني اخلي عيني عليهن لان يخاف يگول احنه هم
عدنه ولد ومانعرف عليهن شي لذلك وصاني بس
ماكو شي ثاني
هزت راسهه بتفهم واردفت
: - اي ولج هم سمعت ذاك اليوم هيج
مقتطفات واني جاي اجيكم مريت بالگعده وسمعت
وهب وجسام يسولفون بهيج موضوع بس
مافهمت عليهم
: - اي هو هيج، وبعدين اذا تردين تعرفين
سالفه ابنج موجود مايحتاج تجيبيني سحل
باوعتلي صفح وردت بااستنكار
: - شوفي عيوني ابني مؤدب ماكو منه
فهمتي وبعدين هو مو مثلج يحجي
كلشي يحفظ اسرار العالم ياعيني
رديت بااستهزاء
: - چا اذا تعرفين اسرار عالم شكو
تردين تعرفيهن يا حُشريه
ابتسمت بفشله
: - عابتلج ولج فضولي قويي والله
هزيت ايدي على تفكيرهه واني اگوم
: - وين رايحه؟؟
رديت بدون مالتفت
: - اسرار ناس عمري
ردت بضوجه
: - عابتلج الفاهيه
غلست عليهه طلعت من الحديقه صار بوجهي
ولد جاي يدخل للبيت
نزلت راسي وعبرت منه
اجاني صوته من الخلف
: - اوكفي انتي مو بت جسام؟
: - اي رايد شي؟
رد بابتسامه
: - لاسلامتج بت عمي
رجعتله الابتسامه مجامله وطلعت
واني اسمع صوته من الخلف يحجي وي نفسه
: - صدگ حرامات هاي بت جسام
كملت طريقي للبيت مارجعت للبنات بس
كلمته ضلت تاكل بگلبي صح اني جسام لحد
الان ماصايحتله بابا ولا معترفه بي بس
مهما يكون هو ابوي وشعور مو حلو يمن تسمع احد
يحجي على ابوك
"" "" "" "" "" "" "" "" "" "" "" "" "" "" "
مـــلار
مر يومين واجه جسام وقرر ننقل من
المكان الكاعدين بي لان يكول مو آمان هاي
المدينه وهو ماجان يعرف بيهه بالبدايه هسه
يله عرف
انتقلنه بيت ازغير على گد فلوسنه بس مرتب
دخل كرار هم مثل المعهد مال اللغه وجابله كتب لان
كلشي مانفهم منهم حرفيا لو ما جسام خطيه
جان اتبهذلنه وخصوصا هي مو بلد ازغير او
عربي ونكدر انمشي نفسنه
اما اني بدت جلساتي مع الدكتور النفسي ما
جنت بالبدايه رايده اروح بس من اول جلسه حسيت
براحه مو طبيعيه فقررت اكمل اما صوتي بده يرجع
شوي شوي اكدر احجي كلمه وابقه بالعشر دقايق
يله احجي الثانيه من غير الالم الي
يصير بالبلعوم وصوتي هم صاير خشن ومبحوح
لان صار فتره مااحجي
يمكن بحياتي مفرحانه مثل فرحتي يمن
رجع صوتي بحيث من الفرح گعدت ابجي
ولو اكدر اعيط جان عيطت
كل هاي الاحداث صارت خلال شهر تقريبا
وجسام بعد مااطمئن علينه رجع
لان عرفت من آرام عرف مكان زوجته بس
ماراد يعوفنه
شكد ماا اشكره مااگدر ارجعله هل معروف
حرفيا خوش انسان وهواي ساعدنه
ادعي الله يجمعه بزوجته لان مايستاهل بس
الخير والله...
"" "" "" "" "" "" "" "" "" "" "" "" "
آرام
الوضع متوتر بالبيت بسبب الي صار
البارحه لمن جسام فتح موضوع زواج سالار
ومزن يم امهه الي رفضت رفض قاطع
قطع صفنتي صوت جسام وهو
يدخل للغرفه
: - كومي بابا صيحي مزن وامهه بالصاله
واني اصيح عمج واجي
هزيت راسي واردفت
: - هسه اصيحه، ولو امهه البارحه خبصتنه
خبص
سحب نفس واردف
: - هي مادري شمالهه يعني انت گاعده
بيت بي زلم واحنه عدنه ولد خير من الله ماتخاف
على بناتهه ولو مااعرف هي شلون تفكر
: - عقلهه شاخط
باوعلي صفح ماعاجبه كلامي
: - عيب بابا مره جبيره مايصير
تحجين عليهه هيج
هزيت راسي واني اطلع من الغرفه
نزلت دگيت الباب عليهن
اجاني صوت اختهه
: - منوو
: - انيي
فتحت الباب وهي تباوعلي بااستفهام
: - نعم شرايده
صفنت بوجهه مصدومه من طريقة
كلامهه
سحبت نفس ورديت بعد لحظات بنفس طريقتهه
: - ممكن تتفضلون وتشرفونه بالصاله لان
عدهم موضوع ويه جانبكم الرفيع يا آنسة
باوعتلي من فوگ ليجوه بدون ماترد و
غلقت الباب بوجهي
هزيت ايدي على خبالهه ورحت گعدت
بالصاله يم رباب وبيبي نازيكه
جانت رباب گاعده تباوع على التلفزيون و
بيبي لازمه سبحته وهم تباوع وياهه
گعدت يمهن منتظرتهم يجون
بعد مرورو خمس دقايق مو اكثر
دخل جسام وهب وياهم سالار وحامد
هو ابنه الجبير
اول مادخل اشرلي جسام بمعنى وينهن
رفعت اكتافي واردفت
: - ماادري حاجيتهن عود اني
هز راسه وگعدو ينتظروهن لحد مااجن
گعدت هي وبناتهه وهاي بتهه الزغيره بس
تخوزر بيه اجيت اگوم اكفخهه بس خفت
يكتلوني وهمه مناا طالعه روحهم اتصير كتلتي
عمل شعبي والقرآن
حجه حامد موجهه كلامهه لأم مزن
: - شوفي خويه گعدتكم هنا على عيني
وراسي نشيلكم على راسنه بس انتي فكري بيهه
احنه عدنه ولد وانتي عندج ابنيات والشيطان ما
مات بعد اخوج وهنه هم مثل بناتنه ونخاف عليهن
مثل مانخاف على بناتنه ومانريد بس مصلحتهن
ردت علي بهدوء
: - اني بالنسبه الي ماعندي قرار هاي
حياتهن وبكيفهن
هز راسه جسام وحجه وهو موجه نظره المزن
: - بما انو انتي الجبيره واعتقد سمعتي كلامي
مال البارحه شنو رأيج بي
: - مو موافقه
رد بعصبيه
: - شنيي اني اقنع امج تطلعيلي انتي
وبعدين شهل تمزعط شكبرج شكدج ماحاجه
اگعد افهمج كلام الناس
رد علي بااستفزاز وهي تباوع على سالار
: -أني مو مخبله اتزوج شخص مايعرف
ربَ حتى مايعـرف إلى أي ديـن ينتمـي
رد عليهه بصياح
: - افهمـي انتـي غريبـة والبيـت
مليـان زلـم شتحجييي عليـنهه الناسس
هـزت راسهه بنفـي وردفـت
: - اتـزوج غيـره مو تگـول بيتـكم مليـان زلـم
باوعـت علـى سـالار الباقـي ساكـت
إلـى أن اكملـت كلامه دار وجهه وطلـع
انقهرت علي جان حاسسني گلبي والله
هو عينه عليهه بس هي مدري شمالهه ولو مو
صوجهه صوج رباب الادبسزز هي جانت
تعبي براس امهه وادور شلون تكرهه سالار هي
سكت جسام وعينه بقت وراا سالار
مارد عليهه
رد حامد بعد ماشاف الوضع هدوء
: - منو گلج مايعرف ربَ شنو شفتي علي انتِ
ابتسمت باستهزاء وحجت
: - مو اني حجيت هذا الكلام اسأل رباب
سكتو للحظات وجسام يباوع الوهب الي عيونه
اطفر شرار بس هادء هدوء مرعب
حجه حامد وهو يااشر على ابنه
: - خلص لعد تزوجين علي ابني
: -..........
يتبـــــــــــــــع
~~~~~~~~~~~~~~~~~~~~~~~~~~~~~~~~~
اشلون البارت؟؟؟
⭕تنويه :بخصوص البارتات صح البارت 1000 او 1500 كلمة بس تنزيل يومي يبعدي.
+تردون انسوي حساب للروايه انزل اشياء تخصه؟؟
لاتنسون التصويت ☆
دمتم في آمان الله وحفظه ♥.