بين انيابهم

••العثــࢪة السابـعة و الثـلاثـون••

بســم ﷲ الرحمــن الرحيــم

السـلام عليڪم

#بيـن انيابهـم

#بقلمـي أنـا: زهــࢪاء

حساب الانستا: zaii1_8

لا تنسون التصويت +التعليق بين الفقرات

+احبڪم زهوراتـي 💋

ــــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــــــ

بحـــࢪ

شهكت شُــــــذير وحجت

شُــــــذير.... هااااي المرة شفتها بموبايل خالو معتز

فتحنة حلكنة و وحدة دحكت على الثانية

آرام.... هلووو هلووووو معتز متزوج على سميررررة لككم هلااااا زين شلون شفتيهااا؟

شُــــــذير.... صبيتلة چاي ومن وصلتة الة شفتة يكلب بالصور وحتى خالو منيب هم شافها

منيب..... سمعت اسمي شصاير

التفتنة الو وحجت آرام

آرام.... عمو معتز متزوج على ام ليلى

منيب.... اننننننه اخوووك انفضح العمم وين دريتو

بحـــࢪ..... يعني تعرررف؟

منيب.... طبعاً اعرف وين اكو شي ينضم عني انه الكل بالكل..... اليوم سميرة الفطيرة تشعلخاا شعللل لك هلا صار اكشن علكو بيت كطيو

حجاها وطلع برة وراح للديوانية ضلينة نصفن وانريد نعرف رباط السالفة ما مفتهيمن شي

آرام.... تعالن نسمعهم من الباب البين الهول والديوانية

مشينة اني وياها بسرعة التفت دحكت شُــــــذير واكفة ومكتفة ايديها وصافنة بالفراغ رحت جريتها من ايدها وحجيت

بحـــࢪ.... عوفي الصفنة وتعاي دحكي ويانة

رحنة للباب مالت الهول خلينة اذنة على الباب ونسمعها تحجي بصوت هادئ

..... قبل سبع سنوات اتعرف عليّ بترڪيا اتزوجنة وجان واعدني ان سنة على ما يكمل امورة ويجيبني للعراق يم اهلة وهذا جان شرط اهلي وسنة اتجر سنة الحد ما كملت سبع سنوات وياة وهوَ عايفني بشقة بصف شقة اختي ويجيني كُل شهرين زين ابني عمرة ست سنوات كبير ويفهم ويسأل ليش بابا يروح وما يضل يمنة احتار ايش اجاوبة ما ضل عندي حل غير اجي الك دائماً يسولف عنك ان انتَ انسان محترم وطيب وما تقبل بالغلط طيب اعتبرني اختك تقبل الي يصير بيها ايش ذنبي اني باقية بشقة وحدي وابن اختي صاير مسؤول عليّ مصرفي وكل اموري منة

همست للبنات

بحــࢪ.... والله برفسة سميرة اتموتها هاي صوتها ڪوة ينسمع هساع نحضر اكشن

آرام.... اي وعلي شهل النزاڪة عمي صدك يعرف يختار جا شمالة قبل بسميرة

بحـــࢪ.... الفاس وكع بالراس

حجة عمو أحمد

أحمد.... يصير خير خوية دخلي ارتاحي داخل و انه هسه اخابرلة

صارت سڪتة وشوية ويمكن خابرلو الاخو لأن حجة

أحمد..... وينك ابو ليلى؟..... تعال البيتنة بسرعة...... لا لا ما صاير شي كل الخير ينتضرك..... لا ما يخص ليلى يخص ترڪيا..... يلا تعال

سداه وكمل كلامو

أحمد.... هسه يجي

زهـــرة.... خايبة انتِ اهلج وين زين شلون قبلتي بي هالاڪرع هذا

منيب.... ما اسمحلج بيبي الاڪرع ملك الساحة

..... اني اهلي ڪبار بالعمر وعايشين عند اخوي بغير دولة واني عايشة يم اختي بترڪيا وقبلت بمعتز لأن الحب اعمى وما يعرف ح

قاطعها منيب بضحكتو عالية ضحكنة احنه هم وكوة سكتنة رواحتنة حتى لا يحسون ما انحس الة صوت ورانة

زڪـــريا... هاااااي شتسوووون؟

فزينة وبسرعة ابتعدنة عن الباب وهوَ عقدحاجبو ويدحك علينة بأستغراب

زڪــريا.... منو بالديوانية؟

آرام... زوجة معتز

زڪــريا.... سميرة

آرام...... لااااا غير وحدة طلع متزوج

زڪـــريا..... شنووو ها لا صدك عود

آرام.... اي والعباس

زڪـــريا... لحظة شو انصدمت

آرام.... حقك حقك بس والله اتخبللل

زڪـــريا... وانتن واكفات اتسمعن

آرام.... هههههه اي

دحكلي وهز ايدو
زڪــريا.... هاي عود انتِ العاقلة صافة وية آرام لا حسافة

ضحكتلو ودار عينو على شُــــــذير راد يحجي عافتنة وراحت فوك اندك الباب فركت آرام ايديها بحماس

آرام.... لككك هلا اجة معتززز روح روح افتح الباب

دحكلها بيأس

زڪـــريا.... غير محامية المفروض اتصلحين مو تتونسين على الطلاك

اتخصرلتو

آرام.... جا شلووون اربح فلوس اذا ما اطلك

ضحك بطرف شفتو وعبرنة وراح يفتح الباب طكينة ايد بأيد ورجعنة نستمع شوية وصار صوت معتز

معتز..... هُياااام شجااابج

زهـــرة.... بعد رجلها واجتلة شلون يعني قابل اتضل معلكة هناك

معتز..... ما النة خلك مشاكل يمة البينة كافي

هيام.... ما مسوية اني مشكلة انتَ الكلت سنة واخذج شتريد ابقى كاعدة هناك

معتز... امشي امشي ارجعج منين ما اجيتي

هُيام.... اذا رجعت هالمرة ادز وراية ورقة طلاقي

آرام.... معقولة يطلكها

بحـــࢪ.... هساع انشوف

سكت معتز وما جاوبها

أحمد.... اليوم او باجر زوجتك الاولى راح تعرف اذا انتَ خايف على بيتك من البداية ما تتزوج اما هسه من اتزوجت البنية واجاك طفل اتريد تنسحب هذا مو حجي وحبل الجذب ڪصير اذا ام ليلى اليوم ما عرفت باجر تعرف

اتنهد وجاوبو

معتز.... ما خايف اعلن زواجي خايف على هُيام من سميرة

زهـــرة.... مرة ما تاڪل مرة عوفها هنا الحد ما ادبر بيت بصفنة

أحمد.... اكيد ما تطلع من بيتنة الة لمن يخليلها بيت

سكت معتز سمعنة الباب يندك راح واحد من الولد يفتحهة شوية وبرز صوت شاب بيناتهم

...... السلام عليكم

شهكت آرام

آرام.... سااامعة هذا الصوت بس ما اتذكررة المن

جاوبو
.... وعليكم السلام

هيام.... هذا ابن اختي يمام هوَ الوصلني هنانه

أحمد..... هلا بيك بابا ما تقصر

يمام.... واجبي ابو أيســـر...... خالة هذا ابنج واني استرخص لازم ارجع

أحمد..... لا لا عمو مو طلعة هاي ما ضيفناك

يمام.... عالجايات ان شاء الله مستعجل

سلم وطلع شوية وكالو يدخلون للصالة انسحبنة بسرعة ورحنة للمطبخ لكينة عمتي تطبخ دحكت عليها آرام وحجت

آرام.... الدنيا مكلوبة و انتِ جاي اطبخين

أسيل..... شلي شغل بالدنيا انكلب لو لا كلمن ينشغل بنفسة

آرام.... معتز حماج متزوج على سميرة مرت حماج

دحكت عليها عمتي وصفنت ورجعت حجت

أسيل.... شتتقعون يعني كل شهر شهرين مسافر شعندة؟ اكيد متزوج

بحــࢪ.... هساع مرتو ما شكت بي

آرام.... ملتهية سميرة تخرب بيوت العالم هذاك اليوم سوت عركة بين اخوها ومرت اخوها عود رايحة الهم وما مستقبلتها وخلت اخوها يطلك مرتة وهما عدهم جهال وبعد وبعد

أسيل.... كافي سكتن لا تاخذن غيبة يمي ﷲ وحده اعلم

سمعناهم دخلو رحنة سلمنة وضيفناهم وآرام صعدت ترتب غرفة الها لأن راح تبقى عدنة شوية وحسيت واحد يمي التفتت دحكتو رضا همسلي

رضا... خالة هاي مرت جدو معتز؟

بحــࢪ... اي

رضا... وهذا ابنة؟

بحـــࢪ.... اي روح العب وياه

رضا.... جا وسميرة مو مرتة

بحــࢪ.... اي متزوج اثنين

اتوسعن عيونو واشرلي بأصابعو اثنين؟ هزيت راسي

رضا.... شلون اثنين متزوج يصير؟

بحــر.... اي يصير

رضا... جا سميرة تدري

بحـــࢪ.... لا ما تعرف اذا تعرف يصير ببيتنة زلزال

اتوسعن عيونو وضحك بخبث وهز راسو بفهم عدل كعدتو وجتف ايديه شوية والتفتت الو اريدو يصيح الابو يجيب ببسي ما لكيتو كلت يجوز راح يلعب

كمت صعدت فوك ورحت الغرفتي نزعت شالي وفتحت شعري واخذت مشط ومشطتو ببال شارد احس اريد ادحكو الابوي حابة اعاتبو واكلو ليش خذلتني وليش وعدتني بسببك قبلت لو ما قابلة وشايفة غير حل ومنهزمة افضل ما لحكت اكمل سلسلة افكاري وسمعت صوت سميرة جوة وهيَ اتصيح

سميرة..... يبوووووووو الله يااااااااخذك يااااا معتززززززز تتزووووووووج علييييي

فزيت ولفيت شعري وشمرت الشال على راسي ونزلت جوة هاي شدراها شلون سمعت وكفت على الدرج وادحك السميرة تصيح وتغلط اجت عيني على منيب حابسك ضحكتو ويشرمخ بخدودو بس دحكني اباوعلو انفجر بالضحك وطلع برة

سميرة.... المااااا تستحييييييين ال**** بووووواكة الزلللللم ياا ما تستحيتتننننن لككك تتزوووووج عللييي هاااااي المعصكلللللللة ماا عااااااجبتتتتتك بشنووو قصررررت ويااااااك

هيام..... احترمي نفسج عيب هاي الالفاظ

هجمت سميرة جرتها من شعرها وهذيج تصرخ وتدفعها كامت بيبي رادت توخر سميرة ما كدرت ما احس الة عمي صاح بيهن بصوت عالي

أحمد...... كااااااااااافي

ابتعدت سميرة وهذيج تبجي وتمسح ادموعها وتعدل بشعرها

أحمد.... ما تستحن لا مخليات احترام للجبير ولو العتب مو عليجن على رجلج الكاعد وساكت يلا معتز اخذ نسوانك واتوكل البيتكم

سميرة.... ما تدخالللللل البيتيي لووووووو هسه ما ادررري منو يجبيييي

معتز..... صووووتج لا تعلللينة مو بيتج هوَ

رجعت هُيام ليورة وحجت

هيام..... اني ما اروح للبيت البي سميرة هيَ هنايه وهجمت عليّ

زهـــرة..... سميرة روحي البيتج وهيام كعدي هنا ومعتز اطلع برة كافي سطرتونة

سميرة.... الله لا يوفقكم حسبي الله ونعم الوكيل عليكم عساكم ما ترتاحون و

زهـــرة.... خير خير شو ادعين ياهو المتزوج عليج احنه لو رجلج يلا يلا طلعي الله ومحمد وعلي

طلعت سميرة وهيَ تتحسب وعمتي اخذت هُيام هيَ و ابنها ودلتها على غرفتها ومعتز طلع برة البيت لليل جنت كاعدة بغرفتي ومخلية رجل على رجل وابرد اظافري انفتح الباب بدون لا يندك رفعت راسي وانصدمت من دحكتو أيســـر دخل وسد الباب وشمر جنطتو دنكت راسي وسويت نفسي ما مهمتة واستمريت ابرد بأضافري سمعتو قفل الباب وخطواتو تتقدم ناحيتي ما احس الة كضبني من زندي و خلاني كبالو جريت ايدي منو وصحت

بحـــࢪ...... شبييييك

أيســـر..... انتتتت الكايلة الابوي عن الصووور مووو؟

بحـــࢪ..... ايي انيي وشنو الي تريدووو؟

ما احس الة جرني من شعري وقربني الو حجة وهوَ يكز على مخارج الحروف

أيســـر..... اطلع اسافر حلكج ما ينفتح ما طايقج بعيشة الله شنوو الي ترددينة اكمل زواجيي ويااج؟ هذا التردينة سهلة

ما لحكت احجي دفعني على الجرباية اجيت اكوم وصار فوكي قيد ايدي عن الحركة صحت

بحـــࢪ.... وخررررر وخررررررررررررررر مااا اررررررريد وخرررررررررر

ضليت ادفع بي وابجي خلة راسو بركبتي بجيت وبقيت اصرخ وادفعو وخايفة اجة على بالي شكلو الهذاك الدكتور وهوَ يغتصبني بجيت ولطمت اخذ شفايفي بين شفايفي بقوة حسيتو بنتقم مني لعبت نفسي ودفعتو عني بكل قوتي وكمت اتقيئت بالارض وابجي طلعت روحي واني اتقيئ رفعتلو راسي وصحت

بحــࢪ..... حقيررررر والله حقيررررررر الله ياخذذذك

حجيتها وانفجرت بالبجي واعدل بملابسي

بحـــࢪ... والله ما ابقة هيييين لو اعرف يكتلوووني ما ابقة عندك.

مشيت بأتجاه الكنتور وطلعت جنطة تحت استغرابوا من ردة فعلي اجيت اخلي الملابس بالجنطة وانجريت من ايدي

أيســـر.... اتخبلتتتتي انتتت شنو بعقللللج شنووو تردددددين فهمينييي احتاريت ويااج

دفعتو عني وصحت

بحـــࢪ.... ماا اريددددك طلكننننني

أيســـر..... يابة وطزززززز بيج وطزز بلي يعيش وياج لمي ملابسج اوصلح الاهلج

ما اهتميت درت لميت ملابسي بسرعة ولبست بشتي وشمرت الحجاب على راسي وجريت جنطتي اجيت امشي ما احس الة جرني من كصيبتي

أيســـر..... اذا هاي طالعة شكووو لابسة شاال ضمي كصيبتج وكذلتج لا براجدي افلش وجهج الج

جريت كصيبتي منو ودرتلو

بحـــࢪ.... والله مخبل انتتت مخبلللل مو صاحي الله ياخذك

أيســـر.... يومج قبل يومي

حجاها وجر شالي ونزلو على عيوني رفعتو وشمرتو عني وصحت

بحــر.... هساااع ارتاحيت اطلع بيا حجاب يلا

جرني من كصيبتي وحجة بتهديد

أيسـر... تلبسين الحجاب عدل وتضمين شعرج وتراجيج المطلعتهن جنج البقرة البجبن لا بالله براجدي انسخ ملامح وجهج بالحايط

بحــر..... درووووح النمس

لبست شالي ودرت فتحت الباب ومشيت واسمع خطواتو وراي نزلت ابجي وامسح ادموعي ابتليت كلت الابو جاي متحامي عليّ اجيت افتح الباب واطلع انفتح ودخلت عمتي

أسيل.... ها شنو منو شصاير

باوعت وراي وحجت

أسيل.... أيســـر شبيك بعدنة ما كايلين بسم الله هسه اجيت شبيك وينة البنية

شهكت وحجيت بتمسكن

بحــࢪ.... عمة ضربني والله ما اريددددو والله اريد اطلكك منو ما ابقققى كاعدة هيننن

فتحت عيونها بصدمة صاح أيســـر

أيســـر.... ياا ملعووونة ليمتة

ما احس الة صوت منورانة

أحمد.... أيســـرررررر

التفتنة اثنينة شفنة عمي واكف وعاقد حاجبو صاح

أحمد..... تمددد ايددددك علىىىى مرررتك هييج انه مررربيك؟؟

خلة ايديه ورة ظهرو وحجة ببرود

أيســـر.... انتَ زوجتني وهيَ قبلت تتحملون اليجيكم

أحمد.... للأسف ما عرفت اربيك

التفت الي وصاح

أيســـر.... مو تردين ترحين للهللج؟ يلاا كدامي

درت وجهي وطلعت برة قبلو اجة وراي فتح الباب وصعد صعدت وسديت الباب بكل قوتي حرك السيارة وعم السكوت بيناتنة حسيتو على اي ساعة ينفجر بوجهي اخذ باكيت جكاير وبدة يشرب جكاير وعاقد خاجبو درت وجهي على الجامة ونسيت هوَ دكتور ويفتهم انكليزي راح من بالي وغلطت عليه بالانكليزي وغلط من العيار الثقيل

وكف السيارة بسرعة درتلو دحكتو يباوع ومصدوم استوعبت واجيت احجي ما احي الة لزمني من شفايفي بأيدة وحجة بتهديد

أيســـر.... بالعباس اذا مرة ثانية شفتج تحجين هيج حجي اسويلج فلر فوك الفلر المسويتة فاااهمة

دفعتو عني وكضبت شفايفي بألم وصحت

بحـــࢪ..... مااا مسوووية فلرر شفايفي طبيعبات لو متعود على امهات الفلࢪ عبالك كلها نفس التعرفهن

أيســـر..... لسانج لج لا براجدي افر راسج فر

بحـــࢪ.... لا تفر راسي ولا افر راسك وصلني البيتنة وورقة طلاكي دزها الي ما اريد ادحك جهرتك بعد

أيســـر.... خفة وراحة يوم عيد والعباس

بحـــࢪ.... عجل اذا هيج سوق بسرعة خلي نوصل

أيســـر..... شلون تتحول الى بـ**** بأسرع وڪت

درت خزرتو

أيســـر.... عيونج افڪسهن ادب سزز

بحــࢪ.... مو بكيفك افكس عيون الصورت وياها لو كادر بس عليّ النوب ايديها تلعب النفس عبالك ايدين رجال ادور ولد انتَ؟

ضحك بطرف شفتو وحرك سيارتو وصلني البيت صباح و وائل نزلت اني وجنطتي دكيت الباب وهوَ ضل واكف صحت عليه

بحـــࢪ.... شو باقي واكف هساع صحة ضميرك

أيســـر.... واكف خاف يصيرلج شي حاسبينج عليّ مرة

بحـــࢪ..... مرة غصباً ع الكل خوش

أيســـر.... انجبي لج النرجسية مفولة عندج

بحــر... النمس جنك الف دينار وكاعد يسوق كبر هالجهرة

عفتو ودرت وجهي دكيت الباب شوية وفتحو صباح خزرني وصاح

صباح.... شعنندج جاااية؟

عفتو ودخلت للطارمة جرني من ايدي وصاح

صباح..... ما الجججج كعدة ببيتي طلعيييي شعدج جااية

سحبت ايدي منو

بحـــࢪ.... ما لافيتلللك جااية البيبيتي

صباح... بيبيتج مو هينن طلعت من هذا البيت

فتحت عيوني بصدمة وصحت

بحـــࢪ.... وووووين رااااحتت وين وديتووووهااا يا ما تستحووووون

رفع ايدو يريد يضربني رفعت ايدي وخليتهن على راسي امنعو ما احس الة أيســـر ڪبالي نزل صباح ايدو

أيســـر...... على اي اساس اتمد ايدك عليها؟

صباح.... واكسرر راسهاا عمهااا اننننه

دفعو عنو وصاح

أيســـر.... لا ما تكسر راسها ما الك حق عليهاا اكسر ايدك قبل لا اتمدها

صباح..... لك شنووو انت تهدددنيي

التفت الي وحجة

أيســـر.... للسيارة

بحـــࢪ.... ما اروح كبل لا اعرف بيبي حَنينة وين

صباح.... ما الج اي شي عدنة لو تموتين ما ادليج مكانها

خزرني أيســـر

أيســـر.... للسيارة انه اجيبلج مكانها

سكتت واتسحبت من يمهم ورحت قبلو للسيارة كعدت ع الكشن وبجيت ما اتحملت وين بيبي راحت ومنو الها ليش مو هنا معقولة صاير عليها شي اختنكت وحسيت ما اعرف شنو اسوي بعد مدة ورفعت راسي دحكتو أيســـر طلع من البيت ودار صعد حجيت بسرعة

بحـــࢪ..... وينهاا عررفت مكانهاا؟

هز راسو

أيســـر... عرفتة صايرة مشكلة بينها وبين مرت عمج وعايفتهم ورايحة مأجرة وحدها ببيت

بحـــࢪ....***** اكيد هاي ورود ال**** الما تستحي مرة بكد بيبيتج كورج وية كورها حتى ما الها اذية الله لا يوفقهم الله ياخذهم عسى حوبتها ما تتعداهن شلون هساع عايشة وحدها شلوون

حجيتها وبجيت

أيســـر.... ول ول شهالالفاظ السزز هاي انتِ عود صدك هيج

رفعتلة راسي وحجيت بحركة دم

بحـــࢪ... انه بيا حال والدفان يغمزلي بالي وية بيبيتي وانتَ كاعدة تكلي شهالالفاظ عندي بعد اقوى منهن اتحب اصدمك؟

هز ايدو وانطاني بطل ماي اخذتو منو وحجيت

بحـــࢪ... صاير عندك ذوق

أيســـر... تردين اخذج الببيتج؟

بحـــࢪ.... اكيدين عجل ابقى مكابلتك؟

حرك السيارة شربت الماي وكتفت ايديه وعيني على الطريق

أيســـر.... سؤال

بحـــࢪ.... اسأل منو كاضبك لو نزلت عليك الاخلاق فرد نوب

أيســـر.... عمامج

بحـــࢪ.... لا تكول عمامج ما اتشرف بيهم

أيســـر.... خوش.... ليش هيج يعاملونج؟

لميت شفتي للداخل وفركت ايدي اتنهدت وجاوبتو

بحـــࢪ.... همه هيج ما عشت يوم حلو وياهم يكرهوني وحاقدين علية من لا شئ بالرغم ما عندي اذية عليهم

أيســـر..... زين وابوج حتى بالعرس ما اجة ليش

ابتسمت بطرف شفتي وحجيت بغصة

بحـــࢪ... يهرب من شوفتي استنجدت بيه وكتلو ما اريدو هالزواج ما اريد انجبر ويستفادون اخوانك براسي

قاطعني

أيســـر.... شنو قصدج يستفادون؟

بحـــࢪ... اخذو فلوس المهر ما انطوني منهن غير مليونين......المهم كتلو تعال ساعدني سفرني يمك واني اتكفل بعيشتي ما اريد شي منك كلي قبلي واني بفترة الخطوبة اجي هين واخلي يفسخ العقد اثاريو ضحك علية وخلاني قبلت بيك جان انهزمت كبل الخطوبة وهساع ما متصلة بي. من هذاك الوكت كارهتكم كلكم محد منكم وكف وياي ولا بشي واحد

أيســـر..... كارهتكم دروحي لج انه هم مجبور بجهرتج

بحـــࢪ..... عجل بس انتَ تڪلي ما اواطنج بعيشة الله وعساس

أيســـر... وهسه انتِ ضامتهة الي؟

بحـــࢪ... ما انسة شي

دار وجهو وكمل الطريق دخلنة بشارع حجة

أيســـر.... صباح ڪال اول بيت على ايدك اليسرى

وكف كبال بيت ونزل نزلت وراه مشة بأتجاه البيت ورفع ايدو ودك الباب اكثر من مرة مدة طويلة وأيسنة كلنة مو هذا البيت اجينة ننسحب وسمعنة صوت بيبي حجت

حَنينة.... منو بالباب؟

دمعن عيوني وحجيت بسرعة

بحـــࢪ.... اننني بيبي انيي

حَنينة.... يمه بحـــر!

فتحت الباب اول ما دحكتها نزلن ادموعي وشمرت نفسي بحضنها واشهك بصوت عالي

حَنينة..... يمه اسم الله شبيج خو ما صاير شي

ما جاوبتها و استمريت ابجي

أيســـر.... شلونج حجية شلون صحتج

حَنينة.... هلا بيك يمه زينة شبيها بحـــࢪ؟

أيســـر.... لا ما بيها شي تعبانة شوية جبتها يمج ترتاح

حَنينة....تعالو يمه دخلو جوة

أيســـر.... لا والله مستعجل اريد ارجع

رفعت راسي ودحكتلو

أيســـر..... احاجيج شوية

رحت وكفت يمو مد ايدو الجيبو وطلع فلوس كضب ايدي بسرعة سحبتها منو
بحـــࢪ..... ما يحتاج

خزرتي واشرلي عليهن كلت عيب افشلو كدام بيبي اخذتهن منو سلم وطلع شلت جنطتي ودخلنة جوة بيومها ما نمت كضيتها بحضن بيبي وهيَ تمسح على شعري واثنينة نحجي الصار ويانة

بحـــࢪ..... شصار وياج بيبي شلون اجيتي هين

حَنينة.... اتعاركت وية ورود الخارمة الما تستحي وابني الاغبر وكف وياها على امو ويرفع صوتو و وما يحترم طكيت ايدي بالكاع وكلت ما الي كعدة بعد هين طلعت والله وما قصر حصلتلي هذا البيت اجارو زين وادفع فلوسو من راتبو للمرحوم غصباً عليهم ينطوني اياه

بستها بأيدها

بحــࢪ.... عمت عيني شلون عايشة وحدج منو يطبخلج منو الج

حَنينة... احسلي يبيبي احسلي وحيدتي كاعدة ومرتاحة

بحـــࢪ.... اني راح ابقى يمج

حَنينة.... تاكلين خرا وترجعين البيتج

بحـــࢪ... افاا بيبي اطرديني؟

حَنينة.... اي اطردج ما بي شي الرجال مال وجمال وشهادة واخلاق شتردين بعد

بحـــࢪ... يمد ايدو علية

حَنينة..... شنوووووووو؟

بحـــࢪ.... اي كبل شوية كتلني اهلو كوة سحبوني منو

حَنينة.... كسر بأيدو بسيطة خلي ادحكو الة اعاتبو على شنو يضربج ماكو بفقارتج

بحـــࢪ.... اي والله بيبي بس هوَ ما يحبني اتخيلي يخوني؟

حَنينة..... يا يا صخام بكصتو هذا المبين فقير هيج يسوي

بحـــࢪ.... اي والله وبعد وبعد فلا يستحي

مرن جم يوم يم بيبي مرتاااااحة وراسي بارررد لا أيســـر ولا ضيم سميرة بيوم عرس آرام خابرت الها وباركت

آرام.... عفية بحـــࢪ تعاي للعرس عفية الخاطري

بحـــࢪ.... والله ما اكدر ما اريد ادحكو لأخوج

آرام.... هسه قابل اخوي راح يكعد يمنة

بحـــࢪ..... اجيلج باجر ببيت اهل زوجج

آرام..... اي اي حبابة ولو اريدج اليوم لأن هاي شُــــــذير فاهية كلشي ما ادبر

ضحكت واسمعها تكلها

شُــــــذير.... والله صوجي اجيت وياج للصالون امداج لو باقية بالبيت يم بيبي زهـــرة وكلساع كايلة تعاي مرخي رجلي هم احسلي

بحـــࢪ.... هلو شذورة

شُــــــذير.... هلاوات شلونج شنو مرتاحة بدوني مو محد يكعد يمج بالغرفة

بحـــࢪ.... ههههه لا والله ضالة فاهية

شُــــــذير.... اليوم الصبح خالو أحمد ڪال الخالو أيســـر رجع مرتك

عدلت كعدتي

بحـــ ࢪ... اي وشكلو؟

شُــــــذير... كلو عوفها هاي الفترة يم بيبيتها تعقل

شهكت
بحـــࢪ.... لا يا ما يستحي شنو قصدو ما عندي عقلل؟

شُــــــذير.... ههه خالو كلو لا لا تحجي على البنية والنعم منها مابيها اي قاصر

حجيت وياهن شوية وسديتو ومرن الايام عادية ببيت بيبي

••••••••••••••••••••

آرام

بيوم عرسي جان ڪلشي كامل وكلشي مثل ما احب ماعدة القاعة وحتى الصالون صارت عليه خلافات بيني وبين عمتي ام حسين الحد ما حسين هوَ اقترح صالون وقبلنة عليه اثنينة راحت وياي شُـــــــذير ومن كملت اجة علينة منيب بالطريف حجة

منيب.... فاتجن شنو صار

شُـــــــذير..... شنوو خالو

آرام.... يا ستار

منيب... ليلى وهيام صارن من الروس

طكيتها بضحكة عالية

آرام.... عود صدك ليش

منيب.... ما ادري بس وصلني الصياح وكل وحدة اتصيح يبوووو هديني من شعري الحد ما بيبيتي هدت عليهن بالمس حرمستهن اتحرمس هذيج هيام خنست اخذت ابنها وصعدت فوك وليلى رجعي البيتهم

شُـــــــذير.... لعد هيَ امها مو راحت الخوالها زعلانة ليش ما راحت وياها المن باقية بس للمشاڪل

منيب..... جا شلون اتروح واتعوف الدرب مفتوح الزڪــريا مو حجي هذا خاتونة

شُـــــــذير.... خالو لا تحجي هيج ترا بعدهم ما عاقدين بس حجي

منيب.... آرام جاي تفكرين بلي انه افكر بي؟

رفعت البرنص وباوعتلة بالمراية وضحكت

شُـــــــذير.... شبيكم تضحكون ضحكوني وياكم

ضحك منيب بصوت عالي
منيب.... لا بس يمكن اكو واحد اعرفة جاي يتعاركن عليه اثنين

آرام.... هذا التعرفة فلا يفتهم اذا عاف الخوخ وراح على البصل

منيب.... هلبت انه النسوان تتعارك عليّ كلشي ماكو حتى رجل دجاجة ما محصل

آرام.... الدجاجة تشرد من العتوي

وصلنة للبيت اتلكني الهلاهل والجكليت باستني امي ودمعن عيوني وبستها بأيدها امي افقر نسوان حموينها ما عدها اذية على اي احد دخلت كعدت بالاستقبال نسوان قليل من قرايبنة جايات شوية ودخلت هيام وكعدت على صفحة كلها ضلت تسأل منو هاي ومنو وانتشر الخبر هاي زوجة معتز اجت شُـــــــذير وهمستلي

شُـــــــذير.... آرام اخوانج يردون يشوفونج

آرام... يكدرون يدخلون هنا؟

شُـــــــذير.... ما اعتقد يقبلون خالو منيب يكول استحي من النسوان

ضحكت
آرام ..... كلاوات العيد مالتة يستحي بلا هوَ

شُـــــــذير.... هسه شنو اكلهم

آرام.... ساعديني خلي اكوم الهم

لزمت ايدي ورفعت البدلة وياي بدلتي ردان وما طالع شي من جسمي استحي اجينة نطلع وحجت بيبي

زهــــرة..... وين رايحة بيبي

آرام.... اشوف اخواني

هزت راسها ما اعرف شبيها بس صافنة واتباوع الي

كملنة الطريق لكيناهم واكفين يم الدرج دمعن عيوني وكفت هسه انه ليش عرست فلتت ايديمن شُـــــــذير واول ما ركضت لأيســر حضنتة وبجيت وواجاني شعور مو حلو

آرام..... ما اريد اعرس عفية بطلت

باسني براسي
أيســـر....ههه مشمشاية مو لعب هوَ حبيبتي

زادن ادموعي وردت ابطل وخرني عنة وحجة زڪــريا

زڪــريا.... لا تبجين بت الاوادم خشمج يكبر من تبجين

ضحكت ومسحت ادموعي
منيب... لا تخافين حسين خوش رجال اعرفة من زمان ما شايف منة اي شي

باسوني وباركولي ورجعت المكاني اجت بيبي كعدت يمي وصفنت بحيرو

آرام.... شبيج بيبي

دكت على رجلها وهزت راسها بلا خفت خاف بيبي حالمة بية حلم بلعت ريكي وطردت الافكار من راسي شوية وكالو اجو دخلن قرايبهم يهوسن ويطشن جكليت دخل حسين مرن باقي المراسم عادية وما بيها اي شي اخذوني البيتهم اجة وقت الزفة لزمتني البجية وخفت حسيت صارت صدك الرجفة لزمتني اريد اسيطر على نفسي ما اكدر دخلت للغرفة قبلة وانصدمت هاي مو نفس الغرفة الختاريناها انه وياه انه عجبتني غرفة ودزيتها الة وكال جبت نفسها بس هاي ابد مو نفسها وحتى موديلها مو حلو ولونها فاقع لميت شفتي للداخل وزادت الضوجة والدمعة صارت بطرف عيني مو عن شي بس ليش جذب عليّ وكال جبتها شوية ودخل باوعلي ابتسم ابتسمتلة كوة واحاول انسة الصار اتقدم يمي وباسني براسي

حسين... احبج

رفعلة راسي وابتسمت

آرام.... انه هم احبك

ضحك

حسين... الف مبروك حبيبتي

آرام.... الله يبارك بيك

حسين... فرحانة؟

آرام... اي

حجيتها وانه متوترة اخذني للجرباية وبدة يوزع لمساتة عليّ همست واني ادفعة

آرام.... عفية حسين مو هيه خ

ما خلاني اكمل اخذ شفايفي بدة يتجرأ اكثر انزعجت من لمساتة الي وما عذرني ان هاي اول ليلة وياه ولا اهتم الهذا الشي جردني من الملابس ورجع يبوسني بقسوة اتأذيت ودفعتة وصحت بألم
آرام..... لااا لااا وخرررر وخررر

اتخبل من رفضتة طبك ايدي اثنينهن ورفعهن ليفوك اتقرب الي بطريقو بشعة ما ممكن احد تقبل بيها حسسني وكأن انه وحدة رخيصة بين ايديه من غير كلامة البذئ اتفاجأت بي ومن تصرفة اتأذيت حيل وجسمي كلة يرجف كمل ورفع راسة مصدوم جرني من شعري وحجة
حسين.... ليشش ماااكو دمممم؟

جاوبتة واني ارجف من الالم والنفس كوة اجرة
آرام..... ش شنو؟

ضربني راحدر ورجع جرني من شعري وصاح
حسين.... لججج **** مننننننو ناااايم وياااااج ككككبلييييي طلعتتتي **** واخووووج يبييع وشرفيااات براااااسيييي

آرام.... شنو جااي تححجي انتت وخرر حسين متأذيةة وخرررر

ما رد عليّ جر تشيرتة وشد. حلكي بجيت وبقيت ادفع بي وابصرخ بصوت داخلي محد يسمعن رجع اتقرب الي بقوة وبقرف لعبت نفسي وحسيت رروحي جاي تطلع ابتعد بعد ما تعب من غير كلام لبس ملابس وطلع افجرت بالبجي من الالم جسمي كلة يتكطع والم كلش قوي بكل انحاء جسمي ردت اارفع ايدي ما اكدر رفعت راسي للسما وبجيت ليش هيج سوة ليش بصعوبة وخرت التشيرت من حلكي ضليت ادور براسي على تلفوني الحد. ما طاحت عيني عليه مخليتة على الميز رفعت ايدي وبصعوبة وصلتلة جسمي كلة ما اكدر احركة اول ما اجت عيني على رقم زڪــريا شهكت واتصلت عليه رد بسرعة وانه انفجرت بالبجي اريد احجي ما اكدر كلبي يتكطع من الالم واسمعة يصيح

زڪــريا... ها آرامم شبيج ليشش تبجييين؟

بصعوبة طلعت مني كلمة
آرام.. ز زڪريا

حجيتها وبعد ما حسيت بشي

••••••••••••••••••••••••••

شُـــــــذير

رجعنة من العرس كلها ضايجة على مود آرام والبيت نحسة فاهي الدمعة بطرف عيني احبها آرام طيبة وما منها اي اذية واقرب صديقة الي كعدت بالصالة وكتفت ايدي و وجهي كالبتة بسرعة اشتاقيت الها واني جنت اكلها شوكت تزوجين وارتاح منج هسه صار العكس

كعد يمي رضا نفس كعدتي

رضا.... شوشو

شُـــــــذير..... ها

رضا... شنو بعد عمة راحت ااتزوجت

شُـــــــذير.... اي مشتاق الها؟

رضا.... اي

شُـــــــذير.... اني هم

باوعت الة واني كوة لازمة ادموعي نزلت هيام هيَ وابنها وكعدت يمنة

هيام... شبيكم

رضا.... مشتاقين الآرام

هزت ايدها

هيام..... آرام اتزوجت وراحت بسبيل حالها اندعو الها احسن

.... ماما منو آرام؟

هيام.... هاي البنية ام عيون الخضر

..... هااا

دخل خالو زڪــريا عاقد حاجبة ويدخن باوع النة شافنة كاعدين حجة

زڪــريا... رضا اصعد يم ابوك و شُـــــــذير صعدي نامي

حجاها وصعد نفخت بضجر وكمت مو لأن طلب مني لا لأن تعبانة اصلاً ما احاجي من يوم الي خطبو ليلى الة وبقة بس يعقد الحد هسه اتذكر ادموعي بوقتها صعدنة اني ورضا هوَ راح الغرفة ابوه واني اجيت ادخل. انجريت من ايدي غمضت عيوني بنفاذ صبر وعرفتة خالو زكريا سحبت ايدي منة ودرتلة

شُـــــــذير.... شتريد؟

زڪــريا... ليش زعلانة؟

اتكتفت ورفعتلة حاجبي

شُـــــــذير.... لا زعلانة من كيفي هيج نمت وكعدت لكيت روحي زعلانة ولا كأن واحدد متزوجني وهيج يريد يخطب وحدة ثانية ولازم عادي ما اهتم

لانت ملامحة وضهرت شبه ابتسامة على شفايفة دنك باوعلي من فوك ليجوة اختفت ابتسامتي وانحرجت من نظراته

زڪــريا... كبرانة!

حجاها واتقدم ناحيتي رجعت على الحايط صار قريب مني دنك راسة الي اتوترت وهمست
شُـــــــذير... لعد ابقى صغيرة!

دنك يم اذني وهمس
زڪــريا... كبري انه اريدج تكبرين

بلعت ريكي ووبللت شفتي انخفض نفسي واني عيني بعينة

شُـــــــذير... ل ليش؟

جاي يحجي وسمعنة خطوات على الدرج جرني من خصري بسرعة ودخلنة للغرفة وسد الباب ايدة على خصري وقريب مني حيل اتنفس بسرعة ومتوترة ما اعرف شنو اسوي باوعلي بهيام ونزل نضرة على شفايفي ددنك راسة بسرعة رجعت راسي ليورة استوعب ورفع راسة عني وعدل وكفتة ابتعدت عنة وهوَ مسح وجهة وحجة

زڪــريا... شُـــــــذير مرة ثانية رفضي تمام؟

عقدت حاجبي مو فاهمة

شُـــــــذير... خالو شبيك؟ شنو الي ارفض ما جاي افهم عليك شنو تريد مني اذا انتَ اتريد. تخطب طلكني

زڪــريا... شبيج بابا وينج وين الطلاك تحجين صدك روحي روحي نامي احسلج طلاك ماكو اذا اريد اطلكج من تلكين اختج

لميت شفتي للداخل وحجيت
شُـــــــذير... اتمنى هذا اليوم قريب والكاها

اتنهدت وبعد ما حجيت شي نزع خالو زڪــريا ساعتة وخلاها على الميز وراح يم جرباياتي اجة يكعد وصحت

شُـــــــذير.... هااي ليشش وين نايم

زڪــريا... هنا بعد وين؟

دكيت رجلي بالكاع وحجيت
شُـــــــذير... شبيك خالو شلوون تنام هنا بلا واحد اجة اطلع عفية والله ما الي خلك مشاكل

اتمدد وحجة

زڪــريا.... مشاكل شنو وانه هنا مو يتجرأ يحجي وياج؟

شافني ما جاوبتة فتحلي ايدة واشرلي اجي ضليت محتارة بين اروح وبين لا

زڪــريا.... تعاي يا بوية مو شلعتي كلبي

درت قفلت الباب خاف احد يجي واتقدمت كم خطوة وصلت للجرباية وصفنت وين اتمدد الجرباية ام النفر يلا تكفيه بس هوَ لزم ايدي وجرني الحضنة اتمددت يمة وبقة لازم ايدي اتوترت ويبست نفسي من قربة لزمتني البجية وخفت ردت اسحب ايدي همس
زڪــريا.... جؤ اش كعدي

شُـــــــذير... خ خالو عوف ايدي

زڪــريا.... ليش؟

شُـــــــذير... جاي اضوج

عاف ايدي ومد ايدة الشالي راد يفتحة لزمت ايدة

شُـــــــذير.... لا لا خليني لابستة

زڪــريا... منيم يمي بيبيتي نايمة بشالج شبيج عبالك ما شايف شعرج لو راح احسدج

فتح شالي وخلة كصيبتي على كتفي وشم شعري
زڪــريا... شيصير لو امج جابتج من وكت؟

فهيت بوجهة وحجيت
شُـــــــذير.... ها

زڪــريا... تعبت وانه المحلج اجداج بالكبر حسو وانتِ ما حسيتي

ضجت من ما فهمت كلامة هسه شبية ما الكفها وافهي من اجي يمة شافني صافنة ومو وياه دنك راسة واشتم ركبتي غمضت عيوني واحس نعست واريد انام سمعتة همس

زڪــريا... لــبة حشــاي

فتحت عيوني ببطئ لا ارادي رفعت ايدي ولفيتهن على ركبتة وخليت راسي على صدرة ونمت مالحكت اغفى وفزيت على صوت موبايل خالو زڪــريا فتحت عيوني وهوَ رفع الموبايل

زڪــريا.. ها آرامم شبيج ليشش تبجيين؟

فتحت عيوني على وسعهن من عرفتها آرام ضل خالو يسأل شبيها ما اتريد طفر من الجرباية وبسرعة حجة بموبايلة

زڪــريا... يمة صعدي شوفي آرررام شبيهاا..... بسرررعة على ما اجييي

طلع برة لبست شالي وطلعت وراه ااني اسأل

شُـــــــذير.... شبيهاا خالوو شبيهاا آرررام

ما جاوبني وراح نزل نزلت وراه واركض اريد اعرف ما اكدر وصل الباب المطبخ والتفتلي وصاح

زڪــريا... بسررررعة صعدي جيبيلي سويج. سيراتي

هزيت راسي وبسرعة صعدت رحت الغرفتة دوىت على السويج ما لكيتة انثولت وكمت ما اندل دربي الحد ما لكيتة كبال عيوني على ميز التواليت طلعت اركض وصادفت خالو منيب

منيب.... شبيج تركضين ياهو مات

سحبت نفس وحجيت بصعوبة

شُـــــــذير... آرام خابرت على زڪــريا ما ادري شصاير

عقد حاجبة. وطلع موبايلة ونزل يخابر نزلت لكيت خالو زڪــريا ينتضرني جراه مني

منيب... شصايرر؟

زڪــريا... خابر على حسين بسرعة

حجاها وطلع بسرعة وخالو منيب طلع وراه ضليت ما ادري شسوي متوترة واروح واجي النوب محد. هنا بيبي وخالة أسيل باتن يم آرام وهاي هيام كلشي ما ادبر

أحمد... بابا ليش الهسه ما نايمة

التفتت الة شافني متوترة وما اعرف شنو احجي

أحمد.... شبيج عمو لونج مخطوب

شُـــــــذير.... آرام اتصلت على خالو زڪــريا تبجي

أحمد.... شنووو!

شُـــــــذير.. والله وهسه راحو هوَ وخالو منيب

دخل للغرفة دقايق وطلع من البيت بقيت خايفة ومتوترة شصاير وآرام شبيها باوعت للساعة بالوحدة وربع بالليل بقيت اكل بأظافري ومتوترة صارت بالوحدة ونص ونزل خالو أيســر يركض ومسدسة بأيدة وبس انكلة بز ينفجر مالحكت احجي وطلع

الى هنا انتهت العثـرة السابـعة و الثـلاثون

تصبحون على الف خير 🤎