بسـم الله الرحمـٰن الرحيـــم♥.
هـــــــــــــــــــــــــــــــذا
الحُــزن في وجهــــــــكَ مُلفت
أنــتَ تشـبه العــراق مُتعـب
وجــذاب.
"آنجــذام"
(معنـى انقطا؏)
🔵بقلمـي|| قـربان أحمــد 🦅.
⭕لاتنســون التصــويت⭐.
~~~~~~~~~~~~~~~~~~~~~~~~~~~~~~
آرام
.. گعدت ثانـي يــوم الساعه بـ11 واني شبعانه نوم
بحيث احس عندي نشاط من حيث لا احتسب
نهضت من الفراش غسلت وكملت وگعدت على
التلفزيون جسام نايم مااعرف شوكت نام لان
البارحه عفته گاعد والواضح متأخر بالنوم
صفنت على الاحداث والمشاكل الي صارت
بحياتنه منين مااجيبهن ماالكه الهن تفسير بس
كل شي بي حكمة ولااعتراض على حُكمه
سحبت موبايلي واني ابالي راح الگه ماما لو
آرام مخابرات بس خاب ضني ومالكيت شي
شكد ماجنت مشتاقه الصوتهن شكد ماجنت اكابر
واعاند نفسي مااخابر عليهن لان هن غلطن بحقي
مو اني وشكد ماراح اعيش مستحيل انسه طردت ماما
الي
رغم متعوده على ماما يمن يحترگ دمه لو
تصير عصبية ماتصيطر على نفسهه بس اثر
بيه الموقف احس كرامتي انمسحت بالگاع گدام
جسام
صار الظهر وهو بعده على نفس نومته
واني منا طالعه روحي من سالفة امي وكاتلني
الجوع بدون ريوگ واستحي اگعده مااجه على بالي
غير التلفزيون گعدت اگلب بالقنوات طلعلتلي
قناة طيور الجنة عليتهه اعلى صوت وغطيت راسي
ماكو خمس دقايق سمعت صوت التلفزيون وهو
يطفي رفعت راسي لگيته يباوعلي باانزعاج
حجه بضيق
: - شدعوه هلگد معليته؟؟
ابتسمت ابتسامه صفره
: - لاا بس گلت اسوي اجواء
غمض عيونه بنفاذ صبر ورجع تمدد ولاعبالك
اردفت بفشله
: - مادامك گعدت عادي اجيبلي حتى لوبسكت
لان جوعانه
رفع راسه من المخده وباوعلي وهو مضيق عيونه
: - لو مگعدتني مثل الاوادم وگايله جوعانه
مو احسن من هاي سالفتج الماصخه
نزلت راسي بفشله من سوالفي مااخذني الواهس
لان هناك بالبيت جنت اني وكرار وملار هيج
مااحجه شي گام طلع ربع ساعه ورجع جايب
وياا اكل وعلاگه حلويات
: - اكلي بسرعه بين مااروح اخلي بانزين بالسياره و
اجي
رفعت راسي بااستفهام
: - شنو راح نرجع
هز راسه بنعم
: - اشعدنه باقين بعد
: - تمام
طلعت لفه اكلتهه بسرعه شربت وراهه ماي وكمت
غيرت ملابسي ولفيت حجابي وگعدت انتظره
للعصر رجع وطلعنه البغداد تاركين المحافظه نهائي.....
"" "" "" "" "" "" "" "" "" "" "" "" ""
مــــــــــلار
هبطت الطائره بمطار اسبانيا واحنه ضايعين
او بالاحرى كلشي ماانعرف بسبب اللهجه مانعرفهه
خلصناهه على جسام كل مااصار شي
ماما خابرته لان جان يعرف يحجي انكليزي
فساعدنه هواي
طلعنه من المطار والجو بارد ومغيم حرفياً
ضلينه نرجف وقفنه تكسي واحنه مانعرف شي
رجعت ماما خابر على جسام وحجه هو
وي ابو التكسي وفهمه
وحسب الي فهمته انو هو باحث مااعرف شنو
على شقق ايجار اهنا ويعرف العنوان بس انطاا
للزلمه اخذنه
تقريباً مسافة ساعه كامله يله وصلنه
نزلنه ونزلنه اغراضنه ويانه
رفعت راسي اتفحص المكان جانت عماره عباره عن
شقق لونهه ابيض وبيهه حديقه ازغيره جانت
مره جبيره بالعمر گاعده على كرسي بالحديقه وگبالهه
بنيه وولد ازغار جاي يلعبون
دخلنه والمره عينه علينه تباوع بااستغراب
على مااعتقد بسبب الحجاب اواكو سبب ثاني
غلست وكملت مشيي واني اسحب بالجنط لحد
ماوصلنه للباب اتوقفت وانداريت الماما
طلعت موبايلي وكتبت بسرعه
: - هسه شلون ندخل واحنه مانعرف صاحب
المبنى؟؟
قرتهه بتمعن وردت علي
: - راحت من بالي انطيني موبايلي خل احاجي
طلعتلهه الموبايل من جنطتي وگعدت تحجي
وياا
وعلى اساس انو حاجهه الولد وراح يجينه
ضلينه واكفين ننتظر الولد يجي
واني جنت اتفحص المكان بعيوني جان
الجو رغم برودته حلو والاجواء والاشجار منظرهن
يفتح النفس
خلال وقفتنه فاتت بنيه جانت صاعده على سكوتر
ومخليه سماعات بااذنهه
اول ماشافهه كرار حجه وهو ياشرلي بعيونه
: - لججج باعي مـلار طلعو نفس الافلام الي
نشوفهن
ابتسمت اله واني اهز راسي
رجع كمل كلامه بحماس
: - اذا بقينه هنا اجيبلي مثل مالهم
هزيت راسي بتأييد الكلامه
اجه الزلمه انطانه مفاتيح الشقه ودخلناا جانت
اكو مصاعد ماتعبنه بالصعده واحنه الطابق الثالث جنه
دخلت للشقه التعب والنعاس صايرات فولل عندي
بحيث لاباوعت بالشقه ولاشفته گبل شمرت نفسي
على اول قنفه طلعت گبالي وكرار نفس الحاله من
التعب والارهاق حتى عيونه ورمت
جابتلنه ماما اغطيه وغطتنه ودخلت بنوم عميق
بدون ماافكر بحالنه او الي راح يصير
"" "" "" "" "" "" "" "" "" "" "" "" "" "" "
مَــزن
اجاني صوت خشن
: - منو انتي
التفتت نص التفاته طلع بوجهي زلمه وياا بنيه
جانو يباوعلي بااستغراب من وجودي
سحبت شالي غطيت شعري ورديت بارتباك
: - اسفه بس جاي اخذ مي
عقد حاجبه بااستنكار واردف
: - اني ماسئلتج شسوين گتلج منو انتي
رفعت راسي ورجعت نزلته بتوتر
: - اني بنت هاي العائله الي ساعدهه ابنكم سالار
هز راسه بتفهم ورد
: - اخذي راحتج بويه البيت بيتج
هزيت راسي ورجعت اركض للغرفة واني العن
الساعه الطلعت بيهه وفشلت نفسي
دخلت شمرت المي على فاطمه اجه بوجهه البطل
صرخت بصوت عالي
: - ماماااااا
شمرت عليهه المخده اريدهه تسكت
بس بعدهي مقاومه تصرخ عبالك وحده
جاي تتعارك
فزت ماما تباوعلنه مفزوعه
حجت بفزع وخوف
: - شبيجج منو وياجج ليش تصرخينن؟؟
ردت وهي لازمه خشمهه وتااشر علي
: - مزن شمرت بطل المي على وجهي
ضربتهه ماما على جتفهه بقوه
: - عبالي بيج شي خوفتيني بعدين ليش
شمرتي البطل عليهه
رفعت كتفي بدلالة ماادري
: - هو اجه بيهه، بعدين مو زين جبتلهه مي
ردت فاطمه باامتعاض
: - خيهه لو ادري بيج هيج تفلشيني جان
نمت عطشانه احسلي
: - اهووو هسه اشربي وفضينه تراا
فضحتينه دنيه اليل والناس نايمه وانتي تطلگين عبالك
وحده جاي اجيب، همزين مادكو الباب علينه
باوعتلي صفح وغطت راسهه واردفت بزعل
: - خلي مي مالتج الج
سحبت نفس ورحت سحبت الغطاا منهه
حجيت بعصبيه وبصوت ناصي علمود ماما ماتسمعنه
: - هيووو تفشلت من وراج وفوكاهه متشربينه
: - عليمن تفشلتي هو مي قابل اشجايبه؟؟
عضيت شفتي بقهر واني احجي بصوت ناصي
: - غير سديت الثلاجه ومااحس اله زلمه وبنيه وراي
فوگاهه وكفني يسئل اني منووو
ابتسمت وهي تااشرلي بمعناهه تفشلتي
فتحت البطل ودرت مي على وجهه شوي
: - يلههه گومي اشربي گدامي لا اسبحج بي
سحبت البطل وشربت نصه وهمست وهيه تضحك
: - اشربه كله المهم تفشلتي
رديت باانزعاج واني ارجع لفراشي
: - انجبي فطط غير كله من وراج
: - انتي فاره هي كوه
صاحت ماما تقاطع كلامنه
: - كافيي يعني اليوم ماانام من وراجن
: - ناميي ياعيني ناميي
طفيت الضوه ورجعت لفراشي واني افكر
بالموقف والفشله مالتي اتمنيت الگاع تنشگ وتبلعني
ولا هاي الفشله المزفته
"" "" "" "" "" "" "" "" "" "" "" ""
: - تم العــثور على جثث جديده بس
تقدر تيجي بعد يومين علشان تشوفهُن وانشاء الله
بتلاقيهم
رد باامتنان
: - شكرإ كثيرر لأ الك عذبتك معي،
معروفك ماراح انساا طول عمري
: - ولوو مابينا هذا الكلام احنا رفقات واخوه
رد بتأيد
: - اكيد، انشاء الله انا بكرا بكون بسوريا والاقيك
بمكانه القديم تمام
رد بفرح
: - ايي لكان مشتاقيلك كثيرر والمكان خالي من
دونك
رد باابتسامه حزن
: - وانا كمان مشتاقلكم ومشتاق لسوريا بس
بعد شو نعمل مو كلشي بمزاجنه يمشي
: - وانته صادق، عندي كثير مواضيع بدي
احكيها اللك سيد برهان بس بنتظرك لما تجي تمام
: - تمام، انشاء الله مو مطول عليك
غلق الخط واخذ الكتب باايده وطلع للبيت........
يتبـــــــــــــــع
~~~~~~~~~~~~~~~~~~~~~~~~~~~~~~
اشلــون البارت؟؟
🔵ملاحظـة : - اللهجة الي انذكرت فوگ
سوريه وعذراً اذا صار بيهه اخطاء لان
مو لهجتي يبعدي.
+التنزيـل راح ايصير يومي هل فتره يمه لان تقريبا ماعندي شي 👍.
لاتنسون التصــويت☆
دُمــــتم فـي آمـان الله وحفظـه♥.