قيود عشك الشيخ

قيد الرابع و العشرين

لتخليني وحدي
منين اعرف الناس
لا اگدر اعاشر
لا خلگ عندي
احب شلون غيرك
من اريد شلون ؟
وانا وياك كلش
خلصت ودي
بگد حبك لنفسك
چنت اناني وياك
ومنو مثلي يحبك
محد بگدي

﹌﹌﹌﹌﹌﹌﹌﹌﹌﹌﹌﹌﹌﹌﹌

"ســـمر"

ركضو الموجودين رؤيـــا وعمة سهاوي و أثـــير صرخت رؤيـــا بــ فزع::- يمممةة ايـــة مــاتت ماكوو نبض ولكممم مــاتت

صرخت بيها أثـــير متوتر::- اووكفيي اووكففيي لااا تصصيحيين

دخل ســـراج يسحل بــ روحة من تعب الشغل  بس شافنا عاط بي أثـــير::- سررراااججج جههززز السسسيااارررةة

فتح عيونة على وسعهن وراح يركض يجهز بــ السيارة رؤيـــا ادك وتلطم على وجها وانا رجلية مــا تعيني ولساني انبلع مـاڪُو صوت أريــد اصيح أريــد احجي مـاڪُو

ركضو الكل ناس تخابر ومخبوصة وناس راحت المستشفى ركضت رؤيـــا للمستشفى وياهم تريد تروح وتوقفت من شافتني

ركضت ناحيتي تريد تكومني لساني احسة خشب مــا أڪُدر احركة::- ولج شبيجج كوووميي اختتج وكعتتت كووميي

أريــد احجي أريــد أڪُول الها مــا أڪُدر رجلية نشلت ولساني نعكد مـاڪُو اشر رايحة روحــي باوعتلي بــ صدمة::- شبيج

لطمت على وجهي اصرخ بس بــ دون صوت?!! مـاڪُو صوتي اختفى هي فهمت بجت بــ قلة حيلة

ڪُعدت يمي تحرك بــ رجلية مــا چــاي احس بــيهن نزلت دموعها وكعدت من سمعت السيارة مالتهم تحركت

روحــها رايحة ترجف وعمة لآزٍمٍ بيدة الــموبايـل يـتـصل باوعتلي::- عندج رقم أصــيل

غمضت عيوني اشر الها راح اخذت الــموبايـل من الغرفة ورفعت ايدي بــ صعوبة فتحت الرمز

اتصلت على أصــيل يرن يرن وما يرفعة اخر شي جاوب صوتة تعبان منتهي::- سمرة

ردت رؤيـــا تصرخ::- خوية هاي انا رؤيـــا انا انا

تحمحم يعدل بــ صوتة المبحوح::- ها خوية خيركم

::- خوية فدوة طمنا شصار صدك الأيــسر تصاوب

تنهد::- اي حاليا بــ العمليات

بجت بــ قلة حيلة::- شبيج خوية محتاجة شي

::- لا خوية بس ايـــة تخربطت والولد اخذوها انا انا شفتها شفتها بدون نبض مابيها نبض

بدون لا يجاوبها سد الاتصال بــ وجها ڪُعدت مهدود حيلها وانا ابجي باوعتلي واردفت::- كومي لا تضلين هنا غسلي رجليج بــ مي حار متشنجات حيل كومي انا اساعدج اسندي نفسج علية

هزيت راسي و ڪُمت بية مــا بية ذابة حيلي وثكلي ڪُلة عليها بــ الف يا ويل وصلنا الحمام

روحــها طلعت وتعبت فتحت الماي الحار وكاسرتة وكامت تذب على رجلية حسيتهن ارتخن بس بعدني مــا احس بيهن وصوتي بعدة مختفي

حجت::- احسن مو

هزيت راسي ابجي رجعت كومتني صرت أڪُدر اخط خطواتي لكن هم ذابة ثكلي عليها

نزلتني لجوة كعدنا بــ الصالة جريت الــموبايـل اتصلت بــ أثـــير وسحبتها من ردانها اشر الها تحجي

اخذتة بــ لهفة تبجي::- أثـــير

جاوبها بــ صوت مبحوح::- حبيبت كلبة

باوعتلي دنكت سويت روحــي مــا سمعت اخذت الــموبايـل كامت::- شلونها ايـــة

::- چــاي تحارب الــموت

حجاها وشهك بــ حزن و وؤيا تبجي أردف::- لا تبجين

::- وينها هسة

::- جوة چــاي ينعشون بــ كلبها

ڪُالها وسد الخط ڪُعدت رؤيـــا مهدود حيلها تصرخ وتبجي وانا وياها اختنكت مــا بية اصيح وابجي مثلهم

اجت عمة جميلة تركض::- رايحين ل بغداد رايحين الأيــسر هناك يممة بعد عيني

تلبس بــ عبايتها وجواريبها انخبصت خبص اجة عمي صاح::- يلا وينج

طلعت تركض ظلينا بس انا و رؤيـــا ندك ومحد يرفعة فرفحت ارواحتنا كلساع واتصلت وانطي ل رؤيـــا بس محد يرد!!

صار الليل محد يرد علية انفتح الباب باوعنا دخل أثـــير التعب مغطي ملامحة ركضتلة رؤيـــا::- وينها ايـــة وينها مــاتت مو مــاتت

باوع الها بــ تعب واخذها بــ حظنة شهك يبجي

تخبلت يمة اختي مــاتت يمة دفعتة تصرخ تلطم على وجها وهو ڪُاعد ويبجي بلا صوت بس اكتافة تهتز

وهاي تصرخ فرفحت روحــي الطم واصرخ وصوتي مــا يطلع صرت مثل السمجة الــي مطلعينها من المي

باوع النا واردف::- جهزن اراوحتجن رايحين ناخذها بــ سيارة اسعاف ل بغداد

لزمتة رؤيـــا رايحة روحــي ترجف كوة تجر النفس::- بس كلي بس كلي شبيها شبيها عايشة هي عايشة

::- عايشة

ڪُالها وراح وهي نهارت وراه ظلت بــ ربع ساعة ونزل شافنا كاعدين صرخ بينا::- وكتتت بوااجييي اكلهننن كووومن

كامت رؤيـــا تبجي وتحجي::- ها مــا تمشي ولا تحجي مــا اعرف شبيها

بــاوعلي عقد حواجبة وانا دموعي تصب وكف فوك راسي::- شبيج

أريــد اجاوبة احس لساني يبس خشب مــا يتحرك حجت رؤيـــا::- مــا تسمع كتلك مــا تحجي ولا تتحرك

تنهد يمسح بــ وجه فركة فرك بــاوعلي بــ حيرة واردف::- جهزيها وجهزي نفسج يلا مــا عدنا وكت بساعج

ركضت رؤيـــا جابت جبب ثنين لبستني ولفت الحجاب مالتي ورجعت لبست هي اخذت كم شغلة لاية.

طلعنا انا وياه وصلنا للمستشفى أردف::- لحد تنزل

نزل شوية وطلعت سيارة اساف كدامنا دموعي تنزل وانا اعرف هل سيارة لاختي

رؤيـــا مفرفحة نفسها اجة ســـراج ركب بــ الصدر و انطلقنا بس صوت شهكاتنا تطلع انا مادة رجلية على كشن و رؤيـــا صايرة بــ الطرف وحاطة رجلية بــ حظنها

رفعت راسها تباوعلي::- راح اخلي الجنطة ورة ضهرج تاذة مو

هزيت راسي الها وهي حط الجنطة ورة ضهري رجعت جسمي لورة مــا چــاي احس بي اطرافي مثل الــي ثلجت مـاڪُو

ڪُمت اكرص بــ رجلية أريــد احس بيهن مـاڪُو خفت حيل وكلت هاي هي انشليتي

وصلنا من بعد تعب وطريق طويل نزلنا بــ المستشفى شفنا أصــيل برة يدخن

ركضلة أثـــير::- بشر

::- قبل نص ساعة دخلت ايـــة و هسة طلعو الأيــسر من عمليات

اختنك وسكت يمشي عنا لبعيد يدخن راح ســـراج جاب عربانة الــي

التفت أصــيل شاف العربانة تقدم::- شـــڪُو المن ههاي

أردف ســـراج::- البنية مــا تـــڪُدر تمشي

::- يا بنية

اشر علية التفتت أصــيل فتح عيونة على وسعهن واثير يحجي وياه::- مــا اعرف شبيها من اجيت لڪُيتها مــا تتحرك ولا تحجي جبتهن ثنينهن ويانا

تحرك مسرع ناحيتي وكف يمي::- مالج بوية ســـمر

نزلت دموعي أريــد ارد أريــد احجي صوتي صوتي وين راح

بسرعة حجة يحاول يهدئني::- خلص خلص اهدي اهدي لا تضغطين على نفسج

جاب الكرسي من ســـراج ودنك علية خلة ايد جوة رجلي وايد جوة ضهري وشالني خلاني بــ الكرسي ومشة بية

دخلنا لجوة هو يشرح حالتي كالتلة الممرضة هسة يجي الدكتور

بقينا بــ الغرفة ننتظر الدكتور وفعلا شوية واجة  فحصني الدكتور ويضرب على رجلية بس مــا چــاي احس بيهن

أردف::- جايتها صدمة قوية وماثرة بيها صاير عدها تشنج حاولو لا تضغطون عليها هل فترة وبعدوها عن التوتر راخ اكتب الها مرهم وادوية مال اعصاب روحو جيبوهن من الصيدلية بــ النسبة لصوتها كذالك خل تشرب اشياء دافية حتى يرجع الها

هز راسة أصــيل وتشكر من الدكتور كتب الراجيتة وانطاها الة أردف أصــيل::- ظلي هنا رايح اجيب العلاج واجي

هزيت راسي هو يــباوعلي بــ قهر هز راسة وطلع دخلتلي رؤيـــا وجها يلطم::- مــا قبلو اروح وي ايـــة ممنوع

بـــاوعت الها مـاڪُو شي أڪُدر اسوي حتى حجي مــا أڪُدر احجي باوعتلي::- تدرين أصــيل انقهر على وضعج روحة طلعت اكثر من مانقهر على صاحبة واية

سڪُتت رجع ڪُالت::- هيج حــب مــا لآزٍمٍ واحد يخسرة راح أڪُول الــي حجاية خليها للوكت وتذكريها خاف اموت انا

اذا طحتي محد يسندج غير أصــيل صدكيني الكل يتخلى او مــا يتخلى مــا يكدرون يساعدوج بس أصــيل لا راح يساعدج

أنتِ غبية تركضين ورة سراب مــا راح يصير باعي ايـــة شكد تحبة بس هم اختج غبية ورثت الغباء من اختها البعيرة

تحبة وتصيح ابوي ابوي مــا چــاي تحاول تطلع فكرة هو يحبها وزوجها وهي هم تحبة

المهم مــا علينا بس نصيحة اتركي الطريق الــي چــاي تمشين بي شروق مــا تفيدج وربج تغدرج لا يغرج كلامها هسة وياج شفتها من وكعتي مــا اجتج ولا كلبتج اصلا البيت انخبص وهي مــا طلعت من غرفتها وحن كلبها

شروق انسانة نكسة لا تخليها تورطج بــ شغلات وبعدين اذبها بــ راسج انا معاشرتها واعرفها شنو من بشر لذلك چــاي انصحج

ابتعدي عنها وسوي الــي يكول علية كلبج ايـــة تڪُول أنتِ مــا جنتي هيج بس من رافقتي شروق

ارجعي ل اصلج وتربيتج القديمة ولا تخلين واحد يلعبــ بــ عقلج ويقودج لشغلات مــا يرضن لا الله ولا رسولة

واعرفي ناسج ايـــة تحبج تموت عليج هي اختج الوحيدة كضت عمرها وياج وتعرفيها اكثر مني

واصيل هم يحبج لا تخسرينهم ثنينهم فتحي عيونج عاد لا تظلين ملطشة وعربانة منو يجي ويحجي بــ راسج

اباوعلها شلون تحجي بــ حركة بس جــنت ما مركزة بــ كلامها او بــ الاحرى مو بــ حال كلامها

طلعت من الغرفة بـعد مــا اجة أصــيل وجايب العلاج وياه وجايب وياه حليب حار اخذتة كوة اشرب بية

احس بلعومي اندهن غمضت عيوني دموعي تنزل هو ڪُعد يمي رفع البجامة

فزت اباوعلة بــ خوف رفع رجلي خلاهن على رجلي وطلع المرهم ويدهن بــ رجلية?!!!

بهتت اباوعلة عيوني تشخصن بي هو مدنك مــا رفعلي راسة دخلت رؤيـــا باوعتلة نصدومة رفعت عيوني تباوعلي بــ نظرة بــ معنى شوفي شكد يحبج

دنكت متجاهلة نظراتها أردفــت رؤيـــا::- خوية عنك انا ادهن رجليها

ڪُام منحرج منها وانطاها المرهم وبدت تدهن بــ رجلية احسهن رخن غسلت وطلعت

شوية اجت ڪُعدت يمي والقلق مبين علينا دخل أصــيل أردف::- اجرت الجن غرفة عمة جميلة وعمة سهى هناك كومن اوديجن الها هنا ممنوع واحد يظل

ڪُامت رؤيـــا  ندفع بية  صعدنا بــ مصعد أردف أصــيل::- ســـمر لساتج تخافين منة

هزيت راسي أردف::- غمضي عيونج هسة نوصل

هزيت راسي وفعلا غمضت عيوني ڪُلش اخاف من المصعد من جــنت صغيرة و أصــيل لساتة متذكر ڪُلشي

دخلنا للغرفة لكينا عماتي ثنينهن وعمي أردف::- شنهي محد ظل بــ القصر

::- لا البناا ظلن وحدهن وسمر رجليها تشنجت ماتكدر تمشي ڪُـلت لسراج يجيبهن

ڪُام عمي بسرعة واردف::- چــا انا راجع للديرة

باوعلة أصــيل بــ نظرات مــا اعرفت افسرهن وهز راسة متنهد::- ارجع بوية ارجع

::- راح اخذ ســـراج وياي

سڪُت أصــيل مــا رد علية وفعلا راح عمي واخذ ســـراج وياه ظلينا كاعدبن واصيل راح يم الأيــسر وعمة سهاوي راحت يم ايـــة

دخل أثـــير مهدود حيلة أردفــت بــ صعوبة كوة الكلام يطلع من عندي احس لساني ثكيل حيل ::- شلون صار الأيــسر

بــاوعلي واردف::- بعدة مــا صحى ولا تجارز مرحلة الخطر منا للصبح اذا مــا ڪُعد مو خوش

نزلت دموعي بــ صمت التفتت على رؤيـــا ڪُاعدة بــ زاويا الغرفة تقرب منها أثـــير مدد راسة بــ حظنها درت وجهي واسمعة يكول الها

::- حيل مشتاقلج حبيبت ڪُلب أثـــير

::- وخر راسك شثكلة يمة رجلية

::- لا تتعايرين

هي ادفع بي هو يصيح::- خاب مخيط الف خياط من ورة اخوج عاد خليني أڪُول تسوة الضربة نمت بــ حظنها!!!

سڪُتت بعد مــا نطقت بــ حرف هو ساكت مغمض عيونة درت وجهي عنهم غفة أثـــير صاحت رؤيـــا

::- ســـمر كطفيلي مخدة خل اخلي جوة راس هذا

::- خلي نايم بــ حظنج اضايكتي

::- سمران ام الطليان انا مو مثلج ميتة على زلم والتحظن

تنهدت هل بنت ولا تصير الها جارة مالي خلك حتى احجي وياها او اتعارك ومنا لساني حيل ثكيل اجاهد حتى تطلع الكلمة  وهي بــ كل وكت جاهزة

شمرت الها المخدة وهي خلتها جوة راس أثـــير و اثير عايش اللحظة سحب ايدها باس باطنها واردف

::- حبيبت ڪُـلبي ظلي يمي

تأفأافت هي رفعت عينها الــي درت وجهي من عدها تنهدت وبقت ساكتة رجعت راسها على حايط مـاڪُو دقائق وغفت من التعب وهي ڪُاعدة ابتسمت على منظرهم

صح مــا اطيقها ولا احبها بس موقفها اليوم يشهد شكد هي بنية طيبة

عمة جميلة هم نايمة دخل أصــيل باوع الهم وباوعلي دنكت راسي من اخر موقف بيناتنا انا متخوفة من عدنة

سحب كرسي بــ هدوء وكعد يمي جــنت انا ممدودة على سدية بــاوعلي و أردف::- شلون صرتي

::- ايـــة و الأيــسر شلونهم

::- الأيــسر صحى وانطو مهدئ ورجع نام لان عمليتة تاذي اما ايـــة لحد الان مـاڪُو فاقدة مــا چــاي تصحى!!!

تنهدت بــ قهر ساكتة باوع الهم و ابتسم::- شنو عصافير الــحب نامو

ابتسمت و أردفــت::- أثـــير حيل يحبها ذب التعب بــ حظنها ونام

بــاوعلي وعيونة تلمع::- عادي انا هم اذب التعب بــ حظنج وانام?!!

فتحت عيوني على وسعهن::- اصيل?!

ابتسم واردف::- تعبان وحاب اذب تعبي بــ حظنج?!!

سڪُتت دايرة وجهي هو يتنهد سحب ايدي تخبلت أردفــت::- لا تستغل ضعفي

::- انا الاستغلة ميت عليج ولج ميت صارلي شهر مــا شايفج مــا شتاقيتي

::- وين جنتو

::- نلعب غميضان

::- أصــيل?!!

تنهد::- عدنا عمليات تحرير قوية مـاڪُو لاا شبكة يمنا ولا نت حتى مونة مــا چــاي توصل النا انقطع التواصل تام بيناتنا

طلعنا تحرير منطقة من المناطق الــي محتليها داعش وحررناها بس اكو بيوت مــا دخلنا الها لذلك تعرضنا لهجوم مفاجئ وخلص عتادتنا بس الْحٍمَدٍ للـّہ ربك لطف بينا وكتب النا حياة جديدة رغم هواي شهداء راحو

تنهدت ساكتة غمضت عيوني بــ نعاس::- نامي اذا نعسانة

::- ڪُلش

ابتسم::- نامي

::- وانت وين تنام ماظل مكان بــ الغرفة

::- رايح يم الأيــسر انام نامي أنتِ

هزيت راسي وهو خلة وطلع وانا هم غمضت عيوني ونمت

ثاني يوم ڪُعدت رؤيـــا تكعد بية بـــاوعت الها::- ها

::- ترحين وياي للـ ايـــة

هزيت راسي جسمي فاك بس بعدة بي ثكل ساعدتني انزل على كرسي ودفعتني اول مــا طلعت صار أصــيل بــ وجهي بس شافني ڪُلب وجها ودارة

استغربت شبي مو جان امس زين وياي عافنا وراح كدامنا يمي صعدنا مصعد توجهنا لاية

جانت ڪُاعدة وعماتي ثنينهن كاعدات بس دخلت الها باوعتلي بجت::- ســـمر عليج القران الأيــسر بي شي ?!!

::- لا البارحة قبلج ڪُعد مــا بي شي

::- چــا ليش مــا تاخذوني يمة ليش

رد الدكتور علية::- بابة ابوج حالتة حرجة و أنتِ مــا عندج مناعة خاف تكتسبين مرض

::- ميخالف راضية خليني اروح

ابتسم الدكتور واردف::- شنو هذا العناد شلون حاملينج

هزت راسها تبجي::- اخذني بعد مــا اعاند ولله

ضحك الدكتور على فطرتها وطفوليتها و أصــيل واڪُف مبتسم أردف::- حبيبتي ايـــة بس صيري زينة اخذج خل يطلعو من انعاش وانا اخذج بــ عيوني

::- انا هسة زينة و الله العظيم زينة مــا بية شي خليني اروح

تنهد أصــيل واردف::- دكتور بس تشوفة اذا تظل هيج يتاذة كلبها

باوع الها الدكتور بــ قلة حلية واردف::- خل تلبس ملابس واقية وتدخل مـاڪُو غير العشر دقايق

طفرت ايـــة تنزل من السدية لازمة كلبها تقربت منها رؤيـــا تساعدها وصلت الــي باوعتلي بــ صدمة ستوها يلا شافتني على الكرسي

::- سمرة شبيج حبيبتي?!

ابتسمت بــ وجها::- مــا بية شي مجرد خفت وتشنجن رجلية

ڪُعدت على اركبها تتلمس بــ رجلية::- شبيهن رجليج

::- و الله مــا بيهن شي مجرد تشنج

::- شكال الدكتور رحتي للدكتور

أردف الدكتور الواكف::- انا عبالي بس على ابوج هيج حنينة طلعت حتى على اختج عمي هنيالكم بيها اتمنى عندي بنية مثلها

ضحكو وهي ابتسمت لزمت ايدي عصرتها::- زينة مو

::- زينة زينة لا تخافين

اخذتها رؤيـــا وراحت حتى تبدل وتلبس ملابس وقاية

تنهد أصــيل واردف::- أثـــير اخذ عماتي للـ بيت و ســـمر هم

::- يا بيت

::- بيت الــي بغداد يا بيت

هز راسة واردفت انا::- مــا اروح انا

تنهد أصــيل::- مو بكيفج روحــي لا تزيدين همي

ڪُالها وركع الباب وراه ستغربت يا ربي البارحة يحجي ويسولف وياي هسة شبي يربي شبي?!!

"ايـــة"
بدلت الملابس لبسوني هذا الازرق وكفوف وكبوس مال شعر وكمامة حنطوني تحنط

وصلت لهناك بــ انعاش و ونين المرضى يقشعر البدن صارت عيني علية

نزلت دموعي ابجي تقربت من عندة ڪُعدت على كرسي كبالة لزمة ايدة الــي بيها كانونة دنكت بستها

::- ايسري

فتح عيونة بــ تعب شافني ابتسم::- روحـة لايسرج روحـة أنتِ

غصيت اشهك::- هيج تسوي بــ روحك ايسري هيج تاذيني?!

بــاوعلي يعصر بــ ايدي::- لا تخافين مــا عوفج

::- خفت عليك ڪُـلبي نار صار عليك ردت اموت

::- يومي كبل يومج يا بعد كلبة للايسرج

تنهدت ابجي::- اصحى بساع وكوم الله يخليك ايـــة بدونك ماتسوة شي

عصر ايدي واحسة يجاهد مجاهدة حتى يطلع الكلمة::- روحــي ارتاحي عيونج سود صايرات من التعب ليش متعبت حبيباتي

ابتسمت::- كل يوم علية يمر الليل مــا انامة فراكك هد ثلثين حيلي

::- مــا بية شي روحــي ارتاحي وياهم

::- لا مــا اعوفك

::- لا حبيبتي روحــي

::- تعال وياي

سڪُت يــباوعلي أردف::- اجي اسوي خروجية على مسؤوليتي واجي و الله بس لا تعبين

هزيت راسي مبتسمة دخل الممرضة ڪُالت اطلعي مو زين على المريض قبل لا اطلع ڪُال الأيــسر صيحيلي أصــيل

طلعت وذبيت الملابس بــ ال حاوية

شوية وطلع أصــيل بــاوعلي وعض اصبعة::- خايبة هيوو اموتج هسة الولد متخبل يريد يطلع مو زين هسة يطلع

::- انا شـــڪُو هو راد يطلع

::- اي غير تكبكبكين يمة طبعا يطلع يكلي تبجي تبجي انا اخليها تبجي وما اسوي الها

ابتسمت الة::- يلا طلعو صارلة هواي

::- بت الحلو امس طلع من العمليات واصل الــموت

سڪُتت اجة الدكتور واصيل حجة وياه والدكتور تسودن::- شنو يطلع على اي اساس ممنوع مــا تجاوز مرحلة الخطر ممنوع يطلع

تنهدت ساكتة واصيل ايحجي وياه::- على مسؤوليتة هو يطلع

::- بس هل يوم خل يصبر نفسة باجر نطلعة

::- دكتور عادي احجزلة غرفة وحدة

::- احجزولة

طفرت انا واردفت::- روحو انتو انا أبـقى وياه

بــاوعلي أصــيل عاظ ايدة::- ام المصايب ام عطوب

ضحكت وهو راح حجزلة غرفة واثير وداهم كلهم وكالة اسبح واخذلي ساعتين انام وارجعلكم

طلعو الأيــسر بــ غرفة وحدة وهم مــا يخلونا ندخلة ظليت بــ الغرفة الثانية يمة مــا يخليني أصــيل اطلع

ل ليل و دخل أصــيل علية::- تعالي تجاوز مرحلة الخطر

ڪُمت بــ فرحة ورحت توجهت لغرفتة جانو شايلين الاجهزة عنة بس السيروم معلك بــ ايدة هو نايم على السدية

بــاوعلي و ابتسم::- شلونها بناتي الحلوات

ابتسمت وركضت ناحيتة قبل لا اوصل الة أردف أصــيل بسرعة::- ديريبالج عمليتة

شمرت نفسي بــ حظنة هو يضحك لمني بــ ايد وحدة بست عيونة ابجي::- خفت عليك

::- ليش هل دموع بوية تحركني دموعج مو هل انا يمج مــا بية شي

أصــيل طلع ظليت وحدي تقربت مرة ثانية بستة بــ ايدة::- لا تعوفني بعد مــا اخليك تروح ولا تنزل

ابتسم وسحبــ راسي باسني::- شحبج

::- انا هم أحـــبـڪُ أنت ابويا

::- لآزٍمٍ تبعريها

::- ها

::- ايـــة

::- ها

::- ليش مسوية بــ روحجي هيج بوية ليش تعبيني فوك تعبي هيج اهون عليج انا?!

دنكت راسي نزلو دموعي::- انا مو كتلك مــا احب تروح عني بس أنت تروح

::- چــا شلون اكابلج واكعد?! لا شغل ولا عمل

::- اي

::- شناكل شنشرب

::- مــا أريــد لا اكل ولا اشرب اريدك يمي

تنهدت::- تعاي بوية تعاي أنتِ سالفتج داچة

صعدت وياه على سدية خلاني على صدرة أردفــت::- الأيــسر

::- روحــة

::- هم يجي يوم وتمل مني

بــاوعلي عاقد حواجبة::- شنهي بوية امل منج?!! لج بوية انا حاربت الدنيا بس علمود تبقين يمي!!

::- شنو أبـقى يمك يعني چــا قابل وين اروح

صفن بــ وجهي مرتبك توتر مسح وجها واردف::- يعني اقصد تصيرين الــي

سڪُتت و خطر بالي سؤال::- احلى شي يجون خوالي ويكولون نريد بت اختنا وياخذوني غصب

بــاوعلي وملامحة كلهن تغيرن::- شنووو غصصب??!!!!

طفرت من حظنة::- على كيفك الأيــسر مو هيج

::- وحككك علييي ارمييهمم ارمييهمم بسس واحددد يفكررر مجرردد تفكيررر ياااخذججح مننييي انتتتييي بتتتيي انااا مرربييهاااا

اباوعلة يصيح دخل أصــيل يركض بــاوعلي انا واڪُفة فاتحة حلكي مصدومة ورجع انضارة ل الأيــسر الــي مدخن من الغضب

::- شـــڪُو

باوعلة الأيــسر واشأر علية::- يجوون خوالللهااا ويااخذوونهااا تعبووو علييهااا كددديييييي شنووووو يااخذووونننهااا مااللييششش??!!

ركضلة أصــيل يحاول يهدئ من عصبيتة وانا واڪُفة مبحلقة عيوني علية من صدمتي

::- خوية ڪُـول يا الله شنو سالفتك خياطك لا يطك

::- تڪُول خوواليي ياخذوونييي بياااا حققق صااارففينن رببععع علييهااا شنوووو ياخذوهااا

::- مــا ياخذوها مــا ياخذوها هي مــا تروح وياهم مو ايـــة مو مــا ترحين

من كد خوفي واستغرابي ضليت ساكتة هو شافني ساكتة شاط شاط::- شوووفهاا شوووفهااا شلووونن سااكتتتة نييتتهاا بسسس يجوون ترووح تبيعنا

نزلت دموعي وركضت ذبيت روحــي بــ حظنة خايفة احتمي منة بــ حظنة::- مــا اروح و اعوفك انا مــا أڪُدر على فراكك و الله مــا اروح انا من سمعت بيك متصاوب وكعت وكلبي وكف مــا اروح ولله مــا اروح

هدئ من حظنتة و أصــيل يحجي علية::- هو منو الجاي صوبكم أنت خبل زرارك ستوة اخضر باع الدم الطلع أڪُيد طلك ولك شنو هل عصبية

ارجف بــ حظنة حتى مــا رفعت روحــي هو حاظني وفاقد يصيخ::- مــا انطيج وربج مــا انطيج

::- انا مــا اروح و الله مــا اروح

سڪُت واصيل طلع يدردم ويصيح::- مخابيل يجذبون يصدكون الجذبة منو الجاي عليكم منو السال عنكم انتو

ظليت ارجف بــ خظنة لفترة أردف بــ هدوء::- رفعي راسج عاينيني

::- مــا

::- ليش بوية ليش

::- اخاف

::- تخافين مني?!!

::- اي

تنهد وحظني كل قوتة::- احارب الدنيا والعالم ڪُلة لحذ مــا ينكطع نفسي وما انطيج?!! انا انطيج ايـــة لا ولله اموت وما انطيج

رفعت نفسي اباوعلة بــ خوف::- و اذا انا ردت اروح?!

صفن بــ عيوني بلع ريك واردف::- ساعتها مــا راح اخسر غير طلقتين طلقة بيج وطلقة بية خلصت فضت

"الــموت وياج احلى من الحياة بدونج انا شنهو لذية يومي اذا مــا شوف عيونج"

ابتسمت::- هل درجة تحبني

::- عاشكج من جدمج للراس شتحجين ول تحجين عن عشك الأيــسر ل محبوبتة وطفلتة ايـــة احنا راح نصير مثال لكل المحبين

ضحكت::- ويكتبون قصتنا وتنشهر ونصير مشهورية معروفين بــ حــب الأيــسر لحبيبتة ايـــة

ضحك::- شنسمي القصة?!

::- الشايب والجميلة

::- اياا بربوك انا شايب هساع?!!

ضحكت بــ صوت وهو يضحك لضحكتي::- چــا شنسمي

::- نسميها "قيود عشك الشيخ"

عقدت حواجبي مــا فاهمة::- شنو هذا الاسم شيخ منو شيخ أنت مو شيخ?!!

ابتسم::- امج جانت مقيدة بــ قيود عشك الشيخ وانتي كتبلج مصير مثل امج هم تقيدتي بــ قيودي

::- انا بس وياك احس روحــي حرة مثل الطير يا قيود هاي

::- قيود عشكي قيود غيرتي قيود حبي

::- اتغزل اتغزل صارلي شهر مــا متغزلين بيو طكني جفاف

ضحك وكفخني على راسي بــ خفة أردف::- جهزتي نفسج

رفعت عيوني اباوعلة::- شنو?!

::- مو ڪُـلت ل عمة جميلة تجهزين نفسج حتى هل شهر نتزوج

بلعت ريك وجهي ڪُام ينطي الوان ابتسم::- خجلان الحلو

دنكت راسي افرك بــ ادية::- ها شسمة هو مــا سويتي شي ڪُـلت لمن يجي بس أنت مّرَيَـضّ وما تـــڪُدر نأجلة مو

::- مـاڪُو كل تاجيل ان شاء الله هل اسبوع تجي غرفتنا حجزت غرفة من اربيل

باوعتلة وكلبي يخفق::- الأيــسر شسمة هو...

ابتسم::- لا تخافين
تخافين من بابة

باوعتلة ودي ابجي شنو اتزوج أريــد اتزوج بــ الكلية وعلى حــب انا الأيــسر اعتبرة ابوي وما عندي كل مشاعر الة بس خاف أڪُول الة هيج ويزعل مثل ذاك اليوم وهو مّرَيَـضّ

سڪُتت هو اخذ ايدي باسها::- راح تبقين اميرتي وبنيتي حبيبت عيوني الاحبها لا تخافين

هزيت راسي مــا عندي غير حل بــ الوقت الراهن فضلت مــا اتناقش وياه بــ هل موضوع لان هو تعبان ماأريــد اتعبة فوك تعبة

ثاني يوم الصبح طلعنا من المستشفى واصيل بــ السيارة ويمشي بــ حذر

وصلنا للعمارة الضهر لكينا الدنيا مكلوبة كرايبنا وناس بــ الديوان

ذبحو ذبيحتين جوة رجلين الأيــسر دخلنا لجوة سلم على نسوان وراح للديوان

هم صبو الغدة والبنات مخبوصات و شروق متحزمة وتركض بــ المطبخ مسوية روحــها هي ام البيت

عفتهم ودخلت سبحت صارلي ايام مــا سابحة وريحة المستشفى كلها بية

دخلت وراي رؤيـــا::- ها يحلو الْحٍمَدٍ للـّہ على سلامة الحبيب

ابتسمت::- الله يسلمج
::- شو شفتي وصرتي جنج حصان

ضحكت::- اي و الله راحتي يم الأيــسر كلما ينزل هذا حالي

باوعتلي تغمز::- ابوووج يلا ابووووج

ضحكت وضربتها عفتها ودخلت اسبح جلفت روحــي جلف لابسة بس روب طلعت أريــد انشف بــ شعري انفتح الباب

دخل الأيــسر ارتبكت ونخبصت خبص ردت اروح اطلع من الغرفة كلها سحبني حظني

جلبت بــ حظنة مستحية::- الأيــسر

::- روحــة

::- خل ابدل

::- جؤ تعبان أريــد انام بــ حظنج تعاي هيج

لميت الروب علية خجلانة::- بس ابدل

::- لا

توجه لجربايتي ونام عليها واخذني بــ حظنة من الجهة المابيها شي

خنست خجلانة حيل بــاوعلي غمض عيوني بــ تعب::- نامي أنتِ مــا نايمة

هزيت راسي وفعلا اول مــا غمضت عيوني نمت بسرعة

ڪُعدت على بزات بــ رڪُبتي فتحت عيوني بــ تعب الأيــسر صاير فوكاي يبوس بــ رڪُبتي بوسات متفرقة

ردت اكمز اباوع لنفسي مـاڪُو شي لابستة والروب جوة صاير بــ الڪُاع شهـــڪُت ادفع بي بــ خجل

::- عيب عليك والله شنو هاي وخر عني

جاوبني بــ صوت راي::- اششششش

اخذ شفايفي بين شفايفة منتهي اعضائة كلها ترجف وانا حالي اخس من حالة

وخر عني أردف::- موتيني تعبتيني اريدج راح اموت

دكات ڪُـلبي صارن يعدن على الالف انفاسي ثكلت غمضت عيوني رايحة روحــي

::- لا تغمضين باعي فتحي عيونج

فتحتهن كوة اباوعلة مثل النعسانة ابتسم ودنك باس خدي::- أحـــبچ من تضعفين بــ ادية

دفنت وجهي بــ صدرة خجلانة ابتسم اندك الباب وصوت أثـــير::- الأيــسر اصدقائك اجو تعال

::- احتركو اصدقائي

ابتسمت باسني من راسي وكام دخل للحمام غسل وجها غمزلي وطلع لزمت دكات ڪُـلبي اهدئ منهن

طلعت لبرة بـــاوعت الدنيا ليل رؤيـــا بــ المطبخ خطية وحدها مخبوصة بــ الماي و الجاي

وكفت وياها اسولف::- روحــي ارتاحي أنتِ اليوم تعبتي

::- لا مــا عندي شي نكمل ونروح أنتِ هم تعبانة

ظلت وياي مــا عافتني من بعد نص ساعة طلعو اصدقائه وراحو دخل دايخ أردف أصــيل::- نام جوة بــ غرفة عمة جميلة شنزلك وشيصعدك خاف مو زين عليك

::- لا مــا بية شي مــا ارتاح الا بــ غرفتي ڪُالها وباوعلي

::- تصبحين على خير يحلو

ابتسمت بــ خجل::- وانت بــ خير ايسري

ابتسن عيونة تلمع عافني وصعد كملنا المطبخ و رؤيـــا راحت تسبح كملت شطف السنك ونشفت الماعين بــ وصلة ناشفة ورجعتهن للكاونتر

عمة جميلة لْـۆ طلعت الماعين ولكت قطرة ماي بيهن تلعب لعب بينا مــا تقبل كون الماعين ناشفة

خلصت مسحت ادية ردت اروح شفت أصــيل بــ الطارمة رحـت يمة::- ها صوصية

بــاوعلي عيونة دم حمر استغربت::- شبيك

بعدة يريد يحجي اجتني رؤيـــا تركض وجها مخطوف لونة اصفر::- ايـــة

التفتت الها و ڪُـلت بــ خوف::- خيرج شبيج?!!

أردفــت مكطوع نفسها::- ســـمر..

بعدهي تريد تحجي رن موبايل أصــيل فتحة وتوسعت عيونة على وسعهن وضعة ڪُلة تخربط فززنا هو يصيح::- وووللللللللجججج سسسسسسممممررررررر .......يتبع

الفاتحة على روح المرحوم عبد ابن هدية 💔

اقرو الفاتحة واهدوها لـ روحة واكون ممنونة منجن 💔

حسابي الانستكرام الجديد 🩵

توقعاتجن بسرعة بسرعة التوقعات 🌚🔥🔥🔥

اليوم البارت يستحق التفاعل يلا يلا الكل اريدها تعلق حركن البارت حرك لْـۆ شفت مـاڪُو تفاعل مــا انزل بارت ال25 يلااا انطلقوو 🔥🔥🔥🔥