مهيا كده كل الي يقعد معاها اول مره يقولها نفس الكلمتين دول انتي فظيعه والله وبعدين يتصدم....
كان ذالك صوت محمود الواقف بعيد وينظر لهم بغضب لفت تالين وجهها نحو الصوت وقالت ببرود
"وانا بقول الجو بقا فيه طاقه سلبيه لي كده اتاريك شرفت...
نظر له فارس وقال بتساؤل
" مين دا....
اجابته تالين بهمس
"دوس معايا في الي هعملو لو سمحت وهفهمك اول ما يمشي لو سمحت...
نظرت تالين لفارس وقالت بابتسامه مزيفه
" يلا يحبيبي نمشي علشان نفطر....
نظر له فارس باستغراب وقال بدون تردد
"يلا يقلبيي....
كان محمود يكاد ان ينفجر من شده الغيظ والغيره فابتسم ابتسامه مزيفه وقال
" حبيبك...
نظرت له تالين بنفس الابتسامه وقالت
"اها حبيبي وقره عيني كمان عندك اعتراض ولا ايي يكابتن...
ابتسم محمود وقاال
" لا لا اعتراض ايي براحتك اكيد....
ذهبت تالين بصحبه فارس وفي داخلها ابتسامه شديده
بينما هوا كان سينفجر من الغيره والغضب الشديد
اقترب فارس من اذنها وقال بهمس
"كان نفسي اخد صوره معاه يخربيتك بقا انا اقف قدامه واعانده ومتصورش معاه الله يخربيت معرفتك...
اجابته تالين بغضب
" هوا كان مين يعني عشان تتصور معاه والله انتو الي بتخلوهم يتكبرو علينا ويشوفو نفسهم...
اجابها فارس بغضب
"كان مين ايي انتي هبله دا محمود نصار بيلعب في نادي القرن واشهر من النار علي اللعن...
ابتسمت تالين وقالت
" سيبك انت ايي رأيك في تمثيلي...
اجابها بابتسامه
"عشره من عشره ونجمه....
عند ليلي استيقظت من النوم وادت فريضتها وارتدت دريس من اللون الابيض البسيط ولفت حجابها ووضعت القليل من مستحضرات التجميل
وقررت الخروج والتوجه الي غرفته لوما وفور وصولها الي الغرفه كان باب الغرفه مفتوح فاقترب ليلي ببطئ وقالت
" لوما انتي سايبه الباب مفتوح لي....
لم تتلقي ليلي اجابه من لوما فاقتربت من الداخل لتطمئن عليها
"لوما انتي فين متقلقنيش عليكي...
اصطدمت ليلي في شئ يشبه الحائط فشهقت برعب شديد وكادت ان تقع علي الارض فجذبها من خصرها وقال بابتسامه
" مش معقول كده كل مره معقول كل الحاجات الي بتحصل دي صدف...
احمر وجهه ليلي وقالت بحرج
"انت بتعمل ايي في اوضه لوما....
اجابها عمر بابتسامه ابرزت ملامحه الرجوليه الجميله
" مش لوما دي المفروض اختي يعني علي ما اعتقد...
اجابته ليلي بغضب
"طب ابعد ايدك انت مسكني لي كده..
ابتعد عمر عنها فوقعت ليلي علي الارض وقالت بألم
" انت ازاي تسبني اقع بالشكل دا...
اجابها عمر
"مش قولتي ابعد ايدك عني...
اجابته ليلي بغضب
" تقوم توقعني...
ابتسم عمر واردف
"انا موقعتكيش انتي الي وقعتي بنفسك لما انا بعدت ايدي الي كانت مسكاكي...
اقتربت منه ليلي ورفعت اصبعها في وجهه وقالت
" انا بحذرك اهو بلاش انا شغل تلقيح الكلام الي كل شويه بتعملو معايا دا بلاش ها علشان اليوم يعدي علي خير...
اجابتها عمر بتساؤل وهوا يقترب منها وينظر في عيونها
"بتحذريني انتي بتحذريني ولو اليوم معداش علي خير هتعملي ايي يحلوه؟...
اجابته ليلي بغضب
" اها بحذرك وهتشوف الحلوه هتعمل ايي الي بيعمل مبيتكلمش...!
اقترب عمر من اصبعها وانزله ببطئ وقال
"طب بلاش الصباع دا يشاطره...
اجابته ليلي بغضب
" شاطره حد قالك اني سوكه العبيطه وانت كريم عبد العزيز هتقولي يشاطره فوق يبا...
اجابها عمر بابتسامه وهوا يشاور علي رأسها
"انتي عقلك دا سليم انتي متاكده مش عارفه اي لغه الشوارع بتاعتك دي...
اجابته ليلي بانفعال
" لا انا معايا شهاده معامله اطفال فخد حذرك مني لاحسن اقتلك واتويك وخد حذر برضو لاني تربيه شوارع زي ما بتقول فبلاش اوريك بنت االشوارع دي هتعمل ايي فيك....
اجابها عمر بتساؤل
"تتاويني طب ما توريني كده انا حابب اموت علي اديكي تاويتي يلا...
اقتربت منه ليلي بتمثيل الابتسامه ثم انقضت علي يده وقامت بعضها بقوه
دفعها عمر ثم اجابها بالم وهوا ينظر ليده اثار العضه
" يبت العضاضه ابعدي انتي شكلك هبله بجد...
اجابته ليلي بابتسامه
"قولتلك عدي يومك احسنلك...
مسك عمر يده بالم وقال
" انتي بالفعل مجنونه والله...
صغطت ليلي علي اسنانها بشكل مستمر عدت مرات ثم قالت بتمثيل
"تعرف النمرود لما كان بيطلع لصابر كان بيعمل كده الاول وكان الكل بيخاف منو فخاف مني علشان انا ليلي نمرود....
اجابها عمر بتساؤل
" مين نمرود ومين صابر مش فاهم حاجه....
ابتسمت ليلي وقالت
"معقول مكنتش متابع المداح اها صحيح هتابعو فين هوا انت عندك وقت غير للمسخره...
اجابها عمر بغضب
" المسخره دي الي انتي عايشه فيها علي الاقل نا راجل انما انا اول مره اشوف بنت حياتها كلها مسخره..!
اقتربت ليلي منه وقالت بغضب شديد
" احترم نفسك وبعدين انت مالك اعيش في مسخره اعيش في داهيه انت مالك ان شاء الله افتح ديسكو هنا انت مالك برضو...
اجابها بابتسامه مستفزه
" اخاف لاحسن اختي تتعلم منك مهو المثل بيقول الصاحب ساحب... طط
لكمته ليلي لكمه قويه في كتفه وقالت بصراخ
"والله العظيم انت شخص مريض نفسي ومحتاج تتعالج انت ايي مشكلتك معايا مش فاهمه
انت لي كل شويه تشكك في تربيتي متحترم نفسك ينادم انت..!
ثم اكملت بغضب
" صحيح المظاهر خداعه بجد الي يشوفك علي الشاشه يقول ملاك والناس كلها بتحبك لاكن الي يتعامل معاك يكرهك بجد ويكتشف انك مريض....!
اجابها عمر ببرود
" انتي ذاتك مشكله كبيره في حياتي وفي حيات اختي..!
قاطع حديثهم صوت لوما وهيا تقول بصريخ محاوله تهدئة الجو
"نفسي مره تتقابلو وما تتخانقوش مالكو في ايي..
نظرت لها ليلي بغضب وقالت
" اخوكي عاوز ينعرض علي دكتور نفساني وانا مش هستحمل كده بجد..
اجابها عمر ببرود
"وانتي في ايدي مينفعش اروح من غيرك نفس الدكتور يعالج يقطه...
صرخت تالين بغضب وقالت
" دا انتو ملل بشكل انا ماشيه ولعو في بعض انتو ايي البرود بتاعكو دا انتو اطفال ولا ايي متعقلو شويه زهقتوني الله كل دقيقه خناق جرا ايي انت وهيا مبتقدروش حاجه خالص ولا بتقدرو حد زهقتوني انا ماشيه ابو شكلكو....
نظر عمر الي ليلي بصدمه من حديثه شقيقتها لقد كانت تتحدث بسرعه شديده
وتتحدث بغضب شديد وصراخ شديد
نظرت ليلي بصدمه لعمر وقالت
"هيا دي اختك انت متاكد... انت ازاي عايش معاها في نفس البيت...
اجابها عمر بصدمه هوا الاخر
" دي اتكلمت مليون كلمه في ثانيه انتي بجد مصاحبها ازاي...
اجابته ليلي بصدمه
"مش عارفه بجظ
قاطع حديثهم لوما وهيا تضع يدها في خصرها وقالت بغضب
" وانا امشي لي دي اوضتي امشو انتو يلا كملو خناق برا قال انا الي امشي انتو اتجننتو ولا ايي بتكرشوني من اوضتي امشي كملو خناقكو برا..!
ثم دفعتهم الي الخارج واغلقت الباب
وقف عمر وليلي بصدمه ينظران لي الباب نظرت له ليلي له وقالت بهمس
"اختك اتهبلت مبروك...
اجابها عمر بتساؤل
" هيا دي لوما بجد عمرها ما اتكلمت بالسرعه دي...
نظرت له ليلي بغضب وقالت
"وانت الي يعاشرك يبقا عاقل مهو طبيعي يتهبل...
ثم تركته وتوجهت الي غرفتها
عند اروي كانت تجلس مع فاطمه في غرفتها اقتربت اروي منها وقالت بخبث
" هوا محمود يعرف البت الي اسمها تالين دي منين...
نظرت له فاطمه وقالت بتساؤل
"يسر الي معرفاهم علي بعض لي السؤال
اجابتها اروي بحقد محاوله من حديثها الاقاع بينهم
" بس انا شيفاهم قبل كده في حفله لوما كان بيرقصو مع بعض ومن شويه ونا جيالك كانو واقفين مع بعض ومعاهم شخص تالت زي ما تقولي كانو بيتخانقو...
اجابتها فاطمه بغيره
"محمود كان بيرقص معاها انتي متاكده من كلامك يا اروي...
اجابتها اروي بتاڪيد
" والله متاكده حتي ابقي اساليه...
اجابتها فاطمه بغضب
"انا واثقه فيه وواثقه اني الوحيده الي فقلبو يا اروي...
اجابتها اروي بابتسامه مزيفه
" انا عارفه يحبيبتي بس ناخد بالنا علشان هيا وقربيتها بيرسمو علي عمر ومحمود...
اقتربت فاطمه منها وقالت
"اكيد انتي فاهمه غلط بلاش نشك في الناس احنا لسه مقعدناش معاهم ولا نعرف اخلاقهم..؟!
بعد ساعات اجتمع الجروب لركوب الدرجات كانت ليلي تقف بجانب تالين
بينما كانت اروي تقف بجانب عمر وتنظر لي ليلي بحقد شديد
وفي الجانب الاخر كانت تقف فاطمه وتلف يدها حول ذراع محمود
اقتربت لوما من ليلي وقالت
" بس انا مبعرفش اسوق البتاعه دي....
اجابتها ليلي بوجهه عابس
"ولا انا والله ولا حتي تالين بتعرف....
هزت ليلي تالين الواقفه ونظرها موجهه الي محمود وقالت
" يختي شيلي عينك عنو بنقولك حسيسيه انه مش فارق مش تبينيلو انك ميته عليه...
اجابتها تالين بغضب
"انا بقول نمشي نروح نعمل حاجه تانيه او نتصور لان احنا مبنعرفش نسوق الحاجات دي...
اكدت لوما علي حديثها وقالت
" انا بقول كده برضو..
قاطع حديثهم صوت شخص يقول
"جماعه لو سمحتو الي بيعرفو يسوقو ييجو الجمب دا...
اتجهه الجميع بستثناء ليلي وتالين ولوما واسماء وملك
نظر لهم الرجل وقال
" طيب كل واحده فيكم هتركب ورا شخص بيعرف يسوق علشان اللفه طويله...
اقتربت اسماء من خطيبها وقالت
"انا كده كده هركب مع زين سواء بعرف او مبعرفش..
وجهه الرجل نظره الي الباقي وقال
" قدامكو كتير اهو اختارو الي يعجبكو علشان الطريق طويل...
اقتربت ملك من فارس وقالت بابتسامه
"ينفع ابقا معاك....
اجابها فارس بابتسامه
" ينفع طبعا....
اقتربت تالين من ليلي وقالت بهمس
"يلا هنقولو مش عاوزين نركب...
نظرت ليلي الي الرجل وقالت
" احنا هنقعد هنا يعمو اتفضلو انتو...
اجابها الرجل بوجه عابس
"مش هينفع يبنتي لازم كلنا نكون مع بعض...
اجابته لوما بابتسامه وهيا تقترب من فاطمه وقالت
" خلاص انا مع فاطمه...
ابتسمت لها فاطمه وقالت
"بس انا كنت هركب مع محمود...
نظرت لوما الي ليلي بابتسامه خلفها غمزه وقالت موجه حديثها الي فاطمه
" لا طبعا انتي وحشاني ونا عاوزه اكون معاكي يلا اركبي....
اقتربت ليلي من شهد وقالت بابتسامه
"وانا مع شهد...
احتضنتها شهد وقالت
" ونا موافقه طبعا....
اقتربت اروي من عمر وقالت
"ونا معاك اكيد انا بعرف اسوق بس هركب معاك...
ابتسم لها عمر وقال وهوا ينظر الي ليلي بوجهه غاضب
" اكيد طبعا...
نظر الرجل الي تالين وقال
"وانتي تعالي فاضل واحد فاضي اهو...
اجابته تالين بكسوف وهيا تنظر لمحمود
" بس انا مش عاوزه اجي يعمو...
اجابتها لوما بصياح
"بطلي برود واركبي وبعدين محمود مش غريب دا اخونا ولا ايي يفطوم...
اجابتها فاطمه بتمثيل الابتسامه
" طبعا طبعا اركبي عادي...
اقتربت تالين من محمود وجلست خلفه واستعد الجميع للانطلاق
وجهه محمود حديثه لتالين وقال
"امسكي فيا علشان هتقعي لو ممسكتيش...
اقتربت تالين منه بتوتر ولفت يدها حول خصره ابتسم محمود ابتسامه خفيفه
وانطلق الجميع للذهاب الي المكان
في الطريق كانت اروي تتحدث مع عمر بصوت عالي
" عمر انت طاير لي كده امشي براحه...
بينما كان عمر يسوق بسرعه للحاق بي ليلي وشهد
كانت شهد تسوق باقصي سرعه لها فهي كانت بارعه في سواقه هذه الدراجه
اقتربت ليلي من اذنها وقالت بابتسامه
"ابقي علميني يبت يشوشو يخربيتك دا انتي سابقهم كلهم....
اجابتها شهد بابتسامه
" عيب عليكي دا انا بقالي سنين بسوقها....
عند فاطمه ولوما كانت لوما تنظر حوليها بانبهار من تلك الرمال الذهبيه الجميله وقالت
"المنظر جميل صح ايي رايك يفاطمه....
اجابتها فاطمه بحب
" حلو اوي علشان كده انا كنت عاوزه اجي....
احتضنتها لوما وقالت
"والله وحشاني يفطوم....
اجابتها فاطمه بصوت عالي حتي تسطيع الاستماع اليها
" والله وانتي وحشتيني اوي....
عند محمود كان يسير ببطئ شديد كانو الجميع اسرع منه
سالته تالين
" انت ماشي براحه لي كده دول كلهم سباقونا...
اجابها محمود ببرود
"ما يسبقو اعمل ايي يعني....
اجابته تالين بغضب
" احنا كده لو مكناش وراهم هنتوه منهم يمحمود...
اجابها محمود محاول استفزازها
"ما انا عاوز نتوه فيها ايي يعني....
لكمته تالين علي كتفايه وقالت
" يارتني مركبت معاك....
اوقف محمود الدراجه ونظر لها وقال
"واديني وقفت انزلي شوفي حد اركبي معاه او تشوفي حد لي متروحي تركبي معا حبيبك الي سابك وركب مع بنت غيرك...
نظرت له تالين بغضب وقالت
" وانت مالك وبعدين انا الي قيلالو يعمل كده مبحبش اخنقو لان الخنقه وحشه...
ابتسم محمود وهوا يقترب منها وقال
" الخنقه وحشه قولتيلي وانتي بقا مش بتاعت خنقه صح....
اجابته تالين ببرود
"اها مش بتاعت خانقه وسايبه حبيبي براحته علشان واثقه انو بيحبني انا..؟
ابتسم محمود وقال بغضب
" بس بتاعت تمثيل دا اخرك التمثيل نفسي افهم لما انتي بتحبي التمثيل كده مروحتيش تمثلي لي احسن ما تمثلي علينا احنا...
اجابته تالين بوجهه غاضب
"انت مزهقتش من كلامك دا كل شويه تسمعهولي يسدي انا ممثله وكدابه حلو كده انت عاوز ايي مش فاهمه مش رجعت لحبيبتك زعلان لي المفروض تشكرني....
اجابها محمود بابتسامه
" ما انا بشكرك لولاكي مكنتش زماني عرفت الحقيقه وكنت هفضل طول عمر عايش علي امل اننا نرجع...
اجابته تالين بغضب
"انت عاوز ايي دلوقت مش فاهمه موقف علشان تقولي الكلمتين دول...
اقترب محمود منها اكثر كان لا يفارقهم الا قليل وهمس بجانب وجهها بصوت مهتز
" عاوز اوجعك زي ما وجعتيني..؟!
دق قلب تالين بشده من اقترابه لها وقالت بصوت مبحوح
"انا موجعتكش احنا مكنش فيه بنا حاجه عشان تعمل كل دا انت مكبر الموضوع لي..!
اقترب محمود منها اكثر وقال بهمس
" مڪبر الموضوع علشان هوا كبير اصلا انتي خدعتيني وانا كنت مصدقك...
دفعته تالين بعيد وقالت
"يلا نمشي لاحسن هصوت والناس هتتلم....
ابتسم محمود وقال
" يبنتي احنا في صحراء بصي حوليكي يعني لو صوتي من هنا لصبح...
ابتلعت تالين لعوبها وقالت
"ايوهه تصدق... طب يلا لحسن هقول علي النت انك متحرش وانت عارف الصحافه مبتصدق...
ثم اكملت وهيا تقول بشكل طفولي
" احسنلك يلا خلينا نمشي
اجابها محمود بابتسامه
"انا متحرش
اجابته تالين بغضب
" اها وشوف بقا جمهورك الحبيب هيعملو فيك ايي..؟
اجابها محمود بابتسامه ممزوجه بغضب شديد
"جمهوري الحبيب مش اي حاجه بيصدقوها يعني الكدابين الي زيك محدش بيسمعلهم
اجابته تالين
" لا متقلقش الكدابين الي زيي ساعات بيتصدقو
اجابها محمود بغضب
"اركبي خلينا نمشي انا همشي بس عشان فاطمه متزعلش لما متلاقتيش وراها...
اجابته تالين بصريخ
" امشي ونا مش هاجي معاك انا راجعه....
وتركتهم وقررت المشي حتي تعود الي الغرفه كان محمود ينظر لها بيحيره يريد اللحاق بيها ولاكن غروروه يمنعه
فانطلق سريعا ليستطيع اللحاق بيهم وقرر تركها تعود الي الكامب
وبعد انتهاء اللعب بالدرجات لاحظه ليلي اختفاء تالين فاقتربت من محمود الذي كان يجلس علي الدراجه وفاطمه امامه ويتحدثان بابتسامه وقالت بتساؤل
"هيا تالين فين هيا مش كانت راكبه معاك....
اجابه محمود ببرود
" لا هيا مرضتش ونزلت وقالت هترجع الاوضه...؟
نظرت له ليلي بوجهه غاضب وقالت
"انت عملت فيها ايي اكيد قولتلها حاجه تزعلها...
اجابتها فاطمه بغضب
" هيقولها ايي يعني يحبيبتي هوا يعرفها اصلا انتو دبستوه علشان يركبها معاه وهوا وافق نعملكو ايي تاني...
ابتسمت ليلي وقالت
"دبسناه يختي سكر بتقولي كلام حكم صحيح...
اقترب محمود من ليلي وقال بهمس
" ليلي تالين في الاوضه امشي ومتكبريش الموضوع...
تركتهم ليلي وذهبت لتطمئن علي ابنه عمها لاحظت لوما ذهاب ليلي فقالت موجه حديثها الي عمر
"هوا في ايي....
اجابها عمر بتساؤل
" مش فاهمه حصل حاجه ولا اييي...
اجابته لوما باستغراب
"اصل ليلي اول ما وصلنا نزلت علطول وجرت عند محمود وحساهم كان بيتخانقو وبعدين سابتو ومشيت بسرعه...؟
نظر عمر تجاه محمود وقال باستغراب
" تعالي نسألو اكيد في حاجه...
اوقفهم صوت اروي وهيا تقول بغيره واضحه
"اكيد يعني راحت ترتاح هوا لازم يكون في سبب علشان تمشي انتو مزودين اهتمامكو بيها شويه...
لم تجيب لوما عليها وتوجه الي محمود وفاطمه وخلفها عمر
اقتربت لوما من محمود وقالت بتساؤل
" هيا ليلي مالها حصل حاجه ولا اييي..؟
اخذت فاطمه رشفه من العاصير وقالت بملل
"هوا احنا مورناش غير ليلي وتالين بقا في ايي يالوما مالك...
اجابتها لوما بغضب
" مالك انتي يفاطمه انا بساله سؤال...
احابتها فاطمه بغضب
" تالين مردتش تركب معاه ورجعت الكامب وليلي دي جات تسال عنها فهوا قالها كده دا كل الموضوع اديني جوابتك اهو...؟
نظرت لوما الي محمود وقالت بغضب
"انت عملت فيها اييي..؟
اجابتها فاطمه بصريخ
" هوا في ايي مالڪو هوا مالو بيها اصلا كل شويه تسالوه السؤال دا...
اجابتها اروي
"مش عارفه بجد ايي الافوره ديي
صرخت لوما في وجهه اروي وقالت
" انا لحد دلوقت مقدره انك تعب اخويا ومحترمه وجوده ومش راضيه اهزقك....
ثم اكملت موجهه حديثها لفاطمه
"وانتي تتعاملي باسلوب كويس وتعرفي انتي بتتكلمي مع مين فاهمه لان المره الجايه مش هقدر حد لو اتكلمتي بالاسلوب دا تاني...
حاول عمر تهدئت شقيقته وقال محاول تهدئت الوضع
" ايي يجماعه في ايي مكنش حتت سؤال اهدو كده وصلو علي النبي...
اجابته لوما بوجهه عابس
"انت مش شايف بترد ازاي والتانيه بطبلها...
اجابه محمود
" هيا متقصدش يالوما حقك عليا انا...
نظرت له فاطمه بغضب وقالت
"انت بتعتذرلها ليه انا مغلطتش هيا الي جايه تزعقلك وتتهمك حاجات محصلتش وتستاهل اني ارد عليها كده...
نظر عمر لها بغضب وهوا يحاول منع نفسه من الرد عليها وقال موجه حديثه الي لوما
" لوما امشي علشان لحظه كمان وانا الي مش هقدر حد....
اجابه محمود بغضب
"قصدك ايي يعمر...
اجابه عمر ببرود
" قصدي انتو عارفه يصاحبي...
ثم اكمل بغضب
"امشي يالوما....
عند ليلي ذهبت الي غرفه تالين وظلت تبحث عنها ولاكن لم تجدها في غرفتها بحثت عنها في كل مكان ولاكن دون فائده ظلت تتصل بيها كثيرا وهيا تشعر بخوف شديد داخلها ولاكن تالين لم تجيب
اقتربت لوما من ليلي وقالت بتساؤل
" تالين نايمه ولا ايي...
نظرت لها ليلي بوجهه شاحب وقالت بخوف وزعر
"تالين مش موجوده انا لفيت عليها الدنيا مش موجوده...
احابتها لوما بتساؤل
" ازاي مش موجوده اكيد انتي مدورتيش كويس تلاقيها في حته هنا او هنا...
نظر لهم عمر وقال
"طب انتي شوفتيها في المكان الي بتقعدو فيه علطول...
اجابته ليلي بدموع
" اها دورت في كل مكان ورنيت تلفونها مغلق....
ثم اكملت برعب
"انا خايفه اوي احنا في صحراء انا خايفه اوي....
حاول عمر تهدئتها وقال
" متخفيش هنا مفيش حاجه وحشه هيا اكيد قاعد في مكان متقلقيش هندور عليها..؟
اجابته لوما بخوف هيا الاخري
"عمر بجد انا خوفت انا كمان لحسن تكون تاهت او اتخطفت...
ارتعشت ليلي بخوف فور سماع كلمات لوما وقالت بدموع وهيا تنظر الي عمر
" لوما عندها حق ونبي يلا ندور عليها انا خايفه...
دق قلب عمر بوجع فور رؤيه دموعها فهو لا يعلم لماذا يزعل وقت زعلها وقال
"اهدو بس انا هكلم الراجل الي هنا وان شاء الله نلاقيها...
عند محمود كان يشعر بالغضب الشديد من حديث عمر المهين له فهو رغم انه لا يحب فاطمه ولاكن رجولته لا تسمح ان يهينها عمر امامه
اقتربت منه فاطمه وقالت بزعل
" انا اسفه يا حبيبي لو عملتلك مشاكل مع عمر بس لوما الي بقت مستفزه اوي الصراحه...
تدخلت اروي في الموضوع وقالت
"حقيقي لوما بقت اوفر اوي وعمر برضو زودها حبيتين...
اجابهم محمود بغضب
" خلاص اقفلو علي الموضوع دا ويلا علشان هنرجع القاهره...
اجابته فاطمه بتساؤل
"دلوقت احنا ملحقناش نقعد...
اجابها محمود بغضب
" انتي شايفه الوضع...
قاطع حديثهم صوت عمر وهوا يقترب من محمود وقال بتساؤل
"انت نزلت تالين فين بالضبط...
نفخت فاطمه في الهواء بغضب وقالت
" احنا مش هنخلص....
نظر عمر الي محمود وقال
"محمود اخلص قول انت نزلت البت فين علشان احنا مش لاقينها...
دق قلب محمود بخوف فور سماع تلك الكلمات فهو انزلها في بدايه الطريق وكان متاكد انها تستطيع العوده ولهذا وافق فقال بتساؤل
" يعني ايي مش لقينها انا نزلتها قريب من هنا ميجيش عشر خطوات يعمر...
اجابه عمر بتساؤل
"انت متاكد....
اجابه محمود بحيره
" ايوه متاكده ولا مكنتش نزلتها يعني هتكون راحت فين....
قاطع حديثهم صوت اروي وهيا تقول
"هما البنات دول كده بيحبو ياخدو الجو ويلفتو النظر علطول كده الله اعلم هيا قاعده فين...
صرخ محمود في وجهها بغضب وقال
" انا مش عاوز اسمع نفس يا اروي تعرفي تسكتي....
الي هنا تفتكرو تالييين حصلها ايي يحبايبي او راحت فين خمنو في الكومنت🤍🤍🤍.