اجابتها تالين بانبهار
" جميل اوي بجد...
ابتسمت ليلي لها وقالت
"مكنتش مصدقاكي بس انبهرت والله بالجمال
اجابتهم اسماء بحب
" ولسه هتنبهرو بس دلوقت اوضكو جاهزه ادخلو ارتاحو وبلليل هنشوي وهنعمل قاعده حلوه وهنلعب وحاجات كتيره هتعجبكو اوي....
اجابتها لوما بفضول
"هوا احنا بس ولا في ناس كتير...
اجابتها اسماء
" لا في زين خطيبي وصاحبو واخواتو البنات متقلقوش واثقه مش هتكونو عاوزين تروحو من الجمال.
في استاد القاهره الدولي انطلقت صافره المباراه
بدأت المباراة بحماس كبير، حيث انطلقت الكرة بين الفريقين المتنافسين.
فريق عمر يقدمون أداءً رائعًا، يتبادلون الكرة ببراعة ويحاولون اختراق دفاعات الفريق الآخر.
المشجعون يصرخون ويشجعون فريق عمر بحماس، والأجواء مليئة بالحماس والإثارة.
ولاكن ابرز زيزو لاعب في الفريق الاخر هدف في شباك فريق عمر..
زيزو يبدو أنه لاعب موهوب! لكن فريق عمر لا يزال لديهم الكثير ليقدموه.
هل تتخيلو ماذا سيحدث بعد هدف زيزو؟ هل سيتمكن فريق عمر من التعادل، أم سيظلون متأخرين ويحتاجون إلى بذل مزيد من الجهد للفوز؟
انتهي الشوط الأول يبدو أن فريق عمر بحاجة إلى استراتيجية جديدة في الشوط الثاني.
انطلقت صافره الشوط الثاني بعد الاستراحة ! حدث تغيرات في التشكيله التغييرات قد تجلب النشاط والحيوية لفريق عمر.
ومن ضمن هذه التغيرات هوا محمود الذي نزل بدايه الشوط التاني
بدأ الشوط الثاني بنفس الحماس والتركيز محمود قام بتسديدة قوية سكنت الشباك بعد تمريرة رائعة من علي.
هذا الهدف جلب الفرحة والحماس لفريق عمر وللجماهير.
وهذا جعل النتيجه تتعادل واحد واحد للفريقين
انتهت المباراة بالتعادل الايجابي للفرقين..
في المساء في غرفه ليلي كانت تستعد للذهاب الي الخارج
دق الباب وكانت تالين وبجوارها لوما
فتحت ليلي الباب وقالت بابتسامه
"انا جاهزه يلا نخرج نقعد معاهم
اجابتها لوما
" ليلي مصدقت لقيت شبڪه تعالي نصور فديو علشان ننزل استوري...
فتحت لوما الكاميرا واقتربت منها ليلي فوجهت لوما حديثها الي تالين
"تعالي انتي كمان واقفه بعيد لي اخلصي.....
اقتربت تالين منهم واحتضنه ليلي ثم التقط لوما بعض الصور والفديوهات وقامت بتنزيلهم علي استوري انستجرام الخاص بيها
وبعد انتهاء التصوير قررو الذهاب الي اسماء
كانت اسماء تجلس بجانب خطيبها واصدقاءه
يجلسون امام النار ويتناولو بعض الوجبات الخفيفه ابتسمت اسماء فور رؤيتهم وقالت
" اخيرا جيتو دا احنا قاعدين من بدري.....
ابتسمت تالين واردفت
"ناويين تعملو ايي....
اجابتها احد البنات
" هنلعب اقعدو هتعجبڪو القاعده...
جلست ليلي وبجانبها تالين وبجانبها لوما نظر لهم احد الجالسين وقال
"وانتو بقا اخوات ولا ايي...
اجابته ليلي بابتسامه
" احنا اكتر من الاخوات كمان..
ثم اكملت لوما بحب
"تقدرو تعتبرو ان دول صحابي واخواتي...
احتضنتها ليلي وقالت
" وانتي اڪتر من اختنا وربنا عالم
قاطعتهم تالين بابتسامة
"ايي يجماعه انتو هتقلبو الموضوع دراما لي احنا جايين هنا للفرفشه فقط..
اجابها الشخص بتساؤل
" انتي شڪلك مبتحبيش النكد وفرفوشه زيي...
اجابته تالين بابتسامة
"خالص والله بس النڪد حالف ما يسبني بيجري ورايا في كل حته...
ابتسمت ليلي واردفت
" النكد بيشحت تالين شحت....
ابتسم الجميع علي حديثهم واقتربت تالين من لوما وقالت بهمس
"محمود شاف الاستوري ولا ايي...
اجابتها لوما بابتسامه
" اها شافو...
اقتربت ليلي منهم وقالت
"بتتوشوشو علي ايي انتي وهيا...
اجابتها لوما بغمزه
" الأستاذة تالين بتطمن هوا شاف الاستوري ولا لا...
اجابتها ليلي بابتسامه
"لا وقال ايي جايه هنا علشان تموڤ اون مش عارفه هتعملها ازاي وهوا شاغل كل تفڪرها...
نظرت لهم تالين بشڪل طفولي وقالت
" شڪلو عملي عمل ابن الايه...
قاطع حديثهم صوت اسماء
"يلا علشان هنلعب....
اجابتها لوما بتساؤل
" هنلعب ايي فهمونا الاول...
اجابها فارس احد الاشخاص الجالسين
"هنلعب جرأه ولا صراحه هنلف الازاز والي عنده يختار جرأه او صراحه...
صقفت ليلي بيدها بشڪل طفولي وقالت
" اخيرا لقيت حد بيلعبها كنت ڪل لم اقول لحد يلا نلعبها يقولو بطلو تفاهه..
اجابها فارس بابتسامه
"واديكي هتلعبيها اهو يلا هنلف القزازه حالا
لف فارس الزجاجه فوقفت عند ملك وشهد اثنان من الجالسين
ابتسمت شهد وقالت
" تختاري جرأه ولا صراحه....
اجابتها ملك بحيره
"مش عارفه بس صراحه ارحم....
ابتسمت شهد واردفت
" بتحبي حد من المواجدين هنا...
احمر وجهه ملك بخجل وقالت بنفي
"لا هحب مين يعني كلهم هنا اخواتي...
غمزت لها شهد وقالت
" هعديها يلا لفو....
لف فارس الزجاجه مره ثانيه فوقفت عند سلمي وتالين
نظرت تالين لها بحزن وقالت ببراءه
"اسالني اسأله سهله ماشي قولتي اسمك ايي....
اجابتها سلمي بابتسامه
" اسمي سلمي....
ابتسمت تالين واردفت
"اساليني اساله سهله يسلومه احنا بنات زي بعض...
ابتسمت سلمي وقالت
" حاضر بصي هسالك سؤال سهل خالص ايي اڪتر موقف ضحكتي فيه من قلبك...
سڪتت تالين عددت ثواني بتفڪير ثم قالت بابتسامه
"اسف يالولو مضطره اقول
ثم اكملت
" في مره كنت انا وليلي في المڪتبه بنجيب ڪتب في المڪتبه من برا فيها بلاط وهيا اصل دور اراضي ف مبلطين جزء صغير منها
والبلاط دا لو وقفتي عليه بياخدك وينزل ف ليلي مخدتش بالها ولسه بتمشي عليه علشان تدخل المڪتبه راحت واقعه الي ضحڪني انها قامت بسرعه تبص وراها ويمين وشمال تشوف حد شافها ولا لا.....
ابتسم الجميع ونظرت لها ليلي بغضب وقالت
"ماشي يتالين الكلب....
لف فارس الزجاجه مره اخري فوقفت عنده هوا ولوما ابتسمت لوما وقالت
" تختار جرأه ولا صراحه....
اجابها فارس بثقه
"اختار جرأه....
نظرت له لوما بخبث وقالت
" تقوم حاليا تقول انا لابس بدله رقص وشغال في مصر عشر مرات ونصورك
يتقلد ست بتولد....
نظر الجميع لها بصدمه وقالو بابتسامه
"اووه عاش
هيعملها ازاي دي...
ابتسم فارس واردف
" خلينا صراحه احسن يلوما....
اجابته لوما بابتسامه
"بتحب حد من الموجدين هنا....
نظر فارس الي ملك وقال بحب
" اها بحب
اجابته شهد بابتسامه
"وكلنا طبعا عارفين من الحد وهنعمل نفسنا مش عارفين....
احمر وجهه ملك من شده الخجل وقالت بكسوف
" خلاص يجماعه لفو القزازه مطولوش في الدور كده...
لف فارس الزجاجه فوقفت عند اسماء وليلي ابتسمت اسماء وقالت
"لولو حبيبتي مكتوب عليكي انك تقعي تحت ايدي انا...
ابتسمت ليلي وقالت
" احنا حبايب يسمكه هااا...
اجابتها اسماء بحب
"طبعا حبايب في كل حاجه الا اللعبه
ثم اكملت
" بصي بقا اولا هتجوابي بامانه تمام هسالك سؤال ساهل...
اجابتها ليلي
"اسالي يستي...
اجابتها اسماء بابتسامه
" الشخص الي انتي بتحبيه يتقولي اول حرف من اسمو يتدعي عليه دعوه هنا وقولنا نقول امين...
احمر وجهه ليلي وقالت
"بجد انتي بتهزري ي اسماء افرض مبحبش...
اجابتها اسماء
" يبقا تدعي طالما مبتحبيش وقولي الحرف صح دي لعبه ثقه...
نفخت ليلي في الهواء ثم اخذت نفس عميق وقالت
"ادعي عليه دي صعبه شويه ف انا هقول الحرف وامري لله
حرف العين...
نظرت له لوما باستغراب
" بقا انتي بتحبي ونا معرفش لا احنا بجد مطلعناش صحاب...
ابتسمت تالين وقالت
"اسكتي انتي مش فاهمه حاجه...
اجابتهم لوما بغضب
" لا ما انا هفهم كل حاجه بس اما نروح ننام يهانم انتي وهيا...
عند محمود كان يجلس في غرفته ويفڪر في تالين ويشعر بالغضب الشديد فور تذڪر فكره السفر ولاكن قاطع شروده رنين الهاتف وكانت فاطمه اجابها محمود وقال
"نعم يفاطمه...
اجابته فاطمه بحب
" بتعمل ايي يحبيبي...
اجابها محمود
"ولا حاجه ڪنت هنام....
اجابته فاطمه بتساؤل
" اهه صح كنت هسالك حاجه...
اجابها محمود
"اسالي...
اجابته فاطمه
" هيا تالين تعرف لوما اخت عمر منين انا قصدي علي تالين صاحبه يسر اختي الي سلمت علينا في الشبكه...
اجابها محمود بغضب
"وانا ايي عرفني يفاطمه هما يعرفو بعض منين...
اجابته فاطمه بحب
" اصلهم متصورين مع بعض ومصوين قاعده شڪلها قاعده لعب عجبتني اوي متشوف ونبي يحبيبي هما فين ونروح علشان يسر رنت عليها مردتش...
اجابها محمود بغضب
"اشوف ازاي انا وبعدين نروح لي اصلا انا مش فاضي ورايا تدريبات...
اجابته فاطمه
" يحبيبي لسه الماتش الجاي بعد اسبوعين يعني قدامك راحه اسبوعين مفهاش حاجه لما ناخد يومين اجازه ونبي يمحمود نا مخنوقه وعجبتني اللمه ونبي ونبي اسال عمر ولو كده يجي معانا هوا واروي...
اجابها محمود بغضب
"فاطمه روحي نامي انا مش رايح في حته ومش هينفع اصلا نروح احنا مالنا هما اصحاب مع بعض...
اجابته فاطمه بزعل
" وحياتي عندك يحبيبي والله يومين بس وهنرجع وحياتي عندك يلا بقا...
نفخ محمود في الهواء بغضب وقال
"طيب يفاطمه هكلم عمر وارد عليكي....
ثم اغلق الهاتف للاتصال بعمر اجابه عمر
" الو
اجابه محمود بتساؤل
"هيا لوما اختك مسافره فين...
اجابه عمر
" دهب الي في حاجه ولا اي...
اجابه محمود بغضب
"مش عارف فاطمه مالها عماله تزن وتقولي نروحلهم ونبي وحياتي عندك نروحلهم...
اجابه عمر
" هيا عاوزه تروح لي يعني مش فاهم....
اجابه محمود بتأفأف
"مش عارف والله وعماله تزن ونا اصلا مبحبش الزن...
ابتسم عمر وقال
" يااه علي الزمن عمري ما انساا زمان وانت متصدق تطلب منك طلب...
اجابه محمود بغضب
" اديك بتقول زمان وبعدين انت هتسال لوما ولا لا...
اجابه عمر
"هسالها يعم بس هتروح يعني معاها ولا اييي...
اجابه محمود
" وانت جاي معانا اصلا...
اجابه عمر
"بذمتك احنا فاضيين للكلام دا....
اجابه محمود بغضب
" مهو نا قولتلها كده قولت مش فاضي قعدت تزن ونا مش عاوز اقول لا عشان متزعلش ومتتعبش واكون السبب...
اجابه عمر
"خلاص تمام بس لو روحنا هنروح بكره وهنرجع بالليل عشان انت عارف ان فيه تدريبات مهمه اوي والكابتن بيضايق...
اجابه محمود
" يعم كلم بس لوما وشوف كده الدنيا وهنمشي الصبح بدري لو كده...
بعد انتهاء الحديث مع محمود وعمر اتصل محمود بلوما فديو كول
كانت لوما مازالت تجلس مع باقي الجروب وفور رؤيه المكالمه اجابته بابتسامه
"اذيڪ يحبيبي عامل ايي...
لوح عمر بيده وقال بحب
" الحمدلله والله انتي اخبار الدنيا عندك ايي...
اجابته لوما
" الجو هنا جميل اوي والقاعده جميله...
ثم اكملت بابتسامه
"استني هقلب الكاميرا اوريك القاعده...
لفت لوما الكاميرا ليشاهد عمر المكان فوقع نظره علي ليلي الجالسه بجانب تالين ويتحدثان مع شاب بابتسامات عاليه فوجهه الحديث الي لوما وقال
" هوا انتو قاعدين مع شباب ولا ايي...
لفت لوما الكاميرا تجاه وجهها وقالت
"اها دول بقيت الجروب كلنا بنقعد مع بعض وبنلعب والصبح هنخرج...
اجابها عمر بغضب وغيره واضحه لا يعلم سببها
" انتي مقولتيش كده يعني...
اجابته لوما بتساؤل
"مالك يعمر ما طول عمري صحابي ولاد ومكنتش بتتكلم مش عارفه انت مزودها اوي لي الايام دي...
اجابها عمر بغضب
" انا ولا مزودها ولا نيله كنت برن علشان اقولك احجزي اربع اماكن علشان جايين الصبح...
اجابته لوما بتساؤل
"مين الي جايين الصبح واربعه لمين...
اجابها عمر
" فاطمه اما شافت الاستوري بتاعك قاعده تتحايل علي محمود ومحمود كلمني...
اجابته لوما
"طيب محمود وفاطمه اتنين والباقي...
نظر عمر لها بابتسامه واردف
" انا واروي...
نفخت لوما في الهواء بغضب وقالت
"عمر انت بتهزر انتو جايين تخنوقونا متروحو مكان تاني....
اجابها عمر
" مش هينفع لان فاطمه تعبانه ولازم نعمل كده وننفذ الي قالتو ولا ايي مبقاش عندك رحمه...
اجابته لوما بغضب
"عمر مش هينفع البنت جايه تغير جو نقوم نجبلها الي هيحرق دمها..
اجابها عمر بتساؤل
" قصدك تالين هوا انتي عرفتي الموضوع....
اجابته لوما
"ايوهه عارفه يعمر ومينفعش نعمل كده حرام...
اجابها عمر
" صدقيني هوا موجوع اكتر منها لانه بيحبها هيا وهوا حاليا بين نارين مش عارف يسيب فاطمه لانها ضحت بسمعتها علشان مستقبله
ومش قادر يكون مع حبيبتو الي بيحبها...
ابتسمت لوما واردفت
"يعني محمود بيحب تالين...
اجابها عمر بابتسامه
" بيحبها فوق ما تتخيلي كمان....
اجابته لوما بفرحه شديده
"طيب تعالو خلاص طالما هوا عاوز يكون موجود معاها تعالو...
اجابها عمر
" كده كده اخر اليوم هنمشي علشان الكابتن والتدريبات يعني هتستحملونا يوم...
ثم اكمل
"ومش انا الي جايب اروي هيا عارفه الموضوع وبعتالي ماسيدج يعني فاطمه معرفاها فا مش هينفع مجبهاش فحاولي تظبطي الدنيا يوم وهنمشي...
ابتسمت له لوما واردفت
" ماشي يحبيبي هقوم حاليا اسأل علي الاوض علشان لو هتيجو بكره روحو بعدو الصبح...
قاطع حديثهم صوت ليلي هيا تضم لوما ثم اقتربت من اذنها وقالت
"بتكلمي مين كل دا..
شهقت لوما بخضه
" خضتيني بجد...
ثم اكملت بابتسامه وهيا توجه الكاميرا تجاه وجههاا
"بكلم عمر خدي سلمي عليه...
احمر وجهه ليلي وقالت بحرج
" طب هسيبك تخلصي كلامك...
اوقفها صوت عمر وهوا يقول
"دا حتي السلام لله ولا هوا التكشير لينا والضحك والهزار والايادي تروح وتيجي في حتت تانيه..
نظرت له ليلي بغضب وقالت
" بجد انا مش عارفه اقولك ايي لان بصراحه انت متستاهلش اني ارد عليك وانا هحترم لوما ومش هرد...
ثم تركتهم وفي داخلها غضب شديد من عمر
نظرت له لوما بغضب وقالت
"انا مش عارفه انت لي كل متتكلم معاها كلمتين تحرجها بالكلام كده وتحرق دمها هوا في ايي يعمر....
اجابها عمر
" لوما روحي شوفي الي قولتلك عليه يلا سلام...
اقتربت ليلي من تالين بوجهه غاضب وقالت
"مش عارفه هوا عاوز مني ايي كل شويه يحرق دمي ويلقح بالكلام دا بيحسسني اني مش كويسه من كلامو هوا يعني شايفني كده...
اجابتها تالين بعدم فهم
" هوا مين انا مش فاهمه حاجه....
اقتربت ليلي منها ثم جلست بجانبها وقالت بغضب
"هوا عمر كل شويه يلقح بالكلام هوا مالو اصلا اهزر ولا اكشر...
قاطع حديثهم لوما وهيا تقول بابتسامه
" بقا لولو قفوشه اوي كده....
نظرت لها ليلي بغضب وقالت
"اصل دي مش اول مره اخوكي يعملها....
جلست لوما بجانبهم وقالت
" طب بصو حابه اصدمكو واقولكو انهم هيجو بكره يقضو معانا اليوم ويمشو...
نظرت لها تالين بصدمه وقالت بغضب
"هما مين الي جايين انتو عارفين لو محمود هقوم امشي....
اجابتها لوما بحب
" صدقيني هوا يوم وهيمشو ومحمود مكنش عاوز يجي بس فاطمه زنت عليه وانتي عارفه انها تعبانه...
اجابتها تالين بزعل
"وكمان فاطمه يعني انا جايه اريح اعصابي يجو ورايا...
اجابتها لوما بزعل
" معرفتش اقولهم لا انا اسفه بس هما يوم وهيمشو والله...
نظرت ليلي لي تالين بابتسامة وقالت
"زعلانه لي يغبيه احرقي دمو وبينيلو انو مش فارقلك...
ابتسمت لوما وقالت
" بس انتي فارقالو واوي كمان...
نظرت لها تالين وقالت بتساؤل
"قصدك ايي...
اجابت لوما بنفي
" بكره تفهمي....
في الصباح استيقظت لوما من النوم علي صوت دقات الباب فتحت لوما الباب بتعب
" ساعه علي ما تفتحي....
كان ذالك الصوت صوت عمر اقتربت منه لوما واحتضنته بحب وقالت
"تصدق وحشتيني اوي....
دخل عمر الي الداخل وقال بابتسامه
" وانتي والله...
اجابته لوما بتساؤل
" جيتو امتا صحيح...
اجابها عمر
"من شويه كلهم راحو يغيرو وانا جيت اسلم عليكي...
اجابته لوما بابتسامه
" طيب روح غير هدومك وتعالي نتمشي شويه وافرجك علي المكان...
عند تالين كانت تقوم بعمل تماريين الصباح اقترب منها فارس وقال بابتسامه
"اي النشاط الي علي الصبح دا....
اجابته تالين
" قومت بدري فقولت اعمل حاجه مفيده...
اجابها فارس بابتسامه
"وانا برضو قايم بدري وقولت اعمل نفس الحاجه المفيده...
ابتسمت تالين وقالت
" اصل اول مره في حياتي ابقا نشيطه دا انا ماما كانت بتقومني بالشبشب...
انفجر فارس ضاحكا وقال
"انتي فظيعه والله بجد....
" مهيا كده كل الي يقعد معاها اول مره يقولها نفس الكلمتين دول انتي فظيعه والله وبعدين يتصدم....
كان ذالك صوت محمود الواقف بعيد وينظر لهم بغضب وغيره واضحه من عينيه التي احمرت من شده الغضب لفت تالين وجهها نحو الصوت وقالت ببرود
"وانا بقول الجو بقا فيه طاقه سلبيه لي كده اتاريك شرفت المكان....
حبايبي دا بارت لطيف وخفيف كده واوعدكو هنزلكو واحد تاني يبكره ي بالليل بس ياريت تقدرو كده وتعملو فوت للبارت والي مش عامل فولو يعمل فولو
والكلام دا يتنفذ يا اما هجبلڪو تالين تشرشحلكو 😂😂😂😂