يناسيني الرسايل خلصتهن شم ؟
شمدريني اليحب من صدك يندم ؟
﹌﹌﹌﹌﹌﹌﹌﹌﹌﹌﹌﹌﹌﹌﹌
رؤيـــا
قبولي بــ الزواج هو بــ دافع الانتقام كافي علية الــي سوتة وياي وي اهلي اجة الدور عليها مثلما يكولون اتقرب من عدوك حتى تعرف نقاط ضعفة وانا تقربت من عندة حتى اعرف نقاط ضعفها وعرفتهن مــا واح ارحمها
عقد علية وانا كل مشاعر مــا عندي كل فرحة عروس مــا عندي و أڪُيد اختلف عن كل البنات لا صفكة خوات ولا هلهولة ام ولا دعاء اب
مــا لكيت غير ايـــة هي سوت كل هذا اشوف الفرح بــ عيونها بس مــا عندي كل فرحة بــ داخلي احس صرت رماد!!!!
اهلة مــا قابلين جان بــ كل مرة يحجون عليها بية يضغط على ايدي يحاول يهدئني
مــا همني كلامة علية بــ كدما همني كلامة عن اهلي مــا كدرت اسكت و بــ ڪُلامي زدت النار حطب!!
عمتة كالتلة اخذها سحب ايدي واخذني للغرفة اول مــا وصلنا نكثت ايدي من عندة!!
قرفانة نفسي بــاوعلي بــ نظرات غريبة وراح ڪُعد على جرباية روحة رايحة وجه اصفر ليمون وايدة ترجف
باوعتلة بــ عدم اهتمام ودخلت الحمام هنا اطلقت العنان لدموعي تنزل بـــاوعت بــ المرايا::- بس بينج و بين روحج تبجين ممنوع تنزلين دموعج كدام احد رؤيـــا ممنوع!!!!
كتمت شهكاتي بــ ايدي مــا اريدهن يطلعن روحــي چــاي تنسحن سحن?!
طلعت مجرد دفع دين اخوي باعني وما سال علية?!
غمضت عيوني وانا اتذكر ڪُلام ابويا هو يتلقط اخر انفاسة و يحجي وي اخوي::- ديربالك على اخيتك بوية لا تكسرها لا تصير أنت والدنيا عليها
شهـــڪُت بــ صوت مكتوم احجي::- بوية كسرني بوية صار هو و الدنيا علية بوية جار الوكت وهد حيلي وينك بوية وينك
اندك الباب وصوتة اجاني::- رؤيـــا افتحي الباب خل نحجي
مسحت دموعي واخذت نفس عميق وكمت طلعت باوعتلة باوع بــ وجهي مستغرب::- جنتي تبجين?!!
نترت بي::- لا
عفتة ورحت تلفلفت بــ البطانية هو وكف فوك راسي::- اكعدي احاجيج
::- أجلها بعدين
::- كومي
::- لا تلح
::- شكلللتتت كوووميي!!!!
باوعتلة بــ برود الدنيا كلها تجمع بية::- يعني تتوقع بــ صوتك العالي راح تخوفني?!!! مااا تهزز طولي
ڪُعد يمي باوع بــ عيوني مــا احس الا سحبني ل حظنة فتحت عيوني مصدومة دفعتة مــا ندفع
أردف::- لا تضمين حزنج انا سترج وغطاج ابجي يمج وضعفي بــ حظني
ادفع بي خانكتني العبرة مــا أريــد اتعلق بــ احد مــا أريــد ولا أريــد ابجي كدامة
سحب راسي مقيدني بــ حظنة::- اذا تردين تبجين حظني الج ابجي علية
ادافع بي شايغة روحــي دموعي تنزل من اقل موقف بي حنية خلصت مقاومتي وشهكت نزلت دموعي بــ هدوء
سكنت بــ حظنة هو مقيد ادية رفع ايدة مسح على راسي::- ابجي حتى ترتاحين لا تخافين انا يمج رؤيـــا مــا عوفج
شهـــڪُت::- عوفني مــا اريدك
ابتعد يمسح بــ دموعي نترت وجهي من عندة خازرتة بــ عيوني ابتسم بــ حزن::- بس انا اريدج?!!
دفعتة اخزر بية ميتة من القهر ڪُمت وكفت ارجف::- ونببيي بعدد بس تلزمني اموتك اموتك بيدييي بييدددددديي اممووووتتتككك
طفر علية سد حلكي بــ ايدة وانا تخبلت ادفع بي واصرخ::- وخررو وخرررر. لااااا تلزززممننييي.
اصرخ بــ عالي صوتي هو واڪُف متفاجئ مصدوم جامد بــ مكانة ڪُعدت على ركبي اشهك بــ النفس واصرخ::- لاا تتقرربلليي وخرر
وكف بــعيد عني يحجي::- رؤيـــا هاج هاج باعي فتحي عيونج مو يمج مو يمج انا بعد مــا اتقرب مــا اتقرب فتحي عيوني مو يمج
ادك على راسي واصرخ منهارة يتقدم خطوة ويرجع الف لورة مصدوم من ردة فعلي!!
وصل يمي راد يتقربلي سحبت التحفية الــي يم راسي أريــد اضربة رجع بــ خطوات متفاجئ!!
جر نفس بــ حزن وتعب::- لا تخافين مــا اجي يمج بس اهدي جسمج يرجف
اباوعلة بــ قرف ودي اموتة مقهورة منة و مقهورة من روحــي اكثر ليش ضعفت وبجيت بــ حظنة شتفقنا هاا مو مـاڪُو ضعف شتفقنا من اول ساعة نقضتي الوعد!!!
شمرت التحفية على كنتور تفلشت وكمت بــ كل برود تلفلفت بــ البطانية عاضتها اشهك مــا أريــد صوتي يطلع
اسمعة يلم بــ الكزاز غمضت عيوني احاول انام ويجي صوت اخوي من يكول::- لا اطلبك ولا تطلبني بعد
تشرشط روحــي ظليت اتحركن بــ فراشي مــا نمت سمعت دكت الباب و صوت ايـــة اجاني
و البطرانة مسوية صحن كيك عايشة الحالة عبالها صدك متزوجين احنا اجيت اكوم اركع الصحن بــ راسها
اخذ الصحن وسد الباب غمضت عيوني نمت مــا ڪُعدت الا ثاني يوم على حركتة بــ داخل الغرفة ڪُعدت بــاوعلي و أردف::- صباح الخير
باوعتلة مــا جاوبت ڪُمت أريــد ادخل للحمام سحبني من ايدي و انا اتسودن اذا يلزمني أريــد اعيط خزرني بــ عيونة و أردف::- تأدبي ولج لا افرج بــ راجدي
::- لا تلزمني لا افرك بــ راجدي
فتح عيونة مصدوم من جرئتي::- شكد صلفة
::- منو الكلك تجي علية هاي الصلفة أنت ردتها
بــاوعلي يشتاط غضب تقدم ورجع لزم نفسة وانا اباوعلة بــ كل برود::- اذا تريد تضرب اضرب يلا أريــد اروح اسبح قرفانة من لمستك
بــاوعلي عيونة بــ كصتة::- ادخلي لجوة لا تراويني وجهج
عفتة ودخلت لجوة للـ حمام سبحت و طلعت هو سابح قبلي اول مــا طلعت تنهد::- أريــد اكلج رايح لأربيل حتى استلم السيارات
باوعتلة بــ برود::- خوش
هز راسة يــباوعلي بــ حيرة دنك راسة ووكف ڪُدامي::- رؤيـــا
رفعت عيوني علية منتظرتة يكمل::- ها
::- انا اسف بــ النيابة عنهم
بهت وجهي وغصة صارت بــ بلعومي ظليت صافنة بــ وجها تقرب يمي و أردف::- اسف على كل واحد ضوجج و اسف على كل واحد اذاج وجرحج و اسف على كل شخص سمعج حجاية وهضمتج انا اسف بالنيابة عن الكل
فكي ڪُام يرجف شجاي يسوي بية شجاي يسوي بية ما أريــدة مــا أريــدة
ابتعدت عنة منطيتة ضهري طلعت ملابس الــي وشال ودخلت للحمام بــ حجة ابدل بس اول مــا دخلت انهاريت
مــا أريــد اتعلق بيك مــا أريــد لا تسوي بية هيج مــا أريــد يا ربي لا تخلي قريب مني مــا أريــدة و الله مــا أريــدة
بدلت وطلعت هو ڪُاعد على جرباية بيدة كطن و شاش ومعقم بــاوعلي و أردف::- مــا أريــد اتعبج بس مــا چــاي اسيطر اعقم الجرح تـــڪُدرين تعقمينة الي?!
باوعتلة وهزيت راسي مشيت وصرت وراه كعدت فتحت الشاش القديم وكمت ذبيتة بــ السطل رجعت مرة ثانية اعقم بــ الجرح مالتة مزينين شعرة من ورة ومخيطين راسة شكلة يرهب ويخوف ايدي ترجف مــا يكول جلي اعقم يكول چــاي اسوي عملية الة
كملت ولفيتة الة ڪُمت غسلت ادية ونزلنا لجوة لكينا بس عماتة تباركو النا هو رد وانا سڪُتت
بـــاوعت النا عمة جميلة وكالت::- أثـــير يمة تسوون عرس وي الأيــسر و ايـــة خل الوادم تعرف بيكم متزوجين?!
سڪُت يــباوعلي يشوف ردة فعلي جانت عادي تنهد ودنك راسة::- الله كريم عمة
سڪُتت تباوعلنا بــ قهر اجن البنات كعدنا نتريك شوية واجت ســـمر اعرف بيها تحاول تغث بية بس هيهات استسلم الها شوية واخذتني ايـــة لغرفتها تسحل بية
"ايـــة"
اريدهم بس يخلصون علمود اختلي بــ رؤيـــا وتسولفلي شصار وياها
بس خلصنا ريوك وعزلنا سحلتها سحل للغرفة اول مــا دخلت اخذت نفس::- صرت مثل ام البزازين يومية بــ غرفة شكل بس تدرين الغرفة الوحيدة الــي ارتاحيت بيها هي هاي
ابتسمت وكعدت يمها::- تدرين وحشة عليج الغرفة مــا اعرف شلون نمت البارحة
غمزتلي::- ليش الأيــسر مــا سهر وياج
ضربتها بــ المخدة وهي تضحك::- عمي احنا فقرة مو مثل باقي الناس البارحة عقدو واليوم نزلو ايد بــ ايد
باوعتلي بــ نص عين وانا اضحك رديت عليها الخباثة ندستها مبتسمة::- شصار
::- تعاركنا
بهت وجهي وراح حماسي::- ليش
أردفــت بــ برود::- ابن عمج مستفز
::- هو صح مستفز بس حباب
::- اكره المستفزين
سڪُتت عنها شوية ورجعت ڪُـلت::- مــا يجي يوم وتحبي?!!
باوعتلي مفتحة عيونها::- ايـــة شتحجين خاب احب ابن عمج الهيلك?!
::- ولله لْـۆ يسمج
::- خل يسمع
::- عمة جميلة ڪُالت كولي للبت تنزل تنام يمج بس عقدو عود من نسويلهم عرس كدام العالم خل تصعد فوك
::- بعد احسن
بعدني أريــد احجي و فزينا ثنينا على ركعة الباب دخلت شروق العيون بــ راسها شايطة من الغضب
تقدمت لزمت فك رؤيـــا و اردفت بــ كل حقد::- شوفي ولج لا عبالج ربحتي واخذتي هذا الجلب الــي وياج قسم بــ الله اراويج نجوم الضهر و أنتِ تعرفيني وتعرفين انفذ الاكولة بــ حرف الواحد
دفعتها عن فكها واردفت::- سوي الــي تكولين علية وانا اعرف شنو اسوي
فتحت عيوني رادت تضرب رؤيـــا صرت كدامها اجت الضربة على خشمي صرخت مفرفخة روحــي سحبتني رؤيـــا عيونها بــ كصتها
بـــاوعت الها واردفت::- موتج على ايدي شروق وراس ابوية موتج على ايدي
::- خل يطلع اخوج واعرف شلون نربيج
ردت عليها رؤيـــا خلت شعر راسي ڪُلة يوكف من هول الصدمة::- بححح حبيب الكلب بعد مــا يطلع ويامن تتونس بعد شروق جؤ جؤ جؤ خطية
تصنمت بــ مكانها عين علية وعين ل رؤيـــا ابتسمت رؤيـــا بــ نصر و أردفــت::- مو من صالج تاذيني ولو بــ قيد شعرة!!! اذا فتحت حلكي بــ خيسة من خيساتج راح ترحين جوة الرجلين
تصنمت بــ مكانها ووجها ڪُام ينطي الوان هجمت على رؤيـــا تصيح::- ولج جلبة ك** تتبلين علية انا اربيج
شروق جنها ثور ضخمة و رؤيا جنها عصفور صح تهامش بــ ايدها وتضربها بس ذيج واليتها ولية
صعدت على جرباية وسحبت شروق من شعرها صرخت لازمة ايدي رادت تضربني دفرتها رؤيـــا على رجلها وكعت
و رؤيـــا ڪُعدت على صدرها تضرب بيها انفتح الباب ودخل أثـــير وعمة جميلة يتراكضون وتبعهم عمي
بسرعة شال رؤيـــا عن شروق وذيج انهدت كامت وكفت هي وشعفتها الصفرة هجمت على رؤيـــا
دفعها أثـــير وهي تصيح وتغلط وتفشر::- ولجج ك** انا الج مــا عرفت اربيج ولك وخرررر وخررر لا اسحكك جواي
دفعهاا حيل ارتدت لورة فاتحة عيونها تفور من الغضب::- احترمي نفسج مرت ابوي احتراما لشيباتج ساكت والا قسم بــ الله مكانج بــ الشارع
ساجد::- وانت منهو تطرد مريتي من بيتي قسم بــ الله ان مــا ضبيت هاي العرمة الوراك اطيح حظك وحظها
::- بوية مــا تشوف حالها مرتك شجابها يمهن ها شجابهن
بجت شروق تمثل::- اجيت أڪُول الها طلعي اخوج من السجن وهي هجمت علية هي و هاي
نزل عمي علينا غلط ومسبة::- بنات الكلب مــا متربايات انطيناجن خبز وما عرفنا نربيجن شنو ولجن مربيلنا هوايش هاجمات على مرة بــ كد امج ...
قاطعتة رؤيـــا::- لا تقارن امي بــ هاي النكسة
تخبل عمي::- مــا تشوف مرتك مــا تشوفها شلون ترادد ابوك ولك اثثثيييررررر وانتتيييي مااا تستحيين هااجمممةة على مررت عممجج سااقطة مااا عندجح تربية ولوو هوو منوو يربيجج اببب اممم تاايهةةة
فتحت عيوني على وسعهن مصدومة وجع صار بــ صدري جمدت بــ مكاني اجانا صوت ســـمر تحجي::- لا تجيب طاري ابوووناااا وامنااا ابووي كلها تشهد بــ اخلاقة وطيبة وناس كلها تترحملة من يذكرو
شايف هذا الديوان الــي ڪُاعد بي بس أنت جان مــا يفرغ وما ينسد دائما مفتوح لليحتاج وللمسكين من صرت أنت محد ڪُام يطبلنا
::- اننجببيي أنتِ منو ويااجج لقييطةة ولجح غييرر أنتِ ذبوووج على كللببناااا واحناا ابلييينااا بيججج طايحة الحظ
::- البيت بيت ابوي ومسجل بــ اسمة محد اخذني ومحد ابتلة بية ان مــا عاجبك وتخاف على مرتك اطلع أنت وياها
شروق هجمت على ســـمر::- انجبي لج ام الوصخ بــ كيفج اطردينا لْـۆ بيج خير مــا حطيتي عينج على رجل اختج يا كح***
ســـمر ردتها::- احط عيني على رجل اختي ولا على ابن...
قاطعتها عمة جميلة تصيح::- مــا تستحون مــا عدكم حرمة للجبير ولا واحد يكول خل اسكت كل واحد لسانة شطولة يلا كلمن لغرفتة فاركو
باوعلنا عمي واردف::- هين حسابجن يمي انوبة اعرفن شنهو دواجن
ســـمر باوعتلي وانا لساتني على نفس الوكفة أثـــير طلع بقينا بس احنا
اجتني رؤيـــا تباوعلي::- خشمج ورم بس لا انكسر
ســـمر باوعتلي واردفت::- شو لا مــا انكسر بس الضربة جاية علية قوية
رؤيـــا بــ قهر::- لوين تصيرين ڪُدامي خاب خشمج انعوج بس لا يورم ويظل يكبر انوب الأيــسر يذبج على ڪُـلبي وياخذلة وحدة بغدادية يكلج بنات بغداد يشكن شڪُ
اعرفهن يردن ينسني ويضحكني وفعلا كدرن ابتسمت أردف رؤيـــا تــباوع ل ســـمر
حجت بــ خباثة::- سمران ام الطليان ولو أنتِ تس بس عجبتيني اليوم عفية هيج اريدج
بـــاوعت الها ســـمر بــ نص عين::- وانا منتظرة منج تقييم اسوي الــي اشوفة غلط وشروق غلطت على اختي وانا مــا اقبل واحد يضوجها
::- اي مــا تقبلين على اختج واحد يضوجها بس أنتِ تضوجيها حلال مو
::- أنتِ شعليج بــ الله ها?! ليش تصيرين خبيثة وحية ولو أنتِ فعلا حية
::- نتعلم منج من عاشر القوم صار مثلهم ولو أنتِ مو حية أنتِ حرباء كلساع شكل مــا فهمناج منا علينا
::- شوفي لج احترمي نفسج وتأدبي ساكتتلج بــ مزاجي لا تخليني اخليج بــ بالي
::- شتسوين هه?!! بس لا تاخذين أثـــير مني اخذي بــ العافية احسن مــا تخلبين حياة اختج
::- ولج أنتِ شتحجين هيووو الزمي لسانج واحترمي نفسج منو كلج انا احب الأيــسر تفكيرج وصخ مثلج يا مجرودة
::- خليت الاناقة الج دام هي الاناقة بــ لبس الضيك مــا اريدها افضل أبـقى مجرودة
تخبلت ســـمر رادت تضرب رؤيـــا ورؤيا استعدت تريد تهجم عليها سحبت ســـمر احجي وياها
::- ســـمر شبيج عقلج من عقلها غير أنتِ الجبيرة مــا عليج بيها
رؤيـــا::- افاا چــا انا عقل صغير لا مــا حبيتها منج
بـــاوعت الها ســـمر::- عقلج مثل الفاصوليا هل كبرة
تاشر بــ ايدها رجعت رؤيـــا جاوبتها::- اذل انا بــ كد الفاصوليا أنتِ بــ كد حبة العدس
هجمت ســـمر على رؤيـــا تجرجر بيها تريدها تطلع وتصيح::- أنتِ مو مال عين واغاتي جلبة هو صوجنا سويلنالج قيمة وخلينالج غرفة مثل الاوادم المخزن جان ڪُلش كافي عليج ولامثالج ادبسز
لزمت ســـمر امنعها::- كافي فدوة
::- لْـۆ انا اطلع لْـۆ هي ايـــة اختاري
بـــاوعت الها مصدومة::- شبيج ســـمر شل قضية ثنيناتجن خواتي تعاي فوتي
ردت بــ صياح فاقدة::- لْـۆ اني لْـۆ هي
بـــاوعت الهن ثنينهن مصدومة رؤيـــا فهمتني لذلك سحبت نفسها وطلعت من الغرفة و ســـمر ظلت واڪُفة
::- ســـمر شجاج مــا تكليلي رؤيـــا و الله حبابة
::- ولج و الله خبيثة هاي خبيثة جذب مــا تحبج جذابة
::- هسة ليش تصيحين مو چــاي نحجي
::- ليش ادافعيلها يعني انا الغلطانة
::- ثنيناجن غلطانات انتن خوات عيب هل تصرفات ترة مو لايقة الجن
::- ولج سمعتيها شتكلي انا اخذ أثـــير لْـۆ اخذ الأيــسر مدري شتخربط
تنهدت::- اي مو انا سولفت الها عن قبل وعبالها لهسة
باوعتلي عيونها نار تطلع منهن::- أنتِ ڪُلة من وراج ڪُلشي چــاي يصير من وراج منو هي وتحجيلها عني هاا منوو ليش تحجيلها
ڪُمت مستغربة تصرفتها مــا اعرف شبيها::- ســـمر شبيج
دفعتني وطلعت راكعة الباب وراها?!!! ظليت صافنة وراها شبيها هاي ليش هيج تصرفاتها صايرة مــا تطاق وعصبية بــ شكل من شوكت ســـمر هيج تعلط وتصيح?!!
هي ابد مــا جان هذا طبعها جنا صدف نسمع صوتها وحيل هادئة من شوكت هيج صاير صوتها يجيب التايه?!!!
تنهدت وطلعت من الغرفة ادور على رؤيـــا بس لا زعلت من عندي انا حتى مــا حجيت ولا فتحت حلكي
دورتها بــ كل البيت مــا موجود خطر بالي مكان واحد صعدت لفوك توجهت لغرفة أثـــير لڪُيتها ڪُاعدة
::- شعندج هنا
::- احسن
تنهدت اباوعلها::- رؤيـــا اذا زعلتي من...
قاطعتني::- مــا زعلت بس مــا ردتج تحتارين بيناتنا فضلت اطلع وما اخليج بــ موقف محرج
ابتسمت ودنكت كرصت خدودها::- اروح فدوة للـ تفتهم
سڪُتت ورة شوية ڪُالت::- اختج جذابة ولله جذابة حتى من دافعتلج جذابة
بـــاوعت الها بــ عتب::- و الله ســـمر مــا جانت هيج ابد
جاوبت بــ برود::- جانت هيج بس محد مكتشف خيستها
سڪُتت اباوعلها مــا راضية وهي ساكتة صافنة مــا اعرف بــ شنو چــاي تفكر بس كلساع وجها يغضب وتعصر بــ روحــها وترجع ترخى وضعها هل ايام مريب
تذكرت كلامها وي شروق عقدت حواجبي واردفت::- رؤيـــا
التفتتلي::- ها
::- شنو قصدج من كلتي ل شروق حبيب الكلب?!
تنهدت تباوعلي::- راح احجي بس الطير الطاير مــا يسمعة هل ڪُلام لْـۆ طلع راح اكتلج أنتِ وشروق واشرد ونبي
::- وسم حتى سم مــا أريــد لا تحجين
::- شبيج?!
::- من شوكت انا احجي
::- لا مــا تحجين بس من يبوسج الأيــسر تكولين الاول والتالي
ضربتها على كتفها ضايجة::- جذذااابببةةة
هي تضحك رجعت حظنتني تبوس بية دفعتها::- تعالي لجوة خل ننزل
::- خلينا هنا شعدنا جوة دام ابن عمج راح
سڪُتت رجعت تنهدت واردفت::- شروق قبل لا يموت ابوي تحب اخوي يعني شسمة ...
شهـــڪُت فاتحة عيوني على وسعهن::- شنووو ولج شمدريجج?!! مو جبيرة علية ??
هزت راسها واردفت::- مــا اعرف شنو بــ الضبط وشلون صار بس جــنت صغيرة مــا اعرف هل سوالف دائما اشوفها تفضل اخوية علية وداؤما من يروح ابوي للشغل تدخل الة للغرفة
مــا جــنت اعرف هل شي صح او غلط مرات اسمع اصواتهم بس جــنت مــا واعية الوعي الــي يخليني اكشفهم جانو دائما يغلطون ڪُدامي ويسون حركات مو حلوة
::- يعني شلون?!!
::- يعني لْـۆ يبوسها ڪُدامي من اشوفهم يكولون عادي انا امة لو يسويلها حركة بــ جسمها وهم يصيحون عادي انا امة
بس مــا يعرف هل شي غلط والطفل راح تظل بــ ذاكرتة مــا ينسي جانت شروق من كبرت ومات ابوي تحبسني بــ الغرفة او المخزن الفوك اظل ساعات يلا تفتحهن
ومرة نست تقفل الباب وجنت حيل جوعانة نزلت لجوة بسرعة خاف تشوفني أريــد اخذ خبزة اكلها لان شروق تسوي الاكل على كدها وكد اخوي الجلب
من نزلت سمعت شروق تصيح عبالي وكعت او متاذية او مريضة دخلت لجوة وانصدم من كمية القرف الــي چــاي تشوفة عيني
صح جــنت مــا اعرف العلاقة الزوجية شلون تصير بس ادري الــي چــاي يسوونة عيب وحرام
لذلك جان عندي صديقة جيرانة دائما تجينا ومرة اخوي تحارش بيها وامها منعتنها تجي ف ڪُمت انا اروح الها
حبيت اشاركها الموضوع وتفهمني بس خــافت والبنية حاجية لامها بيوم جــنت بــ البيت وامها دزت علية
وانا لبست نعالي ومشيت وشروق مكيفة فرغلها البيت وصلت لجيرانة وامها اضطرت تسولفلي وتشرحلي ڪُلشي وتعلمني الصح والغلط المرة جانت مضطرة لان خــافت علية وحسبتني مثل بتها
لذلك كرهت الزواج وكرهت ڪُلشي يخصة وكرهت كل جنس ادم انا لْـۆ بــ الغلط واحد يطخني اروح للحمام اجلف روحــي جلف
مرات شروق الخايسة توديني للـ سوك وواحد يطخني اتخبل اعوف ڪُلشي وارجع يظل جسمي يكرص بية منا لمن اسبح يلا ارتاح
مسحت دموعها الــي وكعن على خدها وهي تحجي انا جامدة فاتحة عيوني على وسعهن من الخوف واللعبان النفس الــي صابني
حظنتها ابتعدت عني أردفــت::- كلما اتذكرهم تلعب نفسي رايح اسبح
هزيت راسي وطلعت قرفانة معقولة الانسان مثل الحيوان تقودة غريزتة وشهواتة للحرام معقولة اكو هيج ناس مــا يفكرون بــ عذاب رب العالمين وسخطة عليهم شنو من بشرية هاي?!
"ســـمر"
جــنت چــاي اراسل بــ تبارك وهي تلح علية علمود اسوي الشي الــي كالتة الــي
::- تبارك مستحيل مــا أڪُدر
::- بس بــ هاي الطريقة تضمنين الأيــسر الج يتزوجج ورجلة فوك راسة
::- مــا أڪُدر واذا فشلت
::- صدكيني مــا راح تفشلين ابد وراح تزوجين الأيــسر و بعدين اذا سويتي هيج غصبا على خشم ايـــة تعوفة
::- وهو راح انزل من عينة?!
::- خلي يعصب يوم يومين شهر سنة بــ اخير مرجعة الج لان أنتِ زوجتة ?!! هم نشوفلنا صرفة وياه ونورطة بــ طفل نربط ادي ورجلي بي
::- و الأيــسر يصير الي?!
::- اي يصير الج وحدج
ابتسمت::- موافقة بس هم هسة نازلين شلون
::- احسن خل ينزلون وهم أنتِ تجهزين نفسج وحاولي ترجعين علاقتج وي شروق هاي تفيدج مو من صالحج تتخاصمين وياها وخاصة هي تعرف شنو غايتج خاف تعيقج
وفعلا كلامها صح نزلت لجوة دكيت غرفة عمي طلعتلي شروق الوجه صاير خريطة من الخراميش
باوعتلي بــ قرف ابتسمت بــ وجها واردفت::- شلونها خطتي?!! مو ممثلة انا
بـــاوعت الــي مستغربة::- يا خطة
::- خطتي الــي هي اتقرب منهم واعرف شيفكرن حتى نشتغل ضدهن
وسعت عيونها تضحك فرحانة::- و لج صدك طلعتي محد ينكدر علية شنو هاي عمي أنتِ فعلا داهية ومكيدة
ضحكت بــ عالي صوتي::- شعبالج وهسة صافي يل لبن
ابتسمتلي::- صافي صافي
عفتها ومشيت صح هي مو خطة وانا من دافعت ل ايـــة جان دفاعي حقيقي بس حجيت هيج حتى مــا اخسر شروق فعلا اذا عاديتها راح تعيقني وخاصة هي تعرف هدفي شنو هو
بس الــي صدمنا والي خيب امالي هو اتصال الأيــسر. بــ عمة جميلة بعد اسبوع من نزولهم هو يكول
::- الوضع هنا متآزم حيل عميمة يجوز نظل شهر او اكثر أنتِ جهزي ايـــة انا بس انزل أريــد اسوي العرس
و ايـــة كل عادة كلبتها مناحة شلون الأيــسر راح يبقـى شهر بعيد عنها وما يجي لهنا
انا هم لآزٍمٍ خطتي تتأجل الوقت داهمني بس يجون اسويها لان احتمال الأيــسر ينزوجها وانا ڪُلشي مــا مسوية واذا الأيــسر اخذ ايـــة بعد من سابع المستحيلات أڪُدر اسوي اي شي
ايـــة تبجي و عمة جميلة تقنع بيها هي وعمة سهى::- خايبة ويعة ابوي عليمن هل تبكبك مو ڪُـالج شهر هل مر اسبوع منا اعتبري مسافر
ايـــة بــ شهكة::- هو ڪُال اسبوعين و اجي جذب علية مــا أريــد اجهز الا هو يجي
سهى::- عميمتي حبيبت ڪُـلبي مــا يصير يا عيوني أنتِ مــا يصلح تبجين اندعيلة يردلج بــ السلامة بعد روحــي
::- مــا ريدن انا مــا احب اسوي شي اذا مو الأيــسر موجود وياي مــا اجهز هو من يجي يجهز انا وياه
ظلت تبجي وتنوح قرفت من الوضع وكلبي بــقى يوجعني وانا اشوفهم يحظرون لزواج حبيب روحــي وطفولتي
ڪُمت صاعدة لفوك لاكتني رؤيـــا تاكل حــب وكاعدة على درج تجاهلتها::- شفتي شلون اختج تحبة حــرامات لْـۆ تدري شلون اختها چــاي تخون بيها وتحفرلها من جوة لجوة
بـــاوعت الها وكتفت ادية::- اي لان الأيــسر حبي الاول مستحيل انطي لاي شخص لْـۆ مو اختي هيج تمام سمعتي الــي تردين تسمعي
::- سمعت سمعت همزين عبالي مثل كل مرة تصيرين جبانة وتنكرين عجبتيني من اعترفتي
::- طبج مرض ان عجبتج او لا مــا ظالة بس للاعجابج متشردة
كلتها ودخلت للغرفة هل بنت شكد تستفزني حقيرة ولله العظيم حقيرة
مرة اسبوع ثاني و الولد انقطع اتصالهم بعد مـاڪُو اي اتصال يجي من عدهم واحنا اخذنا الخوف
كل احنا دخلنا حالة انذار و ايـــة وعمة جميلة مكابلات التلفزون ويبجن مقهورات على وضع وخايفات
اما انا ف جــنت حال الضيم حالي و انا اشوف داعش توسع نفوذة بــ الموصل وباقي الاطراف
كل يوم نكعد على فاجعة واحد من جوارين مستشهد لْـۆ اب لْـۆ اخ لْـۆ ابن كلوبنا خلصت
ايـــة وكعت طريحة الفراش مصخنة مــا تحرك لا ايد ولا رجل مــا انكر خوفي عليها
جــنت بــ المطبخ حضرت شوربة سويت صينية وديتها لغرفة عمة جميلة دخلت لكيت عمة سهاوي يمها تنهدت::- شلون صارت عميمة
باوعتلي بــ قهر::- ولله مــا ادري ي عمة نايمة من هساع لهسة
::- كعديها لآزٍمٍ تاكل عدها علاج
كعدتها عمة عفت الصينية يمهن ياكلن وطلعت حظرت صينية ثانية بةلاكتني شروق::- زين تسوين خليهن قريبات منج
ابتسمت مجاملة انا كل الــي چــاي اسوي حقيقي اختي ايـــة تبـقى اختي
دكيت الباب محد جاوب حطيت الصينة بــ الڪُاع وفتحت الباب دخلت بــ هدوء
رؤيـــا نايمة وهي ڪُاعدة واية نايمة وعلى كصتها وصلة منكعة تنهدت صخونتها مــا چــاي تنزل ولا تقبل تروح للدكتور من غير وجه كلبها الــي يجيها ويروح
فزت رؤيـــا تباوعلي::- ها
::- جبت اكل وكليها عدها علاج لا تموت اذا تبـقى هيج
باوعتلي بــ نص عين::- اي أنتِ تكيفين تموت علمود يفرغلج الجو
تنهدت اباوعلها بــ حقد::- أنتِ ليش جلبة مــا تخلين الواحد يحترمج
::- بــ الاول احترمي نفسج أنتِ بعدين انا احاول احترم نفسي
سڪُتت عنها رحـت توجهت يم ايـــة اكعدها::- ايـــة كعدي يلا سويتلج شوربة
فتحت عيونها مورمة كدما باجية بسرعة سحبت الــموبايـل ودخلت لرقم الأيــسر مــا اعرف شنو كتبت وسدتة نزلت دموعها
تنهدت رؤيـــا::- مــا يصير هيج يا عيني مــا يصير اندعيلة
::- ڪُـلبي يوجعني الأيــسر صايرلة شي أڪُيد ولله خايفة عليهم ڪُـلبي موتني انا احس اكو شي صاير ولله ليش محد چــاي يصدكني
تنهدت رؤيـــا::- لا تفاولين عليهم تعاي اكعدي اكلي اذا مــا اكلتي راح تموتين قبلهم ويجي ايسرج يسوينا بــ الخلاط عصير
سڪُتت تــباوع للاكل أردفــت::- مــا اشتهي
عاطت رؤيـــا::- لج صارلج يومين بلاية اكل غيرج مــات من كثر العلاجات الــي تاخذيهن بــ دون اكل ولج ولله بس يجون اذا مــا اشكيلة منج
بجت::- خل يجون ميخالف اشكيلة بس خل يجون ڪُـلبي يكلي صاير الهم شي ليش مـاڪُو اتصالات ليش صارلهم عشر ايام مـاڪُو خبر عنهم
حجينا ردنا حاولنا مــا قبلت تاكل بيدها الــموبايـل مكابلتة وتكتب وتبجي منا لمن تنام وهو بيدها تنتظر اتصال من عندة
أثـــير اليومة اجة دخل للمطبخ بس انا بي وجه تعبان وهموم الدنيا على اكتافة باوعتلة::- ااحمد الله على سلامتك شوكت اجيت ليش مــا ڪُـلت نجهزلك اكل
تنهد::- انطيت خبر ل رؤيـــا ليش مــا كالتلكم اجي اليوم?!
::- لا
جر حسرة بــ حزن ودنك على العلاليك الــي بــ ايدة طلعة علاكة واردف::- هاج هاي هدية نجاحج ذاك اليوم ما جبتلج مــا لحكت
ابتسمت واخذت من عندة الهدية وتشكرتة هو راح صعد لفوك
دخلت لغرفة البنات رؤيـــا ڪُاعدة مقابيل ايـــة ولازمة ايدها واية نايمة تنهدت::- أثـــير اجة
مــا رفعت راسها ولا عارتني اي اهتمام::- خوش
::- اكلج رجلج اجة ومن سفر وتعبان صعدي شوفي شمحتاج
باوعتلي واردفت بــ رود::- انا مو مثلج لوكية ميتة على رجل واريدن بس رضاه شبي مكسر هو ياخذ احتياجاتة
بـــاوعت الها صافنة هزيت بــ ايدي عفتها وصعدت لفوك ذكيت الباب علية طلعلي::- ها سمورة
::- محتاج شي اصبلك غدة جوعان?!
ابتسم بــ تعب واردف::- لا مــا اشتهي تعبان رايح انام
هزيت راسي وانطيتة ضهري ردت ارجع التفتت علية واردفت::- أثـــير
::- ها
::- مـاڪُو خبر عن الولد
تنهد::- لا مـاڪُو
ڪُـلبي وجعني من الخوف عليهم هزيت راسي ونزلت بعدني على بايات الدرج وما احس الا صوت العياط يجيب التايه
رجلية بعد أريــد احملهن مــا أڪُدر ڪُعدت متكرمة على بايات الدرج طلع أثـــير يركض تعداني ونزل
وعمة جميلة تصرخ طلعت ايـــة تصرخ مفزوعة طلعت عمة جميلة تلطم اباوعلها من فوك دموعي بــ عيني روحــي نمردت مرد وانا اسمعها تحجي
::- ولكم الأيــسر راح تصاوب الأيــسر راح يموت الأيــسر ولكك يمةةة الأيــسر
هي ڪُالت هيج مــا نحس غير بــ صرخة رؤيـــا نزلت عيني الهن واشوف ايـــة متكومة بــ الڪُاع صفرة لا تحرك لا ايد ولا رجل
ركضولها رؤيـــا وعمة سهاوي واثير بـــاوعت رؤيـــا لاثير حامدة وصرخت صرخة مت اعماق كلبها وهي تڪُول
::- ولللكك اثيييرررررر مــاتت ايـــة مــاتت مـاڪُو نبض عدها
.......يتبع
الفاتحة على روح المرحوم عبد ابن هدية 💔
اقرو الفاتحة واهدوها لـ روحة واكون ممنونة منجن 💔
حسابي الانستكرام الجديد 🩵