بســم الله الرحمـٰن الرحيـم♥.
اســوء المخــلوقات
شـخص بـــذاكـــرة قـــوية
"آنجــذام"
(معنى انقطاع)
🔵بقلمـي|| قـُربان أحمـد.
⭕لاتنسون التصويت☆
~~~~~~~~~~~~~~~~~~~~~~~~~~~~~~~
آرام
مــر شهـر كامل من ذاك اليوم المشـؤوم ومن عنده
اختلفت حياتنه
ملار طيـلة هذا الشهر قاطعة الكلام واصلا اول
اسبوعين خلصته بالمستشفى ومن خلال الفحوصات
والاثار العليهه مال اعتداء جسدي والكلية بجهةة اليمين
جانت مستخرجه من جسمهه وضعهه تحت الصفر
حرفياً
صديقتهه مانعرفهه وهي هم ماتحجي قاطعة الكلام
نهائي والدكتور كال بسبب الصدمة واحتمال صارخه
قوي وصار خلل بالحبال الصوتية
اما بابا فاروق الصدمنه كلنه انو كاتل ولد وياا
بالدوام وضاربة خمس رصاصات واعترف هو يعني
حتى ماخله مجال احد يبرئه والسبب يكول سوء فهم
بيني وبينه وتم الحكم علي مؤبد بسبب القتل المتعمد
وبسبب هاي الاحداث ماما اتدهورت حالتهه وصار
عدهه سُكـر وضغط مزمن مع العلم هي زغـيره
مو جبيـرة بس بسبب القهر الانسان تدمر نفسيته
واني حايرة بينهن مااكدر اعوفهن وحتى جسام من
شاف الوضع هيج من عنده وصاني عليهن
ادمرت حياتنه خلال يوم واحد بس ومحد بقه النه
غير كرار اخوي ومن خوفهه امي علي كامت هي تاخذه
للمدرسه وترجعه خايفه خاف الناس الكتل ابنهم ابوي
يجون علينه مع العلم سوو كعده واخذوا فصل وانتهت
السالفة بس گلب والده بعد
"" "" "" "" "" "" "" "" ""
: - يعني اريدد افهم من اخابرج ليش
ماتكولين يابه ترا احنه طلعنه من الموصل لاتخاف
ردت باستفزاز
: - وهسه قابل شصار عليك طار منك ايد رجل
وبعدين شهل محنه النازله عليك
: - الحمدالله والشكر ربي بس هذا الي اريد اكوله
: - اوههه لاتسوي دور المضطهد براسنه ترا محد
فارغ لسوالفك
اردف بخيبة امل
: - شوفي عيني لامسوي دور مضطهد ولاشي
بس عقلي الزفت ضل يمج ولو انتي ماتستاهلين
: - رجائاً لا تخابر ولاتفكر بيه اني مااريد اتواصل
وي اي احد منكم
رد بنفاذ صبر
: - براحتج
غلق الخط ورفع نظرة على المكان الي حوله والشبه
مُدمر
اجتاحه شعور الخذلان والوحدة لان صديقة اخذ
البضائع مالته ورجع وهو بقى على اساس يرجع اخته
وياا
"" "" "" "" "" "" "" "" "" "" "" ""
مَــزن
ابداية دخول داعــش احنه بقينه ساكنين بيتنه
رغم الخوف الي تملك قلوبنه والدمار الي صار
بالموصل والناس الي تضررت
لكن احنه حالنه حال بعض العوائل الي ماعندهه شي
تملكه غير منزله
ابوي متوفي من سنين جنه عايشين اني وامي
واختي فاطمة
ماما جانت مدرسة وعلى راتبهه عايشين لان
ابوي جان سائق تكسي مااعنده وظيفة
عندي بس ثنين عمام واحد مسافر خارج العراق والثاني
ساكن بالمحافظات الجنوبية ومااعرفه ذيج المعرفة
لان مااندر يجينه
اما اهل امي جانت علاقتنة قويه بيهم بس يمن صارت
الاحداث والجرائم تنتشر طلعوا همه وماما رفضت
رفض قاطع نطلع لان تكول نتبهذل وخاف مانلكه النه
مكان بينهم
بيوم جنت كاعده اني وفاطمة نسوي كعك العصريه
وماما جانت كاعده يمنه تسولف ويانه ونضحك رغم
خوفنه
قطع هاذي الحظات صوت القصف والرمــي جان قريب
علينه كلش بحيث البيت يهتز
كامت ماما تريد تقفل الباب لكن بلحظات قبل وصولهه
وكع الحايط وتهدم كله
رجعت ماما تركض وقفلت البيبان علينه بخوف
: - مامااا خل نطلعععع بسرعة قبل لايدخلون علينه
باوعت عليهه وحجت بحيرة
: - شلونن نطلع فهميني وهم تارسين الشارع
اردفت واني اسحب فاطمة الحضني
: - لاتخافين حبيبتي احنه يمج والله الحافظ
هزت راسهه ماما تأيد كلامي
: - شعدنه غيـر الله
باوعت بعيونهه التارسهه الخوف والندم لان ماطلعتنه
ويا اهلهه بس بعد شيفيد
طفيت الفرن وكعدنه كلنه بالمطبخ لان الغرف الاخيرة
خطر واحد يگـعد بيهن بسبب القصف وخصوصاً
بيتنه جان قديم
لزمت ماما القرآن وبقت تقرا بصوت عالي علمود
ماتخلينه نسمع صوت القصف
مرت لحظات مثل السم علينه لحظات تخلي
الانسان يتذكر كل شي بحياته وكل لحظة حزن
وفرح عاشهه وبساعتهه النفس تصير عزيزة ويعرف الانسان انو محد اله بهذا الكون غير الله
بعد مرور وقت مااعرف شكد توقف الصوت ردت
اطلع اشوف البيت من براا بس استوقفني صوت ارتطام شخص قريب تبعـه صوت ضربات قوية على باب
المطبخ مال شخص يستنجد
"" "" "" "" "" "" "" "" "" "" "" ""
سالار
غلقت الخط وبقيت اتمشه بالشوارع واباوع بقهر
على البيوت الموصل جميلة كلشش بس دمروهه اصعب
شي من تشوف المكان الي عشت بي مدمر يجيك
شعور انتَ ادمرت مو هو
مااعرف وين كمت افوت بس ماعندي مكان اروحله
والافكار جانت متجمعه براسي اريد ابقى وحدي
ماافكرت ارجع ابد
بعد لحظات حسيت على مطر من الرصاص صار
فوك راسي
بقيت صافن مثل الغبي على المنظر بدون مااتحرك ولاخطوة من مكاني
وما هي الا لحظات وحسيت بوجع بزندي نزلت نظري
اباوع الدم ينفض من ايدي مااجه بالي بس اطفر
ركضت بكل قوتي بالشارع واني ادور بعيوني مكان
يحميني
طلع گبالي بيت متهدم الجدار الامامي كله ركضت
علي عبالك شايف باب الجنة
عثرت بس مااستسلمت الروح عزيزة كمت واني كلي اتراب حاولت افتح الباب ماينفتح
شفت سياراتهم من بعيد تدخل للفرع كعدت
ولميت على نفسي انداريت ادگ بالباب بكل قوة
واني افقد الامل كل ماتقربت سيارتهم والموت صار
گبالي...............
" "" "" "" "" "" "" "" "" "" "" "" "" "
مَــزن
سمعت صوت ولد ينطق الشهادة استغربت حاولت
اشوف من زجاج الباب بس ماواضح
: - مَـزن شجاي تسوين
التفتت الماما
: - ماما صوت ولد بالباب والواضح يريد مساعده
عقدت حواجبه واجت بااتجاهي
: - وشدرانه مو همه
رفعت كتفي بعلامة استفهام
: - مااعرف بس سمعته ينطق الشهادة
دفعتني بطرف ايدهه وفتحت الباب على النص مما
اوضح هيئة ولد كاعد ولام على نفسه والدم ينزل من ايده
اول ماافتحت الباب ماما رفع راسه ونزله بسرعة من
شاف مره
اردف بتوتر
: - حجية رحم الله والديج ما تكدرين تفوتيني
بس بين مايرحون
اشرتلي ماما اني وفاطمة ندخل جوه
دخلت للغرفة القريبة على المطبخ وهو دخل وقفلت
الباب وراا
: - منين انتَ؟؟
: - من بغداد بس اجيت على اختي وتورطت
: - اخذ راحتك والمي والاكل بالثلاجة يمك
اردف بحيرة
: - خاله ماتكدرين تحميلي سجين
ردت بااستغراب
: - سجين؟؟
اشر على ايدهه
: - علمود اطلع الطلقة
: - لاتروح تلوث الجرح اصبر يرحون وادليك على
جيرانه دكتور ولو هو مال حيوانات بس هم اعتقد يفهم
رفع حاجبة بتعجب
: - شنيي خالة شايفتني مطيي
ابتسمت بفشلة
: - لاحشاكك بس غير اكلك
: - ماتقصرين
انقطع حديثهم ودخلت علينه ماما وهي توصي مانطلع
لان ماتأمن بالولد
ضلمت الدنيا يلى راحو والولد ماما لبست عبايته
واخذته الجيرانه
طلع الطلقة من ايده ولفهه بشاش وبقه يمهم
لان احنه بيت بس نسوان وماما تخاف علينه
حاجت جيرانه وماكال لا بالعكس رحب بي
"" "" "" "" "" "" "" "" "" "" "" "" "" "" "" "
آرام
خلال مخابراتي وي جسام عرفت سالار رايح للموصل
انقهرت وخفت علي لان خوش ولد حباب
ضليت اخابر جسام بين فترة وفتره لان يوصيني
شيصير اكعد اسولفله
بس ماجنت متقبلته لحد الان لذا لك جانت
اتصالاتنه شلونج زينه وبعد سلامه
قطع صفنتي صوت ماما
: - راح اوصل كرار وانتي حظري نفسج واختج
هزيت راسي بنعم ورجعت اغسل بالاماعين
كملت غسل وصعدت غيرت ملابسي وجهزت
ملار لان اليوم عدهه موعد يم الدكتور لان حالتهه كلش
اتدهورت وصار عدهه نقص فيتامينات من غير الاثار
الجانبيه بسبب فقدانهه الاحد كلياتهه جانت تاخذ
مغذيات وابر هم خوو الادوية علاگه تروح وعلاگه تجي
كملت ونزلتهه ونزلت منتظرين ماما تجي....
يتبـــــــــــــــــع
~~~~~~~~~~~~~~~~~~~~~~~~~~~~~~
شلونننهه البارت؟؟؟
⭕ملاحظـة : صار اختصار بالاحداث
بسبب ماانريد نتعمق ببعض المواضيع
اما الي صار الملار اكيد سامعين بتجار الاعضا*
وبالضبط هذا الي تعرضتله ملار مع الاسف زين عايشة لان الاغلب
يموتون او يشمروهم جثث
لاتنســون التصــويت☆
تعليق حلو مثلكم💬
دُمتـم فـي آمـان الله وحفظـه♥.