الـگاتبه : أيـه الـ عِـبـاس
# أغلال السدُف(توجُس)
- لاتِنسَون التِعليَق بِين الفِقراتَ ،
مَتابعه للحَسابAlp0n_
Instagram : alp0n_
Tiktok : nlp0a_
Wattpad : Alp0a_
بَسمَ اللَّٰه الرحُمـٰن الرحَيمَ
~~~~~~~~~~~~~~~
شِسولفَ عِن أي جُرح ؟
عِن الدمِع الي يحَرك
بَلعَين لو عِلى الوجَع
الي يَكتِل الروحَ شِسولِف
والجِروح السانَ دلالَه
أذا أنِهدن زلَم مِشوربَه
مِايلزمَوهِن اخ عِلى
الزمِن أشكَد غِدار
بَجا الزيَنات وضِحَك
بَناتَ اليَل .
ديسم : لاتروحين بس أفهمج ،
دفعته بقوه وحجيت ،
- شتفهمني هاا ؟ احجي يله
شنو تفهمني ،ما جنت متوقعه بيوم
من الأيام تسوي هيج ..
دُر :
توني أجبت أطلع بحركه سريعه سحبني
وهو يحجي بترجي ،
ديسم : در لاتكونين قاسيه بس احجي
وياج وين متريدين تروحين بعدها روحي ،
- ما اريد أحجي شي شي ديسم عوفني
فدوه ،
ديسم : يمكن هاي اخر مره نحجي بيها
ما اريدج تروحين وأنتِ زعلاننهه ،
دُر : بلعت ريكي ، وحجيت بصعوبه
ليش أخر مره وين رايح ؟ ابتسم الي
ورجع يحجي ،
ديسم : عندي مهمه خطره ويمكن
تكون آخر مهمه والله يأخذ امانتهه
لاتروحين زعلانه خليني من اروح بالي
مرتاح فدوه اروحلج ،
دُر : باوعتله بصدمه ، مهما سوه ترعبني
فكره أنو ما راح اشوفه مره ثانيه هو الشخص
الوحيد الي فهمني ، الصديق الوحيد الي
حسيته قريب الي ،
ديسم : ها نحجي باوعي أنتِ أكعدي
هنا واني راح أكون بعيد عنج بس احجي
وياج و روحي ،
دُر : هزيت راسي مئيده كلامه ،
كعدت مقابيله وصار يحجي ،
ديسم : شوفي دُر يشهد ربي عليه ،
ما يوم باوعت ألج بنضره مو حلوه
والي صار ما حسيت بنفس اكرر اعتذاري
ألج بس حبيت اكلج أنو أنا رايح لمكان
خطر ويمكنما ماشوفج بعد الي اريده منج
تنتبهين على نفسج لاتكونين فريسه سهله
للرايح والجاي حافضي على نفسج لاتتعلقين بـ الأشخاص الغلط وأن صار
وحبيتي بيوم من الأيام حبي رجال ما يخون
عرضه رجال ما يئذيج أعرفي الشخص من
تختارين ودراستج يا دُر يجي اليوم الي اريد
اشوفج بي أحلى دكتوره مو تتهاملين بيها
الدراسه هي الوسيله الوحيده الي راح تأمن
مستقبلج ابد لتبقين معتمده على ابوج ،
خوش بابا ، ها لحضه عندي ألج شي ،
دُر : مسحت دموعي قدم الي علبه ،
فتحتها جان بداخلهه ورقه وكلاده
مكتوب بيها ” ذيَـبت ديسم " رجعت
أنضاري اله يسمح بدموعه ،
ديسم : هاذي الكلاده أمانه عندج
لاتضيعيها وهذه الرساله يوم الي
يصلج خبر موتي ألج الحق تفتحيها،
أما اذا ما متت وبقيت كاعد على كلبج
ذبيهن بـ الشط خوش ،
دُر : مسحت دموعي وحجيت ،
عود أنتَ تريد تقنعني هذا كلامك
حتى انسه عملتك وكذا ، بعدين تعال
حاجيني هو منو الي يعرف بنفسه راح
يموت ، اني سامعه بس المؤمن يحس
مو أنتَ اليهودي ، كوم مني بسرعه ايعع
شكد يجذب وهاا هاك هاي أمانتك اريد
اولي للبيت ، اباوع اله ميت من الضحك
ديسم : طاح حضج ايوالله عاد جامليني ،
شبيج ، هسه صرت يهودي مو ، دكومي كومي
مو وجهه احترامات
دُر :. عوجت حلمي ونهضت من مكاني
قدمت اله العلبه ، مقبل ياخذها ،
ديسم : يله كومي اوصلج قبل لا اروح ،
دُر : هزيت راسي ، طلعت من البيت من
وصلنه باوعت اله وحجيت ، أنتبه النفسك
ديسم ،
ديسم : و أنتِ دُر و أنتِ أنتبهي النفسج
زين ، يله بابا مع السلامة ،
دُر : لوحتله بأيدي ودخلت للبيت
بوجهي للغرفه ، فكرت بكلامه ، بس
وين اكو واحد يعرف بنفسه راح يموت
الا ما مسوي عقد وياا ملك الموت وكله
راح اجي أخذ روحك ودعع صفنت على
نفسي ومتت ضحك ،
- أيعع شنو هل تفكير خبال ، أندك الباب ،
منوو ،
- أنا مدام ,
دُر : تفضلي خاله ،
- ابوج طالبج بموضوع ،
دُر : تمام نازله ، ضميت العلبه وطلعت ،
شفت كاعد بتصفح بـ الموبايل رحت حضنته
يكولون أسُتاذ مُهيب طالبني ، أبتسم وحجه
مُهيب : اي ، نعم عادي ناخذ من
وقتج الثمين شوي ،
دُر : حجيت بغرور ، أي اكيد أتفضل ،
مُهيب : احم شوفي بابا ما اعرف شلون
أفاتحج بـ الموضوع بـس أنـا حاب أتزوج
دُر : فتحت عيوني بصدمه ، معقوله ،
ععود صدك
مُهيب : لعد مجذب ، شبيج بابا
دُر : والله ما بيهه بس متفاجأ ،
مُهيب : ردت أخذ رئيج اذا عندج
أي اعتراض ،
دُر : ليش يكون عندي اعتراض بابا
هذه حياتك وأنتَ الي تتصرف ،
مُهيب : يعني متضوجين
دُر : أبد بـ العكس كُلش فرحانه ،
بس منو راح تتزوج ؟ أو البنت موافقه ؟
مُهيب : أخت صاحبي ، وذا على الموافقه
فـ أي موافقه ،
دُر : حضنته ، حبيبي الله يهنيك بحياتك
مُهيب : روحي أنتِ
دُر : زين شوكت تمشي ؟ ومنو يروح وياك
مُهيب : راح اخذ الشيخ علي الـ*****
وعمامي والـ شيوخ الي اروح وياهم
دائماً للمشيات وبيبيتج وعماتج
تروحين ويايي ؟
دُر : لا حبيبي شياخذني ،
مُهيب : ليش ولجج هي هاي وينها
دُر : عيني سيدي عندي امتحانات ،
مُهيب : يروحلج فدوه سيدج ،
~~~~~~~~~~~~~~~~~~~~
مِلاك :
دخِلنه القصر الـ رأهِب أستقبلونا
بحراره ، كَعدنه بـ غُرفت الكعده ،
حجه جدي
راهب : شلونهم و لد الغالي ،
جاوبنا بهدوء ، رجع حجه ،
- اليوم جمعناكم لسبب وهو أنـه
والشيخه زمرد اخذنه قرار و ما نريد
أي اعتراض ،
ضرغام : والي هو جدي
راهب : قررنا أنو ترجعون تعيشون
يمنا وكدام عيونا ،
ملاك : أني سمعت هيج ، انتفضت بعصبيه ،
بس احنا متريد نعيش هنا جدي ،
راهب : تكسرين كلمتين ملاك ؟
ملاك : حشى اكسر كلامك جدي ،
بس أنتَ تعرف بـ الي مرينه بي هنا ،
راهب : الي فات مات وأنتو ولد ابني
ما أسمح تبقون بعاد انتو أمانه عندي ،
والحجي مو وياج يصير ملاك ويا أم ضرغام
شنو رئيج ام ضرغام
نسرين : والله ياشيخ الحجي عند الويلاد
وأنا وياهم شنو الي يريدو
ضرغام : جدي أنتَ تعرف سبب طلعتنه
من البيت ، ما اريد اخواتي يتأذن اكثر
من الي صار بيهن ،
راهب : ما اريد اعتراض ضرغام ، واخواتك
بأمانتي محد راح يتكرب صوبهن ،
ضرغام : بس جدي ،
راهب : بدون بس هذا قراري ومستحيل
اتراجع بعد ،
ملاك : عافنه بصدمتنه وكام بدون كلام ،
رحت لضرغام ،
- لا ضرغام حاجي جدو ما نبقه هنا ،
اباوع عيونه صارو حمر ، مسد على راسي
ضرغام : أحاول وداعتك احاول ، بس انتي
تعرفين جدج شلون يعاند ، لاتشلعين
كلبي ملاك
ملاك : هزيت راسي صبو الأكل نزلنه
ناكل بهدوء عد بيت جدو اذا كعدنه
على الأكل فـ محد يفتح حلكه بكلمه ،
كملت ساعدنا البنات بـ التنضيف
لحد مصار العصر ودن البنات كيك وجاي
جانو عمامي متجمعين و سهى واكفه
و عينها على ضرغام عرفت مكايلين الجدو
على عملتها لأن اذا عرف يكتلها وميسئل ،
راهب : حتى تتحضرون الأسبوع الجاي
نمشي لـ حيدره الحرمه الي هاويها
ملاك : كام حيدره فرحان باس راس
جدي ،
حيدره : اروحلك فدوه جدي هو
لو هيج الجد لو مينراد ،
ملاك : جان كُلش فرحان راح يخطب
الي يحبهاا ، رجعنا للبيت بعد ما جدي
قافل فد قفله مستحيل يخلينا نبقا
بـ بيتنه يريد ترجع يمهم صرنه نحضر
نفسنه وأغراضنه وبيوم جنت راجعه
من الصيدليه شفت هواي سيارات
استغربت من فتت جانت أمي
والعامله الي وياها مخبوصات
- خير يمه شصاير ، منو هنا ،
باوعت عليه وحجت
نسرين : هسه بدون حجي هاج هاي
الصينيه قدمي لـلضيوف
ملاك : ايععع ايععع شعليه أنا ،
وديهم أنتِ ، خزرتني وحجت
نسرين : يله ولج فضيني
ملاك : أوف أوف ، شلت الصينيه
متلبكه فتت سلمت وقدمتلهن الضيافه ،
عفتهن وشردت ما عرفت شنو يريدن
صعدت للغرفه غيرت ملابسي شوي
وراحم نزلت شفتهم متجمعين ،
- أي عيني غردو شنو يريدن ، اشرلي
ضرغام اروح يمه ،
ضرغام : شوفي جايين خطابه ،
ملاك : المنوو ؟
ضرغام : ألج ،
ملاك : فد تلبكت احس وجهي صار حار ،
سرعان ما تذكرت نزلت راسي ، ارفض
ضرغام ما اريد ، توني اريد أكوم حاوط ايدي
مرجعني المكاني ،
ضرغام : إلى متى ؟
ملاك : لحد ما أموت ،
ضرغام : اجي وياج ملاك ، الي تقدملج
صاحبي خوش انسان ادري بيج ما تريدين
ترجعين لبيت جدي ، ملاك هل زواج من صالحج ، ومُهيب راح يتفهم حالتج وهو
اجه صارحني
مُهيب : ضرغام عندي موضوع وياك
ضرغام : أي احجي شنو
مُهيب : والله ما اعرف شلون
احجي مستحيل منك ، بس
لازم تعرف حتى لاتكول خان
الصداقه أنتَ صديقي واعزك
ضرغام : ههه احجي يمعود صاير شي
مُهيب : لا مصاير شي ، بس انـا أحب
أختك و جاي اطلب ايدها منك ،
والله شاهد عليه ما عندي شي وياها
بس شفتها بـ الصيدليه وعجبتني خوش
بنت ، وأعرفها بععد تربايتك ،
ضرغام : والله يخوي ما ادري شكول
بس انـا أعرف انو اختي تستاهلك وما
الكا شخص احسن منك يكون زوجها
لأكن يبقى القرار الها ،
مُهيب : تمام يا اخي راح امشي عليها
انتضر القرار منكم ،
ضرغام : ملاك القرار بيدج ، صارحي
بـ الموضوع أن تفهم خير على خير
ما تفهم الله كريم لوقتهاا الله يعوض ،
ملاك : هزيت راسي بحيره ، نطت نجمه من
يمها ، وحجت
نجمه : عاد خلونه نشوف شكله حلو
لا ،
ملاك : ضحك ضرغام ، طلعت موبايله ،
شفت صورته فتحت عيوني بصدمه نفسه ،
الي أجه للصيدليه ، حدد موعد ضرغام حتى
احجي ويا قررت احجيله كل الي مريت بي ،
~~~~~~~~~~~~~~~
نجمه : بعد ما رحنا البيت جدي
وجان القرار الصادم بـ النسبه النا
وشكد حاول ضرغام وياه جان قافل
رجعنا للبيت بدينه نحضر حتى تنتقل ،
ثاني يوم رحت للدوام أول ما دخلت
للجامعه صادفني عُمر ،
عمر : عادي نحجي أنسه نجمه ؟
نجمه : عندي أمتحان خلي أمتحن ،
عمر : تمام براحتج ، راح أنتضرج من
تكملين تلكيني بـ الكافتريا عندي
موضوع مهم وياج ،
نجمه : هزيت راسي وعفته بدون
ما احجي شي افكاري مشوشه ما
أعرف شنو اريد ، دخلت للمحاضره
امتحنت وطلعت للكافتريا وفعلاً
شفت كاعد على احد الطاولات
اشرلي رحت كعدت ،
عمر : شلونج بـ الأمتحان ؟
نجمه : زينه الحمدلله ، شنو الموضوع
الي تريد تحجي بي ؟
عمر : المُده الي انطيتها ألج باجر تخلص
قررتي لا ؟
نجمه : نزلت راسي متوتره ، شوف عمر
أنا ما أعرف شنو الي اريد خليني براحتي
باجر يصلك القرار واتمنا ما تزعلك أو
تضوج مهما كان ،
عمر : ما راح اضوج بس أتمنى منج
ما تخيبين ضني ، انـا باني هواي أحلام
وما يتحق أي حلم منهن غير وياج ،
نجمه : هزيت راسي وكمت ، تعبت
من التفكير بس شنو اريد أنا اذا الشخص
الأحبهه ما يفكر بيه فـ على شنو منتضره
مر وقت وأحس اتخذت قراري مر اليوم
عادي من رجعت جان جاي النا ضيوف وعرفت خطابه لملاك الصراحه كُلش
فرحتلها لأن المرت بي مو شوي طلبت
تحجي وياه وحدهم وضرغام ما رفض
الها طلبها لان من حقها تحجي وياه ،
ثاني يوم رحت للجامعه واحس هذا
هو اخذت قراري ومتأكده منا شفت
عمر واكف ويا جماعته من شافني
تقرب عليه حجه ،
~~~~~~~~~~~~~~~~~
للـحكـايه بَـقـيـه
لاتِنسَون التِعليَق بِين الفِقراتَ و التِصويَت
مُتابِعه لِحسابَي الأنستا @alp0n_