د
«»«»«»«»«»«»«»
ﻧــبـدئ ﷽
مـلاڪي الطـاهـر
بقلمي أنا: نرجسَ🤍✨
لاتنسـون التـصويت+و التعليق بين الفقرات +و متابعه حسابي
ares_eliah
-هچِي وصَدگ وتصِير مَن حظِي وأحوُيك
وأتمِايزك كُل يوَم وأشبّع نظِر بَيك .
︶ ꒷꒦꒷︶ ︶ ︶꒷꒦︶ ︶꒦︶
خِتّام
-رجـعت من الجـامعة اسحل بـ روحي سحل ما باقيله غير سنه و أخلص من
هذا التعب، بـ الفترة الأخيرة صرت ما أدخل محاظرات بس اسجل حضور مالي خلك ادخل للقاعه،
دخلت البيت و اني اسمع اصوات جوه، استغربت منو جايينه، دفعت الباب و طبيت ليجوه،
انصدمت من شفت كُميّل كدامي،
باوعلي و ضحك فاتح أديه ركضت بسرعه لـ حضنه،
كُميّل: بنيتي شلونچ
خِتّام: اني بخير بشوفتك، أنتَ شلونك
كُميّل: يلحنينه بخير أنه،
وخرت عن حضنه و أباوع بـ الوجوه أدور عليها، و هو أنتبه عليه و أشر على الفوگ
كُميّل: صعدت ترتاح تعبت من الطريق
خِتّام: شلونها هي بخير
كُميّل: أحسن من قبل، بعدنا مستمرين بـ العلاج،
خِتّام: يعني طلعت من صدمتها
كُميّل: اي يابه طلعت ، بس مرت عليها أيام بس الله اليعرف بيها،
خِتّام: الله يكون بعونها و يطلعها من هذا البلاء،
كُميّل: أمين، يلا ادخلي أنتِ ارتاحي التعب واضح على وجهچ،
هزيت رأسي و دخلت لغرفتي، ذبيت ملابسي و گبل للحمام، الدنيا حاره تسمط سمط و بعد حر البصرة معروف شلونه،
سبحت و طلعت اجفف شعري براحه،
و احمدي ربي على رجوعهم بخير و سلامة، بس گلبي ما مطمن على سگوت عُثمان، صارله هواي ساكت و ما ظاهر النا، اتوقعت مثل كل مره
يهرب و يسافر، بس ما حسبت بي
كاعد يرسم خطط النا،
طلعت ادور على هِييلين استفسر منها، ما لكيتها بالغرفه و لا بالمطبخ اجيت اروح لـ غرفة امي و لاكتني
روَان وجهه مخطوف و تبلع بـ ريگها ،
أستغربت حالتها و سئلتها بسرعه
خِتّام: اشبيچ روَان ليش هيج حالتچ
حجت و هي تتلفت بعيونه ادور
روَان: وين كِناز خِتّام
هزيت اكتافي بعدم معرفة و أردفت
خِتّام: ما أدري
سمعت صوت الباب تندك بطريقه مرعبه، درت وجهي على روَان و سندتها من شفت حالتها و شلون تريد أطيح من الخوف، گعدتها على ميز
الطعام،
شويه و طلع كُميّل يركض يباوعلي بـ أستغراب
كُميّل: هذا يا مستهتر هيچ يدگ الباب
خِتّام: ما أدرري اطلعوله فضحنه
هز رأسه و طلع، طلع وراه كِناز يباوع النا مستغرب، نزل رأسه على روَان و عگد حاجبه،
هي بسرعه ركضت اله و تأشر على الباب
روَان: اجه مَنصُور
أنگلبت نظراته لـ نظرات حقد و شر، و ركض وره كُميّل، ظلينا واكفين و احنا نسمع صوت صياحهم، نزلت هِييلين و وياها كِرستال،
هِييلين باوعتلي و اشرت على الباب
هِييلين: هذا يا مخبل هيج يصيح
باوعتلها و عضيت شفتي بقهر،
خِتّام: مَنصُور
عوجت حلكها و أردفت بتسائل،
هِييلين: مَنصُور ابن عم روَان؟
باوعتلها روَان و هزت رأسها الها،
كعدت هِييلين يم روَان و كِرستال ظلت واكفه تباوع بهدوء،
تقربت الها و حضنتها و هي بادلتني الحضن
خِتّام: الحمدلله على السلامة
ابتسمت بهدوء و جاوبتني
كِرستال: الله يسلمچ حبيبتي
باوعتلنا هِييلين و هزت أيدها
هِييلين: هسه وگت سلامچن ما تشوفن العالم تمالخت
كعدت يمها كِرستال ترجع بشعر هِييلين ليوره و تحجي وياها بهدوء
كِرستال: شعلينا بيهم، زلم و صار سوء فهم بيناتهم، هسه گليلي يمتى ترجعين للدوام،
هزت هِييلين اكتافها
هِييلين: مدري خل يجي مُجتِبى و أگله،
هزت رأسها الها و ظلت صافنه بـالفراغ، شويه و طلعت خالتي تلبس بعبايتها و أمي وراها،
أم روَان: خلوني اطلعله اراوي البدويه شسوي،
أم كُميّل: يااا دهر يخيه وين طالعه خلي ولدي يتفاهمون ويا
أم روَان: انه اعرف هذا الرس ما يفيد ويا غير المهاين، خليني اني اعرف اتصرف ويا و اعلمنه،
طلعن فتحن الباب و احنا نباوع وراهن بالختلات، تجمعنه تلاثتنه
على الباب نباوع من وراه،
اني واكفه و فاتحه الباب شويه و اباوع، و هِييلين متمدده بالگاع يم الباب تباوع من جوه، و روَان فوگ منها،
كِرستال: راح تموتن اشبيچن
هِييلين: اعع يفوتچ كِرستال وعلي صايره طاح طيح،
روَان: صايره حلبة مصارعه
خِتّام: هسه امچ تدخل بنصهم أدگه بالنعال،
هِييلين: اذا سوتها الا اشيلها و افتر بيها،
كِرستال: دشيلي روحچ يلا تشيليها
خِتّام: يحح دهرر طگ أخوي هذا المسودن،
هِييلين: راح وجهك يـ كِناز، اي خايب بعد ايدي نسيبي
روَان: ذوله يتفاهمون لو يتعاركون
هِييلين: والله اسئلي ابن عمچ الي انچلب عليهم، يطافر و يزاگط
دمغتهن حت بس يسكتن و نسمع شجاي يحجون، دخل مُجتِبى توه راجع من الشغل يباوع بـ أستغراب،
من شاف وجهه كِناز مضروب و صاير احمر ما تحمل و ضحك بصوت عالي،
خزره كِناز و هو رفعه ايده يعتذر، و يسوي حركه بيده عود ما تحملت،
التفتت وراه و شاف كُميّل، انصدم و صاح بصوت فززنا من مكانه
مُجتِبى: ككككككككككمولههه العشقق
هلا يابه هلا
تقرب يحضن و يسلم و يباوس بيه،
كعد يسئل و يستفسر من كُميّل،
و البقيه واكفين صافنين عليه يمتى يخلص،
وين يلا حس على الوضع و سئل،
مُجتِبى: شكو اشبيكم و ليش هذا وجهه مطعوج هيج،
كِناز: هذا بعينك امشي ولي طبب لا بارك الله بيك،
مَنصُور: روَاننننن
هذا صاح بـ روَان و احنا كمنا نتلاطم على وجوهنه، و هِييلين انرعصت جوانا مختنگه من الضحك،
كِناز ركض اله لازمه من خوانيگه يهز بيه و يصيح حرفياً اخوي فقد
كِناز: السااانك اكصصصصه حيوووان لو گلت اسمهااا مره ثانيههه، مرتيييي صراتتت مرتي جاي تفهم لو تريد ضربه على رأسك
افهمك بيهااا،
لزم ايده مَنصُور يبعدهن عنه و هو بباوعله بتحدي
مَنصُور: مو بكيفك، هسه أطلگها لا تخليني اتصرف وياكم غير تصرف
چنه صافنين على المشحانه البيناتهم حتى سمعنا صوت مُجتِبى و هو يجر بـ زيچ قوي،
هِييلين: اويلي يابه فوديته انه هذا فوديته،
نزلت رأسي و غميتها بنص كصتها و رجعت اباوع،
البقيه صافنين و كُميّل گوه ضام ضحكته، و يخزر بـ مُجتِبى، و مُجتِبى رفع اديه اثنيهن
مُجتِبى: يابه اعتذر طلعت مني بدون قصد،
كِناز: لا والله خوش عجبتني، و أنتَ يلا وريني عرض اجتافك لا أني اعرف شتصرف وياك، اذا ما تعرفني زين يسرني أعرفك عن نفسي كلش زين،
كُميّل: يابه ما عندك يمنا مره، البت بتنا و زوجة أخوي، و هي تزوجت بموافقة أبوك ما ألك اي حق تجي تهدد و أدوس بيتنا، تره على هاي عملتك اگدر احاسبك قانونيًا و عشائريًا،
مُجتِبى: و راح يتحاسب خوماكو شيء طاب للبيت و هيج يتهجم تره البيت مليان نسوان، اليوم أنتو هنا باجر ماكو شلون بله،
سكت الكل من سمع صوت الباب تندك، فتحو الباب و چان أبو مَنصُور
جايه خزر أبنه و وكف يعتذر من كُميّل، بس كِناز چان قافل عليه و يريد يحاسبه،
أبو مَنصُور: عمي اني خادم لأي شيء تردونه، بس لا تحولونها قانونيًا تره يحاسبون و هو ضابط
كُميّل: دام ضابط و يعرف كلش زين عواقب فعلته المن جاي هداد ما خاف منا
أبو مَنصُور: الغلط مني ما بلغته بـ الصار و هو أبن عمها مثل أخوها و ما قبل على الصار،
ضحك كِناز و هز أيده،
كِناز:أطلعو لا اخيسكمم بالسجون وحق داحي باب خيبر
طلعو بسرعه و أبو مَنصُور يسحل بـ أبنه سحل و هو يخزر بـ كِناز،
ركضنا عن الباب و رجعنه يم كِرستال كعدت كل وحده بجهة ساكتين انخلسنه، ابتسمت كِرستال بتعب و صدت علينا
كِرستال: بس يدخلون اكلهم چنن يتسمعن عليكم
هِييلين: اني بله عادي لأن اولى تالي اچفص يم مُجتِبى ما اتحمل ابقى ساكته
خِتّام: لا ولچ يمفلوكه شيكولون عليه و همه حاسبيني الچبيره عود،
دخل مُجتِبى حاضن أمي من جهة الييمين و خالتي من جهة اليسار و يسولف عليهن، هزيت أديها هِييلين و أردفت
هِييلين: يمووت على السوالف، باليوم يتخبل اذا سكت شويه
كِرستال: طنجره و لكته غطاها،
هِييلين: هاا
ضحكت عليها و أيدتها بـ الرأي، صدك همه يشترگون بهاي الصفه شاطرين بس بالسوالف
دخلو كُميّل و كِناز بسرعه صعد لـ للغرفه، باوعت وراه روَان بخوف و رجعت تباوعلنه،
اجه كُميّل اتجاه كِرستال لزم ايدها و گومها، التفتت على روَان قبل لا يروح
كُميّل: لا تخافين بويه دام أنتِ يمنا و ابينا ما يصيرلج شيء،
هزت رأسها روَان و اشكرت منه، و هو طلع من المطبخ و يسولف ويا كِرستال بهدوء، صفنت عليهم و أبتسمت و اني اشوف الهدوء البينهم حلو
هِييلين: اووي فدوه ليش هيج حلوين
هزيت ايدي و باوعتلها صفح
خِتّام: اني أكول دگومين وره رجلچ و تحضريله الحمام مو أحسن، و أنتِ الثانيه هم اصعد لـ رجلچ و شوفي وجهه، اظل اعلم اني
هِييلين ما صدكت ركضت اله و هاي صافنه لمن رزلتها يلا راحت،
و اني بقيت بالمطبخ اصفن، هزيت ايدي على روحي
خِتّام: چـا عود سويتي زينه الهن و طردتيهن هسه أنتِ وين تولين، خل اكعد يم أمي احسن،
......................
هِييلين
رڪضت للغرفه قبل لا أدخل مديت رأسي من وره الباب اتأكد اذا هو بالغرفه لو لا،
الغرفه فارغه مابيها هوَّ كلت أكيد بغرفه أم كُميّل، اجيت ادور وجهي و ما حسيت الا على أدين تدفع ليجوه،
باوعتله و شفت هوّ، لزمت كتفي بألم من دفعته و خزرته
هِييلين: اووي اشبيك تدفع أذيتيني
مُجتِبى: اووو سوندس ما تتحمل رقيقه
ضحكت و درت وجهي عنه،
مُجتِبى: هاا بس لا تردين اطلعيلي ملابس
هِييلين: اي عود خِتّام علمتني
مُجتِبى:خوش علمتچ، مثل الأمس واكفه تصفنين على الملابس
هِييلين: تره ملابس هواي ما أعرف شطلعلك
مُجتِبى: انطيچ مهمه سهله غير الملابس
باوعتله بفضول و هزيت رأسي اله
هِييلين: شنو هي؟؟
هز حواجبه بضحكه خبيثه،
مُجتِبى: تسبحيني
هِييلين: عزززززا والله أنتَ فلا تستحي عيب عليك شني اسبحك زغيرون
مُجتِبى: هيوووو تره رجلج اني
هِييلين: وخرر عني مُجتِبى، التوبه بعد اذا اجيت وراك،
يتقدم عليه و اني ارجع ليوره، و على وجهه أبتسامه شر
مُجتِبى: حبيبي برضاك لو مو برضاك تجي وراي،
هِييلين: مو بكيفك
مُجتِبى: كلشي بكيفي
انضرب ضهري بـ الحايط و باوعتله يريد يقترب و اني بچيت بصوت عالي، باوعلي بصدمه و يرفع برأسي
مُجتِبى: اشبيج هيله بويه
لزمت أيده و عضيتها حيللل، و هو لزمني و گرصني من خصري، لزمت خصري متوجعه و الدمعه بطرف عيني،
مُجتِبى: تنطبق عليچ مقولة محمد السالم من يگول
"يا عياره يا غداره"
طلعت الساني اعيب عليه و انهزمت من الغرفه كلها و خليته ينعل و يسب،
مشيت اتجاه غرفة الحبايب، بعدني ما واصله و اجتني لحظة أدارك،
هِييلين: اعع هو گلي عيارره، يحح فلا يستحي،
رجعت للغرفه و سويت مداهمه عليه، طلع رأسه من الكنتور و بحلكه جكاره طافيه يباوعلي بـ أستغراب
هِييلين: شلووون دگللي عياره أنتَ ما تستحي
سد باب الگنتور و أنتگه عليه مگتف اديه و الجكاره بحلكه،
مُجتِبى: عليج الله توچ تذكرتي، زين هسخ و أذا كتلج عياره أصلاً الأسم ضنع خصيصًا الج
هِييلين: بعددد مستمررر يگليي
مُجتِبى: انچب حبيبي خل اروح اسبح امبينه أنتِ ماعندچ شيء و جاي تنگدين فوك رأسي،
هِييلين: هاي اشبيك
عافني احجي ويه روحي و راح، و اني طفرت على السرير و تمددت عليه، رفعت رجليه على تاج السرير و لزمت جهازي أگلب بي،
راسلت أفـاطِـم و سئلتها يمتى تجي،
أفـاطِـم: اليوم ان شاءلله
فرحت و دزيت الها بوسات هواي،
و طلعت أگلب بـ الفيدوات، چنت
مدمجه ويه واحد بالمُبايل يقدم
الكامره على حفره سوده،
شويه و طلعت حيه بوجهي صرخت بخوف و طاح الجهاز من أيدي على وجهي، هشم وجهي تهشم،
طلع مُجتِبى من الحمام يباوعلي بخوف و اني لزمت خشمي و عيوني دمعت من الألم،
اجه يوخر بأيدي عن وجهي و اني ابچي من الألم،
مُجتِبى: أشبيج هيله حبيبي بله خل اشوف،
وخرت أيدي و هو تقرب يشوف بوجهي،
مُجتِبى: شجاچ ما دگليلي، شلون تعورتي
هِييلين: چنت كاعده على المُبايل أگلب بالفيدوات و طلعلي فيديو يخوف و طاح ايدي من المُبايل
صفن بوجهي و اني امسح على خشمي
مُجتِبى: متأكدة طاح ايدج من المُبايل
هزيت رأسي اله و هو وكف يضحك استغربت و هزيت رأسي بمعنى اشبيك،
مُجتِبى: حبيبي أنتَ خل ابوس
تقرب يجعص بخدي و يعض بيهن، ادفع بيه اريده يوخر عني أذاني،
هِييلين: أشبيك
مُجتِبى: ولككك اريد اكلكك تعالل
صرخت من سحلني عليه و بدى يتحرش بيه و يتعمق بحركاته،
باوعتله بخوف و هو باس جبيني
يطمني،
..................
روَان
أخذت الثلج من أيده و وگفت گباله، امشي على مكان الضربه،
كِناز: عوفي اني اكمل
روَان: لا خليني اني اعالجك، لان بسببي أنضربت،
خزرني و حجه بعصبيه
كِناز: لا مو بسببج لا تحسسيني أني راح اعاتبچ و اكلچ أنتِ سبب الضربه لأن أنتِ ما تقربيله شيء
أنتِ تقربيلي بس الي اني،
باوعتله بصدمه و نفسي يصعد و ينزل، اخذ من أيدي الثلچ و كام وكف گبال المرايه،
و اني گعدت على السرير صافنه بـ كلامه، كمل و رجع يباوعلي بشگ
كِناز: كلامي صح، ما تقربيله شيء أنتِ موو؟
رفعت رأسي احاول استجمع قوتي، غمضت عيوني و هزيت رأسي مأيده كلامه
روَان: صح كلامك مَـنـ
دار وجهه عني و أخذ ملابس و أردف موقفني عن الكلام،
كِناز: ما يحتاج دگولين اسمه
هزيت رأسي متفهمهه منه ما يحب اذكر أسمه بسبب الصار اليوم هذا چان تفكيري، ما چنت افكر بغير شيء، و لا چنت مخليه ذيچ الفكره
أبالي و لا متوقعتها بيـوم،
عفته بـ راحته و نزلت يم البنات لكيت بس خِتّام يم خالتي و أمي و جـواهر،
كعدت يمها و همست بصوت ناصي
روَان: أم السان وين
باوعتلي و هز أيدها
خِتّام: يم رجلها عود كتلها بس حضري الحمام، من ذيچ الساعه و لحد الأن ما طالعه،
روَان: على گولت كِرستال طنجرة ولكت غطاها، تلكيهم كاعدين يصنفون على واحد لو عدهم سالفه عوجه،
خِتّام: خاف چنت مأيسه منهم هسه سبحت منهم،
روَان: هههههه خليهم شعدنا وياهم
أبتسمت و رجعت تسولف ويا أمي على انواع الأقمشة، و امي تخرب
على هاي السوالف تبسط بيهن،
باوعت بملل و كمت كلت اجيب جهازي و انزل يمهن،
فتحت باب الغرفه على كيف زفرت نفسي من شفته نايم،
دورت جهازي لكيته على طرف السرير شامرته،
اخذته و فتحته اشوف الشحن شكد،
و انصدمت من شفت گومة رسايل و أتصالات جايه عليه، و اني جنت مخلية جهازي صامت فـ ما توصلي
أي رساله،
فتحت الرسايل و أقره بيهن رساله رساله، كلهن چانن من مَنصُور،
رجفت ايدي من اهتز الجهاز بيدي، شفته يتصل عليه، رفضته و رحع أتصل و ظليت ارفض بيه حتى حسيت على الجهاز ينسحب من أيدي،
باوعلي بـ أستغراب و أردف
كِناز: صارلي ساعه احاجيچ وين صافنه،
بلعت ريگي و اني ادري لو شاف الرسايل راح يگلبها علينا عزاء،
روَان: هاا لا جنت صافنه على شسمه هذا
خله اصبعه على حلكه و سوالي حركه اسكت عود
كِناز: اششش خل اشوف
اجيت احجي و خزرني، رفع الجهاز و اشرلي افتحهه،
روَان: جهازي بي خصوصيات شلون أنطيك اياه
كِناز: روَان افتحي الجهاز اني اعرف منو المتصل لذلك لا تحاول تستغفليني
تقربت و فتحت الرمز كباله، هو الرمز عباره عن ست أصفاره،
كِناز: خوش رمز
اخذله و ظل يگلب بالرسايل و يقراهن رساله رساله، من خلص هز رأسه متحلف و ذاك يتصل على جهازي حرگه حرگ،
اجيت احجي و أنصدمت من جرني و خلاني بحضنه،
كِناز: خليچ هنا و اريد كل كلمه اكولها توافقيني بيها فاهمه
روَان: بس شنو الراح دگوله، و ليش هيج سحبتني
ما رد عليه و فتح الخط
كِناز: خير خو ماكو شيء ليش تزعج بزوجتي،
يباوعلي و لازم خصله من شعري يفر بيها بـ أصبعه، و على وجههة أبتسامه،
ما أعرف شمو جاوبه مَنصُور و هو ضحك،
كِناز: ابني أهلك ما علموك عيب تتصل على مره مزوجه، اذا ما علموك مستعد اني اعلمك و اربيك من جديد،
هم ما سمعت كلام الطرف الثاني بس تضايقت من حضنه و أريد بس أگوم بس هو چان متمسك بيه بـ قوة،
كِناز: صارن هواي عليك أكدره من خلالهن اسحب رتبتك المُحترمه يا محترم، يلا أنگلع ابني ما عايزني هوسة مخابيل و مزعطه، و عيب
تقترب لـ شيء مو ألك،
على طول كلامه صافنه عليه اني اريد افهم من كلامه و استنتج كلام مَنصُور اله شنو،
سد الخط بوجهه و هو مبتسم مشه أصبعه عبى ملامحي وجهي، و اني دفعته حيل من صدره و گمت،
باوعلي و ضحك بـ أستهزاء
كِناز: هلـ أكول ليش ساكته بحضني ثاريها طلعت تصنت بس حتى تسمع صوته،
باوعتله بصدمه و هزيت رأسي بـ لا و هو كام من مكانه طلع من الغرفه كلها،
لزمت الجهاز و حظرت رقم مَنصُور و حذفت محادثته كلها.
........................
كِرستال
-لزم أيدي و وگف وراي لزمت بالفرشه حيل و أباوع للبياض الگدامي، حرگ ايدي بخفه على هاي
اللوحه و بدى يدير بيدي حسب المكان اليعجبه و يرسم،
مرت دقايق و احنا على هاي الحاله، باوعت لـ اللوحه و چانت حلوه
طبع قَبلات متفرقه على انحاء رقبتي، و همس بهدوء و هواء نفسه طخ بجلد رقبتي
كُميّل: تذكرين أول لقاء بينا
همهمت اله ك أجابه و هو لزمني من خصري ديورني اله،
كُميّل: أول ما شفتچ مدحت خلق الله و ايقنت بـ أن الله قادر على كل شيء، خلق روحه حلوه و رسمها بدقه بـ كل رقتها و جمالها و نوعمتها حتى قوتها ملفته،
ابتسمت بتعب و كلت مقاطعه ذرياته الجميله
كِرستال: تذكر من اجو الشرطه و تهموك بالأختطاف،
ضحك و لزم وجهي بأثنين أديه يطبع بوساته على وجهي،
كُميّل: اي بوقتها أنتِ نقذتيني،
كِرستال: خليتني أچذب و اني ما أعرف شلون أﺟذب
كُميّل: اعترفي اول ما شفتيني ما تحملتي جمالي و مشيتي بكلامي
كِرستال: هههه صحيح چنت اشوفك امير حـ يهربني من الشخص اليلاحگني،
كُميّل: اصيرلچ امير اصيرلچ شمعة بوسط خندق،
خليت رأسي على صدره وحظنته، ابتسمت من نزل شالني بأثنين أديه و طلعنا من المكتب،
غسلنا ادينا من الصبغ و غيرنا ملابسنا، هو راح قبلي تمدد و اني بقيت افرش بـ أسناني،
ما تركتهم لمن نظفتهم زين،
خلصت و طلعت مم الحمام امشي بهدوء جسمي ثگيل لأن تاركه الرياضه صارلي هواي، كلت من باجر ابلش بيها و ما أتركهاا،
تمددت بحضنه و خليت رأسي على صدره احب اسمع دكات كلبه، بس
ما جاي انطي اي ردت فعل لأي حركه يسويها هو وياي،
ما أتفاعل ويا ابد و مشاعري بارده حيل، رفع رأسي بيده و هو يحجي وياي بهدوء
كُميّل: اموت انه بهذا برودج
رجعت رأسي على صدره
كِرستال: تعبانه ما أدري شبيه
كُميّل: ارفع رأسج خل اشوف عيونج،
رفعته بهدوء و يمشي ايده على رموشي و حواجبي،
كُميّل: عيناها ذنب و أنه لـ هذا الذنب مُدمن،
" بويه عيونچ نهر و اني غرگانه "
حجيت بصوت ناصي شبه للهمس
كِرستال: يرخصلك العيون
حضني لصدره و اني غفيت بين أحضانه مرتاحه، كُميّل تعب وياي
كلش و اني جازيته بالبرود بس هاي
حالتي خارجه عن سيطرتي مو بيدي،
احاول استرجع نفسي و ارجع مثل قبل و أحسن،
گعدت الصبح ما لكيته موجود بـ مكانه، غيرت ملابسي و نزلت ادور عليه، شفت الكُل مُجتمع بالصاله و كُميّل بنصهم بيده ورقه و يباوعلها
بحيره،
حجيت و كلها التفتت على صوتي
كِرستال: شكو صاير شيء؟
باوعتلي روَان بحيره و خِتّام كذالك، گال كِناز موجهة سؤاله الي
كِناز:أنتِ الوحيده كادره على تدمير عُثمان،
باوعتله بـ أستغراب و أردف مُجتِبى مكمل كلامه
مُجتِبى: اكو شيء عندج يخافون منه و يردونه بكل وسيله
سرحت بـ أفكاري و ذاكرتي، حتى تذكرت شيئ واحد و هو الدفتر
باوعت لـ هِييلين بسرعه
كِرستال: هِييلين دفتر ماما حياة وين
فتحت عيونه بصدمه و هي تضرب كصتها
هِييلين: بقى هناك بـ كربلاء
باوعت بسرعه لـ مُجتِبى
كِرستال: الدفتر هذا أريده بسرعه
هز رأسه متفهم
مُجتِبى: سهله اني اجيبه
دخل لغرفته يأخذ سويچ السيارة و يطلع و اني صافنه بـ الفراغ، أذا اجه هذا الدفتر راح يكشف المضموم و راح نعرف منو الظالم و منو المظلوم،
الدفتر هذا كلش خطر يعتبره عُثمان،
لأن متأكدة بي شيء يخصه،
كِرستال: بس أمي شعرفها بـ عُثمان؟؟؟؟
.....................
الحكاية مستمرة♡•