بين انيابهم

••العثـࢪة الـࢪابعـة و الثـلاثـون ج 1••

بســم ﷲ الرحمــن الرحيــم

السـلام عليڪم

#بيـن انيابهـم

#بقلمـي أنـا: زهــࢪاء

حساب الانستا: zaii1_8

لا تنسون التصويت +التعليق بين الفقرات

+احبڪم زهوراتـي 💋

ــــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــــ

تـــــاج

وكفت بالباب هُــــــــــــــــذام منطيني ظهرة ورباب اختة تطبخ  و وارث ساند نفسة ؏ الكاونتر سمعتهم يحجون

وارث.... يعني هسه هيَ ما تعرف

هُــــــــــــــــذام..... جؤ ولا اريد تعرف اصلاً

وارث... تبقى هيج؟

هُــــــــــــــــذام.... المصلحتها

رباب... بعد انتَ اعرف و اهم شي ابعدها عن بيت اهلي 

هُــــــــــــــــذام.... اهم نقطة هاي حياتي جاي اشوفها بدت تستقر و وية انسانة احبها و اني مختارها ليش اخذها البيتنة و تنڪلب الامور كلها عليّ

طبطت رباب على كتفة

رباب... خوش بنية حافظ عليها

هُــــــــــــــــذام... خايف عليها والله خاف يصير عليّ شي انتم مسؤولين عنها رباب اعرفج حنينة اعتبربيها مثل سماوي

وارث.... يمعودة شبيك راح ادكها مناحها المهم ما عدها خوات؟

هُــــــــــــــــذام..... حلكك سدة شلزڪت انتَ ما عدها ما عدهاا

رباب.... بعد وارث ولزك بشغلة ما يعوفها

وارث.... انتم تحاربون الاستقرار و الديمقراطية لأن انتم ناس تحاربون التڪاثر البشري

ضحكو انتبه الي وارث حمحم وحجة ڪأن ينبهم

وارث..... مرت اخي العزيز الغالي ربي يحفظة و يسعدة شلونج

دار هُــــــــــــــــذام بسرعة شافني واڪفة ابتسم واشرلي اجي

سويت نفسي ممهتمة للي سمعتة و ليش ما يريدني اروح البيت اهلة مشيت و وكفت يمة

تـــــاج... ام سما اساعدج بشي؟

رباب.... لا حبيبتي كملت ما عندي شي

لزمني هُــــــــــــــــذام من ايدي و اخذني للصالة كعدت وكعد يمي مد ايدة الشعري وكعد يلعب بي لو يبرمة

هُــــــــــــــــذام.... وين سما ليش عافتج وحدج؟

تـــــاج.... خابرت عليها بيبيتها

هُــــــــــــــــذام..... ها

شفت محد يمنة خليت راسي على صدرة

تــــاج.... هُـــــــــذام

هُـــــــــذام.... حـيلة من الدنـيا

تـــــاج.... احس ضام عني شي

خلة ايدي على كتفي وحضني اڪثر

هُــــــــــــــــذام.... ليش هذا الاحساس؟

تـــــاج.... جاوبني هُــــــــــــــــذام ضام عني شي؟

باسني براسي و حجة
هُــــــــــــــــذام.... ما ضام شي مثل ما انتٍ ڪتاب و مفتوح كدامي اني هم كتاب ومفتوح كدامج

تـــــاج... و اذا طلع غير هذا الحجي؟

هُــــــــــــــــذام.... ما يطلع مستحيل يطلع

تـــــاج.... تحبني؟

هُــــــــــــــــذام.... احبج الدرجة ما ممڪن احد يتصورها

دخل ابن رباب الصغير بسرعة ابتعدت عنة وعدلت شعري وهوَ عدل كعدتة انتبهت لأبنها بأيدة بزونة ضحكت و التفتت الهُــــــذام

تـــــاج.... هُــــــــــــــــذامات هايه نفسها بزونتك

هُــــــــــــــــذام.... هههههههه ايي تعال مجتبى جيبها

اجة بسرعة انطاها الة اخذها منة وخلاها بحضنة مثل الي عرفتة ضل يلعب وياها اختفت ابتسامتي وحجيت

تـــــاج... و خرها هُــــــــــــــــذام

هُــــــــــــــــذام.... صدك جذب حبيبتي مرة شكدج تغارين من بزونة

تـــــاج.... اي ميخالف اغار وخرها ماااا

مجتبى.... هههههههههههه شنو طفلة تغارين من بزونة

تـــــاج.... ادري غيرانة على رجل ڪرسي غير على رجلي

مجتبى..... هههههههههه خالو زوجتك حلوة

هُــــــــــــــــذام... انجب ولك شنو حلوة شو تتغزل بمرتي وڪدامي

ضحكت بخبث وجريت مجتبى من ايدة وكعدتة يمي لفيت ايدي على رقبتة وحجيت

تـــــاج..... حبيبي ميمو شنو هذا الشعر الحلو

خجل وحجة

مجتبى.... انتِ حلوة

تـــــاج... انتَ اطك بالكاع اتروح ويانة اليوم تنام يمي اسويلك ڪيڪة

هُــــــــــــــــذام.... جذابة خالو الله وكيلك سنة ونص متزوجها كلة أني اطبخ لو من المطعام لو ام حيدر ادز النة

تـــــاج.... لعد شتريدني اتعلم الطبخ مابية حيل

مجبتى.... اصلاً بابا يكول السما الاميرات ما يشتغلن

تـــــاج.... ها اها شوف

باوعلي مجبتى

مجبتى... ابقي عدنة

تـــــاج..... هههههههههههه صار غالي والطلب رخييييص على عناد فلاان

هُــــــــــــــــذام.... عجبج الوضع ست تـــــاج

رفعت كتافاتي

تـــــاج.... لعد بس انتَ تعوفني واتروح اني هم اعوفك

هُــــــــــــــــذام.... قبل اكدر اعوفج هسه لا

تـــــاج... ليش

ضحك بخبث
هُــــــــــــــــذام..... ما تعرفين ليش تعاي اكلج

رمقتة بخزرة
تـــــاج..... دا اشتم ريحة شغلات كلام غير مؤدب خلي الك

ضحك و اشر المجتبى يكوم كام وانطاه البزونة اخذها و طلع اتقرب من يمي ابتعدت بسرعة

تـــــاج.... لا تلمسني غسل ايديك من البزونة غسلهن عدل

ضحك وكام راح يغسل دخل وارث يفر بالسبحة انتبهت الها هاي سبحة هُــــــــــــــــذام شمرها عليّ لزمتها بسرعة

وارث..... هاي سبحة رجلج المصون لڪيتها بدراجتي عبالة ما ادري طالع بيها

ضحڪت وحجيت

تـــــاج.... هيَ دراجة فد نمونة فدوة الة فدوة الطولة

وارث.... تدرين يعني شنو دراجة هنا هنا حبها مزروع

يحجي ويأشر على ڪلبة

تـــــاج...... لعد شلون اتريد تتزوج اكيد راح تحب دراجتك اڪثر

دخل هُــــــــــــــــذام خلة ايدة على شعر وارث و خربطة وعافة واجة يمي ضحك وارث وكعد يرتب بشعرة

هُــــــــــــــــذام.... زين ڪوشتك صير مرتب مرة وحدة بعمرك

وارث.... ما اكدر راسي يطلع جبير اذا زينت

هُــــــــــــــــذام..... المعنى الحقيقي لأبو راس

وارث.... راس مالت بصل

هُــــــــــــــــذام.... همزين تعرف نفسك

دخلت سما وڪعدت يمنة مر الوقت عادي و صار وقت الصلاة ڪمت صليت و بعدها ساعدت رباب وسما بالغدة ڪملناه واجو الولد ڪعدت بصف هُــــــــــــــــذام

رباب..... و هاي مرڪة قيسي بس الهُــــــذام

وارث..... قصدج بس للماعندة ذوق

اخذها هُــــــــــــــــذام من رباب وضحك

هُــــــــــــــــذام..... اتروح فدوة الذوقي

رباب... وانتِ تـــــاج اصبلج من مرڪة قيسي؟

صفنت ما ضايڪة هاي المركة حجة هُــــــــــــــــذام

هُــــــــــــــــذام.... ما يحتاج تاڪل وياي

شال بخاشوكتة من المرك وخلاها على صحني سميت بأسم ﷲ واڪلت اباوع الهم على الاڪل محد يحجي ابد رفعت نضري كلمن مدنك ياڪل وممنوع احد يحجي رجعت دنكت راسي وهمست

تـــــاج..... هُــــــــــــــــذام ليش ما تحجون شبيكم خرسان

هُــــــــــــــــذام.... ممنوع الكلام وية الاڪل

سكتت وكملت صحني وڪمت رحت للحمام فتحت الباب وغسلت شوية ودخل هُــــــــــــــــذام وراي ضحكت وسد الباب وحضني من ظهري

تـــــاج.... ليش ما تحجون وقت الاڪل

هُــــــــــــــــذام.... هاي العادة ابوي معلمنة عليها من احنه صغار ومن اتزوجت سما علمت زوجها عليه حتى هوَ استغربها

تـــــاج...  ابوك عايش؟

هُــــــــــــــــذام..... اي توجة

سكتت ودرت الة لفيت ايدي على رڪبتة دا احجي وانفتح الباب فزينة وباوعنة السما باوعتلنة بفشلة وانسحبت وخرني عنة هُــــــــــــــــذام

هُــــــــــــــــذام..... ولج عيب من البنية انصدمت بخالها

تـــــاج...... سبرايز

هُــــــــــــــــذام.... سبرايز تربيع

تـــــاج..... ههههه شوكت انروح؟

هُــــــــــــــــذام.... بـ3 ونص لأن عدنة مشوار ثاني

تـــــاج.... وين

هُــــــــــــــــذام... اشتريلج ذهب

تـــــاج.... شسوي بي ما احبة

هُــــــــــــــــذام..... حتى لو ما اتحبينة ضمي الج يفيدج مو اليوم باجر

تـــــاج.... اني ما اريد شي غيرك اليوم وباجر وحياتي ڪُلها ما اريد يوم بدونك

ابتسم واتقرب الي باسني بشحمة اذني

هُــــــــــــــــذام...... هايم بيج توجايتـي

جر انفي و ابتعد غسل ايديه وطلعنة يمهم صبو چاي وحلويات ما اكلت لأن اتغديت زين شوية وجابتلي رباب علاكة صغيرة اشرلي هُــــــــــــــــذام اكوم كمت اخذتهة منها واتشكرتها

رباب..... بالعافية حبيبتي

ابتسمت الها واحس انحرجت ما اعرف شنو احجي اكتفيت بأبتسامة بعدها وارث طلع ظرف من جيبة وانطاني اياه باوعت الهُــــــذام قبل لا اخذة ابتسملي واشرلي اخذة اخذتة منة واتشكرتة شوية وڪمنة

رباب..... وين وين بعد وقت

سما.... اي خالو ضلو للعشة

هُــــــــــــــــذام.... لا خالو غير مرة

وارث.... زارتنة البركة يلا خوية اخذ مرتك واطلع

هُــــــــــــــــذام.... بيتك بيت الخلفوك؟

وارث... بيت اختي

رباب..... ههههههههه نورتونة والله يومية تعالو وجيب تـــــاج لا تكطعون ڪُلش

هُــــــــــــــــذام.... بس اصيرلي مجال اجيبها

سلمنة عليهم وطلعنة صعدنة بالسيارة وحركها

هُــــــــــــــــذام..... اتونستي حياتي؟

تـــــاج.... اي

هُــــــــــــــــذام..... بالعافية حبيبي

ابتسمت الة وسكتت وكف كدام محلات ذهب نزلنة ودرت الة لزمت بأيدة وعبرنة الشارع دخلنة للمحل و مبين ابو الذهب يعرف هُــــــــــــــــذام كام سلم عليه

هُــــــــــــــــذام.... بلا شوفنة مجموعة حلقات

..... من عيوني سيد

هُــــــــــــــــذام..... سالمات

طلع الة مجموعة التفت الي واشرلي اجي يمة ضل ياخذ ويلبسني و يسألني حلو او لا بس ڪُلهن كبار

هُــــــــــــــــذام..... ابو وسام ما عندك اصغر

ابو وسام.... موجود

طلع مجموعة ثانية هم ما صارن على ايدي لأن اصابعي ضعاف وطوال اخر شي صارتلي حلقة على قياسي بس سادة ما بيها اي نقش

تـــــاج.... هذا هوَ ما بيها شي

باوعلها هُـــــــــذام ما مقتنع بيها التفت للرجال

هُــــــــــــــــذام.... اذا اريد اصيغ حلقة شكد اطول؟

ابو وسام.... اسبوع

هُــــــــــــــــذام.... هذا هوَ اريد صياغة حتى القياس يطلع مضبوط و الموديل الي احنه انريدة

ابو وسام.... تمام شوفلك مديل

انطانه كتلوك وكعدنة نكلب و انشوف مديل حلقات اشرلي على مديل ڪُلش حلو ونازك

هُــــــــــــــــذام.... عجبج؟

تـــــاج..... اي ڪُلش حلو

هُــــــــــــــــذام.... انثبت لو اندور غير موديل

تـــــاج.... لا لا حلو

كام وكمت وياه راح ثبت الموديل يم الرجال و اخذ قياسي اشترالي سوار على شڪل غصن الزيتون

حبيتة ڪُلش لبسني اياه بأيدي اليمنى واشترالي تراجي وڪلادة حسيتهن هواي واني ما احتاجحن ولا البس بس السوار عجبني اصر ياخذ وڪُل ما احجي يكلي

هُــــــــــــــــذام..... حتى لو ما اتلبسيهن ضميهن الج ما دايملج اني

و اني اشيل روحي واطكها بالكاع لأن يحجي هيج كوة لزمت نفسي ما عاركتة لأن واكفين بالمحل دفع الفلوس و طلعنة

هُــــــــــــــــذام.... توجة اذناتج ما مثقوبات مو؟

تـــــاج..... اتذڪر جانت امي ملبستني تراجي بس ابتهال اخذتهن من عندي

صعدنة بالسيارة مد ايدة وخلة شعري ورة اذني

هُــــــــــــــــذام.... رايحات تقريباً ما اعتقد باقيات ؏ العموم يرادلج ثقب جديد

تـــــاج.... لا اخاف

هُــــــــــــــــذام.... لازم حبيبتي غير حتى اتلبسين التراجي

تـــــاج.... اهو هُــــــــــــــــذام و الله ما الي خلك

هُــــــــــــــــذام.... كسولة مشكلتج اني راح اخذج تثقبينهن غصباً عليج

نفخت بضوجة وسكتت اخذني للعيادة ثقبوا اذاناتي ورحنة للمول اشترالي ملابس ويكلي لازم جدد بأعتبارلج عروس ورجعنة مر اليوم عادي ثاني يوم كاعدين نتعشة وانسولف عكس امس بالغدة ما اكدر احجي دك موبايلة عاف الخبزة وباوع للرقم جاوب بسرعة اتغيرن ملامحة للخوف حجة

هُــــــــــــــــذام...... شلون وبيا مستشفى؟ جاااي جاي

سد موبايلة وكام كمت وياه واني اسأله

تـــــاج..... هُــــــــــــــــذام شنو صاير شي

ما جاوبني ومخبوص راح غسل وكفت بالباب

تـــــاج..... هُــــــــــــــــذام عفية جاوبني شنو صاير

هُــــــــــــــــذام.... امي بالمستشفى

تـــــاج..... يا وشلونها هسه

ما حجة راح اخذ موبايلة وجوزلانة وسويج سيارتة وطلع اتنهدت ورحت قفلت وراه الباب وكفيت الصحون ورتبت البيت مرن ساعتين و اتصلت عليه ما يرد خفت خاف صاير شي اتصلت عليه اكثر من مرة الحد ما دز رسالة

هُــــــــــــــــذام.... تـــــاج بالمستشفى اني وهوسه ما اكدر ارد

دزيتلة
تـــــاج.... تمام بس امك شلون صارت؟

هُــــــــــــــــذام.... بعدهي بالعناية

تـــــاج... الله يكومها بالسلامة

سديت التلفون وكمت ما اعرف شنو اسوي وحدي اخر شي مليت ورجعت اتمددت على الچرباية دخلت للصور واكلب بصورنة وابتسم الحد ما وصلت للنهاية شفت الصور القديمة الاخذتهن ببيت ابتهال وقاسم اتنهدت بقهر هُــــــــــــــــذام ناقلهن من موبايلي القديم الهذا طفيتة وصفنت على السقف هم يجي يوم واشوف شُــــــذير كدام عيوني هيج اني محظوظة وحياتي تكمل ما ينقصها اي شي نزلن ادموعي ودعيت من الله ان هذا اليوم مو بعيد شوية وسمعت صوت الموبايل يدك مسحت ادموعي بسرعة وجاوبتة

تـــــاج.... هلا هُــــــــــــــــذام

هُــــــــــــــــذام..... هلا بيج جوجة شبي صوتج

تـــــاج... لا ما بي شي شلونها امك؟

هُــــــــــــــــذام.... الحمدُ لله احسن

تـــــاج.... راح تبقى يمها؟

هُــــــــــــــــذام... اڪيد ليش محتاجة شي؟

تـــــاج.... لا حبيبي ابقى يم امك ما تتعوض

هُــــــــــــــــذام.... احب حبيبي العاقل

ابتسمت بتعب وحجيت
تـــــاج.... انتَ بالمستشفى؟

هُــــــــــــــــذام.... اي

تـــــاج.... منو يمك

هُــــــــــــــــذام.... اخواني

تـــــاج... قصدي يمك اناث؟

ضحك
هُــــــــــــــــذام.... يلعن ابليسج اني وين هسه وانتِ وينن

تـــــاج.... غير أمن على ممتلڪاتي

هُــــــــــــــــذام..... مُلكج ڪلج ما اصير الغيرج

ابتسمت وسلمت عليه وسديتة ضل اسبوعين ما جاي اشتاقيت الة ڪُلش و اول مرة ادري بنفسي هيج متعلقة بي ما بيناتنة غير اتصالات وحتى من يجي للدوام ما يمر عليّ ورة هاي الاسبوعين اتصل وڪال راح اجي فرحتي بيومها ما تنوصف كمت بسرعة رتبت البيت وڪلت خلي اسوي ڪيڪة طلعت باليوتيوب ومشيت على الخطوات ونفس ما تسوي اني اسوي وما زدت اي شي نفس المڪونات خليتها بالقالب ودخلتها بالفرن ورحت سبحت ولبست اتراك وطلعت اباوع الروحي بالمراية شلون متغيرة سمنانة شوية وصاير عندي خدود

وشعري طايل هوايه اكثر من قبل مشطتة وضفرتة وعطرت نفسي فرحانة بالمستوى الوصلت الة وما ناقصني شي غير شُــــــذير ترجعلي وتكمل حياتي

شميت ريحة الكيكة رحت بسرعة صعدتها على الفوك حسيت الباب مالت الشقة ينفتح ابتسمت ومشيت بسرعة اول ما دخل ركضت بسرعة حضنتة واتعلكت بركبتة وهوَ يردد

هُــــــــــــــــذام..... هلا هلا بعزة الروح واهلها

ضميت وجهي برڪبتة وحضنتة حيل مشتاقة الة مشة بية للداخل وعاف العلاليك من ايدة

هُــــــــــــــــذام.... توجة مشتاقلج

وحجيت و اني على وضعي

تـــــاج.... و اني اكثر حيل مشتاقة الك

باسني بركبتي كزبر جسمي من ملمس شفايفة رفعت راسي الة وبستة بعيونة

تـــــاج.... بعد لا تعوفني هالڪد اشتاقلك هوايه

هُــــــــــــــــذام..... صار حبيبتي

دنكت بستة بركبتة نفس ما سوة رفعت راسي الة لكيتة مغمض عيونة ومبتسم

هُــــــــــــــــذام..... قربج نار الي توجة

باسني براسي وكعد وكعدني بحضنة خليت راسي على صدرة واسمع دكات ڪلبة المتخربطة عجيب هالهُــــــــذام والتغير السواه بحياتي اعشقة و اتمنى ما يبتعد عني لحظة ضليت هيج الفترة طويلة الحد ما اتذكرت الكيكة طفرت من حضنة واني اردد

تـــــاج.... عزااا العزاني الكيكة احتركت

رحت للمطبخ لكيت الفرن فاصل طلعتها زينة مستوية خليت ايدي على كلبي وجريت نفس همزين دبرت الڪيڪة التفتت لكيت هُــــــــــــــــذام مكتف ومبتسم الي

هُــــــــــــــــذام.... ڪيك طابخ ڪيك وين اروح اليوم

تـــــاج.... لعد بس انتَ تطبخلي و ادللني اني هم لازم اسوي نفسك انتَ مو كتلي الحياة الزوجية اخذ وعطى؟

هز راسة ويباوعلي وعيونة يلمعن ڪأن يشوف ثمرة تعبة التعبها وياي شلون صايرة..... راح هُــــــــــــــــذام يسبح و اني ڪلبت الڪيڪة اتذكرت خاف هُــــــــــــــــذام ما متغدي صحت

تـــــاج..... هُـــــــــذامات طماطات بصلات حبيبي متغدي لا

ما سمعني رحت للحمام دكيت الباب وحجيت

تـــــاج..... هُــــــــــــــــذام متغدي؟

جاوبني
هُــــــــــــــــذام... اي اتغديت

سكتت ورجعت للمطبخ طلعت نوتيلا وكعدت اخلي على الڪيڪة غلفتها وكصصت فرولة وخليتهن على الكيكة ابتسمت ورحت بسرعة صورتها وڪصيت قطعة الهُــــــذام وخليتها بصحن واخذت شوكة ورحت للغرفة لكيتة طالع و واكف كدام المراية يمشط

تـــــاج... ضوك الكيكة اني سويتها شفايتلك تضوك ڪيڪة من ايدي

اخذ الصحن مني و ابتسم عافة على صفحة واجة شالني وكعدني على ميز التواليت

هُــــــــــــــــذام.... يصير اكلج ابدال الڪيڪة؟

تـــــاج.... ههههه ضوك الڪيڪة بالداية

اخذ قطعة منها و اكلها

هُــــــــــــــــذام.... شهل الترتيبات هاي تنكرطين انتِ وكيكتج

تـــــاج... ههههه طيبة؟

هُــــــــــــــــذام..... فد شي حبيبتي عاشت ايدج

تـــــاج... بالعافية.... بوسني

حجيتها و انطيتة خدي

هُــــــــــــــــذام.... ابوس ليش ما ابوس

باسني بخدي نزلت عن الميز وكعدنة نسولف سوية و درسني تقريباً راح انكمل منهج السادس ابتدائي شوية و دك موبايلة انخمش كلبي بس لا هم خابرولة رفع موبايلة وجاوب

هُــــــــــــــــذام..... هلا ابو علي....... زين والله انتَ شلونك... عساك دايم.... لا والله ما عندي شي.... لا لا اجلها على غير مرة..... والله ما اكدر اردك يمعود بس ما اكدر...... هذا هوَ ابو علي الله وياك

سد موبايلة

تـــــاج.... منو هذا؟

هُــــــــــــــــذام.... صديقي عزمني

تـــــاج..... متروح و الله شنو اسبوعين ما جاي للبيت وهسه بس اجيت كامت العزايم تتراكع

هُــــــــــــــــذام..... ما اكدر تـــــاج عيب من عندة عزمني ساعتين ساعة ونص و اترخص و ارجع

تـــــاج.... مو مشكلتي ما اتروح

سكت ما حجة عرفتة غلس و ايروح واني عاندت لو اني لو ابو علي

تـــــاج.... شوكت عزمك؟

هُــــــــــــــــذام.... بعد العشة

تـــــاج.... خوش

اتعشينة و شفتة راح طلع ملابسة وكعد يكوي بيهن بدل و وكف يمشط

اتكتفت وحجيت

تـــــاج.... مو بعد وقت

باوع للساعة
هُــــــــــــــــذام..... اي والله بعد وقت يلا اكمل واكعد

تـــــاج.... من كد ما مستعجل على ابو علي ماا منتبه على الساعة

ضحك ومشط شعرة لبس ساعتة وحجة

هُــــــــــــــــذام.... زعلانة؟

تـــــاج.... لا ابو علي اهم مني

هُــــــــــــــــذام..... والله بس اكعد يمهم شوية واكوم

تـــــاج.... صدڪت

سويتلة مجال حتى يعبر عبر وراح كعد بالصالة ويكلب بموبايلة سديت باب الغرفة وكلت لو اني لو ابو علي لبست اتراك ستن لون شذري حيل قصير فتحت شعري ومشطتة دا اخلي حمرة وسمعتة صاح

هُــــــــــــــــذام..... تـــــاج تعاي قفلي الباب

استعجلت بسرعة من سمعت خطواتة ناحية الغرفة ڪملت  انفتح الباب باوعلي هُــــــــــــــــذام بصدمة وما مصدك اني نفسي تـــــاج مشيت الة ولفيت ايدي على رڪبتة وغنيت بضحك واني امشي ايدي على ڪلبة

تـــــاج...... لا تطلع بهذا الليل اخاف أنا
لو ينجرح ڪلبك خاف اموت أنا

بلع ريكة وسدة الباب مشة ايدة على خصري وحجة

هُــــــــــــــــذام.... انعل والديه اليطلع اليوم

رفعت راسي وضحكت شالني وهوَ يوزع بوسات على كامل جسمي اخذني للچرباية وصار فوڪي اتقرب الي بس اذاني اكثر من اول مرة اتأذيت حيل كل ما يريد يبتعد يحضني مرة ثانية الحد ما اني دفعتة ابتعد واتمدد يمي اخذني الحضنة وباسني براسي

تـــــاج... اذيتني ليش هيج

هُــــــــــــــــذام.... اسف حبيبتي

سكتت وضميت راسي بصدرة

تـــــاج..... تحبني؟

هُــــــــــــــــذام..... اهواج مو بس احبج وانتِ؟

اتنهدت وسكتت مدة طويلة وحجيت

تـــــاج.... اني فرحانة بيك هوايه تذكر من مرة ڪتلي الله يعوض؟ اتأكدت انُ الله عوضني بيك وعوضني بالصبر فرحانة بيك وبوجودك بحياتي صرتلي سند بعد تعب هوايه سنين تهد الحيل اني سامعة يكولون لا تمدح احد تحبة كدامة لأن يتكبر الا انتَ اني اعرفك شنو هُــــــــــــــــذامي ياليت ما تڪسرني بيوم لأن صرت جزء لا مو جزء انتَ ڪُل حياتي اني اعتبرك انتَ اخر محطة بحياتي ومن عدها حياتي بدت تستقر مرات اصفن واتذكر شلون جنت عايشة وشلون من دخلت الحياتي غيرتها وقربتني من ڪُل شي زين ما اتمنى تبتعد عني ابد وغلاتك حيل جبيرة بڪلبي هههه يمكن تستغرب لأن هذي اول مرة اصارحك بهيج كلام بس صدك ڪُلة طالع من ڪلبي

باسني بشعري واخذ ايدي باسهن

هُــــــــــــــــذام.... انتِ عيوني الاشوف بيهن اني حبيت ايامي الجديدة والقديمة وياج انتِ  لذتي لذة حياتي

ابتسمت على گلامة رفعت نفسي الة وبستة بركبتة اخذ شفايفي بين شفايفة راد يرجع يتقرب الي ودك موبايلة رفعة بسرعة وباوعلي

هُــــــــــــــــذام..... جؤ هذا ابو علي والله فشلة

تـــــاج..... عادي اني اهم

ابتسم وجاوبة

هُــــــــــــــــذام.... وعليكم السلام... ما كدرت عطلت السيارة اي وداعتك خليها على غير يوم ههههه تسلم ممنون منك..... لا والله سلامتك يلا مع السلامة

سداه وبلوعلي بلوم

هُــــــــــــــــذام.... جذبت بسببج لازم تعويض

يحجي ويمشي ايدة على خصري دفعتة وضحكت رجع دك تلفونة

هُــــــــــــــــذام.... شبي اليوم ابو علي حالف يكطع رزقي

جاوب موبايلة عقد حاجبة وحجة

هُــــــــــــــــذام..... جاي جاي انطوه علاج على ما اجي..... مسافة الطريق

كام بسرعة جريت اللحاف على جسمي وعدلت كعدتي

تـــــاج... شنو وين رايح

جاوبني وهوَ يدكم قميصة

هُــــــــــــــــذام.... صارت شغلة رايح

تـــــاج.... بس هُــــــــــــــــذام انتَ العصر اجيت وهسه راح اتروح؟

هُــــــــــــــــذام..... مو بكيفي لازم اروح

تـــــاج..... بس هُــــــــــــــــذام ما

مالحكت احجي اخذ غراضة وطلع بهت وجهي والدمعة وصلت بطرف عيني شنو ڪُل ما يجي الي يتصلون عليه حتى يرجع نزلن ادموعي مسحتهن بسرعة واني احاول اقنع نفسي انُ اهله مهمين و واجبة تجاهم ما ادري يجوز ظروف عدهم بس اني هم زوجتة وهاي تعتبر ايام زواجنة مو لازم هم يخصصللي وقت مو ڪُل ما يفرغ يلا يجي اختنكت من تصرفة كمت بصعوبة لبست ملابسي واخذتلي ملابس ودخلت سبحت طلعت اخذت الموبايل دكيت عليه اكثر من مرة ما يرد اخر شي دزيت

تـــــاج...... هُــــــــــــــــذام والله اذا ما رديت اسوي شي ما يعجبك

شافها ودز

هُــــــــــــــــذام.... مشغول بعدين نحجي

تـــــاج... هسه صار شغلك اهم من تـــــاج؟

دزيتها وسديت الموبايل انقهرت من تصرفة بسرعة انكلب بس خابرولة مسحت ادموعي وحاولت اهدي نفسي ما كدرت يمكن البعض يشوفني ابالغ بس مو بأيدي انسان صارلي ڪُلشي طبعاً اغار عليه واريدة يمي واضوج اذا غير نبرة صوتة وياي مو عاد اذا عافني الثاني يوم على نفس الوضع جنت كاعدة على الچرباية وضامة رجلي الصدري وعيني على التلفزيون بس بالي شارد انفتح الباب ودخل هُــــــــــــــــذام شافني صافنة اتنهد وخلة سويجة على الميز واتقدم يمي

هُــــــــــــــــذام.... زعلانة تـــــاج؟

درت وجهي عنة

هُــــــــــــــــذام.... تـــــاج شنو السالفة بسرعة اتزعلين

ما حاجيت اتقدم ودنك يريد يبوسني براسي بسرعة كمت طفيت التلفزيون وطلعت من الغرفة شوية وطلع بأيدة ملابسة دخل للحمام سبح وطلع اجة كعد يمي مد ايدة الشعري ويلعب بي

هُــــــــــــــــذام..... توجاية غنوجتي عليمن زعلانة؟

دفعت ايدة عني

هُــــــــــــــــذام.... هسه غير تحجين حتى نتفاهم

تـــــاج.... ما اريد اتفاهم وياك عليمن جاي ومتعب نفسك هسه شوية ويتصلون عليك

هُــــــــــــــــذام..... لا تفكرين بس بنفسج جوجة هم اهلي و الهم واجب عليّ اتبرة منهم يعني؟

تـــــاج..... واني هم زوجتك شنو تجيلك نص يوم واتروح يا اما تعدل او لا تجي

هُــــــــــــــــذام... صار وبعد؟

تـــــاج.... رجاءً عوفني ولا تحجي وياي

حضني من كتفاتي

هُــــــــــــــــذام.... لا مالت اعوفج ما اكدر

دمعن عيوني ودفغتة من صدرة
تـــــاج.... والله جذاب تكدر عفتني اسبوعين ما اجيت وهسه يوم ومن اتصل بيك تسدة بوجهي وخر عني ما وخر

لزمني من ايدي وقيدني بحضنة
هُــــــــــــــــذام..... كافي توجة لا تبجين مو قصدي اسدة بس جانت هوسه وبالمستشفى ما اكدر ارد شتردين اغلق التلفون هسه حتى محد يتصل؟

هزيت راسي بأي طلع موبايلة من جيبة وغلقة

هُــــــــــــــــذام.... وهسه؟

تـــــاج.... بعدني زعلانة

هُــــــــــــــــذام... تعاي اراضيج بغير طريقة

ما كدرت الزم ضحكتي ضحكت ودفعتة واني اردد

تـــــاج.... ادبسزز

ضربني براسي
هُــــــــــــــــذام..... شكلنة على الغلط؟

تـــــاج.... نسيت

سكت وما راد يضوجني طلع علبة من جيبة فتحها بيها حلقتين  ابتسمت واخذ الحلقة ولزم ايدي باسني بيها ولبسني الحلقة اخذت الحلقة الثانية ولزمت كف ايدة بستة بالشامة الي بكفة مثل ما سوة ولبستة الحلقة اخذني الحضنة ويمسح على شعري اتنهدت شكد ما احاول ازعل ما اكدر متلعقة بي وحابتة الى ابعد درجة وخايفة خاف ما يدوملي لأن حظي واعرفة اي احد احبة ايروح مني

بستة بصدرة وغمضت عيوني ونمت بدون لا احس بنفسي فزيت الساعة بـ12 بالليل شبعانة نوم اجت عيني على هُـــــــــذام متمدد يمي و يكلب بموبايلة انتبه الي كعدت

هُـــــــــذام.... صح النوم توجة

ابتسمتلة و كمت غسلت ورجعت اتمددت بحضنة واخذت موبايلي صارت بية سولة دخلت على الكوكل واكلب صادفتني ڪلمة ••سادي•• ما فهمت معناها باوعت الهُــذام غافي نغزتة بخصرة

تــــاج.... اكعد هُـــــــــذام خلي انسولف

جاوبني و هوَ مغمض عيونة

هُـــــــــذام.... توجة خليني نايم

تــــاج.... بس سؤال و ارجع نام

باوعلي بتك عين

هُـــــــــذام... ها حبيبي

تــــاج.... اكلك السادي هم من عشيرتكم؟

عقد حاجبة ما مفتهم

هُـــــــــذام... شنو ولِـج؟

تــــاج.... السادي السادي شبيك هم من عشيرتكم؟

مسح وجهة وضحك

هُـــــــــذام..... استغفر الله يا الهي انتِ يومية تفصلين هيج بالليل؟

تــــاج.... لا ما اسمحلك قريتة بالكوكل

هُـــــــــذام.... الكوكل خربج و الله و بالله بابا سادي يعني واحد مو خوش عوفي معناه ما يفيدج

تــــاج.... اهو احجي حباب

حجالي مختصر عنة بقيت صافنة هوَ غمض عيونة ورجع نام نغزتة بخاصرتة وحجيت

تــــاج.... يلا غني يا طيبة يا طيبة يا دوا العيانا

هُـــــــــذام.... هههههههههههه استغفر الله الصبر يا ربي عليج العباس نامي تــاج

تــــاج.... يلا نام سكتت

حسيتة غفة خليت رجل على رجل وصفنت بالسكف ما نعسانة و وين اروح اخر شي اجت بـبالي اغنية سخيفة غنيت بصوت عالي

تــــاج...

ركبني المرجـيحة
حلوة قوي ومريحة
ركبني المرجـيحة
حلوة قوي ومريحة

أنا خايف أقرب منّك
لتيجي طنط مديـحـة

حوشوها عني
طنط مديـحـة
هتجـنـنـي
طنط مديـحـة
حوشوها عني
طنط مديـحـة
هتجـنـنـي
طنط مديـحـة

ألاقي فـيـن ؟؟
الحب فـيـن ؟؟

ألاقي فـيـن ؟؟
الحب فـيـن ؟؟

قالـولي فـيـن؟
الحب فـيـن ؟

قالـولي فـيـن؟
الحب فـيـن ؟

رڪبني المرجـيحة
حلو

هُـــــــــذام..... تــــاج من واحد للعشرة اذا ما نمتي اركبج خوش مرجيحة

بس سمعت هيج فتحت عيوني بصدمة وجريت الغطة وغطيت حتى راسي ونمت

كعدت الصبح لكيت نفسي بحضنة انسحبت من حضنة ورحت غسلت وصليت صلاة الصبح قضى ضجت لأن غلبني النعاس وما صليتها بوقتها.... رجعت اتمددت يمة وسحبت موبايلي باوعت للتاريخ اليوم جمعة اشوفة باقي نايم ضليت اكلب الحد ما لكيت نفسي االة داخلة على نفس الكتاب مالت رومانسيات زوجية

داقرة ووصلت الجزء اسمة ليلة البرتقال مندمجة و اقرة ما احس الة صوت يمي ضحكة عالية باوعت الهُــــــذام لكيتة وجهة احمر من الضحك انفجر بالضحك خزرتة

تـــــاج.... مااا هُــــــــــــــــذام لتضحككككك

هُــــــــــــــــذام..... هههههههههههههه اكلللج شسوييي انييي ليلة البرتقال واتركصيلي على اغنية يالبرتقالة تيرررا تيررررا هُــــــــــــــــذام يكعد وزن

تـــــاج.... عليك الزهرة اسكت هُــــــــــــــــذام والله ما مسويتة الك بس دا اقرة

ضحك وكام وهوَ يردد

هُــــــــــــــــذام....يالبرتقالة تيرا را راا عذبتي حالةةة

غميت الكتاب وكلت انتحر اذا بعد ارجع اقراه اتريكنة اني و هُــــــــــــــــذام بعدين كعدنة انظف البيت وهوَ يعلمني واني اطبق وطبعاً اخرب

هُــــــــــــــــذام..... توجة اليوم صديقي عازمني على عرس واخذج وياي

التفتت الة...

تـــــاج.... لا هُــــــــــــــــذام استحي وحدي ما اروح

هُــــــــــــــــذام... مختلط العرس يعني اني وياج

تـــــاج.... ما ادري اشوف

هُــــــــــــــــذام.... تردين ادز على سما تجي ويانة؟

هزيت راسي وابتسمت

تـــــاج.... اي دز عليها

اشر على عيونة واخذ موبايلة وخبر الها ما ردت دز الها رسالة كملنة تنضيف وراح هُـــــــــذام فتح المجمدة

هُـــــــــذام..... شنو مشتهية اسويلج غدة

تــــاج.... برياني

طلع دجاج وفتح عليه مي حار رحت وكفت يمة

تــــاج.... خلي اساعدك

هُـــــــــذام.... كصيي بتيتة

تــــاج... هه قصدك بطاطا

حجيتها واتذكرت اغنية خليت ايدي على رڪبتة وحركت خصري و غنيت

تــــاج... ع البساطة البساطة و يا عيني ع البساطة
ع البساطة البساطة و يا عيني ع البساطة
قديش مستحلية عيش جنبك يا أبو الدراويش
تغذيني جبنة و زيتونة و تعشيني باطاطا
ع البساطة البساطة

ضحك وكعد يطبخ واني كصصت بتيتة و سويت سلطة  شوية ودك موبايلة

هُــــــــــــــــذام.... نسنس روحي شوفي منو يتصل

كمت غسلت ايدي ورحت للصالة لكيت سما تتصل جاوبتها

سما.... هلاو خالو

تـــــاج.... اني تـــــاج

سما..... ها هلاو شلونج

تـــــاج..... الحمدُ لله انتِ شلونج

سما..... زينة والله اريد اروح للعرس بس ما اكدر الظهر راح نطلع للزيارة

تـــــاج.... براحتج حبيبتي زيارة مقبولة مقدماً

سما.... امين وبعدين ليش ما ترحون وحدكم شتسوين بية خلي ايدج بأيد رجلج و روحي لا اتخلينة ايروح وحدة هناك اكو نسوان هذا صديقة خواتة صاكات لأبعد حد

تـــــاج.... هههه ترا زوجي اثق بي

سما.... الرجاجيل ما تتأمن روحي روحي وياه

اختفت ابتسامتي بس لا صدُك كلامها خلي اروح وياه احسن

تـــــاج... تمام اروح وياه

سما... عاشت ايدج يلا باي اروح احضر ملابسي

تـــــاج.... باي توصلون بالسلامة

سديتة وكمت لكيت هُــــــــــــــــذام يرتب بالمطبخ ومكمل حتى السلطة الصارلي بيها سنة

هُــــــــــــــــذام.... هاي سمية؟

تـــــاج... اي تكول ما اكدر اروح راح نطلع للزيارة

هُــــــــــــــــذام... و انتِ؟

تـــــاج.... اروح طبعاً

.
.
.
.

انتظرو الجزء الثاني من البارت