مرت فترة طويلة بدون لا انشر بارت
هذا البارت الطويل لخاطر هذول الي جاي يتفاعلون ويا كل بارت
مشاهدة ممتعة
ـــــــــــــــــــــــــــــــــــــــــــــــــــــ
واكف داخل الشقة وعينه مثبته على شباك يراقب الشخص الغريب الي صارله يومين يفتر بنفس المكان صبح و الليل استغرب يزن الوضع لان كل الي بهالمنطقة يعرفهم بسبب كعدته الطويلة هنا لكن هذا شخص اول مره يشوفه من غير وضعه المشكوك كأنه يراقب شخص كل الي اجه باله انه واحد من جماعة جسار بس سؤال هنا ليش ممكن جسار يخلي واحد من جماعته هنا طول هاي اليومين وهو منتظر جسار يمر عليه علمود يسأله ولانه يعرف موعد قدوم ثاني كعد من وكت ينتظره لمح سيارة جسار اول ما دخلت الفرع الشخص الغريب جان واكف ركض بأتجاه معاكس عقد يزن حواجبه من هذا الوضع وحس ان اكو شخص ثاني غير جسار يعرف وين عايش،
بسبب شردوه وتفكيره العميق ما انتبه لدخول جسار للشقة وهو يشوف هيئه ثانية الواكف بدون حراك يفكر بعدة اشياء شعدك واكف هيج شنو تنتظرني؟ التفت يزن على صوت جسار الي تقدم منه وحاوط خصره بأيده وضل يبوس بشفايف ثاني ما مخليه اله مجال يحجي اسمع شنو اريد احجي اول كال يزن وهو يخلي اديه على شفايف جسار علمود يتوقف، عقد جسار حواجبه على منع ثاني اله وگال اتمنى حجيك مهم اكثر من الي گاعد اسويه هسه،
ليش مخلي واحد من جماعتك يوكف هنا هاليومين شسالفة تدري بيه كلش زين ما راح اشرد گال يزن كلامه وهو يبتعد من جسار كاعد بالگاع، وانت تدري بيه ما راح اخلي واحد من جماعتي يعرف مكانك، محد يعرف هاي الشقة بس انا و انت والي خلقك ابتسم يزن بحماس غريب لعد هسه صار اكو اشخاص ثانين يعرفون بهالمكان تقدم جسار من يزن وهو يحاول يتحكم بأعصابه مسلت عدل شنو سالفة لا افصمك هسه
زم يزن شفايفه وگال بكل بساطة اكو شخص هاي اليومين يفتر هنا بهذا المكان غريب مو من هاي المنطقة اصلا فا عبالي واحد من جماعتك بالبداية بس انت اول ما دخلت سيارتك للفرع شرد اول ما كمل يزن كلامه طفر جسار من مكانه بسرعه ساحب تلفونه طالع من شقة كلها وجان وجهه احمر من العصبيه راح وراه يزن يريد يعرف شبيه بس ايد جسار الي دفعته داخل شقة خلته يتراجع خطوات قبل لا يشوف جسار يطلع ويقفل الباب من بره
اتجه يزن للشباك مال شقة وشاف سيارة جسار تغادر المكان استغرب من هذا التصرف بس ما انطه اهتمام للموضوع وراح شمر نفسه على الفراش مقرر ينام لان ما عنده شي يسويه غير النوم
ساعة او ساعتين بس وسمع صوت قوي يضرب باب الشقة كعد بفزع و اتجه يشوف من فتحه الباب وجانوا مجموعة من الرجال الي لابس ملابس سود بالكامل يحاولون يقتحمون الشقة بلع ريگه برعب وضلت عيونه دور على كامل شقة يحاول يشوف اله مهرب او شي يدافع بيه عن نفسه، ركض للمطبخ اخذ سجينه وتنهد على غبائه لان هذول اكيد ما جايين فارغين وعدهم اسلحه شتفيده سجين وهو واكف ما حس الا الباب ينكسر و يدخلون عليه رافعين الأسلحه بوجهه وهت بكل استسلام رمه السجين بالارض ورفع اديه
اخذه منا بسرعه حجه احد الاشخاص الي لابسين اسود يأمر الي بصفه الي اول ما تقدم من يزن يريد يسحبه طلقة اخترقت راسه مسببه صدمه لكل الي واگفين الي سرعان ما التفتوا يشوفون منو الي اطلق عليهم و الي جانت مجموعه ثانية من الاشخاص الي لابسين اسود وهمه يوجهون الاسحله عليهم كل هذا صاير تحت انظار يزن الي فرحان بالي گاعد يصير كون روتين حياته متعب من الملل وهذا اول شي حماسي يشوفه هنا وهو جان يريد يشوف عركتهم سوا حس بأيد تسحبه التفت وشاف جسار الي سحبه مطلعة من الشقة بدون لا يحجي شي وبسرعة،
و اول ما طلع لخارج الشقة واجت عليه نسمه هوا اتنفس بسعادة و كأنه طير محبوس من الولادة وهاي المره الاولى اله يغادر قفصه دفع ايد جسار بدون إراده منه وضل يركض بالشارع لو يفتر حول نفسه ويلمس الاشجار البزازين الي بالشارع وهو يضحك بكل ساعدة ما مصدگ انه طلع من هذا السجن ما يعرف منو هجم عليه او ليش بس هو ممتن اله بفضله طلع من هذا المكان إما جسار كان ناوي يعصب عليه لان دفع ايده بس بعد ما شاف منظره سعيد هذا وضحكاته الي مر فتره طويلة ما شايفهم سكت بدون لا يگول شي و اكتفى يبتسم على منظره
سيد جسار تم تنظيف داخل كله كان هذا صوت جلال الي وگف بصف جسار يگله بالوضع ماكو واحد بيهم عدل؟ حجه جسار بتساؤل لا للأسف سيدي كلهم انقتلوا همهم جسار تمام ارجعوا لأماكنكم خلص شغلنا هنا بس اتصل على مصطفى ينظف المكان قبل لا تجي الشرطة
سيدي و بالنسبة للشقة؟ تسائل جلال
احرگوها ماكو بعد فايدة من وجودها گال جسار كلامه وعينه جانت مثبته على يزن الي كاعد يبوگ ورد من حديقة واحد من البيوت
ـــــــــــــــــــــــــــــــــــــــــــــــــــــــ
قبل يومين
جان غيث كاعد وبصفه مَجن وهمه يحاولن يحلون الشفرات الموجودة بالحساب بالنسبة الـ مَجن اول مره يشوف هيج شي لانه متعود يهكر حسابات مشاهر وناس معروفه مو اشخاص غريبه ما ينعرفون همه عصابة مدري شنو قصتهم جان بس يباوع على خطوات غيث و سرعته بالكتابة، بالنسبة الغيهب فا هو طلع من هذا المستودع من ساعة وبعد ماكو اله اثر، مَجن لحد هسه ما فاهم شنو فايده وجوده هنا دام الشغل على غيث وهو هكر الحساب وخلص بدل لا يكمل نومه جاي هنا وما مفتهم شسالفة، اول ما گام من مكانه رفع راسه غيث وگال
خير وين رايح؟ باوع عليه مَجن و گال صارلي هنا ساعين راح طگ مثانتي وين الحمامات رفع غيث حاجبه ترا غيب گلي اخليك يمي لحد ما يرجع خاف نوب تشرد وانشگ انا باوع عليه مَجن بنفاذ صبر وين اشرد مثلا هو انا اعرف انا وين اصلا وماكو سبب يخلني اشرد
انزين انزين لا تهذي هواي امشي گدامي مشى غيث وتبعه مَجن لحد ما وصل للحمامات راد يدخل مَجن و ما زال غيث يتبعه خيرك شني راح تدخل وياي تشوفني شلون ابول ضحك غيث و گال وهو يلعب بشعر ويگول بدلع ما يرهم على وجهه لا عيني حبيبي ختشيبي صطوف يقار اشوف عير غيره، رفع مَجن اصبعه الاوسط بوجهه و ساد الباب، إما غيث ضل ينتظره الحد ما طلع ورجع يكمل شغله ما مرت الا دقايق وطفر غيث من مكانه يهز بخصره ويغني تحت عيون مَجن المستغرب على خبال ثاني
و هلا هلا طلعت الموقع بخبرتي وذكائي الي يفوق كل انسان هنا و هلا هلا وعلى عناد غيهب هلا هلا، تقدم مَجن من لابتوب وشاف ان غيث فعلا حل كل الشفارت الموجوده بالحساب بساعتين ونص يكره يعترف مَجن بهذا الشي لكن غيث فعلا مستوى ثاني مقارنه بيه
لو ما هذا الخبال الي عليك جان احترمتك احترام عقد غيث حواجبه ليش تحسسني نازع الباسي و افر بيه ترا صارلي ساعتين مگالبك لا تحجي لا تسولف لا شي لعبت نفسي ما استعجلت روحي اخلص بس حتى اخلص منك قبل لا يحجي مَجن دخل غيهب وياه جلال و مصطفى وثنين اشخاص جانوا يضحكون ويسولفون اول ما شاوفوهم سكتوا، رفع راسه غيث وشاف مصطفى و ما هيه الا ثانية و ركض ركضه حاضنه ومتعلگ برگبته بينما الثاني جان يحاول يبعده مستحي من غيهب لان يشوفهم
والله لو ادري يا غيهب شمسوي المصطفى علمود هيج يخاف منك ويستحي جان رتاحيت گال غيث كلامه بأنزعاج مبتعد عن مصطفى يمثل الزعل لان الآخر جان دائماً يتجنب يحضنه او يحجي وياه هواي كدام غيهب
ما مسوي شي بس هو انسان متزن يعرف يفرق بين الشغل وغرفه النوم مو مخبل وكل همه العب و الونسه گال غيهب كلامه يقصد غيث الي رفع حاجبه يأشر على نفسه تقصدني انا؟ هسه من حلاة شغلكم يگول شركات وهيج شو احنه نگود علني اتجه غيث للابتوب سحبه و انطاه الغيهب الي اخذه وشاف الموقع
هذا موقع شنو؟ سأل غيهب وهو يشوف الموقع هذا موقع شقة مسجله بأسم ابوك وحسب الي شفته بالكاميرات مال المكان ان ابوك يجي لهذا المكان كل يومين يدخل احد الشقق الي ما كدرت احددهن فتره ويطلع وتكررت هاي اكثر من مره لو مرتين اكو تسجيلات محذوفة او قديمه ما تنفتح يعني الواضع هاي سالفة من زمان إضافة ان الحساب هذا متروك من فتره مو طويلة و محذوف هذا الي كدرت افتهمه من مَجن
هز غيهب راسه على المعومات الي سمعها و ما جان يحتاج اكثر من هيج حتى يتأكد سبب ان ابوه يتردد لهيج اماكن، التفت لـ جلال هذا الموقع الموجود هنا اريدك تروحله وتضل هنا صبح و الليل تراقب كل صغيرة وجبيره و اي شي تشوفه لو تعرفه تگلي عليه بالحرف الواحد فاهم؟ ، هز جلال راسه مثل ما تأمر
احم ماريد اقاطعكم انتم وهذا شغلكم بس اعتقد ماكو داعي ابقى هنا رجعوني للبيت جان هذا مَجن الي اسمتع للحديث من البداية لكن ما حجه اي شي لحد ما خلصوا، و اول ما كمل كلامه التفتوا عليه هذا المن بعده هنا؟ سأل غيهب غيث بنوع من الانزعاج،
ها شبيك غهيب اجاك زهايمر مو انتَ گتلي خليه يمك لحد ما اجي حجه غيث بأستغراب لانه بكل بساطة سوا الي أمره بيه غيهب، تعال بعد اخذلك راجدي، امشوا خلص شغلنا هناك
هيي شنو شسالفه وانا وين اروح حجه مَجن بعصبيه من وضعه هذا شنو مسؤول عنك انا علمود ارجعك البيتك دبر نفسك و ارجع ما تهمني گال كلامه متحرك ناوي يغادر المستودع بس أيد مَجن الي سحبه بقوة وصاح بيه لك أنتَ شنو شايفني تجيبني هنا غصب عني بمكان معزول ولا اعرف وين بالضبط وبعدين تگول هذا شعنده هنا؟؟ مثل ما جبتني لهل خرا هذا ترجعني
قبض غيهب على أيده بعصبيه وفلت ايده من ايد مَجن و ملتفت عليه ضاربه بقبضته على وجهه متسبب بسقوطه على الگاع وجرح بشفته أيدك القذرة هاي ما تكض ايدي مره ثانية اكسرها الك و احشرها بطيزك ومال ترفع صوتك علي و تتأمر اگطع السانك و ابلعك ياه مو بمقامك انا وتحجي وياي هيج
گال كلامه وسحب شعر مَجن بقوه رافعه من الارض وحس ان شعره راح يطلع من جذوره من الألم، صفعه صفعتين جانت قوية على وجهه بعدها دفعه على الگاع بشكل اقوى طالع من المكان راكب سيارته وياه جلال و الاثنين الباقين
غيث امشي يلة گال مصطفى الغيث الي واگف مكانه ما طلع ويا البقية وين امشي و اعوفه هنا راح يصير الليل وهذا المكان مو آمن حجه غيث المصطفى الي عقد حواجبه بعدم فهم اي واذا؟ انت شعليك بيه امشي لا اعوفك هنا هم ضحك غيث وگال عوفني وروح أدي دورك بكونك چلب العائلة جسار مو اول مره تعوفني متعود عليك بعد ما كمل كلامه هز مصطفى راسه مغادر المكان تحت انظار غيث الي بيها نوع من الحزن كون كالعادة جان عنده امل بسيط بالآخر ما يعوفه بس تبخرت كل آماله كالعادة،
تقدم غيث من مَجن الي بعده گاعد بالأرض وشفته تنزف دم و خدوده حمر من صفعات الاخر بالأضافة إن جانت اكو دموع متجمعه بعيونه، تقرب منه و بأيده مسح دموعه والدم القليل الي بشفته وكضه من ايده مساعده علمود يوگف ليش ما رحت وياهم ليش بقيت؟ سأل مَجن بأستغراب شوف عيني هذول كلهم گواويد وانا هم وياهم بس درجة گوادتي اقل فا ما كدرت اعوفك فا امشي
مشى غيث لدراجته و اخذ الخوذة منها لبسها المَجن و ركب وراه مَجن طالع من المكان قبل لا تظلم الدنيا اكثر وتصير المنطقة اخطر،
وصل مَجن البيتهم وبعد ما نزل مَجن گال شكرًا انصدم غيث من سمعه لانه ما توقع مَجن من نوع الاشخاص الي يتشكرون وهاي سوالف ابتسم وضربه على راسه بخفه العفو
ــــــــــــــــــــــــــــــــــــــــــــــــــــــ
كعد من النوم على ريحة اكل تجي من الطابق الاول فرك عيونه بنعاس وفتح باب الغرفة نازل من الدرج وشاف آسر و هو بالمطبخ يسوي اكل و سماعات بأذنه يتصل على احد الاشخاص
اي زمزم انتقل يعيش ويا آسر الي طبعًا ما خلاه يختار اصلا ساحبه وياه البيته وشاف ان ثاني مسوي غرفة اله وبيها اغراض جان يحلم يحصل عليها و التقى بالمربية الي جانت تشتغل هنا غزل جانت أمراة بعمر الأربعين لطيفه كلش جانت تجي نادر بس تنضف البيت وتسوي اكلات وتجمدها، ما صار اله بس يومين يعيش ويا آسر وجانت الحياة حرفيًا يمه مختلفة جان تعامله كالعادة بنفس اللطف الي تعود عليه منه او يمكن الطف اكثر يسوي اله الاكل احيانًا يدرسه يلعب وياه العب فيديو يشوف وياه افلام بالليل كل هذا تعامل جان يخلي گلب زمزم يحب آسر اكثر و اكثر لدرجه انه صار يحس نفسه راح يوصل المراحل الهوس بيه
كل هذا تعامل و الحب الي يقدمه آسر زمزم لانه يعتبره ابنه الي رباه من الصغر جان بال زمزم شوي امل انه يخلي آسر يحبه بس صدمه الي اجته من اكتشف ان آسر سحب بنيه تعرف عليها بالوقت الي جان مسافر بيه والاوقات الي جان يشوفه بيها يتصل لو يراسل جانت عنها ما يعرف منو هاي البنيه بس هو متأكد ان آسر يحبها هذا شي يأذي گلب زمزم بدرجه جبيرة كلش رغم اهتمام الاخر اله بس هو مايريد هذا الاهتمام بمسمى اب و ابنه يريده حبيب اله، احلام جبيره صح؟
من المريخ للأرض صباح الخير شبيك ماخذلك صفنات حجه آسر وهو يشيل السماعات من أذنه بعد ما خلص مكالمته ويا حبيبته هذا الي جان بعقل زمزم الي عبس وجهه ماكو شي أبتسم آسر وگرص خد زمزم هذا العبوس كله و ماكو شي؟ اعتقد مليت ليش ما تطلع ويا اصدقائك شي؟
و من گال آسر اصدقائك اجه باله مَجن الي صارله فترة طويلة ما شايفة ولا حاجي وياه!
وهو مباشرة طفر لازم اروح المَجن نسيته!! ضحك آسر على وجه زمزم بعدك ويا هذاك الجني؟ عبس زمزم على تسميه آسر لصديقة سمه مَجن مو جني! هز راسه آسر وهو يبتسم،
و بس راد يكمل كلامه قاطعه صوت الباب وتوجه الفتحة و اول ما فتح الباب تعلگت برگبته بنيه بشعر اسود طويل حاضنته بكل قوتها وهو بادلها الحضن بنفس القوة قبل لا يبوس شفايفها وهيه تبادله كله تحت انظار زمزم الي سمع صوت اشياء تتكسر بقوة وماكو غير گلبه الي انطحن طحن بعد الي شافه....
يتبع
ــــــــــــــــــــــــــــــــــــــــــــــ
شني هاي
خلصنا والله صارلي فترة طويلة ما نشرت بس هذا البارت طويل
نوب ما يجيني شغف من اكعد بمكان بارد وحلو وهدوء لا بس بالحر و الهوسه ولعبان نفس
اي خطأ لو فد شي شاطح گلولي عليه لان من الحر احس روحي جفصت
2226كلمة