كُلشي ياخُذني عليك
الصفنه واشواكيِ وحَسرتي
كُلهن يذكرني بيك وانهِ حالفَ ماجيك
﹌﹌﹌﹌﹌﹌﹌﹌﹌﹌﹌﹌﹌﹌﹌
يومين و يرحون الولد يرجعون ينزلون و انا محتارة شلون راح افارك الأيــسر اعرف هو مو اول مرة بس هل مرة مــا اعرف ليش احتاج وجودة يمكن لان عرفت انا مريضة حيل صرت نحسة
دخلت ل رؤيـــا لساتها نايمة مو من عوايدها تنام هل كد راح تصير ال11 رحـت توجهت الها ڪُعدت يم راسها
ايـــة::- كومي ولج خل نسولف ضايجة
سحبت اللحاف على وجها مزعوجة::- أريــد انام
::- كومي خايبة اظلن احرمص بيج كومي
::- يبوووو ايـــة كافي علية ظيم شروق جــنت حسرة النومة هسة أنتِ الله يسلطجن بس على رؤيـــا
ضحكت هي كامت كذلتها نازلة على عيونها تجنن شعرها اسود مي مي يلط لط
::- الولد راح ينزلون
::- وين ينزلون
::- يرحون للجبهة وين ينزلون على راسي
ضحكت كامت غسلت وجها بــ الحمام ورجعت::- روحــي تريكي ريوكج عفتة على كاونتر
::- مــا اشتهي هسة
هزيت راسي ضايجة::- شبيج ايـــة
::-ضايجة لان راح ينزلون
::- لا تضوجين كلها اسبوعين ويجون يشوفونج شل قضية
::- و الله احس مــا چــاي اشبع منهم
ضحكت تغمزلي::- منهم لو من ايسرج
شلت المخدة ضربتها بيها::- تأدبي حقيرة
ضحكت أردفــت::- رؤيـــا أريــد أڪُول الج شغلة بس بــ داعتي عنج سمعيني للاخر
::- اذا على موضوع ابن عمج سدي الموضوع مــا أريــدة انا قررت اوافق على ولد
فتحت عيوني على وسعهن::- شنننوو بــ كيفج هيج و لعباس ابو فاضل اطيح حظججج?!!!!
::- انا لْـۆ أنتِ الــي راح تزوجي?!!
::- اختج الجبيرة انا وبعدين الأيــسر ڪُال بس توافق اشوي على اذاناتها بصصصل
::- لا بــ الله?!!!
::- وجعةةة من الله لج غير رايح سال عن الولد طلع فد نوب زايعتة الڪُاع وخريج سجون وملتبس بــ اكثر من تهمة ولج هذا اذا تزوجتي مو بعيدة يخليج مدمنة
سڪُتت وجها ينطي الوان وملامح طغت عليهن الحيرة::- چــا شلون?!
::- اسمعي من عندي و وافقي على أثـــير ولقران هو يحبج صدكي يحبج صح تصرفة فاسق بس هو رايدج على سنة الله ورسولة هو لْـۆ مــا يحبج يخطبج??!! زين شمعنى هيج تصرف وياج بــ وقت الــي انخطبتي غير لان شاطت روحة
على اقل أثـــير يتفهمج و يدري بيج مــا تردي حتى لْـۆ تشرطين علية كل واحد بــ غرفة ميخالف عاد تظلين كدام عيوني باعي صح الولد مــا يتقربولج ولا يحجون وياج لان يستحرمون ولله العظيم يحبوج ويفكرون بيج وشايلين همج مثلي واكثر
أثـــير لا من النوع اليضرب ولا من النوع الــي يتجاوز على مرة و أنتِ شفتي ولدنا وشفتي شلون احنا مدللات عدهم على اقل تظمنين نفسج بعد مــا تنضربين ولا ينكسرلج خاطر هذاك فوك سوالفة المكسرة شمدرينا راح يحبج او مــا يضربج
سڪُتت تفكر أردف بــ حيرة::- مــا اعرف ايـــة خليني افكر
::- فكري زين ورجعيلي الخبر خلينا نستعجل بــ الموضوع و نسبق شروق خطوة قبل مــا تسبقنا هي مثلما يكولون نتغدة بيها قبل لا تتعشة بينا
ضحكت::- صايرة ذكية ولج
ضربتها بــ المخدة::- صايرة??!! ليش انا مو ذكية
مــاتت من الضحك::- بس لْـۆ تعرفين خبث اختج سمران ام الطليان
ضحكت::- مو خبيثة بس هي دمها ثكيل مــا تضحك بــ الوجه
غمت كصتها ورفعت اديها توخر الشال عن كصتي وتحجي::- شو طلعيلي كصتج طلعيلياها خل اغمها
وخرت الشال وغمتني لزمت راسي دايخة لان ضربتني حيل::- لييش ولج
::- ولج ثولة سمران ام الطليان صافة وي الشمطاء شروق شتردين تطلع ولج يحفرجن من جوة لجوة
صفنت بــ وجها ابتسمت اطرد افكاري::- لا بس هل ســـمر مــا تحب تعادي واحد هي مسالمة
سڪُتت رؤيـــا تهز بــ ايدها مــا راضية انطرق الباب بـــاوعت::- يمكن واحد من الولد رايحة اشوفهم
هزت راسها و انا ڪُمت فتحت الباب صار بــ وجهي الأيــسر::- ها يبنية طوبتنا طاحت فوك السطح مالتكم عادي ناخذها?!!
::- اصعدلها يوليد
ضحك::- تعالي نصعد سوة لــعد
سحب ايدي تحت ضحكتي وذهولي وصعدنا لفوك لغرفتة فتح الباب واردفت::- جبتلج شغلة بس كون تعجبج
ضحكت و هزيت راسي::- يلا شنو هي
راح للمجر طلع من عندة علاكة صغيرة و بــ داخلها كارتون مربع قدمها الها عقدت حواجبي مــا فاهمة مديت ايدي اخذها اباوعلة
ابتسم::- فتحيها
ڪُعدت على التخم وفتحتها اول مــا فتحتها وصار كارتون مال موبايل ڪُدامي عيوني كامت اطلع كلوب من الفرحة كمزت علية احظن بي::- عااااعع الأيــسر الأيــسر موبايل هذا موبايل
::- اي حبيبتي الج
ڪُمت اكمز فرحانة بي و اكلب بي منا ومنا طايرة طيور من الفرحة لزمني كعدني أردف بــ جدية::- ايـــة غير رقم انا واصيل و أثـــير وسراج وعمة جميلة وسهى مــا أريــد
::- چــا و ســـمر!!?
تنهد يــباوعلي بــ حيرة::- حتى ســـمر لا تنطيها!!
باوعتلة بــ شڪُ::- اكو شي تعرفة تريد تكولة الــي!??
صفن بــ وجهي يباوع ل ملامحي ضايج جر حسرة واردف::- عجبج اللون
رفعت حاجبي الة غير الموضوع ڪُلة ماشيتة و سڪُتت لان انا على يقين تام اليوم الخبر بــ فلوس باجر بــ بلاش
هزيت راسي مبتسمة::- حلو
::- جبتلج كفر وياه شوفي
فتحت الكفر جانت الاميرة الدينزي الــي شعرها مكوش مثل شعري ضحكت::- تشبهني
هز راسة مبتسم أردف::- مــا استاهل بوسة ام الصوت
ضحكت::- تستاهلها و بــ جدارة
تقدمت ناحيتة وبستة من خدة بوسة ام الصوت هو يضحك و فرحان لفرحتي ڪُـالي شحني ڪُمت أريــد اطلع و اشحنة
سحبني من ايدي وكعني بــ حظنة شهـــڪُت بــ صوت::- يمة الأيــسر شبيك
::- وين رايحة
::- اشحنة غير
::- بعد يومين اروح واظل اسبوعين ترديني افاركج كل عقلج
عقدت حواجبي مــا فاهمتة أردف::- ذني اليومين يمي تكضيهن مــا تعبرين باب الغرفة
::- لا الأيــسر عيب من..
::- ولله انعل ابو العيب بوية مــا شابع منج??!!!
::- ليش عصبت
::- مــا شابع منج اريدج يمي
ابتسمت بــ خجل::- ميخالف بس خل اروح أڪُول ل رؤيـــا واراويها موبايلي
هز راسة باسني من خدي وطلعت اطفر على درج نزلت بــ وجهي ل رؤيـــا جانت ترتب بــ الغرفة مالتها::- ها ولج منو اجاج
ابتسمت اطفر::- الأيــسر جابلي موبايل
كمزت تركضت اخذتة مني تباوعلي فرحانة عبالك الها الــموبايـل أردفــت::- يببببوو ولله حلو بــ العافية
::- الله يعافيج صدك اجيت اكلج رايحة يم الأيــسر يكول يومين واروح واريدج يمي
ضحكت تهز بــ حواجبها::- طول عمري معتبرتة ابوي روحــي روحــي اشبعي من ابوج
تقلد صوتي وحركاتي وتعيب علية ضربتها على كتفها اضحك وهي تضحك وياي دزيت الها بوسة بــ الهوة طلعت صاعدة للغرفة
طرقت الباب صاح::- ادخل يا حلو
دخلت لجوة مبتسمة::- ها خذتي الاذن من ست رؤيـــا
ضحكت::- اي اخذتة
::- تعالي چــا
ڪُالها وذب روحه على جرباية استحيت اتقرب هو رفع الغطة ياشرلي انام يمة::- تعالي
تقدمت بــ خطوات خجلانة ومترددت وصلت يمة هو يــباوعلي من لفوك لجوة كصني كص نزلت راسي خجلانة من عندة
سحبني حيل من ايدي طيحني بــ حظنة وجهة بــ وجهي دنكت نظرراتي عنة خجلانة::- الأيــسر
::- امممم
::- لا تباوعلي هيج استحي
ضحك حاظني على صدرة::- أحـــبچ تدرين مو
::- ادري
::- و أنتِ شوكت تحبيني??!!
::- من يبيض الديج
ضحك بــ صوت عضني من خدي دفعتة خازرتة::- وجعني ليش تعض?!
::- كيمر كيمر
ابتسمت غمضت عيوني اغفي الراحة الحاستها بــ حظنة عمري ڪُلة مــا حاستها قبل::- نعسانة?!
::- الأيــسر مــا اعرف شبية من ادوية بسرعة انام حيل چــاي يتعبني بس بــ نفس الوقت ڪُـلبي مــا ڪُام يوجعني
::- هذا الاهم بــ النسبة للنوم نامي شعندج جا??!
::- چــا اظل دوم نايمة بس اشربة انعس حتى لْـۆ ستوني ڪُاعدة من النوم
تنهد ساكت و انا غمضت عيوني حسيت بــي من يبوس بــ خدودي كلبني على ضهري يبوس بــ رڪُبتي جسمي نحل حيل
::- ايسري
جاوبني بــ صوت ذايب::- امممم
::- چــاي تاذيني
::- اتحملي حبيبتي
ڪُالها دافن وجها بــ رڪُبتي غمضت رايحة روحــي رفع راسة احمر دم عيونة ذبلانة انفاسة تلفح بــ وجهي::- ايتي
::- اممم
::- بادليني
فتحت عيوني كوة::- مــا اعرف
::- سوي مثلي وبادليني
تقرب لشفايفي مــا اعرف شلون صار هيج وبادلتة تخبل ڪُام يقسى رفع نفسة مني يلهث
حط جبيني على جبيني::- تعبتيني
::- ليش شمسوية انا
::- كولي شنو الما مسويتة بوية?! أنتِ دولبتي حالي!!
::- اامممم
دفن وجه بــ رڪُبتي::- كون أبـقى العمر ڪُلة بين صدرج وركبتج
قشعر كل جسمي كلامة نقطة ضعفي مــا اعرف شنو يصير بية من يحجي وياي بــ هل شكل!! شي بــ داخلي يتحرك حرارة بــ جسمي تصير
ثكلت انفاسي وغمضت عيوني نمت بــ راحة مدام هو موجود ڪُعدت على صوت مراسلة يم راسي فتحت عيوني اباوعلة نازع ملابسة من فوك باقي بس بــ البجامة والغرفة ثلج من السبلت
خال ايدة ورة راسة والايد الثانية يكلب بيها التفتلي مبتسم::- صح النوم
ابتسمت خجلانة رفعت الغطة غطيت وجهي وهي يضحك بــ صوت تقرب يسحب بــ الغطة ويحجي::- ولج لا تختنكين
وانا مــا اقبل اخر شي سحبة حيل مني ركضت لحظنة دفنت راسي بي هو يضحك رفعت ايدي ضربتة على اكتافة::- عيب عليك و الله
::- خاب طلعتي فاشوشي تسرسحتي من اول بوسة
فتحت عيوني ادفع بي::- عيب ترة
هو يضحك بـــاوعت على موبايل::- هذا فيس بوك?!
::- اي
::- عادي انا هم انزلة
::- اطيح حظج!!!!
رافع حاجبة خازرني أردف::- غير الفايبر مــا تنزلين نهائيا ابددد
برطمت::- ليش?!!
::- ابددد ايـــة لا تحاولين فيس ممنوع
مــا لحيت هو أردف::- كومي يلا ننزل نتغدة وهم تشربين علاجج
بـــاوعت للساعة ب3 الضهر::- هواي نايمين
::- أنتِ النمتي انا مــا نمت
::- اصلا أنت النمت مــا كدرت انام من شخيرك شايب
::- ها?!! انا شايب!!!
::- اي و الله
::- اراويج الشايب شيسوي?!!
ڪُالها و غمز طفرت من الجرباية::- شيخ الشباب بعدك بــ اول عمرك عمي انا العجوز
ضحك وكام لبس تشيرتة واخذ ايدي باسها ونزلنا لجوة الكل نايم متعودين الضهر يتغدون ويشربون چــاي و كلمن يطش لغرفتة ينام وخاصة بــ الصيف
دخلت للـ مطبخ هو ڪُعد على ميز يكلب بــ الــموبايـل بـــاوعت مسوين سوب دجاج طلعت الدجاج اقلي و حررت التمن و المرك
رحـت للثلاجة طلعت مواد اسوي زلايط واحظر اللبن ڪُلشي اسوي احطة كدامة على ميز هو مــا رفع راسة
::- الأيــسر شنو سالفتة مــا رفعت راسك صارلي ساعة اجكجك بي
رفع راسة ابتسم وذب الــموبايـل::- ها بناتي هاي ذبينا
حط الــموبايـل على ميز الطعام و بدينا ناكل بــ كل هدوء
مرن هل يومين بسرعة وما حسيت بيها واڪُفة بــ الغرفة مالتة اكوي بدلتة دموعي تنزل بــ كل مرة هاي انا وهذا حالي
طلع من الحمام شافني ابجي تنهد تقرب سحبني كعدني على رجلة محاوط خصري::- وتالي وياج كل مــا انزل تحركيني حرك بــ دموعج
مسحت عيوني و أردفــت::- مو بــ ايدي!!
تنهد رفع ايدة يمسح بــ عيوني::- لا تشلعين ڪُـلبي هناك مــا ارتاح من اروح
::- مــا اريدك تروح هل مرة من صدك مــا اريدك تروح انا تعبانة و بــ حاجتك
::- خربب يوم الدوام اليبعدني عنج ول بوية لا هيج ڪُـلبي يشتعل نار و حك علي
::- شكد راح اطولون
::- مثل كل مرة حسبي اسبوعين احنا يمج
::- وعد
::- وعد وعيونج
ابتسمت بــ حزن مــا ودي يرحون ڪُمت من حظنة اكمل كوي هو لبس مالتة الثانية وانا هاي كملتها وخليتها بــ جنطتة وخليت ڪُلشي يحتاجة
سحب جنطتة وراح نزل وانا وراه نزلت أصــيل واڪُف وي عمة جميلة الــي لازمة بــ ايدها دولكة تريد اذبها وراهم
باوعتلي وعقدت حواجبها::- مالج كلما يرحون تهلين بــ دموعج خايبة ويعة ابوي
سڪُتت و الأيــسر احتظن اكتافي و أردف::- تبجين علينا لحد يحجي وياها عوفوها حنينتنا هاي
جميلة::- مالك بس واحد يفج حلكة تمدلة اللسان شطولة حسرة علينا نكللها بز
::- مدللتي وبنيتي ومريتي تتوقعين اكو واحد يڪُدر يحاجيها وانا موجود
هزت ايدها مــا راضية وانا اباوعلة بــ كل فخر ادعي ل ربي يديملي كل العمر انا بلاهم ولا شي ايـــة بدونهم مــا تسوة شي
طلعت ســـمر و كل عادة لبسها ومكياجها و عطرها اليفوح وشعرها الطالع نصة باوع الها الأيــسر وعقد حواجبة دار وجه مــا اعرف شنو يهمس
رفعت انظاري ل أصــيل الــي واڪُف وعيونة اطلع شرار بدة يفرسها وياكلها اكل بــ سنونة تنهدت ساكتة تقربت يم الأيــسر و أردفــت::- تروح وترجعلنا بــ السلامة
هو داير وجها عنها جاوبها::- الله يسلمج ديري بالج على ايـــة اخيتج هييي
ڪُالها كاز اسنانة مــا اعرف ليش من حجة هيج حسيتة متقصد او هيج شي هي فلت وجه ورجعت خطوات لورة وبقت ساكتة العجيب مــا اهتمت ل أصــيل. الواكف ولا باوعتلة
طلعو الولد وعمة جميلة تدعيلهم وذبت وراهم مي دخلت للبيت يريد ياكلني مخنوكة من عندة حيل وضايجة
رحـت ل غرفتنا و رؤيـــا ڪُاعدة::- ها راحو
تنهد ذابة روحــي على جرباية::- اي
::- ايـــة انا وافقت
طفرت من فرشي اباوعلها بــ كل تركيز::- عليمن
::- على ابن عمج
ڪُمت اضحك واكمز مــا مصدكة::- ترة بس موافقة مـاڪُو شي
::- ميخالف حجيتي وياه
::- لا
::- شمنتظرة??!!
::- مــا أريــد اتواجه وياه أنتِ روحــي كليلة
::- بس لآزٍمٍ يسمع منج?!!
::- ايـــة مــا أريــد كوة هي?!!
::- اوكي انا اكلة
::- من البداية وصيري حبابة
::- فدددد ادبسز
ابتسمت بــ طرف شفايفها ولفت نفسها ونامت عفتها وطلعت متوجها ل غرفة أثـــير لاكتني شروق طالعة من غرفة ســـمر
باوعتلي و أردفــت::- ها راح خطيبج كمتي تفترين على اخو
::- مثلج مرت العم العزيزة راح رجلج وكمتي افتريتب على عمي
بهت وجها وانا ابتسمت بــ نصر وعفتها ودخلت ل غرفتة جان ڪُاعد يلعب بــ حاسوبة رفع عينة شافني عقد حواجبة
::- أثـــير
::- ها ايـــة
::- رؤيـــا وافقت عليك
طفر فاتح عيونة على وسعهن مــا مصدك::- شنننووو
::- لا تصيح شبيك
ڪُام يفتر على روحة يسوي حركات بــ ايدة ضحكت::- جنك متحمس يا مسكين مــا تدري بيها دزتني خاطر مــا تشوفك
بهت وجعا يــباوعلي::- لهل درجة
::- اكثر بعد اختك
::- عمت عينك أثـــير
ضحكت::- راح تسوي
تنهد::- راح افاتح ابوي هل يومين
::- استعجل لا يزوجوها وانت منتظر هل يومين
::- هاا انزل هسة
::- اي
::- شراح اكلة
::- ڪُلة احبها واريدها من سمعت بيها تريد تزوج مــا تحملت
::- علمود ينزع عكالة و على ضهري
::- الــحب تضحيات
::- اضحي بــ ضهري شايفة عكال ابوي جنة بواري
ضحكت::- بعد بــ كيفك
عفتة ونزلت دخلت للغرفة شفت رؤيـــا صافنة ڪُعدت يمها::- شبيج
::- ڪُلشي اخططلة يصير العكس
::- حظنا
::- مــا فد يوم مشى عدل وياي ابد مــا اعرف وين جــنت من توزع الحظ عد البنات
::- جنا نايمين
::- وفي طريقنا الى السعادة بنچر التاير
ضحكت::- وطار فارس الاحلام
::- عطل الفرس مالتة
متت من الضحك عليها ظلينا كاعدين شوية ونسمع صوت شروق تهلهل بــ صوتها هرجتنا هرج
طلعت اشوف شبيها و اسمعها مفرفحة تحجي وي عمي::- انا انطيت حجاية للولد
وعمي يجاوبها::- كليلهم مـاڪُو نصيب والبت مــا تريد
::- مــا تريد و ورة يومين يسمعون خطبتها من ابنك هو هيج الحجي يا شيخ هاي المرجية منك
::- ليش ابني مو بــ المقام
::- لاااا مووو هيججج بس مــا أريــد مــا اريدها انا ردت ابعدها عني شلعت ڪُـلبي بــ صلافتها
جاوب أثـــير بــ نتر::- راح تصير بــ مسؤوليتي وخليها تتصلاف وياي فدوة الها
شروق كامت تشيل روحــها وتركعها بــ الڪُاع::- لاا مــا اسمح اناا انطيت حجاية
خصم الحديث عمي من ڪُال::- رضيتي ام لا انا باجر غباش لخوها اريدن افاتحنة بــ الموضوع
سڪُتت مقهورة بـــاوعت ل رؤيـــا واڪُفة وملامحها باردة مـاڪُو اي ردة فعل على هوسة كلها انا ضجت وهي ابد
دخلنا لغرفتنا اباوعلها مصدومة::- عادي ابجي سوي روحج متاثرة مرت ابوج السابقة تتطعن بيج
::- عشتو وانا باقية على حجيها ان حجت وان ضلت طز بيها وب حجيها ايـــة لا تصيرين ثولة خلي عندج ثقة بــ نفسج مو من كلمتين نزلتي دموعج هاي الدموع الــي اذا تجمعت يصيرن جواهر
يعني شوفي الدموع شلون غالية?!! انزلهن على شروق الخيسة دخل تولي
كالتها ولفت روحــها بــ البطانية و فعلا من الصبح وراح عمي لاخو رؤيـــا حتى يخطبها بس الــي صدمنا من اخو رؤيـــا قابل عمي بــ الرفض حتى مــا انطاه مجال يحجي
و اجة عمي متسودن شلون انا شيخ الديرة يرفضلي طلب::- واحد مستهتر مــا عندة كل احترامات صوجي انا رحـت خطبت منة
شنو هو واحد مستهتر زايعتة الڪُاع خل يجي ياخذ اختة لا نريدة ولا نريد اختة شنو بــ حالهم المفروض يحبون اديهم وجه وكفة لان كلبناهم هسة ازوج ابني لاسيادهم مــا شايفين
وظل يحجي اشكال الوان غمضت عيونها رؤيـــا بــ قهر ونزلن دموعها جرت علاكة وكامت تحط بيهن ملابسها وانا واڪُفة احرمص الها مــا تروح دموعي على خدي
::- رؤيـــا شبيج لا ترحين هسة يجي أثـــير من الجامعة ولله ويلكة حل فدوة اروحلج لا تتصرفين هيج تصرفات
::- مــا أريــد ايـــة مــا أريــد شفتي شلون يعايرني اموت وما أبـقى هنا حتى لْـۆ اجة ابن عمج و حجة انا بعد مــا أريــدة
سمعنا صوت اثير هوسة وصياح وعمة جميلة وسهاوي يصيحن جريت شالي وطلعت بــ الطارمة واشوف أثـــير ماطل اخو رؤيـــا ومدافس بــ نص الطارمة
ڪُـلبي ڪُام يرعد من الخوف ودموعي تهل ركضت رؤيـــا تبجي تجر بــ أثـــير وتصيح::- لا تضربة لا تضربة عوفة حباب عوفة
وخر عنها أثـــير يباوعلها جسمة ڪُلة يرجف عيونة حمر صاح بيها::- دخخخللييي لجوووة
وهذاك اخوها سمع أثـــير وهاج علية::- شنننو ولكك تصييح علييها شوو
و أثـــير تسودن زنكة نيمة بــ الڪُاع ويصرخ::- هسة تذكرت عندك اخت يا كو*** هسة تذكرت وين جــنت ڵـڱ وين جــنت
من بعد صياح وغلط دخلو جيران بفاككون بــ أثـــير و اخوها وهي ترجف اجت عمة جميلة تبجي وتدفع بينا تريدنا ندخل لجوة
صاح اخو رؤيـــا::- عمميي انطووني اختييي هيي ههاايي شيييمم الشيوووخ انطووني اختتي
ياا ناسس ياا عالمم اختي خاليينهاا عددهمم اجااهاا نصصييب وارييددن ازووجهااا ماا يقبلوون ضاامينهاا عددهمم
هو هيج حجة وعمي تخبل اجة يمنا يسحل بــ رؤيـــا جلبت بيها اصرخ::- عمي فدوة لا
لا تاخذها فدوة اروحلك لا تاخذها حرام و الله حرام عليكم
مــا احس الا جابني بــ راجدي وكعني بــ الڪُاع::- ووخررريي بتت الكللبب
عيوني ڪُمت مــا اشوف بيهن اجت عمة سهاوي كومتني ترجف وتبجي ركضت أريــد امنع عمي وهنا مجلبات بية مــا يخلني اتحرك فرفحت روحــي صحت بــ كل صوت
::- اثيررررررر اثيييرررر وللككك اخذوووو رؤياااااا
جان يحجي وي الوادم التفتت على عمي يسحل بــ رؤيـــا الــي مــاتت انتهت بــ ايدة تخبل ڪُام يدفع بــ الوادم و شروق صاحت
::- لزمو لزمو
لزمو ثنين يحجون وياه وهو بــ كل مــا عندة حيل دفعهم وكعهم بــ الڪُاع وطفر علي عمي وذاك اخو رؤيـــا من شافها تسودن
الوادم تحجي منا وتصيح ة منا عمي ومنا اخوها صارت اصواتنا على كبر الديرة
الوادم وكفو وي اخوها ويصيحون شنو هي لا بتكم ولا تعرفكم انطوها لخوها عيب هل تصرفات وعمي من يسمعها هيج يكولون مــا اعرف شلون يتصرف يتسودن بس كون يطلع بــ الوجه الابيض كدامهم مــا يهمة ابنة الــي مفرفحة روحة
اخر شي مــا اعرف شلون اخو رؤيـــا مغافلهم وماخذ الكرك بس شفتة انشليت ردت بس احجي بس اكوم عيوني فتحن وحدهن أريــد انطق أريــد احجي
شال الكرك بــ كل مــا عندة قـــوة وضرب راس أثـــير الــي تفلش ووكع مــا يحرك لا ايد ولا رجل والدم ترس الطارمة
و بــ نفس الدقيقة وكعت واحتل السواد عيوني فتحت عيوني بعد مدة بـــاوعت بس انا بــ الغرفة مــا اعرف شنو الصار مــا جاي اتذكر اباوع حولي ڪُـلبي يريد يموتني من الالم
شوي شوي بديت استذكر الاحداث فتحت عيوني على وسعهن وطفرت من فراشي لزمني وجع بــ ڪُـلبي لزمتة افرك بي ڪُعدت مهدود حيلي
انفتحت الباب التفتت شفت ســـمر حال الضيم حالها وجها اصفر ليمون بجيت::- ســـمر تعاي
اجت يمي حظنتني بادلتلها ابجي::- وين رؤيـــا وين أثـــير شصار بيهم فدوة كليلي راح اموت من الخوف عليهم
شهـــڪُت::- أثير فاقد بــ المستشفى الضربة اجت على راسة حيل والبنية مــا ادري بيها من اخذها اخوها
بجيت::- هسة الله يعلم شصار بــ حالهم اتصلتو بــ الولد?!!
::- اجة أصــيل رجع بــ الطريق
::- و الأيــسر
جرت حسرة و حجت::- لا مــا كدر يجي
سحبت الــموبايـل يم راسي ودخلت على حسابة كاتبتة ايسري::- من تروح تلتم علية المشاكل دموعي تنزل بس من تفاركني الأيــسر انا يتيمة بــ دونك
نزلت دموعي مستهضة بـــاوعت ل ســـمر::- شفتي شلون شتم اهلي وضربني
::- خل يولي خل يجون الولد وكليلهم محد يسكتلة
::- خل يجي الأيــسر و اكلة
سڪُتت تباوعلي رجعت ڪُالت::- صح اكره رؤيـــا وما اطيقها بس كسرت ڪُـلبي اليوم من شافت أثـــير كامت تلطم ونهارت تصيح لاخوها اروح اروح واوافق على ولد بس لا تضربة عوفة
بجيت::- ســـمر مــا ارتاحت رؤيـــا ابد مــا ارتاحت تعذبت وهي مــا الها احد من جهة شروق مــا تخاف من الله ومن جهة اخوها عربانة بــ ايد شروق غسلت مخة وختلة ينكلب على اختة من لحمة ودمة
صفنت بــ وجهي تبلع بــ ريكها بــ ارتباك::- هسة اجي
كالتها وطفرت سحبت الــموبايـل اتصلت بــ أصــيل يرن وما يشيلة شمرت الــموبايـل محتركة روحــي بيمن احير بــ روحــي لْـۆ بــ رؤيـــا لْـۆ بــ أثـــير
ڪُمت بية مــا بية ادية ترجف ساءت حالتي وكمت انكث أريــد اسيطر الزم العلبة مجاي أڪُدر كوة فتحتها خليت الحباية بــ حلكي
أريــد اشرب مي مــا أڪُدر روحــي نمردت مرد طاح الكلاص مني من كدما ارجف رجعت دنكت جبتة وشربتة دموعي تصب هم من وجع ڪُـلبي وهم من اتذكر غلط على اهلي روحــي تطلع
ظليت اعاني ومحد دخل علية بعد الضاهر كلهم مــا موجودين بــ المستشفى العلاج سطرني مــا اعرف ليش من اشربة بسرعة انام وفعلا نمت
ڪُعدت على هوسة برة ومن بين الاصوات الــي ميزتهن هو صوت أصــيل بية مــا بية ڪُمت استندت على حايط لمن وصلت للباب بــ طلاع الروح
فتحت الباب لازمة ڪُـلبي اول مــا نفتحت اجت عيونة علية توسعت عيونة بــ صدمة ركض ناحيتي حجة بــ صوت قلق::- اية?! مالج?? شنو هاي حالتج!!!!!!
شهـــڪُت كوة بعدني أريــد اجاوب صاح عمي بــ غضب::- كلبة بت الكلب لازمة بــ هذيج العايقة مــا تريدني اخذها اوديها لاخوها هو شكبر راسهم غيرها هي وذاك النايم بــ المستشفى
باوعلة أصــيل عيونة يطافرن شرار راد يحجي ضغطت على ايدة::- أثـــير شلونة
بــاوعلي عيونة تخوف تخوف من القهر تنهد يمسح على وجها::- فاقد بعد مــا صاحي ولله الا اهد دمة دم اخوي الوكع منة ثمنة ركبتة وحك داحي الباب
شروق بــ خوف::- أصــيل اهدة مــا يصير هيج
::- خالة خليج بــعيدة لا يلوحج طشار تكفي الشر
وجها ليمونة بـــاوعت الها بــ قرف ودي اموتها أردف::- لْـۆ يدري بيج الأيــسر هيج حالج يجي يسوي كربلاء هنا
::- لا تكلة
::- هسة هو يعرف وحدة مــا تدرين بــ الأيــسر أنتِ!!!?
سڪُتت دخل ســـراج مهدود حيلة باوعلة أصــيل بــ عتب::- وين جــنت أنت وين عن اخوك
دنك راسة خجلان::- خوية و الله جــنت بــ الشغل
عقد حواجبة::- يا شغل ولك يا شغل
::- اشتغل بــ مطعم عامل اغسل ماعين
هو ڪُال هيج وعمي انتفض::- الله و اكبر تردون تخبلوني ولك ابن الشيخ جبير الديرة بشتغل عامل يسغل ماعين مثل الحريم ولكم اموت روحــي واخلص فشلتوني كدام العالم فشلتوني
خنزر ســـراج مــا راضي::- مــا مرجية منك شيخ كلمة حريم الشغل مالة عيب ولا هو حرام انا اشتغل بــ تعبي
::- وخيرك ابوك المن رايدة غييير الكمم المننن راييد هلل خيييرر اذاا ولددي يشتغلوون عممال
سڪُت ســـراج ضايج من ڪُلام عمي أردف اصيل::- عاشت ايدك لم رزقك وحدك واذا احتاجيت شي انا يمك ولا منة واحد عليك
عمي تنفرز ڪُام بحير شيحجي وشنو يكول تخبل رسمي::- جلااااب كو** يد الله ياخذني و ارتاح منكم انتم بلاء نزل على راسي انا عمري اذا اروكض وراكم يا عديمين التربية
أصــيل مــا تحمل الاهاين والكلام الجارح اخذ ســـراج وطلعو ركضت وراهم::- وين رايحين
::- للمستشفى
::- اخذوني وياكم
باوعو الحالي تنهد أصــيل::- امشي هم نشوفلج جارة وجهج ليمون اصفر
بـــاوعت الهم واردفت::- أڪُيد مــا متغدين اوكفو اجيبلكم اكل
ابتسم أصــيل وتقدم باس راسي::- حتى و أنتِ بــ هل حالة تفكيرين بينة يول حنيتج مغركتنا وعلي
دمعن عيوني::- لان مــا عندي غيركم
ابتسم ســـراج باوعتلة::- سراجو أنت نضميت للقائمة
ضحك ورفع ايدة خلاها على صدرة::- مــا تقصرين خوية
رغم انا ذبيت ميانة وياه بس ابد مــا نزلت كلمة الخوية من حلكة ركضت للمطبخ شـــڪُو شي على طباخ جبتة
هم خل يحيرون بــ ارواحتهم اخذت الغدة وطلعت عمتي جميلة ركبت الغدة هم خل شروق الخايسة هي تركبلهم
شافوني انا وجدري وخبزي ضحكو::- جايبة الخير ڪُلة وياج
::- يطبهم طوب خل تحير بيهم شروق ام خيسة
ضحكو ثنينهم ورحنا للسيارة متوجهين للمستشفى وصلنا هناك وخفق ڪُـلبي بــ قـــوة من شفت أثـــير ڪُـلبي انمرد مرد على حالتة
اجة أصــيل يمي::- تعالي خل نشوف وضعج
::- باوعلة وجها اصفر أڪُيد فقد هواي دم
::- اي فاقد دم هواي خلولة بطلين دم يلا استعاد روحة وصل الــموت قبل ساعتين وما اعرف شلون الله لطف بينا وعدل
نزلت دموعي::- حــرامات مــا اجة الأيــسر
::- خايبة تردين تودينة ورة الشمس وحق داحي الباب يسحكهم سحك يسويهم تراب الا يحرك العمارة كلها على روسهم
بـــاوعت ل أثـــير و حقد الكون ڪُلة تكون بــ ڪُـلبي::- خلي بعد احسن هو اكلك لْـۆ چــاي علمود يحركهم هل جلاب
سڪُت يباوع ل أثـــير أردفــت::- مــا اعرف حال البنية يم اخوها شنو
صفن أصــيل ڪُأنو يتذكر بــاوعلي واردف::- من خذت مفرزة وياي مــا شفتها بــ البيت
باوعتلة بــ استغراب::- هو اخذها وياه ولله
::- ايـــة مــا موجودة و الله
::- خاف جوة انتم مــا شفتوها
هز راسة::- من اخذنا مفرزة شرطة طوقنا البيت دكينا الباب محد فتحة انا من حركت ڪُـلبي دفرت الباب ودخلت فتشنا البيت كلبنا كلاب تالي صعدت فوك اكو مخزن اول مــا فتحتة شفتة بي بس هو ماهي البنية!!!!
باوعتلة بــ خوف و قلق::- شلون هسة وين راحت چــا خاف نهزمت
::- تنهزم بــ وجود اخوها مــا اعتقد اكو لعبة چــاي تصير الله يستر بس لا البالي اذا ڪُعد هل مسودن وشافها مـاڪُو شراح يصير بي
::- اللعبة الــي چــاي تنحاك هي من شروق وابصم بــ العشرة بعد
::- اعرف شفت ارتباكها وخوفها وهذا يدل على انو هي متورطة وياه او هي الدافعتة
سڪُتت اباوع ل أثـــير ڪُـلبي ينمرد اصر أصــيل ياخذني يشوفني رحنا للدكتور ابو القلبية شرحلة حالتي وشنو صار وياي
هم الدكتور انطاني مغذي مهدئ وظل يحجي لا تعبين مو زين الضغط والتوتر مو زين الجهد لا تعصبين من هل الكلام الــي مستحيل نطبقة لان كاعدين بــ نص عائلة كل يومها مشاكل و توتر
تنهد وطلعنا راحت للردهة البنات وعلكت مغذي لمن خلص اجت الممرضة وخرتة حسيت بــ دوخة طلعت لكيت ســـراج يم الباب بــاوعلي و ابتسم::- شلون صرتي
::- زينة الْحٍمَدٍ للـّہ وين أصــيل
::- يم أثـــير ڪُعد
باوعتلة ڪُـلبي طاير::- صدك و الله
::- اي ولله ڪُعد
سرعت خطواتي امشي واضحك اول مــا دخلت ضحكت::- ها بونبي طلعت بزر نستلة من اول ضربة وكعت وفقدت
::- ام عطوب ضربوني بــ جكليتة غير بــ كرك اكبر من راسج
ضحكت::- چــا غير زلمة وتتحمل أنت
::- خاب ردت اموت هي مال زلمة ومرجلة
ضحكنا فز ڪُأنو متذكر شي صاح أصــيل بي::- هووب هووب ابو رجفة مو تخبصنا خبص لااا تررجفف مااا بيهااا شيييي اخوهااا واخذناا للمرركزز
::- وينها هي هسة وينها
::- بــ البيت
::- يا بيت أصــيل يا بيت
::- بيتهم
::- لييش لييش وحدها ليش عفتوهااا
::- خاب اكعد واستجن بس نجيبها يضيع حقك خلي اخوها يتادب
::- اننعللل ابووو حقييي مــا اريدددنةةة خلللل تجييي بالبببييت هنااك مووو امممااان
راد يحجي أصــيل رن موبايل باوعلة وطلع عرفت اكو شي طلعت وراه سمعتة يحجي::- عرفتو وين مكانها
::- اياا كو***
- وين العنوان بــ الضبط
::- خوش لا تتصرفون بــ كيفكم ودبرلي كم واحد كون ثقة مــا يفتح حلكة دوم وانا مسافة الطريق
نهى الاتصال شافني كبالة بسرعة حجيت::- شـــڪُو
::- الكوا** اخوها بس ماخذها رايح موديها للخاطبها وكالة اخذوها لا عقد ولا شي ويمنا يستشرف انا الة
فرفحت روحــي نمردت مرد دخلت لجوة واصيل يحجي وياي::- لا تحجيلة اسكتي
بس انا انعميت على عيوني::- أثـــير
سحبني أصــيل يريد يطلعني واردف::- نام نام بعد اخوك
استغرب و شڪُ أردف::- عوفها تحجي
دفعت أصــيل و أردفــت::- رايدها
::- ها
::- مو وكت ثول رايد رؤيـــا لْـۆ لا
::- طبعا اريدها چــا المن انا مجطول هنا
::- امشي لــعد
عقد حواجبة بــ عدم فهم::- وين
::- على كولة الأيــسر نسويهم كــربـلاء
.......يتبع
الفاتحة على روح المرحوم عبد ابن هدية 💔
اقرو الفاتحة واهدوها لـ روحة واكون ممنونة منجن 💔
حسابي الانستكرام الجديد 🩵