منتقم_وغريبه
بقلمي_فاطمه🤎
تصويت وتعليق بين الفقرات🦋
__________________________
شلون أنسى يناسيني
المواقف وكفت بگلبي
قبل لا توكف بعيني
_____________________
اجوان:رفعت راسي شفت نبراس بباب المدرسه وملتمات عليها البنات يصيحن رحت اركض يمها بعدني ماوصلتلها وحده منهن لزمتها من حجابها وضربتها بوجهه فتحت عيني على وسعها من صارن كلهن فوكاها وصلت يمها أصيح دفعتهن صار صوتهن عالي يصيحن دفرت وحده ببطنها والثانيه لزمتها من حجابها احس فروه راسها اجت بيدي كورت ايدي وضربتها ببطنها ماعرف من شالني ورفعني باوعت عليه عذراء لزمتني وهاجر ادفع بيهن اجه صادق يركض ويصيح
صادق:هوب هووب شبيجن صلو على محمد
وحده منهن دفعت هاجر وراحت على نبراس تريد تسحب حجابها نترت ايدي من عذراء ورحتلها لزمت أيدها ونبتت اسنوني بيها عضيتها بكل قوتي بحيث كامت تصيح بصوت عالي حسيت دم صار بحلكي اجه صادق يريد يسحبني كوه شلعني منها تفلت الدم اباوع على نبراس نايمه على وحده منهن شبعتها راشديات وتخرمش بوجهه جانت بدايه الدوام اجت كم طالبه يباوعن من بعيد راح صادق على نبراس يريد يبعدها عنها وذيج صوتها عالي تصيح بصريخ
نبراس:وخرررر عوووفني
صادق:وللج هديهااا
سحب أيدها حتى تكوم وكفت كباله خازرته وتلهث نترت ايده من عده وحجت بعصبيه
نبراس:منو السمحلك تلمسننني
راد يحجي واجت المديره وشكم مدرسه والحارس اجه يركض باوعن علينه هدومنه مشككه ونبراس التراب واصل الراسها تمرغلت بالتراب كامت وحده منهن حلكها يجري دم
باوعتلنه المديره وحجت
_شبيجنن تتعاركن بنص الشااارع متستحن
راح يمها صادق وكف وحجه
_سوء تفاهم صار بيناتهن
_شنو سوء تفاهم منو انته
_اني اخوهن
_تفضل وياي للاداره وانتن بسرعه كبالي للاداره والبقيه للصفوف تحرررركيي
دخلن الطالبات وهي راحت للاداره باوعلنه صادق خزرنه وراح وراها طبت البنات للصفوف اجت نبراس تمشي بصفي همست
_شبيج ليش تعاركتي وضربنج
_دميتهن شنوووو يضربني
وصلنه لباب الاداره رجعت همست
_ليش تعاركتي احججي
_وحده منهن فشرت على امي
طبينه للاداره كعد صادق كبال المديره واحنه واكفين والبنات هم ويانه واكفات على صفحه بعيدات عنه
_اي ست نبراس شنو مسويه مشكله جديده
_مامسويه اسئلي ذني الي مامتربايات
_احترمي نفسسج
نبراس:اصبريلي بالطلعه ماخلصت منج بعدني
_اسكتتن كاافي
_ليش تعاركتن شنو السبب
_ست والله بس حاجيتها وهجمت عليه وصديقاتي بس شافني أجن يركضون يردن يخلصني منها
نبراس:شكد جذاابه احجي الصدددك
_هدووء اسككتتن شحجيتي وياه وضربتج
_حجيت وياه عن الدراسه
نبراس:ست جذابه فشرت على امي
_لا والله ياست اصلا اني مافشر
نبراس:ومنو كال امج ام*****
بس كالت هيج التفتت عليها صادق مصدوم زمخت بيها المديره
_اسكتي كافي شنو انتي ماعندج احترام
_ست هيج كلتلي لعد شلون اكلج غير احجي شكالت
_ست جذابه اسئلي صديقاتي اذا تردين
صادق:ست اني اقترح اسولف وياج وحدنه افضل لان متستفادين منهن شي كل وحده تكول شكل
_روحن للصفوف تحركن
طلعنه واحنه نخزر بيهن راحن هنه للصفوف ضليت بس اني ونبراس واكفين يم الباب
اجوان:امشي خل نروح
_اوكفي خل نفتهم شيسولفون
_هسه صادق يحلها
_اذا ماينفصلن مارتاح ارجع اكتلهن
_تنفصلين انتي اذا رجعتي كتلتيهن
_اسكتي خل نسمع
حطت أذنها يم الباب الصوت مو واضح كلش ضلينه واكفين شويه وانفتح الباب وكفنه عدل اجه صادق وكف كبالنه وحجه
_انحلت أن شاء الله
نبراس:شلون انحلت
_ماكو شي سدو الموضوع وخلص
نبراس:خلص شنووو اريدهن ينفصلن
_مو هي بكيفج
_لعد بكيفك
_امشي لصفج واسكتي
_لا والله منو انته بلا زحمه وتحجي وياي هيج
_استغفرالله شلون صبحيه هاي
_وخر خل اروح اشوف المديره
_وين رايحه روحي للصف مو كتلج انحلت
_واني اريدهن ينفصلللن
_ليش ينفصلن
_يغللطن على امي واسككت
_كالت المديره راح تعاقبهن
_شوكت كالت
_قبل شويه
_شسويلهن
_تجلدهن
_شو تستهزء أنته
تحجي وياه بحركه وهو يحجي بكل برود واكفه بصفها اسمعهم
_ماستهزء كتلج راح يتعاقبن
_احلف
_وداعت البلوه
_شني هاي بلوه
_صديقتج
باوعت عليه ماعاجبها خزرته ودارت وجهه تريد تروح رجع حجه
_عل الأقل شكريني
التفتت علينه باوعتله صفح وحجت
_ثنكيوو
عافتنه وراحت باوعلي مبتسم
_محتاجه شي لو اروح
_لا روح شكرا
_مو حلوه شكرا تعلمي من صديقتج عل الثينكيو
حجاه مبتسم عافني وراح رحت للصف لكيت نبراس كاعده على أعصابها تريد ترجع تعارك وعذراء تحجي وتقنع بيها هاجر مو يمنه لازمه الكتاب وتقره كعدت بصفهن
عذراء:غير مره كتليهن شجلبتي هسه
نبراس:والله لوما اخوجن جان بمستشفى الكسور هسه هنا
عذراء:سويهن عليهن تقسيط
نبراس:اي مو عندي سلفه
عذراء:احسن متنطردين
نبراس:راح اطلع حركتي بيج كومي من يمي
عذراء:مو صوجج وخري انتي الثانيه
كعدت بصف هاجر زعلانه بده الدرس الاول كملنه دك الجرس استوهي تريد تطلع البنات دخلت المديره ووراها البنات الي تعاركنه وياهن صاحت المدرسه
_اكعدو بناات
رجعن البنات المكاناتهن باوعتلنه المديره وبدت تحجي
_بالنسبه للبنات الي تعاركو اليوم بباب المدرسه اجتهم عقوبه وذا تكررت الحاله اكيد مصيرهم الفصل لذلك قررت المدرسه خصم عشر درجات من السلوك والفصل لمده ثلاثه ايام اعتبار من باجر
باوعتلنه بخزر تريد تنفجر درات وجهه وطلعت التفتت علينه عذراء
_حيل تستاهلن
_انتي ردتيها الكتله اني معليه
طفرت نبراس عليها شبعتها راشديات وتكفخ دك الجرس واجت المدرسه تمتحنا كملنه المحاضرات وطلعنه بالباب منتظرين ضلينه واكفين المدرسه فرغت الكادر كله طلع ضلينه بس احنه بره واكفين
والحارس واكف قريب علينه اجت ام نبراس ودعتنه وراحت مرت نص ساعه رجليه وكعت وهمه ماكو ولا واحد باوع علينه الحارس واجه بأتجاهنه
_عمو انتو خط لو شنو
_لا عمو منتظرين اخونه
_انطوني رقمه اتصل عليه حتى يجيكم
باوعت على البنات حجت عذراء
_اني حافظه رقم صائب
رجعت باوعتله وانطته الرقم سجله واتصل ضل يدك هواي بدون جواب باوعلنه وحجه
_ محد يرد انتضرو بعد نص ساعه اذا مااجو رجعو مشي
عافنه ورجع لمكانه وصدك انتضرنه أيسنه من جيتهم احس رجليه كام توجعني والرجال كاعد كبالنه منتضر ويانه باوعتلهن وحجيت
_امشن ميجون
هاجر:خاف صائب يضل يصيح
_احسن من وكفتنه هنا بنص الشارع امشن
يباوعلي مترددات مشيت كبالهن وهنه وراي الجو يسمط احس روحي معت التفتت عليهن هاجر كوه تجر النفس باوعت على محل بالفرع اشرتلهن راح اشتري ضلن واكفات بره اشتريت مي انطتهيا شربت وغسلت وجهه شويه صارت احسن منحس غير سياره وكفت بصفنه نزلت الجامه عرفته صديق احمد من نزل نظارته تأكدت هو
_السلام عليكم
_عليكم السلام
_محتاجين مساعده اوصلكم للبيت
_لا شكرا خويه نكدر نمشي
_ماعندي مشكله اوصلكم على طريقي
باوعت على هاجر وجهه صار اصفر كوه تجر النفس والجو حار مو مال مشي وهذا يلح يريد يوصلني والله لو ما هاجر اتفل بوجهه
_امشن صعدن
عذراء :شنووو
_متشوفين هاجر راح تموت
_ولج صائب يسوينه اشلاء
_عود اني اكله امشن صعدن
فتحت الباب الوره صعدتها وصعدت عذراء هم صعدت بصفي دليته على العنوان اندله بسرعه ماحجه شي ولا احنه حطت هاجر راسه على كتفي همست يم أذنه
_ها شلون صرتي
_زينه شلون تبريد عنده هذا
_ههه غير سيارته حديثه
عذراء :عزا العزاني اذا يدري بينه صائب يبووو شيسوي بينه
_شدعوه خايفات منه هسه احنه شسوينه
_دكول شدعوه علساس متدرين بي انتي
_لا ادري بي مخبل
قريب منوصل فرعهم حجت عذراء
_اذا صائب حجه وكال شلون اجيتن وحدجن شنكول
_ذبنه براسي اني جبتجن
وصلنه للبيت اجوان كبالنه فتحت الباب
دخلنه للبيت اول مارفعت عيوني شهكت واني اشوف صادق وفضل واحد لازم الثاني من الياخات
يصيحون وواحد يغلط على الثاني وصائب بنصهم يحاول يبعدهم
ماحس غير اجوان مشت من يمهم مامهتمه رافعه كتبه بأيدها من مشت من يمهم وكفو عن الصياح والتفتو عليها وصلت يمهم ابتسمت بأستهزاء وعبرتهم ذوله ضلو صافنين عليها لحد مادخلت البيت
ضليت صافنه على تصرفها شبيها تخبلت باوعو بأتجاهنه بلعت ريكي من نضراتهم طبت عذراء كبالي واني وراها همه بس شافونه ضلو مصدومين حجه صائب من بين سنونه
صائب:شلووون اجيتن
هاجر:ءءأأجينه مشي
فضل:ليش مانتظرتن واحد من عدنه
عذراء:مو تأخرتو وهاجر تخربطت حتى الحارس انطينا رقم صائب بس محد يجاوب
بلعت ريكي من فتح عيونه صائب كمت الوص ماعرف شحجي
_اسئل اجوان هيه انطتا الرقم واصلا هيه من شافت هاجر تخربطت كالت نرجع والله انتظرناكم هواي والمدرسه فرغت انوب وكفت سياره يمنه طلع رجال اجوان تعرفه صعدنه وياه وصلنه لهنا بس و..
بعدني مامكمله ركض صائب طب جوه ركضو وراه الولد عفت هاجر وركضت وراهم سوه الدرج طفرتين كوه لحكت عليهم وصلت يمهم واكف يدك بباب غرفتنا بكل قوته ويصيح
صائب:ويينننج شوو طلعيلي
صادق:يمعوود مو هيجج شبييك
صائب:وخرو عنييي
فضل:ولك تخبلللت
صائب:خرببب******وخروووو طلعي انتتيي بتتت****
فتحت الباب وطلعت واكفه مستغربه
اجوان:شكو شبيكم
صائب:ولك صاااادق هدددني
صادق:غيرررر يوكف الحيوووان
جتفت اديها وضلت واكفه وهو لازمه صادق جسمه اضخم من جسم صادق يدفع بي يريد يعوفه طلعت سهام وميسم يباوعن من الباب لمحهن صائب بالكوه سحبو اثنينهم ونزلو جوه التفتت اجوان على ميسم باوعتله بتحدي وابتسمت سحبتها سهام وطبن ركضت يمه
_ولج مو كتلج
_اسكتي انتي الجبانه
عافتني ونزلت يربي هاي الابنيه انتحاريه نزلت اركض وراها لكيتها بالمطبخ تشرب مي امي ولمياء ماموجودات اكيد يم الحجيه اسمع صوتهم مطلعينه بره نسيت هاجر رحت لغرفه امي لكيتها متمدده ومغمضه عيونها سديت الباب عليها ورجعت للمطبخ لكيتها كاعده على الكرسي وتاكل خيار
_اقسم عليج مو صاحيه
_علساس اخوج الصاحي
_انتي شنو ماتردين روحج
_ليش يمه
_عجيب البرود العدج
_تعاي حميني
طبت امي هي ولمياء بس شافتني صفنت بوجهي يمكن عرفت تعاركو راحت لمياء لغرفتها اشرتلي برأسها شكو هزيت راسي بمعنى ماكو شي زفرت نفس براحه وراحت لغرفتها اجت رضاب وبدينه نحضر وياها الغده شويه وطبو الولد حطينه السفره وكلها التمت رحت لهاجر اكعدها ماقبلت عفتها وطلعت كعدت بصف امي اباوعلهم واحد يخزر بالثاني رجعت اجوان تاكل مامهتمه ميسم تباوعلها بطرف عينها كلها ملاحظه عليها متحب اجوان الكل ياكل بهدوء محد حجه احس الجو صار مشحون أكثر اريد اسئل عليمن تعاركو فضل وصادق وخايفه سكتت ماحجيت شي لمينه الاكل حطيت الجاي على النار صبيته ووزعته عليهم لمياء راحت لغرفتها ميسم وسهام مدري شيحجن صوتهن مينسمع انتبهت على صائب يباوعلهن الله يستر شراح يسوي بيهن وخصوصا من صارت ذيج الحادثه ذاك اليوم ماعرف شمنتظر ليش ميحجي اتصل موبايل صادق جاوبه من سده مدري شحجه وشاور صائب عافونه وطلعو عفتهم وصعدت فوك انام
اجوان:اجذب اذا اكول ماخايفه منه ولا من ردت فعله بس اصنع القوه ميسم من زمان ماحاجيه وياي ولامتقربتلي مدري شعجب مرن يومين ماجاي الغثيث للبيت وخالتي كلبها نار كلساع تتصل عليه ويكلها عندي شغل عمتي من تشوفها هيج خايفه تضل تذب سمها علينه وخالتي تضل ساكته ثاني يوم كعدت الصبح لعبان نفس كلش قوي عندي طلعت اركض للحمام استفرغت احس رجعت الشعريه ببلعومي ادخل ايدي اريد اطلعها بس ماكو نتيجه كعدت بالكاع روحي طلعت مسحت حلكي غسلت وجهي وطلعت صارت بوجهي عذراء شافتني وعكدت حاجبها
_شبي حلكج بي دم
_دم منين دم ؟
_شوفي
_رجعت باوعت بالمرايه اكو دم بشفتي غسلت حلكي مادري شجاي يصير بيه باوعتلي عذراء
_كولي لاامي تاخذج للمستشفى
_ماكو داعي لعبان نفس عادي
عذراء:خفت من شفتها هيج عافتني وطلعت غسلت وجهي ونزلت جوه حجيت لاامي استغربت وضعه شويه ونزلت اجوان وجهه صار اصفر كركم سئلتها امي
_شبيج اجوان شيوجعج
_ماكو شي خاله يمكن تسممت
ماقبلت لاتروح للمستشفى ولا تاكل للعصر وضعها صار اسوء نايمه بالفراش وتون خابرت امي صادق علمود ياخذها هي وياها للمستشفى ضلينه منتضرينه ورى نص ساعه طب علينه صائب بس شافته امي طارت من الفرحه تقدم سلم عليها
_شلونج يروحي
بعده يحجي وسمعنه صوت اجوان تستفرغ بصوت عالي ركضت امي للغرفه رحت وراها وكفت بالباب اباوعلها تستفرغ دم طالعه روحها خفت من المنظر ركضت امي وصائب عليها رفعوها من الكاع كوه مفتحه عيونها وتأشر على بلعومها صاح صائب
_يمه بسرعه جيبليها صااايه وحجاب ولحكيني
بلعت ريكي اريد اروحلها واخاف لبستها امي الصايه بسرعه لفت حجابها شلون ماجان شالها صائب وركض طلع بيها للسياره ركضت امي وراه ميسم وسهام ولمياء واكفات يباوعن
اجوان:حسيت ريحه عطر بخشمي وراها نرفعت من الكاع غمضت عيوني مادري شصار فتحت عيوني على أصوات عاليه جفني ثكيل حسيت شي بارد بأيدي باوعت حاطيلي مغذي وأيدي الثانيه لازمتها خالتي بس انتبهتلي وكفت ملهوفه
_ها يمه شتحسين
_صوتي مبحوح احس بلعومي مشخط كوه نطقت مادري افتهمت عليه لو لا
_خاله بطني توجعني
_اي اي يمه هسه أصيح للدكتور
طلعت وعافتني غمضت عيوني ريحه ديتول بكل مكان شويه ورجعت ووياه الدكتور وصائب اجه حط بعيوني ضوه قوي ويسئلني طلع أصابعه ويسئل
_ذني شكد بابا
_اثنين
_وذني
_اربعه
_الحمدالله النظر مالتها طبيعي بس بقت التحاليل تطلع ونشوف النتيجه وهسه عوفها ترتاح شويه خالتي نظراتها خوف عليه وصائب عين وي الدكتور وعين عليه عافوني وطلعو كمل المغذي اجت الممرضه وخرته ساعدتني اكعد حسيت حلكي يابس اريد مي استوني اريد احجي طبت خالتي اجت يمي باوعتلها وابتسمت
_يايمه هديتي حيلي اليوم
_اسماالله عليج خاله
_هسه صرتي احسن
_اي شويه بس عطشانه
كامت وكفت جابتلي بطل مي فتحته وانطتني شربت أخذته مني وطلعت شويه ورجعت هي وصائب اجت تريد تساعدني اوكف
_يلا يمه اوكفي حتى ترتاحين بالبيت
اول ماوكفت فقدت توازني دخت وكعدت باوعت عليها وحجيت
_شويه خاله خل تروح الدوخه
تقدم صائب عليه يريد يشيلني خزرته وحجيت
_شتريد
_اكعدج بالسياره
_وخر اني اكوم
ضمائر:متكدرين يمه
_خاله جيبلي عربانه
رفعت عيني باوعتله عاكد حاجبه وخازرني عافنه وطلع جاب عربانه ساعدتني خالتي وكعدت بيها دفعني هو طلعنه موكف السياره قريبه فتح الباب كمت وكفت كوه صعدت لان عاليه سد الباب صعدت خالتي بصفي راح هو يرجع العربانه شويه ورجع بيده علاكه علاج عبرها يم خالتي وحجه
_يمه الوقت مكتوب عليه
رجعت راسي ليوره وغمضت عيني الطريق كله هدوء محد حجه اول ماوصلنه انفتحت باب الكراج باوعتله صادق واكف ومبتسم دخل السياره فتحت الباب اريد انزل اجه صادق يركض
_ها بلووه مريضه سوده عليه صخام بوجهي
صائب:هو وجهك دومه مصخم
_هذا العار شيوكلج
_راح اطيح حظك
_خيولي ماعليج بي احجيلي اني يروحلج فدوه
اجوان:وخر الاملح ابو النسوان
_افاا هاي اني
_اي أنته
كفخه صائب اجت خالتي بصفي
_لا خاله اني اكدر امشي
مشيت كبالها طبيت للمطبخ لكيت رضاب وعذراء بس شافتني اجت تركض
_ولج وكعتي كلوبنه
_وانتي كلبج مو الج
_اي والله مو الي
ضحكت وطبيت لكيت عمتي كاعده وحدهي حتى مالتفتلي عفتها ورحت لغرفه خالتي تمددت تعبانه غمضت عيوني مادري شلون غفيت حسيت على حركه يمي وصوت همس فتحت عيوني الغرفه ضلمه شفت خيال بنيه كبالي عبالي جاي اتخيل بس من صار صوت خطوات تأكدت هاي حقيقه ضوه خفيف موجود بالغرفه فاتحه عيني بوسعها اريد اركز بالجاي اشوفه طلعت علاكه سوده شمرتها ورى الميز صارت ريحه مقززه بالغرفه لحظات ولمحت خيال اسود ضخم وصوت صرخه قويه واني وي صرختها حطيت ايدي على وجهي وصحت احس فقدت مغمضه عيوني واهمش بأديه بس من سمعت صوته يصيح فتحت عيوني
صائب:شتسووووين هناااا
يتبع🦋