ادري ماتسوه لچن بعدك عزيز
اذكر سويعات منك زينة
كون ترهم چا نسيتك من زمان
لكن الياخذ مكانك وينه !
وداني حسن للمدرسه بوكتها جان يوم الخميس
واني لابسه تنوره لان من الكشافه
درس وره درس والساعه تمشي واني صافنه
هاذا شرجعه مو راح صارت ساع 11ال ربع حلينه
طلعت بره انتضر حسن يجي وخايفه شنو ردت فعله من يشوفني؟
ضليت واكفه لحد ساعه 11وربع وهوه ماجه هاذا شبيه بله منو يوديني شفت صديقتي فاطمة رحت يمها وكتلها منو يوصلج كالت اخوي بلطريق فقررت اروح وياها انتضرنه اخوها واجه
_سلام عليك
فاطمه_عليكم السلام اكلك حسين تكدر توصل ريلين ويانه ابن عمها ماجه
_اي اي كلش عادي يله تعالن
صعدنه وياه والولد يسولف هوه واخته واني ساكته لحد ما وصلتي للبيت ميته حر بس ياحضي الزفر شفت ايلن واكف بلباب لاااا يعني اكلنه عسل
نزلت من السيارة وهو انصدم منو جابني نزل الولد سلم على اخوي واني ركضت للبيت طبيت شفت عمتي دلال بلمطبخ
ريلين_عمهههه الحكي راح يجي يموتني هههههههه
دلال_خاب منو شبيج شمسويه
_والعباس ابو فاضل جابني اخو فاطمه لان حسن ما اجه عليه شسوي يعني
دخل ايلن جارني من شعري
ايلن_تعاي انته شنو من بنيه بربوك
_اوكف شبيك ويه لبنيه هدها
ايلن_اني مو كتلج ما اطلعين وشعرج هاذا مفتوح هاي اولن ثانين ليش اصعدين ويه واحد غريب
ريلين_اوكف شبيك ونبي حسن تئخر عليه وشفت فاطمه وكتلها هلي اصعد وياج وجابوني قابل اجي مشي
دلال_ولك هد البنيه لا والله اصيح القصور اهلي يطيح حضك
ايلن_بس على كيفج عمه تره ستوه اجه قصور بعدنا ماكلنه بسم الله ومحد اله شغل بئختي تعاي انتي
جرني حيل من ايدي وصعدني فوك وهوه يغلط ويفشر ويسب مبين ضايج لدرجه ضل لح عليه
_اني جم مره اعيد كلامي انتيي مافهمينن شسويلج يعني اذبحج بيدي
حط ايده بركبتي وخنكني حيل ختنكت اريد ادفعه ماكدر اديه ماكدر احركه بعد ورجلي باردات حيلل اختنطت كلشش حيل اريده يعدني ماهدني بيني وبين الموت شعر وطبت زارا ونصدمت اجت تدفع بيه وتصيح هوه عافني ودفعها طيحها على الجربايه
واني طحت بلكاع اجر نفس بلكوه راح قفل الباب ورجع عليه جاب الجكاره وشعلها نار واجه عليه خفت حيل وكمت ارجع وابجي
_لا فدوه شراح اسوي والله تئذي ونبي ابوس ايدك بعد ماعيدها
_ولك شراح اسويلها تخبلت والله اصيح هسه
ماهتم لكلامنه واجه حطها بركبتي شاغت روحي
وهون ساد حلكي بيده وزارا تحاول توخره عافني وضحك ضحكت المستفزه وطلع وسد الباب حيل
_فدوه بيج شي كومي خلي انشوف حسن وين خلي يوديج للمضمد
_لا عوفيه مالج شغل بيه طلعي بره
_يمعوده شبيج باعي حالج جاي ترجفين
_عوفيني مالج شغل بيه طلعي بره
زارا:
اباوعلها ترجف حيل كامت غسلت وجها ونامت على الجربايه وتغطت وهيه بهدومها مال مدرسه
طفيت الضوه وطلعت أكثر بنيه نضلميت بيت طغيان هيه ريلين اهلها يموتون منها حتى ابوه يكرها رغم لازم الاب يصير سند لبنته صح اني ماعندي اب بس عندي ثنين اخوان صارولي اب وسند
نزلت جوه رحت للمطبخ ميته قهر عليها
لكيت البنات كلها هناك
_ماما تره ايلن ضرب ريلين وراحت نامت
دلال_هاي ليش اني شلون بهاذا الولد ولله موتني راح اصير حاله نفسيه بلبنيه من وراها
حسن_شكو يا بنيه شصاير
سعاد_هوه ليش ضربها دلال فهمينه
سولفتلهم ليش ضربها وحسن كام يصيح راح طلع يشوفه وين
حر_اني رايحه اشوفها
زارا_واني اجي وياج
صعدنه فوك فتحنه باب الغرفه ونسمع صوت بجيها وشهكاتها الي تكسر الكلب كعنه يمها وهيه بس تبجي
حر_حبيتي ريلين اروحلج فدوه عوفيه انتي تعرفينه فد واحد صكط وطايح حض وحقيره هم ليش قاهره روحج
زارا_حبيبتي انتي تعاي ننزل جوه ونشوف شصار ماصار تره اجه قصور وسئل عليج ولح ليش تبجين
ريلين_تعبت انتن ماتفهمن ليش اني انخلقت اصلن الله ياخذني والله تعبت ليمته اضل اعيش هيج والله اختنكت جاي اموت والله وشهكت
كامت تبجي اقوه واني متحملت بجيت وياها
حر_بنات صلن على محمد شمالجن بنات فدوه اروحلجن شنو هاي بسرعه تبجن جا شلون راح تعيشن ويه رجولجن باجر وراجن خيانه اتحملن
زارا_هههههههه انجبي اصم الله ماريد يخوني اموته غير
ردت انضحكها وهوهاي سولفنه بس هيه ساكته عفناها وطلعنه
حر_والله خطيه اثار اصابعه على ركبتها وفوكها حركها شكد حقير وجلب الله لا يوفقه
زارا_يله امشي عمه دلال اصيح علينه
_يله
نزلنه وشفنهم ينكلون بلئك
فاطمه_والله لو ضالت بعد مو احسن شعدجن فوك تره مايصير جدو يعني بس احنه نشتغل اني وايه يعني تعبت مايصير هيج
طغيان_ليش بعد جدج ليش هيج حر ليش زارا ليش وحدهن يشتغلن شنو انتن ربجن وحد
حر_استغفر الله طبعاً لا ماكو رب غير ربنه لفوك
بس احنه جاي نشتغل بس صدعنه فوك شوي ونزلنا يعني شنو صار
قصور_يله تعالن كعدن ماصار شي
طغيان_اي يله بابا هاي اخر كعدن
قصور_وين ريلين؟
حر_نايمه شوي تعبانه ماتكدر تجي
قصور_ليش شبيها احد محاجيها
حسن_لا محد اني بعدين اخذلها غده كعود يله
كعدنه وقصور مبين شك احد مسويلها شي
اباوع الجلب ايلن كاعد ياكل ولا كانو مسوي شي
يتبع......
_______________________________________
بناتتتتت شكراً على التعليقات مالجن قنعنها شوي بصعوبه بس يله اهم شي وافقت وربي متت يله وافقت طبعاً وجهلها كلمه لان هيه تقره وياجن🥲😔😂😂