بـقلـم: مـريم الغـراوي 🖊️✏️
..............
حيدر:لججج لاترررراددددين احجييي عدددللللل عوووفييي لصلااافةةة
ضل يضرب بية راجديات وجهي صرت ماحس،وشفتي جرت دم
سكتت وماحجيت وهو من شافني هيج عافني وركع لباب وطلع فزيت من صوت الباب لركعة بحيث كلت تفلش رحت غسلت وتمددت ع الجرباية ضليت نايمة ومغطية وجهي وابجي
نص ساعة ورجع بلغرفة بس بقيت ع نومتي واسمع حركتة بل غرفة وصوت لجداحة كل شوية مشغلها رفعت لغطة اباوع شفتة راح للحمام رجعت لنفس نومتي شوية واجة تمدد وراي رفع لغطة من وجهي وخر شعري من عيوني همس ب اذني
حيدر:شوفي مو اني اعرف دواج وشلون أدبج
فرح:وخرر منيي حيدررر
حيدر: بابا الصلافة عوفيها ماتفيدج
فرح:يي بس وخررر
فرح:رجعت لغطة على وجهي ونمت
وهو عافني وبقة محتار بفهد
و يسولف ويا ليكول جبير وراح يجاوبة مثلا
كمت طلعتلي ملابس ورحت سبحت وطلعت
مشطتت وكملت ورحت اريد اخذ فهد كال
حيدر:عوفي اني انزلة وياي
نزلنة سوة لكيناهم متجمعين بلصالة يشربون جاي
نعيمة: هلا بلعرسان
حيدر:نعيمة جوزي من سوالفج
فرح:رحت كعدتت يم صبرية كالتلي
صبرية:شبيج بنيتي
فرح:مابية شي حبيبتي
صبرية:عيونج وشفتج مورمات خاف حيدر وياج
فرح:لا مابية شي
صبرية:هااا جا انه هسة يلا فهمتت
فرح:شنو
صبرية:هيج يبعد كلبي
خوما جاي تاخذين شي
فرح:يعني شاخذ
صبرية:يحظي شمالج مانع شي
فرح:هاا لاا
صبرية:ها يعني هسة تردون جهال يي يمة احسن خلفي بعد اخت اخو لفهيد
هزيت راسي وصفنت صدك اني ناسية هاي لسالفة اني ماريد بعد بس شلون سئلت صبرية
فرح:زين عمة اذا واحد مايريد ياخذ مانع يعني لو شلون
صبرية:بنيتي لازم ترحين للدكتورة وتشوف وضعج وهية تكتبلج
فرح:هاا
صبرية:يي حبيبتي بس انتي شسوين بي اذا تردون جهال
فرح:لابس سئلتج
صبرية:زين هاي شيرين شبيها وراحت للدكتورة
فرح:مادري اجت كالت لحيدر وراحت
صبرية:يمة اني مارتاحلهن خاف بدن يلعبن من جديد
فرح:جاي نحجي وسكتنة ركزنة ويا نعيمة تكول للحجي
نعيمة:وانت شني وتسويها الا متت انه وتزوج
حيدر:شيتزوج نعيمة انتي غير بالج مرتاح تدرين بي محد تاخذة اكسباير
نعيمة:لاشمالة اقوة منك
حيدر:انتي اعرف بعد اهم شي قايم بواجبج
نعيمة:شتدري بية بعد حتى لو مايكدرلها اني ادبرها
ياسر:استلم بعد
حيدر:انتي بعد نعيمة وماادراك
لحجي:دكافي بوية شلون حجيي هذا منا لبنيات
نعيمة:جا موزين احمد بيك وانت مخليني بلحسرة
لحجية:صدك لو كالو لمستحة تنشال من لبشر ولكصص تنشف
مهند:يااااايااابة
حيدر:فجرتها لحجية
لحجية:وانت شمالك ليوم
كام باس راسها ويكلها
حيدر:عزيزة گلبي انتـي
ضحكت لحجية وتكلة
الحجية: انه مااقنع بهذا لحجيي ميل مني
طلع من جيبة فلوس وخلاهن بيدها جان تكلة
الحجية:يايمة انه شعندي غيرك احبل اجيب بعد بيتي انت تعال احبك
حيدر:اووف منج يا نجية
شوية وطلعت عمتي من لصالة صوتها عالي وتحجي على حيدر
ام شرار:انه شلووون بله اهج واخلصص وارتاح
باوعلها حيدر بعصبية
حيدر:خير شبيج
ام شرار:منين لخيررر يجيي شحاجي ويا خالك هسة خابرني
حيدر:ياخال هذاا لخاطر ربجج متكليلي ياخال
ام شرار: انتت شلك غررض انه واخوووي
حيدر:ليشش تخلينييي اغلططط يااخووي هذااا هسسة عرفجج اخووج ووين جان
ام شرار:عفية عليك يبن بطني تعيرني ب اخوي حيدر
حيدر:استغفررررالله لصبررر ربييي ياهوو لمعيررجج غير هذا لصدك
ام شرار:مهندد يمةة كوم اخذني لبيتة
حيدر:دووكفيي ترحين لبيتة شنيي
ام شرار:حيدر خليني بضيمي فدوة رحتلك
حيدر:ياااضيممم هذااا بله كليلي يااضيم لعنددج وروحة متررحيينن وخللل اشووف بلااااا
لحجي:خليها تروح لاخوها بوية وهمة يتفاهمون
حيدر:خرر**** ب **** لحددد يدخللل ويفكك حلكةةة وبله اني اكعدد هنااا واشووف ياهووو ليروووح نسيتييي شسوواا بيججج هسة تردين ترحيلة مووو
راحت عمتي جابت عبايتها وفهد ضل يبجي من لصوت اخذته بت صبرية صعدتة فوك نوب هو شاف امة لبست عبايتها تخبل بلزايد كام ودفر لطبلة وعليها لستكاين ولدولكة
حيدر:انييي شحجييتتت
ام شرار: لاتتدخل بية انه وين ماريد ارووح وصوتك لاترفعة علية لو نسيت ويامن تحجي
حيدر: يمة لاتخبليني شعندج رايحة بس اريد افتهمم نسيتيي شسوا بيج ليش هذا تعتبري اخوو هسة يلا عرفت اخواتة وجاي فديوم سئل عليج جاايجج كايل اشوف اختي شمحتاجة شبيهاا شتريدد وهسة اذا طلعتي لاتعتبريني بعد من ولدج لان اهم شي اخوج ياحيدر بعد
كامت من لدرج وعدلت عبايتها وكالت لمهند
ام شرار:يلا مهند اخذني
باوع على امة وهز راسة وكللها
حيدر:وسفـة والله
واخذ لسويج من ياسر وطلع
لحجي كعد يحجي على عمتي
لحجي: كلامة صح ليش،بوية خليتي هيج يطلع مهضوم منج خلص عمرة حاير بينة وعايف نفسة فديوم بخل على واحد عاف واحد مهتم بلجبير ولصغير مخلينة حاسين بشي ولاتضوجين مني بس هسة انتي فضلتي اخوج لكلشي مامقدم لج على وليدج لجاب عمرة هذا كله لنة وبلاخص انتي بوية وصدك ياوسفة انه واحترك دمي
كعدتت عمتي تبجي وتكلهم
ام شرار: يبقة اخوي شماسوة بية وصية ابوي وامي هذا حتى لو ما باري الله بينة
الحجية:يمة اخوج وحكج بس هذا هم وليدج ليش هيج كسرتي خاطرة ماروح وبعدين اتفاهم ويا ولاتنسين يمة كلامة صحيح
طبت عمتي بغرفتها وراحت وراها حنين واتبعها مهند وياسر
اني انقهرت على حيدر وهم خفت علي من طلع اخذت تليفون لحجية خابرتة طول هواي يلا جاوب
حيدر: ها
فرح:ها حيدر
حيدر:شتردين فرحة
فرح:لابس بالي بقة يمك
حيدر:ماكو شي
فرح:ماترجع
سكت شوية بعدين كال
حيدر: امي راحت
فرح: لا ماراحت
حيدر:يلا شوية واجي
فرح:ماشي
سديتة منة ولبيت هدوء واحد صافن بلثاني كمنة اني وشهد وحنين نسوي عشة وهو بعدة ماجاي كملنة لعشة وصلينة ولحجي خابر علية كال خل ننتضرة هسة يجي اجة كعد وماحجة اخذ لريمونت يكلب بلقنوات ولحجي يحجي ويا وهو يجاوب بكلمة
صبينة عشة وكلها كعدتت بس عمتي ماكو حيدر شافها ماكو باوع علينة وهز راسة لحجي كال لحنين
الحجي:كومي بوية صيحي امج تتعشة
راحت حنين وشوية واجت عمتي كعدتت وهدوء محد حجة خلصنة عشة وحيدر صعد حنين سوت جاي واخذتلة وصعدتت لكيتة كاعد يدخن انطيتة لجاي وكعدتت يمة وهو يدخن ويشرب جاي
فرح:حيدر
باوع علية كتلة
فرح:لاتسوي هيج وياها وهية حتى مراحت وخطية شفتها هسة شصاير بيها وترة حقها يبقة اخوها مهما مايصير
حيدر:فرح ماريد احجي بهذا لموضوع هسة
فرح:يعني تعوفها مقهورة وتبجي متخاف يصير بيها شي
حيدر:مايصير شي
كمل لجاي وراح سبح و بدل وطلع رحت لعمتي لكيتها كاعدة ويمها حنين كعدتت يمها ولزمت ايدها
فرح:كافي حبيبتي لاتقهرين نفسج شنو لسالفة لايصير بيج شي اسم الله
حنين:مو صارلي ساعة اكللها
ام شرار:وينة حيدر
فرح:هسة طلع
ام شرار:حسبالي راح يجيني
فرح: بس يهدء شوية يجيج يعني قابل متعرفي
ام شرار:جا انه غير ردتت اروح لاخوي ومسوي عملية وطالع من للموت لو شما سوا يبقة اخوي
فرح:صحيح خالة وحقج بس اسمحيلي اكلج لصار غلط يعني لو كاعدة ومسولفتلة
ام شرار:ولج عمة مخابرة كايلة بس اريد اشوف اختي جيبها لي لو تخليني اجيها وماراضي وشمسوي ب خالة
فرح:زين خالة حيدر مايسوي هيج الا سالفة جبيرة عادي اعرف شمسوي يعني؟
ام شرار:عادي يمة غير بنيتي واحجيلج
عندي بس 3اخوان وهذا لجبير ومن توفو اهلي اخذ بيت اهلي وكطع ويانة فد كطعة وماقبل نروح لبيت اهلي بحجة صار بيتة وحتى ورث ماانطانة بله انه مايهمني ل ورث ومتنازلة علية بس هضمتي منة من توفو اهلي تغير ورحت لبيت اهلي انه واخواتي طردنة وماقبل نفوت لبيت اهلي النسوان ماتكعد يمة وحتى حك خوانة اخذة
وبيوم لسمع حيدر هيج مسوي وطاردنة رايحلة ومتعارك ويا وبعد هو حيدر ليش ماضارب خالة وصايرة عركة جبيرة بينهم وهذا اخوي ماسكت الاغم ودة ولدة وهدو على حيدر واخوتة ومنا ولدي دمهم حار يمة ودهم مكسرين تكسر وبالف ياعلي فضت لشغلة ولااحنا نوصل لهم ولاهمة
بس قبل فترة ضل يخابرني واحجي ويا لان اسم الله واصل للموت وقبل لعملية مالتة مخابر عل حيدر وليوم خابرني يبجي ياعمة كسر خاطري وامي وابوي وكفو كبالي وهمة جانو دائما يوصون علية جانو نكسر خاطري علية وهل صار لصار بعد
فرح:بس خالة هم حيدر حقة مايخليج لمسوي مو قليل
ام شرار:شسوي يايمة تدرين بكلبي بعد
فرح:ضلينة نحجي وبليل اجة حيدر وثاني يوم هم نفس لشي وهو مايحجي وعمتي هم يحجي ويا لكل بس وياها مايحجي وجان اول مايجي يسئل عليها ويبوس راسها ويكعد يسولفلها ليوم ماكو كبل صعد فوك
رحت ورا واحجي ويا
فرح:شنوو سالفتك حيدرر ترةة امك خطيةة احجيي وياهاا مخلصتها بجي من يصير بيها شي عود اكعد لوم نفسك
حيدر:اطلعي اريد انام
فرح:وين اطلع غيرر غرفتي
عافني وهو طلع اني هم ماكلت شي بعد تمددتت عل جرباية اني وفهد ونمنة
كعدتت دنيا عصر غسلنة وبدلنة ونزلت جوة وكلعادة كاعدين بلصالة شوية ونزل حيدر راح كعد يم امة ومنزل راسة يلعب بلحلقة لل بايدة رفع راسة وباوع عل امة كللها
حيدر: ي شلونج
امة بجت سحبها لحضنة وباس راسها
وضلت تحجي ويا وتعاتبة وهو ساكت ويبوس براسها كلنة فرحنة لان لسالفة ضوجتنة وخفنة عليهم
ومشت الايام عادية
بليل احنا نايمين ونسولف كتلة
فرح:حيدر اريد اروح للدكتورة
حيدر:اي ببالي اريد اخذج بس هلايام انتضريني
فرح:زين حيدر سؤال
حيدر:كولي يابة
فرح:انت هم تريد نسوي طفل هسة
حيدر:يعني عادي اذا صار عدنة
وانتي
فرح:اممم بس متضوج
حيدر:ترة اعرف لجواب
بس وين لمشكلة اذا صار عدنة وبعدين حتى لو ماردنة هسة اني ماخليج تاخذين هاي الادوية وماعرف شنو
فرح:ليش
حيدر:بابا موزينة عليج خل يولن
فرح:لعد شلون
حيدر:كلشي ماتسوين وماعدنة مشكلة اذا صار واني ليش اجذب عليج اريد يصير عدنة اطفال ويافهد بس بعد الله ماقسملنة
فرح:بس اني ماريد
حيدر:فرحة افهمي اني اريد ترة لعمر ركضة
فرح:سكتت واني افكر بلسالفة مايقنع حتلو كتلة ماريد واني لازم اشوف حل ورة يومين اخذني للدكتورة فحوصات وهاي لسوالف كتلها ماريد اطفال عادي تنطيني مانع
الدكتورة:ليش ماما كم طفل عندج
فرح:واحد
الدكتورة:ماشاءالله بس ماما بعدج صغيرة وعمرج مناسب ليش حرمات بعدين من تكبرين تتندمين تكولين لو صاير عندي واني بعدني بهيج عمر احسن
فرح:لادكتورة ماريد هسة
الدكتورة:براحتج امي
فرح:انطتني علاج وجبتة وصرت اشرب منة وكل مايخلص اكول لشهد تجيبلي بس هية تدري بية وعبالها حيدر يدري بية ف من اشوفها تريد تتطلع اوصيها تجيبلي واستمريت اشرب منة
وفهد صار عمرة 8اشهر وشكلة يخبل مدنفش واحمر ومتعلق ب حيدر يموت علية وحيدر هم يتخبل علية راد يطلع حيدر انطاني فهد وفهد خبصنة بلبجي علية يريد ابو رجعلة حيدر اخذة ويا وهيج صار لازم حيدر يطلع بدون مايدري فهد لان اذا شافة ينتهي من لبجي علية
وصار عمر فهد سنة واني مستمرة على حبوب وحيدر بين فترة وفترة يسئلني عبالة حامل
اجة من لدوام عصبي فدمرة ويصيح طلع متعارك هناك
خابرة عباس وكلة نص ساعة واجيك صعد سبح وكالي حضري ملابسي طلعتلة ملابس شافني كال طلعيلي قميصي الاسود موهذا
هو عندة هواي قمصان سود واثنين اني مكاويتهن الاهذن الاثنين
فرح:هذا مكاويتة
حيدر: طلعي لثاني لنفسة
فرح:هم ماكاويتة
هو جان واكف يضبط بلساعة مالتة كتلة هيج شمرها على حايط
حيدر:طلعيلييي الازرك
فرح:مو هم ماكاويتة
حيدر:ووووين جنتيي لخاااطررر لكعبةةة
فرح:غسلتهن ونسيت اكويهن
اجة للكنتور ودفعني ووكف يكلب بلملابس
طلعلة قميص اسود من لمكويات لبسة
حيدر:زين ساعتي وين لبارحة ل لبستها
فرح:هاا مو ليوم شسمة وكعت من ايدي وانفطرت شوية
ضل يصيح وخرب لكنتور كلة وشمر لملابس رغم هو يدري دائما اسوي هيج اشياء وابد مايحجي ليوم طلع عصبيتة بية
حيدر:هذاااا ثووولججج شسوووويلةةة فهمينييي بسسس خلل ارجعع صبرريليي
فرح:شنوو لساالفةة حيدرر ليـ
حيدر:امشييي طلعيييي لااا انعللل لخلفجج برااا يلاااا
فرح:طلعت وركعت لباب وراي جاي عصبي اني شعللية نزلت واخذت فهد وكعدتت بلصالة هو ورة دقايق نزل شافة فهد اجة اخذة وباسة ورجعة لي وطلع وفهد وشافة وهم ضل يبجي علية بس يبجي بخبال مو هيج
طلعتة ورا هو هو بعدة مرايح مطبب سيارتة بلحوش وديشغل بيها وفهد نوب شاف لسيارة شمر روحة بلكاع ويبجي اريد اشيلة ماكو مادري شلون شلتة وعطتت بي وضربتة بخفة وهو زاد بلبجي مااشوف الا حيدر نزل من لسيارة واجة علية عاط بية
حيدر:تعاااااييي ولج هاااي تضررربينن منووو بت***
فرح:مااتشووفة مووتنيي
اخذ فهد وجرني من ايدي وطببنيي
حيدر:وتضرربيي لجججج جللبةة ثوووولةةة
اجت عمتي اخذت فهد منة وهو ماصدك ضربني راجدي ولزم شعري
حيدر: ايددجج تتكسررر اذا شفتجج مادتهاا علييةة وانعلل ***** ثوولة
وخرت ايدة مني وكتلة بصوت
فرح:كلل ماتتطلعع هيجج يسووي هذااا تعلومك وبعددين مو جااي عصبيي وتطلعهاا بية
لزم ايدي وضغط عليها حيل بيدة
حيدر:هلمرة سويتهااا مرة ثانيةة ايدج لتمديها عليي تتكسررر
ام شرار:دعوفها يمة هية هيج انه احجي وياها شوو بله عوف ايدهاا
عافني وراح طلع اخذت فهد وصعدتت لمهند
فرح:مهند اخذني ل علياء
مهند:ديلا روحي كملي لان عندي طلعة بعد شوية
فرح:رحت بدلت لفهد واني بدلت وطلعت لكيت عمتي بل مطبخ كتلها
فرح:رايحة ل علياء
ام شرار:روحي يمة غيري جو يمها بس حيدر يدري مو
فرح:يي يدري
ام شرار:يمةبلكي تقنعين رحمة تجي هنا
فرح:ان شاءالله
طلعنة واخذني ل علياء وهية كيفت بية
كاعدين سئلتني
علياء'شنو حبيبتي بيج شي
فرح:سولفتلها كلشي
علياء:تحجين صدك فرح شلون تضربي هيج ولج فرح فهد ينضرب
فرح:مادري صارت بعد
علياء:زين لو مخابرتة على جيتج
فرح:اخابرة منج
علياء:بكيفج حتى لو تكولين اجت علياء ورحت وياها
فرح:اخذت تليفونها وخابرتة رد
حيدر:هاام علي
فرح:هاا
حيدر:احجي
فرح:اني يم علياء
حيدر:ومنو كلج ترررحين
فرح:رحت ويامهند
سدة بوجهي رجعت ل علياء
علياء:ها كتيلة
فرح:يي
علياء:دتعاي وانسي لصاير وخل نتونس
صدك قبل ايام رحت للسوك وعجبني ثوب لج خل اجيبة شوفي
راحت جابتة واجت وخطية دائما هيج
علياء:هاشلونة
فرح:يخبل حبيبتي عاشت ايدج
علياء:دكومي لبسي خل نشوفة عليج
فرح:لبستة واجيتها
علياء:ماشاءالله كلشش حلوو وقياسج بل مضبوط
هسة شنو ياحلوة خاف يجي اخوي هنا ف تعاي وياي
فرح:وين
سحبتني من ايدي واخذتني لغرفتها
كعدي على جرباية ومعليج ماطول فهد ساكت عد رحمة
فرح:كعدتت تسرح بشعري وتسولفلي على زوجها
علياء:وجهج مرتب بس يحتاجلج شوية حمرة وكحل اكثر
فرح:علياء هية مال هاي لسوالف
علياء:معليج يلا اختاري حمرة حلوة
فرح:اني كلبي يرف على احمر اخذتة وخليت منها وكثرت لكحل
علياء:هسةة تبووب تخبلين
فرح:بس علياء هاي لفتحة ل بثوب مو جنها جبيرة
علياء:لا ترة ماتتطلع رجلج هواي زينة معليج
طلعنة كعدنة بلصالة
رحمة:الله شنو هلجمال
فرح:صدك
رحمة:والله كلش حلوة
فرح:ورة نص ساعة اجة حيدر
اني جنت بلمطبخ اسوي حليب لفهد
طلعت للصالة هو جان كاعد ويمة علياء ورحمة وبحضنة فهد رحت علي اخذت فهد من يمة وكعدتت اشربة حليب وشو هدوء كامو مايحجون رفعت عيوني صافنين بوجهي حجيت اني
فرح:رحمة ترحين ويانة
رحمة:اي اريد اروح لامي
حيدر:كومي حضري نفسج حتى نروح
علياء:وين ماكو روحة هسة
حيدر:عندي شغل وداعتج اني غير يوم اجيج
علياء:خوش خل اكوم اجيبلك جاي
بقينة بس اني ويا كال
حيدر:اجيتي بهذا شكلج؟
فرح:لا
هز راسة ويباوع علية اجت علياء جابتلة جاي شرب وكمل وكال يلا كمت لبست ورحمة هم مكملة ورجعنة للبيت صعدتت فوك وبدلت وكعدتت عل جرباية ببالي امي احس اشتياقتلها واريدها شكد مااكول احاول اتعود واتعايش بحياتي مااكدر اريد ارجع لاهلي ارجع لمعاملتهم لي وحبهم ودلالهم بلحظة كلشي تغير وهسة اني بعيدة عنهم وام هم وماعرف لمكتوب شنو بعد نفتح لباب حيدر ودخل باوع علية وعكد حواجبة
حيدر:شبيج؟عليمن لبجي
فرح:حيدر اريد امي
باوعلي مستغرب
حيدر:شبيج بابا تعاي نامي
فرح:عفية فدوا اريد امي
اجة كعد يمي ولزم ايدي حجة بقلق
حيدر:بيج شي؟ احجيلي صاير شي
لاتخافين احجي بابا حبيبتي
فرح:مابية شي بس،والله اريد امي حباب
حيدر: يلا هسة اخابرها لج
اتصل وماكو رد بجيت بلزايد
حضني ويمسح على شعري
حيدر:لج بوية شبيج فرحة بس كليلي بيج شي ؟يوجعج شي
فرح:لا مابية
دك تليفونة وخرت بسرعة باوعت علية
انطاني لتليفون حجيت وياامي وابجي مدري شبية ضل بالها وعبالها بية شي ورادت حيدر تحجي ويا حجة وياها وكالت باجر اجيج والله سديتة منة شوية رتاحيت سمعت صوتها وهم فرحت من كالتلي اجيج
باوعت علية كتلة
فرح:باجر تجيني
حيدر:يلا بعد عليمن لبجي يابة
كعد فهد يبجي ردتت اكوم كلي
حيدر: ضلي اني اشوفة هو اذا امه تبجي على امها
فرح: غير اهلي وبعيدة عليهم
رجع فهد نام كال
حيدر:تعاي بلصالة نكعد خل احجي وياج
رحت ورا كاعد على قنفة كعدتت يمة
لزم ايدي ورفعها يم حلكة باس باطنها وبقة لازمها وحجة
حيدر:شوفي فرحة اني ليوم انغثيت منج كلش واني هذا طبعي ماكدر الزم ايدي ولااعصابي شسوي بعد موبيدي بس فرح مال تضربين فهد كلشش ماقبلها ويمكن تتطلع مني اشياء واذيج بسبب هلشي الطفل ماينضرب تدرين منو ليتصرف هيج وياا اطفالة بس الام الفاشلة ولحرام تصير ام انتي يمكن صارت هيج ومامنتبهه على نفسج بس مرة ثانية اذا نعادتت يمكن اسوي اشياء مامسوول عليها
فرح:اني والله مدري شلون سويت هيج
حيدر:شوفي بابا سويتها مرة راح تعيدها بعد لان تتعودين على هذا لغلط اني ليش جاي احجي وياج حتى مايتكرر هلشي واني تفاجئت من تصرفج لان اعرف شنو فهد عندج وماجنت متوقع تصيرين هيج ام معدلة كل ببالي بعدج طفلة ومو مال يصير عندج طفل ومسوؤلية الام بس من شفتج ويا فهد واهتمامج وتربيتج وحبج له وهواي اشياء خلاني اغير تفكيري وارتاح
ف من هنا وبعد تنسد هاي لسالفة وانتي هم بعد ماتكرريها لان اكيد عرفتي غلطج
فرح:هزيت راسي ب اي
حيدر:فرح خلينا نعيش حياتنة اني وياج طبيعية ماريدها تأثر على فهد وتريدين لصراحة اني هم تعبت من كلشي
فرح:باوعت علية وكتلة
فرح:يعني شلون؟
تلمس خدي و وخر شعري حجة وهو يباوع بعيوني
حيدر:يعني نعيشها مثل اسمج نخلي كلشي ورانة ونبدي من جديد( صيريلي فرح لكلبي واصيرلج كلشي) ليش نضل نجذب على رواحتنة (اني ماكدر بدونج ولاانتي تكدرين) رغم لصار بينة واذيتي لج بس گلبي وگلبج انسجمو سوا
غمضت عيوني وفتحتهن وكتلة
فرح:حيدر انت هواي اذيتني ومستمر ب اذيتي صرت تعرف نقطة ضعفي فهد وتلزمني من هاي النقطة على كلشي ماذيني
والاكبر بعد حتى اهلي مااشوفهم خليتني اتحمل اشياء اكبر من عمري
حيدر:جاي اكلج نعوف كلشي ورانة
فرح:بس بل مقابل انت تغير من نفسك
حيدر:فرح جنت اذيج بدون سبب بس هسة انتي تخليني اذيج بسوالفج
فرح:نبدي بداية جديدة بس اول شي تعوف كل هاي لسوالف وثاني شي شيرين متحجي وياها ابد وباقرب فرصة اطلكها وماتضربني على كلشي واهلي بين فترة وفترة اروحلهم
حيدر:هاي هية يابة
فرح:هاي هية نشوف
ايام وفعلا حيدر ماكو احن منة علية كلامة تصرفاتة اهتمامة واني هم غيرت من نفسي ويا صار يحجي كلام حب بلبداية اتفاجىت بس بعدين عادي جنت واكفة بلمطبخ اسوي زلاطة للغدة وهمة بلدوام اجة هو اول واحد
فرح:يهـلا
اجة صار وراي وحضني وباس خدي
حيدر:هـلا بفـرحة گلبي
ضل هيج حاضني ويسولف
حيدر:خابرتج من امي بس محد رد وين مخلية تليفونها
فرح:خاف ماسمعتة ليش لعد خابرت
عضني من خدي وكال
حيدر:حنيـت لصـوتـج
دخلت عمتي تحجي وياي
هو بسرعة وخر واني هم استحيت
ام شرار:يايمة اجيت الله يساعدك
باس راسها وكللها
حيدر:ي غاليتي
ام شرار:جا شو اخوانك مو وياك
حيدر:اني جان عندي شغلة وكبل اجيت للبيت هسة شوية ويجون
ام شرار: ها دصعد ارتاح وبدل حبيبي
صعد هو وعمتي كالتلي
ام شرار:روحي يمة شوفي رجلج اني اكملها
غسلت وصعدتت ورا لكيتة واكف يم لميز ينزع بساعتة
رحت يمة كال
حيدر:يابة شنو انتي وجهج ماينمل
فرح: اممم شنو لشغلة لجانت عندك
حيدر:شغلة يم وحدة
باوعتلة رافعة حاجبي
فرح:منو ياوحدة
سحبني علية وحضني من خصري
حيدر:لايابة ياوحدة ولد صديقنة بل مستشفى ورحت شفتة.
فرح:لعد اسبح حتى ننزل نتغدة
حيدر:فهد نايم
فرح:يي جوة نايم
عفتة يسبح وطلعتلة ملابس ونزلت لكيت فهد عد لحجية
لحجية:تعاي يمة هذا وليدج كعد
اخذتة منها ورحت اجة مهند اخذا يشتريلة وهو كلش يحبة صبينة غدة وتغدينة
و نعيمة ليوم بيتها هية ولحجي وصبرية وبناتها راحن لبيت سالم تغدينة وصعدنة اني اخذت ملابس رحت سبحت وطلعت مشطتت وكملت ونمت على جرباية حضني حيدر وصار يتمادئ اكثر ابتعدتت منة
فرح: اا اريد انام هسة
حيدر:نامي
فرح:درت وجهي منة وغمضت عيوني وبين تفكير وتفكير مالكيت نفسي الا نايمة
للمغرب كعدنة نزلنة جوة وهو راد يطلع مشيت ورا واحجي ويا وصلنة للحديقة سمعنة صوت حنين تحجي بل تليفون وتفتر ومعصبة
حنين: ترررة هية موو كووة مارريد احجي وياك
وكف حيدر يتسمع ويباوع عليها ومضيك عيونة واني وكف كلبي
ردتتها تنتبه صحت
فرح:حنيننن
باوع عليه وعيونة صارت بكصتة وهية ارتبكت من شافت حيدر وكبل سدتة راحلها وكف كبالها
حيدر:ويامن جنتي تحجين
حنين: ااا ويا ويا ماحجي بس
سحب تليفونها من ايدها وضل يكلب بي وهية بقت تبجي وتفرك بيدها رفع عيونة من لتليفون وباوعلها بنضرة اني متت بمكاني وخفت منها
شمر التليفون على مرجوحة وطلع وهية بقت تفتر بل حديقة وتبجي
حنين:ولجج فرح شاف كلشي الله يااخذنيي شلون سويت هيج تعاي لزميني والله احس نفسي راح اوكع
رحتلها وكعدتها بلمرجوحة
فرح:بس احجيلي شكو
انطتني لتليفون على محادثة فارس
فارس: لاتزعلين مني يارضـة كلبـي وحك نضر عينج اعشكج وابقـة عاشكج للموت
حنين:فارس ماريد احجي وياك بعد
فارس:ولااني اريد هيج بس انطيني كلمة واني احجي ويا ابو فهد والله كلبي مايتحمل اكثر ليش ماتحسين تعبتت حنين
حنين:ماكدر هسة انطي اي كلمة
فارس: احببججج ولجج فهمييي راح اموت من ورراجج
حنين:اتصل اريد احجي وياك
واخر شي الاتصال
فرح:شبيج حنين لاتبجين بعدين همة كلهم يدرون فارس يحبج ويريدج وانتي جاي تكليلة لاتحجي وياي ولولد هم مايريد هيج
حنين: ولج موقف موحلوو كلشش فرح خاف يسوي شي لفارس شفتي شلون باوعلي لوو الله ماخذ عمري ولا هذا لموقف يربيييي
فرح:بس صلي عل محمد شنو سالفتج هسة اجيب تليفون الحجية واخابرة
رحت بسرعة جبت لتليفون واجيتها خابرت رفضة ماجاوب رجعت هم خابرتة رد
فرح: الو حيدر
حيدر: ها
فرح:فدوة تعال كلش متاذية
حيدر:شكوو شبييج
فرح:مادرري بطني كلش توجعني
حيدر:ترة هسة عفتج ماكو شي
فرح:حيدر شبيك تعال فدوة
سد الاتصال وحنين تباوعلي
فرح: حتى يرجع شبيج
حنين:يااااا واني صدكت
فرح:راح اصعد فوك انام
صعدتت نمت عل جرباية شوية وانفتح لباب غمضت عيوني وخر شعري من وجهي فتحت عيوني كعد يمي كال
حيدر:شبيج فرحة
فرح: لزمت بطني وحجيت ب وجع
بطني كلش توجعني
ادنيت وسويتلة مكان
فرح:تعال نام حباب
يباوعلي وعاكد حاجبة نام بصفي ونومني على ايدة والايد لثانية يمسح بهدوء بيها عل بطني
رفعت روحي بستة بخدة
حيدر:فـر
نزلت عيوني على شفايفة اباوعلهن وهو سكت ماكمل كلامة بلل شفايفة وباوعلي ب استغراب
رجعت باوعت بعيونة وابتسمت
حيدر:دوخري شبيج نضراتج مال وحدة مش**ومستحية ولو انتي ماامستحية
فرح:رفعت ايدي خليتها بشعرة وبست كل وجهه خليت راسي عل صدرة وغمضت عيوني واحس كلبي صوت دكاتة ملا لغرفة
احبة؟؟ معقولة احبـة بعد كل لسوا؟ ليش هيج كلبي يريدة؟ ليش رايدة قربة ومرتاحة بوجودة ؟ليش اخاف علية وماريدة يضوج لو ينقهر لو يصيرلة شي؟ باوعتلة وهو مغمض عيونة خليت ايدي عل كلبة وحسيت بنبضات كلبة بين ايدي
هو هم مثلي؟هم هيج كلبة يدك عل قربي منة؟ ابتسمت وماعرف شنو لتغلب علية بهلحظات رفعت روحي وبست كلبة
سحبني له ويبوس بكل وجهي همس باذني بصوت حسيتة احتل كل جسمي صوت هادئ وبي بحة وتعب وكلشي
حـيدر:لــــج احبـــججج
باسني بشفايفي ورجع كال و وجهي بين ايدة
حيـدر: هديتـي حيـلي بگربج بهذلتي كلبي كلش
خنست على كلامة ومابدر مني اي رد فعل دك تليفونة ووخر مني اتنفست براحة جاوب وعاقد حاجبة
حيدر:تعال للبيت عندي حجيي وياك
حيدر:هسة تعال وبعدين نحجي
حيدر:انتضرك
سد الاتصال وكتلة
فرح:هذا فارس
هز راسة ب اي ردتت احجي بس سكتني وكال
حيدر:لاتتدخلين بهذا لموضوع
سكتت وماحجيت
خلا ايدة عل بطني كال
حيدر:بعدها توجعج؟
فرح:لا زينة هسة
حيدر:يعني انزل؟
فرح:انزل وياك اشوف فهد
حيدر:اذا مابيج حيل ابقي واخلي وحدة تصعدة لج
فرح:لالا انزل وياك
نزلنة وجانو كاعدين بلصاله
كعد يمهم وطلع جكارة ورثها و وجهه كلامة لجدة
حيدر:راح يحجي فارس اريد احجي ويا وحدنة ماريد واحد يدخل علينة
الحجي: خو ماكو شي بوية
حيدر:لا يابة ماكو عندي سالفة ويا
الحجي:خير ان شاءالله
شوية واجة فارس اخذة للاستقبال وكلي سوي جاي رحت سويت واخذة مهند وطلع كعدنة بلصاله وهمة بلاستقبال ويردون بس يسمعون كلمة طلعت حنين كعدتت يمي وتفرك ب ايدها ومدمعة عيونها مهند يلعب ويا فهد ويضحك ولحجي ولحجية يسكتون بي حتى يسمعون يخافون خاف اكو شي
بلبداية جانو هدوء وصوتهم ناصي بس بلاخير حيدر عله صوتة وسمعنا يكلة
حيدر: تاااكل خ** احسسنن ليشش تخلينيي اتجاوز عليكك
عمتي كالت للحجي
ام شرار:بوية روح شوفة
الحجي:لا مساع كال ماريد واحد خليهم وحدهم
وهمة شوية ورجعو هدوء طلع حيدر وطلع ورا فارس ضحك مهند وكال
مهند:هلهلي يما خلصت الزفة واخذها
غمتة عمتي وحيدر خزرة وغلط علية وهو ياريت سكت باوع على حيدر كلة
مهند:النيشان وينة
اجة حيدر علية راد يضربة وهو شرد يم جدة
حيدر:طاايحح الحظظ سوالفك هاي بطلهن
كعدو وجبتلهم جاي وهو سوالي مكان يمة رحت كعددتت همسلي
حيدر:صرتي زينة؟
فرح:يي زينة
باوعت عل حنين منزلة راسها وعلى طول كعدتها تفرك ب ايدها ومرتبكة وخايفة وفارس كاعد ومنزل راسة يلعب بسويج لسيارة
.
.
.
.
يتبعععععععععع