#الايسر سلاسل الاحرار
#بقلمي كاريانا ✨
أنعم الله عله الوكف والماوكف بالضيج
هنا ايام يكضن و القصص تبقى
...
وسمعت صوت اسامه وتلاه صوت الرصاص لكن دار بينهم حديث
عوده في الزمن...
طلع اسامه وظليت انتظره بالباب ع السريع السوبر ماركت كدامنه
::- اسطوره لا تخافين هذا السوبر ماركت هسه اروح ركض واجي وهذا مختبر أيسر لا تخافين خوش...
هزيت راسي بايجاب حضني حيل يمسح على خدي بحنان ابتسمتله وطلع واني اباوعله
وكفو دراجات اثنين تقريبا همه ٤ ملثمين واسامه بنص الطريق لا هو الرايح ولا هو الراجع حاوطوا
وكال واحد منهم
::- الف مبروك *** اسامه..
اسامه فتح عيونه بصدمه وكال
::- هاي انتو؟
ضحك الثاني وكال
::- جينه نباركلك ونلعب اشويه علمود بعد تندك بينه...
ضحك اسامه باستهزاء على الرغم من أن الخوف جان باين بعيونه
بسرعه اتصلت علي أيسر من تلفون اسامه
جاوب
:- هااا اسامه خيرررر
جاوبته بصوت يرجف :- أيسر هاي اني أساطير فدوه اكو ناس محاوطين اسامه مسلحين
شهك بصدمه وصاح
:- سلاح اسامه بيدج خلي ولا تطلعين أساطير ديربالج هسه اجي...
:- تمام بس استعجل فدوه...
ورجعت اباوعلهم واسامه عينه ع الباب
اسامه ::- هسه المطلوب مني شنوو؟
الرجل ::- ووجعه فوك شينه كوات عينه اخونه انسجن مؤبد بسببك وكلنالك لا تستلم القضيه لان ندمرك بس انت ما تسمع...
جاوبه اسامه بقوه واكف بشموخ
اسامه ::- كم شاب كم مراهق تدمرت حياتهم ماتوا تمرضوا بسبب اخوك ما كلت خطيه بس اخوك هو مو ادمي يتاجر مخدرات وسلاح واله هواي قضايا فساد اصلا لو عليه اعدام واخلصهم منه ومن شره...
صاح بي واحد منهم
::- كافيييي حته الشهاده ما اخليك تنطقه يا قذر ونشوف منو اليتدنالك...
رد اسامه ببرود ::- سوي اليعجبك الشارع فارغ بس خليها ببالك انتو راح تنضمون لاخوكم بالسجن عندي اخ يطلعكم لو من سابع أرض...
الرجل ::- نشوف يا الفدائي كلش زايد اخليك تتشاهد
اسامه ::- اشهد ان لا اله الا الله وأشهد أن محمد رسول الله وأشهد أن عليا ولي الله
وطلقتين اخترقت صدره بس سمعت صوت أيسر يصيح اسامههههه خويه..
وهمه صعدوا وبسرعه علمود ينهزمون لكن المكان صار محاصر قوات امنيه شالوهم وايسر شال اسامه واني بعدني بجادر الصلاه لبست نعالي وطلعت اركض اندارلي أيسر شايل اسامه بسرعه وداه للسياره واحد الموجودين من القوات الامنيه من معارفهم صعد بسياره وشغل صعدت وخله اسامه بحضني وصعد هو ليكدام بس لازم ايده ومندار عليه...
الايسر ::- اسامه وصلنه المستشفى خويه بس اهدئ كلشي ما بيك...
واسامه بالكوه ينطق
اسامه ::- أيسر ديربالك على أساطير خليها بعيونك...
صاح أيسر بعصبيه
الايسر ::- انجب بله كلشي مابيك جنك صل هسه تكوم تعارك ديلا....
ابتسم اسامه وصارت شهكه بصدره وبعدها ما حرك ساكنا....
الايسر..
كاعد بالمختبر عندي شغل دك تلفوني اسامه جاوبته اشوف طلباته لو يريد ببسي لو علاج لو شيريد طلباته المعتاده بس انصدمت من كلام أساطير اتذكرت كلام اسامه قبل كم يوم
جنه كاعدين نتابع تلفزيون صادف يوم خميس واثنينه معطلين جاب كلاصين وصبلنه ببسي
اسامه ::- اشرب اشرب بعدك عايش بعز اخوك
هزيت أيدي وكلت
الايسر ::- اممم مو يوميه حضرتك تريد بيبسي واجيبلك اشو بس اليوم انت جبت وذليتني مذله...
يحجي رافعلي حاجبه...
اسامه ::- اشرب وانجب بله...
الايسر ::- خلف الله عليك انطيني...
انطاني الكلاص وكال بجديه...
اسامه ::- ابو جرح اريد اكلك شي
عاينتله بطرف عيني وكلت
الايسر ::- عدتك مرتك؟ ديلا كول
كعد عدل وتحمحم وكال
اسامه ::- الايسر سويتلك وكاله ع البيت والسياره وكلشي بعد انته أعز من اخ..
شركت الببسي طلع من خشمي،
انطاني مي و اكح كوه اجر النفس
الايسر ::- عودد ليش؟
تنهد وحجه بتوتر
اسامه ::- الايسر اني استلمت قضيه لإحدى أكبر العصابات تجاره اسلحه ومخدرات وواحد منهم انسجن مؤبد وجاي توصلني هواي تهديدات، ومو اي عصابه لا عصابه خطره ف ع اي ساعه يلكطوني اموت... ولا شخص سلم منهم...
صحت بعصبيه
الايسر ::- عندي عشر اخوان وانته الحادي عشر.. ومتعاجز منككك ليش تسوي هيجه اسامه لا تخبلني!
كام وحضني حيل وكال بهدوء
اسامه ::- ابو اسامه تتذكر وعدنه..
بادلته الحضن وكلت
::- وشلون انسه ابو أيسر
ضحك وضربني ع ظهري بقوه صحت بي
الايسر ::- حيوااان مو ظهري يوجعني خررررب...
اسامه ::- الايسر توعدني...
عكدت حاجبي وكلت ::- بشنو
اسامه ::- تبقه ابو اسامه اول اطفالك تسمي اسامه واذا متت مرتي تخليها بعيونك وما تخليها تحس بفرق تصير مثل الاجود...
عاينتله بطرف عيني
الايسر ::- تمام يالمطي بس لا تنسه العار ميموت وانته تبقه
غمني وضحك بس القلق مبين على ملامحه انقطعت دوامه أفكاري على شهكه أساطير..
ايد اسامه رخت من ايدي وأساطير حاطه ايدها على عيونه مغمضتهم وتشهك كل حيلها والمكان تدمر هلكد ما نزف اسامه...
وصلنه للمستشفى احس رجليه بادن اجه حسان الجان يسوق سحبه من حضن أساطير ونزلنه نركض مدمرين من اسامه..
نزلنه للطوارئ بسرعه ودخلوا عمليات بي نفس دخلوا عمليات اقل الربع ساعه حاط أيدي على راسي والهم والقلق اخذ ثلثين الحيل وأساطير انهارت بالبجي، طبوا اخوانها مفزوعين...
والمستشفى مكلوب كلاب قوات امنيه...
ساعه واخذنه الضربه القاضيه للكل وياريتهم ما كالوها ولا شايفين هليوم الاكشر..
أساطير بحضن تميم وسامر بالكاع دموعها تتسابق واني وازهر ساكتين بس عيونه تحجي كميه الخوف والقلق....
طلع الطبيب وكال
الطبيب ::- منو ويه اسامه؟
كمنه عليه بسرعه اني وازهر ننتظر بس حرف واحد يهدأنه
::- البقيه بحياتكم.. المريض توفه
يتبع..
يمههههه اسامتنه الله يرحمه شكد بجيت عليه يا الله....
انتظروا الأحداث القادمه حياه اسطوره مراح توكف لهنا وبس وراها كومه مشاكل وعقبات ودموع وضحكات مايحتاج احجي انتو راح تعرفون