بســم ﷲ الرحمــن الرحيــم
السـلام عليڪم
#بيـن انيابهـم
#بقلمـي أنـا: زهــࢪاء
حساب الانستا: zaii1_8
لا تنسون التصويت +التعليق بين الفقرات
+احبڪم زهوراتـي 💋
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تـــــاج
تـــاج.... احلف ما تعوفني
هُـــــــــــــذام.... و داعتج ما اعوفج بروح اخوي
ما فهمت ليش حلف هيج رفعتلة نضري وكمل كلامة
هُـــــــــــــذام.... عيوني ما ترهم بس عليج
ابتسمت ولزمت وجهة بأيدي قربت شفايفي من عيونة وبستة بعيونة اثنينهن اكثر من مرة
تـــاج.... هُـــــــــــــذامي
هُـــــــــــــذام.... ها يالماخذة ڪلبة
ابتسمت وما حجيت شي نزلني عن حضنة ولزم ايدي بأيدة وطلعنة.
نزلنة من العمارة وصعدنة بالسيارة
هُــــــــــــــــذام.... توجة اعلمج تسوقين؟
ابتسمت وهزيت راسي بأي
تـــــاج.... اي حابة اتعلم
هُــــــــــــــــذام... سهلة اعلمج ومن تتعلمين اشتريلج سيارة
تـــــاج... وين ما اشوفك ادعمك
التفت الي مبتسم
هُــــــــــــــــذام.... هذا شكر من نوع خاص؟
تـــــاج... ما متوفر بس يم توجايتك
هُــــــــــــــــذام....اني سامع الناس تتشكر ببوسة بحضنة الا حظي يتشڪر بدعمة
تـــــاج.... مو ڪُلشي تسمعة تصدكة
هُــــــــــــــــذام.... هم عندج وجهة نظر
تـــــاج... وجهة لو ظهرة
هُــــــــــــــــذام.... ظهرة لو رجليه
تـــــاج.... رجلين لو عيون
هُــــــــــــــــذام.... عيون لو بيض عيون
تـــــاج..... عيون مالت طباخ
هُــــــــــــــــذام.... سخيفة متضحك
تـــــاج... محد طلب منك تضحك
هُــــــــــــــــذام.... اضحك غصباً عليج قابل انتظر طلبج
تـــــاج... طلبي ينفرض ما ينتضر
هُــــــــــــــــذام... استقري ام البلاوي
تـــــاج.... سندريلا الجوامع
هُــــــــــــــــذام... ما اسمحلج سندريلا البتاوين
احتاريت شنو ارد التجأت الاسرع شي مديتلة اللساني ضحكت وهز ايدة سكتت عنة لأن وجع بطني رجع رخيت نفسي على الكرسي وعم الهدوء مد هُــــــــــــــــذام ايدة للمسجل وشغل انشودة... عد لي حبيبي..... ضل ڪُل ما تخلص يرجع يعيدها وينشدها بصوتة حبيتها من وراه و خصوصاً مقطع
ذَابَ الْعِشْقِ هَوَا
يَا سِنًّا الْغَيْبِيِّ
طَابَ الْجِنِّ بِكَ
أَيُّمَا طِيبٌ
دِ؏ عَيْنِي تتڪلَمْ
فَالْدمع يَتَأَلَّمُ
نعست على صوتة وضليت افتح واغمض عين انتبه الي ورأستاً طفاه ابتسمت على اهتمامة بية
هُــــــــــــــــذام.... يبتسم حبيبي؟
تـــــاج.... حـــرام؟
هُــــــــــــــــذام.... لا يابة حلال نامي يلا
تـــــاج.... تريد انام وتخلص من صوتي؟
هُــــــــــــــــذام... كعدي احجي
تـــــاج... تريد احجي واتعب
هُــــــــــــــــذام.... وصلنة لا تنامين ولا تحجين كعدي يلا
ضحكت وڪعدت اجيت انزل ما خلاني نزل هوَ ودار فتحلي الباب زادت ابتسامتي ولزمت ايدة ونزلت اهتمامة حيل حلو اول مرة احس نفسي صدُك مدللة احتضنت ايدة ورفعتلة راسي وابتسمت
تـــــاج.... هُــــــــــــــــذامات
هُــــــــــــــــذام.... عيونة حبيبي
ما حجيت بس ابتسمت وسكتت دخلنة للعيادة شفت هوايه ناس عفت ايد هُــــــــــــــــذام حسيت عيب واكو زلم هواي
تـــــاج.... هُــــــــــــــــذام هذول كُلهم كدامنة؟
هُــــــــــــــــذام... حاجز من الصبح
هزيت راسي ورحت كعدت يم مرة و هُــــــــــــــــذام دفع فلوس الكشفية وراح كعد ڪبالي حسيت بأنحراج لأن هوايه دفع على مودي و دا اخسرة فلوس هوَ مو مجبر بية و اني ما دا اقدملة شي انتبه الي صافنة هز راسة بمعنى شبيج طمنتة بنضراتي شوية وفرغ ڪࢪسي يمة اشرلي عليه كمت وكعدت يمه
هُــــــــــــــــذام..... شبيج نسنس؟
تـــــاج.... لا ما بية شي
هُــــــــــــــــذام... اعرفج من عيونج شبيج؟
تـــــاج.... هُــــــــــــــــذام من يصير عندي فلوس ارجعلك فلوسك
هُــــــــــــــــذام... فلوسيش بيناتنة فلوس؟
تـــــاج... الدا تصرفهن عليّ
هُــــــــــــــــذام.... من اكول عقلج بي طن نعل تلوميني وين اكو رجال دثو ياخذ من مرتة فلوس بابا روحي رجعي المڪانج ولا تفكرين بعد
تـــــاج.... دا تجاوز وراح اعصب
حجة يقلد كلامي
هُــــــــــــــــذام... لا مدا اتجاوز كولشي ولا تعصبين
تـــــاج.... شيخ الجوامع شيخ الـ
ما خلاني اكمل خزرني رجعتلة الخزرة واني كوة لازمة ضحكتي
هُــــــــــــــــذام.... الفطيرة
ضحكت والولد صاح بأسمي التفتت الهُذام
تـــــاج.... تدخل وياي؟
هُــــــــــــــــذام.... لا انت دخلي
تـــــاج... عندي رهاب اجتماعي
هُــــــــــــــــذام... رهاب مالت كلاوات كومي دخلي الناس وراج واذا سألتج الدكتورة متزوجة او لا ڪليلها مخطوبة
تـــــــاج.... ليش شنو الفرق اذا متزوجة و اذا مخطوبة؟
هُـــــــــذام.... نسنس اذا هاي ما تعرفينها شتعرفين؟...... انتِ بس كليلها مخطوبة و هيَ تعرف
هزيت راسي وكمت دڪيت الباب بأخلاق ودخلت سلمت وكعدت
...
فاصل قصير
(رڪزو على جملة... دكيت الباب بأخلاق... ڪتلها تـــــــاج يا بنت الحلال شلون يعني بأخلاق؟ تكلي لا اكو دكة بأخلاق و اڪو بدون اخلاق و من اكلكم شالعة قلبي ما تصدڪون)
....
.... شنو اسم الحلوة؟
تـــــاج.... تـــــاج حسـام
ڪتبتة ورجعت رفعتلي راسها
... شنو بيج تـــــاج
حمحت وما اعرف احجي اول مرة ادخل على دكتورة حست بية متوترة طمنتني
..... احجي ماما لا تتقيدين
ما صدكت هيج كالت حجيت
تـــــاج.... دكتورة اني البارحة اجتني الدورة الشهرية حيل اتأذيت وهاي هيج بڪُل مرة تجي
..... دورتج منتظمة؟
هزيت راسي بنفي
تـــــاج.... ڪُل 9 اشهر هيج
عافت القلم بصدمة
... وساڪتة ماما شلون هيج المفروض شهر ونص اذا اتأخرت تراجعين ما يصير شلون تسڪتين على روحج تالي من تتمرضن وما يستجاب جسمجن للعلاج بسرعة تذبنها براس الدكتور
تـــــاج.... ما جنت اعرف ان مو طبيعي اذا تأخرت
هزت راسها وحجت
... كومي نامي ؏ السدية
ڪمت من مڪاني ورحت اتمددت ؏ السدية واتغطيت كامت من مكانها واجت كعدت خلت ايدها على حنكي وحجت
... عندج شعر خشن؟
تـــــاج..... لا
.... زين اعصاب ما اعصاب
ابتسمت وجاوبتها بضحك
تـــــاج.... حسب الاوضاع ساعة اي ساعة لا
.... ههه هيَ هاي الساعة الي تضࢪ... متزوجة تـــــاج؟
تـــــاج.... مخطوبة
... الله يتمم منو جاي وياج؟
تـــــاج... زوجي اقصد خطيبي
هزت راسها وسوتلي سونار
.... جؤ جؤ ماما عندج تڪيس بالمبايض لازم تعالجينة وعندج رمل بالكلة خشن
شافتني صافنة على الامراض حجت
... اخر مرة شوكت سويتي تحاليل؟
تـــــاج.... مالت شنو؟
.... مثل تحليل دم او غيرة
لميت شفتي للداخل وهزيت راسي بنفي
تـــــاج... ما مسوية
... ولا مرة؟
هزيت الها راسي استغربت بس ما حجت شي كلتلي اكوم كمت ورحت كعدت كتبت بورقة وحجت
.... هاي تحالليل عامة سويها وجيبيها وخلي خطيبج او اي احد من اهلج يجي وياج
اخذت منها الورقة
تـــــاج.... يطلعن بنفس اليوم؟
.... اي بالليل يطلعن و اني موجودة
اتشكرتها وكمت طلعت برة اجت عيني على هُــــــــــــــــذام واكف بالباب ويخابر مشيت الة و صرت كبالة ابتسم من شافني وبسرعة سداه وضم موبايلة بجيبة
هُــــــــــــــــذام.... ليش تأخرتي؟ وشنو كالت الدكتورة؟ كتبتلج علاج؟ زين كلتلج تسوين سونار لو لا؟
ضليت فاتح حلكي ضحكت وحجيت
تـــــاج... هدي هدي عليمن اجاوب اني؟
ابتسم ولزم ايدي طلعنة من داخل غرفة الانتظار واخذني على صفحة
هُــــــــــــــــذام... احجي براحتج ماكو ناس
تـــــاج... كالت عندي تڪيس بالمبايض
رفع حواجبة بتفاجئ خفت من ردة فعلة اني الحد هسه ما عرفتة شنو شافني خفت لانت ملامحة
تـــــاج... و عندج رمل خشن وكتبتلي على تحالليل عامة كالت بالليل يطلعن وشسمة كالت خطيبج خلي يجي وياج مو ما يجي ڪُلش ما يصير واكفة هاي شنو هيَ هيته
ابتسم واشر على عيونة
هُــــــــــــــــذام.... تدلل كم جوجة عندي
اشرتلة رقم واحد بأيدي
تـــــاج.... بس وحدة الى هيَ أنييي
ضحك ورحنة للتحاليل سويتهن وڪعدنة ننتظر لا ساعة ولا ساعتين همسلي هُــــــــــــــــذام
هُــــــــــــــــذام... تـــــاج أذن راح اروح اصلي تبقين هنا؟
هزيت راسي بسرعة
تـــــاج.... اي عادي
هُــــــــــــــــذام .... اجيبلج عشة لو من نطلع نتعشة اثنينة
تـــــاج .... لا اثنينة
هُــــــــــــــــذام ... يجرالج حبيبتي
حجاها وكام ابتسمت وراه وبداخلي فرحت من خلاني وحدي يعني بدة يثق بية مو نفس قبل يخاف يخليني وحدي و حتى باب الشقة يقفلة وعدت نفسي احاول ما اخسر ثقتة ڪافي السويتة بي انتبهت الصوت طفل باوعت للبنية الي بصفي بحضنها طفل صغير ابتسمت الة انتبهت الي وضحكت
.... ياريت تلزمينة على ما اسويلة ممة
تـــــاج.... اي عادي
شالتة من حضني وانطتني اياه لزمتة والابتسامة شاكة حلكي اول مرة الزم طفل هيج صغير حسيت بشعور ڪُلش حلو واتمنيت صدُك يصير عندي طفل ولأول مرة احس بهيج شعور التفتت للبنية لكيتها فاتحة جنطتها وتسويلة
تـــــاج..... شنو اسمة؟
.... هههه بنية هاي
تـــــاج.... ياااا عبالي ولد لأن كلتي تلزمينة
.... هه متعودة على اخوها التؤام مالتها فأخربط بيناتهم
تـــــاج.... لعد وينة؟
..... ضل بالبيت يم عمتي
تـــــاج..... يلا اصلاً هيَ ولد
... ههههه لا بنوتة بس من هسه مسترجلة
تـــــاج.... اصلاً ما يبين شكلهم هسه جانت امي
من جبت طاريها رأستاً دمعن عيوني والحسرة ملت ࢪيتـي ابتسمت وكملت كلامي واني استجمع القوة
تـــــاج.... جانت تڪول البنية الها سبع شوفات
.... ﷲ يحفظها يارب... متزوجة انتِ؟
تـــــاج... مخطوبة
.... الله يوفقج ان شاء الله ينتࢪس حضنج جهال
تـــــاج.... ههههه لا شسالفة بعدني ما مستعدة هسه لا زواج ولا اطفال ولا اࢪيد اصلاً
.... بس حجي قبل اني هم جنت هيج عرك اني و زوجي على الخلفة اشو بس عرفت نفسي حامل طࢪت من الفرح
قطع حديثنة صوت البنية تبجي اخذتها من حضني وشربتها الممة
تـــــاج.... شنو اسمها
.... ايليا واخوها علي
ابتسمت على اسمائهم وسكتت ضليت اباوع عليهم الحد ما سمعت اسمي ڪمت جبت التحالليل ورجعت كعدت انتظر هُــــــــــــــــذام ما طول واجة انتبهت الة من بعيد يسبح كمت الة شافني وابتسم خطيت كم خطوة ووصلت الة وهمست واني امسح على كتفة
تـــــاج.... برڪاتك شيخنة خلي اخذ منك مࢪاد
هُــــــــــــــــذام...حࢪامات انتِ مࢪيضة جان انطيتج خوش مࢪاد
خزرتة واجيت احجي قاطعني وهوَ يباوع الايدي
هُــــــــــــــــذام.... طلعن التحالليل؟
جاوبتة من ورة خشمي
تـــــاج..... اي
اخذهن من ايدي واشرلي امشي مشيت وهوَ مشة وراي شوية وضجت وكفت الحد ما وصلي ولزمت بأيدة ابتسم بس ما حجة
تـــــاج.... ننزل بالدࢪج
هُــــــــــــــــذام..... اشيلج على ظهري وننزل؟
تـــــاج..... هههههه عيب منا ناس
هُــــــــــــــــذام..... يعني لو ما عيب واكو ناس تقبلين؟
تـــــاج... اااي اكيد
هُــــــــــــــــذام.... طاح حظج
تـــــاج... هُــــــــــــــــذام طاح قلمك
دنك عبالة صدُك ضحكت وحجيت
تـــــاج.... انكسر خشمك
ضل صافن الحد ما استوعب وهز ايدة وهوَ حابس ضحكتة ما اتحمل ضحك بصوت عالي ويفࢪ بسبحتة صفنت عليه احس ما ادري شبية هاي الكم يوم اصفن عليه هواي انتبه الي ولزم ايدي ونزلنة لڪينة عيادة الدكتورة فارغة وبيها بس كم واحد دخلنة السكرتير ودخلنة سوة كعدت وانطيتها التحالليل قرتهن وبعد مدة حجت
.... مثل ما كتلج ماما عندج تكيس بالمبايض ودمج نازل وعندج نقص فيتامينات هذن الشغلات بسيطة تكدرين بالالتزام بالعلاج يروح وبالنسبة للرمل الخشن وتكيس المبايض يراد الهن كورس من العلاج
باوعت الهُـــذام وكملت كلامها
..... انتَ خطيبها؟
هُــــــــــــــــذام.... نعم
..... شوكت زواجڪم
صفنت وانتظرت هُــــــــــــــــذام شنو يجاوب
هُــــــــــــــــذام... حالياً ما محددين موعد
.... تمام خوش كلام لأن اذا هسه وبهاي الفترة حاولوا تأجلونة على ما تتحسن حالتها تقريباً شهر
هُــــــــــــــــذام.... سهلة ما مستعجلين
انطتة ورقة العلاج
... هذا العلاج..... و بالتوفيق
اخذها من عدها واتشڪرها طلعنة سوة كعدت على صفحة وهُــــــــــــــــذام راح جاب العلاج ورجع دخلنة سوة وعلمتني عليه واني بس اهز راسي لأن مطمنة هُــــــــــــــــذام يسمعها ويحفظ
بعدها طلعنة ورڪبنة بالسيارة
هُــــــــــــــــذام.... نتعشة بالمطعم لو ناخذ عشانة وانروح للبيت
رخيت نفسي على الكشن واتربعت
تـــــاج.... اي شي المهم اكل
ما حجة شي حرك السيارة ومشة صادفنة ازدحام ڪُلش قوي وكفنة بي اختنكت وضجت فتحت الجامة و اجت عيوني على بنية صغيرة دايرات عليها بنات اكبر منها ويتعاركن وياها والبنية بأيدها بالة اكننس وتبجي دمعن عيوني واتذكرت الايام السودة المرت عليّ اتذڪرت شكد اتعذبت شكد انضربت بهذن الشوارع شهكت بسڪتة حسيت ايد على ايدي عرفتة هُــــــــــــذام زادن دموعي وحجيت برجفة
تـــــاج.... خطية جنت مثلها
راد يحجي ما انطيتة مجال فتحت الباب بسرعة ونزلت صاح عليّ حتى اوكف ما وكفت عبرت الها واني اصيح
تـــــاج.... شو وخرن منا شبييجن وياهاا؟
جاوبتني وحدة منهن
.... انتِ معليج وخري منا
تـــــاج.... لا بالله؟
حجيتها وجريت البنية من وسطتهن
تـــــاج.... لو بيجن خير ما تتعاركن وياها وانتن اكبر منها ابدال ما تحمنها من الشوارع بس العتب مو عليجن
حسيت احد وكف بصفي درت شفتة هُــــــــــــــــذام واكف ومكتف ايديه من شافنة بسرعة البنية خافت وحجت
.... امشن امشن
حجتها وجرتهن وراحت باوعت للبنية الصغيرة وابتسمت
تـــــاج.... شنو اسمج؟
جاوبتني وهيَ تمسح بدموعها
... حوراء
تـــــاج.... الله اسمج حلو واني اسمي تـــــاج
ابتسمت
.... وانت هم اسمج حلو
تـــــاج..... وين عايشة؟
.... ها؟
تـــــاج.... عندج ام و اب؟
هزت راسها
.... عندي امي بس ما عندي ابوي
تـــــاج.... وينة؟
.... ميت
دمعن عيوني وحجيت
تـــــاج... بيتكم قريب منا؟
.... اي بالفࢪع الورانة
تـــــاج... اخذيني الة
ما احس غير هُــــــــــــــــذام صاح بنتر
هُــــــــــــــــذام.... تـــــاج
التفتت الة وهزيت راسي بمعنى شنو خزرني ونزل ايديه واتقدم يمنة طلع فلوس وانطاهن الها وحجة
هُــــــــــــــــذام.... ضميهن عدل وانطيهن الامج
حجاها واشرلي اروح
تـــــاج.... بس
خزرني و اشرلي براسة
هُــــــــــــــــذام.... للسيارة
باوعت للبنية اخذتهن وبسرعة راحت ترڪض باوعت الهُــــــــــــــــذام
تـــــاج.... ليش؟
هُــــــــــــــــذام..... شنو الليش امشي كدامي للسيارة
تـــــاج.... ليش ما خليتني اروح وياها البيتهم اريد اساعدها
هُــــــــــــــــذام....ماڪو فرق انطيتها فلوس المن رايحة وياهم وين تدرين بيهم شنو منو يكول البنية مو جذابة؟ تشتغل وية عصابة؟
سڪتت عنة مشة ومشيت وراه واني مكتفة ايدية وضايجة لڪيت الازدحام خاف والسيارة صافها على صفحة صعد واني درت صعدت ودرت وجهي للجهة الثانية ما اعرف شبية ما ضايجة منة هواية بس ضجت من شفت البنية واتذڪرت ماضيّ المُر اتنهدت ورفعت شعري ليفوك و هُــــــــــــــــذام حرك السيارة شوية وحصرتني البجية واختنكت ما اعرف ليش اختنكت من ڪُلشي من ذاكرتي من غياب شُــــــذير عني طلعت مني شهكة لا ارادي باوعلي بسرعة وحجة
هُــــــــــــــــذام..... ليش ليش هالبجي شسويتلج هسه اني؟
نزلن ادموعي مسحتهن وحجيت
تـــــاج.... معليك عوفني ابجي وحدي
هُــــــــــــــــذام..... جؤ تعاي
صف السيارة بمكان فارغ وجر راسي الحضنة
هُــــــــــــــــذام... ما سويتلج شي حبيبتي بس غلط تࢪحيـن وية البنية فوك ما اخاف عليج اخاف على مࢪتي الاحبها يصيرلها شي شسوي بروحي أني
تـــــاج... ما ابجي منك ابجي مشتاقة الاختي
هُــــــــــــــــذام.... نلكاها والله بس غير نلكة انعال بالبداية
تـــــاج.... صاير تغلط
هُــــــــــــــــذام... هههه حبيبي صاير ينتبه الي؟
رفعت راسي من صدرة ومسحت ادموعي
هُــــــــــــــــذام.... تذڪرين العام هيج يوم شنو صار؟
تـــــاج.... شنو؟
هُــــــــــــــــذام.... حزࢪي
تـــــاج.... اهو هُــــــــــــــــذام احجي
ضحك وحجة
هُــــــــــــــــذام.... بشاࢪع الـ(******) جنت امشي بسيارتي بأمان ﷲ اريد اروح اصلي وطلعت ڪدامي شلون بنية هيج نسنس تنوڪل تنڪرط ڪرط مالت ﷲ عمࢪي ما حاط عيني ؏ وحدة الة عليج و شمࢪت روحة ڪدام السيارة وتصيح اخ رجليي دعمنييي الما يشوووف بعيوووونة يممممه رجلي يممممه يبوووو
ضحڪت بخجل وهوَ هم ضحك فركت ايدية بتوتر وحجيت
تـــــاج... وانتَ هم جوزلانك فارغ
هُــــــــــــــــذام..... ههههههههههههه ما ادري بيج جان خليت بي فلوس
تـــــــاج..... صدُك ليش جان فارغ؟
هُـــــــــذام... جان جديد قبل ساعة مشتريه وبعدني ما مخلي بي فلوس بس جنسيتي
جاوبتة بخجل
تـــــاج.... هُــــــــــــــــذام اسفة
هُــــــــــــــــذام.... عليمن؟
فركت ايدي بتوتر وضاع الڪلام مني اريد اجمع الحروف واحجيها ما ڪدرت ما احس الة ماخذني الحضنة مرة ثانية وباسني براسي
هُــــــــــــــــذام.... انسي ڪلشي صارلج وعيشي حياتج من جديد ولا تتأسفين على المضى الفات مات وانتِ زوجتي هسه
باوعت بعيونة وما ادري شنو احجي وبشنو اجازيه هالانسان شڪد ما احجي عنة قليل رفعت نفسي الة وبستة بخدة
تـــــاج.... اخاف اڪُلك حياتي و اهينك لأن حياتي مضروبة طلقة
رفع راسة ويضحك بصوت عالي ضحكت وياه ومسحت ادموعي مد ايدة الراسي وخربص شعري وصاح
هُــــــــــــــــذام.... امردددج امرددج شسويلج ولج
تـــــاج.... شتمررد شتمردد
هُــــــــــــــــذام.... امردج ابوسج شسويلج
تـــــاج.... هاي تعبيࢪ عن المحبة؟
ضحك وهز راسة
تـــــاج... خليه الك لعد
هُــــــــــــــــذام.... بعدج ضايجة؟
اشرتلة بمعنى شوية
تـــــاج.... شوية مو هوايه
هُــــــــــــــــذام... افا ضايجة واني موجود؟
شغل السيارة ولافها
هُــــــــــــــــذام.... هسه اخذج المكان ترتاح نفسيتج بي
تـــــاج.... وين؟
هُــــــــــــــــذام.... للامام الڪاظم (عليه السلام)
ابتسمت الة وسكتت الطريق ڪُلة يتشاقة وياي ويضحك وڪلساع يسألني بعدج ضايجة لو لا مࢪات اصفن واكول شمسوية حتى اتعوض بهيج انسان وشنو اسويلة حتى اجازيه مࢪات افڪر واحاول اقنع نفسي اتمم زواجي وياه بس يجيني تردد ڪُلش قوي من خوف او استعجل او الاثار الي بجسمي اخجل منها اباوع الة ما ناقصة شي متمكن واخلاق والف وحدة تتمناه ليش يرضا بية مو اقلل من نفسي بس فرق بيني وبينة اباوع الايديه شلون بيض وصافيات واقارنهن وية جسمي المملي اثار حرق وتعذيب بعدت الافڪار من راسي من وصلنة صف السيارة وحجة
هُــــــــــــــــذام... تعاي نكمل مشي
نزل ونزلت وراه قفل السيارة ودار لزمني من ايدي ومشينة
هُــــــــــــــــذام.... خاف ما انتبه اذا شفتي احد يبيع ازار صلاة ڪليلي حتى اشتريلج
تـــــاج.... تمام
مشينة بطريق ڪُلة سوك ومحلات مالت حلويات والاجواء تجنن شكد اتمنيت شُــــــذير وياي وتشوف الي دا اشوفة وكفني هُــــــــــــــــذام واشترالي محرم دفع فلوسة وحجة
هُــــــــــــــــذام.... لبسي هسه
اخذتة منة ولبستة وصلنة يم الامام سحبت نفس شكد الجو حلو وصدُك ارتاحيت دلاني هُــــــــــــــــذام على الطريق
هُــــــــــذام... جوجياتي دخلي كعدني بالصحن مو تزورين ما يصير تمام حبيبتي؟
أني العوبة الثولة عبالي يقصد لأن ازدحام ما يصير ازور ما عبالي لأن جايتني الدورة ولا عندي فكرة عن هيج شغلات هزيت راسي
تـــــاج.... تمام
هُــــــــــــــــذام.... ديري بالج على روحج
تـــــاج... تمام
هُــــــــــــــــذام.... فعاليات ما اريد
باوعتلة صفح
هُــــــــــــــــذام.... شعرج طالع
تـــــاج... مو محجبة
هُــــــــــــــــذام.... بس هسه لابسة حجاب يلا كدامي غطي
جريت الازار وغطيت شعري
تـــــاج... اكو بعد اوامر استاذ هُــــــــــــــــذام
هُــــــــــــــــذام..... لا روحي و ديري بالج على نفسج
تـــــاج.... تمام
هُـــــــــذام... مو تزورين نسنس
تـــــــاج... اي اي ما ازور
درت عنة ورحت على الطريق الدلاني عليه دخلت تفتيش فشتوني وعبرت بكل خطوة جنت اخطيها حسيت براحة ما حاستها حياتي ڪُلها حسيت نفسي راح اطيࢪ دخلت للامام جان فارغ استغربت لعد ليش هُـــــــــذام كلي لا تزورين يلا خاف جان عبالة ازدحام وصلت للضࢪيح سرعان ما نزلن ادموعي واجت على بالي شُــــــذير شكد مشتاقة الها عايشة على امل شوفها حتى اهلي مأيسة الكاهم لأن اشكالهم دا تتلاشة من ذهني بس هيَ لا ما انساها شما يمر وقت زرت واندعيت الشُـــــذير الله يسهل امࢪها وين ما جانت بعدها رحت كعدت يم نسوان جانن كاعدات شفتهن يصلن ضليت اهز رجلي بتوتر اريد هم اصلي بس ما عندي اي فڪࢪة واستحي اسأل الحد ما شفت مرة جبيرة بالعمࢪ كاعدة على ڪرسي صلاة ابتسمت بتفكير وكمت بسرعة رحت يمها
تـــــاج.... هلاو حجية
... هلا بيبي
تـــــاج.... حجية عندي بنتي صغيرة اريد اشرحلها عن الصلاة بس ما اعرف منين ابدي يعني اني اعرف اصلي بس ما اعرف شلون اشرحلها
.... يا يمه سهلة جيبيها اعلمها
تـــــاج.... لا بالبيت يم ابوها
.... دادا ابديلها من صلاة الصبح لأن هيَ اسهل شي رڪعتين
تـــــاج..... ها
هزيت راسي وبدت تشرحلي كملت واتشكرتها ومشيت بسرعة عنها رحت الغير صفحة صليت ولو ما حافظة السور عدل لأن ما صارلنة هواي من بدة هُــــــــــــــــذام يعلمني احفظ صليت على النية وطلعت الهُـــــــــــذام لڪيتة واكف ينتضرني شلت المحرم ورڪضت الة بسرعة
تـــــاج.... هلاو
هُــــــــــــــــذام..... هلا بيج اتأخرتي
سولفتلة عن الصاࢪ ابتسم وحجة
هُــــــــــــــــذام.... بنتي اتريد تصلي ومحد يعلمها اويلي من باجر ابدي وياها
ضحكت شفتة صفن شوية ورجع باوعلي بصدمة حجة من بين اسنانة وبهمس
هُــــــــــــــــذام..... لا يا طايحة الحظ شلون تصلين وعليج الدورة؟
تـــــاج..... ياااا احلف ما يصيررر؟
هز راسة يتوعد
هُــــــــــــــــذام.... بسيطة هسه بالشارع خلي نوصل للسيارة واعلمج ام البلاوي
تـــــــاج....هُـــــــــذام ڪُلة منكك ليش ما كتلي
هُـــــــــذام....بنت اللذين مو كتلج لا تزورين ما يصير يعني الة احجي بالخط العريض يلا توصلج الفكرة
تـــــــاج....اهووو هسه شلونن اني عبالي لأن ازدحام كتلي لا تزورين
باوعتلة بفشلة وسكتت اشرلي امشي مشيت واني اغم بروحي بس شلي علاقة اني ما اعرف وهوَ ما علمني هسه شيكول عليّ مرة شكدها شطولها شضعفها ما تعرف الهيج سوالف.... وكف هُــــــــــــــــذام ووكفت وياه كدام محل حلويات اشتࢪة دهينة وحلاوة نهر خوز
هُــــــــــــــــذام.... شنو تردين اشتريلج؟
تـــــاج... بكيفك
هُــــــــــــــــذام... زنود الست؟
تـــــاج... لا زنود الاستاذ
ابتسم وهز ايدة دار لأبو المحل واشترة زنود الست وبعد دهينة همست الة
تـــــاج... هُــــــــــــــــذام
هُــــــــــــــــذام.... ها
تـــــاج.... هذي الدهينة هوايه المن؟
هُــــــــــــــــذام... وحدة النة وحدة الاهلي والباقي الخواتي
تـــــاج.... ها
بعدها رجعنة للشقة ومرن تقريباً 3 ايام جنت بالمطبخ اسويلي كورن فلكس اخذت الكاسة ورحت كعدت بالصالة يم هُــــــــــــــــذام مد ايدة وخلاها على كتفي لو يصعدها يلعب بشعري ويگلب بموبايلة مديت راسي وياه
تـــــاج.... شتسوي
هُــــــــــــــــذام.... عندي حفل تڪريم الطالبات السادس الجابن معدل وجاي اختار هدية مناسبة
تـــــاج... هُــــــــــــــــذام
هُــــــــــــــــذام.... عيونة
تـــــاج... الطالبات الي ادرسهن شكد اعمارهن؟
هُــــــــــــــــذام.... حبيبتي اني مدير المدرسة ما ادرس بس مرات اخذ صف سادس رياضيات
تـــــاج... اي شكد اعمارهن
هُــــــــــــــــذام.... 18 سنة
تـــــاج... حلوات؟
ابتسم وكرص خدي
هُــــــــــــــــذام.... نفس خواتي وبناتي ما عندي اي نضرة مو حلوة عليهن ليش تشغلين بالج وتضوجين نفسج؟
ما فاد الحجي ضجت بسرعة واول مرة ادري بنفسي هيج اغار خليت الكاسة على الطاولة وحجيت
تـــــاج... ليش ما ادرس ولد؟
هُــــــــــــــــذام... بعد ما صارت
حجيت بأنزعاج
تـــــاج... هُــــــــــــــــذام شبيكك
ضحك وحضني
هُــــــــــــــــذام.... هسه شبيج تضوجين بروحج بابا ما تحلى بعيني وحدة غيرج وعيوني ما ترهم بس عليج شتردين بعد
تـــــاج.... لا تكول خواتي ولا بناتي
هُــــــــــــــــذام.... صار هذن كلهن انتِ
تـــــاج... اي هيج عفية
ضحك واني هم ابتسمت بس بعدني منزعجة خلة ايدة على حنكي ورفع راسي الة
هُــــــــــــــــذام... تغاࢪين؟
تـــــاج... جؤ بس اخاف تجي وحدة تاخذ مڪاني
هُــــــــــــــــذام.... مڪانج عزيز ما تجي اي وحدة تاخذة
ابتسمت الة بلع ريكة وبسرعة بعد ايدة و غير الموضوع
هُــــــــــــــــذام... سبحتي حبيبتي؟
تـــــاج.... ليش؟
هُــــــــــــــــذام.... شنو ليش غير من تخلصين الشهرية تسبحين؟
تـــــاج.... يعني لازم واحد يسبح؟
حجيتها واني ابتسم واضيع خجلي ابتسم الي وما حسسني ان هوَ مستنقصي اخذ ايدي من حضني وحجة
هُــــــــــــــــذام... حبيبتي الدورة الشهرية هيَ تنضيف للرحم لهنا تمام زين اذا هيَ تنضيف اذاً الدم الخارج شنو؟
حجيت والخجل ماخذني
تـــــاج.... مو نضيف
هُــــــــــــــــذام.... بالتالي شنو راح تتمرضين بسبب البڪتريا والجراثيم االاغتسال بعد الدورة الشهرية او الجنابة من اهم مراحل الطهارة والانسان المؤمن يتحاسب عليهن قال تعالى: "إن الله يحب التوابين ويحب المتطهرين ". من اهم اسباب عذاب القبر هيَ التقصير بالتطهر من النجاسات زين جاي احجيلج عن الدين اما من الجانب العلمي فهيَ تحميج من هواي امراض من غير الراحة النفسي بعد الاغتسال ووتساعد بنتضيف الجسم ومو بس هاي هم الها اسباب صحية غيرها واذا تڪولين بس الاغتسال واجب بعد الدورة الشهرية لا اكو بعد شغلات واجبة اثناء الدورة الي هيَ عدم حدوث تلامس بين الزوجين
قاطعتة
تـــــاج... بس انتَ تلمسني
ابتسم وكمل
هُــــــــــــــــذام.... مو هيج يعني علاقة حميمية ما تصير بيناتهم وعدم الصلاة والصوم ..... هسه شنو اريد منج تنتبهين عدل وتحفضين طريقة الاغتسال وياي حبيبتي؟
تـــــاج.... وياك
هُــــــــــــــــذام... بالبداية ادخلين جوة الماي وتكولين النية اللهم اني نويت اغتسل الحيض غسل ترتيبياً.... يعني بالترتيب لازم اجزاء جسمج ڪلها يوصل الها الماي لو بمقدار رأس الابرة ما وصلة يعني اغتسالج باطل وراها غسل الرأس والرقبة وراها جانب الايمن بعدها جانبج الايسر والجانبين الاغتسال يكون النهاية القدم لهنا تمام بعدها تتوضين ووهسه اشرحلج شلون واذا تحبين قبل كلشي تسمين بأسم الله وتغسلين ايديج بالصابون هم افضل
تـــــاج.. بس هذا؟
هُــــــــــــــــذام... اي نسنس
ابتسمت الة وعلمني الوضوء هذا ڪُلة ويشرحلي ڪأن كدامة طفلة من كمل راد يرفعلي ارداناتي حتى يعلمني بسرعة سحبتهن من ايدة اتنهد وحجة
هُــــــــــــــــذام.... ليش خجلانة من جسمج والاثار الي بي اذا قصدج عليّ فهاي اخر همي شايفتلج حلو مابي لولة؟ مو هاي كدامج الليل اسود بس مو صافي الله مزينة بالنجوم والقمر
تـــــاج.... بس هذن لا نجوم ولا قمر
هُــــــــــــــــذام... بالنسبة الج عينج تشوفينهن بس بالنسبة الي احلى من عدهن بعد
سكتت بس بداخلي فرحة محد يحس بيها غيري
تـــــاج... شڪراً
هُــــــــــــــــذام.... لا هذا شڪر مالت غربة احنه شڪرنة بغير طريقة
حجاها وانطاني خدة ضحكت ورفعتلة نفسي بستة وابتعدت
هُـــــــــذام... تردينهن يرحن؟
بسرعة هزيتلة راسي بأي
تـــــــاج... اريد جسمي يصير صافي لأن ڪُل ما اباوع الهن اتذڪر ابتهال من جانت ضربني
اشر على عيونة
هُـــــــــذام.... من باجر اخذج للدكتورة تمام؟
ابتسمت الة و رحت حضرت ملابسي ودخلت سبحت وسويت نفس ما ڪلي بالضبط كملت وطلعت نشفت شعري واتعطرت ورطبت ايدية صدُك ارتاحيت من بعدها مديت راسي شفت هُــــــــــــــــذام كاعد يسبح ويباوع ؏ التلفزيون طلعت من الغرفة ومشيت بأتجاهة وكعدت يمه التفت الي
هُــــــــــــــــذام... نعيماً توجاية
ابتسمت وما حجيت شوية واجة موضوع ببالي
تـــاج.... هُذامات بصلات طماطات محمد صلاوات
هُـــــــــــــذام.... ههههههههههه ها جوجاية
تـــاج.... سؤال ليش احس ڪُل الزلم ما عدهم حلال وحرام ولا شي عيب
هُـــــــــــــذام.... حتى اني!
تـــاج... لا انت مو من الزلم
خزرني وضربني على ركبتي
هُـــــــــــــذام.... حبيبي بدون اتجفص لا اجفص ببطنج هسه
باوعتلة بفشلة
تـــاج.... قصدي انت مو من هذول الزلم
هُـــــــــــــذام....كل من وحسب بيئتة العاش بيها انتِ حسب البيئة العشتي بيها ما شفتي واحد زين او عندة حلال وحرام صح؟
تـــاج.... بالضبط خيرهم ڪاتلة اثنين ثلاثة ومو بس هاي من جنت اطلع ابيع بالسوك اهل المحلات بيناتهم غلط وڪفر وعدهم ڪُلش عادي مرة صادفت واحد بس لأن المرة وڪعت غراضة بالغلط يكللها بطلو الطبع الخايس وانتبهو ولعلم الغراض ما انكسرن ولا اتضررن لأن بلاستك وهيَ مرة جبيرة بالعمر
هُـــــــــــــذام..... ومن توصل الامة لو الاحد الاحد من اهلة ما يقبل عليهم زين واذا اكلج مرة بالمدرسة سمعت وحدة تكفر
تـــاج.... عود صدُك؟
هُـــــــــــــذام.... اي والله جنت متعدي اريد اروح لواحد من الصفوف وسمعتها تكفر والمشكلة البنية بالسادس غيرها لازم مكابل السجادة ويدعي يجيب معدل
تـــاج.... شسويتلها؟
هُـــــــــــــذام.... ما يحتاج تفكير نقصتها من السلوك وكتلها الله ومحدد وعلي الكيلج مدرسة تلفيج
تـــاج.....اييع قذرة حشاك وحشاي
هُـــــــــــــذام.... نرجع على سالفتنة كتلج اني كل واحد يعبر عن اخلاقة وبيئتة العاش بيها مثلاً اني انولدت بعائلة ابوي بيها متشدد الدرجة والكل جان يشكي من عندة حتى قرايبنة وكل ما يلتقون ويانة يكلولنة شلون عايشين ويضحكون بس بالنهاية شنو؟
تـــاج.... شنو؟
هُـــــــــــــذام.... ربانة احسن تربية هل هذا يعني ان كل واحد ما عندة اهل ما متربي اكيد لا الانسان هوَ الي يربي نفسة هوَ المسؤول عن نفسة لأن اذا سوة غلط هالغلط يضرة هوَ قبل ما يضر احد ثاني
تـــاج.... بس الانسان اذا ما جان يحس عندة رقيب يحاسبة ويعلمة راح يتمادى بالغلط ومو كل انسان يكدر يربي نفسة بنفسة نفس ما كلت!
هُـــــــــــــذام..... هنا لازم يكون ايمانة قوي بألله لأن الله رقيب علينة شديد الحساب ويفكر بأخرتة قبل لا يخطي اي خطوة ويغلط
صفنت عليه ولميت شفتي للداخل
تـــاج... الله يسامحني!
هُـــــــــــــذام.... قال الله تعالى« فَمَن تَابَ مِن بَعْدِ ظُلْمِهِ وَأَصْلَحَ فَإِنَّ اللَّهَ يَتُوبُ عَلَيْهِ ۗ إِنَّ اللَّهَ غَفُورٌ رَّحِيمٌ».... تتوقعين الله يڪره عبده الي تاب واتندم عن كلشي وبدة حياة جديدة طبعاً لا الله ينتضر من العبد التوبة فما بالج اذا العبد تاب! تدرين شنو يصير بعد التوبة؟...... الله سبحانه وتعالى يبدل سيائته بحسنات فالتائب من الذنب يصير لا ذنب له. جربي اتوجهي لله وشوفي الراحة الي راح تحسينها من انتِ خاشعة لله
بللت شفايفي ودمعن عيوني همست الة
تـــاج.... ساعدني
هُـــــــــــــذام... عيوني الج مو بس اساعدج تعاي وياي
كام ومدلي ايدة لزمتها وكمت وياه اخذني للحمام
هُـــــــــــــذام.... كفي ارداناتج
رفعتهن ابتسم من شافني ما خجلت من اثار الحرك لزم ايدي وباسهن بالاثار فتح المي واتوضى اتوضيت نفسة وطلعنة اخذني الغرفتة فرش سجادتين وحدة ورة الثانية التفت الي شافني واكفة على صفحة اجة اخذني من ايدي ومشة بية بأتجاه السجادة دمعن عيوني ووكفت على الطرف ماكدرت احبس ادموعي انفجرت بالبجي والخجل مبتعدة عن الله ومقصرة كل هاي السنين اعترف غلطت بهاي النقطة وندمانة بس ما جان اكو احد يعلمني ولا يفتح عيني على هيج امور رفعت راسي الهُـــذام
تـــاج.... خجلانة والله خجلانة شلون اوكف بطولي واني هذيج السنين كلها ما مصلية ولا
دنكت راسي وماكدرت اكمل بجيت جر راسي الحضنة وهمس وهوَ يمسح على شعري
هُـــــــــــــذام.... اذا ما خطيتي هاي الخطوة هسه راح تبقين مترددة طول عمرج حمدي الله وصلتي الهيج مرحلة وما طول الله سخرني الج يعني يريد منج التوبة يلا تـــاج مسحي ادموعج وتعاي انصلي يلا حبيبتي
رفعتلة راسي مسح عيوني وراح فتح كنتورة وطلع ازار صلاة لبسني اياه ووكفت على السجادة وهوَ راح وكف كدامي صلة واني اردد وراه وشنو يسوي اسوي طول ما اني اصلي ادموعي ما وكفن اخير شي ضليت ساجدة وانفجرت بالبجي وكمية الراحة والسكون الي صار بداخلي ما ينوصف غمضت عيوني وسحبت نفس ونسمات من شعور الفرح صار بداخلي ولأول مرة احس نفسي طاهرة وشعور ڪأن احد مقيدني بسلاسل حديد وهسه اتحررت
رفعت راسي بعد مدة لڪيت هُـــــــــــــذام ينتظرتي
هُـــــــــــــذام.... رددي وياي..... بسـم ﷲ الرحمن الرحيم.. اللَّهُمَّ أَنْتَ المَلِكُ لا إلَهَ إلَّا أَنْتَ أَنْتَ رَبِّي، وَأَنَا عَبْدُكَ، ظَلَمْتُ نَفْسِي، وَاعْتَرَفْتُ بذَنْبِي، فَاغْفِرْ لي ذُنُوبِي جَمِيعًا، إنَّه لا يَغْفِرُ الذُّنُوبَ إلَّا أَنْتَ، وَاهْدِنِي لأَحْسَنِ الأخْلَاقِ لا يَهْدِي لأَحْسَنِهَا إلَّا أَنْتَ، وَاصْرِفْ عَنِّي سَيِّئَهَا لا يَصْرِفُ عَنِّي سَيِّئَهَا إلَّا أَنْتَ، لَبَّيْكَ وَسَعْدَيْكَ وَالْخَيْرُ كُلُّهُ في يَدَيْكَ، وَالشَّرُّ ليسَ إلَيْكَ، أَنَا بكَ وإلَيْكَ، تَبَارَكْتَ وَتَعَالَيْتَ، أَسْتَغْفِرُكَ وَأَتُوبُ إلَيْك.
رددت وراه الي يكولة كملت وزحفت الة ونمت على رجلة خله ايدة على راسي وبدة يقرة قرآن غمضت براحة على صوتة كلش ارتاح من اسمعة وخصوصاً من يقرة قرآن
تـــاج.... هُـــــــــــــذامي
صدق ونزل نضرة الي
تـــاج.... اوعدني تبقى وياي
ابتسم وخله ايدة على راسي
هُـــــــــــــذام... وعد ما يفرقنة اي شي حتى الموت نموت بتابوت واحد
تـــاج.... جذاب والله تعوفني نفس اهلي هم عافوني والله انتَ هم تعوفني.... هُـــــــــــــذام والله ادمر هالمرة م
خلة ايدة على شفايفي وقاطعني
هُـــــــــــــذام... يشهد عليّ الله ما اعوفج لأخر نفس بحياتي وما راح اطمن منا لمن ما اشوفج مرتاحة وماخذ حقج واختج يمج
ابتسمت وكمت كعدت على حيلي كبالة لزمت ايديه وحضنتهن الصدࢪي
تـــاج.... فرحانة
هُـــــــــــــذام.... عساها دوم يارب
تـــاج.... اريدك دائماً يمي
هُـــــــــــــذام.... صار
تـــاج.... حتى من تطلع
هُـــــــــــــذام... اخليج بجيبي كل ما اشتقالج اطلعج ابوسج وارجعج
تـــاج... هههههههه لعد اختنك
هُـــــــــــــذام... مو مشكلة اخليلج فتحة تهوية
ضحكت بصوت عالي وهُــذام ضحك على ضحكتي هدأت واباوعلة وابتسم عجيب هالهُـــــذام والتغيير السواه على حياتي ڪُل يوم احس نفسي اتغير ولو بشي بسيط ڪُل يوم يحسسني انُ اني مميزة وماكو مني ولا يوم عيرني او ذڪرني بماضيِ حسيت حياتي شبه كاملة وناقصهة بس رجعت شذورة
لزمت وجهة بأيدي وبستة بعيونة اثنيهن رفعت راسي فتح عيونة ومبتسم ويباوعلي بهُيام حجة كلماتة المعتادة
هُـــــــــــــذام..... عسللل على ڪلبببي عسلللل
ضحكت وكمت نزعت ازار الصلاة ولفيتة طبك السجادات والتفت اخذة من ايدي وراح خلاهن بالكنتور.... مرت فترة تقريباً و بديت اتحسن على العلاج بيوم هُـــــــــذام جان موجود ودا يرتب بملابسة و اني افتر وراه
هُـــــــــــــذام.... حبيبي اليوم يلحڪني تردين شي؟
تـــاج....ههههه لا
هُـــــــــــــذام.... احجي توجة
تـــاج.... اريد تلعمني الصلاة مالت ڪُل فرض حتى التزم
اشر على عيونة
هُـــــــــــــذام....من هاي العين قبل هاي العين
ضحكت ولفيت ايدي على رڪبتة وغنيت واني اميل بشعري بدلع
تـــاج.... ياااي سحر عيووونو نظراتووو اول ما تلاقينة عين بعين... يااي شو مهضومة كلماتو ذبت بكلمة كيف لو كانوا اثنين؟
كلمة وصاررر قلبي بكلمة نار على نار بسمة ع بسمة قلبي احتاار نسااني اسميي ما ادري كيف ووين
ضحك وحجة
هُــــــــــــــــذام... ههههه عيدي الياي بداعت اهلج
تـــــــاج.... هههه يااااااي
هُـــــــــذام.... اخ يا يابة لو هيج الياي لو ما تنراد
ضحكت من حجاها ويقلدني سكتت من شفت نضراتة اتجرأت وهوَ يباوعلي ويدقق بشفايفي اختفت ابتسامتي وبسرعة اجيت اوخر ايدي مالحكت دفعني عالجرباية وصار فوكي اختلط عطرة بأنفاسي زادن دكات ڪلبي همست
تـــاج.... هُـــــــــــــذام
ما جاوبني اخذ شفايفي بمشاعر دافية بحنان غمضت عيوني واندمجت وياه لأول مرة لفيت ايدي على رڪبتة وبادلتة اتفاجئ بس ما ابتعد ارتفعت انفاسنة وضعنة ببعض اڪثر زادت جرأتة ورفع التشيرت مالتي لزمني من خصري بلمسة قاسية غمضت عيوني بألم واستوعبت الي دا انسوي بسرعة دفعتة عني
ابتعد عني وهوَ عاقد حاجبة ما خلاني اكوم ووضعة اتخربط حجيت بملل
تـــاج..... لا هُـــــــــــــذام وخررر
هُـــــــــــــذام.... كافي عاد احجيلي شنو تردين منين خايفة؟؟ ليش ما تردين زواجنة يكمل راح نكمل سنة على زواجنة وانتِ على نفس وضعج
تـــاج.... ما اررريد هُـــــــــــــذام لا تجبرني
هُـــــــــــــذام... ما جابرج بس انطيني سبب
كام عني وكمل كلامة
هُـــــــــــــذام.... سبب واحد مقنع ومستعد انتظرج لو سنين
عدلت كعدتي وسكتت
هُـــــــــــــذام.... اضوج من هاي السكتة احجيلج شي
تـــاج... ما اريد وبس
هُـــــــــــــذام....السبب؟؟
كمت ورحت وكفت كبالة
تـــاج... هُـــــــــــــذام وين الغلط اذا بقينة هيج مثل ما احنه
هُـــــــــــــذام.... ماكو هيج حجي اريد زواجنة يكمل
رجعت ليورة وحجيت
تـــــاج.... و اني ما اريد افهم عاد
هُــــــــــــــــذام... السبب؟
تـــــاج... هيج ما عاجبني
رفع حاجبة واتقدم ناحيتي رجعت ليورة وخايفة من نضراتة الحسيتها تخترقني دمعن عيوني من حسيتة جدي وصدُك يريد يكمل زواجنة جرني من خصري الة ودنك يبوس بية متجاهل دموعي البدن ينزلن مد ايدة جوة التشيرت ويصعدها وينزلها على خصري حركت نفسي بأنزعاج وحجيت بدموع
تـــــاج..... هُــــــــــــــــذام وخرر ما اريدددك وخررر
ابتعد عني وهوَ مستغرب وعاقد حاجبة
هُــــــــــــــــذام.... ما ترديني؟
سكتت ما جاوبتة هز راسة وابتعد عني بسرعة عدلت ملابسي واباوع الة اخذ جوزلانة وسويج سيارتة وطلع بلعت ريكي وباوعت للمراية كبالي وضعي متخربط عدلت شعري وطلعت من الغرفة لكيتة ما موجود لميت شفتي للداخل واتذكر وضعنة قبل ساعة شلون هادئين شڪلبة هسه وليش يلح على الموضوع ضليت افكر وين رايح معقولة عند اهلة بس الوقت متأخر وهوَ ڪال بيتهم بعيد زين وين ايروح فركت ايدي بتوتر ونفضت الافكار من راسي باوعت اكو علاكة بمكان هُــــــــــــــــذام الجان كاعد بي رمشت بأستغراب من مساع شفتها بس نسيت اسئلة رحت اخذتها وفتحت العلاكة لكيت بيها علبة موبايل اتنهدت ما الي خلك اي شي عفتها ورحت قفلت البيبان ورحت اتمددت بالغرفة ردت انام بأي طريقة ما كدرت والتفڪير اخذني ما اعرف شلون غلبني النعاس ونمت مرن يومين ما موجود باليوم الثالث اجة وما يحجي وياي حاولت المح بالحجي شفتة ما يحجي عاد اني هم غلست صح صعبة عليّ يتعامل وياي هيج واني متعودة على دلالة الي بس ما اكدر اتقبل واسلمة نفسي
رحت للمطبخ لكيتة موجود صبلة چاي وراح اخذت تفاحة واجيت اطلع سمعت رنة موبايل بسرعة اجت عيني على الكاونتر بأتجاه الصوت شفتة موبايل هُــــــــــــــــذام يرن مشيت الة بسرعة واخذتة لڪيت رقم مكتوب عليه سما عقدت حاجبي وبسرعة بلعت ريكي وفتحت الاتصال بسرعة اجتلي ضحكة بنية بعدهي ما حاجية وانسحب الموبايل من ايدي
...................
شُــــــذير
منيب.... هسه الواحد ما يتزقنب
حجاها ورفع الموبايل جاوب واول ما جاوب صاح
منيب .... شنوووو بيا مستشفى؟
ڪُلها فزت من سمعت اسم المستشفى كام خالو وسد الجهاز وصاح
منيب.... أيســر داعم واحد ويمكن ميت
دكت بيبي على وجهة وصاحت
زهـــرة.... يممه دخيلك يا علللي
بسرعة كام خالو منيب طلع برة ووراه خالو زڪـــريا وخالو عبد الرسول اباوع ؏ الوضع انڪلب كلاب بيبي تبجي وآرام وياها تحاول تهديها وخالة أسيل تتصل بيهم حتى يطمنونها بس محد يࢪد بلعت ريكي بتوتر وفركت ايدي صح خالو أيســـر تعاملة مو حلو وياي بس اهلة خطية ما يستاهلون لڪيت شي حتى ابجي عليه انسحبت من يمهم وصعدت الغرفة آرام وادموعي تنزل عبالك جمر على خدي فتحت الباب ودخلت كبل رحت للكنتور طلعت تشيرت تـــــاج العافتة حضنتة وكعدت بالكاع ابجي مشتاقة الها مشتاقة الحياتي وياها مستعدة اعيش عند ابتهال بس خلي ارجع وياها شكد جنت اتذمࢪ من العيشة بس هسه متمنيتها اترددت بأذني اغنية جيت اسألج يا داࢪ بجيت ونحت من اتذكرت خالو من راوني صورة البنية المحتركة الحد هسه ما مصدكة هاي اختي تـــــاج ولا راح اصدك تعبت من البجي المدة طويلة كمت من مكاني جسمي ڪُلة مكسر طلعت من الغرفة ونزلت يمهم باوعت للصالة الجهال ماكو اجت عيني على آرام
شُــــــذير.... وين رضا
مسحت ادموعها جاوبتني
آرام.... خابرت امي البيبيتة و اجت خذتة
شُــــــذير.... ماكو خبر عن خالو أيســـر؟
هزت راسها بنفي ڪعدت يمها واحاول اسكتها بس ما اكدر اخوفها وتخاف عليه لـ12 بالليل ماكو اي خبر والبيت انملى بالناس منين سمعت ما نعرف بحيث حتى ليلى وامها اجن
اسيل.... خالة كومي صبي چاي
هزيت الها راسي وكمت رحت للمطبخ فورت الچاي وانتضرتة على ما يفور اجت ليلى كتفت ايديها ووكفت بالباب باوعتلها بطرف عيني ودرت وجهي
ليلى.... عينج افڪسها اذا باوعتيلي هيج
لميت شفتي للداخل واحاول اصبر نفسي ما انفجر بوجها كملت غسل استاكين
ليلى..... بسيطة اذا ما هججتج ما اطلع اسمي ليلى
التفت الها وحجيت
شُــــــذير.... على ما بخيلج ارڪبيه شتسوين سوي ما عاد يخفوني شي
ليلى.... هههه نشوف
شُــــــذير.... شكد بطرانة دولي
اتقدمت يمي ولزمتني من حنكي وضغطت عليه دفعتها من بطنها ما تتحرك باوعت بعيونها بحقارة
ليلى.... شكد اڪرهج
حجيت بصعوبة
شُــــــذير... ابوس ايدج حبيني دروحي لج طز بيج ما تهميني واني اختي التـاج على راسج
دفعتني عنها وهزت راسها بتوعد وراحت غميتها وحركت فكي بألم درت صبيت چاي واخذتة وزعتة الهم ووصلت الخالة أسيل قدمت الها اخذتة مني وباوعت بوجهي وعقدت حواجبها
أسيل... شبي حنچچ احمر؟
شُــــــذير... ما بي شي
حجيتها ورحت على صفحة اتفادة المشاڪل شوية ودك موبايل آرام بسرعة فزت وردت عليه استبشرنة من ملامحها وبقة بس اطمنة
آرام.... يعني ما بي شي زين والبنية الدعمها زينة؟ يااااا خطية ووينها هسه؟........تمام هسه اطمنهم
سدتة وبيبي حجت
زهـــرة.... طمنيني ولج شبي اخوج
آرام... ما بي شي بس داعم بنية وحالتها كلش خطرة
دكت على وجهة وصاحت
زهـــرة.... شلون بهذا الولد خايبين اخذوني الة
سميرة.... مو كلولج ما بي شي هذا هوَ جبتونة من بيتنة عبالنة مات
أسيل... فالج ما كبلناه بيش طالبة الولد
آرام.... اذا هيج ومنزعجة روحي عمة كملي نومتج ببيتج
ليلى.... ولي لج منو انتِ واطردين امي
آرام....ما طاردة احد بس امج عبالك مانة عليها بجيتها
رادت تحجي صاحت بيبي
زهـــرة.... كاااافيييجن بيا حال احنه وتتعاركن
سكتن وسميرة عود زعلت كامت لبست عبايتها وطلعت بقت بس ليلى للصبح انريد خبر عن البنية ماڪو اذن الفجر كمت غسلت وجهي لأن نعست وصليت ڪملت قبلهن ورجعت كعدت بالصالة باوعت الموبايل آرام يدك بسرعة اخذتة ورديت
زڪـــريا.... آرام م
شُــــــذير.... خالو اني شُــــــذير
زڪـــريا... ها خالو وين آرام بسرعة انطيني اياها
شُــــــذير.... صلت وراحت نامت لأن كلاتها تأذيها
زڪـــريا.... روحي الامي كليلها خلي اتحضر 3 ملايين هسه اجي عليهن لا تتأخر
شُــــــذير... هسه اروح
زڪـــريا... شخبار البيت يمكم؟
شُــــــذير.... ماكو شي البنية الدعمها خالو شلون صارت؟
زڪـــريا.... حالتها ما تبشر بالخير ولا عمامها مبينين ناس شرانية
شُــــــذير... وخالو أيســـر شلونة؟
زڪـــريا.... خليها سكتة يلا خالو الله وياج
سداه بسرعة ضليت مو مطمنة شبي خالو أيســـر مو كالو مابي شي كمت من مڪاني ورحت الغرفة خالة أسيل دكيت الباب ودخلت صدقت وسدت القرآن
شُــــــذير.... خالة خالو زڪـــريا يكول خلي تحضر 3 ملايين اني جاي اخذهن
أسيل.... يا ربي استر علينة المن الثلث ملايين بس لا صاير شي
رفعت كتافاتي
شُــــــذير.... ما ادري والله
أسيل.... ما كال شي عن أيســـر
اجيت اكللها شنو حجة و تراجعت خاف بالها ينشغل
شُــــــذير... لا خالة ما حجة شي
شوية وسمعت صوت سيارة خالو زڪـــريا كمت بسرعة فتحتلة باب الصالة نزل من السيارة مستعجل شافني واكفة بالباب لزمني من كتفي لأول مرة ووخرني عن الطريق وهوَ يردد
زڪـــريا.... باردة شذرة دخلي جوة
دخل يمشي بأستعجال بلعت ريكي لأول مرة يلمسني بطريقة مباشرة حسيت ايدة بعدهي على كتفي بالرغم وخرها بعدني ما مستوعبة وانسد الباب من وحدة لأن الهوى عالي درت قفلتة ودخلت سمعت صوت خالو عالي بغرفة باجي اسيل رحت وكفت بالباب لكيتة مطلع فلوس ويحجي
زڪـــريا..... صدك جذب يمه جان حسبتيهن هسه اتأخر
أسيل.... مالحكت اطير خو ما اطير
رفع راسة شافني واكفة
زڪــــــريا.... تعاي حسبي وياي
اجيت بسرعة وكعدت كبالة انطاني فلوس وحجة
زڪـــريا.... شذر حسبي المليون بي 40 خمسة وعشرين تمام؟
هزيت راسي وحسبت وياه اباوعلة شلون يحسب بسرعة واني على كيفي كملنهن قبلي واخذهن من ايدي يكمل حسابهن
أسيل.... اخوك شلونة خو ما متأذي
باوع الها وسكت
أسيل... ليشش سكتت احجي شبيي
زڪـــريا.... ما بي شي
أسيل..... جا هذن الفلوس المن؟
زڪـــريا.... العملية البنية
أسيل.... الله يسهل
زڪـــريا... جيبيلي علاكة
اجيت اكوم وطلعت باجي اسيل تجيب حجة بسرعة
زڪـــريا... راح يجون بيت عمي ابو حسن لا اطلعين يمهم خوش؟
شافني ما جاوبت حجة
زڪـــريا... مو وياج
شُــــــذير.... خالو عندي شغل ما اكدر ما اطلع
زڪـــريا.... كلت ما اطلعين الف بنية هنا الة انتِ تكضين الشغل؟
هزيت راسي بأي اخذ الفلوس وكام كمت وياه وطلعنة اثنينة من الغرفة صارت كبالنة ليلى حسيتها تفور من العصبية وفكها تحركة يمنى ويسرى اتعدها خالو زڪـــريا وراح للمطبخ ورة باجي أسيل اتقدمت يمي واني رجعت ليورة مو بايدي اخاف منهاوومن نضراتها ابد مو حلوة اجت بسرعة ناحيتي اجيت اركض مالحكت كضتني من ايدي ايدي ولوتها
ليلى.... شنوو جنتتتي تسوووين وية زڪـــريا بالغرفة؟
تلويت بأيدها وحجيت بألم
شُــــــذير... معليج بينة
ليلى....***** ما لفاج الشارع كلتي يلفيني حضن زڪـــريا مو كدامنة ماكو افقر منج وورانة تتلزكين بيهم
اجيت احجي وسمعت صوت خالو وراية
زڪـــريا.... شجااي يصيررر
عافتني بسرعة باوعت على خالو زڪـــريا بدموع وافرك ايدي بألم مشيت الة ورفعت ارداني على العناد وحجيت
شُــــــذير..... خالو شوف شنو سوت بأيدي والله ما سويت شي الها
ليلى.... لا تجذبين مو انت غلطتي على ابوي
شُــــــذير... مو بحالج اني حتى اسم ابوج ما اعرفة
خزرها خالو وعاط
زڪـــريا... حتى لو غلطت ترحين الامي تكليلها وهيَ تحاسبها ما مرخوصة تضربينها هالمࢪة راح اسكت خلي اشوف المࢪة الثانية تنعاد..... روحي خالو صعدي بغرفتي نامي وقفلي عليج الباب ولا تنزلين
ابتسمت الها بحقاࢪة نفس ما هيَ تسوي وصعدت بسرعة فوك الغرفة خالو حسيتة هوَ هم سوة هيج على العناد نزعت شالي واجيت اتمدد على الچرباية وانتبهت النفسي اني شنو جاي اسوي شلون انام هنا هوَ كال هيج بس حتى يقهرها زين اني شڪو! اذا شافوني شنو يكولون ما راح يطلعون عليّ حجيّ؟ لبست شالي وطلعت وسديت الباب رحت الغرفة آرام لكيتها كاعدة تصلي وتدعي اتمددت على الچرباية وخليت ايدي جوة راسي
شُــــــذير... قبل شوية اجة خالو زڪـــريا
آرام.... صدكك وينة؟
شُــــــذير.... اخذ فلوس وراح
آرام... شنو كال على أيســـر؟
شُــــــذير.... زين بس البنية الدعمها مو زينة حتى اخذ فلوس عمليتها
آرام..... جؤ استغفر الله الله يساعد اهلها ويكومها بالسلامة
شُــــــذير.... امين
آرام... زين زغيرة جبيرة البنية؟
شُــــــذير... ما ادري والله همه بالبداية كالو ولد بعدين طلع بنية وصايرة خبصة
آرام.... ان شاء الله ماكو شي
شُــــــذير... شلون صارن كلاتج؟
آرام.... كلاتج؟ يمعودة هيَ ڪلة وحدة
رمشت بأستغراب
شُــــــذير... شلون مو الانسان عندة اثنين؟
آرام... اكو ناس تخلق عدها ڪلة وحدة
شُــــــذير.... انطيج كلاتي
آرام... هههه انجبي احسن خلي صحتج اهم من اي بشر شمسويتلج حتى تنطيني كلاتج
شُــــــذير... خوش بنية
آرام... وشكو وحدة خوش بنية تنطيها جزء من اعضائج؟
ضحكت وسكتت غلبني النعاس ونمت مالحكت اغفى وڪعدت على صوت الصياح طفرت بسرعة من الخوف شمرة الشال على راسي وشعري نصة طالع ونزلت وكفت على الدرج باوعت ڪُلها مجتمعة بالصالة وبيبي ادك وتلطم انهبطت بسرعة
زهـــرة.... هسسسه تجيبوليي اياااه أيســـر مااا يبات بالسجننن هسه نجيبونة
عبد الرسول.... شسووويلة يعني ما يقبلوون يتنازززلون شبيدي اننننه
رحمن... صلو على محمد وبدون صياح كلشي ينحل بالهدوء
أسيل... شينحل يا خوية ابني بالسجن وتريدنة نهدة
نادية.... زين ما عرفتوهم شيردون
اڪرم.... لا
زڪـــريا..... ناوين على شي وماطول اشتكو وماقبلوا يتنازلون يردون شي
اباوع الخالو عبد الرسول ايديه ورة ظهرة وعصبي من سمع خالو زڪـــريا حجة هيج عاط
عبد الرسول... وحقهم ياخذوننة واذا ما يتنازلون لا يتنازلون أيســـر الغلطان البنية مفلشة مڪسرة تڪسر والحد هسه بالعناية المرڪزة شنو تتوقعون من عماها يبوسون أيســـر من راسة؟
اتفجأنة من ردة فعل خالو عبد الرسول لأن خالو أيســـر ڪُلش قريب من عندة ويحبة ويعـزة
زهـــرة..... هاي عود ابنك وهيج تحجي ولكك شنو من كلب شايلة اليوم ماا انااام اذا ما جبتتة الي
عبد الرسول.... ابني آمنة بالله بس ابني غلطان يسوق بالسيارة ويخابر وفوك هذا ڪلة سريع شسويلة يعني خلي بالسجن يعقل
حجاها وراح باوعت بيبي الخالو زڪـــريا رفع الها ايديه بأستسلام
زڪـــريا..... ما بيدي شي سمعتي حجي ابنج انه رايح يم أيســـر اشوفة
أڪرم.... وانه وياك
حجوها وراحوا كامت بيبي من مكانها
زهـــرة.... طبكم مرض وينننج شُــــــذير جيبيلي عباتي خلي اروح اشوف ابني
معتز.... كولي يالله وكعدي بالبيت العصر يجون انروح لأهل البنية وانشوفهم شنو يردون ويتنازلون
زهـــرة... واذا ما قبلو يتنازلون؟
رحمن.... يتنازلون وداعتچ
سكتت بيبي وراحت الغرفتها للعصر وسمعنة اهل البنية بيتهم بالانبار وماعدهم مكان يسوون الكعدة اختارو حل وسط واتجمعو بديوان مالت عشيرة ثالثة يعني لا من طرفنة ولا من طرفهم ضلينة على ناࢪ وانريد نعࢪف خبر ماڪو آرام ما طاح الموبايل من ايدها وتخابر على منيب وزڪــــريا ما يجاوبون طولو بالڪعدة ولليل ماكو خبر اذن اذان المغرب كمت صليت بغرفة الحجية وصليت الصلاة العشة وسمعت صوتهم كملتها بسرعة وطفرت طلعت شفتهم ڪُلهم كاعدين ويتناقشون
معتز... تتوقع يتنازلون
عبد الرسول.... ليش هوَ لعب جهال الفلوس وراح انوديهن باجر واليردونة راح نسويه
سميرة.... ليش شكد يردون فلوس؟
رحمن..... 75 مليون
فتحنة عيونة بصدمة وسميرة شركت دكت على صدرها وحجت
سميرة... شدعوة وعود ادفعون هالكد؟
نادية.... يمعودة أيســـر ما يستاهل يضل بالسجن
زڪـــريا.... وليش ما ندفع المن مريودة الفلوس غير الهيج وكت
سكتت بس ما عاجبها الوضع
زهـــرة.... كومو ودو الفلوس
عبد الرسول.... لا لا كومو هسه انوديهن ومناك نزف أيســـر فرد مرة يمه صدك جذب الكعدة وخلصت قابل انوديهن الهم وماكو شهود اخذوهن وما تنازلو شنخليلها والطيب؟ باجر الصبح انوديهن ويتنازلون عن أيســـر
زهـــرة... وشيردون بعد
مسح وجهة لنفاذ صبر وحجة
عبد الرسول.... أيســـر يعقد على البنية
ضلينة فاتحين حلكها وخالو منيب ضحك وهز ايدة
أڪرم.... شو اتهز ايدك
منيب... شتريدني اهزلك غير شي؟ عود صدك توافقون أيســـر يتزوج بتهم من غير علمة؟ بالعباس يشهركم شهيرة وياخذ فراشة ويرجع رڪض للسجن
حجاها وفطس بالضحك ويهز ايدة سكت وصفن علينو ورجع حجة
منيب... صدك ابني وين
باوع خالو زڪـــريا وخالو وحسن بجيوبهم
زڪـــريا..... شفت رضاوي؟
حسن.... اي والله هذاك بجيبي يلعب ختيلان
آرام.... يم امه
عقد. حاجبة خالو منيب
منيب..... منو كللكم تودونه؟؟
أسيل.... انه خابرت البيبيتهم و اجت عليهم
منيب.... ومنوو كال تودونهم الامهم هناك
كام بسرعة اخذ سويجة وطلع استغربت ردة فعلة ليش شبيها امهم... من بعدها كلمن راح على غرفتة صعدت فوك اريد اروح الغرفة آرام سمعت صوت خطوات وراي التفتت شفتة خالو زڪـــريا جاي بأتجاهي ويخابر بموبايلة وصل يمي سداه ومدة ايدة الشالي وجراه
زڪـــريا.... شعرج بابا ليش ما اتضمينة اكصة الج؟
رمشت بفهاوة وتركيزي ڪُلة على ملامحة
شُــــــذير.... شتڪص؟
ابتسم بطرف شفتة وحجة
زڪـــريا..... النية النية
شُــــــذير.... ما فهمت
زڪـــريا... احسلج..... ليلى من ليمتة هنا؟
عدلت وكفتي من سأل عليها
شُــــــذير.... من امس ليش
عقد حاجبة من سؤالي اتجاهلة بسؤالة
زڪـــريا.... رجعت حجت وياج؟
شُــــــذير.... لا
هز راسة
زڪـــريا.... ترحين بوجهج الغرفة آرام ما تنزلين منها منا للصبح اذا لمحت رجليلج من جوة الباب اذبحج
رجعت ليورة خايفة من كلامة حس بية وضحك
زڪـــريا... شسالفة صدكتي شايفتني ڪصاب واذبحج؟
شُــــــذير.... خالو لا تحجي وياي هيج اني متعودة عليك لطيف
زڪـــريا.... يا يااابة شنو؟
شُــــــذير.... لطييف وحباب وشسمة اسلوبك حلو و عيونك ڪُلش حلوات
زڪـــريا... تعال عبد الرسول تعال شوف اوصاف ابنك هذن ڪلهن انه؟
شُــــــذير... اي والله
زڪـــريا.... فدوة لله شسوي هسه انه اول مرة انثى تمدح بية
ضحكت واستوعبت شنو حجيت اختفت ابتسامتي وحجيت بسرعة
شُــــــذير.... باي
حجيتها وطفرت الغرفة آرام عثرت بالباب واسمعة يضحك ويحجي.
زڪـــريا..... ﷲ ﷲ ولج شذرر
دخلت وسديت الباب اتنفس بسرعة ومتوترة باوعتلي آرام مستغربة
آرام.... شبيج؟
جاوبتهة واني اتنفس بسرعة
شُــــــذير..... خالو زڪـــريا
آرام... شبي
شُــــــذير.... مدحتة ويكول اول مرة انثى تتغزل بية
ضحكت وغمتني
آرام... شڪد فطيرة انتِ
نزعت الشال وحجيت
شُــــــذير.... اريد اصيࢪ مو فطيࢪة
آرام.... ضلي هيج على نياتج ولا تصيرين حية هذا الحجي وية الطيب وياج اما وية الي بوجهين صيري حية ام راسين
شُــــــذير.... اني ما احب اجࢪح المقابيلي او اضوجة بس والله همه يضجوني يعني مساع اني مو يم ليلى جنت يم خالو زڪـــريا بس لأن شافتنة سوة لوت ايدي وكعدت تحجي عليّ وعلى تربيتي
آرام.... خليها ابالج شكو واحد يحجي عليج يغار منج وليلى ميتة من الغيرة لأن افقر منها و احلى وڪبستي الكل بفترة قصيرة ولأن قريبة من زڪـــريا تحاول تأذيج ضلي هيج وڪسࢪي عينها اذا بقيتي تخافين منها راح تقوي نفسها عليج
شُــــــذير.... يعني ابقى احجي هوايه وية خالو زڪــريا؟
آرام.... اي اي ابقي احجي وياه هوواي شكد. ما بيج
هزيت راسي وحجينة شوية ردت اكللها على نضرات ليلى بس اتراجعت بعدها نمت الصبح كعدت متأخرة رحت بسرعة غسلت واتوضيت وصليت صلاة الصبخ قضاء شوية وسمعت هوسة بالمطبخ وصوت خالو زڪـريا واضح كمت بسرعة ونزلت للمطبخ لڪيتة واكف بالمطبخ ويمة بيبي وليلى وامها وآرام صاح خالو زڪـريا
زڪـريا..... طلعيييي برررة اذا عندددج ذرةة كرامة طلعيييي
ليلى.... لاا تعلللي صوووتك علللي فاااهم بيييك خيرر حااسب اختتتك مو كادرر بس عليي عندي ابوو ويحاسبنييي
هيَ ڪالت وهوَ هجم عليها جرها من حجابها وصاح
زڪـريا.... صوتج مالت الـ....... ماا ترفعييينة علييي راسج اكسرة واكسر راس شكو واحد يطلع وراح ويدافع عنج والله وبالله لو ما هسه عقلي واكف يم اخوي جان جنزتج اتجنز وحق الرضا بس بسيطة انه الج
راد يضربها راجدي وجرتة بيبي عنها اتفاجأت بخالو زڪـريا وعصبيتة رجعت ليورة بخوف
سحبتها امها وصاحت
سميرة.... غيررتتك هذييج الوواكفة بيك خير بس على بتي تحاسبها ومن انتم تجيبون بنات من الشوارع محدد يحجييي
حجت وهيه تشهك
ليلى.... خلي يركض وراهن هيَ واختة ههههههه طبعا ما يريدني اجي يخاف خاف افضح اختة واكلهم عدها علاقة وية مدرسها كبل لا ينخطبون
فتحت عيوني بصدمة من شفت خالو عبد الرسول وخالو معتز بالباب دخل خالو معتز وجرها من يم امها وضربها راجدي
معتز..... شلوون تحجييين هييييج علللىى بتتت عممممج وبكللل صلاااافة تتهمييييهااا
رادت تجرها امها ما خلاها رجع ضربها راجدي ثاني ما اعرف شصارلي خفت اكثر ورجعت ليورة اول مرة اشوفهم هيج هوسة ومتشتتين كل مرة حيل متفاهمين بلعت ريكي على وضع البيت الي انكلب كلاب جر خالو عبد الرسول ليلى من ايد ابوها وخلاها كبالة وحجة
عبد الرسول.... منين جبتي هاي السالفة احجي عمو
اباوع الآرام صوفر وجهة بسرعة وحصرتها البجية رجع خالو كرر عليها السؤال صار بيناتهم خالو زكريا
زڪـريا.... بوية انه افهمك بعدين خلي اتروح
عبد الرسول.... لاا الة اسمع هسسسه فهموووني وين عايش انه مخليني اطرش بالزفة مناك هذاك داعم البت بالمستشفى لو تعيش لووتموت وانتم منااا الللمن اصيييير
التفت خالو زڪـريا على ليلى خزرها واشر الها تطلع خافت من نضراتة وخصوصا حست راح يفضحها بسرعة انسحبت وطلعت تركض البيتهم اخذ خالو زكـريا ابوه وطلع يهدي انسحبت من يمهم ورحت يم خالة اسيل اهدأ وحدة بالبيت
شُــــــذير.... خالة شخبار خالو أيســـر؟
أسيل..... راحو دفعو الفلوس وهسه راح ياخذون عمامها يتنازلون ويجون
شُــــــذير.... زين والبنية؟
أسيل..... طلعت من العمليات بس بعدهي حالتها تعبانة وهذاك أيســـر مايدري بشرطهم عبالة بس فلوس ندفع
شُــــــذير...تتتوقعين يقبل؟
ضحكت وحجت
أسيل..... شدو راسڪم يكرعان على الهوسة الي راح اتصير أيســـر ما يريد يتزوج ومن نفتح ويا الموضوع ينڪرص مو عاد نتفق وية اهل البنية وهوَ ما يدࢪي
دخلت بيبي
زهـــرة.... يصيح ما يصيح خلي ينطمر احسن من ما يضل بالسجون
انسحبت من يمهن وطلعت قبل اذان الظهرة سمعنة صوت السيارات ركضت آرام فتحت البيبان ودخلو الولد ووياهم خالو أيســـر ضايج والسيف ما يكص خشمة اتلڪتة بيبي سلم عليها وعلى خالة أسيل وعبرهن وصعد الغرفتة باوعت الآرام انقهرت لأن مالحكت تسلم عليه
أسيل..... ليش كلتولة هسه لو مخلينة مرتاح
اڪرم.... احنه لو عمامها الـ**** اول ما طلع من السجن ڪلولة تزوجها بس تصحة عبالك أيســـر راح يخلي عبايتة على راسة ويشرد منهم
رحت للمطبخ واجت خالة أسيل طبخت الغدة شلون ما كان لأن محد يشتهي ساعدتها شوية وانتبهت الي تعبانة
أسيل.... روحي نامي حبيبة شنو ذنبج متعلعلة ويانة
شُــــــذير..... لا خالة ما سويت شي انتم هم ما مقصࢪين
اجت اخذت السجين والخيار من ايدي وحجت
أسيل.... روحي روحي نامي وينج وين الشغل وجهج اصفر
عفتهن وغسلت ايدي ورحت الغرفة بيبي محد جان بيها سديت الباب وذبيت شالي واتمددت عضامي ڪُلها تأذيني حسيتها بداية فلاونزة نفخت بضجر ما الي خلك اتمࢪض البية ڪافي صفنت على السڪف وافڪر بحالي معقولة اضل عدهم عمࢪي ڪُلة؟ زين نهايتي وين الڪة اختي او لا. احاول اجمع قوتي واتحمل الي صاࢪ بس ما اڪدࢪ طاقتي خلصت حتى الدوام ما الي خلڪة بحيث صارلي يومين ما مداومة
ما احس الة انفتح الباب طفرت بسرعة من الچرباية شفتة اڪرم فاتح الباب بسرعة دنك راسة واتراجع طلع وسد الباب خليت ايدي على ڪلبي وسحبت نفس وبسرعة اتوترت هسه اني شنيمني هنانه لو صاعدة فوك مو احسن
سحبت شالي واجيت اخلي على راسي وانفتح الباب رفعت راسي وانصدمت من شفت
الى هنا تنتهي العثرة الثلاثـون
تصبحون على الف خير 🤎