بسـم الله الرحمـٰن الرحيـم♥.
عانقـتُ كُـلَ الحائِــرين مواســياً
وقلــبـي هـــنا
بيــنَ الحنايـا
مُمَـزقُــاً
"آنجــذام"
🔵بقلمـي ||قـُربان أحمـد.
لاتنسـون التصويت وتعليق يبعدي♥
~~~~~~~~~~~~~~~~~~~~~~~~~~~~~~~
.. : - ان القرار في هذا الحال حرج لكن يتم اثبات الحقيقة في الجلسة القادمة بعد ان يتم فحص تطابق الدم تحت الاشراف ورفعـة الجلسة
حسيت على بابا حضني وملار لازمه ايدي واني من الخوف ادموعي ضلن ينزلن بدون ماادري
شعـور صعب مااعـرف شلـون يـنوصف من انتَ عايش
حياتك سعيده بين اهـل يحبونـك وفجأه يجي شخص
ويكـول هـذول مو اهـلك وحياتـك جانت يمهم مؤقته
رجعنه بذاك اليوم للبيت وشفت منظـر ماما المستحيل
نسيانه
جانت لابسه عبايته و واكفه بالباب وكـرار واكف يمه
والجـو جان بارد وجاي تمطر مطر خفيف
نزلت من السياره رحت حضنته واني ابجي حضنتني
ودخلتني للبيت بدون ماتحجي
كعدنه بالأستقبال والكل ساكت بس صوت البجي مالي
ينسمع
"" "" "" "" "" "" "" "" ""
سالار : - عميي دعوفه للبنيه بحالهه وبعدين منو يكول
راح ترتاح يمكم
وهـب : - انتَ لو تحجي حجي مال اوادم لو لاتحجي
قطع حديثهم بصوت متشتت
: - سالار حتى لو عايشه هناك احسـن عيشـه
ماراح ابقيهه
رد علي باستفزاز
: - كول اني مااحب واحد يعيش مرتاح چا انـي جبتني
مناك وكعدتني بكرفان وهاي المسكينة راح تجيبه
من اهلهه وتشمرهه بالمـزبله مالتكم
اندار علي بقوه وضربه على وجهه
: - لاتتمادهه مو انطيتك مجال
لزم خدهه بألـم واردف
: - مووو ايدد حديد
رد علي وهب بأمـر
: - ممكن تولـي بلازحمة عليك عدنه مواضيع خاصه
دار ظهره يمشي بأتجاه سيارته واردف
: - شنوو رحتوو ملهى جديد؟؟
جسـام : - تنجبب لو اكوم اسحلك مو زين ملفيـك
التفت علي بنصف جسمه وصفك ايداا وغمه
: - كونننن ماكوو كل دمعه من عيونهه تنزل عليك
بلاءء
وهب : - بعدد شگ زيجك يمكن حتى هيه ماتدعي مثلك
غلس عليهم وصعد بالسيارة وحركه
"" "" "" "" "" "" "" "" ""
آرام
خلصت اليوم كله ابجي مع العلم ماكو شي يثبت
كلام ذاك الرجال بس فكرة يطلع كلامه صح
تخوفني
كعدت ثاني يوم مالي خـلك وحتى المدرسة كمت ما اروح اريد بس ابقى كاعده الوحدي
قطع صفنتي ماما وهيه تدخل شايله صينية الريوك
رفعت راسي اله وهي ابتسمت لي
علياء : - صباح الخير خانم
ابتسمت اله ابتسامه مصطنعه ورديت
: - صباح النور عيني
: - ها عيني اليوم بيهه عيني هاي لان خليتج تعوفين
الدوام صار الكلام الحلو يخرر من حلگج
رمشت بااستعياب
: - شنوو السالفه يمهه كولي واحد نفسيته حلوه
ولو منين تجي بس موو كلشي رابطته بالدواممم فدوه رحتلج
حجت وهيه تسحب الغطاء مني
: - چا كومي نتريك اني وياج مادام نفسيتج حلوه
: - اي مو تدللين
نهضت من فراشي ورحت لاحمام غسلت ورحت للاستقبال شغلت التلفزيون طلعت قناة سبيستون ورجعتله
دخلت للغرفه وشلت الصينيه واني احجي
: - كومي خل انروح بالاستقبال طلعت كارتون
: - براحتج حبيبه
اخذت الصينية ورحنه للاستقبال كعدنه نااكل اني وياهه ونباوع على التلفزيون بهدوء
كملنه ريوك وشلت الصينية غسلته وماما تنظف بالبيت
وكفت بالمطبخ صافنة اريد شي انشغل بي باوعت للساحة مال البيت هيه مو كلش زغيره يعني زينه طلعت فتحت الماطور وسويتلي فيضان مال مي
رشيته بالزاهي وجبت الماسحه وكعدت العب بالمي لحد
ماصار رغوه هواي وضجت اني هم كمت انظف بي
بهاي الأثناء اندك الباب استغربت لان بابا بالدوام وكرار وملار هم
صحت
: - منوو
اجتني صوت حمحمه
رجعت صحت
: - منووو
رجع الصـوت نفسه واني مناا ضايجه وطالعه روحي
صحت بصوت عاليي
: - منووو تراا ماميتين على صوتك
اجاني صوت ولد يحجي بهمس
: - يابه اريد بس تنطيني اميه ما رايد شي
عقدت حواجبي ورحت قريب على الباب
: - منوو انته وليش انطيك مي
: - انيي سالار ابن اخت جسام ابن نازيكه
صفنت على الخرط مالته وهو مايحجي بشقه حسيته ناصب علي
رديت بصوت ناصي
: - شوفف لك لا اعرف سالار ولاصخمان وهاي النعيله
رد علي بصوت اعلى من نبرته مال قبل شوي
: - يايااا ولج بس اريد اميه ثواب الحسين شبيج خويهه
قلصت عيوني ردت ماانطي بس كلت خطية رجعت طلعت بطل مال مي مخلينه منو عنده دوام ياخذ منهن
انداريت جاي اطلع للساحه واستوقفني صوت ماما
تحجي بشك
: - ويامن جنتي تحجين؟؟
ارتبكت مااعرف ليش رديت بارتباك
: - يمه هذا ولد يكول يريد مي
كتفت اديه ونظرات الشك بعدهن بعيونه
: - اي وابن من هذا؟
صفنت شرد عليهه
: - هاا والله مادري يكول اني سالار ابن اخت جسام
ابن نازيكه
باوعتلي باستغراب وسحبت البطل مني
: - روحي جيبيلي حجابي خل اطلع واشوفه
دخلت للغرفه مالتهه ركض وجبته لبسته ومشت واني وراهه لحد ماوصلت الباب اني وراهه واكفه
اندارت علي ودفعتني وراا الباب
: - وينن طالعه بهذاا لبسج وكفشتج
ابتسمت اله بفشله وصرت وراا الباب
اول مافتحته حاجاهه الولد
: - هلا بيج خاله شلونج شلون صحتج
استغربت من طريقة كلامه عبالك يعرفهه من سنين وحته ماما واضح استغربت منه لان ماحاجته بس شفته وهي تمد اله بطل المي
ردت علي ورا شوي
: - منو انته خاله
: - اني سالار ابن اخت جسام ابن نازيكه
ضحكت بصوت عالي من طريقة كلامهه يحجي بسرعة وامي اندراتلي بعصبية تااشرلي ارجع
خليت ايدي على حلكي بعلامة راح اسكت
ماردت رجعت اندارت على الولد واردفت
: - خاله اني لااعرف لاجسام ولانازيكه شلون تريدني اعرفك
: - هاا خاله هذا جسام البنته عندكم
سكتت واختفت ضحكتي من حجه هاي الجملة
ردت علي ماما بعصبية
علياء : - شكوو جاي يمنه لعد
: - اعصابج خالة والله مااريد اجي بس شسوي ينطوني فلوس وتعرفين بعد النفوس ضعيفة والحمد لله
ضليت منزله راسي منتظره رد ماما بس الصدمني سدت الباب حيل بوجهه بحيث اني فزيت من مكاني
سحبتتي ودخلتني للاستقبال وقفلت الباب من براا واسمعهه تنظف بالساحه
ضليت كاعده فكره اجيبني وفكره توديني بعدين اجتني لحظة ادراك بس لاعبالهه امي عندي علاقة وياهم لان ماكو سبب تقفل الباب علي
غميت كصتي واني احجي على نفسي لاان رديت علي
ولو هو طريقة كلامه خلتني انقهر علي امداا الادبسزز
سحبت الريمونت وكعدت اباوع مسلسل خليجي
واني اصلا مامتابعته بس هيج لان ضايجه بقيت اباوع علي
ضليت بالاستقبال لحد ماصارت الساعة11 يله فتحته
باوعت عليه بنظرات بريئه عود علمود اوضح اله
ماكو شي من الي بالهه
باوعتلي باستهزاء وهزت ايدهه
: - عود شني هاي عبالج اذا سويتي هاي الحركات
ما راح احاسبج
رديت واني احاول اقنعه
: - ماما والله مااعرفه اصلا من عدهم
: - اذا جان عرفتي من عدهم لو لا المفروض تصيحيلي اني اطلع واشوف
: - شدراني هو خلصهه بس يحمحم بصوته
: - يحمحم موو
هزيتله راسي بعلامة اي
صاحت بوجهي بصوت عالي
: - چا يمن حمحم بصوتت امييي قابل مو صوتَ خشن
مال زلمه
فزيت من صوته ورجعت ليورا
: - والله بعد مااعيدهه
اشرتلي للباب مال المطبخ بدون ماتحجي
طلعت ركض دخلت للمطبخ شفته الاكل طابخته وعلى
النار
اجاني صوته
: - حبيبه اقصد روحي سبحي مو تجين تطبخين
باوعتله بصدمه
: - يمهههههه تراا والله البارحهه سبحت شلج بيهه
اتكأت على الكاونتر وتباوعلي بشك
: - ولاا مبين ولج عبالك صارلج سبوع كفشتج كايمه
صحت بقهر
: - ربييييييي يمههه ليش تكسرين بخاطري
: - يااااا يااا ولج فوك ماانصحج روحي شوفي وجهج بالمرايه
قهرتني ادور بالزايد
ادرفت بحزن
: - يمه انتي ردتي تكحليهه عميتيهه
طلعت من المطبخ مقهوره صعدت للغرفة على اساس اطلعلي ملابس
طلعت ملابس وجاي اسد الكنتور وانتبهت النفسي بالمرايـه مخلينه داخل الكنتور تصير زغيره
صفنت على منظري شعري مالامته ونمت بي صاير كفشه وتشيرتي بنفسجي والبجامه صفره وجبيره عليه لان مال ملار
من الصدمه سديت باب الكنتور قوي ونزلت اركض للحمام اجاني صوت امي من المطبخ
: - هاا مبين على هاي ركضتج شفتي وجهج
صحت واني فحطانه من الركض
: - شفتهه شتفهه
سمعت صوت ضحكتهه ابتسمت بفشله على نفسي ودخلت سبحت وطلعت لكيت بابا وكرار جايين بس ملار تجي ب2 من دوامهه
ملار جانت مرحلة ثانيه واني خامس اعدادي وكرار جان سادس ابتدائي
كلنه ندرس محد عايف دراسته
تغدينه وسوالف وضحك وهيج مضت الايام الى ان اجه موعد الجلسة وملار بوقتهه جان عدهه امتحان ماتكدر تجيبس ماقصرت الصبح تلم بااغراضه وتوصي بيه لا اخاف ولا اتوتر وكرار هم دوام بس بابا وماما راح يرحون وياي
وصلنـه للمحكمـة وصـار كـلام بعديـن صاح
القاضي بااسم الزلمه جسام وراح على منصة الشهود
ضل يحجي وياا ويااكد على انو هو مامتراجع عن كلامه
بعـدين صاح بااسمـي
نهضـت من مكانـي وانـي امشـي بخـطوات متعثـرة والتـوتر والقلق والأفكـار تنـهش بعقلي صعـدت علـى منصـة الشـهود وعينـي على أهلـي
قـطع نظراتنـه صوت القاضـي
: - تـم اكمـال كافـة الأجـراءات وجمــع الأدلة وكـان
آخـر شـي يثـبت أنَ هـذا الرجـل الـذي تدعيـن انه مجنون وكـاذب وليس والـدكِ هـو التحليـل
وطلـعت نتيجتــه
خفضـت راسي وغمـضت عيــوني بقـوة منتـظرة
النتيجــة وانـي ادعـي بـداخلي يطـلع كلامـي صدگ..
يتبــــع..
~~~~~~~~~~~~~~~~~~~~~~~~~~~~~~~
شلـون البارتت؟؟
+
⭕ملاحظة: صح سردي مو مفهوم يمكن او مو بطريقة احترافيه لكن القادم افضل واذا شي مافهمتو اسألو علمود اوضح الكم لان حرامات اظلم الاحداث👍🏼
لاتنسون التصويت يبعدي♥
دُمتــم فـي آمـان الله وحفظـه 🫂♥.