صافِح الچانوا قبل يلوّون أيديك
وأضحك وگلهُم بَعد ما تنلوي..
............................
فرح: زين شعجب اهلك مازوجوك
حيدر: من جان عمري 18 وابوي راد يزوجني وجان حاجي بلسالفة وانه مادري اجيت من لشغل كالولي وكلبت لبيت على روسهم خليتهم يتندمون على لحرف لطلع من منهم وحجو
فرح:حجو بمنو
حيدر:جدي وابوي حاجين بشيرين لي بنص لوادم
فرح: اي وشصار
حيدر: كتلهم انتو تحيرون بلسالفة ومثل ماحجيتو بيها تروحون تسدوها هدمت لبيت على روسهم ومن هاي لسالفة وصارو مايندكون بعد بية
فرح: زين ليش اجيت علية
حيدر: بوية انتي سالفتج سالفة احمدي ربج هلـكلب هـواج
فرح:يعني هسة شفتهمت
حيدر: شوفي اني هسة جاي اشتغل على سالفتنة وادعي يطلع لكتشفتة هو لصحيح
فرح:وبس اني ادعي بدون فهم
حيدر: يي حظج بعد
فرح:زين كلي انت شوكت اول مرة شفتني
حيدر: بليوم لي وكعتي بي بلطين ههه
فرح:لحظة ياطين
حيدر: جنتي متوسطة بيوم اجيت عندي شغل هناك وانتي مثل لثولة وكعتي بلحفرة عبالج راح ادعمج
فرح:بس اوكف يعني هذاك انتت بس اووكف خل اذكرر عزااااا ايييي جنت صف اول متوسط حقيرررر عباللي راح تدعمني ووكعت بلحفرة مال طين
حيدر:يي بوكتها ضليتي تبجين جنج طفلة ولو انتي طفلة بوكتها
فرح: واخذتني لبيتنة وتكلي جنج عكروكة حقيررر اني عكروكة
حيدر: هههه اخ تذكرت شكلج
فرح: شكد مكروهه
حيدر:بس تدرين لو ماشفتج بهذاك ليوم جان ماصار لصار لان من شفتج ووصلتج ل بيتكم عرفتج انتي راجعة لهاي لعائلة وعقلي بعد قفل عليج انتضرتج تكبرين اكثر
فرح:حيدر اسكت اصير اكرهك من تحجي بهذيج لسوالف
حيدر: باعي اني مانكر لسويتة بيج غلط وانتي مالج ذنب بشي بس بعد صار ومانكدر نغير شي وهم لذنب انتي راجعة لهاي لعائلة ف تحملي
كمت ردت اروح لزم ايدي
حيدر:وين
فرح:اريد اروح انام
سحبني ورجعني لمكاني
حيدر: تعاي مو جاي نسولف
فرح:حيدر بس اهلي مالهم ذنب سوء فهم اني لدفعت ثمنة
حيدر:انتي ماعرف شواصلج لو شنو لانحجة لج بس بعدين تعرفين كلشي لان هم اكو طرف مثل حالج ماله ذنب بشي
فرح:كافيي رجاءاً
سحبني لحضنة كال
حيدر: هاي كل قوتج
كافي رجاءا لا عليج الله
فرح:ضحكت ودفعتة
اكلك صدك من نرجع للبصره ناخذ فهد للدكتور نشوف وزنة وصحتة
حيدر: سهلة يابة
فرح:وماريد اطفال بعد
حيدر:اكلج لاتمضرطين
فرح:والله ماريد شنيية فهد بعدة صغير على اقل خل يصير سنتين هم سنة
حيدر: انتي بعدج شرايحلج اني رجال عمري جبير اريد اكبرهم اريد اشبعهم مني وست فرحة تكلي ماريد يعني حضرتج شوكت تردين يلا يصير عدنة اثنين وشوكت اكبرهم بله
فرح:لعد شنو ذنبي اذا انت شايب
حيدر:ذنبج مرت لشايب
فرح ماتحملت ضحكت:
والله يالله والله ماررريدد معللليةةة
حيدر:ان شاءالله عود احجيلج وياابوشهاب
فرح:وشعلي لرجاااال وتحجيليي ويااا
حيدر:هو كلشي بيدة
فرح:ياااااااا عووود صدك تحجيي والله عيب يعني شتكلة مرتي ماتريدد اطفاال
اشو هذا طكها ضحكة
فرح: اهووو شبيييكك
وبعدين مو كتلي اشوفة لج والله صار عندي فضول اشوفة
حيدر:يي بعدين ذكريني
فرح:ليش مو هسة غير عندك صورة له
اشو هذا ضل يضحك وانشحط شبي هذا كمت جبتلة كلاص مي شرب وكلي
حيدر: بوية انتي شني هاي لفهاوة لعندج
فرح: والله انت مدري شبيك
وهااي فهدد كعد من وراك
رحت لفهد رجعت نومتة ورجعت يم حيدر
فرح:دكافي شكد ادخن
حيدر:اكلج تعاي مانحصل شي ليوم
فرح:لاوالله معزلين
حيدر: موخوش
فرح: نمنة وكعدتت لصبح تريكنة وبدلنة واخذني لاهلي لكيت سرور يمهم لعصر خابرتة كتلة راح اروح للصالون ورحت ويا سرور وامي سويت كلشي بنفسي طلعت جديدة وخلصت وقتي ويا سرور وامي واني مرتاحة ثاني يوم انتضرتة مااجة
كال باجر اجيج صدك ثاني يوم خابرني كلي حضري روحج جهزت روحي وبدلت لفهد وخليت سرور تمكيجني ولبست فستان اشتريتة جديد وكعب كملت
و اجة علية وطلعتلة اخذلة صفنة بوجهي وسحبني علية باسني بخدي واخذ فهد شبعة بوس
حيدر:شنو هذا لجمال شدعوة هلكد حلوين ترة هسة خفت عليكم والله
فرح: هسة بعيدا عن كلامك بس،اني شايلة هم للطريق
حيدر: معليج سيارة جديدة كم ساعة ونوصل
فرح: ليش ماجيتنة لبارحة
حيدر: كملت كلشي يلا جبتج يجيج لحجي
فرح: هاي شنو عيني حلاقة واناقة
حيدر:وهسة يلا انتبهتي
فرح:لصراحة يي
شوو تخبل شعندك
حيدر:طيح الله حظج
فرح: ضليت كل شوية اباوعلة لحقير طالع شكد حلو
حيدر: ادري طالع حلو خليني اسوق
فرح: لا حبيبي انت بكل وقت تخبل
انتبهت على كلامي وعضيت شفتي هو باوعلي مضيك عيونة اول مرة يسمع مني هيج كلام شوية ولزم ايدي وضل يسوق وطبعا اني لازم انام بلطريق ف نمت وكعدتت لان فهد وضليت شوية اكعد نحجي وشوية انام قريب مانوصل رتبت نفسي وشالي ورتبت فهد ووصلنة
نزلنة انطة لسيارة لهذا ليوكف يم لباب ولازم ايدي وطبينة ولمفاجئة جانت كلها كلها موجودة سلمنة وعيونهم اكلتنة اكل وفهودي صار من ايد ل ايد اكثر شي اكرهه همة خطية يحبو بس،اني اخاف علية يصير من ايد ل ايد كعدنة ولحجي كال
الحجي:الحمدالله على سلامتج بنيتي ونورتي بيتج
فرح:الله يسلمك منور ب اهله
وعمامة هم تحمدولي،بسلامة وسىئلوني عن صحتي وبعدها راحو بل بلاستقبال
اني كعدتت يم لحجية وهية خطية تبوس بية وعمتي حايرة بفهد
لضوجني وخنكني وجود شيرين وشايلة لبيت وتفتر وتسولف عبالك بيت لخلفوها
رحت ويا لبنات بغرفة عمتي وعلياء سولفتلي كالت
علياء:اجة هنا لاعب لعب بيهم وجاب لسيد طلع سحورتهن توسلنة بلسيد يحجي منو ماقبل كال اني حالف مااحجي بس اهم شي طيبت بنيتكم كلب لبيت على روسهم اول لبارحة عمامي ضلو يتوسلون بي وجدي وكع وتخربط وكلهم هاي لسالفة ماعبرها الزمها ان شاءالله وكتلها يصير على ايدي وباجر مرجعها واريد مرة لو رجال ليطخها لو يسمعها كلمة بعد لمهم خية لعب بيهم طوبة والله كلت اخوي راح يروح بيها حتى خشمة طك دم
واخر شي لازم شيرين مجنزها بس مافتهمنة ليش واجة عمي راشد وحجو هو وحيدر بلاستقبال يمكن عل شيرين لان بس همة حتى جدي ماجان يمهم
سناء: لمهم فرحة انتي هم فتحي عيونج لاتصيرين فاهية لاتثقين بوحدة
حنين:واهم شي غرفتج
علياء:هسة اني والله من اجيتو خفت عليكم طبيتو وشحلاتكم عين لباردة عليكم
شهد:اني هم والله
فرح:ماعبالي كلها موجودة
شهد:لا لحجي مسوي غدة
فرح:خل اروح اشوف فهد لعد
طلعنة ورحت اخذت فهد وعمتي بقت تسولف وياي على وضعي ردتت اصعد اغير ملابسنة بس لمفتاح عندة اخذت تليفون عمتي خابرتة رد
حيدر:ها بوية
فرح:هاحيدر اريد لمفتاح اريد اصعد ابدل
حيدر:صعدي وجايج
فرح:صعدتت وضليت واكفة بلباب شوية واجة فتحلي لباب ودخلنة خليت فهد بمكانة وانداريت علي حضنتة
رفع راسي باسني
وفتح حجابي وخر القراصة من شعري خله ايدة بين شعري وباس وجهي كله
فزينة اثنينة على صوت فهد بجة كمت من لجرباية وهو ضحك ماعرف شوصلنة على جرباية شلت شعري واخذت فهد غسلتلة وبدلت له وحيدر نايم على جرباية
فرح:شنو متنزل جوة
حيدر: يابة هو لعندة هيج جمال يعوفة
فرح:مجبور بعد
كملت فهد وخليتة يم حيدر وطلعتلي ملابس ورحت للحمام غسلت وبدلت وطلعت رتبت وجهي ورحت يمهم
فرح:يلا حيدر كوم غسل وبدل حتى ننزل
حيدر: شجلبتي على نزلة
فرح:عيب حيصير لغدة
كام راح للحمام طلعتلة دشداشة طلع بدل ومشط شفتة طلع حلو كتلة
فرح:غير لدشداشة وانزل
حيدر:لا وولله
فرح:ي والله يله
حيدر: دنجبي وامشي
فرح:مشي هسة واعلمك بعدين
كرصني من خصري كال
حيدر:دحترمي نفسج بوية
فرح:لعد بس انت تكلي هيج
نزلنة وعيونهن عشرة على عشرة علينة هو راح واني كعدتت
علياء:احمم احمم ماتتحملون ورة لغدة
فرح:شبيج والله غسلنة وبدلنة لان طريق طويل
علياء:هههههههه جا بليل عوضو يستاهل اخوي
فرح: تغدينة ولعصر راحو حيدر بعد ماشفتة
اني صعدتت نمت كعدتت جانت لساعة ب 5 كمت غسلت وبدلت لفهد ونزلت لكيتهم كاعدين بلحديقة يشربون جاي وكعك كعدتت يم حيدر وهمة لتهو بفهد
فرح:ليش ما مكعدني
حيدر: حتى بليل ماكو نوم
فرح:ليش شسامع خوماكو شي
حيدر: بس صفي بالج لان راح تبقين كاعدة ويا فهد
فرح:يييي صح
صارت لصلاة صلينة وتعشينة وحيدر طلع اني بقيت كاعدة ويا لبنات وعمتي ولحجية لحد ماراحو نامو واني صعدتت نومت فهد وسبحت ودامشط اجة حيدر
حيدر:منورة لغرفة ليوم يابة
فرح:يي لبخ
اجة صار وراي وحضني
حيدر: انتي شلون وياج
فرح: وخرت منة ورحت نمت
باوعلي رافع حاجبة واخذ ملابس وراح للحمام سويت روحي نايمة هو سبح وطلع واني مسوية روحي نايمة دقايق واجة نام وسحبني بحضنة
حيدر:شبسرعة نمتي؟
حيدر:ليش ما منشفة شعرج عاجبج تتمرضين
حيدر: بوية ترة لينام عادي يتنفس شبيج راح تموتين
فرح:من كال هيج ابتسمت هو صدك اني جنت حابسة لنفس ومسوية روحي ميتة مو نايمة
حيدر: ها لوتية مو على اساس نايمة
فرح:بجة فهد كمت رحتلة سويتلة حليب ورجعتة نومتة
حيدر: لفهـد كاعدة لحيدر تسوين نفسج ميتة
فرح:شنو تغار
حيدر:اغار من ابني؟
فرح:يجوز
حيدر:دنجبي وتعاي
فرح:رحت نمت وهو هم نام
بس فزيت على حيدر يكعد بية كمت واني كوة اجر لنفس مسحت دموعي وباوعتلة
حيدر: حلم بوية شجاج
اخذني غسل وجهي ورجعنة نومني بحضنة
فرح:حيـدر مختنكة
حيدر: ماكو شي بابا هاي اني يمج
فرح:امشي نروح بلصالة
اخذني لصالة كعدنة على قنفة وهو حاضني
حيدر:شبيج سولفيلي
فرح:مادري والله مختنكة
وخرت من يمة واني كوة اجر لنفس وابجي
جابلي مي واجة يريد يكعدني دفعتة
فرح:بسس وخررر منييي عووفنيي بحااليي
حيدر:صوتج يابة شبيج تعاايييي
سحبني علي حضني ويقرا سور قرانية دفعتة مني وحتى مو كادرة اباوع علية رحت للغرفة شلت فهد واخذت غراضة
حيدر:وين رايحة
فرح:يم حنين
اجة اخذ فهد مني
حيدر:جيبي اني انزلة
نزلني يم حنين هية غرفتها بلطابق لثاني دك لباب عليها اكثر من مرة البنية نايمة فتحت لباب وخافت عبالها اكو شي
حنين:شكوو حيدرر شبيكمم
حيدر:ماكو شي بس خليها تنام يمج هاي تخبلت علية بنص ليل
اخذت فهد وطببتني نومتني على جرباية ونومت فهد بصفي وخلتلة مخدات حتى ميوكع وخطية هية فرشتلها بلكاع
حنين:ماكو شي حبيبتي فروح نامي وهاي اني يمج شتردين كليلي ومابقة شي للصبح اي شي تردين كعديني ماشي حبيبتي
فرح: هزيت راسي وحضنت فهد ونمت افكار براسي مو حلوة غمضت عيوني وخفت افتحهن بعد لحد مانمت بعد ماحسيت بنفسي
..................
حنين: ماكدرت انام وضل بالي يمها ضليت كاعدة وعيني كلها الله لاينطي لجان لسبب شفتها نامت ارتاحيت بس بعد ماجاني نوم فهد كعد يبجي كمت له بسرعة خاف تكعد اخذتة يمي ورجعت نومتة فتحت تليفوني ودخلت على برامج كلها بس اريد انعس وانام ردت اسد تليفون واجت رسالة من فارس هففف موو وكتة
فارس:ليش كاعدة لهسة
حنين: ماجنت نعسانة بس هسة راح انام
فارس:ونونة نايمة
حنين:يي نايمة
فارس: حنين اريد احجي وياج
حنين:ي احجي
فارس:ماترهم هنا باجر اجي واشوف فرصة نحجي بيها
حنين:ماشي
فارس:يلا نامي لاتبقين كاعدة
حنين:عفت لتليفون وضليت افكر بشنو يريد يحجي لحد مانمت كعدتت لصبح فرح نايمة وماتدري بل دينا عفتها خطية واخذت فهد ونونة بغير غرفة بدلت لهم واخذتهم ونزلت لكيت امي ولحجية وشرار كاعدين يسولفون امي اخذت فهد كعدتت يمهم
الحجية:يمة شوفلها حل لاتبقيها هيج شني ذنبها لبت الله لاينطيهن ان شاءالله بجااه النبي كون اطلعها بيهن
عمتي: انه من لبداية عرفتها لبنية مو طبيعية كتلة يمة خاف اشتغلن لها مارد علية
حنين:والله لبارحة كوة نامت وبس تتكمز هسة عفتها نايمة
اجت شيرين سكتنة بعد كعدتت يم حيدر ولزمت ايدة
شيرين:حبيبي خل اسويلك ريوك انت ماتريكت
دفع ايدها وكالها بصوت
حيدر: شيررين وخرري منييي هسسةة ترة واصلةة كلشش
شيرين:شكتلك اني ليش هيج ويااي والله مليتت
حيدر:محدد جابرج تبقيين يمي مليتييي وليي بيت اهللج
الحجية:شجاااك مناا لطفلل صوتك وهاي لجكاررة ذبها من ايدك موزين علية
حيدر:استغفرررالله ربيي صبرررك
راح صعد فوك واني رحت للمطبخ
.............
فرح:كعدتت محد بلغرفة بس اني بقيت متمددة مالي خلك اكوم وادري فهد يم حنين وعمتي شوية واجة حيدر كعد يمي على جرباية
حيدر:شلون صرتي هسة
فرح:زينة
فهد وين
حيدر:يم امي
كومي هسة تريكي واخذج ل ام علي
فرح:ماريد حيدر والله مالي خلك
حيدر:براحتج يابة بس كومي اكلي ونزلي يم الحجية وامي يله فرحة
فرح:كمت رحت لغرفتنة اخذت ملابس ودخلت للحمام طلعت مشطت وكملت ونزلت كعدن عمتي ولحجية يحجن وياي اجت علياء هم حيدر يحاول بكل لطرق يقربني يمة وشنو لاريدة يسوي واول ايام ماراح للدوام بعدين رجع يداوم
شيرين مبتعدة علية مرات هيج تسمعني كلام وتروح بس اني لماعايفتها هسة وتكلي كلمة اردها ب عشرة وتوصل وياي حتى ضرب اريد اضربها اجوي كلهم من لدوام احنا جنة نحضر بلغدة اني صعدتت ورة حيدر دخلنة لغرفتنة واني امشي ورا سحبني بسرعة من ايدي وطبكني على باب
فرح:شبيك
حيدر:اشتاااقيتللجج
فرح:خليت ايدي ورة ركبتة
فرح:امممم اني هم شوية
باسني بكل وجهي واني ادفع بي
فرح:كافي حيدر شبييكك
عافني وراح يبدل كبال لمرايا ويحجي وياي
حيدر:يي ليوم شسويتي ماسويتي
فرح:ماسويت شي هو نفس يومية
حيدر:خوش خل اسبح وانزل
فرح:لعد اني راح انزل
نزلت جوة صبينة لغدة وانتضرنا هو نزل اخذ فهد مني وباسة وكعد كعدنة نتغدة هو كال لجدة
حيدر:حجي
الحجي: اسمعك بوية
حيدر: صبرية راح تجي هنا فترة تكمل بيتها وترجع
الحجية:ياا سوودة عليةة زين ماتسوي يمة
الحجي: بس ام زينب هم تجي هنا
حيدر:بله صبررية جااي تبني بيتهاا نعيمةةة شكووو؟
الحجي:لمره مريضة ومالها واحد يمها تجي هنا حالها حال لبقية
حيدر:وبتهاا ليش متروح يمها
الحجي:يعني شون تعوف جهالها وعيالها وتجي ماراهمة
حيدر: حجي مرتك ماتكعد وسوالفها تغثني وعلى يااساعة ابتلي بيها اذا رايد هيج جيبها
الحجي: بوية لمره مريضة مالها شغل بواحد اخذها مني،بعد
حيدر: من هسة اكلك اذا سووت سالفة موزينة لوو سمعت حجاية على امي لو مرتي لو وحدة من اخواتي يصير غير شي، خليها ببالك وصلها لها هم واذا على حجية ف هنا لا موتها يصير على ايدي مفهوم يابة
الحجي:هاهية يابة مفهوم
حيدر:حنين بوية فتحي لغرفة لبصف لمطبخ لعمتي صبرية ورتبيها لها ولبناتها
حنين:صار
الحجي:ونعيمة وين تكعد
حيدر سواله حركة بجتفة بمعنى مادري
حيدر: ماعدنة جوة بس غرفة امي ولحجية وهاي لغرفة لمقفولة لصبرية شوف نعيمة وين تريد بلصالة بلاستقبال
الحجي:شون حجيي هذا ياابو فهد
حيدر شرب مي وكام باوع على جدة وكله
حيدر:هذا لموجود
اخذ فهد وراح كعد ب الاستقبال ومحد يحجي بس هو وجدة كلها هدوء وتسمع
الحجي:كللمن خل يعرف حدودة بهذا لبيت ولحد ينسة لمن هو
حيدر جاوبة من الاستقبال
حيدر: يارريت تكول هذا لكلام لنفسك
الحجي:حيددررر لاتعبببنيي
حيدر: والله محد متعبك انت جاايب لتعب لنفسكك وماريدد اسمعع كلمةة بعدد لعنددي حجيتتةة
الحجي:يصير خير
حيدر:فرررحةةة وووين لجاايي
فرح:جنت كاعدة ومندمجة بلكلام صاح علية كمزت وشهكت
ام شرار:اسم الله يمة
صدك جذب حيدر
فرح:كمت لكيت حنين تريد تصب صبيت لحيدر واخذتة له لكيتة متمدد على قنفة ومنوم فهد على صدرة
فرح:هذا لجاي
اخذت فهد منة وكعدتت يمة
صاح ياسر واجا كعد يمة
حيدر:اذا يجيبها اكلب لبيت عليه
ياسر:ماتسوة خوية خل يجيبها ويطلعها من نفسة وهية ماتتحمل اذا موبيتها يومين وتشوفها راجعة
فرح: على شنو حارك دمك هية كل مرة تجي واسبوع وصدك ماتتحمل وترجع
حيدر: موانه اعررف سووالفهاا راح تبقة يومية مسويتلها سالفة ويا وحدة وانه ماتحملهاا توصل وياي مستعد اموتها
ياسر:هدي خوية وانت انطيت تنبيه لجدي هو يحجي وياها واذا صارت سالفة الله كريم عود
حيدر:يابة والله مليتتت قسم بالله مليتت من هذاا لبيتت
ياسر:هسة عليمن تحرك بروحك ياخوية ماتسوة والله جيب عمتي صبرية وكعدها بهاي لغرفة ولباقي هيج
اجة مهند كعد يمهم
مهند:من هسة اني هاي لسعلوة ماتحملها شني يومية الصبح الكاها بوجهي
ياسر:انت شنو جاي تعلكها اكثر
مهند: يااخي ماحبها وماتحملها ولويصير عمري100ماانسة شلون جانت تاخذني بلحديقة وتكتلني وتخوفني حتى مااحجي لحيدر اخ شجنت احس
ياسر:انت اثول
مهند:بسيطة الا اخلسها هية راح تنام بلصالة لو بلاستقبال اني لها
ياسر:شتسوي
مهند:اريد اخلسها
حيدر:انجب حيووان
فرح:اني متحملت طكيتها ضحكة شكل مهند وشلون يحجي ومتحمس ويهز براسة ضحكني همة هم ضحكو دخلت حنين كالت
حنين:هااا شني هااي،تضحكون بدوني
مهند:هاخليتي عينج على ضحكتنة
ياسر: حنون عدها عيد راح يجيبون نعيمة يمها وهية تحبها
حنين:ايعععع انييي احبهاا شمالنييي
فرح تموت عليها
فرح:والله اني عل كرهكم كرهتها
ياسر:هاا شني ثوواب
فرح:هههه يييي
مهند:حيدر اني اخاف من هيج تصير هادئ اوووي حيدررر لاتخوفني منك ترة هسةة اشرررووود
فرح:كام حيدر يريد يكتلة واحنا ميتين ضحك عليه
حيدر:ابن لاوادم صوتك صوت الكح**اب
فرح:ثاني يوم جاب صبرية وبناتها وراها بشوية اجة لحجي جايب نعيمة هو صعد صعدتت ورا
حيدر:ابنج ديربالج علية تصعدين تصعدي ويااج فهمتي
فرح:فهمت
حيدر:وينة هسة
فرح:يم حنين
حيدر:فرررررررح
ولي نززلييي
فرح:شبيييكك تصيييح هسةة
عفتة ونزلت اخذت فهد ورحت كعدتت يمهن بلصالة
اجت شيرين كالت
شيرين:فررح كومي ساعدينة بلعشة
فرح:اكللججج ولي مني احسللج
صبرية: عوفي لبت ماتشوفيها حايرة بلفرخ انتن تكفن وتوفن
صبرية:شمالج نزلتي ضايجة
فرح:لامابية شي
صبرية:اذا حيدر يمة عذري شوية ضايك خلكة
مهند:هااا نعيمةة شلونج
نعيمة:هلاا هلااا يبعد نعيمة
مهند:شو صايرة حلوة
نعيمة:يااا صكد دتعال خل اسولفلك
كعد يمها وهية تكلة
نعيمة:ليوم رحت لسوك اشتريتلي غريضات وجن واحد لزك هناك يفرفر وراية كتلة خير شرايد جن يكلي يمن فدوا لهلطول انه استحيت كتلة يا خايب علية هاي كلي اروح فدوا لجمالج وانه ماحجيلك انزع نعالي واركضلك ورا لو مالزموني جن اني ليوم كاتلتة
مهند: والله ولنعممم منججج وانه اكول جدي شمالة شتكولين يكلج امرا وطاعة
نزل حيدر وتلكتة من لدرج
نعيمة:هلااا هلااا يمن فدووة رحت لهلطووول لحلوو يبعد كلبيي يحرسك الله
حيدر:شعندج ليوم نعيمة
نعيمة:يايمة شعندي
حيدر:نعيمة اريدج تصيرين عاقلة وماريد سوالف زايدة فهمتيني
نعيمة:لا وداعتك مااسوي شي هلكعدة اضل كاعدتها شعندي قابل
حيدر:نشوف نشوف
تعاي فرحة
رحت ورا بغرفة عمتي
حيدر:شني بوية ضجتي مني
فرح: لعد ليش تصيح علية
حيدر:فاهيةة بووية فااهيةةة خبلتيني
فرح:حيدر ترة مو حاله هاي يعني لواحد حتى وهو ب بيتة يضل خايف ومامرتاح
غمض عيونة ورجع فتحهن
حيدر: فرحة تحمليي
فرح: خوش
اجة باس راسي وطلع
طلعت ورا
ضلن يمنة ونعيمة شوية شوية بدات تتطلع سوالفها كله هية وشيرين شتريد شيرين يكعدن سوة ويسولفن وكلشي سوا بليل صعدتت اني وحيدر صعد وراي بس هو مااجة نزلت اشوفة وين راح لكيت باب شيرين مفتوح شوية رحت باوعت وتفاجئت
هية واكفة ولابسة ملابس نوم شكد ماكول تخزي اكثر بعد وهو لازمها من شعرها ويجر بيها ويصيح عليها
حيدر:تحترمين نفسج وتبطلين هاااي سوالففف كح** ادبسزززز انيي اعلمجج بعددد واربيج من جديددد بعيوونيي
شيرين:مامسوية غلط هذا حقي واريدة ولو صدك رجال تنطيني حقي مو خايف من فـر
بعدها مامكملة كلامها وضربها على حلكها يمكن كسر سنونها وضل يضرب بيها راجديات ودفرها على ميز
حيدر:بت لكلب منوو لمو رجااال يااهو ليخااف ** دنعل***** ياجلببةة رخييصةةة ****
شبعها ضرب وحلكها يجري دم وشعرها تكفش كله عافها واني رحت للغرفة بسرعة
وهو شوية واجة راح للحمام غسل ايدة وجهه وهو يغلط ويفشر اني بس اباوعلة
فرح:كافي حيدر شبيـك
حيدر:اسكتيي انتيي
فرح:انتت موو تعصبب وتجيي اطلعهاا بية
حيدر:كتلججج سكتييي
فرح:لاتصيييـر مكروههه موو تجيي اطلع عصبيتك بية
حيدر: غيررر اكلهااا سكتيي تسكتتت اسكتيييي بااابااا
فرح: لاتصيحح عليةة خو
بعدني مامكملة اجة باسني 💋 ادفع بي ميوخر شمرني على جرباية وخله ايدة على حلكي ...
دفعتة مني واني ابجي واشهكك كل لي اجة ببالي حيدر لقديم وحشيتة اغتصابة لزمت بطني بوجع وابجي
حيدر:فرح
فرح:وووخررر منييي حيدددرررر اكررهككككك والله تلعببب نفسييي منكك عووفني بحاليي
حيدر:فرح باوعيلي
فرح:شالني واخذني للحمام ضليت اضرب بي واصيح حتى يعوفني سبحني وطلعني خلاني على جرباية وراح هو للحمام كمت بدلت واخذت فهد ونزلت لغرفة حنين لكيتها كاعدة
اخذت فهد مني وخلتة على جرباية لزمت ايدي وكعدتني
حنين:شبيج يكلبي فروح احجيلي ليش تبجين وشبي وجهج شعرج ينكط ماي على جسمج لاتتمرضين يروحي هاج هاي لمنشفة
وهذا ماي شربي واحجيلي
فرح:اخووج
حنين:شبي
فرح:سكتت وبجيت
حنين: لاتبجين حبيبتي وفهميني
فرح:شافتني هيج وفهمت
حنين:ماتردين يصير بينكم شي ؟
فرح:لا بس هو سواا بية مثل مجان قبل
حنين: متأذية؟
فرح:يي بطني موتتني
حنين: سودة عليه هذاا شبيي صدك يحجيي مو يدرري انتي مريضة اخ ياااحيدرررر
فرح:مشطتلي وغطتني ندك لباب كتلها
فرح:هذا هو فدوة عوفيي والله ماريد اشوفة
حنين:معليج اني احجي ويا
فتحت لباب وطلعت وسدتة ماخلتة يدخل
كمت قفلتة وكعدتت ابجي شكد مااكول اتعدل وصار زين لازم يسوي سالفة يرجعنة للصفر
اندك لباب مافتحتة لحد ماسمعت صوت حنين كمت فتحتة لها ورجعت كعدتت انطتني كوب حليب
حنين:اشربي دافي زين لج
فرح:راح
حنين:يي
فرح:حجيتي ويا؟
حنين:ماخلاني احجي شي
شربي لحليب هسة ونامي وتغطي زين ولصباح رباح
فرح:شربتة ونمت يم فهد تعبتت يلا نمت بس فزيت على صوتة ب اذني وحاضني
حيدر:فرحة حبيبتي شو كعدي
فرح:شعنددك اجيتت عوفني
شالني واخذني صعدني فوك ضليت ابجي واضرب بي خلاني على جرباية ردتت اصيح كال
حيدر:اششش اششش خليني احجييي
حيدر:فرحة ماردتت اذيج وداعت فهد ولا لي نية تعباان والف سالفة براسي وطلعن ويااج والله مالي نية اسوي هيج ولااريد مادري شلون صارت
فرح:دفعتة مني وكمت طلعت رجعت للغرفة حنين لصبح كعدتت مالكيتهم بلغرفة رحت لغرفتنة سبحت ونزلت كلهم كاعدين صبحت عليهم واخذت فهد
ام شرار:روحي تريكي يمة لاتبقين بدون ريوك
فرح:ماريد هسة حبيبتي
كمت مااحجي ويا وشيطلب مني مااسويلة وكلها عرفت مانحجي كاعدين لعصرية كلهم واني بحضني فهد والاعب بي كال
حيدر:فرح
باوعت علية كلي
حيدر: كومي سويلي جاي
فرح:غلست ورجعت العب ويافهد
اجت شيرين جايبتلة كوب جاي كالتلة
شيرين:هاي سويتلك حبيبي
حيدر:اخذذي مارريدد
شيرين:والله هسة سو
حيدر:شكللتت انيي
الحجي:اخذي بوية
فرح:صبرية كاعدة يمي كالتلي بصوت ناصي
صبرية:شماالج يلغبرة مو يحجي ويااج عيب ماتردين علية
حيدر:كوومي جيبي تليفووني من فوك
فرح:باوعتلة ودرت وجهي
عاط بصوت فززنة كلنة
حيدر:مووااكووول كوووومييي لوووولاااا
نعيمة حجت وياي بخوف وبصوت ناصي
نعيمة:كوومي جيبي تليفونة خايبة
فرح:صبرية اخذت فهد مني وتكلي
صبرية: ولج كومي يمة استري علينة
كمت وباوعتلة بخزرة راد يكوملي وياسر لزم ايدة صعدتت جبت تليفونة ونزلت انطيتا يا كام ودفر لطبلة من كدامة وطلع
اخذت فهد وصعدتت فوك اجت حنين كالتلي
حنين:فرح حبي تصرفاتج غلط لاتسوين هيج ازعلي علية ولاتحجين ويا وعوفي بس مو كدامنة
فرح:بجيت وماحجيت
حنين:لاتبجين ولج والله علمودج جاي احجي هيج لان موحلوة كلها تدري بيكم وهم مو حلوة تصغري كدامنة يلا نازلة اني حبيبتي وانتي اكيد عرفتي غلطج
فرح:نزلت وكمت بدلت لفهد وهو صار فترة مايقبل بواحد غيري ف مخلصتها ملتهية ويا حتى عمتي يروحلها شوية ويضل يبجي يريدني ف حياتي عبارة عن فهد وصرت كلة انام يم حنين جنت متمددة على جرباية وفهد بصفي ومشغلة لتلفزيون على كارتون نباوع اني وفهودي وهو دخل باوعلنة وقفل لباب
سويت نفسي مامهتمة واباوع على تلفزيون اجة نام وراي ردتت اكوم رجعني خلا راسة بركبتي وكال
حيدر:مو كافي خبالات
فرح:حيدرر وخر
حيدر: الله ياخذ حيدر والله خبلتيني
فرح: لعد من تاذيني بدون سبب عادي عندك
حيدر:يابة الف مرة كتلج ماتنعااادد بعدد
فرح:هو طبعا ماتنعاد لان اذا نعادتت يصير غير شي
حيدر:شني بوية تهددين
فرح:يي
حيدر: هلووو
فرح: بعد كتلك اني
حيدر: صار يابة هاي هية
فرح:وهسة وخر لعد
حيدر:اكلج انجبي
مشتاقلج
فرح:شحجينة هسة
حيدر:عايفتني وحايرة بهذا لدودب مالتج
فرح:شعندي غيرة لعد
حيدر:عندج اني
فرح:هو نوب انت
حيدر:متوقع هذا لشي
بس ترة لو مااني هو مايصير
فرح:لمهم صار
حيدر:جا ااهتمي بية وحبيني مثل فهد
فرح: افكر
حيدر:دوخري ضوجتيني
دار وجهة من يمنة ونام
فرح:شبيك اشاقة
حيدر:فرحة بوية تعبان اريد انام
فرح: عفتة ونومت فهد وطفيت لتلفزيون ولاضوية ورجعت نمت اباوع علية شلون نايم وهو مغمض سحبني بحضنة وباسني بخدي همس ب اذني
حيدر:والله ماينطيني كلبي اذيج انتي تجبريني
فرح:ضميت روحي بحضنة ونمت
ثاني يوم اجة جايبلي تليفون فرحت بي سوا لي وكال
حيدر:مايحتاج احجي
فرح: لااعرف شتريد تحجي
حيدر:عفية
فرح:ضليت اضيع وقت بي واتسله بي اراسل لبنات منة لو اخابر اهلي بدون خوف ولاقلق مرتاحة لهلشي وفرحانة وعرفت شكد ماروح مااخلص وهم يلكاني ف رضيت بلكلشي وقررت اتعايش ويا لوضع مامحسبة لشي
هو جان طالع اني اجة ببالي كباب حتى ريحتة اجت بخشمي راسلتة بسرعة جاوب كتلو
فرح:حيدر اريد شي منك
حيدر:شنو كولي
فرح:اريد كباب وببسسي وككو
حيدر:شو ماكو تناسق بلموضوع
فرح:مادري اجة على بالي
حيدر:تدللين يابة هسة اجيبلج
فرح:ورة نص ساعة ندك لباب فتحتة لكيت مهند بيدة علاليك
مهند:هاج عيني حضرة الاميرة
فرح:شدعوة مضغوط
مهند:من ورة رجلج موتني
فرح: يلا يمون
دخلت جوة وفتحت لعلاكيك كباب وحلويات
كعدتت اكل واني مستمتعة بعدين اذكرت حيدر ههه كلت خل اضملة لفة بس انفتح لباب ودخل
فرح:هاي شنو هسة داضملك
حيدر:بلعافية بوية اكلي انتي ماريد
فرح:بكيفك انت لخسران
حيدر:فرحة وين تليفونج
فرح:هذاك على جرباية
كعد يكلب بية واني اكل خلصت لكباب وغسلت ورجعت على ككو وفتحت لجبس ليكول اول مرا اكل باوع علية كال
حيدر:كون يومية هيج
فرح:مادري شبية ليوم مفجوعة
حيدر:دكافي لاتزيدين راح تنامين مايصير ع معدتج
فرح: هو اني،شبعت.
حيدر:هم عوزها ماتشبعين
فرح:ضحكت واخذت ملابس سبحت وطلعت نمت ثاني يوم كملت شغلي وصعدتت اخذت لتليفون لكيت مدخليني بكروب شباب وبنات
دخلت شفت لكلام وضليت اقرا بدون ماكتب شي ماعرف ليش عجبني ابقة وضليت يوم بس اشوف شيحجون ماعرف ليش عجبني احجي كتبت هلو كلها ردتت علية وضلينة نسولف ونضحك وكمت يومية احجي وتحمست للسالفة صرت بسرعة اكمل كلشي عندي واصعد للتليفون
تعرفت على اثنين بنات وسوينة كروب خاص بينة نحجي بي ومن اكمل اخفي واكتم لشعارات جنت متمددة على جرباية واحجي وياهذن لبنات سولفتلهن كلشي وهنة هم سولفلي على حياتهن اجة حيدر كتمت لاشعارات وخفيت لبرنامج كلي
حيدر:دعوووفي هذاا لخر** من ايددج كل مااشووفج عينج بي
فرح:لعد وين اروح
حيدر:فررح اذا تبقين هيجج اخذة والله
حياتج صاررت بس تليفوون هذا تنبيه لج مرة ثانية ماكو تليفون بعد
فرح:قللت شوية منة وصرت من يجي حيدر اعوف لتليفون وحجيت للبنات عنة كالن
صدك تحجين شلون متحملتة لو منج اخذ ابني واروح بعدج ب احلى عمر لمثلج هسة فارة الدنيا مو مزوجة وعدها طفل
:مبين همجي لاتزعلين لان سوالفة كلشش موحلوة وانتي مدري ليش متحملة
فرح:غلست على كلامهن واجة حيدر طفيت لتليفون راد يتقربلي ماسويت اي رد فعل دفعني وكال بصوت
حيدر:جثةةة لخااطرر الله موو طلعتيي روحيي ولعبتيي نفسيي
فرح: يعنيي والله حيرتنيي مااقبل تحجي اقبل هم تحجيي شتريدد بلضبط
حيدر:نصيي صووتج لااجرم بيج هسسة حايررة بس تليفوون وياا حيدرر حاايط
فرح: حتى تليفون مارريذة بعدد اخذذة
عافني وطلع كمت لفهد رجعت نومتة ورجعت فتحت لتليفون حجيت ويا لبنات وراحن نامن وهو ماكو كمت اريد اشوفة وين لكيتة كاعد بلصاله يدخن
فرح:مراح تنام ليوم
حيدر:روحي ناامي
فرح: عفتة ورحت نمت
لضهر اجة من لدوام تغدينة وصعدنة ننام هو نام اني تغطيت وضليت احجي ويا لبنات واسولفلهن علية وهنة يحجن علية
يكللي لمن باقية ويا واخذي ابنج صدك تحجين شنو عايشة بسجن ومن هاي لسوالف سئلني تحبي؟ مااعرف شلون جاوبت هيج كتلهن
فرح:يعني صراحة ماحس نفسي احبة واتمنى اخذ ابني وارجع لاهلي والله
اندارت على جهتة وشهكت من لخوف كاعد وديباوع وياية سحب مني لتليفون ردتت اخذة منة لزم ايدي ضل يكلب بي وشاف كلشي
وني ابجي واكلة بس انطيني مجال افهمك دفعني بقوة وكعت من لجرباية ونضربت خاصرتي بحافة الميز ولجرباية صرخت بصوت
.
.
.
.
يتبععععععععع