• يا مهرة يـانقطة ضعف خيّالچ ؛❕❤️'
.
.
بقـلم: الكاتبة مــريــــم الغراوي
قراءة ممتعة
فـرح: مستمرة اصرخ وحاضنة روحي صوتي صار مايطلع وجسمي رخه شفت روحي بحضن حيدر ويهدي بية ويحجي وياي ويمسح بوجهي
سحب لتليفون من لجرباية وشغل قران سديت اذني وخر ايدي بلكوة وخلاني اسمع غمضت عيوني وماعندي طاقة بعد ولاحسيت بليصير بعدها ماكعدتت الا على بوسات حيدر وكلامة
حيدر:يلا عيني كومي تريكي
فرح:باوعت عليه وردت ابجي
حيدر: فرحة كومي اكلي هسة يلا بابا
فرح:كمت غسلت ونزلت ويا لكيت امي كاعدة وبحضنها فهد كعدتت يمهم ابجي واتذكر لبارحة اخذت فهد من امي واباوع عليه شصار بي لبارحة من وراي
حيدر:يلا اكلي حتى نروح
فرح:وين
حيدر: اكلي اول شي
فرح:تريكنة وصعدتت بدلت وهو مكلي وين عفنة فهد يم امي وطلعنة بلطريق كتلة
فرح:هسة غير تكلي وين رايحين
حيدر:للدكتور
فرح:ليشش
حيدر:اسويلج تحاليل ونشوف وضعج
فرح:بس مابية شي
حيدر:عادي يعني الا بيج
فرح:بس ماريد اروح
حيدر: هاي وصلنة بعد
فرح:نزلت اخذت تحاليل عامة وانتضرنة يطلعن واخر شي طلع عندي بس فقر دم بس كلش نازل كتبلي علاج وطلعنة
فرح:هاا شكتلك؟
حيدر: ترا مخسرانين شي غير حتى يرتاح بالنة
فرح: اكلك اني ليش مااموت احسلي
حيدر:بدينة بمرحلة التمضرط
فرح: والله يعني شنووو هااي هسةة
حيدر: باعي راح اوصلج واروح وحضري نفسج لعصر اجي اخذج خوش
فرح:ماريد اروح اريد ابقة يم اهلي
حيدر: فررحة سمعتي شكلت لو اعيد
فرح: وصلنة ونزلت وهو راح للعصر وصدك اجة بس اني جنت كاعدة وحتى مامتجهزة
ام فرح:يمة شو منتضرج شنو تردون ترحون
فرح: ماما يريدني ارجع ويا واني ماريد
امي طلعت بدون ماتجاوبني شوية وشفتة فوك راسي. جان فهد بحضني انطا لامي طلعت هية وهو كعد يمي سحب راسي حضني ويمسح على شعري
حيدر: يلا فرحة يلا بابا كومي وياي نروح لبيتنة
فرح:ماريد حيدر والله
حيدر:انه يمج ماعوفج وياج
فرح: واني تعبتت واريدك تعوفني ماريدك حيدر عوفني ماريد اشوفك ولااريدك
ابتعد مني واخذلة صفنة باوع علية كال
حيدر:هاي هية اعوفج براحتج وماتشوفيني بعد
كام يريد يطلع بجيت وماعرف شنو لاريدة صحت ورا قبل مايطلع لغرفة وكمت لزمت ايدة
بجيت بكل ماعندي حيل واني صرت بحضنة حاضني قوي ويبوس بية
فرح:اريدك اني بس اريد ابقة يم اهلي
حيدر:ابقي يابة ابقي
خلاني يم اهلي و ورة ايام جنت اغسل بلحوش اندك لباب فتحتة واتفاجئت حيدر وليث اتفاجئت من وجودهم سوة وبنفس لوقت خفت
ليث: ليش انتي تفتحين لباب امي وين
فرح: موجودة جوة
حيدر: فرحة بوية بسرعة روحي بدلي وتعاي
فرح:ليش وين رايحيين
ليث:فرح حبيبتي عوفي الاسئلة هسة وروحي على سريع
فرح: رحت واني مامفتهمة شي ومستغربة بدلت ونزلت لكيت امي جاي تبدل لفهد ولابسة حجابها
فرح:يمة شكو وين رايحين
ام فرح: دمشي منتضرين وهسة همة يكلولج
اخذت فهد وطلعت صعدنة اني وامي ورة وحيدر يسوق وليث بصفة
فرح:هسة غير اعررف وين رايحين
محد يحجي خبلوني مشت لسيارة بل ساعتين بينة مليتت من لطريق ولكعدة وفهد تعبني لحد ماوكفت لسيارة كبال بيت نزلو همة واجة حيدر علية نزلني
وليث اخذ فهد ورجع بلسيارة كعد نزلت امي وياي واني مامفتهمة شي وكوة ساكتة دك لباب وطلعتلنة مرة جبيرة عجوز رحبت بينة هواي ودخلتنة جوة بغرفة عبارة عن صور الائمة ع شوية واجة رجال جبير ومخلي غترة خضرة علية بعد ماحجة ويا حيدر اخذ صفنة علية وبعدها كال
الرجال: استغفرالله استغفرالله ربي
فرح:خفت خوفة بس الله يعلم بيها دنيت روحي على حيدر وهو حس بية حضني وباس راسي وحجة ويا لرجال
حيدر:هاسيد هسة شنو
السيد:تعاي بابا تعاي هنا يمي
فرح:بقيت بمكاني وخفت اروح اخذني حيدر كعدني يمة
اجت هاي لمرة جبيرة لفتني بقماشة بيضة ومكتوب عليها كتابات خفت وبقيت ابجي وكلبي يمكن كلها سمعتة السيد عله صوتة وكال بصوت
السيد: شلاعبيين بل بنييةةة الله اكبرر الله اكبرر على كلل واحد يمشيي بهذا لطريق شلوون ماماتت الله يحبهاا ولسه عايشة الله اكبر عليكم
فرح: اني ماشوف،شي بس اسمع صوتة وبدا يقرا وكلساع احس يلزم براسي سحب ايدي وشوية وحسيت مثل الابرة بيها اني،بس ابجي وبصوت بس من اتاذت ايدي صرخت وزدت بلبجي حسيت جسمي كله صار ياذيني وخر هذا القماش مني وحيدر راد يجي يمي ماخلا
اني اباوع علية وعلى امي، اريد واحد يخلصني وامي بس تبجي وتكلي تحملي يمة حتى تخلصين جاب بخور وضل يبخرني ومدري،شيقرا ولمره على ايدة وبعدها انطاني كلاص مي،شربتة وورة شوية حسيت روحي تريد تتطلع استفرغت كلشي بمعدتي بس ماجان تقيئ عادي
ولسيد ولمره يصيحون الله اكبر عليكم شمسوين بل بنية شفت لموت بعيني وحسيت هاي اخر لحظات بعمري كمت بلكوة واريد اروح لحيدر اريدة يخلصني ويطلعني اول ماكمت وكعت وبعد مادريت بشي
،،،،،،،،،،،
فتحت عيوني بعدنة بلسيارة واسمع سوالفهم بقيت نايمة واسمع
ام فرح:يعني هسة بعد ماكو شي
حيدر:بعد روحة وتخلص نهائي منة
ليث:ومنوو لمسوي لهاا ماعرفتو
ام فرح:ابو فهد اني تشوفني واكفة وياك لان ادري بيك تحب بنيتي وهم ادري ماتخلص منك بعد لو شتسوي بس مال تاذوها هيج وتوصل وياكم تشتغلون بهاي الاشياء لان هنا غير اني مامضيحة بيها سكتت كبل على سوالف هسة ماكدر اسكت بعد مثل ما بنياتكم غاليات عدكم بناتنة هم هيج ليوم سوولها سحر ولعياذ بالله باجر يكتلنها واحنا ماندري
حيدر:الله بلخير يابة هاي لسالفة يمي وانه اعرف شلون احلها واتصرف وخلي بالج مرتاح
فرح:وصلنة واجة شالني ونزلني من لسيارة باسني ب راسي وهو دياخذني للباب وكال
حيدر:فرحة بابا وصلنـة
فتحت عيوني وهو طببني جوة كتلة
فرح:لعد ليش مارحنة لبيتنة
باوع عليه متفاجئ
حيدر:هاا يي بس ناخذ اغراضج واغراض فهد ونروح
امي جابتهن وكعدتت تحجي وياي وتحلف ب حيدر شيصير بية يخابرها اخذ فهد وطلعنة اخذنة لبيتة لهنا فتح لباب ودخلنة فهد جان نايم نزل فراشة ورتبة له وخليتة
باوع علية وفتحلي ايدة رحتلة حضني ويبوس براسي كتلة
فرح:اريد اسبح
حيدر:هسة اسبحج بوية
فرح:لااني اسبح بس نزل لغراض كلهن
حيدر:ماكو هذا لحجي بعد
فرح: هو راح ينزل لغراض لباقية واني كعدتت على قنفة والف فكرة ببالي
اجة يمي وشالني
حيدر:وين صافن الحـلو
فرح:ما صافـنة وين ماخذني
حيدر: نسبـح حتى نتعشة
فرح:بس اني اسبح
حيدر: انجبي باباتي
فرح:طببني سبحني وطلعني شايلني،خلاني على قنفة وطفة لسبلت ويعاملني عبالك طفلة
شبيك ترة اني مو فهـد
حيدر:بنيتي وكلشي انتـي
فرح:لعد جوعانة كلش
حيدر:يخسى لجوع بوية
اروح اجيب اكل ماتاخر وراح اقفل لباب من برا
فرح:حيدر اخاف
حيدر:افا يابة منين تخافين ولله ماتاخر وهذا تليفوني لثاني خلي يمج
فرح:هو راح اني كمت مشطت اول مرة احس بهيج راحة احس روحي مرتااحة كلشش شي بداخلي ارتااح
مشطت وخليت شوية مكياج وعطر وامي مامقصرة مخلية كلشي بل جنطة كعد فهد حبيبي اخذتة غسلتلة وبدلتلة ورتبت لبيت هو نضيف كلش ومبين هو كاعد بي هلايام شغلت التلفزيون على قران وكعدتت العب ويا فهودي شوية وانفتح لباب شلت فهودي ورحتلة باوعلنة وابتسم وبيدة علاليك
حيدر: ويلي يابه شلون اثنين متربعين بل گلب
فرح ضحكت وكتلة:شو تاخرت
حيدر:يلا هذا الاكل رتبي بين ماسبح بسرعة
فرح: راح يسبح ورتبت الاكل بين مااجة
واني مدري شبية جنت جوعانة كلش كعدنة ناكل وفهودي بس يناغي
حيدر:فرحة خاف جوعان
فرح:لا قبل ماتجي سويتلة حليب
حيدر:هسة هم جبتلة وياي
فرح:يي شفتهن بس عندة ليش جبت
حيدر: مادري بعد اجة بالي
فرحة باجر ترجعين يم اهلج واني اروح للبصرة اكمل كم شغلة واجيج اخذج
فرح:شنو هاي لشغلة.
حيدر:بعدين تعرفيهن
فرح:حيدر خالة ولبنات يخابرون علية واني مامامجاوبتهم شلون استحي منهم
حيدر:معليج همة يدرون بيج مريضة بعدين نخابروهم واحجي وياهن
فرح: وها اريد تليفون
حيدر:صار
فرح:واريد نغير لغرفة ختولي هذيج
حيدر:تدللين يابة
فرح:امممم وبعد بله
حيدر:دكلي وعوفي لبربگة هسة
فرح: شنو يعني بربكة
ضحك وماجاوبني
خلصنة اكل وسويتلة جاي ورتبت لمطبخ
وهو كاعد يلاعب بفهد ويكلة كول بابا وفهد بس،يصيح مدري شيكول لحد ما حيدر عضا وخله يبجي اجيت اخذتة منة وضليت احجي عليه لزم ايدي وهم عضها
فرح:اخخ ياااا شبييك انجلبتت علينة
حيدر:هاي عليمن بت الگلب ياهو لنجلب
ضحكت وركضت منة وفهد عباله جاي نلعب من لبجي كام يضحك بصوت لان اركض وشايلتة
حيدر: مخابيل انتي وابنج
فرح:طالعين عليك
حيدر:مو اجي اشكج شك
فرح: تعال ميـة هلا
حيدر:تكيفين على بربگة
فرح:انت علمتني عليها
شفتة كام واجة علية ركضت للاستقبال
اجة وكف يم لباب ويدخن
حيدر:ليوم بيج حيل تركضين انتي ولدنفوش مالتج
فرح:دسكت هو خما النسخة مالتك
حيدر:بلا تعاي
فرح:لاشكرا مااجي
حيدر:بكيفج انتي خسرانة
راح كعد بصاله رحت ورا
فرح: طلعنـة ضـوجة
حيدر:وين اطلعج
فرح:هااي بغداد بكبررها وين طلعنة يعني
حيدر:يلا بدلي
فرح:رحت اول شي بدلت لفهد وانطيتة له ورحت بدلت اني عفتة يحجي وياعباس بلتليفون لكيت امي مخليتلي فساتين لبست واحد منهن ورتبت وجهي ولبست لحجاب وطلعت لكيتة يبدل
حيدر:لو باقية بعد لباجر
شني هذا وجهج صابغتة صبغ
فرح:معلية مامسح شي ولاانزع شي
حيدر: شدعوة هذا هيج كصير رجلج طالعة
فرح:والله كتلك ماغير شي
حيدر:دمشي وبعدين اعلمج
اخذت فهد وصعدنة بسيارة
اخذنة لمكان بي حدايق واللعاب وجانت دنيا ليل كلش حلوة وعوائل هواي بي كعدنة على مسطبة وفهد بحضني نباوع على ناس وعلى الاطفال
حيدر:هسة شتحسين زينة
فرح:ي زينة بس بعد ماروح
حيدر يعني تتوقع منو لسوا هيج
حيدر:هية واضحة منو اني،باجر رايح واتصرف
فرح:زين هو شنو يقصد بغرفتنة هم اكو
حيدر:مادري باجر اخذ لسيد واروح
فرح: بس احنا غرفتنة ماعايفها دائما نقفلها
حيدر: بابا انتي فطيرة وفاهية وهذن عرابيد جاية عليهن يعرفن شلون ليش دائما انبهج منهن
فرح: اجت عائلة كعدتت عل لمسبطة لبصفنة مره واطفالها اثنين وزوجها راح زوجها وهية بقت كاعدة باوعت علية وابتسمت ابتسمتلها كالت
المره: فدوة هذا لحليو ابنج
فرح:يي ابني
المره: يعمري ماشاءالله يخبل من بعيد شفتة متت علي
فرح: حبيبتي تسلمين
المره:شنو اسمة الله يخلي
فرح:فهد
المره:يافدوة حبيبي الله يخلي لج
فرح:حيدر دك تليفونة راح بمسافة علينة يحجي بتليفون وهية ضلت تسولف وياي
المره:اني عندي بس هذا لولد ولبنية فاطمة وعلي وزوجي شفتي لكعدنة هنا وراح
فرح:يكلبي ربي يحفظكم
المره:حبيبتي ويحفظج انتي ماعندج بس،فهد
فرح:يي بس،فهودي
المره:بس،نسخة من ابو ابد مايشبهج
فرح:ههه يي يشبهه ابو
المره: زعجتج اني نوب ههه بس والله حبيتكم اول ماشفتكم وزوجي كلي كعدي هنا بين ماجي ماكدرت ماحجي وياج
فرح:لاحبيبتي والله بلعكس عادي اني هم حبيتج
ضلت تسولف واجة زوجها وراحت بس والله محبوبة وتضحك للهوا البنية اجة حيدر كال
حيدر:شنو جلبت هاي شكد حجت
فرح:يعني شسوي اذا اني محبوبة ومنو يشوفني يحبني
حيدر:دسكتي لاادفرج
فرح: اجة ولد صغير بيدة نفاخات كلي
:خالة تشترين
حيدر: شنيي بوية مو بعينك
الولد: لاعمو بس هية شايلة لطفل
حيدر:انت شكد عمرك
الولد:12
حيدر:اهلك وين
الولد:ابوي،شهيد وامي مريضة وعندي
اخوان صغار
حيدر:وين بيتكم
الولد: بعيد عمو
تشترون؟
حيدر:شكد تحصل بل يوم ؟
الولد:عمو اني بلنهار ابيع كلنس وبليل هاي لشغلات احصل 20ومرات اكثر مرات اقل
حيدر:ودراستك؟
الولد:بطلت
حيدر:زين اني هسة اريد اوصل لاهلك شلون؟
الولد:عمو اني مامحتاج مساعدة اني اشتغل واجيب فلوس
حيدر: عندك رقم؟
الولد:ي عندي
طلع من جبيبة تليفون صرصور وانطة رقمة لحيدر وحيدر طلع فلوس من جيبة وكله
حيدر:وهسة اريدك تروح للبيت بعد
الولد:لاعمو ماريد مساعدة والله
حيدر:بوية مو مساعدة جيب هذن لباقيات عندك واخذ لفلوس
ويلا روح كبل للبيت بعد وانه اخابرك اريد احجي وياك
الولد: صار عمو وشكرا الله يخلي ابنك ومرتك
فرح:راح لولد واني صافنة علية
فرح: يربي شكد خطية هسة هذا ششايف من طفولتة
حيدر:هواي هيج لشوارع مليانة اطفال ولد وبنات ولد لحرام مزبله يستغلوهم بغير اشياء واكو يجبروهم هسة هذا مو لواحد يخاف علي ولد حلو وصغير ولدنيا اشكال بيها ولناس لماتخاف الله كلشي تسوي
فرح:يعني شيسون؟
حيدر:ياخذوهم بغير طريق واكو ليسون وياهم افعال قذرة
فرح:بس هو ولد قابل شيسون ويا
حيدر: شبيج بابا هسة صارو يخافون على الولد اكثر من لبنية صارت نفسهم لوصخة تدني على الولد الف جريمة صارت هيج
فرح:عزاا والله نصدمت يعني،ولد يغتصب،ولد
حيدر:كلشي صار عادي بهذا لوكت لاتستغربين
فرح:زين انت ليش اخذت رقمة
حيدر:عدنة مؤوسة نساعد بيها اهالي الشهداء والفقراء هواي حالات هيج ونتكفلهم
فرح: ياعينيي شوو مامبين عليك هيج تسوي اشياء زينة
حيدر:بوية انتي ماترتاحين الا تجفصين
وكومي خل نرجع
فرح: اخذ فهد وكمنة رجعنة للبيت
رحت بدلت وطلعت بدلت لفهد ملابس نوم ونومتة رحت لحيدر لكيتة يحجي بل تليفون فتحت ايدة ودخلت بحضنة
كمل اتصال وسدا
حيدر:شبيج
فرح:مابيةشي جنت انوم بفهد
حيدر: زينة هسة
فرح:ي زينة
باجر شوكت تروح
حيدر:عندي شغلة اكملها واروح
فرح: شنو هية لشغلة
حيدر: عندي صديق هنا اجة من لسفر اروح اشوفة ونوب اروح للبصرة
فرح: حيدر تدري مرات احس كلشي ماعرف عنك وشكد ماعرف اشياء احس اكو بعد
حيدر:شنو لتردين تعرفي
فرح:من جنت طفل لهسة
حيدر:طفولتي جانت كلها لاهلي صف سادس ابتدائي وبديت اشتغل بس رغم هيج ماقصرت ب دراستي
اخواتي علمتهن اذا يحتاجن شي يجن علية ربيتهن على ايدي وصارن يعتبرني ابوهن ابسط شغلاتهن يجن لي وتناسن وجود ابوي دراستهن اني لتكفلت بيها وماخليتهن يحتاجن شي وصلت وياي اضوج اذا فديوم شفت ابوي وفرلهن شي احسهن مسؤولات مني وبناتي وبس اني اصرف عليهن واعتني بيهن
كبرت اكثر وزادت المسؤولية وصارو اخوتي هم مسوليتي وشوية وشوية صار حتى ابوي وجدي يعتمدون علية ب اصغر شغلة والا حيدر جانو يكللولي انتة ابـونة يعني بعد تخيلي ابوي يكلي اني اعتبرك انت ابـوي جنت اركض على كلشي يخص اهلي قصرت هوااي على نفسي وتعبتها بس بعدين من اشوف اهلي ازيد بل مسوولية اتجاهم
جدي وابوي سلموني نص من لشغل مالتهم جنت اجي من لشغل اشوف نقوصات لبيت واحتياجات اهلي وراها اكعد ويااخواني واخواتي ادرسهم واشوفهم شنو محتاجين واني فرحان كلش من اسوي كل هذا اني بداية عمري جان كله لاهلي وشلون اسويلهم مستقبل بي حظ وكبرت ووعيت وكبرت شغل ابوي وجدي وصار كله على ايدي شغلت عمامي و ولدهم بي
وخليت اخواتي يكملن دراسة ويحصلن شهادة وزوجتهن وامنتهن عد ليستاهلن الا حنين جان اختيارها وجنت رافض بس بعد صار لصار
فرح:زين ليش هيج تحملت هيج مسوولية يعني جنت تكدر تعيش بخير ابوك
حيدر: انه هيج فتحت عيوني وانه احب المسوولية ماحب يجيني كلشي على حاضر
جنت صف سادس وامي انطتني مصرف طلعت واني مهضوم شلون اخذ من امي مصرف واني رجال ضلت لسالفة ببالي طول لدوام وطلعت من لمدرسة رحت ادور شغل
ابوي عرف وكلي حتى من لمدرسة ابطلك وضربني ومنعني اشتغل بس اني ماصرفلي هيج وشتغلت بدون مايدرون وواجهت هواي يله صرت هيج هاي طفولتي ومراهقتي
.
.
.
.
يتبععععععع