#الايسر سلاسل الاحرار
#بقلمي كاريانا 💕
#البارت السابع
يا أني وهَلي وصبري وجَريب الناس ياعُمري اليجي وعُمري العزيز الفات .
.......
كال الايسر وهو رافعلنه حاجبه
::- صايرين خوش زلم وتلطمون صحيح
اردف مسلم بفخر
::- اي خويه چا هيه تسقيط فرض هذول ال بيت النبي مو ياهو الجان
يحجي بفخر وغرور ابتسمت بطرف شفتي واردفت
::- والله جذب بس نخاف منك..
ضربني مسلم وضحك أيسر بصوت كلش عالي واحنه صفنا عليه شلون يضحك صار فتره طويله ما ضحك هيجه ضحكنه عله ضحكته وواحد يبشر الثاني الايسر ضحك الايسر هو صفن وتلاشت ابتسامته وكال بغضب
::- احد كاللكم الايسر جلب مسعور؟
كلنه بصوت واحد لا حشاك بس...
صاح وهو حاط ايده بقوه عله شفته ويكول
::- لا بس ولا ابد اكطعوا واحد شيترجه منكم عافنه وراح تنهد اسامه وهو يمسح على راسه بتعب...
الايسر...
طلعت من يمهم احس غصه بكلبي تصرفهم وانبهارهم جدا طبيعي صاير فتره طويله ما مبتسم عضيت أيدي بقوه من الحركه والعصبيه اااخخخخ يا نار كلبي وبراكيني الخامده كله من وره الافنديه امي صرت يحسبوني مسودن! هو صدك صحيح اني مسودن اممم بس مو مثل أفكارهم لا وإنما سودني الحقد والكره... والله لو يضل اخر يوم بعمري اله اندمها هي اول وحده ابتعدت عنهم امشي بعصبيه لحدما ابتعدت عن البيت وكعدت يم نخله ارتاجيت عليها وبلشت كلماتهم تغرز اسهامها بكلبي والعبره تتكسر بصدري تنهدت اضرب عله صدري بخفه أريد اتنفس مدا أكدر واني اتذكر :
في إحد الايام :
::- طبت مرت عمي مازن من درت عمي تزوج امي اني كاعد بره ابجي بدموع دممم امي عافتنا وابويه سجين غرفته والمرض ينهش بجسمه والله لو ما مريض هذا صگارهم جتي سحبتني وياها لغرفتها وقفلت الباب علينه لزمتني بالنعال حشا السامع وموتتني تموت بس صوت صرخاتي المكتومه تطلع واني اريد انجو من قبضتها تعبت ما قاومت بعد رجعت سحبت السلسله الي رجلها يقيدني بيها يم ابويه وضلت تضرب بيه خلت جسمي ازرك كوه اكوم ما كدرت اكوم شالتني من ياختي وراحت فتحت الباب لغرفه ابويه الي ميكدر يتحرك من شده المه ومرضه وشمرتني بحضنه وهو تألم من شمرتني عليه
نوافل ::- هذا ابنك يا منير سكطته حته أحرج أفاد امه عليه الجلبه تاخذ رجلي
تحجي وتشمر عله ابويه تنهد ابويه وهو يلمني لصدره واني بين الصاحي والفاقد بس دموعي تجري من شده الألم رغم لمسات ابويه حيللل خفيفه تنهد بقهر وكال بهدوء
منير ::- امه كلبها ما يهتز عليه والله ف هيجه انتي دتأذين الطفل ع الخالي لا بارك الله بيج
نترت بايويه بحده
نوافل ::- قليل تربيه وأخلاق خزيه عار واحد شيتوقع منك يزوج مرته لاخو
صاح ابويه بغضب
منير ::- ادبسزز والله العتب على ابوج الما رباج والله لوما مريض تبوسون رجليه اني الكم
ضحكت باستهزاء واردفت
نوافل ::- اصلا كلك يوم يومين وتودع
ابتسم ابويه بفخر واردف بصوت القوي وهو يمسح على شعري وحاط راسي عله صدره وبس دموعي تنزل عله قميصه
::- وراي الايسر هو يعلمكم يصير صكاركم مثل ابوه وليدي السبع يكلب عاليكم واطيكم
بين عليها الغضب وكالت بحقد
::- إذا ما خبلته وخليته بالشماعيه اني الك ولابنك يا منير
طلعت وسدت الباب بقوه وقفلته ابويه تنهد بتعب ارتاج ع الحايط وجرني عله صدره رغم الألم بجسمه حضني يمسح على راسي وكال بقهر
منير ::- وليدي أيسر ابوه وعضيده وحزام ظهره ليش تبجي يبعد هلي وناسي كلهم ريت دموعك يغسلني بابا شبيك ليش تبجي اهدئ..
هو كال هيجه واني انفجرت بالبكاء واشهك بصوت عالي
الايسر ::- بابا جسمي يوجعني حيل يوجعني وتعبت بابا كبرت وانته سجين هل غرفه صار أكثر من ٣ سنوات بابا والله من اشوف واحد ابوه يحضنه لو يشتريله لو يطلعه لو يوديه لفد مكان انقهر ليش همه بشنو احسن منك وحابسينك وراح تموت من المرض بابا امي عافتني وراحت ليش وعمه نوافل تضربني ليش احنه سجناء بابا من يحطون برجلينه سلاسلل..
حجيت اخر كلمه وانفجرت باكيا سحبني وحضن وجهي باديه وكال بقوه
منير ::- الايسر خلي عينك بعيني وليدي
ما قبلت ادري بي ما يرضه ابجي
رجع كال بقوه أكثر
منير ::- عينك بعيني أيسر ابوك
رفعت راسي وعاينت بعيونه التجري دمم مو دمع اول مره هيجه يصير وابويه يبجي
منير ::- اسمع أيسر هل كلام ممنوع تنساه، احنه مو سجناء احنه احرار وهاي السلاسل هي سلاسل الاحرار يا ابني، انته رجال وما تبجي افتهمت أيسر اني محد الي غيرك اني بوقت جنت بقوتي لا مازن ولا مؤمل ولا معتز محد كدر يفتح حلكه وياي افتهمت!
هزيت راسي بايجاب وعيونه تلمع من الدمع مع هذا نضراته شرسه وقويه
اردف مكمل كلامه
منير ::- لا نوافل ولا وعشيرتها تبجي ابني سبع ابوه انته تبجيهم أيسر ما ني مطول بابا السرطان نهش جسمي يسند ابوك أوصيك بشغله بس مو تنسه
هزيت راسي بايجاب سحبني خلاني عله صدره واختلطت دموعنا دموعه تنزل عله وجهي وبسبب كتل زوجه عمي بالسلاسل انجرح خدي بشكل جدا واضح واردف ابويه
::- أيسر مهما حصل يا ابني لا تقسوا عله امك صح هي تخلت عنه بس لا تقسي عليها تبقه امك حملت بيك وولدتك ورضعتك وكبرتك وتبقه زوجتي وحبيبتي وام ابني بس يا ابويه انته يا بعد طوايف هلي انتقم الي والك تشوف هاي السلاسل اسبيهم بيها تشوف هذا الجرح الي بوجهك خلي حافز الك ابني نفسك وشد حيلك واخذ بثأر ابوك علمهم منو أيسر ومنو منير افتهمت همه حبسونه بغرفه وقيدونه بسلاسل ما يدرون احنه احرار احنه الي يهمنه رضا الله فقط.. ابني لا تنسه كلشي عشنا خليك بركان ثائر تمام وليدي واني احبك واموت عليك واذا الله اخذ امانتي هسه او باجر او يمته ماكان احب اكولك منير ميموت منير عايش بكلبك بجرح خدك بروحك اني عايش لا تظلم احد بس ابني ابني علمهم علينه احنه نصكرهم افتهمت وتذكر
(ان بعد العسر يسرا) وليدي لا تنسه ثار ابوك موو أيسر خليني اروح مرتاح ورايه زلمه؟
حضنته وبجيت بقوه وكلت
الايسر ::- ما تغمضلي عين إذا ما ابجيهم دم والله يا بابا بس لا تروح وتعوفني
ونمنه ذيج اليله نبجي سوه عرفت مدا اذيه ابويه صحاني من صفنتي ورحلتي الى الماضي دموعي الي تجوي خدي من تنزل تنهدت وكلت بتعب
::- يابه تدري حملك ثكيل بويه حيل تعبتني يا روحي يا بويه سنين واني ابحث بقضيتك وماكو فايده بابا والله ما اعوفك صدكني احتقر نفسي من اشوف الجرح احسك وياي وجاي تعاتبني يابه...
مسحت وجهي غسلت وهدأت ورجعت للبيت وبوجهي الغرفتي
اساطير...
مشت الايام طبيعيه وحلوه واليوم عقد اساور وهي خايفه كلش ما اعرف ليش رغم مسلم كلش حباب وهادئ وكلنه جنه مخبوصين الا اني العايشه اللحظه عبالك اني العروس مو هي هههه بس جانت اساوري تجنن بمعنى الكلمه هي لابسه اوف وايت واني ماروني مدري ليش بس عجبني
كلتلها حته تهدأ
::- راح يجون الناس ويشوفونج ترجفين شيكولون؟ ما ترديه؟
كالت وشفتها ترجف
::- أساطير متوتره حيلللل متوتره
سحبتها حضنتها تقريبا نفس الطول اني وياها شويه حسيتها هدأت وطبوا اهل مسلم شمس عايشه اللحظه وتركص وحوراء حيلل هادئه
شمس::- الاتفاق شوكت يكمل؟
تحجي وتغمز لاساور
ضحكنه عليها كفختها حوراء وكالت
::- الايسر هو يكمل الاتفاق ما يحتاج!
كالت شمس وما عاجبها الوضع
::- اووويي عيني ترا اتفاق هذا انطيتها اخويه تنطيني اخوها شنو هي طرح زواج؟
ضحكت اساور وكالت
::- خيه ميخالف بس اني راح اموت والله!
اردفت شمس بخبث
::- مسلم عصبي ومعقد ويخوف وكلشي عنده بالقوه ها اسواره الله يعينج خيه
ضربتها حوراء وتحلف
::- والله جذب بالعكس مسلم هادئ وبشوش ومتفهم جدا وهاي جذابه بس تخوفج شنو اخوي متوحش قابل هو بس يغثج كولي لايسر والله يفين حظه...
اردفت شمس ما عاجبها الوضع
::- اممم چا شلون لازم اخوفها
ضحكنه عله سوالفهم متناكرات وصار وقت العقد واساور ترجف اكو وأحد كل شويه يتحمحم وره الباب عرفته ازهر دينبه ع الصوت
لزمت ايدها احاول أهديها بس ولا تهدأ
اساور...
جنت كلش فرحانه لان مسلم خوش ولد وهم ما ابتعد عن اختي ولا اهلي ومو هسه ع ما اكمل دراسه وحته اذا تزوجنه ف عادي لان ما يمانع هذا جان احد شروطي..
اشو لمن بدلت وحسيت الشغله صارت صدك حسيت بخوف فضيع بلكت طلع مسلم مو زين؟ بله طلع ما يحترم؟ بله طلع مايقدر مشاعري؟ شلون إذا جان معقد كلش..! شلون إذا جان قاسي؟ حسيت بأحد حاوطني انداريت شفتها أساطير حاضنتني تهدأ بيه اجتي شمس وزادت الطين بله حيل خفت..!..
شوي وصار لازم نعقد لزمت أيدي أساطير تحاول تخفف من خوفي لكن اني كلش خوافه تخربطت عليهم
اسمع صوت الشيخ من وره الباب يكول..
الشيخ ::- خلي تهدأ وتصلي عله النبي ماكو شي يخوف بس لان ارتبكت..
اسمع صوت ابويه يكول
الاجود ::- اي ان شاء الله..
اردف بصوته الهادئ
مسلم ::- إذا ما مستعده نأجل؟
صار نقاش شويه وكدرت ارجع طبيعي واسيطر عله رجفتي وافقت بس جنت شويه خايفه عله الرغم اني فرحانه وهو من انطه الموافقه جانت الفرحه مبينه بصوته
صارو يباركولنه وكالوا راح يجي مسلم كال ازهر بحده
ازهر ::- ما يجي
كالت عمته سماهر
سماهر ::- عله بختك عمه خلي يشوف عروسته شنو هاي؟
نتر ازهر بغضب
::- أكرن اني أكرن يشوف اختي بهل شكل كومو جيبولها شي تنستر بي..!
كالت امي تحاول تقنعه
ام ازهر ::- ازهر يوم عادي صارت مرته خلي يشوفها صدك جذب؟
ازهر ::- لا يعني لا لا تخلوني احلف ما يشوفها للعرس..
جتي أساطير خلت عبايه عله اكتافي بحيث ممبين شي من فستاني بقه يعاين رافع حاجبه ما راضي واردف بحده
ازهر ::- حطو شي عله راسها..
خلوا شال على راسي بس شمر طلع ازهر يخزر بينه ما عاجبه وطب مسلم مبتسم وجهه يضحك كبل
جان مدنك رفع راسه شافني انصدم صفن شويه وكال
مسلم ::- هاي اساور مرتي لو اني غلطان؟
ضحكوا الحضور الي همه اهلي وأهله فقط..
ام أيسر ::- اي يمه هاي عروستك الخبصتنه بيها
كالتها معاجبها خزرها مسلم وكال وهو صاك عله أسنانه
::- خلص يمه كافي رحمه لوالديج!.
تقدم يضحك وكف عني مسافه وحك طرف حاجبه وكال بضحك
مسلم ::- يمه من غيره ازهر هاي بس اشوفج وهيجه سوه جا شلون بالعرس من اطلع أيدي بايدج؟
ضحكت أساطير وكالت بشقه وهي تاشر عله ركبتها
::- إذا طلعت لازمها غير.. يعلك ايدك بركبتك
ضحك مسلم وكال..
مسلم ::- هو هذا هم حضي...
الايسر.....
اليوم هو يوم مهم بالنسبه النه عقد ثاني اخواني يعني ما ضل شي ويتزوج.. فرحانله حيلل بس ابقه ما اعرف اعبر عن مشاعري...
واكفين بره علمود نمشي.. كلنه عود يا الله علمود نطلع واسامه بقه كال
اسامه ::- انتظروني بس اشوف مرتي والحككم...
كال تميم بعدم اهتمام
تميم ::- مرته! طلع لكك نوب يشوف مرته ابو حلكك ضحكو طلعنه كدامه واني بقيت واكف عله جهه سويج السياره عنده همه طلعوا السماوه واني ويا نطلع للبيت هنا ببغداد
صاح عله أساطير تطلع..
طلعت له بجادر صلاه وملامحها خاليه من اي قطره مكياج.. سلمت عليه وع البقيه ضحك هو وكال بنبره متلاعبه
اسامه ::- تعالي اسطورتي..
ضلت واكفه تعاين لازهر مدنك..
اشرله تتقدم وكال أسامه بضحك..
::- خيولي ازهر تعالي شوفي شجبتلج من سفري شكد دورت ياله لكيت شي يعجبج..
ابتسمت وتقدمت وهو خله بيدها كلاده اذكر اختاريناها من طلعنه لاربيل قبل فتره فضيه وبيها كرستاله عل شكل قلب ابتسمت وتشكرت منه
ضحك هو وكال
::- أيسر افتح الباب..
استغربنه شيريد يسوي فتحت الباب وصدمنه بالي سواه خله ازهر يشيل روحه ويركعها بالكاع....
يتبع....
يا ترا شسوه اسامه من مصيبه 😂💔
هذا البارت وضح جزء بسيط من معاناه الايسر