#تباريح _السدم
#العلياء
لاتنسون التصويت والمُتابعة+والتعليق بين الفقرات
مثل سر البيوت بگلبي ضميتك
.....
سُبحان:- إنتِ!
سمر:- اي ماما اني
ظليت اباوعلها مصدومة ماعرف شنو احچي وشنو اسوي رادت تحضني بَس ابتعد
..شنو ماترديني؟ ماتردين تحچين وياي
نفضت راسي من صفنتي وگلت
سُبحان:- تفضلي
دخلت وگعدت گبالها ابتسمت تباوعلي دمعت عيوني ودنگت مسحت وجهي سُبحان لاتضعفين مو وقت ضعف هَسة
سُبحان:- تفضلي عيني محتاجة شي؟
باوعتلي بقهر
سمر:- سُبحان لتسوين هَيچ ماچان قَصدي اسد الباب بوجهچ واسوي نفسي مااعرفچ بَس..
قاطعتها
سُبحان:- مهما تكون اسبابچ ماراح اقبل لان إلي سويتي مو قَليل ،شلون انطاچ گلبچ تتركيني مرة الثانية بنَفس الطَريق؟
سمر:- شنو قصدچ بـ مرة الثانية ؟
نزلت دمعتي
سُبحان:- اكيد ماتتذكرين معذورة ،تركتيني اول مرة وانا عُمري 6 سنوات وهَسة تركتيني هم ليش راجعة بعد؟ مو بنفسچ گلتي غلطانة بالعنوان؟ بس الغلط غلطي ايام كاملة اني ادور عَليچ وچنت على امل راح تتقبليني چنت متصورة ترديني تردين بنتچ إلي تركتيها من سنوات ،بس شلون نسيت إلي يترك مرة يترك الف مرة
سمر:- انا اعترف غلطت اول مرة من عفتچ بس والله كل هاي السنين انا ماكلني الندم اكل وكل ليلة ابچي عليچ واتخيلچ
سُبحان:- زين ليش ماحاولتي تتواصلين وياي مرة وحدة علىٰ الاقل؟
سمر:- حاولت، حاولت هواي بَس محد قبل لا ثائر الله يلعنة ولا زوجي شبيدي انا
سُبحان:- چان سويتي الف طريقة حتىٰ تلتقين بية معقولة ماگدرتي تدزين شخص يگلي امچ تريدچ بس ماتگدر؟؟ أذيتيني هواي
سمر:- اي صحيح وحقچ شما گلتي بس عذريني والله اجيت اصحح غلطي هَسَة
سُبحان:- شلون تصححينة؟
سمر:- باعي ماما انا ماگدر اگول لزوجي داتواصل وياچ بَس اگدر التقي بيچ بالسر وشنو تحتاجينة ادزة الچ بَس گولي مااقصر وياچ بَعَد
نزلت راسي بقهر مو هَيچ ردتها والله مو هيچ
سُبحان:- كم بنية وولد عندچ؟
سمر:- عندچ اخت وحدة تبارك
سُبحان:- لالا اني عندي خوات مريم وترتيل ماعندي غيرهن تبارك مااعرفها ولا اريد اعرفها
سمر:- ليش ماما هاي اختچ لچ والله دوم تگلي اريد اتعرف عليها دوم احچيلها عنچ لتسوين هيچ وياي
سُبحان:- ميهمني بَعد انا بعد مااريد شخص توقعتچ تحاربين علمودي بَس انا غلطانة واسفة لان رجعتلچ وعد ماراح تشوفين شكلي مرة الثانية وهم اني مو انانية حتىٰ اخرب حياتچ وزواجچ علمود نفسي.
سمر:- انا رايدتچ كلشي اسويلچ واحميچ
سُبحان:- واني ماردت هَيچ ماتوقع راح تفهمين شنو اريد ،عذريني ماضيفتچ
لزمت ايدي
سمر:- ماريد شي بس باعي ماراح اضغط عليچ ودوم راح اجي اشوفچ وادزلچ مصرف من عيوني
سحبت ايدي بعصبية ووگفت
سُبحان:- تراا من رجعت مارجعت علمود فلوس وعيشة اشتغل وعايشة الحمدالله ورجاءً وفري فلوسچ لبنتچ اني مااريدها ولاتجين بعد ماريد اخرب حياتچ ويَ عائلتچ السعيدة
سمر:- لعد شنو تردين؟؟
سُبحان:- مارايدة شي غلطت من اجيت وتعلمت من غلطي
سمر:- لا جاوبيني شنو تردين من اجيتي؟ اجيتي علمود اعيشچ وياي؟ تبقين بنتي واني مسؤولة عنچ وگلت راح اتكفل بمصرفچ بَس عذريني مااگدر اعيشچ ببيتي ووي زوجي
سُبحان:- لييش منو گال اني اريد اعيش وياچ؟؟ كافي لاتأذيني اكثر ماريد لاتتكفلين بية ولاتعيشيني وياچ ولا تعيشيني بحنانچ
سمر:- براحتچ الي علية سويتة
گامت وطلعت ورقة من جنطتها وخلتها بأيدي
..هذا رقمي يمتىٰ ماتحتاجيني اني موجودة ومصرفچ كل شهر يمچ
شگيت الورقة وشمرتها
سُبحان:- ماريد رقمچ ولا شي منچ بس تركيني اكون ممنونة لو اعرف انزل من نفسي واطلي المُساعدة من الذيب ولا اطلبها منچ؟
سمر:- منو الذيب؟ تلتقين ويامن سُبحان
سُبحان:- ها هسة صرتي حريصة علية؟؟
سمر:- تبقين بنتي وماكو احرص مني عليچ گولي منو الذيب؟
سُبحان:- محد ماكو احد اسمة ذيب
سمر:- مااضغط عليچ بعد اني رايحة مااگدر اتأخر ولاتنسين بالنهاية انا امچ تعاي الي لاترحين للغريب
ضحكت وهزيت راسي اي غمضت ماريد ابچي گدامها بعد وبنفس الوقت حلفت انسىٰ عندي ام
طلعت وسديت الباب وراها غسلت وجهي خنگة مو طبيعية بصدري ماگدر اتنفس منها
انتچيت على الكاونتر كافي سُبحان كافي بچي وراچ هواي مواقف راح تعيشينها لتبچين هسة
گمت صليت وسويت عشا غسلت لمواعين وگعدت اباوع مسلسل لحد ماغفيت ومادري بنفسي
....
مريم:-فزيت على غطا يتخلة على جسمي سويت نفسي نايمة ايدة تمست على راسي جر حسرة وگام گبل فتحت عيوني هَذا شبي؟ نفضت الغطة وگمت
شافني وعگد حواجبة
الذيب:- ليش گعدتي
مريم:- مادخلك
مارد علية صعد للغرفة شوي ونزل بيدة سويچ للسيارة وبشت شمرة علية وگال
الذيب:- گومي
مريم:- وين شبيك
الذيب:- گتلچ گومي
مريم:- ماريد وخر عني
سحبني من ايدي وگال لبسي انتظرچ برة راد يطلع وصحت
..ماريد اروح وياك ماثق بيك وين تاخذني
وگف دنگ ومسح وجهه
الذيب:- يولي ماراح اخذچ اذبحچ بَس اريد اراويچ شي
مريم:- شِنو تشوفني
الذيب:- تجين وتشوفين لتعبيني كافي
هزيت راسي ولبست البشت وطلعت وراه صعدنة بالسيارة وشغل اغاني
مريم:- طفيهن دنيا مُغرب
بدون ميرد طفاها ومشة شوي ووگف گدام مطعم
الذيب:- شنو تردين اجيبلچ
مريم:- يعني طلعتني بَس علمود نتعشة خو نتعشة بالبيت
الذيب:- مايخصچ احچي شنو تردين
مريم:- بكيفك
نزل واني اباوع للناس سمعت صوت تلفون اجت رسالة مديت ايدي اريد الزمة وتراجعت خفت لا يجي اخر شي قويت نفسي واخذتة فتحتة چان اكو رمز هزيت ايدي مايسوة الخوف رجعتة
شوي واجة مبتسم وجايب مشاوي درت وجهي علىٰ الجامة
الذيب:- يولي وين تردينة نروح هسة
مريم:- للبيت
الذيب:- شنهو للبيت عجل المن مطلعچ انا گولي وين تردين
مريم:- بكيفك
الذيب:- شبيچ مريم
مريم:- مابية شي بس مالي خلگ
الذيب:- عجل سمعي راح اخذچ لمكان دوم اروحلة ترتاحين هناك صدگيني
هزيت راسي وهو فر السيارة وصلنة باوعت يم شط العرب ابتسمت باوعلتة وهو يباوعلي مبتسم
اشرلي يلا نزلت واخذ الاكل ولزم ايدي بأيدة الفارغة
خزرتة وحاولت اسحب ايدي لزمها قوي وهمس
الذيب:- بس هالمرة خليني لازمها
غمضت عيوني ومشينة گعدنا يم الشط سوالي لفة صغيرة ردت اخذها
الذيب:- تؤ انا اوكلچ
خليتة براحتة اريد اشوف وين يوصل ظل يسوي لفات صغار ويباوع لحلگي مبتسم دنگت راسي خجلت من نظراتة
مريم:- ليش هيچ دتسوي؟
الذيب:- شنو اسوي؟؟
مريم:- يعني اهتمامك هسة بية وكلامك وياي
الذيب:- ههههه بعدين تعرفين
مريم:- لا هسة اريد اعرف
الذيب:- ول لاتلحين
مريم:- زين سُبحان تظل وحدها هناك
الذيب:- تردين اجيبها يمچ؟
مريم:- لا اريد اني اروح يمها
رفع راسة خزرني
الذيب:- شيليها من بالچ ماترحين من يمي
مريم:- بس اني مااريدك اضوج
الذيب:- مااخليچ تضوجين بعد
مريم:- لا اني مااريدك
صاح علية فزيت
الذيب:- مريييم گتلچ انسييي الموضوع
مريم:- لتصررخخ عليية مااسمحلكك بعد مااريدك اكرهكك من تسوي هَيچ
ردت اگوم ولزمني من ايدي
الذيب:- هاي هي بعد مااصيح گعدي
مريم:- مااريد عوفني
الذيب:- اعتذر مانتعاد عمي شنهو هاي من يمتىٰ اعتذر انا خل يشوفوني ربعي يضحكون علية سنة ليگدام دگعدي
گعدت مالي خلگ كارهتة بس مصلحتي يمة رجع يسويلي لفات واني اخذ من ايدة ماقبلت يوكلني بعد شوي وگلت
مريم:- زين تگدر تجيبها؟ بَس خاف متقبل اعرفها عَنيدة وخل اصارحك بشي
الذيب:- ههههه شنهو
مريم:- هي تكرهك تمووت منك يعني اكيد متقبل
ضحك وگال
الذيب:- ليش تكرهني؟؟
مريم:- مادري
الذيب:- مايبقىٰ هذا الخلاف لاتخافين
گالها وراد يوكلني هزيت راسي شبعت
..هاي اخر وحدة وجهچ اصفر
مريم:- اي بسببك
الذيب:- افا ليش
مريم:- لان تخليني ابچي
الذيب:- يمتى مبجيچ؟؟
صفنت اريد اتذكر
مريم:- هاا من ردت تتزوجني هواي ظليت ابچي
هز راسة وگال گومي نغسل بالشط
مريم:- اخاف مااريد
الذيب:- يمي وتخافين؟ امشي راح اگضبچ
اخذني من ايدي ونزلت يم الشط غسلت وهو غسل ايدية وجاب كلينكس مُرطب من السيارة مسحت ايدية
..نرجع؟
مريم:- خلينة شوي
گعد يمي ساكتين هدوء بس صوت الهوى العالي وصوت الشط نعست خليت راسي على كتفة جمد ثواني وخلة ايدة ورا ظهري وهمس
الذيب:- خلي راسچ علىٰ رجلي
ممانعت چنت كِلش نعسانة خليت راسي على رجلة وهو يلعب بشعري
لحدما نمت لحد ماحسيتة يگعدني
گمت للسيارة ورجعلي الكرسي وهم نمت..
....
سُبحان
فزيت على صوت التلفون باوعت الذيب اهووو حتىٰ بنومي مااتهنىٰ من وراك رديت
سُبحان:- شتريد
الذيب:- صباح النور هو هَيچ إلي يجاوب
سُبحان:- يعني شنو تريدني اجاوبك وانتَ حتىٰ بنومي تطلعلي
الذيب:- تفكرين بية لچ
سُبحان:- ايع هي بَس هاي بُقت وافكر بيك
الذيب:- عجل بشنو حلمتي بية
سُبحان:- حلمت إنتَ خاطفني وذبحتك
الذيب:- متأثرة بالمُسلسلات
سُبحان:- هَسة شنو تريد؟
الذيب:- مو انا هاي بنت عمچ
گمت من مكاني مخترعة
سُبحان:- شبيها مريم شنو سويتلها والله ام....
الذيب:- شبيييچ بس تهددين يَعني شنو ماواثقة بية ترا زوجها انا
سُبحان:-اي اكيد مااثق بيك رب الهددتني وخليتني ازوجك ياها غصب متسوي شي الها يعني؟؟ احچي شبيها مريم
الذيب:- مابيها شي تريدچ تعيشين يمها ومثل ماتعرفين ماارفض الها طلب وقبلت امري لله
سُبحان:- شنو هذا الحچي وينها هي
الذيب:- بالحديقة صايرة روحها بالحديقة
سُبحان:- اي هي تحب الزرع ،المُهم انا هسة اجي اريد احچي وياها
الذيب:- ننتظرچ
سديتة وگعدت افكر مريم والله عليها افكار شنو اعيش وياهم مخبلة هاي غسلت وبدلت طلعت سديت الباب وسمعت واحد
مهند:- سلام عليكم
باوعلتة ودرت وجهي امشي بدون ماارد علية
..سُبحان مو جاي احچي وياچ ليش ماتردين
سُبحان :- مابيناتنا كلام ياريت تعوفني بحالي
مهند:- زين بس خل احچي وياج وبعدها براحتچ
سُبحان:- مهند عوفني رجاءً كلش مالي خلگ
مهند:- تمام بس خل احچي وياچ كلمتين واعوفچ
تنهدت واشرتلة تفضل احچي
..باعي انا اسف علىٰ الي صار كلشي صار بوجهچ بَس ماعندي شي وياها صدگيني مااريدها
سُبحان:- وشعلية بيك إذا تريدها او لا مُهند هاي حياتك بالنهاية بس كلش مو حلوة من انحطيت بهَذاك الموقف وهي ظلت تتهمني على علاقة بيك استغفرالله
مهند:- سُبحان فكري بالموضوع انا رايدچ على سنة الله ورسولة
سُبحان:- اتوقع سدينة هالموضوع من زمان وتعرف بية رافضة وبعدين حتىٰ لو چنت موافقة هَسة شبتها من بالي نهائيًا علىٰ إلي صار ياريت تعوفني لان من صدگ بديت اضوج من هاي السالفة
مهند:- مو بكيفچ ماراح ينسد الموضوع وراح ارجع اخطبچ مرتين وثلاثة وعشرة لحد ماتوافقين وإذا ماوافقتي راح تشوفين شي مايعجبچ
سُبحان:- عفواً ليش هو غصب؟؟ وخر عن طريقي وشنو الي تريد تسوي سوي ماراح اهتم على مابخيلك اركبة
لزمني من زندي ويعت بية
مهند:- سُبحان مصختيها شنو اركض وراچ؟؟؟ ششايفة نفسچ إنتِ
سُبحان:- عوووف ايديي لا اصرخ والم الناس عليك وخرر عنيي ومحد گالك اركض وراي إنتَ مخلس نفسك بهَيچ موقف شيل اييدكك
مهند:- ههههه ياناس غير منطقة مهجورة ومحد يهتم لو شما يصير
احاول ادفعة ماكو لازمني قوي تأذيت محد بالشارع فارغ جرني للبيت فتحت عيوني وانا اصرخ محد موجود
..ولككك عوفنييي شنو تريد تسويي
مهند:- مو ماتردين تتزوجيني هسة راح اخليچ إنتِ تطلبين استر عليچ
تهسترت مدري منين جاب مفتاح البيت بعدني اريد اصرخ ومااحس الا انسحب من عندي وانرگع بالارض اندفعت ووگعت على ايدي تأذيت رفعت راسي واحد لزم مهند ويضرب بي بكل قوتة
ماگدرت اشوف وجهة داير ظهرة علية ويضرب بس انتهى الولد بيدة گمت اريد ادفعة وماهتم الي دفعني
ورجعت
لزمتة اصرخ
سُبحان:- شبييك انتَ عوفةة
باوعلي يخزر استغربت لابس لثام وبس عيونة طالعة
اشرلي اش باوع منا ومنا علىٰ منطقة محد بيها دنگ جرة من رجلة وشالة خلاه بصندوگ السيارة ورجع باوعلي وعاد نفس الحركة اشش وطلع بالسيارة
حسيت نفسي بفلم شنو ديصير بس وين شايفة عيونة ياربي اتذكر شايفتهن فركت وجهي ورحت للامانة خفت شنو هاي الشكول التطلعلي بس ليش احچي من ذيب الخبل واغسل ايدي
وصلت لبيتهم دگيت الباب وطلعتلي مريم بس شفتها نسيت كلشي صارلي ابتسمت وهي مثل الطفلة شمرت روحها بحضني فرحانة
مريم:- سُبحااان همزين اجيتيي اشتاقيتلچ هواي
سُبحان:- واني هم اشتاقيتلچ شلونچ
مريم:- الحمدالله زينة تعاي دخلي ليش واگفين بالباب
دخلت للبيت وهي وياي تسولف فرحانة
سُبحان:- وينة المسهد
مريم:- يامسعد
سُبحان:- امي مريم شغلي عقلچ قصدي علىٰ الذيب موجود؟
مريم:- لا طلع من مساع صدگ ليش طولتي؟
سُبحان:- شنو تردين بية راح اجي
مريم:- اي هو گال
سُبحان:- اي صارت وياي شغلة وتأخرت
گلتها واني اتذكر الي صار اجا شعور بداخلي مافهمتة شنو انتبهت من صفنتي علىٰ صوت مريم وهي تسألني
مريم:- شنو من شغلة؟؟
سُبحان:- هَيچ مو مُهمة هسة گليلي شنو هذا الخبر إلي گالة الذيب؟؟
مريم:- اي سُبحان الله عَليچ ابقي يمي هنا والله اخاف عَليچ تبقين وحدچ واني هم اضوج اريد اعيش وياچ والذيب ميقبل
سُبحان:- مو بكيفة مايقبل معليچ بالموضوع
مريم:- باعي اني مااريدة اختنگ وياه كلش اضوج
اريد تاخذيني يمچ
سُبحان:- ادري بيچ بَس صُبري هاي الفترة ادبر وضعي واخذچ غصبًا عنة
هزت راسها وظلت تسولف اجاوبها وبالي مو يمها محتارة شلون اخذها وياي والذيب اكيد ميقبل لازم اسوي حل مااگدر اامن بي
مشة الوقت واحنا مو حاسين ماحچيتلها عن الي صار وياي
باوعت للساعة وهو بعدة ماراجع
سُبحان:- يلا مريم لازم اروح اريد ادور علىٰ شغل ماريد اظل هَيچ
مريم:- تمام بَس ديري بالچ لا يطلع واحد مثل مُهند
هزيت راسي وطلعت وافكر بالي صار اليوم الف سؤال ببالي منو هَذا وليش ملثم وجهة ياربي احس شايفتة بَس مداتذكر تعبت
وصلت للشارع الرئيسي وانتظر اخذلي فورتات
باوعت سيارة مُظللة عقدت حواجبي ورائسًا اجة ببالي الي صار مساع معقولة من جماعتة
درت وجهي اسوي نفسي مامنتبهه عليهم ظليت انتظر هواي ماكو سيارة مشيت مامهتمة وهي تمشي وراي ظلت تمشي ردت اوگف حتىٰ اروح ارزلهم بعدني مدايرة وهي شخطت من يمي بسرعة وراحت
وصلت لمنطقتي جاي امشي
ودرت وجهي واني اسمع صوت هورن ثواني وحسيت نفسي طرت انضرب راسي بالارض وبعد ماحسيت بشي
.....
يتبععععع