#الايسر سلاسل الاحرار
#بقلمي كاريانا ✨
البارت الخامس
وحرك دم وتعب واهات ودموع
وسلب راحه وسهر والنوم مسلوب
وكل موعد فرح وعياد
ويا وشوف الكون من يروح مكلوب
كل هذا وتكول عوف ونساه
لا ايوب انا ولا يعكوب
........
شفت وجهه مسلم صار ميتفسر ايده رجفت ونظراته كلهم عتب ولوم هزيت راسي لا اباوع لازهر واسامه الي احتلتهم الصدمه اما اساور الي بس فاتحه عيونها...
وتميم عبالك ديفسر شي نظراته مني لازهر لأمي وابوي الي ضيك عيونه يباوع لأمي وكلنه مصدومين اما أيسر الي ابتسم ابتسامه جانبيه رافع حاجبه يعاين لاسامه ولازهر وفسرت نظراته وكانه يكول (مو كلتلكم!)
وضحك باستهزاء وكانه يعرف رد امي،
مسلم انخطف لونه سحبه ياسر ضاغط على ايده بمعنه اهدئ محد حس على حركات ياسر ابدا اردف الايسر بهدوء
الايسر ::- ام ازهر عمتي العزيزه احنه ندري بأساطير مخطوبه احنه نريد اساور..
كالها وهو يباوعلها بتحدي اردفت امي بنفس النبره
ام ازهر ::-اساور بعدها طفله يوم ما تفيدكم والله.!
جاوبها مسلم الي يحاول يسيطر على اعصابه
مسلم ::-عمه اريدها لو مو تصير طفله اريدها، الله وكيلج لا رايد منها لا خبره ولا عجنه ولا كوي وغسل وما ادري ايش ولا جهال خوش؟
اردفت زوجه ملهم نجلاء الي السم ينكط منها..
نجلاء ::- شتسوي بيها لعد؟
خزرها مسلم وملهم يهز راسه بوعيد
مسلم ::- رايدها بنت حلال تصوني وتحفظ سري وتخاف الله وهذا هو..
ام ازهر ::-بس خاف تكول بعدين غشوني بنتي مو مال تدير بيت
كام مسلم وكلنه مستغربين كومته وكف بباب الاستقبال واشر ع مكان وكفته واردف بضحك
مسلم ::- هسه هذا باب غرفتي تفوتين تدوسين ملازم كتب قمصان احذيه حشا السامع والموجودين أوراق.. كلشي الله وكيلج
يقلد شلون يمشي وهو ميت ضحك...
ضحكنه على سوالفه واشوف ازهر مركز ويا اساور مضيك عيونه وهاي حركته لمن يكون شاك بشي او مو عاجبه او مركز كلش بهل شي...
رجعت اباوعلها مبتسمه وتباوع لمسلم بصوره جدا طبيعيه و ولا تنتبه وازهر هالكد ما مركز وياها عاض شفته السفليه ويترقب حركاتها..
ندست تميم الكاعد بصفي..
-تميم هيووو انتبه!
ارتاج ع المخاد بحيث اتقربلي وهمس
-ووجع شتردين؟
::- تميم الحك اساور لان ابتسمت ع حركات مسلم ازهر مركز وياها ومضيك عيونه.. وهي فطيره ولا يمها...
رفع راسه لازهر المركز بحيث عيونه راح تطلع من محجرها من كد التركيز...
هز راسه بايجاب مبتسم عبالك يراقب تحركات الكل ياله يسوي الشي حته محد ينتبه علينه..
اردف بهمس ::- اوووف من اساور وفطاريتها نوب عافت الكل تعاين على مسلم نبهيها وهسه احاجي سامر ياخذها لان ازهر بعد شويه وينفجر...
تنهدت واردفت بهمس
::- هو مصيبه عافت الكل وتباوع عليه وازهر ابد ما يشك
ابتسم وكال
::- احنه زلم وازهر مكلينه تكلي نوب اساور يبووو
دزيتلها رساله
_اساور انتبهي ازهر مركز وياج لا تبتسمين ولا تنتبهين لمسلم نهائيا..
رفعت راسها موسعه عيونها بصدمه وخوف
تباوعلي ورجعت تباوع لازهر الي ابتسم بطرف شفته عيونها نملت بالدمع تهز راسها بنفي غمض عيونه بقوه يطمنه او يهديها تميم أشر لسامر انتبه
صاح سامر
سامر ::- اسواره كومي انطيني قميصي..
كالت بسرعه
اساور ::- اي عمري جيتك
وطفرت ركض
اسـاور..
كاعده وطبيعي ويحجون ومسلم مبتسم رغم التوتر بين عليه، على سوالف البنات ابتسمت بالغلط عيني صارت على مسلم مبتسم ف ابتسمت ما حسيت اله علىصوت رساله اجتي لجهازي من أساطير
ان ازهر مركز ويايه يمههه كلشي ولا ازهر مصيبه ازهر من يركز ويه شخص بعد هاهيه نقره عليه السلام وكلش هواي يشك يمه عزه بعينج اساور انقذني سامر طفرت اركض وهو يضحك
سامر ::- هيوووو شبيج تركضين جنج حصان
انداريت احجي بخوف
اساور ::- ولكككك سامر ازهر ازهر
عكد حاجبه وكال
سامر ::- جان يعاينلج موو؟
هزيت راسي مرات متتاليه
اساور ::- اييي والله ايي
كفخني على راسي بخفه
سامر ::- ايي والله وانتي ثوله شلون تندارين ع مسلم
حجيت بدموع
اساور ::- والله بالغلط اجتي عيني عليه ضحكت على سوالف شمس الخبله
هز راسه واردف بحيره
سامر ::- قنعي ازهر بهل حجي
الايسر..
ضحكت وجنت متوقع الرد واسامه وازهر يحاولون يصدكون، وره ما صار نقاش لاحظت ازهر مركز لاساور لدرجه عيونه ما ترمش البنيه بس شافته هيج مركز دمعت عيونها طفرت تركض..
دغيت ازهر بجتفه
الايسر ::- كافي تعاين ع البنيه من يمي صار عندي مغص
اردف بدون ما يباوع
ازهر ::- اشششش أيسر انجب
الايسر ::- يمعود دكومم كوم
باوعلي بطرف عينه معاجبه اردف بدون خلك
ازهر ::- وين؟
الايسر ::- نطلع برا شويه اختنكت دكومم عاد
كام وياي بعد ما اترخصنه منهم مغضب بس طلعنه صحت بي
الايسر ::- هسه شكو شببيك هيوو شكو من صافن ع البت يعني ضحكت ويه شمس ولمن حجه مسلم انتبهت عليه ترااا عادي ازهر بطل هل طبع القذر!
اردف باستهزاء
ازهر ::- هسه اني شكلت نحرتها ع القبله يا عيني اشو محترم نفسي ومنجب!
زفرت بغضب احاول اتمالك نفسي وكلت
الايسر ::- ازهر ترا تخسر اخوتك بهل طريقه يا بشررر!
وهو ولا مهتم يدخن
ازهر ::- هسه شبيك شكلت انه!
الايسر ::- ابد بس بعد شويه والبنيه تكعد تبجي وتكول شسويت ازهر بطل يا نعل بطل!
هز ايده معاجبه غميته وانداريت حتى اطب صاح ورايه
ازهر ::- يول يا ما عندك اخلاق مو اجيك ترااا شفتك!
الايسر ::- كوم ننكبر جوه الحجي وياك ضايع استاذ ازهر
عفته وطبيت طب وراي ما تأخرنه شويه وكمنه جلبوا بينه حيل وبالاخص ابو ازهر رفضنه رفض قاطع واردف
الاجود ::- يابه تعشوا وباتو يمنه والصبح اطلعوا وين رايحين هسه للسماوه؟
ام الايسر ::- رحم الله والديك ابو ازهر ما جايين نجربكم والله نروح للكاظم ونطلع باجر الكل عنده دوام، بس قبل ما نروح نريد ردكم..
تحمحم وكال برزانه
الاجود ::- الأمر الأول والأخير الها مالنه دخل هاي حياتها تفكر واردلكم خبر بإذن الله ام أيسر وان شاء الله ما يكون خاطركم الا طيب واذا ما مقسومه ان شاء الله يلكه بنت الحلال الي تناسبه...
سلمنه وطلعنه وطبعا ما متفاجئ ابدا من رده فعل ام ازهر لا والله متوقعها لان عمتي ما نست الماضي ولا دم عمي النهدر ظلم وتوقعت انها راح تحجي او تسوي شي أكثر لكن سكتت..
ما جنت ادري الزمن شظاملي ولا ادري بيا مصيبه طاحت عليه قطع دوامه أفكاري صوت امي الي حسافه اسميها ام
عَـبير ::- يمهه أيسر شوكت افرح بزواجك واشوف وليداتك بحضنك هذوله اخوانك كلمن أسس حياته راح تشيب يمه اسامه راح يتزوج وملهم تزوج وهذا مسلم خطبناله وتالي وياك يمه؟
زفرت نفس بعصبيه اسد على قبضه أيدي بقوه لان هل موضوع ينرفزني،همس باذني اسامه يهديني
اسامه::- أهدئ أيسر همه يريدونك تعصب اهدئ..
استغفرت ورجعت شعري ليوره وكلت بهدوء مبطن بعصبيه
الايسر ::- يمه زواج ما اتزوج لو اموتتت شايفه شنو لوو اموتتت لو اموت ما اتزوج كافي، مدا أكدر اتخطه او انسه الجرح البوجهي بعده مراح كافي لا تخليني احجي بالخط العريض!
دكت صدرها وكالت بحزن
عَـبير ::- يمه وليدي مو راح اموت واني مشايفه بزرتك يمه!
انداريت بعصبيه وحجيت بصوت عالي
::- هاااا هسهه البزر مهم مووو؟ شسويتي لابويه حته تسويلي شسويتي ما تكوليلي!
كال هاشم يهديني
هاشم ::- اهدئ أيسر الله يخليك لا تعصب..
وهي حطت شيلتها ع وجهه وكامت تبجي
::- يمهه بزر بطني يصرخخ بوجهي ولجج يمه يا ضيمي!
انداريت بعصبيه مكتومه ع الطريق وهمه يهدونها واسامه يخزر بيه عود يكلي غلط السويته
اسـاطير..
طلعوا بيت عمي وطبوا اهلنه واساور خايفه من ازهر طب ابويه ووراه تميم وسامر واساور كل شويه تخرط العافيه من الخوف...
وطب ازهر وهي راسا حجت
اساور ::- ازهر والله فهمت غلط! اني جنت احجي ويه شمس بس هو حجه وصوته عالي ف طبيعي ننتبهله والله ماكو شي من الي ببالك..
حجتها بسرعه وشهكت تقدم هو بهدوء وعيونه شرار حضنها يمسح على راسها بهدوء باس جبينه وكال
ازهر ::- تربات أيدي والاجود ما اخاف منج بس ردت اعرف رده فعلج مو اكثر بنتي شكو كل هل خوف شبيج شكلت اني هسه؟؟
انفجرت باكيه، عزززاا شكد ضعيفه هل بنت طلعوا اهلنه على صوت بجيها ونوب ازهر خربان ضحك عليها
ازهر ::- اششش ولج شهرتينا اسكتي
صاح ابويه بعصبيه وهو يتقدم ويدك عوجيته قوي بالأرض
الاجود ::- ازهههههرررر كم مره كتلك ممنوع تبجيهاا هاااا؟
اردفت ازهر بهدوء يحاول يكتم ضحكته
ازهر ::- حجي وحك الله تعبالي راح احاسبها وبلشت تبجي واني والله مو يمها
سكت ابويه خازر ازهر وبس كال لاساور تعالي ركضت لحضنه تبجي وتشهك
اساور ::- باباا باباا
الاجود ::- هااا يروح بابا اسكتي بنيتي ما عاش اليحاسبج او يبجيج بنيتي دام الاجود يشتم الهوه تبقه اميراته ومحد يكوللجن على عينجن حاجب تعالي يبعد ابوج
يسكت بيها وهي خاتله بحضنه تبجي مثل الجهال وازهر يضحك بدون صوت وتميم حاط ايده على خده وصافن عليها اما سامر الي اخذ الكاع طول بعرض يضحك ويتمرغل بالكاع وامي تصيح
جواهر ::- والله ما طلع عينهم غيرك يا اجود والله
رد ابويه بانزعاج
::-اششش بله اششش إذا ما ادللهن الهن ادللمن اشو هنه اثنين بس..
حكيت ارنبه انفي وختلت يم ابويه خلاني جوه ذراعه وكال بصوت مليان حنيه..
الاجود ::- شتريد اسطوره ابوها؟
حجيت اتمسكن
أساطير ::- اجودنا حبيبي شو مو زين وياي بس مدلل بنتك..
كفخني على راسي بخفه وكال وهو يضحك
الاجود ::- اشو اجودنا ولج بكدج اني ابن دورتج مثلا؟
سامر ::- تفضل استاذ علاء عود ذني اميراته
اردف ازهر بملل
ازهر ::- انتِ ام اللسان يابه منو يكدرلج لا اهل ولا زوج طالعه عن شور الكل اشو كلنه نمشي بكيفج ست الحسن والجمال...
حضني ابويه وهو يحجي عليهم مراضي
الاجود ::- اشش انجبوا عود من اموت احجوا عليها هسه هي بنيتي تحت جناحي غاليه ابوها..
حضنته وكلت
::- اسم الله عليك بابا حبيبي كون من عمري على عمرك ويحفظك ويديمك ويخليك النه يا روح روحي انته...
حضني وصعدت خابرني اسامه نحجي
اسامه ::- لج اسطوره ان شاء الله يوافقون والله مسلم خوش ولد
تنهدت وكلت
أساطير ::- هو بكيفي مثلا؟
مبين حباب الله يحفظه واذا من نصيبه خير على خير واذا مو من نصيبه هاي الله كاتبها..
جر حسره وكال
اسامه ::- الله كريم اسطوره بعد اسبوع زواجنه حياتي راح أبلغ اهلج وانتي مجهزه كلشي صح؟
أساطير ::- اي حبيبي
كال بفرح
اسامه ::-والبيت جاهز يروحي.. اكلج.؟
أساطير ::-كول حياتي؟
ضحك وكال :احبكِ يا صاحبه العيون السرمديه عيناكِ سرقتا قلبي!
ضحكت بخجل واردفت
أساطير ::-واني اموت عليك يا عيوني السرمديه
سمعت صوته يبوس شي ويشمه بقوه ويكول
::- الله يريحه العافيه الله!
حجيت بتساؤل
::- شجاي تسوي عمري؟
ضحك وكال
::- اسطورتي جاي ابوس برتبتي.. يمه اشكد احبها اشكد اعشقها شكد هايم بيها اني!
ضحكت وكلت
::- يااا هلكد اتحبها؟
تنهد وكال
::- اسطوره شكولج هاي حبل النجاه من المستنقع الخايس الجنت بي هاي السندتني من بعد اخوتي هاي الي سوتلي قيمه هايه الي كلها كامت تكولي ابو أيسر! بسببها هايه والله بسببها احبها اسطوره اعشقها!
ابتسمت على طريقة كلامه واردفت
َ::- واني احبها لان انته تحبها..
ضحك بهدوء وكال
اسامه ::- راح اترقه الشهر الجاي يروحي بس هذا اخوج الجلب تميم تدرين شسوه؟
ابتسمت واردفت بتساؤل
أساطير ::- لا تغلط على تميم تراا ازعل عليهم والله وكولي بله شسوه؟
اسامه ::- كلشي ولا زعلج يا نظر عيني، ولج اني انحمست حمس بالعسكريه وهسه ياله صرت نقيب تالي هو مو محامي كمل دوره عسكريه سنه مدري اقل راسا شدوله نقيب الجلب الحقير
هستوني اريد احجي وصار صوت يمه وكال للي يمه بصراحه استغربت لان المفروض هسه هو وحيده ولو الي اعرفه اصلا هو عايش وحيده
ضحك وكال
::- هاا حب كملت المواعين؟؟ َ
يتبع..
يا طلابه المواعين 😂