#الايسر سلاسل الاحرار
بقلمي كاريانا 🌿
#البارت الرابع
أول ما شفت طولك على الباب
وأول ما أجت عينك بعيني.
.........
انصدمت بي لمن شفته مسلم
وعليكم السلام ورحمة الله..
مسلم :آنسه أساطير اني مسلم اخو أيسر..
أساطير :باوعتله عاكده حاجبي
نعم استاذ مسلم اعرفك..
مسلم :حك طرف حاجبه وكال مبين التوتر بوجهه
انسه أساطير اريد أسألج عن شغله..!
أساطير :تمام تفضل..
كعد ع طرف المسطبه...
رفع راسه باتجاهي وحجه :آنسه أساطير اختج البارحه خبلتني ولا خلتني اصفه عله بر! اريد منج الجواب رجاءا...
أساطير :اجذب إذا كلت ما ارتبكت بسبب تصرفاته... اي استاذ مسلم تفضل
مسلم ابتسم
انسه أساطير اساور اكو بحياتها احد اولا فدوه ترا مو حجي تعوفني وتروح معصبه لأن سؤال عادي...
رفعتله حاجبي وحجيت بعدم رضا خازرته
::اعتقد يا استاذ مسلم اختي جاوبتك احنه ميهمنه لا حب ولا ارتباط خوش؟ الي يريدنه يدك باب ابونه هذه تربيه الاجود..
ابتسم واردف
::والنعم والله من الاجود وبناته... اني اترخص بلغي اهلج اليوم احنه يمهم لان اجهزتهم مغلقه
هزيت راسي بايجاب وراح واني صفنت هذا شبسرعه اجه يخطب هو ما شافه بس مرتين هزيت أيدي ورجعت كملت قراءه انتبهت عله شخص واكف مسافه عني منطيني ظهره ما اهتميتله ورجعت أقره كال بهدوء :
راح تبدي محاضرتج
رفعت راسي بدون ما اجاوب ورجعت دنكت أقره استغفر بصوت ورجع كال
::- بابا محاضرتج راح تبدي..!
حجاها بانزعاج رجعت دنكت أقره
كال بصوت صاك عله أسنانه
::- مو احاجيجج!
جاوبت بعدم اهتمام حته ما رفعت راسي
::-ومنو انته حته اجاوبك او استمعلك اصلا!
حجه بهدوء مبطن بعصبيه
::-ارفعي راسج وتعرفين منو اني!
رفعت راسي شفت الايسر
حجيت بعدم مبالاه
::هذا انته ابو جرح
ابتسم واردف
::- وتالي ويه سالفه ابو جرح؟
::-مالها تالي ما ابطلها!..
هز راسه وراح واني دخلت المحاضره كملت الدوام ورجعنه للبيت اتلكتنه امي مخبوصه تصيح
ام ازهر ::- بسرعه بدلن وتعالن ساعدني عدنه خطار
باوعتلي اساور رفعت اكتافي بمعنه ما اعرف صاحت بينه امي
::مو وكتتت صفناتتت ديلاااا!
حجت اساور تمتمت
::-صار بس منو يمنه يمه؟
ام ازهر ::- بيت عمجن اخوان الايسر كلهم جايين من السماوه اليوم بسرعههه بسرعههه ديلا هم نكمل وبدلن ملابسجن بسرعههه
صعدنه بسرعه ونزلنه ساعدنه امي نظفنه وركض للمطبخ ورا ما كملنه كلشي بدلنه وكعدنه ننتظرهم اني لابسه ربطه سوده ع دشداشتي المارونيه غمني سامر رجعت غميته صاحت امي
::ليش لابسه ربطه سوده ولج؟!
اردفت بغرور
::-احبهااا!
غمتني وكامت ما عاجبها اندك الباب طلع ازهر وطبن البنات وام الايسر وعمته اخت ابو اسمها سماهر سلمنه عليها...
وطبن والبنات جوي يمنه للمطبخ
كالت شمس
-هلاووو كايزززز شلونجن
كفختها عله راسها
أساطير ::-ووجع يكولون السلام عليكم مو هلاووو كايزززز غبيه
ضحكنه اردفت شمس بغرور
::- اووويي عيني اني ثقافتي انكروزيه
غمتها حوراء وكالت اساور طبو الولد...
اساور...
اول ما كالوا اخوان الايسر خفت وتوترت وكلهم انوب وكلام مسلم نضرات أساطير كلهم خوفني مدري ليش
كملنه ولبست دشداشه بلون وردي فاتح برزت لون عيوني الي يميل الزيتوني هو احنه كلنه اني وازهر وتميم وسامر طالعين ع ماما هيجه لون عيونها اما اساطير ع كولات خطيبها صاحبه العيون السرمديه طالعه ع بابا عبد الرحمن الله يرحمه لون عيونه رصاصيه
كالت شمس ::-شو خليني اشوف واحد بله بلكت يعجبني َ..
صاحت حوراء ::لججج شمس اركدي
شمس غمت حوراء وكالت باستهزاء
::-انتي ضلي عيب وحرام تعالي اساور خلي نباوع
وصدك من الشباك مال المطبخ نباوع كالت بحماس
::-الله منو هذا ابو ستره ؟
جتي أساطير ومدت راسها ويانه واشرت ع اسامه وكالت قصدج هذا....
وشمس هزت راسها بايجاب.
::اي ولج هذا
أساطير جرت شمس من اذنها واردفت بتحذير
::- هذا خطيبي اطييح حظج عليه
غمتها شمس وكالت بغرور
::-بالحسافه دولي انتي ويا تعالي اساور نشوف غيره
صفنت وكالت
ياااااا ولج هذا اسامه اخويه اشو ما عرفته يجوز لان ما لابس رياضي وهسه لابس رسمي ونضارات وكذا ولج هذا اخويه يببوووووو.....
فات ازهر كالت
:_محلو هذا مبين عصبي مثل أيسر ما أريده..
أساطير ::-كوون يلكفجن تباوعن من الشباك اله يموتجن
شمس سوت حركه بيده عود ما عاجبها
فاتو تميم وسامر صاحت الله منو هذا ركض سدينه حلكه حته ما ينتبهون
اردفت
::- ذوله اخواني ياهو منهم تقصدين؟
أشرت عله سامر وكالت
::- هذا الصاك...
غمزتلها كتلها هاهيه..
ضحكت وأساطير فحطانه ضحك علينه وحوراء تغم بينه
فاتو اخوانها راسا ويه سامر وتميم
اردفت بهمس
::- لججج شمس منو هذا ابو القميص النيلي لج دباعي مدت راسها وضحكت بخبث وكالت
::- خطيبج يولي
شهكت بصدمه حاطه أيدي ع حلكي واردفت
::- ع كولات ازهر سوادين اي والله خطيبيش؟
ضحكت حوراء وكالت
::- عيني بت الاجود غير سودنتي الرجال جابنه سحل من السماوه لهنا علمودج
ضليت مفهيه بس صافنه اجه ازهر تحمحم وكال بصوت يا الله
وطب انصدم بالبنات راسا دنك وسلم هو هذا طبع اخويه
اخذ جاي وطلع وصار نقاش بالديوانية بينهم صاح عمي ابو ملهم
أيسر..
كاعد وحاط أيدي عله خدي ومرتاج عله المخده البيني وبين ازهر وبس اصفن
همس ازهر :شبيك
رديت بنفس النبره :كلشي ما بيه
حمحم مازن وكال
ابو ملهم ::- البنات وين صيحولهم شنو يستحون من عدنه؟
ضحك ابو ازهر واردف
::- لا يابه بس تعرف بنيات ونقاشاتهم تختلف
ضحك ابو ملهم واردف هاشم
::سوالفهم مكسره كله كلاص ومدري شسمه وهدى البياتي
كفخه ياسر عله راسه وكال
::-اششش فضحتنا فضح الله عدوك انجب
وكلهم ضحكوا اني ضحكت لحدما كمت اكح نوب حته ما يلفضهم عدل
كال تميم
::اسمها كلوس مو كلاص وهدى بيوتي مو البياتي انلطم فضحتنه والله لو تسمعك أساطير..!
بهل أثناء دخلت أساطير...
عاينتلها طالعه جنها ملاك بهل ربطه
سلمت وكعدت وجني البقيه بصفها استغفرت وددنكت الهي نفسي حته ما اعاينلها رفعت راسها ع اسامه ابتسمت ورجعت تحجي بهدوء ويه البنات...
ما اهتميت وحاولت اتجنبها لان يمها كلبي يدك طبول رغم اني اعرف انها لا صارت ولا تصير من نصيبي وتعتبر زوجه اخويه استغفرت وأخذت جكاره وطلعت للحوش رغم اني ما ادخن لكن حلت بعيني الجكاره...
شويه ورجعت دخلت..
أساطير...
اجه سامر سلم وكال ابويه يكول خلي يجن يمنه ماكو احد غريب هو اسامه والبنات يعرفونه
اردفت شمس
::- اسامه اخونه..
. ابتسم وصفن عليها شويه وتدارك الموضوع وكال ديلا..
وعافنا وطلع حوراء تستحي من اخواني كوه جريناها وطبينه سلمنه وكعدنه اجاني مسج من اسامه
-لج اسطورتي شلونج كلبي؟طالعه كمر وعلي كاسره ع الكل
رفعت راسي يباوعلي ابتسمت وهو أيضا ابتسم...
لكن لاحظت الايسر يلوب عبالك بي شي او مزعوج من شي ما اهتميت، ومسلم طول الكعده عيونه تلاحق اساور ويدقق بتفاصيلها..
لمن انتبه اني مركزه وياه سوه روحه ممنتبه يلعب بالتلفون وكلمن ماخذ صفحه يحجي لحدما حمحم ابو ملهم وكال..
ابو ملهم ::- احنه اليوم جيناكم من السماوه لشغله وان شاء الله ما تردونه..
اردف ابويه بشموخ
::-كول يبو ملهم وما يكون خاطرك الا طيب ان شاء الله.. وجيتكم عله راسي
ابو ملهم ::-رحم الله والديك ابو ازهر يسلم راسك ما تقصر.. احنه جينه نطلب ايد كريمتكم لابني مسلم....
عم الهدوء لثواني و ردت امي بحده..
ام ازهر ::- عله راسنا جيتكم ابو ملهم لكن بنتي مخطوبه إذا تدرون....
يتبع.....
يا ترى شنو السالفه وشنو رده فعل مسلم