#الايسر "سلاسل الاحرار"
#بقلمي كاريانا ❤️
رجعت البيتنه اتعثر
وأصيح الويل
بعدني بَعز شبابي
ومَات بيه الحيل!
.......
أساطير :اخخخ يا حظي المصخم لو أكدر احجي ابو جرح خليني ساكته عنك كوه!
انفجر اسامه بالضحك وازهر يخزر وهذا مرتاج ع الباب
الايسر :ديلا بله شو دحجي!
أساطير :اااخخخخخ بويه اسامتي سكته لا ابتلي بي!
اسامه :اباوع لها اضحك عله لسانها رشاش.
صار يبعد اسامتج وأهله، اسطورتي عافيتي...
أساطير :عيونها السرمديه..
اسامه :عيوني انتي باجر طالعين خوش؟
أساطير :وكفت بحيره حاطه أيدي ع حنكي
اكول لاجودنا واذا قبل ميخالف..
اسامه :كلنه بنيت كلبي...
أساطير :خوش لعد مواقفه...
اسامه :وعود اتصل عليج اكلج شغله...
أساطير :تمام اسامتي..
سامر :طب ووكف متخوصر، وتالي يعني ما نطب؟
الايسر :بس يكملون ليش منطب!
اسامه :غمزتلها، اوووووويييي بيبي شهل عجرفه غير ناخذ راحتنا...
اشو ازهر شال شحاطته وفلتت شردت بروحها العزيزه...
ركضت وراها طبينه خربانين ضحك..
اساور...
كاعده حاطه أيدي ع خدي وصافنه ثول اساور شبيج صدك تحجين امداج يا ثوله.. اخخ ولك دولي من صماخي نوب اسمه مسلم خرببب اوففف هو هذا هم اسم خبلني وبالاخص ابتسامته تجنن.. وشلون مبين ملعب هو وعيونه المحير لونهم لا همه خضر ولا صفر ولا بنيه أكدر اكول عسليه عبالك من كل لون خيط ياربي شبيه اني
طبت أساطير تضحك كعدت ع الميز كدامي..
باوعتلي بتركيز وحجت بنبره متلاعبه الايد ع الخد الضحكه مرسومه اكيد عاشكه احجيلي بله...
اردفت بفهاوه :اههه أساطير مو شلون ما جان
صاحت بيه شنوو !
اساور :يمه اسم الله الرحمان!
حجيتها وكمزت من مكاني..
جرتني وكعدتني كدامها...
أساطير :اي بله عاشكتمن..؟
اساور :اتنهدت وحجيت بجزع
بطلي شقاوه وكعدي ع الكرسي..
أساطير :جنج عليها..
وكعدت اردفت بصوت متلاعب
اكملي عزيزتي العاشقه الولهانه..
اساور :كفخته بخفه عله راسها
هسه اليسمعنه شيكول ست أساطير؟
ولج هذا متربع براسي...
أساطير :اباوع لها شلون سارحه ببالها بعيد دغيته براسها
امم منوه؟
اساور :ابتسمت وغمضت عيوني
مسلم
اشو هاي سطرتني راشدي!
هوه هيجه يا أساطير حجيتها اريد ابجي..
أساطير :اي حته يطلع من عقلج!
كمت بزعل ورحت للغرفه لكيت رساله من رقم غريب
أساطير...
هزيت أيدي ع اساور حته هاي الزعطوطه كايمه تتمعشق غميت روحي ورجعت للاستقبال طبعا نسيت اكوللكم احنه بيتنا ببغداد....
طبيت وصاح سامر :هلا بسورها ونورها
اردف تميم :لا ربطت...
غميت تميم وكعدت يم ابويه
الاجود :شبيج اسطوره؟
أساطير :مدري ضايجه؟!
اسامه :باجر الطلعه تملخ والله!
أساطير :وين؟
اسامه :اكولج تحبين الخيل؟
أساطير :ضحكت وكلت
ايييييييييييي الله!
اسامه :چا باجر نشوفهم ومو بس نشوفهم لا نركبهم عادي...
أساطير :لو ما شويه اهلهل صفنت اردفت بحيره
ومنين تجيبهم؟
الايسر :اللهم طولج يا روح!
من كبري احنه عدنا خيل...
حجاها بجزع وملل...
أساطير :چا خوش...
وضليت اكمز وفرحانه لحد ثاني يوم بما انو البس كله جلباب لبست بنطلون قماش كلش عريض وفوكاها الجلباب ما صدكت يجي اسامه وصادفت اثنينه لابسين نيلي ضحكت من شفته صعدنه سياراتنه متوجهين للسماوه....
صعدنه صادفت اني والايسر واسامه وسامر بالسياره...
حجه اسامه وكسر حاجز الملل الصاير..
اسامه :اسطورتي كاعده؟
أساطير :حجيت واني اباوع للشارع
عيونها السرمديه، كاعده...
اسامه :شنو رأيج احجييلج؟
أساطير :اي اكيد احجيلي...
اسامه :ولج اسطوره نحجي عن المخفي والمستور؟
وباوع ع أيسر راسا هز راسه يستغفر
الايسر :احجي يابه احجي احسن ما تحجي هاي وتجلطني! يابه بالعباس تجلط َ!
اسامه :انجب لك حيوان إذا اسطورتي تجلط انته وازهر عافيه امداكم اي والله...
الايسر :اعلمك عليها مو مشكله...
ضلو متناكرين لحدما وصلنه نزلنه بباب بيت جبير بوسط بستان جبير والبيت فخم...
ع العلم تصميمه مو جديد طلعت مره جبيره ووياها رجال يطلع بكد بابا تسالمو وسلمت عليه وكفت بصف اسامه انتبهلي ابتسم...
خله ايده بيدي.. طبعا اني واسامه مخطوبين وعاقدين سيد ومحكمه.. يعني راح نحدد العرس..
ام الايسر :هلا يمه هلا بيكم.. اتفضلو اتفضلو..
دخلنه وسلمنه ع الرجال جانو يكولوله ابو ملهم.. عرفته زوج ام أيسر الي هي من المفترض زوجه عمي المتوفي..
دخلنه كعدنه صرت بين تميم واسامه...
حجت ام أيسر
هاي الحليوه ام عيون رصاصيه بتمن؟
اردفت واني اعدل بالربطه :بنت الاجود اني...
ضيك عيونه الرجال وكال :ابو ازهر مو ما مخلف؟
اردفت بغرور :نعم صحيح كلامك عمو لكن كلنه ابناءه...
ضحك الرجال بصوت عالي وكال :الله يحفظكم اله...انتي أساطير موو َ؟
أساطير :نعم اني أساطير....
ابتسم واردف صدك بنت الاجود نفس اللسان.!
ضحكو وبقو يسولفون كام اسامه وكال :يا الله ديلا كومو!
ابو ملهم :لا ابني وين العشا جاهز!
اسامه :لاعمي هنانه..
ام أيسر :اخذو راحتكم يمه البيت بيتكم..
اتشكر منها ومدلي ايده كمت ويا...
اخذنه نمشي والبقيه ورانا اساور خوافه لاطشه بتميم..
واني ويا نمشي ويحجي....
(الكلام منقول عن لسان اسامه)
اسامه....
نمشي كايدني ويشرحلي وصلنه لاسطبل الخيل فتح الباب ودخلنه عادتي اول ما ادخل لفد مكان اسلم
راح عله الخيل جانن اثنين وحده بنيه براسها علامه تشبه الشعله والثانيه سوده......
جر الي جانت بيها علامه وخله السرج عليها وسحبها خله ايده علا راسها مثل الي يلاعبها عادي محجت
كال وهو يتلمس مكان الشعله
اسطوره تشوفين هاي المهره؟
أساطير :ايي؟
اسامه هاي مهره اصيله.. تعرفين هاي المهره شعاشت ويانه جان هذاك بيتي
واشر عله بيت حلو ..
وهذا هو نفسه بيت الايسر جنه أصدقاء الروح بالروح نبجي ونضحك سوه جان عند عم أيسر مهره بس ما بيها علامه وجنه صغار كاعدين ننتظر ولادتها نترقبها وكانت حالتها الصحيه مو تمام ضلينه اليل كله كاعدين يمها وعم أيسر يروح ويرجع لحدما ولدت وو....تنهد تجمعت الدموع بعينه...
أساطير :استغربت حالته وكلت
شبيك اسامتي؟
اسامه :هز راسه وحجه بصوت مخنوك
ماتت امها بولادتها.. وكعدنه اني وايسر حضناها وكعدنه نبجي
أساطير :ضحكت بصوت عالي عله سوالفهم
اسامه :ضحك لضحكتي، للجججج عرمه صوتج!
اي والله أساطير ونمنه يمها حاضنينها ونبجي وسماها الايسر شعاع...
وصرنه كلما الدنيا تعوكس ويانه نجي نشكيلها كبرنه واحنه نلعب وياها... عبالك ويه بشر ولج اسطوره جهال السلف جانت تكول علينه مسودنين
أساطير :اباوعله كوه لازمه نفسي ما اضحك...
اسامه :مرات نشرد من البيت واثنينه بلا اب هو أبو مات وامه تزوجت عمه واني ابويه انفصل وضلينه نشرد إذا اني شردت يجي ينام يمي ننام بصف شعاع واذا هو شرد هم اجي ننام بصف شعاع وهكذا ضلينه.. نشتكي ونلعب نبجي ونلطم وايسر عود يصير براسي ملا ويقرالي واحنه يمها ونرجع ناكل ننام نحل واجباتنا كلشي يمها....
تنهد بحسره يمسح على راسها...
واردف تصعدين؟
أساطير :وكفت متخوصره :والله اخاف!
ضحك بصوت عالي وصعد وجرني بالبدايه رادت تشمرني مسح عله راسها
-شعاع هاي مهجه روحي عله كيفج
هدأت عبالك تفتهم....
صعدت ويا وطلعنه نتمشه وهو يحجي
أتعلمين يا صاحبه العيون السرمديه؟
-ماذا اعلم؟
-عيناك سرقتا قلبي...
أساطير :شكرا ولكن احب اتغزل بلهجتنه
عيونك الحلوه تربعت بفادي!
ضحك يهتز هلكد ما ضحك
اسامه :يابويه ع هل غزل هذا!
اسطوره اتمنه لو اسطبل يجمعني بابو جرح!
أساطير :ليش متزاعلين؟
اسامه :لا مو متزاعلين لكن الدنيا همومها هواي
شويه ومدري شسوالها وصارت تركض بينه وهو يصيح عشتي عشتي ويضحك واني اصيح ولك اسامه راح نوكع!
اسامه :حضنيني حيللل
حضنته حيل وهي صارت تركض أكثر...
والصدمنا شخص يصيح من ورانه
اسامههههه........
يتبع....
بنات اسفه لكن والله ما لحكت اكتب بارت أطول ان شاء الله ع باجر