الحزين عندما لا يَرغب في الحديث يقول : إنها قصة طويلة
(طويلة السالفة من أبچَي أختِصرها)
............................
فـرح: بس للحظة اني لفتحت حلكي وصرت مثلهن مصدومة من شفت حيدر واكف من بعيد وشايل فهد يمكن جايبة لي وشافني هيج حسيتة شوية وينفجرر وزين وماطب سحلني كدامهن اشرلي اجي وصعد فوك من لخوفة حرت اصعد لو ابقة
بس على وجهه لشفتة كلت هاي هية راح اموت صعدتت واني اطكطك من لخوف فتحت لباب وهو شايل فهد وواكف بس شنو نارر نارر
ضليت واكفة يم لباب وخايفة
فرح:بس شوف
خلا فهد بمكانة وسحبني طلعني بصاله
ردت احجي بس اجاني راجدي طير خدري
لزمني من شعري ورفع راسي
واشكال لغلط ولفشاير وحتى على نفسة يغلط
حيدر: البسسس شيلللةة واكعددد احسسنن مرررتييي جنهاااااا كحب**** بنصصص لنسوووانننن اشددلللي كرررن واكعددد
لزم لفستان من فتحة لصدر وشكة علطولة
حيدر:بررربوو****مكيييفةةة لابسةةةة ماللل كوو*** وتهززز بلننصصص جااايبليي كح*****
ندك لباب صاح بصوت
حيدر:منوووو
ياسر:اني خوية يردوك جوة بسرعة تعال
حيدر:انزززل وجااي وراك
راح طلع لفستان لجابه شمره علية وطلع ويا شال وهم شمرة
حيدر:لبسيي يلااا بسرررعة
فرح:مارريدد وحتتى مارريدد انزززل بعددد
حيدر:والله تسووين فضللل ابقيي هناا ونجبيي
طلع وركع لباب رحت للغرفة وكعدتت على جرباية اني وفستاتي لمشكوك
حقيرر مايخللينيي افرررح ليكوول بس انيي هيجج لابسة ماايحجي على اخوواتة لوو على لصخلة شيررين اجةة علية والله الا لبس وانزل
هيج اخليهن يتشمتن بية
كمت لبست لفستان لجابه لي هو يخبل وهم مال مناسبات لونة ازرك ولصدر كله فضي لبستة وشمرت لشال واخذت فهد ونزلت عبالهن غيرت ملابسي ولبست لبسة ثانية يكللي ليوم لخطوبة كلها لفرح مايدرن شصار
رحنة اني وشهد نومنة فهد ولولو وسدينة لباب عليهم وطلعنة اني ضليت كاعدة مابية حيل اترزل بعد ولبنات هم من قرب لعقد بدلن ملابسهن ولبسن حجابات وكعدن ومروة طالعة تخبل وفرحانة وبنفس لوقت لخجل مبين عليها
بدت فقرت لهوسات وبدن يدبجن بلنص
طبن اخوات لعريس يهوس
(واحنا اخوات لعريس وليوم نلعب جولة)
وعمتي هوست
( وهاي فرحتنه لجبيره فرحت كل لعشيره وهاي فرحتنه التمام فرحت كل لاعمام)
(ودلل يمة دلل ولماي هوااية )
(واحنا لردناها وهية صغيرونة)
وبعدها عقدو واجة يلبسها لذهب وصبرية ستلمت لكولات
(عمامه هواي ولشارع يسدونه)
(عفيه على ابوهه مانطاها للغرب)
(بت العم لابن لعم وبسمار بلوحه)
وهنة لكاع حسيتها راح توكع بينة من كثر لدبج
اخر شي صبرية كالت
(وسعو لميدان لعماتة)
وهنا حتى الولد طبو يهوسون وياها
صبرية: فرح گلبي ليوم دكن طبولة
ولولد يهوسون وياها ومهند وين يتحمل هيج كام وياها هم
والحجية اجت وياهم بلنص هية ونعيمة ويهوسن
الحجية:اعذرني يجدة موش حيلي الاولي
ولولد يعيدون وراها ويهوسون
شي يخبل
الحجية:وهااي لرادهاا وهااي لتمناهاا وبت الشيخ لبن لشيخ جبناها
نعيمة: وزوجنا الجان مسربت مايلفي اله بنص اليل
ضحكو ويهوسون
وبعدها طبو ياسر وواحد من ولد عمامة من لباب متكابلين ويكولون
(الليلة عرس اخونة ونلعب لعب خلونة)
وشغلو لديجي عل اغنية حسام الف مبروك يلغالي ولعبو لعب
ونوبة صبرية كالت كولة شطولها استلمت لميدان وهمة وياها
وطلعو بعد كلهم ولنسوان استلمنها شوية وصار لعشة وصبو للناس بصواني شكبرهن تمن وفوكا طن لحم
اني بعد رحت بغرفة عمتي علمود فهد مادري بعد شصار لان فهد شبع نوم وضل كاعد واني تعبت
انفتح لباب ودخل بيدة علاكة حجة وياي من ورة خشمة
حيدر:هااج اكلي
خلاها على جرباية وسد لباب وطلع
فتحتها بيها لفات كباب وعصير
جنت كلش جوعانة كعدتت اكل
وبعدها لتهن ينضفن لبيت وبدات حفلة لزلم برا واحنا ننضف بلبيت بعد ولاواحد اجة ل 11ونص يلا طبو هلكانين هلك اول مطبو استلمتهم نعيمة تهوس لمهند من لباب وتركص وطك اصبع
كلهاا فرحانة له لان كلها تحبة هو فرفوش لعاىله
وبعدها كعدو يتناقشون على سوالف لخطبة اجة مهند للمطبخ احنا جنة لابسين دشداشات بس وجوهنة بعدها مكيجة
مهند: شوف لبخ عمي ليوم اكلتن وتونستن ومكيجتن براسي جنت اطب للمطبخ الكا جبار وجعفر وجاسم وسعدون ليوم يلا حسيت صدك عدنة بنات
علياء:يي ليوم شكد اكلنة وشربنة وركصنة براسك ههههههه والله ونسة فول
باوع علية وكال
مهند:بفلوس رجلج
فرح: جا لاتحجي علينة لك
مهند:هلااا كامت تحجي ب لجا صدك من عاشر لقوم
فرح:هسة انت متروح لخطيبتك شعدك مكابلنة
مهند:هم صدك اني شعدي يمجن بشنو تفيدني
سناء:ولك مهند بعدك كلشي ماشايف وبعتنة
مهند: اووو من اشوف حتى اساميجن انساها
حنين: اخو جيس حب
مهند: خل اروح لخطيبتي سر سعادتي يلا كدباي
فرح:هههههه والله يامهند
شهد:اكلج فرح هسة عوفي كلشي وكليلي شني هذا ركصج
فرح:شبي
شهد: وعلي عبالك هذن ليطلع يركصن منين متعلمة
علياء:يي والله ركصها مال كاوليات ههههه
حنين: نوب هية حامل لثولة واحنا هم نسينة
سناء: بعد اخذتنة لحماوة ههههههه
فرح: وبعد صعدنة نرتاح وهمة هم تعبانين كلمن راح لغرفتة
حيدر جان فاتح شباك لغرفة وواكف يمة يدخن وصافن علية واني واكفة كبال لمراية امشط بشعري جنت سابحة
حيدر: فرح لهسة مصدوم
فرح:بشنووو
حيدر:بركص الكح***** مالتج
عفتة ماحجيت ويا وكملت واجيت تمددتت على جرباية هو كمل لجكارة لبيدة وسد لشباك واجة تمدد وصافن بلسكف
شوية وكال
حيدر:بت لكلب شلون تهز كدامهن
فرح: هية شنية حيدرر
حيدر: ووجع صوتج
فرح:موتتني
غمضت عيوني وبديت اغفي فتحت عيوني على صوتة
حيدر:فرح
فرح:همم
حيدر:اكعدي
فرح:شترريد
حيدر: اركصيلي
فرح:حيدر تنام احسللك تررة كلشش مابية حيل
حيدر:جا بيج حيل بس لهذني لابستلج فستان مال برابي**وتركصيلهن وهنة فاتحات عيونهن عليج
فرح:حيدرر شبيكك تعباانة خليني اناام
حيدر:انطمري منو لازمج
فرح:ثاني يوم بيت عمهم راشد عزمونة رادو يصلحوون غلطهم اني ماقبلت اروح بس رحت مو برضاتي ضليت كاعدة يم حيدر وماتحركت واعتذرو منهم وشيرين اجت واعتذرت ومن هاي لسوالف اني كاعدة على اعصابي صبو غدة واكلو اني نقشت ورة لغدة جابو عصير شربت منة شوية بس شنو احس مختنكة ردت بس ارجع لحد مارجعنة طلعت روحي كلش ماحبهم لا ورجعو شيرين وياهم
وبعدها الايام مشت عادية وفهودي كل مايكبر يصير يخبل صار عمرة اشهر. ومدنفش وحملي صار 4اشهر
جنت احضر ملابس لحيدر عرس صديقة وهو بلحمام يسبح طبعا هو كلش زين ويااي ويتخبل علية وعلاقتنة تخبل مداريني بشكل ويتخبل اذا صارلي شي من اتمرض يبقة سهران وياي فهد معاوني بي وحتى مرات اني نايمة هو يبقة ويا
طلع من لحمام اني جنت مطلعة قاطين كلت يختار واحد
فرح:حيدر ياقاط تلبسة
حيدر:الاسود حبيبتي
فرح: زين ليش مو الازرك احلا
حيدر:لا فروح الاسود
فرح:بكيفك
بعدين تذكرت وسئلتة
فرح:حيدر لبارحة من انطيتني تليفونك شفت شي
رد علية وهو واكف يخلي عطور
حيدر: شفتي
فرح: بنية مراسلتك
حيدر:وداعتج وحدة بطرانة واجاها خوش حظر
فرح: اممم خوش
حيدر: وهيج اني ماعندي شغلة وعمله اكعد احجيلي ويا وحدة ساقطة
فرح: زين اريد تليفون لعد
حيدر:تدللين
فرح:صدكك
حيدر:اصلا قبل لاتكولين جان ببالي اجيبلج
فرح:بدل وكشخ على اخر حباية وراح
اخذت فهد ونزلت جوة
لليل اني كاعدة بلمطبخ ولجماعة نامو وفهد مخليتة يم عمتي نايم دخل حيدر وحاضن رحمة
استغربت من شفتها بس كمت سلمت عليها وحجيت وياها وصعدناها ويانة هو راح يسبح اني جبتلها مي وعصير وكيك كعدنة ناكل اني وياها
رحمة: ااا فرح اني اريد فهد
فرح:نايم والله يم عمتي هسة يطلع حيدر وينزل يجيبة.
رحمة: فرح اني هووايي حبيتج والله
فرح:يعمرري ولنبي اني همم هوااي احبجج حبيبتي
رحمة: حيدر اجة يشوفني كتلة
رحمة:حيدر تاخذني وياك لفرح وفهد
باوع متفاجى وكلي بحماس
حيدر:طبعاا اخذج يلا كومي جهزي نفسج
فرح:كمت بستها وكتلها
فرح:يكلبي والله فرحت هواايي من اجيتي
طلع حيدر واجة باس رحمة
سئلني
حيدر:فهد وين
فرح:يم عمتي نايم انزل جيبة
راح يجيبة سئلت رحمة
فرح:رحمة كلبي جوعانة اسويلج اكل
رحمة:لافروح ماريد حبيبتي
اجة حيدر جايب فهد نايم خلا رحمة تبوسة وخلا بمكانة
حيدر: رحمة بابا وين تنامين يمي لو بغرفتج
رحمة:لاحبيبي بلغرفة لبصفكم
حيدر:ليش مو يمي
رحمة:لا حبيبي اني اذا ردت شي اجيكم
فرح: لعد خل احضرها واجي
عفتهم يسولفون ورحت رتبتها لها هية نضيفة اني كل ماانضف غرفتي ادخل انضفها خلتلها معطر وطلعت لكيت حيدر كاعد على قنفة ورحمة نايمة على رجلة وهو يلعب بشعرها ويسولفون
حيدر:ابقي يمي بعد
رحمة:اني اريد ابقة بس
وسكتت
حيدر:بس شنو احجي بابا
رحمة:اخاف حيدر خاف يجونكم هواي هنا هناك يم علياء يجن بس صديقاتها وكرايب زوجها بس بنات يجون هنا اني اخاف
حيدر:رحمة بابا انتي يمي تخافين وانتي يمي؟
ومن يجي واحد فرحة يمج اصعدي بغرفتج بس كتلج اني وياج
رحمة: محد يصعد هنا
حيدر:لاشنو هيتة طبعا محد يصعد
فرح:رحمة اني اتمنى تبقين يمي
رحمة:يلا هاي هية ابقة هنا بس علياء خطية
حيدر: علياء تفرح بهذا لشي اعرف وحدة تعلقت بلثانية بس اني اريدج ترجعين تكملين حياتج ووين ماتوقفتي بيها
خلت ايدها على وجها بمعنى متريد تحجي بعد
وخر ايدها وباس راسها وخدها اني كعدتت على كرسي لكبالهم واباوع عليهم رحمة بدات تغفي ونامت وحيدر صافن بعدين اخذها لغرفتها ورجع
حيدر:متكومين تنامين ليوم
فرح: كمت رحت تمددتت على جرباية وهو هم سحبني لحضنة خليت ايدي عل صدرة
فرح:بشنو تفكر
حيدر:اريد رحمة تتحسن اكثر
فرح:الحمدالله هسة زينة مقارنتا بلجانت عليه لمفروض تفرح لان وصلت لهلشي بعد لصار
حيدر: الحمدالله
خليها تحب هذا لمكان وتبقة هنا لاتعوفيها وابقي وياها سولفي وياها
فرح:طبعا حيدر بدون متكول
غمضت عيوني ونمت بس اول مرا بعمري اتحلم هيج حلم يخوووفف فزيت وصرخت وحيدر فز وياي
حيدر:اسم الله شبيج
فرح:بجيت بصووت وخايفة وعركانة وامسح بوجهي وركبتي احس اختنكت وحيل مابية
سحبني لحضنة ويسمي عليه
حيدر:لاتخافين بابا حلم شبيج
فرح: ح حيدر و و الله مو حلمم
ان اني شفتها ورة ل لب باب ماتقبل تعوفني
حيدر: اسم الله بابا تعاي ماكو شي فتحي عيونج شوفي هو حلم و وله يلا فرحة شبيج ابوية
فرح:بقيت مجلبة بي وفهد بجة
كام شالة وحاول يسكتة ماسكت
حيدر:يلا فروح كومي غسلي ورضعي يلا بابا
فرح:ضليت اردد بكلبي ادعية واصلي على محمد وكمت غسلت واجيت اخذتة رضعتة ونومتة اخذة حيدر مني خلا بمكانة وسحبني مسح وجهي وعدل شعري ونومني بحضنة بس لي صدمني اول مرا اسمع حيدر يقرا قران
يمسح على راسي ويقرالي بصوت ناصيي وهادى
لحد ماوصل ل (سَلامٌ قَوْلا مِن رَّبٍّ رَّحِيمٍ)
ضل يرددها اكثر من مره اني نمت ودموعي على خدي فتحت عيوني لصبح على فهد وحيدر كاعد يلاعب بي
حيدر:وهاي كعدتت ماما لمخبلة
فرح: خليت راسي بلمخدة وكتلة
اني مو مخبله
حيدر: يلا فروح كعدي رضعي خطية
فرح: اخذت ملابس ورحت سبحت على سريع طلعت كبل عل فهد عود ردت ابدله شو لكيت ملابسة متغيرة
فرح:منو مبدلة
حيدر: مو بعينج
فرح:صدكك حيدرر انت بدللتلة
حيدر:جا شبية
فرح:ههه لابس تفاجئت
رضعتة وسودة عليه جوعان
فرح: رحمة وين
حيدر:قبل شوية عفتها تسبح
فرح: نتريك هنا
حيدر: ياريت رحمة تقبل تنزل احجي وياها
فرح:خل اكمل فهد واروحـ
بعدني اريد احجي وفهد عضني عضة عطتت بوجع
حيدر:شكو شبيج
فرح:هذا عضنيي فووك مدارضعة
حيدر:منيلة سنون هو
فرح: مو سنون بس ضغط حيل
حيدر: ههه وانتي مانة علية
فرح: اذاني
حيدر:يلا تكبرون وتنسوها
فرح: كملت فهد وانطيتة لحيدر ورحت غسلت
وطلعت لرحمة دكيت لباب فتحتة لي بيدها لمشط وشعرها نازل لرجلها
فرح:صباح الخير حبيبتي
رحمة:صباح لنور فروح تعاي
فرح:نعيما حبيبتي
تنزلين ويانة نتريك
رحمة:ها
فرح:اني وياج وحيدر وخالة ولحجية وحنون جوة سلمي عليهم ونتريك سوة هايروحي شتكولين ؟ لوتحبين نبقة هنا
رحمة:اكو واحد جوة يعني مو اهلي
فرح:لامحد يجي هسة
رحمة:يلا انزل وياكم بس اكمل
فرح:اساعدج
رحمة:ياريت خبلني
فرح: كعدتت مشطلها خلت حجاب على راسها واخذت نفس
رحمة:يلا
فرح:طلعنة رحنة لحيدر ونزلنة
تفاجئو بوجود رحمة واجت عمتي تركض عليها
حضنتها تبووس بيها كلهم فرحو لهلشي رغم عدها ردة فعل من اخوانها على عكس حيدر انتبهت تخاف تتقرب منهم كعدنة نتريك وهية حاضنتها عمتي وتوكل بيها واخوانها فرحانين بيهاا وكل شوية يردونها تاكل من ايد واحد كامت وراحت لحيدر كعدتت يمة وخلت راسها بصدرة وهو حضنها
بعد بقت يمنة رحمة بس تتخبل اذا شوف واحد يجي مهند يموت عليها بحيث يجي محمل بلاشياء ويشاقة وياها ويضحك وياسر كل مايجي جايبلها شي ويكلها
ياسر:جبتلج حاجة مثل ماجنت اجيبلج
ويطلعها من ورة ضهرة
يعاملوها كانما طفلة وهية كلش تعلقت بيهم بس تبقة عدها اهم شي تشوف حيدر يمها
حيدر رجع بسالفة حنين ف جنة كاعدين كلنة اجة كلها
حيدر:حنين جهزي نفسج باجر نروح للمحكمة
هزت راسها وكامت وهو راح وراها
ثاني يوم راحو بس حيدر رجع متخبل
زوجها طالبها وماقبل يطلكها وحيدر لازمة موتة اجت حنين تبجي ورجعت عزلت نفسها
ورة يومين جنة كلنة كاعدين ويمنة عمامهم
فرح: اجـة مهنـد باوع على حيدر وكال
مهند:حيدر رافد بل مستشفى مسوي حادث وحالتة موزينة
فرح: حنين بس سمعت هيج شهكت بصوت وكامت
حنين: مـ مهنـد شبـي احجي لصدك
مهند: لاتخافين ماكو شي
كامو حتى يرحون حيدر باوع على فارس لصافن بـ حنين ووجهه نكلب احمر
حيدر:تروح؟؟
فارس: لاااا
هز راسة حيدر وراد يروح راحتلة حنين وجلبت بايدة
حنين: اخذني ويااك
مسح على راسها بيدة وعافها وطلع
فارس مشة سريع وراد يطلع بحيث ضرب الدولكة برجلة وكمل طريقة مامنتبه
حنين راحت بغرفة عمتي رحت وراها
فرح:حنين شكوو شبيج راح تموتين؟؟؟؟
حنين:فرح لو مهما صار يبقة ابو بنتي
فرح:لاتخافين مايصير بي شي
حنين: فرح حيدر حتى ماستغرب من كال مهند يارب مايطلع لجاي افكر بي صح
فرح:بشنو تفكرين يعني؟
حنين:معقولة يطلع حيدر ورا هاي لسالفة
فرح:حنين شبيجج؟؟؟؟
حنين:اوفف فررح ماادرري
فرح:صار دنيا عصر وهمة ماكو طلعت برا لكيت فارس واكف يدخن ردت ارجع بس وقفني صوتة
فارس: لحظة خوية
فرح: وكفت بس مستغربة هو ابد مايحجي وياي
فارس: حنين وين
فرح: بغرفة عمتي ليش
اخذلة صفنة على حايط وكانما ديفكر بشي
فارس: اريد احجي وياها خوية ياريت تشوفيلي حل
فرح: اني اعرف هو شكد يحبهاا ماريد حنين تخسر حبة صرت اتمنى ينجمعون سوة كتلة
فرح: انتضر بلحديقة وهسة اصيحها لك
فارس:رحم الله والديج
رحت لحنين اخذتها وياي بلحديقة لكيتة واكف
فارس:حنين اريد احجي وياج
راحت حنين اني ضليت واكفة ببداية لحديقة
هو جان يحجي وياها وجهه مكلوب احمر وحنين تبجي وتحجي اخر شي ضل يضرب ايدة بلشجرة مرتين ضربها وبلثالثة لزمتها حنين انفتح لباب ودخلو حيدر ولولد خفت ورحت بسرعة كتلهم
حنين راحت على حيدر بسرعة
حنين:ها حيدر شلونة رافد
حيدر:حالتة مامستقرة وملعوب بحالة لعب ومضروب براسة لهسة حالتة خطرة وفاقد لوعي
فرح: بليل صعدنة اني وحيدر سئلتة على رافد كلي
حيدر:فرح حالتة فدمرة مأيسين منة يعيش
فرح:عزا حيدر وحنين شلون
حيدر: الله كريم
فرح:نام حيدر لان جان تعبان واني هم نمت
لصبح لباب ندك حيل كام حيدر فتحة طلع ياسر
باوع على حيدر وكال
ياسر:رافد توفة
.
.
.
.
يتبععععععع