نحنُ بخير دائماً
كيف؟ لماذا؟
لأن اللّٰه يدبرُ الأمر 🦋
...........................................
تفاعلكم ع فقرات كليباتي 💋💙
فرح"
شهكتت بصووت عالي ومامستوعبة لشفتة
لكيت مهند ومروة بوضعية مادري شلونها حاصرها على حايط ويبوس بيها وهية مجلبة بي وكلشش لازك عليهاا فزو من شهكت وباوعو علية مصدومين ماعرف شلون سويت هيج بس،رحت على مروة لنزلن دموعها بخوف ضربتها راجدي ولو بدي اطيح حظهم على شفتة
درت على مهند ودفعتة من صدرة رجع ليورة
فرح:ادبسززيةةة طااايحينن لحظظظ شجنتوو تسووون
مهند خلا ايدة على حلكي ويتوسل بية اسكت دفعتة مني واني مقرفة منهم اثنينهم
فرح:بسرررعة طلعووو بلحدديقة يلااا
طلعت وهمة وراي ومروة بس تبجي
مهند:فرح اسمعيني اني احبها وهية تحبني وقررت اخطبها والله وناوي افتح لسالفة وياابوفهد بس ماعرف شلون صار هيج والله مااعرف سااعة شيطان فررح ومروة معليها لاتحجين الله يخليج اني باجر احجي ويا حيدر واخطبها
فرح:حقيررر تحبهاا هيج تسوون ماخفت يشوفكمم واحدد وانتيي شلوون تقبللين علل نفسجج
مهند:فرح الله يخليج كافي والله باجر احجي بيها
فرح:ابد ماتوقعتهاا منكمم وانتت باجرر اذا مااحجيتت والله وداعة ابني اكول لحيدر وهو يتصرف وياكم
مهند:كتلج احجي بيها والله
فرح: امشيي يلااا ناامي يمم سنااء وديرربالجج طلعيين فهمتييي وانتت هممم
باووعتلهم بقررف وسحبت مروة ورحت طبت بلغرفة واني صعدتت
نزلت دموعي وللحظة تخيلت مهند مثل حيدرر من سوة بية من شفتهم بس طلعت هية قابلة ومكيفة
لكيت حيدر كاعد
حيدر:وين جنتي فهد كعد يبجي
فرح: ماصار هواي من نزلت
حيدر:شعدج نازلة
فرح:حيدر ترة مو تحقيق هو
حيدر: هسة غير افتهم شبيج
فرح:مابية شي كعدتت مخنوكة ونزلت
حيدر:تعاي رجعي نامي
فرح: رجعت نمت وهو راح للحمام ورجع نام اني هم نمت لصبح نايمة وكعدتت على لمسات ايد ناعمة كلشش ابتسمت على نعومتها
وفتحت عيوني صار فهد كبالي شايلة حيدر ويمشي ايدة على خدي اخذتة وابوس بي
فرح:فدووة ارووح لهلوجهه شنو هلصبااح لحلووو
حيدر: واني ابيع خضرة
فرح: ولكك امووت عليههه
حيدر:ولك بعينج جا ماتحبيني مثله
فرح: ترة هذا ابني
حيدر:شنو هاي لمعلومة لهسة يلا عرفتها تره اني زوجج
فرح:بس فهد غيرر
حيدر:ترة لو مااني ماكو فهد بعدين شلون يعني غير
فرح: حيدر فهد عندي لدنيا مستعدة انطي كل عمري لو احتاجة
حسيتة ضاج من كلامي وكال وهو عاقد حاجبة
حيدر:يي خوش بلعافية
شمر علية لمخدة وكام
ضحكت وقبل لا يدخل للحمام.كتلة
فرح: تررة انت ازيد من فهد
دار وجهه وباوع علية سكت شوية بعدين حجة
حيدر:ترةة كلتي انططي كل عمري يعنيي مابقالي شيي
فرح:ضحكت وكتلة
فرح:وانت انطيك روحي ولايهمك
اجة بسرعة علية واني جنت بعدني متمددة ومنومة فهد على ايدي سحب فهد خلا بمكانة
ولزم وجهي شبعة بوس واني اضحك واريد اوخرة
فرح:جذذذب جذذب بس وخررر كلشيي مااالك
حيدر: تحترك العشيرة ان شاءالله اذا وخرت بعد
فرح: كمت ودفعتة على جرباية اني اعرف شلون اوخرة
وعضيتة حيلل من ركبتةة وهو اكثرر شي يضووج منة ضل يدفع بية واني ماوخررت الا تاكدتت راح يبقة اثرها دفعني منة بلكوة ويضل يغلط وراح للمراية يشوف ويمسح بلمكان
حيدر:خرررب يووومجج فرررح هيييةة هيجج ابووو جاااسم لبدااخللج ماايكعدد كبلل طلعتيي
هسةةة هذاا يرووح لو شنوو
فرح: نمت ورفعت لغطة ع جسمي وتغطيت جاوبتة واني مغمضة عيوني
فرح:مادري يمكن تروح ويمكن تزيد اكثر
فتحت عيوني بقوة وصرخت على عضة قوووية بخدي
جنت مغمضة عيوني وماعبالي يرجعلي
ضليت اضرب على ضهرة حتى يعوفني
وخر مني واني لزمت خدي وبجيت حسيت خدي بعد ماحس بي
عافني وكام للحمام
فرح:حقيرر ليشش هيجج وهو همم صووجيي اني ثووولة كلت شوية انطب مجال خطية
كمت وعدلت الغرفة بس شنو خدي حيل اذاني طلعت ملابس لي وله ولفهد، خليتهم على جرباية وحبيت انسق بل الوان وهم ردت احرك كلوب لان كلها موجودة بس احنا ماخذتنة لنومة وماكاعدين من وكت
طلعتي ثوب سمائي بي لون ذهبي خليجي وطلعتلة دشداشة نفس لون ثوبي وفهد عندة دشدادشة نفس لون حيدر بس تمووت ضحك شكدودتها علياء جابتها له تجنن مثل الوانة هو طلع سابح ولاف لمنشفة علية اخذت فهد كلت اسبحة وكتلة
فرح:عليك الله لاتنزل انتضرنة
باوع على جرباية وكال
حيدر:هاي شنو تنسيقات وحبشكلات
فرح: حلفتك موتنزل
حيدر: ولج دروحي مانزل وديربالج على فهد اذا تسبحي
فرح:شبيك اخاف تعال وياي نسبحة سوة
دمشي هو اني خايف منج
دخلنة للحمام نسبح فهد
هو لزم لي واني اسبح بي بلدوش ليدوي ردت اخبث شوية رفعت لدوش وخليتة على راسة
حيدر:خرررربب بيجج فررح شبيييجج لطفلل بيدددي
فرح:يااا عزاا نسيتتت نسيتتت
لف فهد بل برنص مالتة لهلكدة وطلعة
ردت اطلع ويا دفعني جوة لحمام وقفل لباب من برة
ضليت اكمز حتى يفتحة شوية واجة دخل وقفل لباب
حيدر:تعاااي بلا شووو مستقوية وصايرة سبااعية
فرح:صرت ارجع ليورة منة واتوسل بي
فرح:لاحيدر شبيك مااسوي شي بعدد والله بس خل اطلع فهدد لايبجيي وساابح لايتمررض حبااب شبيك بس خل اطلعع
حيدر: لاتخافين على فهد قابل مخبل اني عفتة هيج اريد اعلمج شلون تندكين بية بعد
فرح:اهووو شبييكك ترررة ملابسيي مبللة وبرددتت
حيدر:هو اني راح اسبحج مثل ماهسة سبحنة فهد
فرح: استغفرالله حيدرر ترة ضجتتت
حيدر:هسة انتي وين خاتلة طلعي تعاي
فرح:انتبهت على نفسي خاتلة ورة الغسالة
فكرت هذا مااخلص منة الا يسوي لبالة طلعت ورحت يمة واعرف هو شلون يصير ضعيف بقربي منة رحت حضنتة وباوع بعيونة
فرح: شبيك حيـدر خل اطلع حباب
حضني من خصري واني ارجع يم لباب وهو يرجع وياي لحد ماصرت قريبة على باب ابتسمت وبستة ومديت ايدي فتحت لباب دفعتة وطلعت ميتة ضحك طلع وراي معصب ويتوعدلي واني ابدل لفهد واضحك علي وهو محترك كلبة وكل شوية حاجي كلمة انطيتة فهد وشكلهم يخبل سوة خفت عليهم والله
رحت سبحت اني علسريع وطلعت ورتبت وجهي ونشفت شعري وهو خبصني يريد ينزل لبست ورتبت شالي وعينة علية طلع شكلنة شكدد حلوو والله خفت علينة ههه ردنة نطلع كتلة اوكف قريت بقلبي( حصنتكم برب الفلق ان لايقترب منكم سوء ولايضركم مع اسمة شي) اتذكرت امي دائما تقراها لنة
طلعنة وهو بيدة فهد وايدة لثانية حاضني بيها نزلنة وجانو كلها كاعدة بلصاله زلم ونسوان وشباب مدري شكو الانظار كلها تحولت علينة كوة صرت انزل ولحجية تعالة صوتها بذكر (اللهم صل على محمد)وتررد اكثر من مره سلمنة وكعدنة وفارس كال
فارس:لاعمي هاي هية اني قررت اتزوج شني هاي ياابة خفت عليكم تنحسدون
علياء ولبنات يغمزلي ويضحكن واني مبتسمة الا لحياية عيونهن سم علية نوب شكد ماعدهم كرامة ولاعبالك طردهم لا ولضحكني حتى شيرين جاية وياهم ونضراتها سمم صاررت زركةة من لحقد ولغيرة لحجية اخذت فهد وتهوسلة
الحجية: فهيد شيخ ومنتجي رجال بس عوزة حجي يبعد حيليي العشيرة واهلها يغدولك فدوة
وصار فهد من ايد لايد لحد ماستقر عد عمتي امنت وكمت اسوي ريوك لحيدر سويتلة وصحتة بلمطبخ واخذت فهد وياي اجة وكعدنة ناكل
حيدر:اكلج انتي ليوم منين طلعتيلنة بهاي سالفة لملابس
فرح:عجبني
حيدر:الله ليستر
فرح:حيدر شيرين جاية
حيدر:معليج بيها
اصلا مو بس بيها بهاي لتجمعات كلها معليج بأي وحدة منهن
فرح:ادري وماميتة عليهن
حيدر: وفهد لاتعوفي كل شوية وحدة ماخذة منة مراد والله تكتلني هاي لسالفة
فرح: لعد شكول حيدر قابل اخذة منهم
حيدر: لمهم ديربالج علية ومحمد فرح اذا صار عليه شي تعرفين ماحاجة احجي
فرح:هسة شنو هذا لحجي
حيدر: جاي انبهج لااكثر
ويلا رجعي اكلي
فرح:زين عندي فكرة
حيدر: اطربينة خل نشوف افكار عقلج لتعبان
فرح:طلعنة وخل نخلص من هاي لهوسة والله مارتاح هنا كلها حاقدة
حيدر: هو اني عندي شغل ب بيت عباس ترحين وياي لنور
فرح: لو تكلي لجهنم هسة هم اروح وياك بس خلصني
حيدر: شكد جذابة
لمهم فد نص ساعة هيج ونروح
فرح:ماشي
خلصنة اكل وهو راح يم عمامة لان راحو بلاستقبال اني رحت كعدتت يم لبنات
علياء: فرح ليوم شلاعبة المعوذات ما طاحت من لساني عليكم والله خفت عليكم ماشفتي لعيون
سناء:بس خوش سويتي عفية عليج
حنين:اني حبيت نزلتهم وكبل طلعت لتليفون وصورت هههههههههههه
علياء:عليج لعباس بلا شوفينة
فرح:شوفتة لنا وخوش مصورة عجبني عبالك عرسان ههههههه
حنين: اوكفن اوكفن خل ادزة لحيدر
فرح:دزتة وكلنة مخلين وجوهتنة بل تليفون شوية ونفتحت لرسالة دقايق وجاوب بس شنو متنة ضحك من شفنة لرد
حيدر:خرب يومجن لنسوان ماتفوتن شي بدين محمد عليج شلون لحكتي تصوررين شني بوية محضرة كامراتج
حجت مرت عمهم باوعنة عليها
مرت راشد: بلعافية عليجن خوش لعبت بعقولجن
علياء:شنو هلحجي عمةة صغارر لو جهال احنا وتلعب بعقولنة بعدين مرت اخونة تررة
مرت راشد:وشيرين شنوو جا موو هم مرت اخوجن
حنين:وشجاب لثوم على حلقوم ههههههه
مرت راشد: انتي حيري بنفسج ووبتج وباوعي على روحج وحياتج لو فرحانتلي راح تتطلكين
فرح: وانتي شنو هذا لسم لعندج استحي على روحج بعد شكبرج تصيرين بكد بيبتي وماتكعدين
مرت راشد: انتي اسكتي لااكووم اطلع ضيم كلبي بيج
فرح:هههههههه خاب درووحي تكومليي هيةة بيج خير استحي على كبرج
شيرين:احترميي نفسجج ولاتحجيين على اميي لاكووم اشكجج شكك واطلع لطفل من حلكج
فرح: مو تبقين عايشة لو سويتي هيج هههه محروكات حررك روحن شربن مي بارد بلكي تتطفة غيرتجن
علياء:كافي فرح حبيبتي "
الحجية: ولعبااس لتحجيي منجنن اكووم اطيحح حظها لا تشوفني ساكتة ومابية حيلل وانتن لكبار عشتوو تعرفني لو.كمت شسووي
فرح:سكتن بس شنو محتركات حرك رجعت اضحك واسولف وحنين تكلي
حنين:صاير براسج خيرر عفية عليج ههههه
فرح:خيولن هنة ونعالي حشة لسامع وانتي بس لاضجتي من كلامها
حنين:لاشمالني اضوج من هيج زبالة
سناء:عفية حنون فديتج
علياء: فرح ديربالج عل نفسج وعلى فهد ترة مليانات شر
فرح:ادري علياء لاتخافين
وبعدها بدلنة ونزلنة نروح لبيت عباس نوب شافنة هيج ماتن بدمهنن احتركن حرك طلعنة وعفناهم بسيارة كلي
شرار:ترة سمعت هذن شلون يحجن وياج بس ماردت تصير مثل كل مرة وهم انتي ماقصرتي
فرح:حيدر مو مال اسكتلهن اني هم مو اقل شر منهن بس لخاطرك ماحجي وياهن وهم لان انت جاي تاخذ حقي ميصير اني احجي
باوع علية وكال
حيدر ها ولج صرتي ام وكمتي خوش تحجين وتتصرفين
فرح:ههههههه اني من يوم يومي هيج
حيدر:عيني لغرور عيني
فرح:ههههه
زين اكلك شي بس ماتعصب
حيدر:لا كولي يابة
فرح:ردت اكلة ركبتك بيها اثر بس خفت تراجعت وماحجيت لمشكلة واضح ومامغطيتة لدشداشة
فرح:هههه اشاقة وياك ماكو شي
حيدر:هو مو ماكو شي بس انتي تراجعتي لمهم اعرفة بعدين
فرح:سكتت وصرت اباوع على شارع وفهود نايم لحد ماوصلنة واستقبلونة ونور شكد ملاكها حلو كلش فرحو بينة وعباس اخذ فهد يبوس بية كلش يحبه
عباس:شلونج خوية ام فهد ان شاءالله بخير
فرح:الحمدالله خوية بخير
عباس:عساج بلخير كل لهلا بلغالية تفضلو يابة
فرح: كعدنة بلاستقبال وعباس يكل لحيدر
عباس:ولك شني هذا فهد مستنسخين وجهك علية ومخلي له
نور:هههههه اي والله خوية كلش يشبهك
عباس: جانت حبوبتي تكول المره اذا تحب رجلها هواي الطفل يطلع نسخة من ابو وهسة ام فهد طبقت هذا لمثل
حيدر: عباس الزيج شلون تريدة على كولت مهند
نور وعباس ضحكو بصوت عالي واني ابتسمت
بس اكيد يطلع يشبهه هو اني غير خلصت حملي اتنسة عليه
عباس:دشد حيلك يخوي.وجيبلنة بنية مثل فهيد
حيدر:شديته يابة افا عليك
عباس:ياااابوويةةة يااابوووشهاب لاتكولهااا بربك
حيدر:هههه وربك
نور:شكو غيرر تفهمونة شبي ابو شهاب خطية
عباس:هاك استلم لثول
ولج الثاني بلطريق
نور: لااا فررح علييجج الله انتييي حامل
فرح:حسيت استحيت هسة هاي سالفة ينحجي بيها كتلها يي ودنكت العب بردن الفستان
نور:يااافددوووة الففف مبررروك والله فرحتلكمم يجي بلخير ولسلامة يارب
حيدر، فرح: يبارك بيج
فرح:وبعدها طلعنة اني ونور بلصاله وسولفنة وضحكنة حيل تونست وياها وهية سولفتلي عل علاقتهم وشلون عباس يحبها ومدللها وانطتني نصايح وحجت وياي على علاقتنة وهمة طلعو اوراق وكعدو يشتغلون بيهن لحد مارحنة ووعدتني تجيني رجعنة للبيت لكينة بس لبنات وكلها طالعة بدلنة وكعدنة بلصاله حيدر اخذ بت ياسر وهمة طايرين بيها خطية بعد صبر الله رزقهم ورادو يسموها فرح لان همة من زمان جانو رايدين هذا الاسم بس حيدر ماقبل وهو سماها (ليالي)
ومن سئلتة ليش ماقبلت جان جوابة
حيدر: (هذا لاسم لمايلوك لغير فرحتي)
اخذها بحضنة ومبتسم
هو حيل يحب الاطفال وخاصتا لبنات دائما يكلي اريد يصير عدنة هواي بنات
صار ليل وصعدنة هو جان كاعد على جرباية وبيده لتليفون واني انوم بفهد اندك لباب كام فتحة ودخلو هو ومهند كعدو بلصاله ومهند حجة ويا
مهند: خوية اريد احجي وياك بموضوع
حيدر:كول بابا احجي
مهند: خوية اني قررت اخطب
حيدر:وتخطب منو
مهند:مروة
حيدر باوعلة ب استغراب وضيك عيونة بشك
حيدر: ومن شوكت قبلت على مروة
مهند:خوية خل اصارحك
لبنية حبيتها ورايدها
حيدر: ومنو يكول هية تقبل
مهند:لو مامتاكد من هذا لشي ماجي واحجي وياك
حيدر:مهند بوية هذا زواج مو سالفة عابرة مقتنع كلش بهذا لشي ومن كل كلبك
مهند: اكيد خوية شون لعد
حيدر سحبة لحضنة ويكلة
حيدر:كبر وليدي وصار يريد يزوج
مهند: خوية اني وياك طفل وابو لاتكلي كبرت لهسة احن لهذا حضنك
حيدر:يابعد ابوك يابوية
انة باجر احجي وياجدي ونحجي بيها
مهند باس حيدر وكلة
مهند: الله مايحرمنة منك خوية
حيدر:صاير شريف وتعرف تحجي
مهند:ههههههه غير راح اتزوج
ضحك حيدر وطبطب على جتفة
وبعدها طلع مهند حيدر بقة كاعد وحسيتة كام يفكر بسالفة وشغل بالة شي رحت كعدتت يمة
فرح:بشنو تفكر
مسح وجهة بجف ايدة وكال
حيدر: فرح مهند بعده معتمد علية بكلشي مامسوول على نفسة مو كد مسوؤلية زواج بس ماكدرت اكسر بخاطرة
فرح: حيدر مهند لاتشوفة هيج اول شي هو تربيتك ف اكيد راح يكون كد هاي المسوولية وهو لو مامستعد هلشي مااجة وحجة ترة مهند جبير ليش احسك بعدك تشوفة صغير ومامسوول
حيدر:فرح مهند ربيتة على ايدي احسة ابني اني ويا ماحس بلاخوة لاا ويا مثل الاب وابنة والاهل دوم يشوفون ابناءهم بعدهم اطفال حتى لو صار عمرهم ب30 شكد مايكبرون راح يبقون يشوفوهم اطفال بعيونهم
فرح:حيدر تدري شكد احب حنيتك عليهم
حيدر:هذول وصية ابوي فرح ومن وانه صغير فنيت عمري عليهم ابوي جان ماحاس بيهم كد مااني صرتلهم اب رغم اني هم جنت صغير .انه جنت وياهم مو اخو ربيتهم على ايدي وكبرتهم وعلمتهم ابوي جان يكلي
(انه اذا متت اموت مرتاح خيمتهم انت وسند لهم )
تدرين جان يكلي( احسك انت ابوي مو انة ابوك) انه جنت شايل مسووليتهم كلهم من عمري 12 سنة وانه طفلل ماشايف شي من لدنيا كبرت روحي وكبرتهم
باوعت عليه وكتلة
فرح: حيدر مرات افكر اذا انت بهل حنية شلون كدرت تسوي وياي هيج
صفن وماحجة شي وطال بصمتة وبعدها حجة
حيدر: مااجت هاي لقساوة والاذية عليج بدون اسباب حركان كلبي واذيتة خلاني اسوي هيج بس اني مو مثل مامتوقع عقلج وادري مصمملج صورة علية اني كلي شر
فرح هذا الكلب ماقسة الا مابعد لدنيا لعبت بحالة وفرتة
فرح: بس اني مالي ذنب بكل لعشتة
حيدر: فرحه لاتفتحين جروح قديمة
فرح:بس بعدين راح تندم على كل لسويتة ويبقة هذا لندم لاخر يوم بعمرك
حيدر:ماندم على شي
فرح:انت بس لاتنسة كلامي هذا
حيدر: تعرفين شي مثلا ؟
فرح:كلشي ماعرف
كافي خل نكوم ننام
حيدر:روحي نامي اريد ادخن
فرح:عفتة يدخن لان ميصير بلغرفة منا فهد
غيرت ملابسي ولبست ملابس نوم ونمت واني استرجع كلامنة لحجينا ماعرف ليش ماكدرت مارجعلة كمت ورحت يمة جان كاعد يورث بلجكارة وصافن رفع عيونة علية
رحت كعدتت يمة
حيدر:ليش مانمتي
فرح:رحت كعدتت يمة وخليت راسي على رجلة هو ضل يلعب بشعري وساكتين
لحد ماهو حجة
حيدر: فرحـة تدرين گربج مني شگد بي راحـة لي
فرح:شلون يعني
حيـدر:وجودج يمـي يشيـل گل هَم من روحــي
ماغلط گلبي مـن اختارج فرحة له (فــرح گلبـي) انتي
فـرح:حيــدر
حيــدر: هــايفــرح گلـبي
فرح:سكتت وحتى نسيت شنو جنت رايدة احجي
رفع راسي وباس شفايفي بوسة عميقة
شالني واخذني للغرفة نزلني على جرباية
...................
ثاني يوم جنة جوة وكاعدين لبنات وفارس ومهند ووياسر ولحجية وعمتي بس انتبهت لياسر ومهند وفارس يضحكون ويباعون على حيدر اخر شي فارس كال لحيدر
فارس:ابو فهد تعال شوية
كامو واني جنت رايحة اغسل ممية فهد بس وكفت بباب لمطبخ من سمعت فارس يكول لحيدر
فارس: ابو فهد هسة لبارحة سكتنة وغلسنة بس ليوم هم مايصير هههههههههههه
حيدر:شكوو شبيك
فارس:ركبتك خوية شني ام فهد هليام متحلفة بيك
حيدر بسررعة خله ايدة على ركبتة وعافة ومشة اجة فات مني وفارس يضحك بصوت استحيت ومتت خجل غسلت ممية وانطيتها لعمتي وصعدتت لكيتة واكف على مراية
حيدر:فررح هاااي سااالفة هسة
فرح:اني واكفة وساكتة
وهو يكلي شووفيي شووفي ويشوفني بركبتة
حيدر:شلووون يرحنن
فرح:كعد واني هسة اوخرهن
كعد على جرباية وجبت كريم مالتي واجيت اريد اخليلة دفع ايدي
حيدر: انتيي شنوو ترردين تسوويني مضحكةة
فرح:شبيك والله اريد اوخرهن بس اكعد ومعليك
سكت واني خليتلة وحاولت اخفيهن راحن بلكوة
حيدر:هاااا
فرح:راحن
كام بسرعة يباوع بلمراية
حيدر: وبعد اذا تعيدين هاااي لساالفة وحق عليي امووتج هسة ياريت جوةة وينضمن بلملابس
فرح:مامبينات بعد
عافني ونزل واني نزلت ورا
رحنة للمطبخ اني ولبنات وهم طلعن منتبهات وسوني تحشيش وسناء سحبت بسرعة شالي وطلعت ركبتي
عليااء:عاااا يااابة شنووو ولكمم لباررحة داخليين حررب
حنين: فهد شعجب ماااخررب عليكم هههههههههه
فرح:لاتخافين بلاخير خربها هههههههههه
سناء:يلا بلاخير ولا ببدايتها
فرح: دكافي شكد سخيفات
علياء: على اساس انتي ناقصة ههه
فرح:طب حيدر واحنا دنحجي ونضحك
عاد علياء ستلمتة
علياء: خووية شني شو جنك تعبان ليوم خاف فريحة متعبتك
حيدر:ام علي بطلي سوالفج خوية
علياء: ههههه غير ادور راحتك ياخوية
حيدر:رحم الله والديج
فرح: هسة عوفو هاي لسوالف حيدر اني اشتهيت صااج طك گلبي غمضت عيوني واتخيل لمنظر صاج ولبن وويا كباب وطماطة شوي احححح
سناء:ههههههه خوية هاي مرتك تتنسة لحك عليها وجيبلها لتريدة
حيدر: هواني طالع هسة اجيبلج وياي
فرح:بس بسرعة حباب
هو راح واني بقت ببالي ومنتضرتة شوكت يجيبلي رحت خابرتة من عمتي
فرح:يلا حيدر وين وصرت
حيدر:ولج جاي شبيج
فرح:حباب يلا بسرعة
حيدر:اجيت بوية شسالفتج.
فرح:سديتة منة ودقايق واجة تلكيتة من باب لمطبخ اخذتهن منة وكعدتت على ميز اكلت شوية كلش وعفتهن
حيدر:هاا؟
فرح:ها؟
حيدر:متاكلين
فرح:بعد ماريد
حيدر:لاتخليني اكفر بيج خبصتيني خبص واكلتيلج بس لكمتين
فرح:والله ماريد بعد
كعد يمي وكام يوكلني لكمة لكمة ويشربني لبن لحد مااخلص الاكل واني انتفخت
فرح:لعد هذيج لعلاكة شنو
حيدر:ها صدك هاي هم جبت للبنات ماتغدن زين اهم شي عدهن لسوالف والله راح تخبلني
كام غسل ايدة وكال
حيدر:يلا طالع ديربالج على نفسج وعلى فهد
راح واني كمت غسلت وكلت للبنات على اكل سونة صينية ودنة بلصاله كعدو اكلو كلهم بليل همة كلهم كاعدين بلصاله
رحت للمطبخ اشرب مي ودست بريك وتوقفت من شفت ياسر وشهد سوة
رجعت لمكاني واكول بكلبي شنو لسالفة يومية شايفتلي واحد ادري مطبخ لو ملتقى العشاق
صعدتت بدلت لفهد ونومتة ونمت ورة يومين قررنة نروح نخطب مروة لمهند اخواتة كلهن يردن يرحن وخاله ولحجية هم خطية هواي فرحانات له ومهند طاير ماتوقعت راح يجي يوم يحبها بعد مااشوف عركاتهم من ينجمعون
اجة شرار ياخذنة احنا جنة مجهزين نفسنة ف حيدر ياخذ قسم وقسم ويا مهند وياسر وهمة بلاصل كلش قريبن علينة وصلنة واستقبلونة اني كلش احبهم بيت عمة سالم ناس مسالمين وحبابين كعدنة كلنة ب الاستقبال ومهند اول مرا اشوفه مستحي كوة كتمت ضحكتي عل شكلة
واما فارس ف هذا بحثا اخر يموت على نونة مخليها بحضنة وعينة مانزلت من حنين تبتسم يبتسم وياها بدون مايعرف لسبب حنين تسولف وتسوي تعابير بوجها هو لاراديا يسوي مثلها ومركز بادق التفاصيل اتمنى تصير له يعششق شي اسمة حنين احس الله راح يعوضها بي بعد لتعب لشافتة من رافد ولمفروض من لبداية تكون حنين له بس بعد لااعتراض عل حكمة ربي
بدة الحجي يحجي وهمة اخوانها كلهم كاعدين وابوها وامها ونسوان اخوانها وشهد جانت يمهم واكيد لازم تكون يم اختها بهيج يوم
الحجي: بوية سالم احنا اليوم اجيناك بسالفة وانا قبل كايلك بيها وان شاءالله مانسمع منك الا لشي لزين
سالم:بوية انت تامرني
حيدر:عمي حتى ما نتاخر بل سالفة وبدون رسميات جايينك ليوم ونريد مروة لمهند وانتم تعرفون هية من قبل له بس جنة رايدهم شوية يكبرون ويكونون كد هاي لمسوؤلية
سالم: بوية ابو فهد البنية بتكم تاخذوها ب عبايتها وماتغله عليكم
حيدر: يسلمك الله عمي غالية ان شاءالله بس نشوف اخوتها شيكولون
حجة كرار اخوها لجبير
كرار:ابو فهد كلام ابوي ماتعله علية كلمة لبنية بتكم ويمتة ماتردون تاخذوها
حيدر:مرتضى خوية وانت
مرتضى: كلامي من كلام ابوي واخوي
حيدر:وفارس
فارس: خوية انت تدري مروة بنيتي مو اختي قطعة من روحي انه مااكدر انطي رأيي الا اسمع موافقتها واذا تسمحولي اكوم اشوف رأيها وارجع انطيكم لخبر
حيدر: كفو منك هذا لصح اخذ راحتك وجيبلنة لموافقة
راح فارس ورة دقايق رجع
، ، ، ، ، ، ، ، ، ،
شهد: اباوع على فرحت اختي من اجو واتمنيت كلشي يتم على خير مجهزة نفسها وكل شوية تكوم تباوع على مراية وتسئلني
مروة:شهد عليج خوما مبين شي
شهد:تخبلين وطبيعية بس كافي راح تفضحين نفسج اجوي ونسمع حجيهم وطفرنة بل غرفة من سمعنة فارس راح يجي كعدتت مروة وبعد شوية وراح تبجي دخل فارس وهية كامت وكفت لثولة وتفرك ب ايدها
فارس:وين حبيبتها اخوها
شهد:اني لو مروة هههه
فارس: عسـل گلبي انتي شهودتي بس هلمرة جايي على مروة
لزم ايدها وكعدها على جرباية وكعد يمها
فارس: مروة تدرين ليوم بيت عمي ليش جايين
مروة:ليش
فارس: اجوي ويردوج لمهند واجيت اسمع رأيج ولتقرري اني وياج بي رفض لو قبول اي انكان
مروة:ااا فاررس اني قراري من قرارك
فارس:اريد اسمع منج عوفج مني
مروة:بكيفكم
فارس: يعني شنو ياخوية موافقة لولا
مروة هزت راسها ب يي
ضحك وحضنها
فارس:بنيتي كبرت وراح تصير عروس
وبعدها راح ينطيهم لموافقة
فرح: اجة فارس مبتسم كعد وكال
فارس:بنيتنة موافقة
علياء طكتها هلهلولة ولحجية وعمتي يصلن على محمد
طبت مروة ولخجل ماخذها بيدها صينينة عصير من كد الرجفة ولمستحة لكلاصات يركصن بيدها كام فارس اخذهن منها وهدائها بنضراتة شكد حبيت تصرفة
اجت سلمت على كل وكعدتت يمي ومدنكة راسها
ابتسمت وكتلها
فرح: مروة ركبتج راحت شوية رفعي راسج شبيج راح توكعين بل كاع
ابتسمت وباوعت عليه
مروة: فرح بعمري ماتوقعت يصير هيج
فرح:حبيبتي ربي يتمملكم على خير
مروة:فدوة لكلبج
هذا لعسل نايم
فرح:باوعت على فهد بحضني نايم
ابتسمت وكتلها
فرح:ههه يي نايم
حجت بخجل ودنكت راسها
مروة:فروح اني مستحية منج على شفتي بس والله ماعرف شلون صار هيج
فرح:لج مروة اني اصلا نسيت لشفتة وانتي هم انسي بعد
مروة: ان شاءالله
فرح: عاد بعدها ردنة نروح وماقبلو الا نتعشة
فهد حيل ضوجني وماعرف شبي كعد وخلصها يبجي عمتي وحيدر ولحجية وماسكت
عاد اني وحيدر وعمتي رجعنة للبيت علمودة
عمتي احذتة مني وجابت زيت وكعدتت سوت ضهرة وهو نط من لبجي طلع عندة متن بس شنو هو يبجي واني ابجي ويا شبعت بجي فرفحت روحة
وحيدر متخبل يغلط ويفشر ويكل لامة تعوفة
لحد ماكملتلة وصدك سكت وتعب ونام
وحيدر مستمر يحجي اني بلغرفة واسمعة وهو وامه بصاله
حيدر:من ايدد ل ايدد طبعاا ينمتنن الفف مرا اكلهاا لاتنزليي من يجيي واحددد يضلوون نااس شامررتة على ناااس خلل اشوووفهاا تنزلةة بعدد
ام شرار:دكافي يمة صوتك الولد هسة نام كل طفل ينمتن عادي
فرح: نومتة بغرفة عمتي خطية هية بغرفتها مخلية له كاروك مرات حتى تاخذة مني هية تنومة تموت عليه وحتى هو مرات مايسكت عندي بس هية من تاحذة يسكت وينام طلعت همة كاعدين بلصاله صعدتت فوك غسلت وبدلت ونزلت سويت عشة اجة اخذ الصينية وداها بلصاله وكعدنة تلاثتنة نتعشة
وبعد ها حددو الخطوبة يوم جمعة واليوم ثلاثاء جهزو كلشي وحيدر جان مسؤول على اصغر حاجة
الخميس اخذني لسوك اشتري ملابس هو يريد كله مستر واني اريد فستان حفلات كل مايختارلي واحد ماقبل بي وهو عصب كلش بس ضل لازم اعصابة
اخر شي دخلنة على محل وهو اختارلي فستان يجنن كلشش حلوو مال مناسبات اني ماردتة كرصني من ايدي ويحجي بصوت ناصي وضاغط على اسنانة
حيدر:فرح وحق علي راح الزمج بلمحل افلشش وجهجج تردين مال كح**اب ادرري بيجج اخذي هذاا وسكتييي
هو يحجي ولبنية لتشتغل بل محل انتبهت علينة وتضحك ع كلامة كتلة بصوت ناصي واني ضايجة
فرح:ماريد والله وحتى ماريد اشتري
حجة ويا الولد وجابلي هذا وكام حتى ماياخذ رأيي نسقلي ويا حذاء كعب وشال وجنطة ودخل على محل ذهب
حيدر:اختاري شتردين
فرح:ماريد شي خل نرجع
حيدر:اني اعلمج بس نرجع صبريي
فرح:اشترالي كلادة ناعمة بيها حرف f كلش ناعمة وتخبل ووياها سوار وطلعنة صعدتت بسيارة ماحجي وهو ستلمني غلط وصياح
ضوجني كتلة
فرح:والله مالبس شي من لجبتهن والا لبس فستان مال كح**مثل ماتكوول انتت مو كلها راح تلبس هيج انيي شمعنىى
مد ايدة راد يضربني شهكت وخليت ايدي على وجهي بس هو ماضربني وضرب ايدة بلسيارة
ضل يتوعدد بس نوصل وشوفي شراح اسوي ومن هلكلام وصلنة ولكينة لبيت مخبوص كلها موجودة اخذت فهد من عمتي وصعدتت وهو صعد وياي وبيدة العلاليك شمرهن على جرباية ونزل بقيت فوك ومالي خلك انزل هو صح لشتراهن يخبلن بس اني ببالي غير
ثاني يوم كتلة
فرح:اريد اروح ويا لبنات لصالون
طلع فلوس وانطاني
حيدر: كافي لو بعد
فرح:لا كافي
حيدر:ياسر ياخذجن وترجعن ويا اذا شفت راجعة وياغيرة بلعباس ادفنجج
فرح: عافني ونزل كلش مخبوص وملتهي وبعد ابد ماشفتة رحنة للصالون اني ولبنات مكيجت مكياج مال عرايس يخبلل وسويت تسريحة رفعت شعري من لبداية ولباقي نازل على طول واطرافة برم حسيت نفسي صدك عروس ههه رجعنة للبيت صعدتت فوك طلعت لفستان لبالي ولفستان لجابة لي ضليت افكر لبس شنو بعدين كلت دخل البس هذا ضميت فستانة لجابه وطلعت لفستان لاريدة
ماروني وضيق على جسم وبي فتحة من لبداية بسيطة مو كلش جبيرة طولة 90 وردن تعلاكات لبستة واخذ مسارة على جسمي وبين خصري بحيث جسمي صار من فوك ضعيف وخصري عريض باوعت على نفسي بلمراية وضحكت بخوف تخيلت يشوفني بهذا مكياجي ولتسريحة ولفستان يمة يعدمني بس يلا هية كلها راح تلبس هيج بقت علية طلعت لكلادة لبستها ولسوار وعندي حجل ناعم طلعتة لبستة وكعب اسود رحت بدلت لفهد لبستة زي العربي كله متت ضحك علي يخبل طلع دشداشة وبشت هلكدهن وهو دبدوب اجت علياء شافتني وشهكت وصلت على محمد
علياء:يمة تخبلووون عييين لباررردة عليكمم ولجج شنوو هاااي تجننين شلون راح تنزلووون
فرح:هههه وانتي طالعة تخبللين امشي خل ننزل
نزلت وياي شال وصاية للحالات لطارئة ونزلت
عمتي اخذت فهد مني ولعيون علية كلها تفاجئت ولبعض يسئل هاي منين لو لتكول هاي مو مرت ابو فهد وضليت شكد اسمع حجي عليه تخبل وماعرف شنو اكو نضرات حلوة واعجاب واكو لحقد عاميهن بس جنت فرحانة ماخرب علية شي
باوعت على شيرين لابسة فستان ازرك ضيقق ضيقق يريد ينفجرر ولحم ولشحم كله طالع وفاتحة شعرها ومكياجها اووڤرررر حسيتها تريد تاكلنييي بعيونها
شغلو لديجي واني شلون افقدد سحبني سناء وحنين وركصتت ركصص خليتهن فاتحات حلووكتهن واعمتي ولحجية وصبرية يحجن عليه لان حامل
بس للحظة اني لفتحت حلكي وصرت مثلهن مصدومة من شفت حيدر واكف من بعيد وشايل فهد يمكن جايبة لي وشافني هيج حسيتة شوية وينفجرر وزين وماطب سحلني كدامهن اشرلي اجي وصعد فوك من لخوفة حرت اصعد لو ابقة لو شنو اسوي هسة
.
.
.
.
يتبععععععععع