—بيت ال سلمان—
وصلت ديم العصر هي ونجود وشموخ رحت البيت تجلس معهم وهي بالها ماهو معها تفكر فيه شلون لو لمحتها له حقيقه واللي شافته حقيقي ويكون عايش ولا هو ميته كيف بتتحمل هالصدمه الكبير شلون بترضى تعيش بكذبه موته طول الايام اللي فاتت تتحمل شوقهها له شلون كانت تضغط على نفسها بس لجل تكمل حياتها ولجل اهلها
رفعت عيونها للسقف من تجمعت الدموع بعيونها تحاول بس تجمع اخر شتات الصبر بداخلها وتتحمل الوجع
كانت تحت انظار منيف وابتهال اللي لمحو كل تعابير وجهاا لنهم يعرفون كل تفاصيل وكل تعابير بووجها قامت من عندهم من حست معاد هي قادر تتحمل وتمسك دموعها اكثر ناظرو بعض منيف وابتهال من بعد ماقامت وجت بتقوم ابتهال وقفها منيف :خليها انا بشوفها
هزت راسها ابتهال تشوف منيف يقوم يطلع لها ولفت بنظرها لهم تشوفهم يسولفون ونجود توريهم الهدايا
—غرفه ديم —
دخلت تجلس على الكنبه تنزل راسها وتمسك بيدينها الاثنين تنهار بكي وصياح هي معاد هي قادر على الشوق اللي تحس فيه ولا اقوى من احساسها بعد البحر ولمحها له تحس مرات عايش ومرات تحسه ميت ماهي عارفه وش تحس فيه رفعت راسها من دخل منيف يشوفها بالحال هذا
تقدم منها منيف يجلس جنبها :لاعاد تبكين خدك انجرح من كثر الدمع
رفعت راسها تناظره :وعيوني تعبت من كثر ماتحبس الدمعه تعبت من كثر مااتجاهل مشاعري وشوقي !!
منيف سكتت يناظرها تنهار قدامه :مدري شوقي له خلاني اتوهم واشوفه بكل مكان ولا حبي اللي بكل يوم يزيد عن اليوم اللي بعده صرت اسمع فويساته وابكي لساعات منيف انا شفته بعيوني لمحته وظنيت انه هو بس اختفي من بين يدي كانه سراب وجاء لجل بس يذكرني فيه لجل بس يشقيني ويخليني اتعب
منيف : قولي لاحول ولا قوة الابالله اذكر الله !
ديم مسكت قلبها :معاد لي قوه معاد لي قوه اتحمل اللي تحملته !
سكتت تناظرها وميلت راسها :راح وتركني ولا قلت له احبك تركني بليله احد ومن ليله الاحد مااشرقت الشمس لين الحين !
ضمها منيف له يتركها تنهار بكي وتنهار بين يدين اخوها وسندها تنهار انفلتت اخر مسكات الصبر عندها
—تحت الصاله —
تجهزو البنات ونوره بسرعه لجل يروحون ل منيره نزلت ابتهال وناظرها نايف :ديم وين مو قلتي بتجيبنها معك !
هزت وراسها ابتهال : الا بس ديم نامت وماحبيت اصيحها خلوها ترتاح واذ صحت تلحقنا يمدي !
هز رأسه نايف:اجل يلا نمشي سلمان وناصر خذو البنات
وانا باخذ ابوي وامكم
ناصر بهمس لي خواته :ابوي لو عليه ترك جدي واخذ امي !
ميلاف : شعليك منهم انت خلهم !
ضربهم سلمان :اخلصو نمشي تاخرنا !
طلعو كلهم يركبون السياره كلهم يتوجهون للمكان
ناظرهم منيف من شباك غرفتها يتنهد يلف بنظرها له من نامت بس صياح وانهيار يتركها يطلع من الغرفه بعد ماسكر انوارها دخل غرفته يتصل على راكان وهو مصعب منه
راكان : هلا منيف !
منيف بعصبيه :وينك فيه !
استتغرب راكان من عصبيته :توي واصل الرياض !
منيف :ارسلي موقعك جاي لك وياليت يكون عندك احد لجل يفكك مني!!
سكر منه منيف واستغربت راكان ودخل البيت اللي شراه من جديد بعد عرف ان سياف مراقب بيته القديم وقرر يبيعه ويشتري بيت ثاني
—سياف —-
جالسين في المكتب حقه يناظر راجح وعمر اللي جاء له من حايل وجالس معهم عمر صديق سياف وله معرفه معه من قديم ومحد بعرف فيها الا فهد اللي لجل كذا عطا اسهمه ديم ولها الاحقيه بالتصرف بكل حلاله وهو عارفه ولده لو مسك الحلال ايش بيسوي يناظرهم راجح اللي يشوفه تهميش سياف له ولا كانه موجود ومهتم لعمر اكثر
سياف :ياولد انت وينك ليكون لين الحين ديم تراقبك ؟
ضحك عمر :ياشيخ هاذذذي ماعندها ماعند جدي !
راجح :ماعنده ماعند جدك بس هي حلالك كله بيدها !
ناظره بحده عمر والتفت سياف له :راحج باللع اذلف واتركنا لحالنا وفكنا منك !
ناظره راجح وقام من عندهم يطلع ويترهم وهو يغلي من داخله ومنقهر من تهميش سياف له
عمر :ياغثه ياادمي شلون متحمله انت !
سياف :معليك منه خله يومين واطرده طرد الكلاب !
عمر :يكونً افضل نفتك منه !
سياف :الا قلي وش بتسوي شلون بترجع حلالك اللي اخذته منك !
عمر :مدري عنها ذي ناشبه لي بكل شي حتى بالحلال !
سياف :يعني الحين انت على الحديده !
عمر :اي وكله بسببها على بالها كذا بتعلمني ان الله حق ياشيخه ماعندها شي !
سياف بتفكير :اخاف تطلع هي اللي عندها وانت اللي تصفي على الحديده !
عمر بسخرية:يعني الحين تقنعني اني ماني على الحديده ياشيخه لو امي وانت كان ماجيتك !
ابتسم سياف :تامر امر انت ؟
عمر ابتسم :الا انت وش سويت معها !
سياف شتت نظره :هي مافهمت المره الاولي ودنا نفهمها المره الثانيه بس بطريقتنا !
عمر :وش بتسوي يعني !
سكتت دقايق سياف وشرح له كل شي وايش بيسوي فيها
راجح اللي الحديث كان كامل تحت مسامعه طلع من المكان كله يركب سيارته يفكر وش يسوي بعد اللي سمعه من سياف وعمر وايش ناوين عليه يحاول يلقي حل وهم قرر ينتقم من سياف وتهميشه له وقرر يساعد ديم فكر مين يتواصل معه ودقايق توجه لبيته يدخل يحاول يفكر بحل
—عند راكان —
تقدم ماجد يناظر البيت وكبره وتصميمه الفخم واصلا البيت قصر من جماله وكبره واثاثه الراقي اللي بشخصيه راكان ناظره راكان وابتسم يشوفه يتامل البيت :مطول تتامل انت !
ماجد :يلعن بليسك انت وش هالبيت الفخم لهي توني ادري عنه !
عاصم ضحك بخفه من ردت فعله :شاريه له سنين وبنيبته وسكرته وقبل فتره سلمته لي مصممين يسوينه لي وهذاك موجود فيه !
ماجد :صراحه ابداع مشاء الله فخم بشكل قرتت اسكن عندك !
عاصم :ابشر والله بنشب لك !
راكان :انت ناشب لي في الخبر والحين اعتقني !
ماجد :افاا انا صديقه من الطفوله تسوي فيني تسذا !
ضحك راكان : طلعت اللهجه طلعت !
لف عليه عاصم :راكان وش صار تبي تعلم ثنيان وعامر !
راكان هز راسه :اي عزمت اني اقولهم بكره ماجد ابيك تشوفه وتجيبهم لي بس انتبه تكون مراقب او هم !
هز راسه ماجد والتفت من سمع صوت الباب قام ماجد يفتح ودخل منيف بعصبيه وناظروه يشوفون عصبيته
منيف التفت لماجد وعاصم :اتركونا لحالنا !
هزو راسهم يطلعوم للحديقة برا وناظره راكان : شفيك انت !
منيف بعصبيه:انت قلي وش انت صاحي ولا مجنون انت عندك قلب ولا ماعندك قلي ؟؟
راكان وقف :منيف وش صاير !
منيف اخذ نفسه بعصبيه:تدري ديم وش صار فيها بسبب خططك الغبيه!
تقدم له راكان بخوف :وش فيها وش صار تكلم !
منيف : اليوم انهارت صياح بسبب شوقها لك تبكي وتنهار من شوقها لك ومن لمحتك بالخبر وحركتك الغبيه اللي خلتها تظن انها تتوهم وانت حقيقه.!
راكان ناظره بعتاب :لاتوجع قلبي يامنيف !
منيف بعصبيه :لا بوجع قلبك زي ماوجعت قلبها انت تدري وش ابسط امنيتها تدري ولا لا تدري انها تبيك بس ترجع عشان تقولك احبك انت تدري ولا ماتدري !
صد راكان وتنهد بتعب وناظر منيف :وانت يامنيف لاتظن اني مبسوط وانا كذا لا والف لا انا بالدقيقه اموت مليون مره وبالثانيه انا اشتقت لها زي ماهي مشتاقه و ويمكن اكثر بس انت عارف لو طلعت ايش بيصير وباذات في الوقت هذا !
منيف :مايهمني مايهمني تفهم اللي يهمني اختي وبس انت تدري انها نامت وهي تسمع صوتك وتسمعك تغني انت تدري ولا لا !
بعد كلام منيف هذا حس راكان بحراره وبراكين بصدره من قوه قهره عليها ولا هو راضي باللي يسويه بس مابيده شي !
ناظره منيف تنهد :استعجل ياراكان قبل تخسر ديم استعجل ولا تراها بتروح ولا عاد ترجع
ترككه منيف يطلع من البيت وتوجه راكان لي مكتبه يدخله يسكر الباب خلفه بقوه وضرب يده في المكتب من فرط عصبيته وجنونه اخذ علبه الدخان ياخذ زقارته يشغلها يحرق فيهها منفسه وهو يتنفس باضطراب من شده عصبيته
—-بيت ال سعد—-
كلهم موجودين والبيت يضج بضحكاتهم وسواليف الحريم والرجال والعيال صدى صوت لعبهم بكل مكان دخل منيف عليهم وابتسمو من شافوه جاهم اعتلي صوت ترحبيهم فيه
هزاع :ارحب تراحيب المطر !
منيف ابتسم :البقي يابعدي !
احمد :امسكوه هذا شوي ويخمه كله عشان اخوها !
الياس :ياخي انا ماسويت زيه كل من شاف احد من اهلها رحب فيه خفيف الولد !
لف عليه سلمان :تكفي لاتخلينا نكب العفش !
الياس :بسم الله انت وش جابك !
علي :تحش في زوج اخته وماتبيه يسمعك !
سلمان : معليك احساسي يصدق !
جاهم منيف يجلس عندهم وناظرهم :وش علمكم انتم !
ابتسم الياس : العلم سلامتك !
تقدم جسار يصب له قهوه واخذها منه وجلسو يسولفون مع بعض
في الجهه الاخر من المجلس جالسين الجدان وخالد ومشعل ونايف وعبدالرحمن كانت سواليف مابين الشغل والتجاره :ياعبد العزيز كبر مزرعتك !
عبدالعزيز :اكبرها زين بس يبي لها مصصم يمسكها !
نايف :يبه عندك ناصر شوف شغلك معه !
محمد :وليال بنتي بعد بتساعدك فيها !
عبدالعزيز :المساحه صغيره ابي بس احط فيها زرع ومن هاذي الامور وجلسات بس !
خالد :الزرع وهالامور سلمها الياس يحب هالشغله !
ابتسم عبد العزيز برضى لهم من كل احد فيهم اعطاه شي واعطاه فكره !
—قسم الحريم —
جالسين حوالين بعض وقدامهم مشعل وجوانا اللي يلعبون
نجود :تكفين خالتي منيره مررره جوانا في المخور مااتحمل !
ضحكت منيره :شفتي شلون
نوره : بسم الله عليها ماخذ حته منها
ناظرت الجده وصايف محمد اللي جالس مع ابتهال من شافها : محمد علامك اترك الحرمه منك !
ابتسمت ابتهال :عمه خاله انا مبسوطه عليه اخذ قلبي ولدكم هذا !
ابتسمو الكل وابتسمت الجده وصايف وميلاف ناظرت حلا اللي اليوم تحسها تعبانه :حلا فيك شي !
حلا ابتسمت :لا بس اليوم احس بتعب بسيط !
ميلاف :وش تحسين فيه بسم الله عليك !
حلا: الم ظهري واحس بخمول !
شهقت فوز :ولادة!
لفت علها منيره والجده وصايف : بنت اهجدي عن اختك لاتخرشينها وجع !
منيره :معليك امي حلا طبيعي
ميلاف :طبيعي هذا عشان خلاص دخلتي التاسع معليك !
هزت راسها حلا بهدوء وهي ماتنكر انها توترت من فوز
نجود :قسم بالله طاح قلبها وخرشتيها بعد فوز مو صاحيه !
انهار :لو اني منها قسم بالله لا اولد ؟
ليال :خبله ذي
فوز :شفيكم ابي اصير خاله !
نوره :تبين تصرين خاله وتخرشينها المسكينه !
ضحكت فوز :اسفه حلا !
ابتسمت حلا :معليك عادي ماصار شي !
كملو سواليف وضحك من بينهم وماكان ناقصم الا ديم اللي تعذرو لها انها تعبانه وكملو اليوم بدونها
—عند ديم —
صحت ديم من النوم تشوف الساعه ١٠ بليل تأففت من انها طولت بالنوم قامت تاخذ شور وتصلي اللي فاتها وجلست تجفف شعرها اخذت نفس تفكر وش بتسوي هي مالها نفس تشوف احد او تكلم احد اخذت جوالها تتصل على عبد الملك :سمي طال عمرك !
ديم :عبد الملك جهز البيت انا جايه !
عبد الملك :ابشر طال عمرك
سكرت منه تاخذ شنطتها الصغير تعبيها من الملابس والميك اب وسكرتها تلبس العبايه تنزل تحت تشوف البيت هادي وعرفت انهم باقي مارجعو من العزيمه تركت البيت تركب سيارتها تطلع من البيت تمر تاخذ قهوتها وتمسك خط المزرعه الي كان يبعد عن الرياض ساعتين
—عند عمر وسياف —-
جالسين يخططون على العمليه اللي بتصير في الرياض
عمر :راجح وين امس ماشفته!
سياف :مدري عنه مختفي واحسن مالي خلق له خليه يروح اصلا ماتحتاجه !!
عمر : يكون افضل ارسلت لهم المموقع والوقت !
سياف :زين سويت خير الا انت وش ناوي تسوي !
عمر وهو يفكر :او طريقه عشان احرق قلب ديم وعمي احرق المزرعه !
سياف :متاكد انت ؟
عمر :ايه عشان بس تأديب لهم مايحطون راسهم براسي اجل انا يراقبوني شهرين كاملين وفوقها هي ساحبه مني كل شي !
سياف :طيب جدك وش دخله بالموضوع !
عمر : جدي هو اللي يحرض ديم على وهو شك قبلهم كلهم اصلا
سياف :متى بتنفذ خطتك اللي اشك بتنقلب ضدك !
عمر :معليك ماراح يصير شي ولا احد بيعرفني بكره بليل المزرعه بتتحول ل رماد
سياف :سوي اللي تبي بي انتبه اذ طاحت فوق راسك مالي دخل !
عمر :معليك انا بتصرف بكل شي انت بس ريح بالك فض عمرك للتسليم الكيير اللي بيصير !
ابتسم سياف :تدري انها اهم صفقه لي لو بس سلمتها بالتمام والكمال باخذ الصيت والتجار بالمجال يبنابحون لجلي وبس اعطهم موعد !
ضحك عمر :الحين انت هذا اللي تطمح له ولا تبي شي ثاني !
ضحك سياف بعلو صوته :المشكله انك عارفني يالوصخ
—عند راكان —
ركب سيارته وتوجه لبيتهم يشوفهم من برا مبسوطين والعيال يلعبون بلوت والبعض منهم يسولف وكلهم في الحديقه برا نزل من سيارته يوقف عند الباب يشوفهم ويتاملهم ماينكر انه انوجع من شافهم بهذا الشكل كلهم مبسوطين بس بداخله مرتاح لن سياف بيعد عنهم وهو يعرف سياف زين ويعرف هو ايش ممكن يسوي فيهم
صح هو اللي من البدايه اختلق هالفكره انه يبعد عنهم لجل بس حياتهم ماتصير بخطر ابتسم من شاف علي وسلمان فازو في البلوت ضد الياس وهزاع وصراخهم يرج في البيت
حس بحركه خلفه غمض عيونه من سمع الصوت خلفه وسرعان مالفه الشخص وارتخت ملامح راكان من فتح عيونه وشافه ماكان يبيه يشوفه بالطريقه هاذي بس
—عند ديم —
كانت تمشي بطريق المزرعه خالي وظلام المكان والقمر اللي قدامها وبيدها كوب قهوتها وتسمع لي محمد عبده
وفعت نظرها تشوف النجوم القمرا وتسمع محمد عبده من قال : تعال اسأل نجوم الليل ياهاجر من الهاني
وكلمت معه بصوتها : وانا اعلمك بالوقت الطويل وكيف قضيته
مررت يدها تحرر رقبتها من طرحتها ومررت اناملها لكوب قهوتها ووهي تسمع محمد عبده من قال : بغيت اقوى على بعدك وراح الصبر ماممداني
اهز الشوق وانطاحل وله بالحضني ضميته
ابتسمت بحزن تكمل من جاء البارت اللي تحبه : ربيعي ياخريفي ياشتاي وصيفي الهاني
تراك انت الفصول وهجرة الشاعر وتشتيته
فضة كل الشوارع ومالقيت اللي ترياني
مثل طفل طلع يلعب ورد ومالقى بيته
تنهدت من وصلت المزرعه تقفل الصوت من فتح عبد الملك البوابه تدخلها توقف تبلغهم ياخذون اغراضها وتوجهت لي هتان بسرعه تطلع من مكانه :وحشتني !!!
صهل هتان من شافها :حتى انت فقدتني انا بعد فقدت نفسي وحياتي !
طلعت في للميدان تركب السرج عليه وركبت هي عليه تركض فيه في انحاء المزرعه
—-بيت ال سلمان —-
وصلو كلهم البيت ينزلون يجلسون بالصاله وسلمان يتحلطم عليهم :يبه مالك داعي تخليه ياخذها وانا فاز عليه !
نايف هز راسه :انت صاحي تراه زوجها !
سلمان :حتى لو راحت هيبتي وفوزي كله !
نايف :الحين انت شرط عليه ما ياخذ اختك ؟
سلمان :لا شرطنا غير !
ناصر :اجل وش اللي مخليك تتحلطم وتصجنا !
سلمان :ياخي انا قلت لا لما جاء قال لي ابوي بس الوالد سحب على ولا عبرني !
نوره :اقول اهجد اختي وطلعت مع زوجها انت مالك دخل اقضب ارضك !
منيف :انتبه امي قامت عليك تراك بتنام برا البيت !
سلمان تاافف :اقول بس وين ديم اللي تعبرني !
الجد عبد العزيز اللي بلغه عبد الملك ان ديم جت المزرعه وعرف الجد انها تبي تبتعد عن كل شي :ديم في المزرعه
لفو له كلهم تقدم نفسه نايف :لحالها ؟
هز راسه الجد عبد العزيز :خلوها ترتاح الفتره الاخيره جاهدت نفسها كثير واشتغلت كثير خلوها ترتاح !
نايف :بس ييبه
قاطعه منيف من وقف :يبه ديم تعبانه مهما كابرت وسوت نفسها قويه صدقني هي اضعف من كذا ديم يوم لقت وطنها فقدت عشان كذا هي تعبانه خلوها تجلس لحالها وهي بتعرف لنفسها وترجع اقوى من قبل !
سكتو كلهم وكملو سواليف طبيعي ودقايق وكلن راح ينام
—بيت ال سعد —
جالسين البنات وحلا اللي جلست عندهم من حست نفسها تعبانه منسدحه عندهم لفت لها انهار : حلاوي تعبانه ؟
حلا :شوي بس ارتاح الحين واصير زينه !
فوز :حلا اذ تحسين بشي نمشي المستشفى عاددي !
هزت واسها حلا :لا طيبه انا ماعلي !
ليال هزت راسها ولفت لي انهار :اختنا وحامل وتعبانه انتي وش تسوين هنا يااخت انهار ؟
انهار :والله زوجي العزيز اتصل عليه مايرد كان الفروض يجي ويجلسهم معهم بس ارسل لي وقال انه مشغول وانام عندكم !
فوز وقفت بحماس :يالبيهه يعني ورانا فقره حش وفلم يالبيه صدق !
ضحكت حلا :مو صاحيه همها الحش بس !
فوز :جوووي بروح اجهز القعده لنا !
راحت فوز تجهز الجلسه وجلسو مع بعض كلهم يسولفون
—عند ميلاف وهزاع —
اخذها هزاع وراح يطلع معها من وقت ماتزوجو ماطلعو مع بعض الا مرات قليل ولا تحسب لهم التفت ميلاف من شافته يجيب شاهي لهم الاثنين وركب حنبها وابتسمت ميلاف :بنعناع !
هزاع :اكستر لعيونك
ابتسمت ميلاف :هزاع بسالك ؟
هزاع : امريني !
ميلاف :متى حسيت انك فعلا تحبني !
ابتسم هزاع من عمق السوال :من وقت سويتي لي الجرح وانا من ووقتها غرقان حب !
ابتسمت بخجل ميلاف وصدت تشرب الشاهي وكملو السواليف لطيفه
—بيت راكان —
ناظره معصب وهو فعلا مايعرف كيف قدر يجيبه معه للبيت من جنونه اللي شافه يعيونه وقت ناشافها واقف برا
ناظره راكان :اذ هديت علمني عشان اشرح لك !
سلطان بعصبيه : صاحي انتت وش تفهمني فيه تفهمني انك مزيف موتك وملخينا شهرين نحاول فيها نرجع للحياه عشان نكمل بدونك ولا اقولك اتركنا احنا ديم مافكرت فيها قبل تسوي جنونك هذا فكر ولا مافكرت !
راكان :اذ بتجلس تحكم من نفسك قوم اطلع واتركني !
سلطان جلس :لا بتفهمني وياليت يكون بس عندك سبب عشان يشفع لك !
راكان تنهد :قبل سنوات وتحديد ايام كنت في الجامعه تعرفت على سياف وصرت صديقه الصدوق وصرنا نطلع ونروح ونجي وكنت مخبي عليك لني عارف انك بترفض هالصداقه وبتسوي كل شي لجل تنهيها وبليله من الايام اللي كنت اطلع معه فيها اكتشفت فيها انه خراب بيوت يخطف الاطفال ويخليهم يشتغلون بتنظيف الاسلحه الغير مصرح لها وقتها لما عرفت على طول قطعت العلاقه وهو عرف اني اعرف وصار يهددني واي شي يسويه وقتها حلفت اني اخرب كل شي وكذا مره حاولت اني ابلغ عليه بس ماكنت اقدر امسك على شي بكل مره كان ينمسك يطلع منها بطريقه عجيبه يطلع منها وبعدها بس كنت اخرب اعماله وامسكها عليه كلها شفت هذيك المستندات
لف نظره لها سلطان ورجع يناظر راكان وكمل : اقدر الحين اسلمها كلها وتدين له بسجن طول عمره باقي صفقه وحده بتصير بكره اذ مسكتها عليه بتكون انتهت قصه سياف اللابد
سكت سلطان ثواني ورفع نظره له :تعرف راجح بن ****
راكان :ايه احد رجال سياف ليه تسال !
ناظره سلطان : جاني وبلغني بكل اعمال سياف وانه يبي ينتقم من ديم عشانها رفضت تجيب لها هالمستندات اللي معك وناوي يخطفها
—اليوم الثاني الصباح —
قام من نومه على اتصال من سلطان التفت يشوف راما نايمه طلع برا الغرفه يرد عليه :يالله صباح خير !
ضحك سلطان :ادري صحيتك قبل دوامك بس جاي اخذك احتاجه في موضوع مهم !
عامر :زين انتظرك !
ماسال كثير عامر وهو من عوايده مايسال كثير نص ساعه وصصل سلطان وطلع له عامر يشوف ثنيان معه بنفس السياره ركب عامر : يالله صباح خير انت وياه علامكم من الصباح ؟
ثنيان :اسال هذا اللي مصحيني قبل الدوام !
ضحك سلطان : تكفي لاتسالني نشف حلقي بالاسئله ؟
ثنيان: اكيد بسالك واللي فيه شخص يصحينا قبل الدوام والساعه ٦ الفجر يقول باخذكم مشوار ووتبينا مانسال !
ناظره عامر ثواني : ولد ليكون مزعل اختنا !
ثنيان :اعقب وانا ولد محمد ماتسويها !
سلطان : بسم الله انت وياه اختكم في بيتكم نايمه ولا في شي بيناا احنا زي السمن على العسل وبعدين لنفترض في شي صاحي اجي اكلمكم عشان تكفرون فيني !
ثنيان :اي عشان تعرف ان وراها اخوان !
سلطان :ماعلينا المكان اللي بوديكم ل شخص بس قبل كل شي ابيكم تتحكمون في مشاعركم وأفعالكم وغضبكم ولا تستعجلون على شي لين تفهمون الموضوع زين اتمنى انكم تتفهمون وضعه ولا تتصرفون بتسرعه مثلي !
سكتو عامر وثنيان وهز وراسه عامر :الله يستر منك انت بس !
—عند ديم —
صحت الصباح بدري تقوم تاخذ الايباد تخلص كم شغله وترد على استفسارات قانونيه بشغلها بحكم انها محاميه رفعت راسها تناظر العصافير متجمعه على الشباك تقوم تسوي قهوتها بكوبه ابتمست بحزن وتنهدت تسوي قهوتها تتنزل لتحت تشوف الخدم جهزو فطورها تجلس تفطر
رفعت نظرها تشوف حوالها يدق ترد :خيررر وش هالخيانه !
ضحكت ديم : اذني يحرم اهلك !
نجود : قسم بالله حقيره تركتنا ورحتي المزرعه !
ميلاف: والله ديمو مالك داعي ليه مااخذتنا طفش نغير جو
شهقت نجود :يانصابه طفشانه وانتي من امس مع حبيب القلب تطالعين وومن صحيتي وانتي تكلمنيه اني اللي احس في الطفش مو انتي ؟
ضحكت دين من منقارتهم :الحين بفهم لين ناشبين لي باخذ راحتي ومساحتي الشخصيه !
نجود بسخريه : الله واكبر والمساحه اللي لقيتها في المزرعه !
ديم : الصراحه ايه في البيت ناشبين لي حتى في احلامي !
ميلاف :ننشب ليه ماننشب في غيرك مانتهم فيه !
نجود :خليه منها ذي بس تقول كلام غزل خربها هزاع متى راجعه؟
ديم : بكره راجعه انشاء الله !
سكرت منهم من سمعت مناقرتهم اللي بدت تزيد تقفل بوجهمم تكمل فطورها
—-مطار حايل —-
جالسه هي وامها بالانتظار للطياره تنهد وهي تذكر اخر روحه لها للرياض مع ابوها واليوم رايحه من امها بدون ابوها تنهدت بحزن تسمع امها تكلم عمر اللي بيستقبلهم من المطار قفلت تلف لها امها :اخوك بياخذنا !
هزت راسها :زين خليه يسوي شي زين بحياته !
مشاعل :انوار ارحمي اخوك شوي !
انوار :ماما ماقلت شي بس هو الفتره الاخيره صاير غثيث بشكل !
مشاعل :اخوك وتحمليه زادت عليه المسووليه بعد وفاه ابوك !
هزت راسها بتسليك انوار تننهد وتسمع ندا الطياره تأخذ اغراضها تتوجه للبوابه
—بيت راكان —
رجع من المسجد يجلس بالحديقه يتامل الشروق وهو مبتسم يعرفها تحب الشروق وساعات الفجر الاولى تنهد من ارسل له سلطان انه جاي مع عامر وثنيان مايعرف وش بتكون ردت فعلهم بس متاكد ان الاثنين هذول بيقفون معه وبيسهلون له الطريق كامل شاف عاصم داخل وقف يتجه له :كل شي جاهز؟
هز راسه عاصم :اي كل شي مثل ماتبي وافضل ؟
هز راسه راكان يدخل داخل يتوجه لغرفته بيدل لبسه بثوب رسمي وشماغ ابيض ينسفه بنسفته المعتاده وياخذ العود يحطه في اماكن النبض واخذ عطره المميز يرش منه وتنهد يطلع يتوجه لمكتبه الكبير يدخل يشم ريحه العود والقهوه السعودية تفوح بالمكان تنهد يتوجه للشباك يناظر الشارع وينتظرهم
برا عند سياره سلطان وصل ونزلو كلهم وناظرو عامر وثنيان البيت او بالاصح القصر اللي يدل ان راعيه شخص كبير وله مكانته واسمه ناظروه وناظرهم سلطان :ادخلو يلا !
دخلو من شافو عاصم في استقبالهم ثنيان عرفه بس عامر ماعرفه :عاصم وش تسوي هنا !
عامر :تعرفه ؟
ثنيان :هذا اليد اليمين ل راكان.
لف عامر لسلطان :وش السالفه ؟
سلطان : ادخلو لجل تفهمون السالفه !
عاصم :حياكم طويل العمر ينتظركم في مكتبه !
مشو خلفه يناظرون البيت وتصميمه الفريد والملكه دخلو المكتب يناطرو الشخص اللي معطيهم ظهره يناظر الشباك
سلطان :اجلسو !
عامر: شلون نجلس وهم مارحب فينا !
ثنيان : متاكد انه يسمع لنه ماكلف على نفسه يلف ويشوفنا حتى !
شد على يده راكان من سمع كلامهم واخذ نفسه يلف نفسه لهم وناظرهم وشاف الصدمه بعيونهم وجمدت وجيهمم من شافون حي قدامه عامر بذهول :راكان !!!
ثنيان :شفيك راكان ميت هذا اكيد يشبه له صاحب انت !
راكان تقدم يجلس قدامهم على مكتبه :لا انا قدامكم حي ارزق لاني ميت ولاني اشبه احد !
ثنيان بغضب الارض اجتمع بوجهه :صاحي انت صاحي ولا مجنون وش اللي جالس يصير لعبه احنا !
لف ثنيان على سلطان :وانت من متى تعرف انشاء الله وجايبن له بعدد !
سلطان : ثنيان اهدا وتراني زيكم امس عرفت واليوم جبتكم لجل تسمعون كل شي وتعرفون الموضوع !
عامر : اي موضوع نفهم نفهم انه زيف موته ولعب علينا عشان وش عشان نجش نشوف بالمكان هذا والبيت هذا !! ثنيان : شهرين ياظالم شهرين واحنا نداري نفسيه امك وابوك وجدك شهرين واحنا نحاول نتعايش ونعيش مع موتك واخر شي انت هنا نايم في العسل ؟
عامر : بالله انت احد يهممك يوم تسوي هالحركات الغبيه يهمونك اهلك جاوبني!!!
ثنيان :واضح يهمونه لدرجه انه ساكن في قصر في افخم حي في الرياض وشوف مكتبه وجلسته واضح يهمونك !!!
وقف راكان بناظرهم بعصبيه :خلصتو حكمتو من انفسكممم خلصتو كلامكم وظنونكم خلصتووو ياعماني خلصتووو لاتخافون عبالكم اني فرحان وسعيد والضحكه تشق وجهي لا احب اقولكم اني عشت معاناه طويل وصعبه لجل اوصل اللي ابيه !
قاطعه ثنيان بسخريه : وش اللي حصل عشان تعيش هالمعاناة !
راكان تنهد بصعوبه والتفت لهم سلطان :ثنيان عامر اجلسو وافهمو كل شي زين راكان عند الشي اللي يخليكم تفهمون وتعرفون هو ليه سوا كذا ماهو عشان يحصل اللي هى فيه
عامر : نجلس ونفهم بس اتمني في شي يشفع لفعلتك هاذي اتمنى !
جلسو ثنيان وعامر وسلطان وجلس يناظرهم راكان وتكلم يترسل لهم ايش حصل مع في الشهرين اللي فاتت مع سياف وافعاله حتى عمر وتعامل مع سياف
—سياف ورجاله —-
في ساحه حوش بيته ورجاله منتشرين بكل مكان وصناديق الاسلحه قدامه :تاكدو من كلشي زين !
هز راسه احد رجاله : كل شي جاهز !
سياف : السيارات بتطلع بليل الساعه ٢ من المصنع خذو هاذي ودوها المصنع مع الباقي انتبهو زين ولا تخرب او تنقص وحده بس تفهم انت !
هز راسه احد رجاله واخذ مجموعه معه من رجال اختارهم سياف بنفس ومن ضمنهم سامي من بينهم التفت سياف يناظر راجح الجاي له : وش تبي انت !
راجح : ابي حقي ؟
سياف ضحك : اي حق واي بيطيخ ماعندي لك شي ادلف برا !
راجح :ماراح اطلع لين حقي يكون معي !
سياف :اقولك ماعندي لك شي اذلف برا
اشر لي رجاله ياخذون راجح :خذوه طلعو برا !
راجح : بتندم ياسياف بتندم !
سياف :هدد من هنا لبكره ماتمهني لا انت ولا عشره من امثالك !
طلعو راجح برا ويركب سيارته يحرك بسرعه والتفت ل جواله يشوف سلطان راسه له موقع يجيه له.
—-بيت ال سعد —-
صحت حلا وهي فعلا تحس ماهي قادره تتحمل اكثر من كذا كلمت الياس يجيً ياخذها نزلت تحت تشوف امها جالسه وابوها وجدتها منيره وقفت من شافت وجهاا وعرفت منيره انها على وجهه ولاده: امي حلا شفيك !
حلا بتعبت : ماما خلاص وصلت حدي الطلق معي من الصباح !
وقفت الجده : وجهكك وجه ولاده من امس وانا حاسه دقيتي على زوجك يجي !
هزت راسها حلا ونزلت فوز وليال نزلو يساعدونها وطلعت منيره تلبس لجل يروحون المستشفى والجده توصي حلا وتقرا عليها وتدعي لها
برا الياس اللي وصل وشاف جسار وعلي احمد برا واقفين نزل بسرعه يركض لهم :وين حلا
جسار :بسم الله علامك انت حلا داخل !
احمد :ولد وش صااير شفيك جاي طاير وتركض !
الياس بحماس وخوف عليهم : رايح اصير ابوي
ركض يتركهم خلفه ولفو يناظرون بعض وصرخ علي : بنصييرر خوال
ركضو خلفه يدخلون البيت يشوفون حلا طالعه مع الياس واضح تعبانه ركبوها السياره مع الياس تلحقهم منيره والبنات خلفهم بسياره علي
—عند راكان —-
سكتت يناظرهم من سكتو بعد ماشرح لهم كل شي وعن الموضوع كامل لف عليه عامر :حتى لو ماكان مفروض تسوي اللي سويته !
راكان : فاهم عليك ياعامر بس ماكان بيدي الا هذا الحل سياف مكان يسوي شي لنه عارف اني اصيد عليه كل شي يسويه واخربه والحل الاخيره مع انه يتخلص مني وانا عطيته اللي يبي عشان اكمل انا شغلي !
عامر : فاهم وعارف بس على الاقل كان قلت لنا واحنا بنوقف مع مابنوقف ضدك !
سلطان : احنا مراقبين من قبل سياف طول الشهر اللي فات عشان كذا راكان مكان يقدر يقول لنا ؟
عامر : طيب حنا فهمنا الموضوع وتقبلنا وضعك اهلك بيفهون !
تنهد راكان : زي مانتو بنفسكم فهمتو وضعي هم بيفهموني وبيعذروني صدقني !
لف راكان يشوف ثنيان يناظره وناظره راكان بيتسم ولف ثنيان ياخذ علبه المناديل يرميها عليه :لاتجلس تبتسم لي تدري وش ودي الحين اخليك تعض الارض على افعالك الغبيه !
راكان ضحك من قلب وابتسم عاصم يشوف ضحكته اللي من زمان ماضحك زيها وضحك عامر :لاتخاف بيجيه احلا تكفيخ من اخوانه وجدته !
سلطان ناظر راكان : وبيجه تكفيخ من نوع اخر كمان
فهم عليه راكان وتنهد ولف من تكلم ثينان : طيب وش المطلوب مننا ؟
راكان ناظر بعاصم :عاصم اشرح لهم كل شي !
عاصم تقدم لهم : اللي عليكم تجمعون كل العايله في مكان واحد ولا على الاقل تكون العايله بحمايه عشان تتفادى اي حدث يصير وانا وسطان والفريق سطام بنكون بمكان التسلم مع رجالنا وبنشوف التسلم ونقبض عليهم بالوقت المحدد !
سلطان : مكان التسلم عرفتوه ؟
هز راسه عاصم : المكان ***
تغيرت ملامح وجه راكان وسلطان :المكان قريب من المزرعه ؟
ولف سلطان : المزرعه ديم فيها
راكان :وش تسوي فيها ديم !
سلطان :راحت تبي ترتاح شوي بعيد عن مشاكل الشغل وترتاح نفسيتها شوي !
راكان : عاصم ارسل حمايه للمزرعه وخلهم ينتبهون زين !
هز راسه عاصم :سم
طلع عاصم يتتركم بعد ماشرح لهم كل شي : وانت ليكون بتجلس هنا تتفرج علينا ؟
ابتسم راكان: شهرين مختفي عن العالم بس عشان اامسكه وتبي افوت هاذي اللحظه بكون موجود معهم !
دق جوال ثينان : امي تدق ابلعها واسكت ؟
رد :سمي
وصايف :وينك ياامي تعال بنت اخوك تولد!
ابتسم ثينان : مشاء الله بتصير ام خالد رسمي ؟
سكر منها يلف يم راكان : بتصير خال خالد !
ابتسم عامر وراكان : الله يتتم على خيرر ويسهل ياررب
وقف عامر : نمشي
وقف راكان يناظرهم وناظره عامر يتوجه له يضممهه بقوه :لو انك حرقت قلوبنا بفعلتك هاذي بس رجعت لنا وانت بخير وعافيه !
ابتسم راكان وضمه بقوه وهو كان محتاج حضن احد من اهله يتسند عليه ويشد عزومه لجل يكمل اخر شي له وبعدها يروي ضما روحه بشوفه اهله وشوفتها هي
-المزرعه عند ديم -
جالسه هي شموخ برا تناظر المكان بمدا شوفها وابتسمت من شافت ودت فعل شموخ على موضوعها :ديممم فنانه منجدك بتسوينها ؟
هزت وراسها ديم :زي ماشوفين سويت كل شي باقي بس الاسم واللوقو !
شموخ :ديم الريحه خيالل ومميزه بشكل رهيب كيف فكرتي فيها ؟
ديم رفعت كتوفها :مااعرف بس حسيت ابي اسوي عطر يحكي شخصيتي و ويناسبني !
شموخ :وش قررتي اسمه طيب !
ديم تنهد ب ابتسامة: (DR)
شموخ ابتسمت :بتجمعينه معك حتى لو بحرفه !
ديم : لو علي جمعت اسمي باسمه وحياتي بحياته !
شموخ :لهدرجه تحبينه حتى بعد موته !
ديم شتت نظرها :القصه مو قصه احبه وبس تعرفين لما تلقين نفسك بس بشخص ثاني تشوفينه نصفك الثاني تشوفينه امانك وسندك تشوفينه الكل بالرغم من موته الا اني احسه حي وقريب مني بالحيل احس بيطلع وبيكون معي !
تنهد شموخ تشوف لمعه عيون ديم وهي تتككلم عنه : ماقد شفت حب زي حبك له رغم موته الا انك لين الحين تحبينه ؟
ديم :لني ماقد عشت شعور الحب الحقيقي الا معه راكان غمرني بالحب عطاني اللي مالقيته بشخص ثثاني عطاني روحه وقلبه وعيونه عمرك شفتي وحده تصد واحد وهي تعترف له انها تحب غيره بس رغم كله تمسك بحبه لها واعترف لها ولحقها لين مكانها وشافها راكان سواها رغم اني صديته في البدايه وقلت بالمطار روح قلبي مو معك مع شخص ثاني بس برغم هذا كله ماتركني تمسك بحبه لي ولحقني لين لندن وشافني !
شموخ :ماحستي بنفس احساسك مع راكان لما حبيتي عمر ! هزت راسها ديم : اللي عشته مع عمر غير عن اللي حسيته مع راكان عمر عيشني بقلق وخيانه واصلا ماكنت احس بالاحساس اللي حسيته مع راكان راكان فهمني معنى الحب اللي كنت جاهلته مع عمر راكان عوضني عن عمر وعن كل شي صار لي بحياتي !
تنهدت شموخ تشوف دموع ديم وسكتت تغير الموضوع: وش رايك تجين معي نروح لماما نوديها لخالتي ونرجع ؟
هزت راسسها ديم بنفي : لا روحي انتي وتعالي عشان نسهر نع بعض !
قامت شموخ تركب سيارتها واخذت نفس ديم تدخل داخل لغرفتها تجلس فيها تخلي امور البراند العطور واسمه
—المستشفي —
دخلت غرفه الولاده تنقضي الساعات وهي تولد كانو الكل موجودين امتلي المستشفي في ال سعد وال سلمان كلهم متجمعين كلهم طلعت الدكتوره وميلاف معها اللي كانو مع حلا ابتسمت ميلاف تشوف ابوها واخوانها والياس وابوه واقفين ومشعل وعياله :ابشركم ولدت وجاكم خالد بخير وسلامه
ابتسموركلهخ واعتلت التباريك والتهاني لي الياس والفرح ماهي سايعته :كيف حلا !
ميلاف : بخير الحمدالله شوي وتطلع الغرفه تقدرون وقتها تشوفونها
سلمو عليه يباركون له وسلم الياس على ابوه وهو مبسوط انه اخير صار اب بعد مده طويله من الانظار واجمل شي يكون الطفل من حب حياته وطفولته حلا
التفت نوره تشوف راما ومسكتها :ربي يرزقك يابنتي
ابتسم راما :امين ياررب
التغت لهم عامر وثنيان :ياجماعه مدام تطمنا على حلا وهي بخير وعافيه خلو زوجها عندها واحنا نرجع للبيت نتعشي ونكمل الليله !
هز راسه الجد عبد العزيز : اي والعشاء عندي مناسبه قدوم حفيد محمد !
هزو روسهم كلهم معادا منيره اللي رفضت ورفض ثنيان انها تجلس عندها عشان سلامتها لن كلهم سلطان وقال لهم انهم جهازيينن لكل يقبضون عليه
—عمر —
واقف قدام المزرعه يناظرها على مدى بصره واقف يدخن وخلفه رجال سياف اللي معه يساعدونه قرر يحرق اكثر حزء بالمزرعه يحبه الجد عبد العزيز وديم وهو الجزء الخلفي للمزرعه الجزء اللي فيه بيت الطين بيت الجده حشمه بيت الجده حشمه الدفي اللي فيه والحنان اللي فيه يحبونه كثير
لف على رجال سياف يدخن يرمي زقارته ناظرهم : بمشي انا بس اعطيكم اشاره نفذوه واحرقو المكان !
هزو روسهم بتمام يركب سيارته يتركهم
—عند ديم —
كانت طول اليوم بغرفتها تجهزز للبراند رفعت جوالها اللي كان بعيد عنها وشافت الرسايل وان حلا ولدت ابتسمت فرح تترك كل شي بيدها تجهز اغراضها لجل ترجع البيت وتكمل يومها معه جهزت اغراضها تنزلها تحت :حطوها في السياره !
عبد الملك :طال عمرك قبل تروحين في مشكله في بيت الطين حق الجده حشمه رحمه الله عليها !
ديم : ايش هي ياعبد الملك؟
عبد الملك :تسريب مويا بسبب الامطار الاسبوع الجايه تشوفينها والحديقه يبي لها شخص يهتم فيها بدت تذبل واحنا مانعرف لها !
ديم هزت راسها تمشي معه للمكان تشوفه وابتسمت من حنيه المكان شافت فعلا الشتلات ببدت تذبل والتسريب مخرب المكان كله لفت له : روح البيت جيب لي الااغراض كلها انا بحاول اسوي الزرع وازرع الشتلات هاذي قبل امشي !
هز راسه عبد الملك يتوجه للبيت وتوجهت ديم تدخل البيت تناظره بيت الطين اللي عاشو في تحت ذري جدتها وجدتها تحب البيت هذا كثيير رغم انه دورين وصغير جدا الانه تحبههه بشكل يوفق الوصف توجهت تشوف كرسي جدتها اللي محافظ عليه جدها من قبل وفاتها جلست عليه تتامل المزرعه قبالها سرحت تفكر شوي ودقايق وسمعت صوت غريب تحت رفعت نفسها تنادي عبد الملك :عبد الملك نزلوها تحت
ماسعمت صوت وبلمح البصر بدت النار ترتفع وتشتعل في المكان جمد وجهاا من شافت سرعه اشتعال النار بالمكان كله بسرعه البرق صرخت تحاول تطلع في اي طريقه بس ماهي قارده طلعت راسها من الشباك تشوف الحديقه والنخل بدت النار فيه بكل سهوله تشتعل بكل مكان صرخت تحاول تنقذ نفسها من النار ولهيبها وكتمتها بالوقت هذا
—عند راكان وسلطان —-
كانو في المكان من بدري واقفين ينتظرون لحظه وصول سياف ورجاله لجل يتم القبض عليهم تحركو من شافو سياف ورجاله وصلو بالمكان ينزلون يتفرقون وهم كانو اشخاص قليل نزل سياف يشوف هدوء المكان ينتظر الطرف الثاني يجي لجل يسلم الشحنه وياخذ الفلوس ناظره راكان وده بس يقبض عليه ويرتاح ويطلع لهم وتنتهي معاناه شهرين لف بنظره يشوف انوار المزرعه ابتسم وهو قرر يقبض على سياف ويروح لها قبلهم كلهم لها لف من قال سلطان : بتقر عينك فيها ياخوي !
تنهد راكان :الله يجيب العواقب سليمه ياخوك !
سلطان :معليك كل شي بيصير زين وزواجكم صدقين علي كله !
ضحك راكان : بنخسرك على كذا !
سلطان : فداكم فداكم قسم بالله
دقايق وجاهم الفريق سطام : بنبدا الان الشخص الثاني وصل.
هز راسه راكان ونزل سلطان يوجه كلامه ل راكان : انتبه نتزل انتبه لين ننتهي !
هز راسه راكان ونزلو يتحهزون ودقايق وهم حاصرو سياف ورحاله : لاتتحرك انت وياه نزل اللي بيدك
تقدم سلطان ل سياف : اهلا من زمان وحنا نبيك تشرفنا !
شد على يده سياف :مو وقتكم ياخي !
سلطان : ليه تبي نستاذنك بالوقت بعد اسكت لااسمع لك صوت !
نزل راكان من السيارره ولف سياف ووضحك بسخريه : كنت عارف انك حقيرر وحي مامت ؟
راكان : شلون تبيني اموت وانت حر طليق !
دقايق ولفو اتجاه المزرعه يشوفون الحريق بدا فيها وضحك سياف بعلو صوته : انت صح نهايتك باقي بس فيه غيرك بينهي !
جمد وجهه راكان وصرخ سلطان : ديممم !!!!
ركض راكان ياخذ السياره يسرعه اتجاه المزرعه ودقايق وصل يشوف عبد الملك يركض برا النزرعه هارب من المكان كله دخل راكان وسلطان وخلفه عاصم وكم شخص من رجال الشرطه : الحقو عبد الملك الحيوان !
ركض راكان اتجاه البيت وصرخ في اسمها وشرت مييري الخايفه من الحريق : ماما ديم داخل !
ركض راكان يوقف يشوف البيت فعلا جالس يحترق دخل بدون مايفكر في اي شي وتجاهل صراخ عاصم وسلطان برا يطلع للدور الثاني بسرععه يشوفها طايح في الارض مغمي عليها من الكتمه والدخان اللي استنشقته قرب منها راكان : ديم تسمعيني !
شالها يطلع ينزل من الدرج وهي تفتح عيونها بخفه تلمح شخص ملامحه مو غريبه عليها ترجع تفقد الوعي من جديد
نزل راكان من الدرج يطيح عليه خشب من فوق يحرق كتفه تجاهله راكان بنرل فيها ويطلع من المكان وتقدم له سلطان من طلع ينزلها على الارض يسمع صوت الاسعاف والدفاع المدني نزلها يسوي لها الانعاش والتنفس ونزلو المسعفين يساعدونه ويحطون لها الأكسجين يركبونها على السرير
وناظره عاصم :روح معها قصه سياف انتهت واللي تبيه صار روح عيش حيااتك وكملها معها واترك الباقي على انا وسلطان !
هز راسه سلطان:روح وطمني عليها وانا بشوف الوضع هنا
هز راسه رااكان يركب سياره الاسعاف يمسك يدها يشد عليها ووهو يشوفهم يسسون شغلهم :لاتتركني مو الحين مو الحين ديم !
—المستشفي عند الياس —
دخل يشوف منسدح واضح عليها التعب تقدم منها يقبل جبينها بهدوء : الحمدالله على السلامه ياام خالد !
ابتسمت بتعب : الله يبارك فيك !
لفو من شافو الممرضه دخلت بسرير خالد وابتسمت حلا بهدوء واخذ الياس بحضنه : ارحب ياابوك ارحب ياخالد ياسمي الغالي ارحب !
ابتمست حلا تشوف حب الياس لي ولدها تقدم لها الياس يقدمه له : سمي بالله !
اخذته حلا وابتسمت : ياروحي ياماما اهلا فيك بييناا ياماما نورت الدنيا بجيتك
ابتسم الياس يجلس جنبها ووابتسمو كلهم من ضحك لهم خالد بخفه : ياروحييي قلبيي والله
ابتسم الياس من منظرهم ولده وزوجته حبيبته وحياته وبينهم ولدهم !
—بيت ال سلمان —
جالسين كلهم حوالين بعض مبسوطين بخبر ولاده حلا وبيبي خالد : وصرت جد يامشعل
ضحك خالد:صرنا جدانا من زمان !
مشعل : عاد تصدقون شعور اني اصير جد بكل مره حلو !
نايف :اجل حنا محرمين من الشعور هذا !
عبد الرحمن : زوج هزاع وميلاف ويجبون له حفيد !
ضحك نايف :مافي زوج الحين بعدين !
هزاع :حرام عليك عمي تراني بخطفها لو طولت شوي وتاخرنا بالزواج !
ضحك منيف :انتبه بس تفكر تخطفها ترانا بنلحقكم !
احمد :هزاع يويلك اخذت وحده اخوانها يلاحقونك حتى في الاحلام !
ناصر : ياولد اهجد عنا بس اتركنا ناشب لنا بكل شي !
ضحكو كلهم من بدت منقارات العيال وزهو روسهم الجدان من منقارتهم وضحكهم العالي
—- الحريم ——
شعورهم مكان اقل من شعور العيال مبسوطين ببعض خصوصا منيره والبنات صارو خالات اول مره
فوز : يبنات وربي متحمس لخالد بشكل !
ميلاف : تكفين مااتحملت اول ماشفتهه بنهارر !
ليال : ميلاف انقلعي ياحماره !
نجود :حماره ديم ماترد ابي اشوف وينها مختفيه !
ابتهال قامت من عندهم من حست بشي من قالت نجود انها ماردت اتصلت عليها كذا مره ماردتت ابدد دقت على ميري : ميري ديم وين ؟
ميري اللي تبكي : ماما ديم يجلس في بيت ماما حسمه يحترق !
ابتهال : ايشششش تقولين انتتت!!!!!!!!!!!
ميري :والله ماما يحترق هذا يحي شخص مع مستر سلطان يتاخذ ديم بسياره اسعاف؟؟
سكرت ابتهال تتصل على سلطان : سلطان شفيها ديم حريق ايشش ؟
سلطان : اهدي مافيه شي ديم بخير وراحت المستشفى مع راكان
ابتهاال :راكان ميننن !!!!!!
سلطان تنهد :ابتهال لاتسالين كثير راكان عايش وبتفهمين كل شي بعدين !
ابتهال : طيب المزرعه ايش صار فيها ؟
سلطان بحرن : النخل والزرعة كله راح وبيت امي بعد ؟
ابتهال بصدمه ؛ بيت ماما !
هز راسه سلطان :ايه راح لحقنا على الجزء الخلفي اللي كانت فيه ديم بس !
سكر منها سلطات وتوجهت ابتهال تلبس العبايه تتوجع لقسم الرجال من شافت ابوها واخوها وعيالهم حالسين تقدم تنادي منيف والعيال ناصر وسلمان : وش جابك هنا انتي ؟
دمعت عيون ابتهال : بقولكم شي بس لاتخافون !
ناصر :وش صاير ابتهال !
ابتهال : المزرعه احترقت بيت ماما احترق والنخل والزرع !
جمدت وجيهم بصدمه وخوف وتقدم لها منيف : وش عرفك وديم ووينها صارر شي !
ابتهال : سلطان بلغني بكل شي وديم كانت في بيت ماما بس انقذوها وهي بالمستشفى مع راكان
ناصر وسلمان :اي راكان ؟؟؟
ابتهال :راكان عايش طلع وهو اللي انقدها واخذها
تركهم منيف يركض لسيارته وركب ناصر وسلمان كله وواحد فيهم سيارته ينطلقون للمستشفي عند اختهم طلعو الرجال كلهم من شافوهم ركض يطلعون بسيارتهم وقف عبد العزيز قدام ابتهال : وش صاير !
ابتهال : بابا ديم بالمستشفى!
تقدم نايف لها بخوف : وش صاير بنتي تكلمي وش فيها ديم انا مكلمها بخير وعافيه !
ابتهال : هي بخير ومع شخص ضننينا انه ميت بس طلع حي والنزرعه احترقت يابيبه بيت امي احترق وديم كانت فيه
طاح علهم الجد من قوه الصدمه يسمك مشعل والجد محمد :اهد ياعبدالعزيز اهدا !
ركضو العيال يلحقون نايف اللي ركض يركب سيارته يسرع اتجاه المستشغي وبقي عامر وثنيان اللي ماقدرو يتركون البيت لحاله والحريم وهم مايدرون وش اللي صار وهل سياف انمسك او باقي
—المستشفى—
راكان اللي واقف عند الباب يشوفها منسدحه وبيدها المغذي والاكسجين سمع صوت الممرضه :هي شوي وتصحي وترتاح انت خلهم يشوفون جرحك
هز راسه راكان يروح معها لجل الجرح اللي بكتفه
دخلو العيال المستشفي يسالون عنها عطهم رقم الغرفه يتوجهون لها طلعت الممرضه بوجيهم :المريضه نايمه اتركوها ترتاح اذ صحت نبلغكم!
منيف :كيف جاها شي ؟
الممرضه :هي الحمدالله بخير مجرد كتمه ونقص أكسجين من النار واما اللي معه جته اصابه في كتفه والحين يعالجها داخل !
لف عليه ناصر : الحين صدق اللي قالته ابتهال راكان عايش !
هز راسه منيف : ايه عايش وانا اعرف من زمان !
سلمان :صاحينن انتو احنا دفناه شلون بيعيش ؟
منيف :عايش واذ تبي تتاكد روح شوفه داخل عندهم تراه عايش من زمان اللي صليتو عليه ودفنتوه تراه عامل ماعنده احد وكسبنا فيه اجر صلينا عليه وغسلناه !
سلمان مسك راسه : لالا مو صاحين انتو اكيد فيكم شي ؟
جوهم نايف والجدان والعيال كلهم نايف : اختكم وين !!
منيف :اهدا يبه ديم بخير ومافيها شي بس نقص أكسجين ووالحين نايمه بس تصحي بندخل عليها !
سكت نايف وتنهد براحه :اي سالفه المزرعه وش حصل ؟
الجد عبد العزيز :راح كل شي راح بيت الغاليه راح !
مشعل :استهدي بالله ياعمي ماراح شي باذن الله كل شي يتعوض !
الجد محمد :ادري انه يعني لك الكثير بس معليك تتعوض كل شب يتعوض !
هز راسه بنفي الجد عبد العزيز :شلون اعوضه وهو فيه ريحه الغاليه اللي حرقه عارف اني متعلق فيه انا وديم لجل كذا حرمني منه !!
جاهم سلطان وعاصم :كيف ديم !
نايف : بخير الحمدالله
عبد العزيز : وش حاصل ياسلطان المزرعه وراحت ؟
سلطان تقدم لي ابوه : يبه لاتخاف المزروعه ماهي كلها راحت وبيت الغاليه قدرنا ننقذ الجزء اللي فوق واللي كانت ديم فيه !
خالد :سلطان ديم كيف راحت له وايش اللي حصل !
جلسو كلهم يعلمهم سلطان بكل شي حتى في عبد الملك :خسيس عبد الملك هذا وابوي مكرمه ومعطيه اللي يبي اخر شي يطلع معهم !
سلطان : هو اللي خلا ديم تروح للمكان وهي كانت بترجع لنا بس مسكها وجابها ويوم شافنا جينا هرب ومسكناه !
انسحب من عندهن منيف يتوجه لراكان يشوفه واقف بعيد
منيف :امش وقول لهم كل شي واترك الباقي.
راكان :تدري طول الفتره انتظر بس امسك سياف ومسكته عشان اقولهم وارتاح بس الحين اخاف اتعبهم زياده !
منيف :ماراح تتعبهم امش معي !
مشي معه راكان بتوجه لهم وقف جنبه منيف وقال بصوته الجهوري : السلام عليكم !
لفو كلهم وجمدت وجيهم يشوفونه قدامهم بكامل صحيته وعافيته مسك راسه مشعل بصدمه واخوانه المصدومين تقدم منه علي يمسك وجهه بيدينه :دقيقه انت حقيقه ولا خيال ؟
راكان :حقيقه وادري وش اللي تفكرون فيه بس قبل كل شي وقبل حتى تحكمون خلوني اوقولكم اللي عندي بعدين قولو اللي تبون !
اللي الملتقى 🤎
نكمل بعد العيد باذن الله 🤎🤎