»«»«»«»«»«»«»«»«»
ﻧــبـدئ ﷽
مـلاڪي الطـاهـر
بقلمي أنا: نرجسَ🤍✨
لاتنسـون التـصويت+و التعليق بين الفقرات +و متابعه حسابي
-گثرن خَسارات العُمر و اولهَن
الحَيل .
.
.....................
ڪِنّاز
ضربت گتف كُميّل من كدرنا نحدد
موقعهاا،
طلعنا مع دوريه كامله مال شرطه
و اتجهنه قبلهم للمكان،
امشي و ادعي نلكاها بخير ما صايبها شيء،
مسحت وجهي من عبرنا كم منطقه و ما بقى شيء على
المكان المطلوب،
وصلنا لمكان كلش قديم، بيت ما اعرف مخزن مدري شني تركيبته،
نزلني اني و كُميّل و عدنا اسلحه
مرخصه و وگفنا يم بابا الدخول
اجينا نفتح الباب و ما أنشوف الا
عـلي الدُر دافر الباب و دخل گدامي
باوعت على شـاهين بصدمه
و شـاهين دخل وراهم و اني ضليت
صـافن
هزيت أيدي و دخلت وراهم،
شفـت مجموعه زلمه مگومه كدامي،
ڪِنّاز: همزين طبيت وراهم و لا تجيني دفره تايهيه ضربه
ضلينا نفتر حتى فتحنه باب غرفه
نصدمت من شكله كلها ادوات تعذيب و الدم مالي المكان،
طلعنا و احنا متجهين للغرفه البصفها و اني ادعي نلگاها بيها
دفعو الباب و دخلو بسرعه من شافو الباب مفتوح،
أندور عليها بالغرفه و اني اباوع لـ كُميّل يلتفت مثل المخبل،
اجت عيني على زاويه و فتحت عيوني بصدمه من شفته حاضنه
طفل بحضنه و تهلوس و تفر برأسها
مثل المخبله،
ڪِنّاز: كُميّل
التفت كُميّل على أثر صوتي و اني أشرت أتجاه ڪِرسـتال،
هو من شافها رڪض أتجاهها يريد يلزمها و هي مو بعالمه تسولف ويا
الطفل تقربت اريد اشوف ملامح
الطفل،
زادت صدمتي من شفت الطفل منو
و الرصاصة متوسطه براسه،
هزيت رأسي بأسف و اني ادور وجهي عن حال أخوي التخبل على حالها،
يريد يگومها و هي مچلبه بالطفل و تحجي ويا ما مهتمه لأصواتنا،
باوعلها كُميّل بعجز و شالها هي
و الطفل بحضنهاا،
ركضنا ورا و طلعنا نتفحص المكان
خاف اكو گمين،
بس مالكينه احد و كلهاا منهزمه،
بغد شيسوون بالگمين و همه گتلو
روح أبنيه بأعزاز گلبها و خلوها
تفقد عقلهاا و تهلوس بكلام ما
مفهوم و جسمها ينتفض من
الرهبه الشايفتها،
و صلنا للبيت و اني اشوف جواهر
ترجف و من شافتنه اجتنه تركض
و تصيح ابني انفقد خذوه مني،
نزلت رأسي اني و طلعت من المكان
ما أتحمل منظرها من تشوفه هسه
بحضن ڪِرسـتال يمڪن تتخبل،
خليت رأسي بين رجيله و ايدي
على رأسي
ڪِنّاز: يا ربي شني من مصيبه طاحت على رأسنا، اخخ يا عُـثـمان
لعبتك بالدم و القتل، الله ياخذ حق كل مظلوم انظلم منك،
................
هِييلين
مر أيام و شهور و احنا على نفس
الحاله الصبح اكعد اقره و ارتب البيت و الضهر ابدل و يوصلني
للدوام،
طـول هاي الفتره جان الوضع هادئه، بس اني صرت ما تعجبني
حالة مُجتِبى هلفتره،
يحجي هواي على الجهاز و مشغوله دومه بي و متوتر و كلما
احجي ويا يرد عليه كوه و يطلع،
تصرفاته جاي تحز بداخلي و اضل
دموعي تملي عيوني بس اهز رأسي و اني ارفض الفكرة من رأسي
رجعت من المدرسه و اني متضايقه من نظرات هذا المدرس
و حركاته وياي،
حتى البنات ضلن يشگن بيه و يطلع كلام عليه،
كلما أريد احچي ويا مُجتِبى بهذا
الموضوع ما يصحلي وقت،
دفعت باب الغرفه و شمرت جنطتي على جهة،
و دخلت اغير ملابسي، طلعت شفت الساعه بـ 5 الأربع،
زفرت نفس بتعب من شفته واكف وعاگد حاجبه يباوع للجهاز،
و يكتب سريع،
و كفت گباله و اني اباوعله بلعت ريگي من رفع رأسه و باوعلي،
مُجتِبى: شكو
هِييلين: أريد اكلك شيء
مسح وجهه بيده و طلع
مُجتِبى: غير مره هِييلين هسه مشغول،
باوعتله بغضب و صرخت عليه و هو يباوعلي بصدمه
هِييلين: كاافي بعدين بعدين الى متى بعدين ليششش أنتَ هيچ
صايرر تجاهلنيي صرت استفقدك و أنتَ يميي، شنو الغيرك هيچ
حجيتها بهضمه و اني دموعي غرغرت بعيوني،
درت وجهي و ركضت للغرفه خاف يشوف دموعي و يشوفني مستقتله
عليه،
گعدت على السرير و مسحت دموعي من سمعت خطوات گدامي،
نزلت رأسي و اني أشوف رجليه تتقدم أتجاهي،
رفع رأسي بيده يباوعلي و مقوس
شفايفه بحزن،
نزل نفسه و خله رأسه بحضني، و حضني حيل من خصري،
رجف كلبي من حركته و لا أردايًا
ايدي صارت على رأسه،
مُجتِبى: تعباان اني حيللل تعباان،
هِييلين: سولفلي منين تعبان ليش هيج تضل ساكت
مُجتِبى: لا لا ما تفهمينييي
هِييلين: ليش يروحي لييش ما افهمك
رفع رأسه و باوعلي و عيونه بعيوني رفع ايده مسد على خدي
و اني من حركته ملت رأسي
مُجتِبى: أذا اطلب منچ تعيشين كل عمرچ وياي راح توافقين؟
فتحت عيوني بصدمه و اني ما مصدگه او ما متوقعه سؤاله،
نزلت عيوني بحيره و ايده ترجع
بشعري ليوره أذني،
و اني العب بأصابعي، غمضت عيوني من حسيت على شفايفه لامست خدي، سند جبهته على جبهتي و أصبعه يمسح بخدي،
اجاني صوته التعبان التعب حالي
مُجتِبى: ردي عليه وريح المتوسط
بصدري
فتحت عيوني و اني اشوفه
مغمض عيونه، و يحرك أصبعه
على خدي،
ابتسمت من تذكرت مواقفه الحلوه گبالي،
هزيت رأسي و اني احجي و ابتسامتي ملت وجهي
هِييلين: للموت وياك أني
فتح عيونه بسرعه ما مصدكه،
حضنه و تقرب يبوس بخدي،
و وجهي و اني بوخت من الخجل
مُجتِبى: الحمدلله ربي توقعتچ ترفضيني و تكسريني، الحمدلله ربييي
ادفع بصدره بخجل واني مبتسمه
بخجل،
وخر عني و هو يرفع بوجهي و اني
اباوعله بخجل،
مُجتِبى: اروح فدوه لليخجل اني اررروح فدوه، تعاي بوسه أم الطگه
هِييلين: اععع كافيي وخر عني مو صدكت
ضحك بفرح و اني ضحكت على ضحكته، باوعلي و صفن بوجهي و اني نظراته أتجاهي تخجلني،
مُجتِبى: بله أضحكي أضحكي
هِييلين: هاا
مُجتِبى: اضحكي اشبيچ شو اضحكي
باوعتله و اجتني الضحكه رئسًا
هِييلين: هههههههه يلا ضحكت
مُجتِبى: هاي ليش هيج عيونج تضيع فدوه لخدود، شو تعاي ابوس ابوس
باوعتله بصدمه و دفعته من صدره
و اني احس حراره تطلع من وجهي،
طلعت للمطبخ و اني اسمع ضحكته،
أبتسمت بخجل و اني ودي ادفر الحايط من الفرح،
خلصت اليوم كله و اني اباوعله شلون يشتغل حتى ضل يحجي وياي احسن من ذيج الايام المرت
،
خلصنا العشاء و اني ركضت للفراش
تعبانه، اريد انام، شويه و حسيت
بجسمه ينزل على السرير،
انسحبت من خصري و توسطت
حضنه رفعت رأسي اباوعله بصدمه
من حرگته
هِييلين: ش شسوي اشبيك
مُجتِبى: اشش خل أنام
هِييلين: متنام منو يمك بس هدني
مُجتِبى: اشششش
سكتت عنه من شفته مُصر يخليني
بحضنه، أستسلمت و خليت رأسي
على صدره و أني صافنه اريد احجي ويا بخصوص موضوع
المدرس،
غفيت بحضنه و اني احس بالأمان ويا،
گعدت الصبح و اني اباوع لمكانه ما موجود طفرت من أفراشي و دورت
عليه ما لكيته ركضت على المبايل
طلعت رقمه اتصل عليه و اني
ايدي ترجف بخوف،
اتصلت مره مرتين تلاثه ماكو جهاز
ما يرد عليه رجف كلبي و اني اشوفه يرن و ما يرد عليه،
بلعت ريگي و اني افتر مثل المخبله
اريده يرررد علييهه ماكوو،
مر نص يوم و اني حتى للمدرسه ما رحت أيدي على رأسي و اني بالي
يمه،
شويه و سمعت صوت سيارته گدام البيت،
عفت كلشي و ركضت و اني احس
الباب صار بعيد عني،
انفتح و دخل مُجتِبى حالته هزتني
ملابسه متربه و منزل رأسه و يمشي، وصل يمي و اني گلبي هزني مثل العلمني بالخبر الصاعق،
رفع رأسه و عيونه حمر دم،
مُجتِبى: هِييلين
حجيت بسرعه و اني اهز برأسي
هِييلين: أذا شيء يكسرني و يهد حيلي لا تحجي ما اريد اعرف
حضني على صدره و اني ارجف
مثل السعفه بحضنه
مُجتِبى: صار وكت رجعتنا للبصره،
باوعتله و أبلع بريگي
هِييلين: گلبي يگلي اذا رجعتي راح تموتين اني هيچ احس
دار وجهه عني ما يريد يخلي عينه
بعيونه،
ركضت غيرت ملابسي و صعدت ويا بالسياره،
مشت السياره و اني كل ثانيه تمر
ادور وجهي عليه،
ملامح واجهه اكدتلي بشعوري،
حضنتي اديه لصدري و اني عيوني على الطريق،
مرت ساعات و اني ساكته و ما نطقت بأي كلمه و لا طلبت اي شيء و هو على طول الطريق
ساكت،
باوعت للافته و قريت أسم البصره
گدامي،
نزلت دموعي و اني ما أعرف السبب بس گلبي يأذيني هذا الأحسه اني،
دخلنا بفرع و وكفت السياره گدام
بيت منصوب چادر گدامه،
صدري يصعد و ينزل و اني اباوعله و هو ايده ترجف،
اجه نزلني و مشينا أتجاه البيت أمشي و اني مثل المخبله التفتت
دخلنا ليجوه و شفت گدامي اختي
اي كِرستال اختي،
ڪاعده و صافنه بفراغ و تهلوس
بگلام ما مفهوم و ادور بوجها
مثل المخبله اجيت اركض الها
بس تراجعت ليوره و اني اشوف
نسوان لابسه اسود و امي جواهر
كاعده
و وجهه كله اثار ضرب، نزلت
عيوني لتابوت صاير گدامي و اني
صرخت من شفت عزيز گلبي
بي
هِييلين: لااااا لا لا لا نوووح لاا
ركضت اله و اريد الزمه بس ما خلوني اشوفه،
صرت اصرخ بديهم اريدهم يعوفوني اريده اريده،
كُميّل: أتركوووها
ركضت اله و اني ارفع برأسه وجهه أزرك و بي أثار ضررب
على وجهه، رفعت رأسه
و فتحت عيوني بصدمه من
شفت أثر طلقة برأسه،
نزلت بحضني و اني ارچف اريد
احجي و انعگد الساني،
أحس شيء نزل على عيوني و فقدت وراها،
-تعبك مو بوجهي بگلبي خله اثار .
..........................
ڪِرسـتال
: أخخخخخ يمههه ساعديني راح اموووت من الوجععع ولج يمهههه،
: الله ينتقم منكم يا أنجاس يا حقراء ربي ياخذ حقنا منكم و يعيشكم بخووووف،
: ولكممم أنتم بشرررر، حتى الحيوانات ما توصل القذارتكم هايي،
: دم دم هذاا دم، ساعديني فدوه ساعديني راح اموت، خلصيني منهم ما اريد اموت امي ما عندها
غيري و مريضه، فدوه ساعديني
اللللهههي من لي غيرررك، طلعني من هلمستنقع ماضل لا صبر و لا حيل
حتى اشوف هاي المشاهد،
أختبارك صعب،
نزلت راسي و شفتي ترجف من الاصوات الاسمعها و المشاهد الجاي
أشوفها،
بس كل شيء شفته و كل شيء أذاني بس هلمره المشهد الشفته
أذاني حيل،
هلمره الشفته خلاني افقد عقلي، هذا واحد من الايام المرت بعذابي هنا بس اليوم چان من اتعس ايام حياتي أذا چان عندي أمل اطلع
و اني ما متأذيه هسه هذا الأمل
كله تسرب من الشفته،
ضليت صافنه على المنظر الگدامي و جسمي يرچف من المناظر الشفتها،
باوعتله و النفس گوه أتنفسه أحچي و بصوتي رچفه و شهگهه
: طفله طفله هاي شلون أنطاك كلبك هيچ تسوي بيها
: لا لا بعدچ ما شايفه شيء، تونه بدينا خل نبلش بالبقيه و أشوفچ شلون يكدر كلبي يسوي كلشي
ضل يضحك هو و اليمه و الأبنيه تنازع من الألم، و الدماء تنزل منها شلون گدرو يتقربولها و هي طفله ما يجاوز عمرها الـ 7 سنين أباوع لأمها شلون تلوب و هي لازمه أبنها الصغير، و أباوع لچثت أبوها شلون لاعبين بيه لعب و فاصلين راسه عن جسمه.
فزيت على صرخت الأم من أخذو منها أبنها و هو شايله من أيده و يفر بي، طفل صغير توه متعلم يكعد و يزحف، صرخت بي بس حتى يعوفه فرفح الطفل بيده و هو لازمه يعت بيه عت
: لك يا حيوان يا ماتخاف ربك اترگ الطفل، شايف نفسك زلمه و تستقوي على النسوان و الأطفال، خاب بس فگ قيدي اذا ما لزمتك و نسيتك منو أنتَ ما أطلع بنت فاروق
: اششش أنچبي خل نسلى،
: شايفه يا حلوه لو بيدي چان عرفت شسويلچ
كالها و غمزلي بطريقه مقرفه، تفلت عليهم و اني أحچي بحرگت گلب
: أترگه لك حيوان
ضحك و باوع لصاحبه و غمزله
: مو صارر هسه اترگه لخاطر هلعيون
ما أشوف اله لزمه من ايده فره يمنى و يسرى و تركه، طاح الطفل من أيده بالگاع و صوت شهگته زرفت طبلت أذني و أذت گلبي، و صرخت أمه لحد اليوم ما ناسيتها، تريد تروحله و هذوله الگلاب لازمينها و يتلمسون بجسمها،
اباوع على الطفل بعد ما أتحرگ و الدم ينزل من رأسه بسبب الأرضيه الي هيه عباره عن صخور، كلبي نغزني من شفته شاله و يحرك برأسه يمنى و يسرى، و بعدها ضحگ و ملامحه ملامح الشيطان
: ههههههه ولك هذا ماات
: لااا ما تسلينه بيه
: و اذا هسه نتسلى
غمضت عيوني و إني اعرف شراح يسوون للطفل شهگت و أدموعي تنزل و اني اسمع اصواتهم، شلون يضحكون و ينحرون بنحر الطفل
تعبت و ضليت أهلوس بگلمات ما
مفهومه و احس اصواتهم وراي،
اضل افتر اذا اسمع صوت او أتخيل
اسمع أصوات،
مرت شهور و اني جسمي ينتفض
من كلشي مر وياي،
لو أسولف منا لباچر على الشفتهه
ما أوصل لـ ربع الألام العشتها،
دم، ذبح، طلقه، قتل، أغتصاب، جروح كلشي بي أذيه شفته
و عقلي تعود على المشاهد بس
أصواتهم چانت وحده كفيله
بفقدان عقلي،
خلص صبري و تعبت ما ضل صبر،
متت و اني على قيد الحياة،
أنفتح الباب و غمضت عيوني اكيد
جايبين غيرهم و يردون يسون
نفس الجرائم السووهن قبل،
بس سرعان ما التفتت على صوت
أعرف رچف گلبي من دخل يبچي
مفرفحه روحه،
صدري يصعد و ينزل ازفر بالنفس
بالقوة أشر بعيوني عليه،
شفته يباوعلي و يلوح بيده عليه
يريد يجيني و همه لازمينه،
اذكرت مشهد الطفل و صرخت بأسمه بقوة أريده اريد اجيبه
يمي،
ڪِرسـتال: نووووووح!!
رچف صوتي و اهتزت روحي و اني اشوفه شلون نزلو و اجاني يركض
حضن رجليه،
احرگ ايدي بهستريه اريد افگ
القيد و اجره لحضني متت عليه،
خلوني اتلوع گدامهم على حضنه
يلا أجو فتحو قيدي،
أول ما فتحت أديه شلت و جريته
الحضني، و هو بحضني و يشهگ
خايف حاضني بأثنين أديه الصغيره بخوف،
و خرت رأسه عن حضني مسحت وجهي و دموع عيونه،
و اني ابوس بوجهه و بعيونه حتى أديه شلتهم و أبوس بيهم،
رجعته لحضني خااايفه عليه حييللل، خاف يأذونه أممووت وراه
اني،
طلعو همه من يمي ساكتين ما نطقو بأي حرف،
نزلته من حضني و احجي ويا اريد افتهم منه شلون جابو بس هو يشهك شهگ و شهگته أدگ بگلبي،
ڪِرسـتال: حبيبي نوح سولفلي
ش شلون جابوك هننه يروحي احجي
أباوعله بخوف و هو يرجف خايف حيل و يتلفت لازمني من أيدي حيل و يجرني عليه يريد يحضني
خايف،
خليته بحضني احجي ويا و هو ما
يجاوبني بس يبجي و يشهگ،
گعدت بالگاع و نومته بحضني و أمسح على رأسه،
باوعلي هو و الدموع ماليه وجهه،
نـوح: لاح أموت(راح اموت)
حضنته بسرعه لـ ڪلبي و اني اهز برأسي لا
ڪِرسـتال: لا يمه ما راح يصيرلك
شيء غير اموت وراك
هز رأسه و صوته يرجف خايف
نـوح: لا لا هو دلي لاح تموت، اتتلت تدام اختك(لا لا هو گلي راح أكتلك گدام اختك)
ما سويت شيئ و ضليت صافنه
اذكر مشهد الطفل، اذا صدك يسووها معناها كتبو موتي،
حاضنته على صدري و اني اهز جسمي بخوف، و عيوني تلتفت على المكان اخااف ياخذونه مني
و يقتلوني قبل لا يقتلوو،
فز جسمي و گمت من مكاني و اني حاضنته و شايلته بين أديه،
و ارجع ليوره اريد احمي منهم شلوون احمي و اني جسدي تعبان
ما اكدر ادافع عن نفسي من التعب،
دخل و على وجهة ابتسامه شر، شخص بلا رحمه عنده القتل مثل
شربة الماي يستلذ على أصوات
الناس و أصوات التعذيب،
عيونه عيون الحيوان المفترس يريد ينقض على فريسته و يفسترها هيچ جانت نظراته اتجاهنه،
عُـثـمان: له له ويـن تـردين ماڪو مـفر حتـى لو ترجعيـن لـ ألف متر
ما تخلصين منـي،
جيبوووووو منههههااا بسرررعه،
فز جسم نووح بحضني و اني احضن بي و اصرخ بيهم،
ڪِرسـتال:وخررررو عنههه جاااي اگوللل وخررررووو، لك لااا عوفوووو جيبههه
اخذه من أيدي و لزمني واحد منهم،
أباوع على نوح يلوح بيده اتجاهي
يريد اجي و اني روحيي فرفحت
عليه اشيل بروحي و أركعها بالگاع،
ڪِرسـتال: عُـثـمان عوووفه ولكك عوفه لا تلزززمه ولك طفل أنتَ ليش ما عندك رحمه، عوفه الطفل معليه أنتَ أنتقامك وياي مو ويه غيري عووفه،
عُـثـمان: اي حتى أنتقم لازم أذيچ،
و اني اخترت بدل الضرب و العذاب الجسدي أعذب عقلچ
و روحچ اكسرها بموت شخص
عزيز گدامچ، للأسف اني ردت
الچبير بس يلا ماكو فرق بينهم
كلهم واحد و كلهم اعزاز عليچ،
أهز برأسي لا و دموعي تجري،
لزم نووح و ضربه گف على خده
على أثر الضربه صرخ نوح و صرخت ويا حسيت الكف بيه
مو بي، رجع يضرب بي و كل گف
اقوى من القبله حتى سگر بين
أديه و اني تهسترت بين أدين
الازمني، و ادفع بيه و اضرب
بي خرمشته و طگيته بس حتى يهدني بس ما فاد لان ضرباتي
لا شيء گدامه،
هدأ جسمي و سكن صوتي، و اني اشوف المسدس بيده،
ڪِرسـتال: شتريد اصيرلك بس لا
تسويها كلشي اصيرلك خدامه تريدني اصيرلك اعتذر اتوسل
بيك بس بس لا تسويها عووفه
ضحك و رجع باوع لـ نوح المنتهي
من البچي شعره نازل على عيونه
الأحبها و وجهه صاير أحمر، باوعلي
و عيونه صايره حمر من البچي،
متت الف موته من نضرته الي،
ضلت عيونه معلگه بيه،
و عُـثـمان خله المسدس على رأسه
لا التفت اله و لا صرخ سگن و بس دموعه تنزل،
حسيت نظراته نظرات وداع، شهگت و الشهگ شگت صدري و
أني أشوف الطلقه توسطت رأسه
الصغير و طاح بالگاع چثه،
هدني الي لازمني و اني مشيت اله
فاقده أباوعله بصدمه،
أمشي اله بخوف اخاف اخاف الزمه
و من أحاچي ما يحاچيني،
وصلت يمه و شلت بحضني أوخر بشعره و ايدي انملت من دمه،
رفعت أيدي الجانت جوه راسه گدام وجهي و اني اهز برأسي ما مصدگه،
صرخت و اني اضمه بقوك لصدريي،
ڪِرسـتال: لااااااااا انييي السبب انيييي، ولك متت بين ايديه يمههه
ابنچ انكتل كدامي ولج يمهههه
منظره و هو يودعني هدمني،
اللهي ما اريد اعيش ما اريد اني
السبب انييي،
شهگت و رفعت رأسه احجي ويا
و اني كلي أمل راح يحاجيني
هلمره
ڪِرسـتال: نووح حبيبي گوم يلا
گوم نگعد نلعب اني وياك، كوم
اسولفلك قصص حلوه گوم
أنتَ مو من تكعد يمي تسولفلي
على هيله كوم سولفلي عليها
اريد اسمع شلون جانت تزعلك و تضوجك كومم ولكك كوووم لا تسوي هيج بيه،
زحفت لزاويه و مخليته بحضني
أسولف ويا أدري بي راح يرد عليه اي هسه يرد اني متأكده،
-خذاك الموت لو شايف غلاتك چا ماخذاك
........................
الحكاية مستمرّة ♡•