الرقطاء وكراتها الثلاث🐍
اللدغـة التاسعة والثلاثين
بقلم كهرمانة
__________
قبل لاتقرون لايك +اتفاعلوا عالفقرات مال القصه لــيش قليل يعلقون 😥
انطيت موعد الأثنين وكتبت الأثنين بَــس ماصارلي مجال أدقق واكمل نهاية البارت +البارت الجاي إذا گدرت الخميس أنشره ♥️ تفاعلكم يسويلي واهس بالكتابة+أقرأ كل التعليقات
_________
كأن يفاجئك حزن جديد
وانت على وشك ان تقول أخيراً ..
_______
هرم
رجع بـَحـر متضايق من عندي حاولت اتشاقه وياه وأصالحه ، ماگدر يبقى ضايج تحت تأثيري
ضربت رأسي بأيدي وأني أتذكر ليلة البارحه ياترى شـلون راح أگدر انفذ اللي تطلبه من عندي مسك صعب وضعي كُـلش صعب حـُب بـَحـر بدأ يستوطن بگلبي ماعرفت نفسي هيچ
وين راحت القساوة والحقد اللي بداخلي معقوله اللي يفقد الأمان والحنان هيچ يصير بيه أول شخص يعامله بحنية يتمسك ويتعلق بيه
يمكن لأن أني فاقدة حنان الأم والأب وحب العائله هيچ ديصير بيه ما أگدر أسيطر على مشاعري أحس نفسي بدوامة
أخاف من الإعتراف لمسك بهذا الشي بنفس الوقت من أگعد وحدي أگول هــوَ هذا الچنت مخططه أله جاي يصير بدون ما أتعب روحي
نقرت على خشمي ثلاث نقرات وأني ألغي فكرة الخضوع لمشاعري وگلبي نطيت الأولويه لعقلي ما أگدر أخذل اختي اللي تعبــت علمودنا وتحملت وشافت أشكال وأنواع العذاب
لازم ننتصر وناخذ حق خوالنا نعيش بيه خارج العراق مثل مامتفقين ، لأن جدو گال خوالكم عدهم أملاك مستحوذين عليها آل صحار وماكو شـيي قانوني وأملاكهم المفروض تستلمهن بيبي مرمر ورفيف وخوالي محمد وفارس بَــس ذوله كلهم اتخلوا عنّا
إحنا ورفيف إلنا الحق بكلشي نعيش عيشه كريمه خارج العراق متحررين بــَنات نقيات من الداخل نرمي كل اللي عشناه ورى ضهرنا وكل شخص چان كابوس بحياتنا مستقبلنا نساء ناجحات مكافحات حتى لو نشوف أنواع العذاب المهم هدفنا واحد وهو نرجع حق خوالنا وناخذه إلنا
كنان ومعاذ ومروان من ضمن الخطة بَــس بـَحـر مو من ضمنها بـَحـر خرب كل مخطط جدو چان مخطط اله ولو هــوَ عايش وصار اللي صــار الا يعدمني على باب البيت مالتهم
قاطع تفكيري صوت التليفون مال بـَحـر وهو يرن باوعت للأسم شفت مكتوب رقم ثلاثه شكيت بيه بنيه اخذت التليفون ورديت أ أنـي صوت رجولي
-منو
-هرم خالي وين اريده ضروري
هرم:-يــاا هذا أنتَ كميل
كميل:-اي ولچ بَــس خالي وين اريده ، معاذ اخذوه الشرطه بتهمة غسيل أموال ونصب واحتيال
هرم:-يااااا وهسه
كميل:-يمعوده وين خالي بـَحـر
هرم:-ثواني ، گعدت بـَحـر من النوم وانطينه التليفون يحچي ويه كميل
-هــا كميل شــكوو خبصت الدنيا
كميل:-خالي معاذ انسجن
بـَحـر:-لــيش انسجن عندك معلومات
كميل:-غسيل أموال لك خالي ملفقين عليه تهمه شكبرها معاذ ميسوي هيچ صدگ
بـَحـر:-تعلمني بيه قابل ياكميل أنـي هسه شويه واجيك وين انتَ
كميل:-چنت بالمكتب مال معاذ وهسه راجع للبيت
بـَحـر:-تعال مرلي نروحله أني وياك
كميل:-عمي كنان مايدري
بـَحـر:-صارله شكد من اخذوه
كميل:-تقريبًا مصارله ساعة
بـَحـر:-اي روح گله وجيبه وتعال
كميل:-وأبوي
بـَحـر:-أبوك لامحل له من الأعراب ممنوع تجيبه واذا شفته اله اتفل بوجهه
كميل:-اعصابك خالو أعصابك يـله أنـي مسافة الطريق واجيك
هرم:-سد التليفون من كميل گام حضرله ملابس ودخل للحمام واني بدلت بجامة النوم ولبست تراك باوعت لروحي بالمرايا شعري قصير ومنكوش سبحت ونمت تعاجزت أمشط بسبب حربي ويه المي أخذ طاقتي
مشطت شعري ورفعته سَـويته ذيل تساقطت كم خصلة لأن ماينلم كله خليت شويه عطر وطلعت من الغرفه رحت للمطبخ
لگيت ام موسى مشغلة قرآن وجاي تتريگ گابلتها وگعدت اكل وياها كل شويه وگايلتلي ألف عافيه .
أم موسى:-أگلج هروم زوجچ گاعد لو بعده
هرم:-اي خاله گعد هسه تلگيه جاي يبدل يريد يطلع
أم موسى:-لعد خل أگوم اسويله أكل
هرم:-شربت أخر شـيي باقي بأستكان الچاي مالتها وگامت حضرت شوربه والأجبان اللي يحبهم بـَحـر خلتهن عالميز والچاي خلته عالنار دخل بـَحـر وهوَ يصبح عليها
-عاشت ايدچ أم موسى
أم موسى:-ألف عافيه يمه
بـَحـر:-تعاي اكلي ويانه
أم موسى:-ياا اكلت قبلكم اكلوا انتم هني ومري
.
.
ديالا:-مسك تأخرت ضل بالي يمها وكنان وضعه معاجبني بَــس يستفرغ ويشكي من ألم ضهره لدرجة إنحنائه واضح تليفون كل شويه يرن ومايرد عالأتصالات صــار هدوء خليت ياسين بالكرسي مالته ورحت أشوف شـصار عليه لگيت باب الحمام مفتوح وهو گاعد ولازم راسه
-عمو تحتاج مساعده
كنان:-لاا هسه أكوم شويه
ديالا:-لــيش متروح للدكتور ترى مو حاله هــاي روح اتمن على نفسك أخذ علاج
كنان:-ان شاء الله أروح العصر
ديالا:-عمو تليفونك كل شويه يرن خاف اكو شـيي مهم
كنان:-يـله هسه جاي
ديالا:-رجعت يم ياسين شغلتله التلفزيون على mbc3 وگعدت يمه أجه كنان مغسل وجهه لزم تليفونه گال هذوله موضفين خابصيني بالأتصالات اتصل على واحد ومنتضره يرد
شفنا من الكاميرات سياره طبگت بالباب مالتنا نزلوا منها ثنين مبينين بـَحـر وكميل
كميل فتح الباب ودخلوا كنان سد الأتصال لأن ماردوا عليه ومشى بتعب للگراج يسلم عليهم سمعته يحاچيهم وهو قَلق
-كميل شبيك لــيش واضح عليك ضام شـيي
كميل:-عمو بس اهدأ انتَ مريض
كنان:-يَـعنـي صــار شـيي امي ماتت؟؟
بـَحـر:-لاا الله يطول بعمرها ، بسس معاذ انسجن ملبسينه
تهمة نصب واحتيال وغسيل أموال
-اخترع من الخبر السمعه لزم الحايط وحچه بصدمة وأنفعال
كنان:-لــيش وشوكت فهموني ؟؟
بـَحـر:-امشي ويانه نفتهم شــكوو
كنان:-يـله اصعدوا قبلي بالسياره ثواني واجي
ديالا:-سوتها مسك وسجنته لمعاذ والله كفوو طلعوا من البيت وراحوا للمركز الموجود بيه معاذ
.
.
______
لا أقارن نفسي بأحد,
لو كنت الاسوء فـ أنا أحب سوئي جداً ..
_____
مسك
طلعت من عبدالرحمٰن بعد م اتفقت وياه ينفذ اللي طلبته من عنده بقه هدير أروحلها أتفاهم وياها طبگت السيارة ونزلت دگيت باب بيتها والجرس أكثر من مرة سمعت صوتها وهيَ تگول
-منو ؟
مسك:-أني أفتحي الباب هدير ، ضلت تسب بيه من ورى الباب
-اجيتي تتشمتين بيه لأن ميصير عندي أطفال امشي ولي ما أفتح الباب
مسك:-دفرت الباب برجلي وحچيت بهدوء
-باع هــاي الفاشلة لاا يــاا أطفال افتحي الباب إذا تردين معاذ يبقى بَــس ألچ عندي وياچ فكرة
هدير:-شِــنو اليضمن
مسك:-تَـمام راح أروحح
هدير:-لاا لحضة أوگفي
مسك:-تكتفت وأني أبتسم شگد قشمر وعقلها محدود فتحتلي الباب دفتعها ودخلت للبيت وهيَ تمشي وراي
-شتردين ياغيوره
مسك:-جايتچ بـ نيه حسنة لــيش تخليني أنگلب عليچ
هدير:-خلصيني
مسك:-تردين معاذ بَــس ألچ؟
هدير:-طبعًا
مسك:-لعد سوي كل اللي أطلبه من عندچ بالحرف الواحد وأني بعدها اطلع من بغداد كُـلها
هدير:-ما أصدگ بيچ
مسك:-معاذ بالسجن
هدير:-چذابه
مسك:-والله بالسجن ودليل برائته عندي بالحالتين انتِ توافقين عـ الشي الأطلبه وگفت گدامها متخصره نزلوا دموعها ودفعتني وگعت بالگاع ابتسمت بـ شر ورجعت وگفت
-لاا لاا لاا مامتفقين هيچ ست هدير ،
هدير:-الله لاا يوفقچ ياحقيره شِــنو تستفادين من تسوين هيچ شنو ولچ بسببچ خسرت كلشي أهلي وناسي وكل اللي أحبهم بقالي بَــس وهم عايش ويايه بس بالأسم
شمسويتله علمود ماجاي يگدر يتخلص منچ كل مايتقربلي يتخيلني أنتِ حياتي مأساويه والمسؤول عن أيامي السوده الجاي اعيشها أنتِ يــاا كـ***** بنت ام الزلم هــوَ هذا وراثه عدچن تاخذن الزلم من نسوانهم من أمچ لأختچ ألچ
مسك:-ضربتها كف خليتها تفقد توازنها لزمتها من ملابسها وسحلتها لداخل البيت وهيَ تصرخ شمرتها بنص الصالة وأخذت نفس عفتها ورحت للمطبخ فتحت الثلاجة وأخذت بطل مي ورجعتلها أباوع عليها شـلون گاعده وتبچي شربت مي وشمرت عليها البطل
-اشربي مي بلّي ريگچ
هدير:-مو صاحيه أنتِ خبله معاذ لــيش انسجن
مسك:-غسيل أموال
هدير:-بَــس هــوَ يشتغل بتعبه مو غسيل أموال ولا ينصب عالعالم ماعنده هيچ شـيي
مسك:-أتفق وياچ هــوَ شريف من هــاي الناحيه بَــس تلبسته تهمة بعد شنسوي ودليل برائته عندي
هدير:-شتردين مني
مسك:-شوفي هدير أني ماعندي شـيي وياچ بَــس عادي اقتلچ
هدير:-مشكلة ما أصدگ ولا حرف من اللي تحچي
مسك:-راحت جابت تليفونها واجت فتحته وأيديها يرجفن اتصلت وخلته على إذنها ردوا عليها وضلت تستفسر عند حقيقة سجن معاذ ، وانصدمت لصحة كلامي سدت الخط بَــس بقه التليفون بأيدها
هدير:-اي وهسه شِــنو شـلون تطلعينه من السجن
مسك:-سحبت تليفونها من عدها بخفة يد وفتحت الشاشة طلعلي تسجيل صوتي ضحكت بـ سخرية جريتها وخليت التليفون على بصمة وجهها أنفتح مسحت التسجيل وشمرت التليفون عليها
-حركة ذكية بَــس مو أذكى من عندي
هدير:-اريد دليل البرائة العندچ !
مسك:-فتحت تليفوني وطلعت الصوتيات الدازهن زيدون ألي وهو يعترف بالتزوير
هدير:-واذا مانفذت التردينه
مسك:-تموتين ، شـلون عرض تموتين لو يبقى معاذ بَــس ألچ اكيد الاختيار الثاني تختارين
هدير:-موافقة أسوي اللي ترديه بَــس غير أعرفه شِــنو
مسك:-رانيا أخت معاذ توهميها إنُ أنتِ تردينها تجي وياچ يَـعنـي طلعة بــَنات بَــس تاخذيها على موقع أدزه الچ وهناك بعد معليچ بالباقي
هدير:-شِــنو لــيش هيچ تردين تسوين شِــنو الهدف
مسك:-معليچ هسه أنتضرچ
هدير:-أ أي أي
مسك:-رقمچ اريده
هدير:-سجلي يمچ
مسك:-أخذت رقمها وطلعت من بيتها اللي يخنگ رحت لبيت وجد فتحت الباب ودخلت أجت ديالا طايره حضنتني
-والله يامسك سويتيها وأخذتي حقچ
مسك:-ياحق هذا
ديالا:-سجنتي معاذ شبيچ
مسك:-اي النذل لو تشوفينه شـلون سحلوه
ديالا:-حرامات ماصورتي
مسك:-أصور علمود يسحلوني وياه للسجن
ديالا:-وهسه شِــنو راح تسوين
مسك:-بعديـن تعرفين كلشي بوقته ، أگلچ وين كنان ؟
ديالا:-طلعوا للمركز هــوَ وبحر وكميل
مسك:-هاا خطـيـه خوش أب
ديالا:-يمعوده من ايدهم ، هــاي هرم تتصل ، رَديــتّ على إتصالها اجاني صوتها وهيَ تهلهل وتهوس
هرم:-بالروح بالدم نفديچ يــاا أفعى كولولولولويش ، كفو مسك كفو طشرتيهم تطشر خبلتيهم شقلبتيهم تشقلب
مسك:-بعد وبعد الجاي أقوى
هرم:-الله وأيدچ طبهم مرض
مسك:-شخبارچ ويه بـَحـر
هرم:-مثل ماگلتيلي
مسك:-عَـفيه لتخلينه يشك
هرم:-بَــس مو خطـيـه يَـعنـي هــوَ ساعدنا هْوايَــه
مسك:-حسيتها تلمح لشي عاطفي حاچيتها بحده وأني أنطق أسمها من بين أسناني
-هررم
هرم:-يـله يـله مو خطـيـه شتفصلين ألبس
مسك:-مابقه شـيي هنَ كم يوم ونطلع من حياتهم المذاخر مال الأدويه والعمارات بأسم وجد كلهن يصيرن لأبنها ومن ناحية الفلوس عندي حساب بالبنگ راح اسحب من عنده والسيارة مالتي موجوده نطلع بيها
هرم:-أني هَـم عندي فلوس اجيبهن وياي
مسك:-إنتضري من عندي أتصال تنزرعين گدامي
هرم:-شــوَكت ؟
مسك:-بَــس يطلع معاذ من السجن ع الأغلب اسبوع الجاي خلي نشوف شــوَكت موعد المحكمة مالته أقدم الدليل بيد واحد من الموضفين اللي يشتغلون عنده
هرم:-وزيدون
مسك:-أنحرگت ورقته زيدون بعد ما أحتاجه
ديالا:-رفيف وين نعوفها اذا طلعنا من بغداد
مسك:-ويانه رفيف منعوفها ، نبقى بأربيل بَــس نخلص من موضوع رانيا نطلع لتركيا ونروح يم مرمر
هرم:-مرمر؟؟
مسك:-اي لــيش مستغربه
هرم:-شِــنو راح تستقبلنا بالأحضان
مسك:-بيئتنا بعد احنا راح نبدي حياتنا من جديد بَــس اريد دليل عليهم هُم اللي قتلوا خوالي وأبعثر الوضع بيناتهم حاليًا كنان وعابد بيناتهم عداوة كنان تدمر ومريض وأشك عنده مرض خبيث هيچ احساس مراودني يبقى بَــس عابد هذا شغلته سهلة
ديالا:-شـلون نبدي من جديد يَـعنـي
مسك:-نكمل دراستنا ونعيش الشغلات اللي أنحرمنا منها
هرم:-ويه مرمر ما أعتقد
مسك:-مو گلتلچ بيئتنا هناك وهم نتفق وياها ننسى كُلشي من حقنا نعيش حالنا حال البنات
هرم:-الله وارجع للجكاير والعلچ بنص الشارع شتاقيييت
مسك:-باع أنـي وين وهاي وين
هرم:-يـله عيني أنـي اترخص
مسك:-بــاي ، مر اليوم الأول جنت قلقه خفت لاا يگوللهم شفت مسك أو شاك بيه وبزيدون وياخذون يزدون يعترف عليه بَــس ماكـو أخبار هدوء ، أخذت تليفوني واتصلت على هدير شويه وأجاني صوتها
-مسك حرام عليچ ولچ الليل مانمته أنتِ شـلون جاي تنامين مرتاحه
مسك:-مطيت جسمي وتثاوبت وأني أضحك
-طبعًا فـدد مرتاحه جاي اطلع سهر ذيچ الأيام چني بغيبوبة
.
.
هرم
دخلت للغرفة أدور بالجرارات والخانات مال ملابسه بلكي ألگه معلومة ورقة شي بس ماكو مالگيت غير باكيت جگاير وساعات وشغلات عاديه ضميت الجگاير عندي وطلعت للمطبخ باوعت للساعة بـ ٣ الفجر وهو ماكـو يمكن يبات بره يم أهل معاذ گعدت أدخن وأتصفح بالبرامج
سمعت صوت باب الشارع ينفتح وينسد
بعدها خطواتها أقتربت لباب المطبخ شغل الإنارة وشمر المفاتيح عالكاونتر باوعتله وجهه محتقن يباوعلي بأستغراب
-وين چنت ؟
بـَحـر:-بنص الضيم يَـعنـي وين چنت هــوَ هذا هَـم سؤال ، شو گاعده تدخنين وماخذه راحتچ
هرم:-اي لگيتهن بالغرفة مابيها شـيي مو
بـَحـر:-مو حــِلوو بنيه تدخن
هرم:-بَــس أنـي هرم مو أي بنيه أختلف عنهن أني ماكـو مجال للمقارنه بيني وبين غيري
بـَحـر:-أيبااخ
هرم:-شو معاجبك حچيت شـيي غلط ؟
بـَحـر:-لاا كلچ صح اصلاً
هرم:-مشتاقتلك
بـَحـر:-أني هَـم مشتاقلچ هيچ لو بيدي أضمچ بجيبي وين ماروح حتى كل شويه أطلعچ احضنچ وابوسچ وارجع أضمچ
هرم:-يمه هيچ تحبني
بـَحـر:-وأكثر حوريتي وأكثر
هرم:-طفيت الجگاره بالنفاضة وگمت من الگرسي وگفت گباله رفعت نفسي وأرتميت بحضنه وهو بادلني الحضن شالني وأخذني للغرفة لعالمنا أني وياه بعيدًا عن المشاكل والثار والحقد .
اليوم التالي ٩:٣٠ص
رفيف:-صباح الخير
أم موسى:-صباح النور
رفيف:-هلا بيچ خالة ، هرم العوبه ماتعرفين تردين رِدت وهيه تبلع الأكل بصعوبه
هرم:-مو جاي اكل انطيتيني مجال ابلع اللگمه غصيت
أم موسى:-هاچ هذا مي اشربي
هرم:-عشتي خالة گعدت رنده شاركتنا الأكل كملنا أخذت أم موسى وطلعنا أني وياها للأسواق اشتريت الشغلات الأريدها وهيه أخذت كم شغلة للطبخ والتنضيف
رجعنا للبيت خليت الغراض بالمطبخ وأخذتلي قوطية تايگر وچبس وحب
طلعت للحديقة وگعدت بالمرجوحة وبأيدي تليفوني أتراسل ويه ديالا وترسلي صور وفيديوهات لياسين وهو يلعب ويحچي كلماته الأولى
خلصت أكل شلت الأچياس وذبيتهم بالحاويه شغلت الصونده وبديت أسقي بالزرع والورد عجبني أسقيهم
بعد ماكملت من السقي سديت المي ودخلت للبيت بدلت ملابسي لأن تبللت أنفتح باب الغرفة ودخل بـَحـر واضح عليه التعب والأنزعاج
أجه يمي حضنّي ودفن راسه برگبتي رفعت أيدي واني امسح على راسه
-شبيك؟
بـَحـر:-تعب ، ضغوطات
هرم:-من يــاا ناحية
بـَحـر:-من كل النواحي هرم وبس معاذ هد نص حيلي شِــنو من تهمه ملبسينها أله الرجال بريئ ومحد يقتنع ولا أكو دليل براءة كلشي ضده
هرم:-صدگ شـصار على موضوعه
بـَحـر:-مليوصه سالفته هــاي من الصبح احنا ويه المحامي
هرم:-هــا خطـيـه وبعدين "باوعلي بشـك وكمل كلامه"
بـَحـر:-الله كريم حددوا موعد المحكمة وان شاء الله خير
هرم:-ان شاء الله
.
.
مسك
من يوم اللي انسجن بيه معاذ ولهاي اللحظة زيدون يوميه يراسلني ويخابر بكل وقت صــار سبب أزعاج الي
أخر شـيي قررت أخصمها وياه والتقي بيه أشوفه شيريد لأن اختنگت بسببه وبسبب آل صحار وسوالفهم اللي متخلص
كل ما أحاول أوصل لطرف خيط اكتشف شـيي جديد بيهم صحت للعامله گلتلها تجيبلي مسكن أشرب ورفضت لان ديالا موصيتها متنطيني بكثرة
گمت من مكاني وأني أحس إذا راح أبقى بالبيت بعد أكثر اختنك صحت لديالا أجتني تعبانه وبيدها ياسين
-شبيچ
ديالا:-مسك نعسانه البارحه منايمه هْوايَــه بالليل تذكرت وجد وضليت أبچي وهسه ياسين گاعد ما اكدر انام واعوفه
مسك:-جيبيه نطلع أنـي وياه
ديالا:-تعرفيله ؟
مسك:-أخذ ريم ويايه تعرفله
ديالا:-اي اي تعرفله
مسك:-شِــنو محتاج حبيبي ياسين
ديالا:-ملابس بهاريه وأكو العاب اسمهن ليگو كُـلش يحبهم جيبيله
مسك:-شِــنو يَـعنـي ليگو النوب ريم تعرفيهن؟
ريم:-ست يَـعنـي مكعبات
مسك:-اي أكول مكعبات
ديالا:-هــوَ أنـي وين شايفه العاب قبل خلف الله على ياسين بسببه صرت اعرفهن
مسك:-يـله بدليله وجيبي ريم تعاي ويانه ، اخذته ديالا واني صعدت بالسيارة شغلتها شويه وأجت العاملة ريم وبيدها ياسين شايلته
صعدوا بالسياره واخذتهم للمول شلت ياسين ودخلنا على محلات الملابس ريم ساعدتني بشراء الملابس أخذتله كم قطعة بهاري ورحنا نتمشى علمود نتغده
بَــس ياسين أنزعج من شـيي ماعرفته شِــنو ضليت محتاره بيه وريم هَـم حاولت وياه ماكـو فرفح من البچي ويملح بشعري ويدفع بيه كُـلش نرفزني
چانت أكو وحده منتبهه عليه أجت گالتلي شبيه الطفل يبچي
-خالة ما أعرف كلشي مابيه وحده بچه ومدا يسكت
-شوفي خاف متضايق مو الحفاضة مالته وينرادلها تغيير
مسك:-هَـم صح ، شفت الحفاضة مالته نضيفه يَـعنـي مو بسببها
-شتريد يــاا أمـي ، نزلته بالگاع وهو مسح دموعه وسكت وراح يركض للألعاب أخذ مكعباته وجابهم الي يركض رحت للمحل وحاسبت عليهن شلته وبسته طلع يبچي علمود المكعبات صعدنا بالدرج الكهربائي سألت ريم
-شِــنو ياكل بهيچ عمر
ريم:-ست بياكل سوب وشوربة خضار
مسك:-صعدنا للمطعم طلبت أكل الي ولريم وياسين طلبتله شوربة ، أكلنا وطلعنا من المول مريت على مركز حليب نزلت جبتله الجليب اللي كتبته ألي ديالا هو ونوعية الحفاظات
ورجعنا للبيت بعدها ، هالطلعة گدرت تغير من نفسيتي شويه شوفت الغراض الجبتهم لديالا گعدتها من نومها فرحت بيهم أكثر من ياسين
تليفون يرن أكثر من مرة توقعته زيدون وهملت الأتصالات حسيت نفسي محتاجه أخذلي شور حضرتلي ملابس ودخلت سبحت طلعت من الحمام فتحت تليفوني شوفت الأتصالات من عبدالرحمٰن ضربت جبهتي واتصلت بيه بسرعه أول مادگ ردّ عليه
-هــاي وينچ انتِ شگد اتصلت
مسك:-أسفه تليفوني ماچان يمي خير صايــر شـيي
عبدالرحمٰن:-تگدرين تجين علمود نتفق عالموضوع ؟
مسك:-ساعة وأكون يمك
عبدالرحمٰن:-يـله يابه منتضرچ
مسك:-نشفت شعري بالسشوار ووبدلت ملابسي لفستان طلعه سريعه خليت مسكارا وحمره برتقالي فاتح ينطي على بيجي وشويه مورد لخدودي رشيت عطر بسرعه وطلعت من الغرفة مالتي البيت فارغ معناها ديالا نومت ياسين ورجعت نامت
صعدت بالسيارة ورحت للخرابة اللي يدرب بيها عبدالرحمٰن
مسافة الطريق كلها أني عقلي يشتغل ويخطط شـلون نطلع ياساعة ويايوم وشلون ، وصلت للموقع مال عبدالرحمٰن
نزلت بوجهي للمكتب مالته لأكاني القزم اللي يشتغل عنده علوكي سلمت عليه وگعدت مقابيله
عبدالرحمٰن:-مسك بعدچ مُصرة عالخطف ؟
مسك:-اي بعدني وعلى نفس الموعد
عبدالرحمٰن:-اي باچر بالليل
مسك:-اي
عبدالرحمٰن:-زين هذا هــوَ لعد مخليه شـيي ببالچ
مسك:-اي تاخذها لأربيل واني انطيك عنوان توديه الها بَــس اريد واحد يبقى يدير باله عليها شـلون
عبدالرحمٰن:-علوكي موجود
مسك:-عمو هذا علوكي خاف بنفخة يطير الله يخليك شوفلنا واحد غيره
علوكي:-هاها شتقصدين
مسك:-اللي سمعته مالي خلگ أعيد
عبدالرحمٰن:-لاا تطمني هذا علوكي يوديچ للبحر ويرجعچ عطشانه يدير باله عليها وولا يهمچ أدز واحد جوه ايده وياه
مسك:-تَـمام ، وكلشي بحسابه لتخاف أنت جربت وشفت ماتهمني الفلوس
عبدالرحمٰن:-لاا مسك وسفه كلچ فلوس
مسك:-ميخالف حق تعبك بَــس گدرت تجيبلي معلومات عن زيدون
عبدالرحمٰن:-أبن المدرسة
مسك:-اي هــوَ
عبدالرحمٰن:-اي عرفت وأنسان كُـلش خايس حشاچ
مسك:-بَــس لو تفهمني منين تجيب معلومات
عبدالرحمٰن:-واسطه بكل العراق عندي
مسك:-اي احچيلي
عبدالرحمٰن:-هذا زيدون ترى مو تستهانين بيه خطير يهرب سيمكارتات قچق للشمال ويهرب فلوس مزورة مشهور بالتزوير وحتى مخدرات يهرب
مسك:-حلوو لعد هاهيه أني اترخص وباچر الساعه بالعشرة بالليل تتنفذ الخطة وتخفيلي رانيا من بغداد
عبدالرحمٰن:-يتدلل الحلو
مسك:-مع السلامة
عبدالرحمٰن:-الله وياچ بويه
مسك:-طلعت من عبدالرحمن وزيدون خبصني بالأتصالات عفته يتصل وحده صــار يدز رسايل وصلت للحديقة القريبه من بيتنا َرَديــتّ عليه
-انت وين
زيدون:-وعليكم الساام ورحمة الله
مسك:-شتريد زيدون
زيدون:-وين انتِ
مسك:-تجي للحديقة ؟
زيدون:-أنـي بالحديقه هسه منتضرچ وينچ تعاي احس عيوني تلفت بدونچ
مسك:-ثواني ويمك
زيدون:-هلا بيچ بكل خطوة ألف هلا
مسك:-فتحت تليفوني دخلت على مسجل الصوت شغلته وضميته بالجنطه اخذت الجنطه ونزلت من السياره أتمشى لناحيته وصلت يمه سلمت عليه وگعدت ، خليت جنطتي بالگاع عالحشيش وگلتله
-اي زيدون شلونك؟
زيدون:-چنت مو زين بَــس من شفتچ صرت كُـلش زين
مسك:-باچر المحكمة مال معاذ
زيدون:-اي ان شاءالله يخيس بالحبس
مسك:-ان شاء الله، أكول زيدون اريد عابد هَـم ينسجن بنفس التهمة
زيدون:-اي بَــس تطلب من عندي وقت
مسك:-ماريـد انتظر أريد هاليومين
زيدون:-لاا صعبة
مسك:-لعد أنحرگ فلمك زيدون
زيدون:-شِــنو تقصدين
مسك:-ضحكت وتصنعت اللطافة علمود يحس إنُ أنـي جاي اتشاقه وياه
-اي زيدون احچيلي شـلونه الشغل
زيدون:-ياشغل
مسك:-تهريب المخدرات والتزوير وتهريب السيمكارتات
زيدون:-هــاي شمدريچ هههههه ولچ ذيبه وعلي
مسك:-ماكـو شـيي ينضم عني يازيدون بَــس اتطمن سرك ببير احچيلي صــار عندي فضوول ، بدأ يحچيلي عن شغلة التهريب وشلون اتعرف عالجماعة وشلون چان فقير وأصدقاء السوء خربوه وهواي مصايب هــوَ مسوي
هذا كله والتليفون يسجل صوته كمل كلامه وأني ترخصت من عنده رِدت أروح درتله ضهري وهو گال
-شــوَكت تتطلگين ونتزوج ترى على الأتفاق وهذا شرطي علمود أساعدچ
مسك:-باجر محكمته خلي نشوف وشگد ينحكم علمود اخلعه
زيدون:-تَـمام
مسك:-رجعت للسيارة صعدت ورحت لبيت آل صحار أشوف الحجيه والوضع هناك نزلت من السيارة أتمشى للبيت مالتهم شفت كميل واگف ولازم أيد مروان وذاك نكت أيده من عنده ويبچي وكميل لازم سلاح ضرب مروان على راسه بنهاية المسدس
منطيني ضهرهم وأبو سعيد يهدي بيهم دخلت للبيت أنتبهوا لوجودي وگفت ورى باب الشارع فتحت تليفوني لأن نسيت أسد التسجيل وأني أنصدمن من الكلام اللي دار بين كميل ومروان ..
__________________________
عادَ ليُخبرها
إنها تستحق
وإنها لا تُنسى
لكن لَم يجدها ..
__________________________
.
.
يتبع