꧁بسم الله الرحمن الرحيم ꧂
»»»»»»»»»»»»»»»»»»»»»»
انتقام_الوهج ✨
بقلم ايات 💚
»»»»»»»»»»»»»»»»»
:وٌعٌـآوٌنِتٌکْ عٌلَيَهّ مًنِ شُفُتٌ عٌذِرکْ خِآبً
قُنِـعٌتٌ آلَنِفُسِ کْتٌلَهّآ يَتٌغُيَر؟
لَآکْصّرکْ طِوٌلَ لَآ فُآض بًيَکْ آلَطِيَبً
لَآشُمًسِکْ عٌلَتٌ وٌآلَرآکْدٍ تٌبًخِر
لَآمًدٍکْ وٌصّلَ وٌآلَعٌيَنِ شُآفُتٌ نِوٌر
لَآکْسِرکْ جّبًر لَآ لَغُزٍکْ تٌفُسِر..؟🖤
»»»»»»»»»»»»»»»»»»»»»»
«وهج»
انصدمت من شفت الرساله شويه واجت القلق واضح بعيونها وتفرك بأصابعها بتوتر واني اباوعلها بتراقب اجت سنار وراها مستغربه .
نطقت وهيه تباوع للتيلفون
ترانيم:- ها وهج.
- شنو هاي الرسائل.
ترانيم :- يا رسائل
- لاتغشمين نفسج ، احجيي؟.
ترانيم :- وهج والله م....
- كتلججج احجي ماكتلج برري ، اخر مره اكول هاي الرساله شنو وشجابج على هاذا الملطلط.
ترانيم :- شنو نسيتي هوه الساعدني ونقذني من الدواعش
- بس مو تروحين تراسلينه وسوالف انتِ وياه.
ترانيم :- ترى بس ردت اشكرا لااكثر ولا اقل
- ايي ايي تشكرينا وهاي المحادثات شني وكاتبلج باي حب تردين تقنعيني ماكو شي بينج وبينه..
ترانيم :- لهل الدرجه ماعندج ثقه بيه واصلاً وذا كال باي حب ترى كلمه عاديه هاي
- كلمهههه عاديه شنوو ، اني هيج ربيتج ترانيم تروحينن تراسلينه من وره ضهري ومنوو ابن أزهارر.
ترانيم :- وهج شبيج لاتكبرين الموضوع هيجي .
- شنو اكبر الموضوع لج بابه شتحجين شكم مره اني كايله لاتراسلين احدد لاتتعلقين بأحد بس انتي مثل الثوله ماتسمعين الكلام
سنار :- شكو وهج ليش هيجي متعصبه
- اسألي اختج الخانم جاي تراسلي واحد ملطلط وحبجيات وكذا ، هسه تمسحين هاذا الخر** الانستكرام تحذفينا كدامي يلاا
اجتي تقدمت وحجت
ترانيم :- صديقاتي بي شلون احذفه
- لاتخليني اسب حتى صديقاتج احذفيي كداميي كلتت ؟
ترانيم :- وهج اريد اعيش حياتي حالي حال صديقاتي اكعد وياهن اروح وياهن لشوكت تضلين حابستنا بهاذا البيت ، تعبت من حكمج علينه
- ماكو كلمه اعيش حياتي بقانون الوهج ، بسرعه تعاي احذفي لادوخيني .
اجتي وعيونها غوركن بالدموع اخذته مني وحذفته وحجت
ترانيم :- حذفته ارتاحيتي خلي شكوكج تفيدج
شمرت التيلفون عالسرير وراحت وسنار ضلت واكفه هزت راسها من وصلتها الفكره راحت وسدت الباب كعدت عالجربايه وغمضت عيوني
اعرف قسيت وياها بس لازم تتعلم الي جاي تسوي غلط ترانيم غشيمه وبسرعه ينضحك عليها اريدها تنجح وتحقق حلمها مااريدها تلتهي بشغلات تافهة
حطيت التيلفون عالميز وتغطيت غمضت عيوني ونمت.
گعدت الصبح غسلت وجهي ورحت بالصاله وبس سنار تفتر بالمطبخ
- اختج الفاهيه وين؟
باوعتلي وحجت
سنار:- نايمه اليوم مصخنه ومتلفلفه بالبطانيه.
كمت رحت للغرفه فتحته شفتها لافه جسمها بالبطانيه ونايمه بس شعرها طالع
تقدمت يمها وخرت البطانيه وحجيت
- كومي كعدي دنيا الضهر
جرت البطانيه معقمجه وجها حجت
ترانيم :- ماا مااكوم لو تصير دنيا الليل.
- شجاي اكول اني
فركت وجها بنرفزه وكعدت على حيلها وحجت
ترانيم :- شتردين مني صديقاتي وحرمتيني منهن شتريدن بعد
- اريد مصلحتج
ترانيم :- مصلحتي تحرميني من صديقاتي؟
- اني مو كايله ماكو صديقات ، لج بابا افهمي اريد مصلحتج مااريدج توكعين بمشاكل ادرسي وكملي وبعد روحي شسوين سوي
فركت وجها وعيونها دمعن
ترانيم :- اصلان انتِ ماتحبيني اني مو اختج لو تحبيني ماهيج تعامليني
- اذا نصحتج مو معناها اكرهج ، بس اني جاي اوعيج على شغلاات انتي ماتفهمينها
اباوعله برطمت وجها صار جمر
- اي ابجي ابجي ، انتِ لشوكت تضلين ام دمعيه وعلى اقل شي تبجين بابا انسي الدلال وانسي كلشي اريدج قويه وتاخذين حقج بيدج مو كلما حجيت كلمه وبجيتي ، اذا تضلين هيج راح تنأكلين .
ترانيم :- كلامج كله مشفر شنو قصدج ؟
- انتِ عايشه بغابه كلها وحوش اذا تضلين بهاي نيتج راح تنأكلين
حجت بفهاوه
ترانيم :- يعني انتِ وحش.
باوعتلها ببرود وحجيت
- دكومي لااخرطج بجلاق ، انتِ مو مال نصائح
ترانيم :- خلي انام شويه بروج جدج المرحوم
- كومي تريكي حتى اوديج للمضمد ، كومي كافي نوم
كامت تتأفف راحت غسلت وجها وكعدنه نتريك بهدوئ كمت دخلت لبست ملابس وطلعت لكيتها متحضره وحاطه حمره
- وين رايحين للزفه حاطه حمره.
ترانيم :- لعد خما اخلي وجهي املط ، حتى يشوفوني الناس يكولون شلون بنيه حلوه حتى المضمد .
- اي مو هوه راح يمشي عليج امشي امشي اليضل يمج انتِ يمكن تجلطينه
طلعنا بره البيت والمضمد صاير براس الشارع دخلت ودخلت ترانيم وراي شابكه ايدي اعرفها تخاف من الابره عبالك جاهل.
اشرلها تكعد عالكرسي الي مقابيله راحت كعدت تفرك بدينها بده يسألها شنو وضعج جاوبته شويه وفتح الجرار طلع كانوله هاي من شافتها وجها صار اصفر.
لزمت ايدي وحجت بخوف وهيه تباوع ل الأبره
ترانيم :- عفيه وهج خلي نروح شوفي اني صرت زينه كلشي مابيه بس خلي نروح امانه
- اكعدي واسكتي الابره ماتوجع انتي مو زغيره حتى تخافين من الابره
شافها المضمد شلون تباوع للأبره حجه
المضمد :- بنيتي الكانوله ماتأذي بس چكه بسيطه.
ترانيم :- لا عمو مااريد ماعندك غير الابره انطيني كلشي بس بس الابره لا..
المضمد :- حتى لو انطيج علاج ، العلاج مو مثل الابره هاي راح تفگ الصخونه منج وتتعالجين بسرعه
قرب الابره مال الكانولا وهيه عاطت
ترانيم:- لايمههه مااريدد
- كافي اسكتي شبيج تخبلتي جاي يكولج الابره احسن من العلاج كافي نگ انطي ايدج وفضيني
مدت ايده اله وهيه ترجف وغمضت عيونه دحس الكانولاه وشدها وهيه كامت تبجي مثل الزعطوط
انطاني ابرتين وحجه
المضمد :- هاي انطيتها ابر وحده تضربها الصبح وحده بليل ولازم تاكل يلا تضربها حتى يبده مفعول الابره
انطاني ابرتين وكم شريط كبسول انطيته الحساب ولزمت ايدها وطلعت وهيه لازمه الكانولا وتهفي عليها وعيونها مدمعه.
- كافي بجي انتي زعطوطه
ترانيمو:- توجع وهج توجعنيي ؟
- انتي بس لاتبجين اني بخير
وصلنا البيت دخلت وهيه راحت كعدت بالصاله وتهفي على ايدها شافتها سنار وحجت
سنار :- شكو هاي شبيها بس تبجي.
- اختج المخنثه تبجي من وره كانوله
سنار :- كبرر هيه ابره امداج لو اني اكيف اشد كانوله.
باوعتلها وحجت بدموع
ترانيم :- دتعاي اضربج وحده بط*** وشوفي الوجع شلونه.
سنار :- امداج يالخنيثه تبجي من وره ابره مااستحيتي شطولج شكبرج
ترانيم :- منيلي الطول هوه كله 152.
رحت كعدت عالقنفه وحجيت
- تعالي لاضربج الابره حتى الاخره تخلينها بليل
فزت وحجت
ترانيم :- هم ابره لعد توني شضربت
- يالغبيه توج بس شديتي الكانوله.
ترانيم :- هاي الكانوله وهيج توجع الابره شلون حبابه خليها بليل
- تؤ تؤ مايصير المضمد كال اله هسه تضربيها
كامت دكمز وتعيط ماتريد تضرب الابره غمتها سنار وحجت
سنار :- كبر يالخنيثه تخاف من الابره امداج
ترانيم :- انجبي اسنيره ، مو ماتخافين من الابره تعاي انتِ اضربيها بمكاني
سنار :- شنو شعدنه حبل توصيل اضربها بمكانج
- ترانيم كافي نگ تعاي لاضربج الابره وفضيني.
ترانيم :- زين انتِ شلون تعرفين تضربين ، خاف تضربيني وتموتيني بمكاني واني بعدني كلشي ماشفت من حياتي ليش هيج وهج اني اختج المدلله الحبابه تردين تموتيني ليشش؟
اباوعلها شلون تگلب السالفه
- تعالي كلت ؟
ترانيم :- ماا ماا والله مااضرب.
بهاي الاثناء دخلت أزهار حجت مستغربه
ازهار :- شبيجن ولجن صوتجن واصل لراس الشارع؟
راحت ترانيم ختلت وره ضهر ازهار وحجت
ترانيم :- خاله احميني من خواتي الشريرات راح يموتني .
ازهار :- شبيجن ولجن .
سنار :- اليوم ترانيم مصخنه ومنشوله ودتها وهج للمضمد انطاها ابر وهسه ماتقبل تضرب الابره.
ازهار :- ليش بنيتي ترى الابره ماتوجع
ترانيم :- ماا ما خاله اخاف منها.
ازهار :- على بختج بنيتي انتِ سباعيه تكدرين عليها.
ترانيم :- لا اني مو سباعيه ثمانيه
سنار :- عود تحشش ام راس.
ترانيم :- انجبي انتِ سنيره.
- كافيي تعالي اضربي وخلصيني.
سحبتها ازهار من ايدها وحجت
ازهار :- تعالي تعالي بنيتي ماتخوف والله اصلاً ماتحسين بيها ابد تعاي اكعدي
ترانيم :- خاله اخاف والله؟
ازهار :- والله ماتخوف بنيتي يلا مدي ايدج
مدت ايدها متردده اخذتها وهج وفتحت مال الكانوله وحطت الابره بيها ضغطت عليها شويه وعافتها.
ترانيم :- بس هيج يعني كملت
- لا اله الابره كلها تخلص
ترانيم :- يمهااااا خوب كليلي موتي.
ازهار :- اسم الله عليج بنيتي ، افا عليج تخافين من الابره انتِ بنيتي القويه الحلوه
ضلت يمها وتمسح على جتفها وتقنع بيها وهج كل شويه وتضغط عالابره وتمسح على الوريد عليكف
شويه وازهار كامت وحجت
ازهار :- خلي اروح عالجدريه خليتها ؏ لنار خاف تحترك
هزينا راسنا راحت
»»»»»»»»»»»»»
«سنار»
كمت عفتهن ورحت اغسل الطرمه شويه جان الجو تراب والطرمه صايره كلها تراب رحت اخذت الصونده ودحست الدشداشه جوه وجفلتها
ونص رجليني طلعن بديت اغسل بالطرمه وامسح والباب جان مفتوح علكيف مااحس لن دخل لهيب منزل نضره ؏ رجليني احس وجهي اشتعل بنار توترت كلش گبل نزلت الدشداشه متوتره من نضراته
اباوعله حس نفسه وحك طرف لحيته وعلى ثغره شبه ابتسامه
باوعلي مركز بوجهي بكل دقه واني اريد احجي احس لساني نعگد اباوعله من اشوفه مركز بوجهي انزل راسي حجه مامنتبه لنفسه.
- ليش هيج عيونج
باوعتله وتلمست عيوني واحجي بتوتر
- اءءء شبيهن
- سطرني سطر بجمالهن
- هاا
حجيت بفهاوه بدون وعي مني وهوه صفن حس على نفسه واني حجيت بسرعه
- عفيه لاتتغزل بيه اختي تتخبل اذا عرفت بيك ، يمكن تموتك ومايلگون الك اثر عفيه روح
ضحك وحجه
- هاي هيج اختج مرجفتج
- واكثر انتَ ماتعرفها زين عفيه روح
هز راسه وقدم علاليك بيهن مسواك حجه
- هاي امي دزتهن الكم
اخذتهن منه ودار ضهره وراح سديت الباب وانفخ بقوه يمه كلبي احسه يرجف من كد التوتر
دخلت للبيت وهج كاعده تكلب بالتيلفون من شافتني حجت بصوت اله فززتني
- عفييييه ، عفيه بسناررررر.
سنار :- يمه شبيج وهج فززتيني؟
- عود اكول عليج العاقله المؤدبه تالي هيج تسوين.
سنار :- يا شمسويه اني.
شمرت التيلفون وكتفت أديها وحجت
- منو جان بالباب
بلعت ريگ وحجيت بتوتر
سنار :- لهيب اجه جايب مسواك كال هاي امي دزته.
- اي شحجيتي وياه
سنار :- كلشي ماحجيت بس كتله شكرا.
- لاتجذبينن واحجيي من سألج ليش هيج عيونج وسألتي ليش شكالج؟
سنار :- لا هوه ماكال هيج
- لاتجذبين ، كالج سطرني سطر بجمالهن مووو.
حجيت بصدمه
سنار :- يااا شمدريج.
- والله لو ماشويه جان كمتله وذبحته بمكانه.
سنار :- شلون عرفتي.
ترانيم :- مو عيون ليزر ، ادري شلون عرفيتها.
- انتي سكتي ، عفيه بخواتي ماضاعت تربيتي بيجن ، صايرات تتمعشكن من وره ضهري ضلت عليه.
ترانيم:- اي وربي اخذي بحوري خوش زلمه.
- والله لو مو مريضه جان گمتلج وطيحت حضج ، بعد طلعهه ماكو حتى للطرمه ماتطلعن.
ترانيم:- ديلا علساس احنا كل يوميه مسافرين من دوله الدوله اشو كاعدين بالبيت حتى الجلاب احسن من عدنا .
رحت للمطبخ عزلت المسواك وافكر بالله هاي شلون عرفت هيه مو جانت تضرب ترانيم ابره والله كمت اخاف حتى من ضلها
طلعت من المطبخ وهج تخوزر بيه اله شويه وتموتني للعصر جنه كاعدين اني وهج على صفحه دخل بحر وترانيم وراه وتهلي بي
ترانيم :- يا هلاا بنسيبي نور البيت.
كعد عالقنفه وهج تخوزر بيهم حجه
بحر :- وبيج اكثر بويه ترانيم.
ترانيم :- هلا بيك نسيبي ، اوكف خلي اجيبلك مي مايصير مانضيف النسيب
عاطت وهج
- لجج شو انتِ ماتعرفين تحجين ، نسيبي شنو مو اكوم اطيح حضج
ترانيم :- شبيج ياعيني اسم عجبني وكلته ، شبيج معصبه ياعيني
- راح اكوووم
راحت تركض عالمطبخ تجيب مي حجت وهج بعصبيه
- ونتَ شجابك اهنا.
بحر :- هاي بدال ماترحبين بيه
- احجيي؟
بحر :- اجيت اشوف اخبارجن
- عرفه ولفه تشوف اخبارنا
بحر :- ليش احنا مو كرايب
- فضني شرايد ترى مالي خلكك
بحر :- جرحج شلون صار
- ونتَ شعليگ عسا مااموت
بحر :- اسم الله بيش طالبه نفسج يمعوده
اجتي ترانيم شايله كلاص مي انطته وحجت
ترانيم :- اتفضل نسيبي
- يعني هاي بدال ماتجيبيلي الي جاي تتصخرين لهاذا.
ضحكت وحجت
ترانيم :- اويي فدوه اختي الغيوره كامت تغار من نسيبي ، يلا هسه اجيبلج.
خنزرتها وهج وراحت تجيب مي اني شايله هم ترانيم شلون راح تنكتل كتله معدله كمت افكر هاي شبيها معقوله الصخونه مأثره عليها لو هيه تغشم نفسها
ضل شويه من بعد خنزرات وهج اله،
اله شويه ودكوم تكتله اجاه اتصال وراح وترانيم كعدت حجت وهج بهدوئ
- انتِ شبيج اليوم عقلج وين شاخط.
ترانيم :-ههههههه شبي.....
- لاتضحيكن لااكوملج ، قسما بالله ياترانيم لو ماشويه جان كمت حطيت راسج بالجدر
خنست ترانيم ونزلت راسها لوره العشه كاعدين واندك الباب رحت فتحته طلعت ازهار راحت كعدت واني كعدت بصفها حجت وهج بهدوئ.
- خاله ربي ولدج
باوعتله مستغربه حجت
ازهار :- شبيهم ولدي؟
- الي يحجي وي خواتي لو يفكر يتقربلهن مايلوم اله نفسه ، ولدج خفاف وجاي يحجون وي خواتي
ازهار :- منو منهم كلهم عاقلين ومؤدبين بس صگر شويه وكح ، كولي بنيتي شبيهم زعجوجن بكلمه
- خاله خلي يبتعدون عن خواتي لا والله اروايهم نجوم الضهر وخاصتن هاذا صگر كليله خلي يبتعد عن ترانيم احسله.
ازهار :- يا هاي هما هيج يسون اني اعلمهم ، لاديرين بال بنيتي اني هسه اروح ارزلهم رزاله معدله ماعليج انتِ .
كامت وراحت وهيه تتواعدلهم عزه جاي اتخيل ازهار تكتلهم بالصونده
رحت تمددت عالسرير وترانيم هم اجت من بعد ماوهج اخذت التيلفونات تمددت وحجت
ترانيم :- اكلج شنو رأيج بلهيب.
- شنو؟
- لهيب لهيب شنو رأيج بي شفتي شلون حلو وانيق اوي كزكزت علي بس اني صگوري عاجبني .
- يعني ماتوبين
- يووو اني شكلت صايره مثل وهيجه كلما حجيت وكال اسكتي انلصمي سدي حلكج شني هاي.
- هو الزين
- بشرفج احنا هم عايشين مثل الأودم الجلب احسن منه.
انتجيت عكس ايدي عالمخده وحجيت
- شلون بله الجلب احسن منه؟
- ؏ الاقل الجلب يطلع يديح يفتر بالشوارع احنا ماكو لاطلعه ولا طبه.
- خما زلمه انتِ حتى اديحين.
- ليش بس الزلم يديحون ، لوتشوفين صديقتي كله سفرات لدهوك لاربيل وأني كاعده اغم بنفسي.
- دنامي نامي
غمتني وحجت
- امداج فوك مااحجيلج
باوعتلها صفح وتمددت تغطيت ونمت ...
مرن كم يوم وهج وضعها غريب تروح من الصبح ماتجي للضهر ومن اسألها دكلي لاتدخلين بشغلي نضفت البيت وطبخت لان انطونه عطله كملنه امتحانات
كملت الغده ودخلت وهج وكفت كدامها وحجيت
- وهج هسه تحجيلي وين جنتي.
رفعت حاجبها وحجت
- شنو تحقيق
- اي تحقيق ، وهج وضعج ماعاجبني يعني ترحين من الصبح ماترجعين للضهر شنو هاذا الشغل فهميني
باوعتلي وحجت
- لاتدخلين سنار
- ليش ماادخل انتي مو اختي .
عافتني وراحت للغرفه تبدل وكفت باب الغرفه وحجيت
- وهج بداعت بابا احجي؟
اندارت علي حسيتها جمدت بمكانها ماانطت اي ردت فعل اندارت تطلع ملابس من الكنتور حطتهن عالسرير وحجت بدون لاتباوعلي
- سويت جوازات سفر
- شنوو ؟ .......
يتبع.........
»»»»»»»»»»»»»»»»»»»»»»»»»»»»»»»»»»»
توقعاتكم للبارت الجاي؟
🫶🤎✨
احبكم اهواي لاتنسون التصويت 🤎🦋