قيود عشك الشيخ

قيد العاشر

تعالي أحبكِ قبلَ الرحيل
فما عادَ في العمرِ إلا القليل
أتينا الحياةَ بِحُلمٍ بريء
فعَربَدَ فينا زمانٌ بخيل .

﹌﹌﹌﹌﹌﹌﹌﹌﹌﹌﹌﹌﹌﹌﹌

نايـمة واســمع الايــسر ينده بــية ڪُعدت مخروعة باوعتلة أردف::- اسم الله بوية مالـج

اتنفس بــ قـــوة::- شـــڪُو شبيك

::- نعلعلا روحك أثـــير هبطتتها

صفنت::- شبي أثـــير

اباوع الموبايل بايدة ڪُال::- أثـــير على خط يريدج

اخذت الموبايل ڪُـلبي يــنبض بــ قـــوة::- ها أثـــير خيرك

تفاجئت من رادني احجي وي رؤيـــا ما ڪُـلت باطل وفعلا حجيت وياها شوية ونسد الخط ظل بالي باوعت للـ الأيــسر

::- اتصل بي شوفة شبي

أردف::- هسة

اتــصل علية مـاڪُو ما يرد ظل بالي وقلقت بــاوعلي واردف::- لا تخافين هسة يرد

هزيت راسي منتظرتة يرد رجع ورة ربع ساعة هم اتــصل رفعة اجانة صوتة رايح مبحوح اخذت الــموبايـل من الأيــسر و أردفــت::- الو أثـــير

::- ها ايـــة

::- شبيها رؤيـــا

اسمعة يجر حسرات وصوت طكة الجداحة أردف::- رابطينها بالسلالسل وصار الها يومين لا ماكلة و لا شاربة

غمضت عيوني بــ قهر أردف::- ايـــة تعالي انا ما اكدر اساعدها خاف تتاذة عاد أنتِ تساعديها البنية مو مال نتركها وحدها

::- أثـــير لا تتقرب منها بس تدري شروق مساعدها ترجعها عد اخوها

::- چــا واذا رجعتها

غمضت عيوني بــ قهر::- جحيم شروق ولا عذاب اخوها خليها يمنا واستر على البنية

::- يعني ترديني اشوف اذيتها واسكت?!!!

سكتت رجع ڪُال بنبرة غضب::- شروق لْـۆ اطيح بيدي الله ما يخلصها

::- لا تعاديها شوف انا من عاديتها شحصلت طلعت من البيت بتهمة اكبر من راسي مو بعيدة اذب عليك تهمة طلعك مو بس من البيت من الديرة كلها

::- والبنية

::- عوفها

::- ما اڪُدر

ڪُالها وسد الخط بـــاوعت لـ الأيــسر الــي واڪُف مـڪُتف ادية لصدرة ويستمع للمكالمة كالها::- شبي هذا

رفعت اڪُتافي::- يحبها اعتقد

ابتسم وهز راسة::- جيبي الــموبايـل ورجعي نامي

::- الأيــسر خل نرجع بعد ما اڪُدر ابقى هنا لا عندي ملابس ولا جايبة ڪُتبي ما بــقى شي للامتحانات ما اريد اضيع هاي الايام علية

::- ڪُلشي سهل باجر تڪعدين تلڪُين ملابسج و ڪُتبج

سڪُتت عنة منين ما اروح يجيني اريد ارجع بس شلون و بيا طريقة ما چــاي اعرف::- الأيــسر

بــاوعلي وكانو يكلي فهمتج بنظراتي ابتسم::- نامي بوية نامي تصبحين على خير بناتي

ڪُالها وطلع ساد الباب وراه رڪُعت رجلي بــ الڪُاع ضايجة مــا اريد أبـقى هنا بعد اريد ارجع

ظليت ڪُاعدة بـــاوعت الساعة ب5 الفجر ڪُمت حتى اصلي طلعت للصالة بـــاوعت لڪُيتة هو هم ڪُاعد ويقرة قران

بقيت اباوعلة بدون وعي مني صدق رفع راسة يــباوعلي مبتسم::- ها بوية

دمعن عيوني شلون راح أڪُدر افاركة شلون أڪُدر ابعد عنة هو كل اهلي تقدمت ناحيتة وكلت بــ صوت مهضوم::- الأيــسر

::- اعــز اعـزازة

ابتسمت بــ غصة::- اذا فد يوم اجيت و ڪُـلت ألـڪُ عوفني و بعد لا تحجي وياي راح تعوفني??!!

ابتسم::- مــا راح يجي هل يوم بوية اعوفج من يجيني الــموت

دمعن عيوني::- لا تڪُول هيج اسم الله عليك زين و اذا انا متت

طفر من مكانة يــباوعلي مخنزر::- شنو هل ڪُلام بوية ايـــة بيج شي

نزلت دمعتي حايرة بية وجع بس الله يعرف بي شعوري وانا مــا الــي احد ذبحني ذبح::- لا

طفر يمي لزم ادية ودنك يبوس اصبع اصبع::- أنتِ بنيتي وروحي وحياتي وعمري ڪُلة أنتِ مــا راح يجي يوم و ابعد عنج حتى لْـۆ أنتِ ردتي مــا راح أڪُدر ابعد عنج

لْـۆ صار و بعدتي راح اعرف شلون ارجعج تحت جناحي أنتِ ملڪُ خاص بس بية بوية انا شنو لذة حــياتـي بدونج روحــي فدة لروحج.

مستعد ڪُلشي اسوي ولا اشوف دمعة من دموع عيني تنزل تحركين ڪُـلبي و علي هاي دموعي تنزل مثل التيزاب على ڪُـلبي

شهـــڪُت مــا اتحمل هل ڪُلام و الله مــا اتحملة حنيتة حلوة علية مو بيدي احس روحي وحيدة وعملت سمر ادك بصدري

::- الأيــسر

::- روحــة

::- اذا أطـلب طلب منك تفذة الــي

::- اطلبي ڪُلشي تردين انا حاظر ڪُدامج

بـــاوعت بنص عيونة و أردفــت بــ صوت يرجف::- تزوج ســـمر

بــاوعلي موسع عيونة على وسعهن وخر ايدة من ادية جاوبني بنتر::- شنو هل حجي??!!!!!!!

::- أنت مو ڪُـلت مــا ارفض الج طلب

::- روحــي ايـــة من وجهي

ڪُمت وكفت وباوعت بنص عيونة جسمي يكلة ينفض مثل السعفة ::- هذا انا طلبي الوحيدة لْـۆ فعلا أنت تحبني ومثل مــا تڪُول أريــد بس ارجع تنفذة الطلبتة منك

طفر لزمني من كتفي عاصرة عصر عطت بوجع::- الأيــسر ايدي

::- هاي اخر مرة اسمعج تكولين هل ڪُلام مفهوم

باوعتلي ونزلن دموعي ضاغط علية حيل::- أنت مــا تحبني كلكم مــا تحبوني

مــا احس الا تركني يــباوعلي بــ حنية اةتغيرت نظراتة::- بوية مــا يصير هل حجي و الله انا أحـــبچ ليش مــا حاي تستوعبين اذا هم مــا يردوج انا اريدج يا بعد عيونة للـ الأيــسر

::- طلبت منك هل طلب وما ترفضة

ڪُام وكف دفر الطبلة وكعها عاط بصوت::- ايـــة لا اطلعيني عن طوري

ڪُمت ارجف واصيح::- بس نروح تخطبها ولقران اذا مــا خطبتها اشرد واعوفكم

مــا احس الا جابني بــ راشدي وكعني على تخم رفعت عيني اباوعلة عيونة دم حمر ووجه مطعون طعن فكة يرجف من العصبية

::- بطلي استهتار

ڪُالها وطلع عايفني وحدي ڪُمت اشيل روحــي و اركعها بــ الڪُاع من القهر روحــي نمردت مرد

ڪُل السوتة وياي و بعدني افڪُر بيها بعدني روحــي چــاي تطلع من اشوفها هيج متعذبة ڪُدامي مو بايدي اختي ربت وياي واحبها مو بــ ايدي

ظليت ڪُاعدة افرفح من وجع ڪُـلبي يوجعني و يــنبض بقوة موتني موت ڪُمت افتر على روحــي بس أريــدة يهدئ مـاڪُو

طلعت للطارمة احاول اسحب نفس مخنوكة احس الهوة ڪُلة مــا چــاي يكفي ريتي لزمت ڪُـلبي اعصر بي وافرك بي بس أريــد يخف نبضاتة

حسيت وجهي احتر وعركت ڪُمت اسحب النفس كوة وانفاسي لاهثة

ڪُعدت على صبة مال الحديقة اجر نفس بهدوء ودموعي ينزلن من وحدهن تعبت وخدر جسمي

سندت نفسي على السياج وكمت شوية شوية دخلت لجوة اتوضيت وصليت صلاة الصبح وبعد مــا كدرت اقاوم التعب بسرعة رحـت على جرباية وذبيت روحــي ونمت

مــا اعرف شكد مر الوقت وكعدت على طكطكة الماعين بالمطبخ رفعت راسي للشباك اباوع الدنيا الضهر والشمس طالعة

تنهدت وكمت طالعة من الغرفة جمدت من شفت أصــيل ڪُاعد بس شافني ضحك::- ها ولج

::- صوصية اجيت

::- عمي من زمان انا هنا بس أنتِ مـاڪُو

ابتسمت::- الْحٍمَدٍ للـّہ على سلامتك اعذرني البارحة مــا لحكت اڪُلك

ابتسم::- لا عمي حقج

التفتت على الباب مال المطبخ افتح واجة الأيــسر جايب صينية خلاها بــ الڪُاع

أردف أصــيل::- يلا تعالي تغدي جبت مندي أنتِ تحبي

::- الف عافية مــا اشتهي

بــاوعلي الأيــسر مخنزر درت وجهي بعدني أريــد ادخل وجان يكول الأيــسر::- أصــيل اليوم ايـــة طلبت مني طلب

التفتت بسرعة وجهي فلت اباوع لاصيل وعين للـ الأيــسر ابتسم أصــيل واردف::-هي مــا تطلب هي تڪُول واحنا نفذ شنو طلبها

رفع راسة يــباوعلي و ڪُأنو يذكرني بــ حــب أصــيل::- شنو رائيج ايـــة أنتِ تكولين طلبج ل أصــيل

هزيت راسي وجهي صار اصفر احس روحــي عركت ابتسمت واردفت::- ردت يجيبلي ملابسي وكتبي

ابتسم أصــيل واردف::- اي حبيبتي جبتلجياهن هذنياهن يمي

بـــاوعت يمة جنطة مال ملابس وجنطة مال مدرستي وبيها الكتب ابتسمت الة::- طول عمرج معدلة صوصية

ضحك::- من طيح الله حظج خاب هاي لْـۆ يسمعونا الجنود هيج تحجي ويانا يظلون يعفطون بوجهنا بس يشوفونا

ضحكت ورجعت داخلة للغرفة ارجف من الموقف مر وقت هواي واسمعهم يسولفون وانا ظليت ڪُاعدة وحدي

شوية وسمعت الباب تندك::- تعال

دخل أصــيل و كل عادة ابتسامتة اليشوشة على وجها الحنين::- ها تعال

ابتسم وكعد يمي::- شلونج

ابتسمت بــ حزن و دنڪُت راسي::- شتشوف??!

لمعن عيونة بــ قهر و أردف هو يسحب نفس من الجكارة::- ليش سوت ســـمر هيج متعاركات?!

بلعت ريك اباوعلة عيونة تلمع و ڪُأنو يعرف شنو راح اكلة بس يقشمر روحة و ياملها::- أصــيل

جاوبني بــ حسرة::- اشششش لا تحجين و توجعين ڪُـلبي ايـــة

نزلت دمعتي حايرة أردف::- وحك ربج تعبان ايـــة شردت عفت البيت واجيت لهنا ڪُـلبي يوجعني من اشوفها مرتبة نفسها لـ صاحب روحــي و اخوي

عصر ڪُـلبي عصر وهو يطحن بالجكاير دموعي تصب على خدي عزيز أصــيل ڪُلش عزيز و مــا يهون علية اذيتة

ڪُام وڪُف حاني ضهرة طلعت وراه شفتة راح للطارمة يطحن بــ هل جكاير ظليت واڪُفة و اباوعلة

اجاني صوت الأيــسر من ورة::- شبي

التفتتة حايرة شنو أڪُول سڪُتت رجع ڪُال::- شكلتيلة كتيلة انا أريــد اجمع ســـمر بــ الأيــسر

خنكتني العبرة وتندمت و انا اشوف أصــيل بهل حالة اختنكت ولمت روحــي أردفــت بــ عيون دامعة::- شسوي كلي شسوي حايرة بــ القران حايرة

::- لا تحتارين قريبا راح ينحل ڪُلشي

باوعتلة بــ غصة::- شلون

::- خليها علية واطمئني

اباوعلة اعرفة بــ بالة شي سڪُتت اباوع لـ أصــيل عافني الأيــسر وراح الة دخلت وسديت الباب وراي وانا بالي يدور يدور يدور

هيج احس التفكير نهش راسي نهش احس راسي راح ينفجر ودكات ڪُـلبي تعلى اكثر و اكثر لزمت دكات ڪُـلبي أريــد اهدئ من روعتهن مــا اعرف ليش هيج يصير بية ڪُـلبي احسة كد مــا يــنبض يريد يطلع من القفص الصدري!!!!

لفيت روحــي بــ البطانية حاولت انام مــا كدرت ڪُمت افتر جريت الكتب حتى اقرة هم مــا فاد تفكيري بعيد حيل عن الدراسة مــا چــاي أڪُدر اركز

اخر شي طلعت من الغرفة توجهت للمطبخ اباوع لساتهم واكفين يحجون تقربت الهم وصحت::- أصــيل

التفتتلي::- ها

::- مشتهية كيكة

هز راسة وكام راد يطلع يشتريلي ابتسمت على حنيتة::- لا اقصد انا اسويها جيبلي المواد

هز راسة و أردف::- شتردين اجيبلج

اخذت منة الــموبايـل اكتب بالحافظة قائمة شكبرها خلصت انطيتة الــموبايـل بــاوعلي وراح اتجة للـ الأيــسر::- يلا ورق

::- انا شعلية

::- چــا بس تعرف تصيح بنتي وبناتي ورق عيني ورق

::- تظل طول عمرك جلف

::- يلا بتك مشتهية كيكة

بــاوعلي ورجع باوعلة ابتسم وهو يكول::- اصيرلها كيكة هاك

انطاه فلوس وانا واڪُفة مــا عندي كل ردة فعل راح أصــيل و الأيــسر دخل لجوة يــباوعلي

::- شبيج?!!

ردت وجهي بدون حرف واحد::- شبيج بوية

درت وجهي للثلاجة اطلع بالبيض ودموعي تنزل بهدوء مــا احس الا سحبني من ايدي عطت بي::- مليييتت انا ملييبت تعبتت و الله العظيم تعبت روحــي شنو الحل كلي مــا اريدكم تتاذون مــا اريدكمم تتاذون لا بيةةة اتجاهل وجع أصــيل ولا بية اتجاهل ســـمر راح تطلع روحــي انا وكعت بين اعــزازي راح اموت ولله تعبت راح اموت

احجي والطم روحــي مفرفحة جرني حظني وكعت للكاع وهو وياي ڪُعد لامني لم بــ حظنة وانا مجلبة بــ قميصة اشهك بــ النفس::- اششش بوية اهدي حبيبتي اهدي

شهـــڪُت بــ غصة ڪُـلبي يوجعني::- تعبت الأيــسر راح اموت تعبت

::- من عمري لـ عمرج يا بعد روحة للـ الأيــسر

ڪُالها وشدد على حظني وانا مجلبة بي ڪُأنو أريــد التمس منة الامان والراحة هو يشدد على حظني خايف جسمة يرجف اكثر مني::- كافي بوية و الله اروح اعدمهم كلهم

::- الأيــسر خايفة من المستقبل مــا أريــد ابقى شي لْـۆ ظلت علية اتنازل عن ڪُلشي في سبيل ترتاحون انا راحتي من راحتكم انتو اعزاز روحــي

وخر عني يــباوعلي و عاقد حواجبة::- شنو هل حجي تنازلات شنو لا تعيدين هل ڪُلام ڪُلشي راح يصير يرضيج خليج وراي

::- بس...

جاوب مقاطعني::- بدون بس لْـۆ كالولج تنازلي عني راح تتنازلين?!!!!!

رفعت عيوني اباوعلة بــ تفكير دنكت راسي و أردفــت::- لْـۆ اعرف بــ تركي ألـڪُ ترتاحون انا اتنازل

رخت اديه الــي شادة على ضهري يــباوعلي صافن::- وتعوفيني?!!

بلعت غصتي و أردفــت::- اعوفك

عيونة لمعت ڪُام وكف وكفت وياه احجي::- الأيــسر لا تفهمني غلط بس و الله علمودكم ان...

::- هنيالهم

عقدت حواجبي باستفهام::- ها

::- هنيالهم تفكرين بيهم بس هم هنيالهم چــا طلعت انا مو من اعزاز روحج

ڪُالها بــ صوت يكطع الكلب::- لا الأيــسر باع

عافني وطلع من المطبخ ركضت وراه لاكانة أصــيل جايب الغراض::- ها شـــڪُو

باوعتلة راح طلعت وشخط السيارة رجع بــاوعلي أصــيل::- شـــڪُو شبيكم شبي الأيــسر

باوعتلة محتارة شنو أڪُول الة ڪُـلبي بــقى يوجعني عيوني دمعت::- مــا بي شي بس تعاركنا

سڪُت يــباوعلي مــا مقتنع::- شجبتلي

::- هاج ذني غراضج

اخذتهن من عندة بروح مسلوبة مــا بية حيل ابد ابد ابد تعبانة حيل::- خوش

::- يلا مشتهين كيكة

ابتسمت ورحت اخبط بيها خلصت خليتها بالفرن وظليت ڪُاعدة انتظرها منا لمن استوت قطعت قطعتين وخليتهن بــ ماعون و أصــيل جايب ببسي صبيتلة بــ كلاص ورحت الة ابتسم من شافني اخذهن من ايدي

بدة ياكل غمض عيونة مستلذ::- الله ولله طيبة عاشت ايدج

ابتسمت ودنكت راسي أردف::- خل نشوف هذا وين راح أريــد ارجع للـ عمارة مــا أڪُدر اعوفج وحدج

اتــصل علية يرن وما يرفعة بــاوعلي::- وين هذا ولة شبيكم متاكدة بس عركة

سڪُتت هو هم سڪُت مــا حجة ڪُام طلع ربع ساعة ورجع أردف::-  خابرتة ڪُال ربع ساعة وجاي خل تقفل البيبان عليها انا رايح

ڪُمت وياه وصلت للباب راد يروح أردفــت::- أصــيل

::- ها حبيبتي

::- انسى ســـمر مــا تفيدك

بهت وجه وصفن بوجهي متفاجئ كملت::- تستاهل الاحسن منها

مــا رد عافني وطلع روحة ممرودة غمضت عيوني بــ قهر لآزٍمٍ واحد منهم يتنازل لآزٍمٍ

لْـۆ انا لْـۆ الأيــسر لْـۆ أصــيل لْـۆ ســـمر لآزٍمٍ واحد يتراجع ظليت بدوامة

دخلت للغرفة سويت كيكة وببسي وكعدت اقرة من الضهر لحد مــا دكت ال8 الليل هو مـاڪُو مــا اجة

ظل بالي بقيت افتر بالبيت بـــاوعت اكو كباب واكو همبركر واشكال بس جيب الخلك الــي يسوي كطعني الجوع وانا مــا بية حيل اسوي

ظلمت الدنيا وبديت اخاف وحدي وكلما يصير صوت افز رفعت عيني على الساعة والكاها بس ال10 روحــي طلعت وكمت اتخايل شغلات مــا صايرة

خفت وحدي حاولت الهي روحــي بالتلفزيون بس مــا كدرت اول مرة أبـقى وحدي بالبيت رغم هو صغير وامان بس مــا كدرت

ظليت افتر لا عندي موبايل واتصل بي واعرف وينة ولا بية اطلع اخاف وحدي ومنطقة مــا اعرفها بطني كامت اطلع اصوات

دحست روحــي بــ القنفة الموجودة بالصالة وجبت غطوة صغيرة وتغطيت مطلعة بس عيوني ودكات ڪُـلبي كامت ترعد على الالف

مــا اعرف شلون غفيت من الخوف والتعب والتفكير الــي اكلني ڪُعدت فازة على طكطكة بالمطبخ انهبطت وكلبي ردت اتقيئة من الخوف

طفرت طفرت وجلبت رجلي بالغطوة وانجبحت على وجهي طلع الأيــسر من المطبخ يركض تقدم اتجاهي و أردف::- تعورتي

رفعت عيني اخزر بي هو ملامحة عادية مــا بيهن كل ردة فعل صفنت بوجها وما رديت

هو هم غلس وما اهتم عافني وراح للمطبخ يكمل وريحة الاكل تسطر سطر وانا منا ميتة جوع بس هيهات استسلم

دخلت للغرفة ردت انام انفتح الباب ودخل بــاوعلي و تنهد::- كومي اكلي

::- مــا أريــد
عافني وطلع بدون لا يحجي او حتى يتوسل بية حتى اكل?!!! عرفتة زعل مني وشال بــ خاطرة

هذا هو الاريدة يبتعد عني شكلي انا الــي راح اقدم تنازلات و اولهن راح اخسر الأيــسر. 

غمضت عيوني وريحة الاكل عبت المكان تعبي وانا جوعانة ڪُمت احوص بالفراشي حسيت على باب ينفتح غمضت عيوني امثل النوم

تقرب يمي وانفاسة لفحت بشرتي توترت وكمت اعصر بملابسي جوة البطانية أردف بــ هدوء::- ايتي

ظليت مغمضة عيوني و دكات ڪُـلبي يرعدن رعد من شافني مــا فتحت عبالة نايمة رفع ايدة بعد الخصلة النازلة على وجهي وتقرب اكثر ڪُمت احس بــ انفاسة

روحــي كامت تعالج اضطرابات صارت بنص روحــي بطني خبطت وكامت تمغص بية ودكات ڪُـلبي علن خفت انكشف بس مو بايدي

تقرب وشواربة لامست خدي عصرت روحــي عصر وافرك رجل بالثانية هـــمس بــ صوت قشعر جسمي ڪُلة::- أحـــبچ

ڪُالها وابعد يجر حسرات مــا اعرف شنو هل كلمة سوت بية مثل الاعصار الــي يدخل على مكان وبعدين يروح هيج بالضبط خربطت شـــڪُو شي بداخلي وتركتة هادئ ومخربط

عدل الغطة وفتح السبلت وطلع من الغرفة ڪُمت فازة اجر بالنفس بــ الكوة احس ڪُـلبي بــقى يوجعني ويركض يركض سريع

لزمتة افرك بي اهدئ من روعتة صح اعرف هو يحبني بس هاي اول مرة اسمعها منة هو اول مرة احسها?!! مــا جانت مجرد كلمة تنكال?!! حسيتها احساس حركت شي بداخلي شي جان ميت وحييتة هيج جان احساسي بوقتها

رجعت دافنة وجهي بالمخدة وابجي افرفح مــا أريــد هل مشاعر كلها مــا أريــد احب الأيــسر الأيــسر ابويا اي اي ابويا

غمضت عيوني ثاني يوم ڪُعدت على هوسة ڪُلش بالصالة طفرت اسمع اصواتهم كلهم موجودين صفنت معقولة احلم شنو هاي!??

رفعت عيوني للباب من انفتح دخل الأيــسر وجه ثكيل أردف::- غسلي وتعالي

وكفت طافرة::- شنو هاي منو هنا

مــا جاوبني عافني وراح جريت حسرة بــ قهر عايزة بس الأيــسر يدير وجهة عني

راح وانا بقيت افتر بالغرفة شوية ودخلت علية أبــتهال بس شفتها وكضت الها حظنتها وهي تضحك::- ها ولج الأيــسر سوة المحد مسوي لعب فلك بينا خايبة

::-شسوة?!!

::- اي حقج مــا تدرين غير لعب بينا لعب من ورة مــا اخذج غلق موبايلة و يتصلون علية مــا يرد

عمة جميلة تعرفيها كامت تلوب خاف الوادم تسمع على ابو شردت وي ابن عمها ومن هل حجي كامت تحرمص للعمج ساجت وعمج ساجت هم يـتـصل وماكو

اخر شي دزو أصــيل على اساس يروح يدور عليكم بــ بغداد بس مـاڪُو مــا لكاكم

رجع أصــيل وكال الهم فريت بغداد ركن ركن وماكو عمة جميلة تخربطت وكامت تصفك بديها

مــا نحس الا الأيــسر فوك روسنا لزمتة عمة جميلة استفسارات::- وينك وين رحـت وين صرت ومن هل حجي

تدرين شكال الها::- شكال??!!

ڪُال الها ايـــة بعد تحلمون تشوفوها وانا چــاي عليكم حتى اخذ غراضنا وبعد محد يدخل بينا لا النا شغل بيكم ولا الكم شغل بينا ومن هل حجي

عمة جميلة مــاتت شنو وبكيفك ومدري شنو وصارت مشاحنات بي عمج و الأيــسر اخر شي كالولة شتريد ڪُال الهم تجون وياي ترجعوهنا ومحد ياذيها بقيد شعرة واذا سمعت بيكم ماذينها ساعتها بعد محد يشوف وجوهنا

وهل تشوفينا كل احنا اجينا غباشة من الصبح و اليقهر لكيناج نايمة نكول الة كعدها يكول لا تكطعون نومتها عوفوها تشبع نوم

مــا اشوفلج نضرات شروق وسمر تخبلن رادن ينتحرن وهنا كاعدات وكلساع شروق ڪُالت شنو هل زعطوطة جاين محافظات مناك لهناك علمودها وهي مكعدتنا ونايمة

وعمة جميلة تسكت بيها خاف يسمع الأيــسر اخر شي هو دخل الج ومن طلع ڪُال روحــي الها شوفيها وهل اجيتج

دمعن عيوني وهي تحجي كل هذا مسوي علمودي وانا شسويت مــا يحصل مني بس الاذية البارحة قهرتة واذيتة بــ ڪُلامي

بدلت ملابسي وطلعت اباوعلهم يباوعولي راحت عيني على عمة سهاوي رحـت سلمت عليها بس هي وكعدت وهي تبوس بية وتحظن بية عمة جميلة تباوعلي بــ عتب درت وجهي منها

ڪُال عمي ساجت::- بوية ايـــة احنا جاين لهنا لخاطرج ونريد نردج للبيت البيت وحشة بدون حسج شنهي اطب وما تتلكيني وما تعمليلي كهوة من اديناتج الحلوات

كل احنا نغلط يا عمي بس الغلطان الــي مــا يتعلم من غلطة ويرجع يعيدها نفس الشي

أردفــت و انا عيني بعين شروق::- اي عمو فعلا المفروض بعد يومين انتبه اكثر واحذ حذري

رفعت حاجبها تباوعلي مــا عاجبها درت نظراتي ل ســـمر الــي مكلوبة من ســـمر البريئة الى وحدة مــا اعرفها المكياج والحفافة واللبس شنو بقيت صافنة بيها وهي تباوعلي بــ كل غيض وكره

مــا اهتميت الها اجة الأيــسر جاب ريوك تريكنا كلنا سوة و الأيــسر عيونة مــا نشالت من عندي يــباوعلي بــ عتب وزعل و انا تجاهلت و بلعت غصتي و سڪُتت

ڪُمت الم بملابسي و أبــتهال تساعد بية خلصت وطلعت شايلة الجنطة كلمن ركب بسيارتة وانا ردت اروح بسيارة الأيــسر شفت ســـمر راكبة هي وعمة جميلة وسهى مــا رحـت وياهن عفتهن صاح وراي الأيــسر::- ها

::- شفتي الفرق?!!

عقدت حواجبي مــا فاهمة::- اي فرق?!!!

جاوب بــ خيبة::- تخليت عن اهلي لخاطر عيونج وانتي بــ كل فرصة تبيعيني"

غصة صارت بــ نص بلعومي توجهت انظاري لسمر الــي تريد بس تطلع وتشوفنا شنحجي عفتة وانطيتة ضهري ركبت بسيارة أثـــير هو الوحيد الفارغ

ركبت بالصدر بس شفتة أردفــت::; شخبار رؤيـــا

جاوبني بصوت رايح ومبحوح::- راحت رؤيـــا ايـــة راحت.......يتبع

الفاتحة على روح المرحوم عبد ابن هدية 💔

اقرو الفاتحة واهدوها لـ روحة واكون ممنونة منجن 💔

حسابي الانستكرام الجديد 🩵