بين انيابهم

••العثــࢪة الخامـسة و العشـࢪون ج 1••

بســم ﷲ الرحمــن الرحيــم

السـلام عليڪم

#بيـن انيابهـم

#بقلمـي أنـا: زهــࢪاء

حساب الانستا: zaii1_8

لا تنسون التصويت +التعليق بين الفقرات

+احبڪم زهوراتـي 💋

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

تــــاج

بدلت ملابسي و ڪملت اخذت موبايلي و اتصلت على هُــــــــــــذام

هُــــــــــــذام.... صباح الخير

تــــاج..... صباح النور.... تكدر تجي توصلني للمحل؟

هُــــــــــــذام.... ليش تردين ترجعين للشغل؟

تــــاج.... اصلاً اني متاركتة بس جنت اريد ارتاح

هُــــــــــــذام.... خوش حجي اني قريب على المـدࢪسة راح ارجعلج

تــــاج.... تمام

سديتة واخذت فلوسي ڪُلهن فتحت كنتورة وضليت ادور على جنسيتي اريد اطيح بيها ماڪو دورت الشقة ما لڪيتها نفخت بضجر وڪلت اكيد عندة مخليها حته لا اخطي اي خطوة بس ما يڪدر يڪضني بالجنسية

سمعت الباب ينفتح بالقفل اتوترت وحاولت اصير طبيعية شكد ما اكدر فتح الباب ودخل صرت ڪبالة

تــــاج..... هلو

هُــــــــــــذام.... هلا تــــاج.... مكملة؟

تــــاج..... اي ماعندي شي

هُــــــــــــذام..... يلا امشي

سوالي مجال اطلع طلعت وهوَ قفل الباب ونزلنة صعدنة بالسيارة

هُــــــــــــذام..... متريڪة؟

التفتت الة وهزيتلة راسي بالرغم ما متريكة بس ما اريد اتأخر

تــــاج.... اي اتريڪت

هُــــــــــــذام.... بالعافية

سڪتت ما جاوبتة وصلني للمحل وقبل لا انزل استوقفني

هُــــــــــــذام.... طلعة من المحل ماكو اني اجي عليج الظهر من اخلص دوامي

هزيت راسي
هُــــــــــــذام.... زواجنة بيناتنة رزان ما اريدها تعرف

رفعتلة حاجبي وما جاوبتة رجع ڪمل

هُــــــــــــذام.... افڪار منا منا ما اريد

تــــاج.... فهمت يلا باي

هُــــــــــــذام... ﷲ وياج ديري بالج على نفسج

نزلت وسديت الباب بڪُل قوتي مشيت للمحل وقبل لا اوصل التفتت الة لڪيتة بعدة بالسيارة ينتضرني ادخل دخلت للمحل وسديت الباب لڪيت رزان ترتب بالغراض حجيت من ورة خشمي

تــــاج... هلو

ما جاوبتني بس ابتسمت ڪوة

رزان...صارلج شڪد ما مداومة وين جنتي

شمرت شعري وجاوبتها

تــــاج... مريضة

حجت بتصنع

رزان.... اوي سودة علية شعجب هُــــــــــــذام انطاج اجازة اشو اني لو افطس ميقبل

تــــاج... انتَ رزان و انـي تــــــــاج اڪو فرق بيناتنة و بعدين لا تحسديني عين الحاسود بيها مڪناسة مو عود

شهڪت وصاحت

رزان... دروحي عيني لج روحي عليمن حاسدتج على سواد عيونج

حكرتها وما جابوتها مرت ربع ساعة اطمنت هسه هوَ رجع الشغلة بلعت ريڪي وكمت اتوجهت للباب اجيت اطلع وصاحت رزان

رزان.... وين رايحة هُــــــــــــذام ميقبل احد يطلع اثناء الشغل

عفتها ما جاوبتها طلعت من المحل وبسرعة اجرت تڪسي وصعدت واني ارجف اجذب اذا اڪول ما خايفة منـة التفتت وراية ماڪو احد رجعت درت للسايق

تــــاج.... خالو وصلني الڪراج الـ(*******)

حرك السيارة فرڪت ايدية بتوتر وضليت اردد بداخلي هالمرة الڪة اختي اڪيد ليش وين موديتها ابتهال اكيد بايعتها الواحد من التتعامل وياهم

وصلني للڪراج انطيتة الڪروة ونزلت اتلفت بين السيارات و ادور يا سيارة اتروح للبصرة ماكو غير منشأة والمنشأة حيل بطيئة واني مستعجلة فجأة سمعت صوت موبايلي فزيت وعرفتة هوَ ما جاوبتة بس اتلعثمت انتبهت الحجي جان واڪف يم سيارة صغيرة مشيت الة بسرعة وحجيت

تــــاج.... توصل للبصرة؟

.... اي بس اني مو نفرات

تــــاج.... اي عادي على حسابي

اتفقنة وصعدت ورة وهوَ صعد حرك السيارة نفسي ارتفع واتوترت اڪثر من اتصالاتة فتحت الجنطة و طلعت موبايلي اجيت اغلقة و بالغلط فتحتة غمضت عيوني بخوف صاح بصوت عالي

هُــــــــــــذام..... انتِ وييييين وييييين وليتتتتتتي

جان السبيكر مفتوح بسرعة السايق باوعلي من الجامة سديت السبيكر وخليت الموبايل على اذني

هُــــــــــــذام..... جااااوبي ويييين انتتت شنووو هذاا صوت السيارة اليممج وييين رايييحة؟

الدموع اتجمعن بعيني ما جاوبتة صاح

هُــــــــــــذام.... وحق الله يا تــــاج اذا اشوفج ما اخلي بيج عضم صاحي جاووووبي وييين انتت

سديت الموبايل بسرعة و الدموع ترسن عيوني اباوع الايدي حمر من كد ما فرڪتهن سمعت صوت اشعار فتحت الموبايل وقريت الرسالة الدازها

هُــــــــــــذام..... تــــاج الطريق خطر نعلي الشيطان و ڪليلي انتِ وين لا تتهورين

ماحجيت شي وما يهمني المهم الڪة اختي ردت ادزلة رسالة و اتراجعت شوية وانهالات عليّ كميات من رسائل

هُــــــــــــذام.... بسيطة تــــاج كلش بسيطة اغلاطج ڪثرن

.... اني كاعد ماعندي اي شي اشوفج بلا وين توصلين

.... جاوبينييي انت وين

..... احجي لا تخافين

شمرت الموبايل على الڪشن وبجيت بقهر على وضعي مو بأي اني مقتنعة الي داسوي صح ما بالي شي غير اختي مجرد ما الكاها اخذها و اروح المكان محد يغرفنة بي ما بالي شي غيرها

.... عمو بيج شي؟

رفعتلة نضري وهزيت راسي بلا

تــــاج..... لا مابية بس اني عايشة بالاقسام الداخلية وهسه راجعة الاهلي ومشتاقة الهم

حجيتها وبجيت ما اعرف اذا صدك او لا وميهمني اصلاً لميت شفتي للداخل وباوعت للموبايل بعدة يدُك ما مل ولا وكف عن الاتصال مديت ايدي الترجف ورفعت الخط وخليت الموبايل على اذني

هُــــــــــــذام..... رايحة للبصرة؟

ما جاوبتة حجة بتوعد

هُــــــــــــذام.... سهله جاي وراج والله الة اراويج نجوم الظهر بسيطة ت

ماخليتة يكمل سديتة بخوف شنو يجي وراي وين يجي شدراه اني بالبصرة رفعت شعري بأيدي هُــــــــــــذام ما راح يعوفني الة لمن يعرف اني وين رايحة بس هوَ اكيد. يجذب اي اي ما معقولة  يلحكني للبصرة بس ليش ما معقولة اذا هوَ هذيج المرة وما يعرفني ولحكني مو عاد هسه و اني مرتة

مارجع اتصل بعد هذا الشي خوفني اڪثر لأن اكيد دايخطط الشي
مر وقت طويل وما متصل صرنة قريبين من البصرة زاد توتري بين الكة اختي وبين لا هاي الطريقة الوحيدة والاخيرة وراها اذا ما لكيتها أيس و اتأكد اني خسرت ڪُلشي

دخلنة للبصرة ونزلني على جسر الكزيزة انطيتة الڪروة ونزلت باوعت للساعة صارلي بالطريق اربع ساعات لأن سيارة تمشي سريع حاولت ابين نفسي طبيعية اجيت اشر التڪسي ودك موبايلي باوعت الة وضميتة بالجنطة رفعت ايدي واشرت التڪسي وكفلي واحد فتح الجامة وحجة

.... وين توصلين؟

تــــاج.... الشارع (****)

.... لا خوية ما اندلة

تــــاج.... ميخالف اني ادليك

..... لا لا ما اشتغل انا

حجاها وسد الجامة وراح غميتة وبعدين اتراجعت اكيد يخاف حقة الشارع سمعتة *** والبي بعد ****

اشرت تڪسي ثانية بس وكف صعدت بالسيارة حتى لا يرفض حجيت

تــــاج.... الشارع ****

باوعلي من الجامة خزرتة وحجيت

تــــاج.... توصل لو انزل؟

نزل عيونة وحرك السيارة اباوع الشوارع البصرة شكد كضيت بيها ايام ولا يوم حلو ايام اخذت من عمري و حيلي وبرائتي دخلت الها و اني طفلة وطلعت منها واني شايلة ذنوب محد شايل مثلها اتنهدت ودمعن عيوني اتمنى الكة اختي وامن عليها واموت ما اريد اعيش طلعت من تفڪيري على صوت الاتصال فتحت الجنطة وجاوبتة

تــــاج...... هُــــــــــــذام شتريد مني رايحة ادور اختي معليك بية كافي انساني اعتبرني ماموجودة بحياتك ولا

قاطعني وصاح
هُــــــــــــذام... ادبسزززززز والج عين ترددين ويييين انتتتتت بيااا كاااع لا تخبلينييي عقلل ما ضال براسي من وراااج اسمعي اني بالبصرة تحجين وين انتِ لا بالله اندمج على الساعة العرفتيني بيها

حسيتة يحجي صدُك ومن صوتة مبين راح ينفجر بلعت ريكي بخوف وسديت الاتصال اتخبل من سويت هيج رجع اتصل اكثر من مرة ويدز رسائل

... تسدددينة بوووجهي يا طايحة الحظ بسيطة اشوفج لو لا اقري الفاتحة على روحج

كتبت الة
تــــاج.... شتررريد مني هُــــــــــــذام عووفنييي بحالي

..... ما اعوفج اذا ما اندمج على الساعة الضحكتي عليّ بيها

تــــاج.... ما ضاحكة عليك اني

.... هههه صح

فزيت على صوت السايق وهوَ يحجي

.... هذا حدي

باوعتلة وهزيت راسي انطيتة الڪروة ونزلت ضميت الموبايل بجنطتي وخليت شعري ورة اذني ومشيت هذا الشارع شكد بعت بي وشكد تعبت هنا بڪُل مرة جنت اڪره نفسي من ابيع الهم السم بس جنت مجبورة مو بأرادتي دخلت للشارع واباوع للبيوت الحد ما طاحت عيني على بيت احد المعاميل الجانوا ابتهال وقاسم يتعاملون وياهم مشيت بأتجاهة وادعي ڪون عدهم علم دڪيت بابهم الخشب اڪثر من مرة ماڪو احد اجيت اروح وسمعت صوت بداخل البيت رجعت دڪيتة بقوة انفتح الباب شوية وبنية مدت طرف راسها وحجت

.... منو انتِ!

تــــاج.... من طرف قاسم

فتحت عيونها بصدمة وحجت

.... يا قاسم؟؟ مو مات

عقدت حاجبي مو مفتهمة حجيها اجت تسد الباب ودفعتة ودخلت

..... منووو انتتت طلعييي

تــــاج.... وين ****

..... ما موجود

تــــاج.... مو علي سوالفڪم اريد احاجي بموضوع

... ما يستقبلل احد جاي اكللج طلعييي

حجتها ولزمتني من زندي اتريد اطلعني دفعتها بأنزعاج وعطت

تــــاج..... سمعينيي بسس احااجي بموضوع مهم واروح

باوعتلي بحيرة وحجت

.... ابقي هنا واكفة اشوفة وارجع

هزيت راسي وهيَ راحت ضليت واڪفة واكل بأضافري جنت من اجي هنا ملثمة هاي اول مرة يشوفون وجهي بس اڪيد يعرفني بلعت ريكي ووعدت نفسي هاي اخر مرة بس الڪة اختي تنطوي هاي الصفحة من حياتي

دك موبايلي نزلت نضري للجنطة فتحتها وطلعتة باوعت للرقم بتردد ارد او لا

غمضت عيوني وجاوبتة سمعتة اتنهد حجة ومبين من صوتة تعبان

هُــــــــــــذام.... تعبت واني ادورلج ڪليلي انتِ وين تــــاج لا تضيعين نفسج

دمعن عيوني من نبرة صوتة درت وجهي للجهة الثانية وابتسمت بأستهزاء اضيع نفسي؟

هههههه على اساس هسه اني ما ضايعة يحسسني عايشة بعالم وردي وحياتي ڪُلها حلوة يريدني اصبر واني اختي ما اعرف وينها يريدني اكعد واسكت واني اخذت وعد على نفسي لو اعرف ابيع روحي اهم شي الڪاها

تــــاج.... اني بشارع (****)

سمعت صوت شخطة السيارة من توڪف صاح بعلو صوتة
هُــــــــــــذام...... شنوووووووووو لججججج شووودااااااج الهذااا الشااااااررررررع *****

انهال بالغلط و اول مرة اسمعة يغلط ويتجاوز اجت البنية بسرعة سديتة بوجهة

.... تعاي يلا

مشيت وياها اخذتني الداخل البيت جان  كاعد على تخم بنفس شڪلة المقرف احس اشڪالهم ڪُلهم نفس الاشڪال اتنهدت ووكفت ڪبالة

تــــاج.... عرفتني؟

... منو ما شايف هيج حلو كبل

تــــاج.... من طرف قاسم وابتهال

ضحك ضحڪة عالية استغربت ضحڪتة وشنو سببها هز ايدة وباوعلي واختفت ابتسامتة

.... منو موديج الهذا الشارع ابتهال؟؟ ههههههههههههه ما خافت عليج من معاميلها باڪت فلوسهم كلهم وشردت وطاحت براس المسكين قاسم شنق روحة كبل لا *****

باوعت بصدمة ورجعت ليورة

تــــاج.... شنووو قاسم ماتتت وابتهاال وينهاااا؟؟

رفع كتافاته وسحب نفس من النركيلة

.... محد يعرف

تــــاج.... لااا لا عفيية كليي وينهاا اختيي عدهاااا

اتخبلت من سمعتها ماهيه يعني بعد مستحيل الڪة شُـــــــذير نزلن ادموعي وحجيت بتوسل

تــــاج.... ساعدني عفية اريد اختي ما تعرف عنها شي باعتها او لا؟

.... ما اعرف مكان ابتهال اختفت قبل شهر بس حمدي الله ما ماخذة فلوسي جا ما خليتج عايشة وبالنسبة الاختج اقري عليها السلام هيَ رجلها وجانت سبب بموتة مو عاد اختج شوفي شلون متخلصة من عدها

هزيت راسي بنفي وادموعي ينزلن بخوف لا ما معقولة مستحيل مستحيل يعني ماكو بعد شُـــــــذير هذا هوا اأيس؟

انفجرت بالبجي وانسحبت من يمهم اجيت اطلع وصاحت البنية

..... لا تبقين هنا واليسئلج لا تكليلة اني من طرف ابتهال او قاسم ترا تضرين روحج

عفتها وطلعت برة واني اجر ذيال الڪسران والخيبة من عدهم عافتني نفس اهلي عافتني بطريق ما منا رجعة طلعت من الشارع وكعدت على الرصيف مصدومة وما مصدكة ادموعي ينزلن وصافنة عالشارع راحت بعد شُـــــــذير راحت وين ادورها بيا شارع غطيت وجهي بأيدي وبجيت بحرڪة حسيت بڪلبي راح يوكف ما كدرت استوعب ولا اتقبل الوضع ابتهال ماكو وين الكاها بعد وين

ماعرفت شسوي بروحي ما ادري ما ادري الاريدها والعايشة على مودها راحت بعد كمت على حيلي امشي بدون اهدف ما اعرف وين اروح اخ يا وجع كلبي شتحمل بعد الدنيا اخذت مني الاكو والماكو حتى صحتي

صرت امشي وامسح بدموعي امشي اول احس اني ضعيفة وهزيلة قابلة للڪسر الانسانة الجنت اتقوة على مودها راحت من ايدي عافتني بنص الطريق حالها حال اهلي

مڪسورة جنح كسترني ابتهال بيها كسرتني بأعز ما املك اخذتها مني وعافتني بقايا انسانة متهشمة وضعيفة

رفعت شعري والدموع اخذت حيل حيلي

ماعرفت شسوي ولا شنو احجي باوعت للشارع وشفت سيارة داتنزل من الجسر صارت قريبة من عندي قويت نفسي وعبرت الشارع وصرت كدامها ما اعرف انصدمت بيها او اني من الخوف انغمى عليّ وما حسيت بعد بشي

فراغ بداخلي وهمس حولي ما اعرف شنو ولا اريد افتح عيوني الم بڪلبي قوي ووجع حقير ضليت مغمضة عيوني الحد ما سمعت صوت ام حيدر وهيَ تحجي بالموبايل

ام حيدر.... خالة شجابها للبصرة

هُــــــــــــذام.... ما ادري

ام حيدر.... شبيك خالة ليش وضعك مو تمام اذا من البداية تعرف بروحك ما تتحمل ليش اتزوجتها وربطتها بيك

ما جاوبها شوية وحجة

هُــــــــــــذام.... رايح اسأل الدكتورة اكدر اطلعها حتى نرجع البغداد

ام حيدر.... براحتك خالة من توصلون انطيني خبر لا تخلي بالي على تــــــــاج

طلع واني بقيت مغمضة عيوني بتعب ما اعرف شنو صار  وليش بعدني بالبصرة وشلون لڪاني

شوية وسمعت صوت الباب حسيتة يتقدم بأتجاهي صلبت نفسي ويمكن عرف بية كاعدة خلة ايديه جواي وشالني بقيت مغمضة عيوني بالرغم متأكدة عرف بية كاعدة همس

هُــــــــــــذام.... ابقي نايمة احسن لا تكعدين

ما جاوبتة ولا عندي طاقة احجي حسيتة صعدني بالسيارة فتحت عيوني على كيف شفتة  دار صعد كدام و وبسرعة غمضت عيوني حسيت راسي يأذيني بشڪل ما اعرف شلون رجعت نمت بعد ما فزيت الة على هُــــــــــــذام وهوا يخليني على الچࢪباية فتحت عيوني بثقل ما انتبه الي طلع وقفل الباب باوعت للغرفة هاي الشقة يعني وصلنة رفعت نفسي شوية وانتجيت على التاج رفعت ايدي واباوع الهن مزلغات كُلهن وبيهن جروح وخرت البطانية ورفعت البجامة عني رجلي كذلك نفس الشي

اتمددت وغطيت نفسي بالبطانية وانهاريت بالبجي وية ذڪرياتي والمي وحياتي الي ادمرت اتمنى اني هسه يم اهلي وبالمدرسة واداوم والي مستقبل وحياة عندي اب وام حسيت سجاجين وتزرف بڪلبي ما اتحملت اكثر ضليت ابجي بصوت عالي واحاول اكتم شهڪتي على شنو ابجي على اختي لو على روحي ما اعرف شكد. مر وقت واني ابجي الحد ما تعبت ونمت

كعدت بعد مدة جسمي مكسر وراسي يأذيني بعدت عني البطانية وكمت بصعوبة شغلت الضوة ورحت بأتجاه الباب حركت اليدة مقفول دكيتة وصحت

تــــاج.....منووو هنااااا افتحح الباب هُــــــــــــذام

سمعت صوت ام حيدر

ام حيدر.... انطيني مجال خالة بس خلي ادور المفتاح

تــــاج.... هُــــــــــــذام وينه؟

ام حيدر.... ما ادري طالع

سڪتت وضليت افتر بالغرفة واحك بشعري ما اعرف شنو اريد ولا شسوي بروحي انفتح الباب وصارت ام حيدر بوجهي عبرتها وطلعت

تــــاج.... موبايلي وين؟

ام حيدر.... عد هُــــــــــــذام.

دكيت رجلي بالكاع وصحت

تــــاج..... وينه هوَ ويننه

ام حيدر.... شتردين من عندة كليلي حتى اتصل عليه ويجي

جاوبتها واني افتر بهستيرية

تــــاج.... ما اريد شي بس ڪليلة خلي يجي

اخذت موبايلها وراحت للمطبخ قوست شفايفي ورفعت شعري بأيدي اثنيهن اني شريد ما دافتهم نفسي ولا شسوي غمضت عيوني بنفاذ صبر وحجيت بداخلي "تعبت"

فتحت عيوني على صوت ام حيدر وهيَ تمشي بأتجاهي

ام حيدر.... خالاتي ساعة زمان ويوصل روحي ارتاحي بالغرفة تردين اصبلج عشة؟

تــــاج.... لا لا ما اريد

حجيتها ورحت بالغرفة كعدت على الچرباية وصفنت بالفراغ وتردد ابالي اغنية عذبنة البعاد

لي رحت من ايدينا ارجع علينـا
بسبب بعدك مـتـنا انـتـهـينـا
قلبـي و حنـينـه يذكر سنينه
يصعد مينزل النفس بينا
الي رحت من ايدينا ارجع علينـا
بسبب بعدك مـتـنا انـتـهـينـا
قلبـي و حنـينـه يذكر سنينه
يصعد مينزل النفس بينا
من غبت عنّي الهم كَتلني
وينك تعال

تتعذّر بالفرقى ومشتاكَ للملقى
والبعد طال
من غبت عنّي الهم كَتلني
وينك تعال
تتعذّر بالفرقى ومشتاكَ للملقى
والبعد طال طال
لي رحت من ايدينا ارجع علينـا
بسبب بعدك مـتـنا انـتـهـينـا
قلبـي و حنـينـه يذكر سنينه
يصعد مينزل النفس بينا

عذّبنا البعاد نار القلب زاد
لو تلحگ علينا لونصبح الرماد
مشتاگ لأنفاسك ولطيبة أحساسك
حاولنا نسيانك شنسوي مافاد
عذّبنا البعاد نار القلب زاد
لو تلحگ علينا لونصبح الرماد
مشتاگ لأنفاسك ولطيبة أحساسك
حاولنا نسيانك شنسوي مافاد

ماتذكر العشره قلبي خلص صبره
وانتَ بعيد
قلّي الك رجعه وتنشّف الدمعه
مو شوقنا يزيد
ماتذكر العشره قلبي خلص صبره
وانت بعيد
قلّي الك رجعه وتنشّف الدمعه
مو شوقنا يزيد يزيد
ببعاد الروح حضنتها الجروح
ماعاشت بدونك صارت حزينه
ببعاد الروح حضنتها الجروح
ماعاشت بدونك صارت حزينه
من رحت من ايدينا ارجع علينـا
بسبب بعدك مـتـنا انـتـهـينـا
قلبـي و حنـينـه يذكر سنينه
يصعد مينزل النفس بينا

غطيت وجهي بأيدي وبجيت بدون صوت فترة قصيرة وسمعت صوت هُــــــــــــذام بالشقة رفعت راسي ومسحت ادموعي واسمعة يكول لأم حيدر

هُــــــــــــذام.... خالة عوفينة وحدنة

ام حيدر....خالة البنية منتهية من كعدت الهسه تبجي

هُــــــــــــذام.... ما اسويلها شي بس احاجيها

ام حيدر.... امانة الله وامانتك..... يلا خالة مع السلامة

هُــــــــــــذام..... مع السلامة

سمعت باب الشقة ينسد استغربت ليش توصيه علي ليش شنو يريد يسويلي

اقتربت خطواتة من الغرفة دخل الها بسرعة كمت على حيلي دار سد الباب وقفلة فتحت عيوني بصدمة ورجعت ليورة وصحت

تــــاج.... ليشش قفلتت الباب فتتتحة

التفت الي واتقدم ناحيتي رجعت ليورة واحاول اخفي خوفي

هُــــــــــــذام.... تحجين بدون لف ودوران لو استعمل اسلوب تڪرهينة؟

اتلعثمت وجاوبة

تــــاج..... ش شنو احجي؟

جاوبني وهوَ يكز على مخارج الحروف

هُــــــــــــذام.... ليش رحتي للبصرة؟

تــــاج.... ادور اختي

فزيت من دفع الغراض الي على ميز التواليت اتڪسرن ڪُلهن وصاح

هُــــــــــــذام.... ادووووورررينن اختتتج بشااارع (****)  اليييي مااا يدخللللله غيررررررر **** كتللللج ياااابتتت الناااااس لااااا تضيعييننن نفسسسسج ولااااا تمشيينننن وحدددددج وانتتت ويننن ضربتييي كلامييي بعررض الحااايط ورحتتتي وحدددددج بدوووون تفكيررررر تخااابريليييي تكليليي اررريد اطلللع للشغلللل وتالي تستغفلينيي وترررحيين وحددج للبصرررة والعراااق متررروس دووواعش ما خفتتتي احدد يتعرررضلج

اتقرب يمي اڪثر وحجة

هُــــــــــــذام..... احجي اكو احد اتعرضلج؟

بسرعة هزيت راسي بلا

هُــــــــــــذام.... مووو انتِ احجييي قصتتتتج شنوو ومنيييننن جااااية يوووممية مسويتللللج سالفة احجييييي

مسحت ادموعي وحجيت واني ارجف

تــــاج... مااكدر هُــــــــــــذام ماا اكدرررر احجي

هز راسة بتوعد

هُـــــــــــــــذام... سهلة

دنكت راسي وبجيت رجع حجة

هُـــــــــــــــذام... ليش تبجبن اكو احد سوالج شي؟

رفعتلة راسي بسرعة و هزيت راسي بلا

هُـــــــــــــــذام.... ما اصدكج بعد انـي اتأڪد بنفسي

حجاها وراح طفة الضوة فزيت وصحت

تــــاج..... هُــــــــــــذاممممم شغلللل الضوووة شتيررريد تسووووي شغللل الضووة

ما احس الة جرني وشمرني على الچرباية اتخبلت واجيت اكوم رجع دفعني واخذ شفايفي بقوة حسيتة دا ينتقم مني انفجرت بالبجي وضليت ادفعة وعقلي وجسمي رافض الي يسويه مستحيل اكدر اتقبل ضليت ادفع بيه من صدرة ابتعد راد ياخذ نفس صحت بتوسل

تــــاج..... احجيييي والله اااحجيييي بسسس عوفنييي لا تسويلييي شي احجييييي

لزمني من فڪي بقوة وحجة

هُــــــــــــذام.... و اذا صار غير هذا الحجي

هزيت راسي بنفي وحجيت بدموع واني اجر نفس بصعوبة

تــــاج.... احجي والله بس وخر لا تسويلي شي

ابتعد عني وكام شغل الضوة مسحت ادموعي وكمت رجليّ ترجف والهبطة بعدهي بية رجع وڪف كبالي

هُــــــــــــذام.....احجي

لميت شفتي للداخل وحجيتلة بداية قصتي الحد ما اجيت هنا احجي وابجي وايدي ترجف اريد امسح ادموعي ما اڪدر باوعتلة بقهر وحجيت

تــــاج.... تخيل نفسك بمكاني الدنيا اخذت منك اهلك وانطتك شُـــــــذير اعتبرتها اختي امي ابوي عوضي اعتبربتها روحي البريئة عشت ڪُل عمري ضايعة والدنيا تصكع بية اتصرفت تصرفات غلط اثرت هسه عليّ واكثر من هذا الدمروني راحو بسبيل حالهم قاسم مات وابتهال شاردة واختي ما الها أثر اكو اكثر من هذا الضياع؟؟
جنت اتعب وما اعرف وين اروح جنت ادمر بڪُل مرة اتعرض للتحرش ما فهمت من حياتي شي سلبو ڪُلشي مني اهلي حياتي برائتي اختي حتى حريتي هُــــــــــــذام اني مو معصومة غلطت هوايه والله بس ما استاهل الدا يصيرلي تعبت وطاقتي خلصت تخيل اني حتى اسم الله احس غلط اكولة بعضمتة وبجلالتة ينكال اسمة على اللسان وحدة مثلي
تعبت هوايه والله تعبت ما دا اكدر اكمل والشنو اكمل ماعندي حته هدف رحت للبصرة كلت احتمال بايعينها الواحد من معاميلهم اني اعرفهم ڪُلهم لأن جنت ابيع الهم واتعامل وياهم بس للأسف صار الما جنت متوقعتة ادركت بوقتها كلشي خسرت حتى اختي طلعت واني روحي ضايعة كلت اموت احسن شي شمرت نفسي جوة السيارة بعدها ما اعرف شنو صار هُــــــــــــذام لا تلومني لأن ما كتلك لأن متأكدة اذا حجيت الك راح اتعارض وراح تسألني ليش وين وتسألني عن ماضيي اني خايفة احجيلك خاف تستغلني وتسجني وما اكدر اشوف اختي

حجيت اخر كلمة وغطيت وجهي بأيدي وانفجرت بالبجي حسيت ايديه على ايدية بعدهن عن وجهي واخذني الحضنة حضنتة وانهاريت بالبجي عافني براحتي بس ضل يمسح على شعري ويردد ايات قرآنية باسني بشعري وهمس بأذني

هُــــــــــــذام.... اني ابوج وامج واختج شنو تردين اصيرلج اعوضج عن كلشي مريتي بي

رفعلة نضري وهمست بتعب

تــــاج..... هُــــــــــــذام 

هُــــــــــــذام.... عيوني الاشوف بيهن

تــــاج..... تعبت من روحي

هُــــــــــــذام.... سلامة روحج يا روحي انطيج من حيلي

اتعلكت بركبتة وخليت راسي على صدرة

تــــاج.... رتبني مثل ما تريد علمني الصح من الغلط اريد حياتي تتصلح من جديد حتى من الڪة شُـــــــذير اكون تايبة وماشية على الطريق الصحيح

خلة اصابعة على حنڪي ورفعني الة اخذ شفايفي بين شفايفة على ڪيف ما منعتة ولاحبيت الي دايسوي بس عفتة غمضت عيوني وسڪتت اخذني للچرباية واخذني الحضنة غطاني و خلة راسي على صدرة بقيت فاتحة عيوني وصافنة بتعب قوست شفايفي ورفعتلة راسي و حجيت

تــــــــاج... وعد بعد ما اروح للبصرة و لا اسوي شي انتَ ما تعرف بي

مرر اصبعة على خدي وهمس

هُـــــــــــــــذام... اثق بيج بس هاي اخر فرصة

هزيت راسي وغمضت عيوني ونمت وهوَ مستمرة يمسح على شعري ويردد ايام قرآنية

فزيت ثاني يوم على ايد تتحسس جبيني وخدودي حرك كتفي وحجة

هُــــــــــــذام.... تــــاج كعدي حراراتج مرتفعة كعدي مو زين تبقين نايمة

فتحت عيوني وحجيت بتعب

تــــاج.... هُــــــــــــذام عوفني نايمة

هُــــــــــــذام.... كعدي جاي اكلج مصخنة مشتعلة نار

حجاها وجر البطانية انكلبت على جهتي الثانية بملل وفتحت عيوني

تــــاج.....حنجرتي اتأذيني

هُــــــــــــذام.... كومي شربي شي دافي

تــــاج.... اهو مابية حيل لازم اكعد واروح اغسل وابدل ووراها اشرب ويوم طويل مابية حيل انام واختصر الطريق

اجة يريد يشيلني طفرت بسرعة وكمت

تــــاج..... شبيك جاي تتجاوز الحدود

هُــــــــــــذام.....عوفج من الحدود روحي غسلي وتعاي شربي علاج لا تزيد عندج الصخونة

هزيت راسي و رحت غسلت رجعت للغرفة بدلت ملابسي ورحت للصالة صحت عليه بملل

تــــاج.... هُــــــــــــذام شنو الريوك

جاوبني وهوَ بالمطبخ

هُــــــــــــذام..... اني اتريڪت هسه اسويلج لفة

سمعت صوت البزونة يمة طفرت للمطبخ لڪيتها تفتر باوعتلة وحجيت

تــــاج..... همممم جبتهااااا؟

هُــــــــــــذام..... قابل اذبها

تــــاج..... اهو هُــــــــــــذام ماااا

انطاني لفة وحجة
هُــــــــــــذام.... معليج بيها بنتي

اخذتها من عندة وسڪتت بس ڪلبت وجهي

راح شالها واخذها للحمام رحت وراه ووڪفت بالباب شفتة رفع ارداناتة وفتح المي بالبانيو ويخلي العاب وطوبات عضيت من اللفة بقهر ما اعرف شنو بية ضجت ڪُلش من عدها تحسس المي شافة دافي وخلاها بالبانيو التفت شافني واڪفة عقد حواجبة

هُــــــــــــذام.... باردة هنا روحي بالصالة لا تزيد صخونتج

تــــاج.... معليك بيه عود ليش تسبحها

خلة ايد على ايد
هُــــــــــــذام.... وشلون بلا اعوفها وصخة

تــــاج.... اي بس مايصير تسبحهة

هُــــــــــــذام.... تــــاج ترا بزونة مو بنية

تــــاج.... ليش تڪللها لولي

هُــــــــــــذام... اختاري الها اسم

ما جاوبتة دار وجهة وطلع شامبو الها نوعين حجيت

تــــاج.... شدعوة جايب الها نوعين

هُــــــــــــذام..... ترا جايبلج بالحمام اربع انواع شامبو اريدهن يخلصن ماكو

تــــاج.... دا تبسمر؟

هُــــــــــــذام.... لا حبيبي

زادت ابتسامتي وما اعرف شنو سوة بية من حجة هيج اخذت عضة من اللفة واباوع الة وشلون يسبح البزونة بالرغم ضجت منهم اثتينهم بس ڪلمتة هاي نستني التفت الي شافني اباوع الة وعيوني يطلعن ڪلوب حمر

شال البزونة ولفها بالخالولي وطلع وهوَ يردد ويرفعها ليفوك

هُــــــــــــذام.... سبحاناها بصاية حيدر صارت عروس

اخذها للصالة رحت وراه وحجيت

تــــاج.... كافي عوفها

هُــــــــــــذام.... شوفيها شحلاتها شلون ينطيج كلبج ما تحبينها

تــــاج... ليش تحبها هالڪد؟

هُــــــــــــذام.... لأن ﷲ وصة بالرحمة ومن لا يرحم لا يرحم

تــــاج.... اصلاً هيه نكسة

هُــــــــــــذام.... لاا بلا منو كال نسنس؟؟
ماهي نكسة اصلاً الرسول صلى الله عليه وآله وسلم يملي الاناء ماي للبزونة وتشرب من عندة ويتوضى بي برأيج هل هيَ نكسة؟
واني من اهتم بالحيوانات بنية الثواب لا اكثر قال الرسول صلى الله عليه واله وسلم
"ما من مسلمٍ يَغْرِس غرسًا أو يزرع زرعًا فيأكل منه طير أو إنسان أو بهيمة إلا كان له به صدقة"

تــــاج.... بس اني ما احبهن

هُــــــــــــذام.... لا تحبيهن بس لا تأذينهن

هزيت راسي وسڪتت كملت اللفة وهوَ كمل عافها تلعب وكام

هُــــــــــــذام.... جوجة رايح اسبح عفتلج علاج على ميز التواليت اذا ماصرتي زينة اخذج للطبيب

تــــاج..... لا لا اصير زينة

ابتسم وراح طلع ملابسة ودخل للحمام رحت شربت العلاج الي مخلي الي شوية و صدُك تعبت حسيت حرارة وتطلع من عيوني اتمددت على الچرباية وجريت البطانية الي وارجف من البرد غمضت عيوني واحس حرارة قوية بيهن ما اعرف شصارلي بس حسيت اشتعلت نار مرت فترة وحسيت بأيدة على خدي

هُــــــــــــذام..... شربتي علاجج؟

فتحت عيوني ببطئ وحجيت واني اسحب نفسي بصعوبة

تــــاج.... اي

راد يبعد ايدة ويكوم عني كضيتة من ايدة وحجيت

تــــاج..... ابقى يمي

هُــــــــــــذام.... بس اكمل شغلة على السريع وارجع

تــــاج.... لا لتعوفني

هُـــــــــــــــذام... حبيبي جوجـة وداعتج عندي شغل

سحبت ايدة اڪثر وحجيت بتعب
تــــــــاج... ما لتروح

اتنهد وبعد الغطة عني واتمدد بصفي بملابسة مالت الطلعة جر البطانية وغطاني شال راسي وخلاه على ايدة

هُــــــــــــذام..... اخذج للمستشفى

تــــاج..... لا ما اريد بس ابقى هنايه

هُــــــــــــذام.... لازم حتى اتصيرين زينة

ما جاوبتة غمضت عيوني وسكتت شوية وسمعتة حجة

هُــــــــــــذام..... حبيبي ابو سيف اجلها ما اڪدر اجي..... اي والله عندي ظرف طارئ.... اڪون ممنون مع السلامة

سداه فتحت عيوني وحجيت

تــــاج... منو هذا؟

هُــــــــــــذام.... واحد

تــــاج.... اي ادري واحد لعد وحدة بس منو

هُــــــــــــذام.... مدرس وياي

تــــاج.... متروح اليوم

هُــــــــــــذام.... ما اكدر عندي شغل

ضميت نفسي بصدرة وحجيت بملل

تــــاج.... جؤ متروح

سمعتة همس
هُــــــــــــذام.... اللهم صبرج يا روح... صار

خلة ايدة على خدي فز بسرعة فزيت وياه وصاح

هُــــــــــــذام..... كومي كومي بدلي مشتعلة نار

تــــاج..... اهووو هُــــــــــــذام ما اررريد

هُــــــــــــذام.... شنو الماترددين كووومي

كمت بتعب وعيوني مغمضتهن فتحتهن بصعوبة حتى ماكدر اوكف على حيلي شفتة راح فتح الكنتور طلعلي جاكيت واجة لبسني اياه فوك ملابسي

هُــــــــــــذام..... تڪدرين تمشين؟

هزيت راسي بلا و احس روحي راحت دنك شالني ومشة بية بأتجاه الباب طلعنة من الشقة ونزلنة بالدرج وصلنة للسيارة صعدني بيها وسد الباب دار صعد واخذ موبايلة واتصل

هُــــــــــــذام..... صباح الخير خالة ام حيدر......... لا والله ماكو شي بس بدون زحمة اذا تكدرين اطلعين تسدين باب الشقة........ اي هسه طلعنة......منون خالاتي مع السلامة

سداه وحرك السيارة سندت راسي على الڪشن واحس جسمي ڪُلة مشتعل نار والصخونة ذبحتني اخذني الاقرب مستوصف بسرعة دار فتح الباب وشالني خليت راسي على صدرة بتعب وحجيت بألم

تــــاج.... هُــــــــــــذام راسي راح ينفجر

هُــــــــــــذام..... هسه اتصيرين زينة بنتي..... حقج تتمرضين عبالك شايل دجاجة هاي عود تارسلج الثلاجة لا تاكلين فواكه لا اكلة عدلة بس اللسان عبالك رشاشة

دخلنة للمستوصف واخذني للطوارئ ما خلوه يدخل نزلني بالباب وحجة

هُــــــــــــذام..... دخلي

هزيت راسي ومشيت بصعوبة جوة شوية واجت الممرضة شافتني متمددة على السدية حجت

.... شبيج ماما

مد هُــــــــــــذام راسة وحجة
هُــــــــــــذام.... حرارتها مرتفعة

باوعتلة وحجت

..... ميصير تدخل ردها نسائية

هُـــــــــــــــذام... ها اعتذر

راح رجعت باوعتلي وحجت

.... من شوڪت مرتفعة حرارتج

رجع مد راسة
هُــــــــــــذام.... من اليوم الصبح

ضاجت هاي الممرضة وڪلت هسه تطبكنة اني وياه تشمرنة برة شافها معصبة خلة ايدة على صدرة يعتذر ودار وجهة رجعت باوعتلي وحجة

.... فتحي حلڪج

فتحت حلڪي الها فحصت حنجرتي وقاست حرارتي فحصتني اڪثر من مرة واخذت راجيتة وقلم

....شنو اسمج؟

مد هُــــــــــــذام راسة

هُــــــــــــذام...تــــاج

ضحڪت الممرضة واشرتلة يدخل

..... تعال اخي فوت مبين الحجي ميفيد بس لو اكو نسوان بالردها فلا ادخلك

ضحك وهيَ التفتت الي

..... شكد عمرج

تــــاج.... 18 سنة

هزت راسها وحجت
...... عدها صخونة داخلية كتبت الها علاج خلي تستمر عليه الحد ما تنخفض درجة حرارتها وهاي ورقة ثانية بيها ابر ومغذي جيبهن من برة لأن ما متوفرات هنا حتى انطيهن الها

فزيت من سمعت مغذي باوعتلة وخزرتة وهزيت راسي بلا طمني بنضراتة واخذ الراجيتة من عدها وطلع
باوعت الها

تــــاج.... اضرب ابر بس مغذي لا

..... ميصير حبيبتي لازم تڪثر السوائل بجسمج

باوعت بضوجة وعيوني دمعن شوية ورجع اخذتهن من عندة واشرتلي على العلاج اخذت الابرة والمغذي

.... اطلع لو سمحت

هُــــــــــــذام.... ليش؟

استوعب وحجة

هُـــــــــــــــذام... ها اي

طلع وسد الباب وراه ضربتني ابرة وعلڪتلي المغذي درت وجهي عن ايدي لأن مجرد ما اباوع الة ما اصبر واشلع الابرة من ايدي طلعت روحي يلا ڪمل راحت شلعت الڪانيولا من ايدي وحجت

.... معافاية بأذن الله

هزيت راسي وكمت بصعوبة طلعت الهُـــــــذام لڪيتة واكف بالباب شافني وبسرعة اجة ڪضني من ايدي وسندني

هُــــــــــــذام..... زينة تڪدرين تمشين لو اشيلج؟

تــــاج..... لا اڪدر

اخذني كعدني على كرسي وراح دفع الفلوس ورجعلي رجعنة للشقة وبالطريق جابلي لفتين اتغديت بيهن  جانت الساعة بالستة العصر خلاني اتمدد على الچرباية وغطاني

هُــــــــــــذام..... تــــاج عندي شغلة سريعة اخلصها وارجع راح ادزلج ام حيدر

هزيت راسي وماردت امنعة لأن هوَ هم عندة اشغال واليوم ڪُلة وياي طلع برة غمضت عيوني بتعب شوية وحسيت حركة بالشقة عرفتها ام حيدر

مر الوقت ما متحرڪة من مڪاني انفتح الباب فتحت عيوني ببطئ شفتها ام حيدر

ام حيدر.... ها خالة ما الج صوت

حجيت بتعب
تــــاج.... خالة ترديني اهلهل

ام حيدر..... هههههههه لا ولج الفلاونزة ما يراد الها نومة كومي اتحرڪي اڪلي لا يطكج جفاف

تــــاج.... خالة هُــــــــــــذام غداني لفتين سنتين بعد ما اڪل

ام حيدر.... براحتج خالة اني راح اروح هُــــــــــــذام دايصف سيارتة

تــــاج.... باي خالة

ام حيدر.... باي

راحت ام حيدر شوية واجة هُــــــــــــذام شافني بعدني نايمة رفع حواجبة

هُــــــــــــذام.... ولج هاي بعدج نايمة شكد تنامين

جريت البطانية وغطيت وجهي ومديت بس عيني

تــــاج.... اڪلكم شتردون مني نايمة ببيتڪم لو بيت الخلفوڪم

خلة ايد على ايد
هُــــــــــــذام...لعد الشقة شقة ابن المصرية؟

تــــاج.... دافعتلك فلوس

ضحك ونزع جاڪيتة

تــــاج..... اطلع برة اخذت راحتك بغرفتي

هُــــــــــــذام..... منين اجتلها غرفتج اجاك من تالي عكبك

تــــاج.... مااااا هُــــــــــــذام انتَ ڪلت غرفتج هاي الحد ما اجهزلج الغرفة الثانية

هُــــــــــــذام..... اي بس هذا ما يمنع نتشاركها الحد. ما تكمل غرفتج

تــــاج.... شنو انتَ لوتي لو جنجلوتي

رفع راسة ليفوك وضحك ضحڪة طويلة الدرجة وجهة صار احمر هدأ وحجة
هُـــــــــــــــذام.... اڪللج نسنسس اڪلج شسوويلج؟

ابتسمتلو راح فتح الڪنتور وطلع ملابسة وراح للحمام شوية ومليت من النوم بعدت البطانية وڪمت اتجول بالغرفة بس جسمي ڪُلة يأذيني طلعت من الغرفة رحت وكفت كبال الحمام خليت اذني على الباب ما اسمع بس صوت مي صفنت بغباء اي شسمع يعني غير صوت المي دڪيت الباب عليه بدون لا احجي ورحت اتمدتت بالصالة على التخم صارت عيني على البزونة نضرها يم التفزيون هُــــــــــــذام مشغللها بزازين وتباوع الهن

تــــاج..... بز ڪش عاععع يا بنية

اريدها تلتفت الي ماڪو اتذڪرت اسمها وحجيت

تــــاج.... لولي بز

بسرعة التفتت الي فتحت عيوني بصدمة شلون تفتهم هاي مشت يمي خزرتها وحجيت بخوف

تــــاج..... لا لا روحي روحي الابوج بالحمام ولللج وخرررييي كششش عاعععع

اجت تصعد على التخم الاني عليه طفرت وكفت على القنفة وصحت واني صوتي رايح

تــــاج..... ولللككككك هُــــــــــــذاممممم

صعدت يمي وتلعب بأصابع رجلي ضليت اطفر من قنفة القنفة وهيَ وراي واصيح بصوت رايح

تــــاج....... هُــــــــــــذاممممم الحڪننننننني.... ابوو الغيررررة..... يمعووود..... يبوووو

انفتح باب الحمام وطلع هُــــــــــــذام مخطوف لونة

هُــــــــــــذام.... شبيج!

شافني على التخم مشة بأتجاهي ويحجي بلوم

هُــــــــــــذام..... صدك جذب هبطيتني شصعدج هنا

تــــاج.... بزونتك تركض وراي

هُــــــــــــذام.... ابصم بالعشرة انتِ متحرشة بيها..... تعاي نزلي

حجاها وفتحلي ايديه اخذني الحضنة ونزلني للارض خلة ايدة على خدي

هُــــــــــــذام..... بعدج مصخنة

تــــاج..... راسي يأذيني

هُــــــــــــذام.... امشي للغرفة ارتاحي خلي اسويلج شوربة دجاج

تــــاج... مابية حيل امشي شيلني

ضحك ودنك وشالني ومشة بية للغرفة

هُــــــــــــذام.... ريحتج ريحة صخونة

تــــاج.... مو عاجبك نزلني

هُــــــــــــذام..... لا والزهرة عاجبتني

خلاني على الچرباية وطلع انتجيت على تاج الجرباية ومديت ايدي للريموت شغلت التلفيزون وضليت اڪلب ماڪو شي حلو وقنوات ڪُلها بايخة باوعت للميز الي بصف الچرباية عليه موبايل هُــــــــــــذام اخذتة بسرعة حاولت افتحة ما ينفتح نفخت بضجر وحجيت

تــــاج..... هُــــــــــــذام شڪد رمز موبايلك؟

جاوبني وهوَ بالمطبخ

هُــــــــــــذام.... شتسوين بي

تــــاج..... ضايجة وموبايلي انتَ ماخذة

هُــــــــــــذام.... 3636522

تــــاج.... اعد

سمعت ضحكتة ورجع عادة كتبتة وانفتح ضليت اڪلب بي ماڪو شي مهم دخلت على الانستا رحت على صفحتة الشخصية نزلت على الصور الناشرهن وانطيتة لايڪات

تــــاج..... هُــــــــــــذام انطيتك لايكات

هُــــــــــــذام..... من حسابي حبيبي يعني ما تذليني

تــــاج.... هاي شڪد ناشر.... حسابك بي بنات؟

هُــــــــــــذام.... اڪيد

تــــاج.... ها يعني متأڪد و تكولها عادي

هُــــــــــــذام..... ههههههههههههههههه

تــــاج..... شڪو دتضحك على ڪلامي اصبرلي بس اصير زينة اسوي حساب وانشر لعد حلال عليك وحرام علي

ما جاوبني طنڪرت وطفيتة وشمرتة بصفي ضجت ما اعرف ليش وشبية شوية ودخل شايل صينية وبيها ڪاسة خلاها ڪبالي وحجة

هُــــــــــــذام.... اڪلي

تــــاج.... ما اريد

هُــــــــــــذام.... طنڪر عنتر ابن شداد

خزرتة ومديت ايدي للشوربة ضڪت شوية صدُك طيبة اڪلتها وهوَ اخذ موبايلة وراح شبعت وخليت الخاشوڪة بالڪاسة رجعت انتجيت على الچرباية وعيوني مدمعات اني هنا دافية واكل واختي ما اعرف بيه

بيها وين شنو من كلب شايلة

نزلن ادموعي ومسحتهن بس اني ما ضل بأيدي شي وما سويتة

دخل هُــــــــــــذام شافني ابجي زادن ادموعي من شفتة فتح عيوني بصدمة واجة بأتجاهاي وهوَ يردد

هُــــــــــــذام.... يا يابة ما تنعافين وحدج بسرعة تبجين

وصل يمي شال الصينية وخلاها على صفحة خله ايديه جواي شالني وكعد وخلاني بحضنة ضميت وجهي بصدرة وبجيت مسح على شعري وحجة

هُــــــــــــذام.... شتردين اجيبلج وارضيج بس لا تبجين شبيدي عليج يا حبيبي

حجاها وباسني بشعري ورجع حجة

هُــــــــــــذام.... احجي لا تڪتمين بڪلبج

رفعت نضري الة

تــــاج.... اريد امي اريد اشوفها شلون صارت نستني لو لا هيَ جانت حامل معقولة صار عدها غيري و نستني؟

اخذ ايدي وقربها من شفايفة باسها وحجة
هُــــــــــــذام.... محد ينسة ابنة بس تلڪينها صابرة ومنتضرة شوفتج واڪيد الله رازقها الصبر لأن مثل ما ياخذ شي ينطي شي مثلج انتِ الله رزقج بشُـــذير

تــــاج....بس الله اخذها مني

هُــــــــــــذام..... جؤ ما تنڪال هيج حبيبي هذا قدرجن ما تدرين احتمال بروحتها هاي فائدة الها ماتدرين يجوز تبدي حياة جديدة ويڪون الها مستقبل وسند واهل يحبونها مترديلها الخير؟

هزيت راسي بأي
تــــاج... زين واذا عڪس ڪلامك

هُــــــــــــذام..... الله مايعوفها يسخرلها انسان يڪون الها سند تستند عليه

تــــاج.... بس اني اريد اشوفها

هُــــــــــــذام.... تشوفينها صدڪيني تشوفينها مو اليوم باجر مو باجر عڪبة او بعد سنة و اني واثق من ڪلامي

تــــاج... ههههه اذا شفتها راح اڪُللها هُــــــــــــذام هيج ڪال

خلة شعري ورة اذني

هُــــــــــــذام.... ڪليلها وانجيبها هنا واتعرف عليها

تــــاج.... هيَ ڪُلش حلوة احلا منك

هُــــــــــــذام...... ههههههههه ميخالف

تــــاج... مااااا لا تضحك على ڪلامي

هُــــــــــــذام... صار تأمرين وبعد

ما جاوبتة جر راسي الصدرة وحجه

هُــــــــــــذام.... عندي فڪرة حلوة

تــــاج... شنو هيَ

رفعتلة راسي

هُــــــــــــذام.... اجيبلج قصاصات وتڪتبين بيها ڪلشي تتمنين وڪل ما تصح النة فرصة نسحب وحدة ونسويها سوة ها؟

هزيت راسي بحماس وابتسمت بعدني عن حضنة وڪام فتح الجرار وطلع قصاصات صغار وقلم ودفتر اجة ڪعد ڪبالي انطاني القلم و اشرلي اڪتب كضيتة بتوتر اني بالڪتابة مو شي انطيتة الة وحجيت بتردد

تــــاج... مو ڪُل هاي اعرف اكتب بالورقة بس بالموبايل

هُــــــــــــذام... وليش خجلانة نتعلم سوة

حجاها وكتب بقصاصة... نتعلم القراءة و الڪتابة ابتسمت واخذني الواهس نمت على بطني وايدية جو حنڪي رفعت رجلي ليفوك وضليت اباوع الة

هُــــــــــــذام.... وبعد شنو تتمنين

تــــاج.... الڪة امي و ابوي و شذورة

دنك يكتب

تــــاج.... يصير عندي بيت

استمر يكتب واني اردد ضجت وحجيت

تــــاج... انتَ ڪمل افكارك حلوة

هُــــــــــــذام.... يعني اني اكتب شنو اتمنالج؟

تـــاج... ايي

ابتسم وهز راسة ضل يكتب ويطبك صارن ڪُلش هواي ابتسمت وضليت اخذ بأيدي واخذهن واطشرهن على الجرباية

رفعت نضري شفتة منتبه الي وعينة علي حمحم وحك حاجبة وردد

هُــــــــــــذام.... وهاي اخر ورقة

تــــاج.... اوڪف عندي بعد امنية

هُــــــــــــذام... شنو هيَ

تــــاج.... لا اني اكتبها ما اريد تشوفها

هز راسه وانطاني الورقة والقلم اخذتهن من عندة وابتعدت عنة وڪتبت بصعوبة وبخط بسماري

تــــاج.... يصير عندي طفل 

ابتسمت وطبكتها والتفتت الة رجعت ضميتها بين الاوراق حتى لا يكدر يعرفها شنو بيها راح جاب علبة ڪزاز خلاهن بيها وكتب على ورقة......

" امنياتنة "

ولزڪها على العلبة

رحت غسلت وفرشت اسناني رجعت للغرفة لڪيتة متمدد على الچرباية ومخلي فقط ڪلوب التيمبلام اتخصرت وحجيت

تــــاج.... هُــــــــــــذام هم تنام هنا؟

هُــــــــــــذام.... شتردين مني هسه ما تلحكين تغمضين عيونج صار الصبح

تــــاج... بس اليوم

هُــــــــــــذام.... ان شاء الله

سديتة الباب ورحت اتمددت بالجهة الثانية غمضت عيوني شوية وحسيت ايدة على بطني جرني الحضنة ماكدرت ابعدة خليت راسي على ايدة وحجيت بأنزعاج

تــــاج.... هُــــــــــــذام حار الجو

هُــــــــــــذام.... اشغل السبلت

تــــاج.... جؤ صارت باردة

هُــــــــــــذام.... هسه حارة لو باردة

تــــاج... هههه مڪس مڪس حارة وباردة

ضحك شلت راسي ورجعت خليتة على ايدة

تــــاج.... عضلاتك قاسيات

هُــــــــــــذام.... الينهن على مودج

تــــاج.... هههههه هم طلع عندك خيط تفاهة

هُــــــــــــذام.... بكدج اني وتڪليلي تافه

تــــاج.... هههههه اكيد لا لأن لو بڪدي اكلك غير اشياء

هُــــــــــــذام... لا يا ادبسزز يا شياء قصدج؟

تــــاج... تعال اشاورك

قرب اذنة من يمي خليت حلكي قريب من يمة وعضيتة قوي بأذنة صاح بوجع ودفعني عنة وشغل الضوة

طفر وهوَ مخلي ايدة على اذنة

ويردد

هُــــــــــــذام.... نعلة على يومج

تــــاج.... ايع اذنك مالحة

باوعلي بخزرة وركض بأتجاهي

هُــــــــــــذام.... دتعاي

طفرت من الچرباية وحجيت

تــــاج.... عليك الزهرة لا هُــــــــــــذام مووو انييي عضيتتتتك

اجيت افتح الباب وجرني من الڪلاو الة صار ضهري على صدرة قيدني عن الحركة وحاوطني بأيديه ضليت ارفس برجلي وهوَ مخلي راسة برڪبتي ويدغدغني بلحيتة فطست بالضحك وكمت اصيح

تــــاج.... هههههههههههه متتتتتتت هُــــــــــــذام لااااااا الة اللمسسس وخررر وووولج يممه بطنيييي

ضليت اتلوى وياه وميتة من الضحك الحد ما عافني التفتت عليه ومجرد ما واحد باوع للثاني انفجرنة بالضحك غميتة ورجع غماني ورحنة نمنة

ثاني يوم الصبح صرت شوية احسن جنة جاي نتريك سوة مسح ايديه وڪام غسل وراح للغرفة ڪملت لفتي وكمت غسلت اجة وراي وشايل العلبة الڪزاز ويخض بالاوراق خلاها ڪبالي وحجة

هُــــــــــــذام..... تعاي سحبي

ابتسمت ومشيت الة بحماس مسحت ايدي ومديتهن اخذت قصاصة صغيرة وانطيتها الة خلة العلبة على صفحة وفتحة مديت راسي

هُــــــــــــذام...... نسافر....

رفعلي راسة واسترسل بڪلامة

هُــــــــــــذام..... شلون صدفة حلوة تصدڪين باجر عندي سفرة للشمال نسافر سوة

باوعتلة وهزيت راسي بلا

تــــاج.... لا هُــــــــــــذام ما اريد

هُــــــــــــذام.... جربي تغيرين جو واني اول تالي ما اخليج وحدج اذا تردين تبقين اخلي يمج لولي

فزيت وهزيت راسي بلا

تــــاج.... ارروووح ارووح

هُــــــــــــذام.... ههههه تمام نسنس حضري نفسج

هزيت راسي اخذ العلبة واجة يطلع وصل الباب المطبخ والتفت الي وڪال

انتظرو الجزء الثاني من البارت