قيود عشك الشيخ

قيد السابع

يَلتفت لأدق تفاصيلي ويحُبها كيف لقلبَيّ
أن يَلتفت عنهُ أنهُ كل ما أرى🤍.

﹌﹌﹌﹌﹌﹌﹌﹌﹌﹌﹌﹌﹌﹌﹌

جنت نايمة على جرباية وتفكيري كلة بكلام تبارك فجائة لكيت نفسي اكتب الها::- اليوم حجيت وي ايسر واطمنت علية

بسرعة شافتهن وكتبت::- اي وشلون تعاملة وياج?!!

::- طول المكالمة وهو يسأل عن اية ما طاحت من حلكة وينها شتسوي ليش ما خابرت هي وشلونها اكلت لو لا

::- وانتي شكلتيلة?!!

::- كتلة جوة جاي تتغدة رغم هي مو جوة جانت يمي وسمعتني حسيت بنفسي حقيرة وحيل جرحتها واذيتها بكلامي

::- سمر لا تخبليني لا تصيرين فاهية صيري نجرة شبيج عبالج تهتم هي لهذا الكلام شوفيها شلون مسيطرة علية ولاحسة مخة لحس يمشي ويصيح اية ولج اذا على كلامج حتى الحجاب نازعتة كدامة شوفي شنو ما مسويتلة تلكيها فارتة فر وانتي الفاهية محتارة تكعدين تدعين ولله كون يصير من نصيبي شلون يصبر من نصيبج اذا هو ما شايفج اصلا من كاعج

صفنت بكلامها احس كلما اراسلها يتخربط تفكيري اكثر واكثر ويتشوش بالي تركت الموبايل من ايدي افكر وشلون ما اصفن الها الكة كلام تبارك صح!!!!

طول اليوم وافكارها سممتني اجتني رسالة من عدها::- اهتمي بنفسج اهتمي ببشرتج بملابسج لا تظلين مدثرة روحج برزيلة جسمج خلي يشوف مفاتنج ويشتهيج صيري كبال عينة

سكتت اباوع لكلامها::- هذا شي حرام تبارك

::- ماكو حرام هو اول وتالي يصير زوجج خلي يشوفج يحس بوجودج لا تنطين فرصة لاختج اية حتى تاخذة من عندج

سكتت تاركة الموبايل كلة حقدت على اية وعلى الكل بالبيت احس جاي ينظغط علية حيل جاي ينضغط

"ايـــة"

طول اليوم وانا جوة يم رؤيا ما نزلت لجوة نحجي بمواضيع عامة سمعت صوت اثير هو يصيحلي::- اية وينج

طلعت من عندة اشوفة جايب علاكة صغيرة بيها ماعون كبير بقلاوة وزنود الست وباكيت عصير جبير ابتسمت::- هاي الي

::- اكليهن انتي والبنية

صفنت رجع كال::- بس لا تكولين الها اثير جابهن

::- هي اكيد راح تعرف مو صحتلي هسة

::- ميخالف ما اريدها تنحرج

هزيت راسي واخذتها ودخلت للمخزن لكيتها كاعدة ابتسمت الها::- تعالي خل نحلي

ابتسمت::- شنو هاي

::- تعالي خل ناكل

انطيتها شوكة اكلت شوية وكامت اباوع زاد هواي::- ليش ما تاكلين راح تموتين اذا تبقين هيج

::- احتمال ما تصدكيني بس معدتي ما جاي تستقبل هل اكل الهواي حيل جاي اتاذة

كسرت خاطري وما ردت احرجها اكثر رغم الاكل ما جاي تاكل وتصيح هواي::- امج من يا عمر توفت

صفنت بوجهي وعيونها دمعن::- من جنت رابع ابتدائي

::- جنتو تعرفين شروق يعني امج من ماتت تعرفين شروق بوقتها

::- امي ماتت من الغيرة على ابوي جانت علاقتهم حيل حلوة ونقية وهي تحبة حيل ومتعلقة بي ما عدها لا اهل تروحلهم ولا اخ يسال عليها

جان عندي خال واحد بالاردن وهذا الي اعرفة لا اندل عنوانة ولا رقمة ولا شايفتة اصلا ولا واصل النا

ابوي جان يشتغل وخيرات الله تدر علينا فلوس بين ليل ويوم اجانا كال تزوجت شلون وليش ما نعرف زعلت امي بالاشهر وابوي يخاف من الله رجعها وما اكلج ما يعدل بالعكس يعدل بيناتهن يوم هنا ويوم هنا

بس تعرفين خبث النسوان وحرشتهن شروق جانت لو ادمر قميص ابوي حمرة لو تخابر امي تكول الها هيج يسويلي وهي يشتريلي وهيج يعاملني وتتعارك وياها ما عندج كرامة هو يحبني يريدني بس الية انا ليش ما تاخذين ابنج وبتج وتولين من حياتنا

امي من القهر والغيرة نسلت سل كامت لا تاكل ولا تشرب ويومية عركة وي شروق لحد ما اجة اليوم ابوي صدمنا من كال راح تجي شروق هنا تظل وياكم

اخوي جان بوقتها جبير ويفتهم ما قبل وتعارك وياه وطلع جنا حيل متعلقين بامنا ونحبها وخاصة اخوي جان حيل يحبها

شروق سوت العمايل اذتنا واذت امي بعدها امي ما تحملت دخلنا للغرفتها لكيناها ميتة بفراشها من القهر والغيرة

سكتت تمسح بدموعها رجعت حجت::- شروق كامت تكسب اخوي لصالحها وخلتة يعاديني بحيث جنت اذا اتمرض يكعد يم راسي يبوس بادية ورجلية ويشتريلي صار انسان ثاني يكول لا تكعدوها كبالي

وراها بكم سنة هم ابوي انطاج عمرة ظليت خدامة لاخوي ومرتة اخوي جان حيل متدين ويخاف من الله سوتة واحد شيطان بافعاهلها غوت بالدنيا ونستة عذاب الاخرة

شرب مخدرات دياحة فساذ نسوان كلشي بي درب اعوج خلتة يروح بي ما اكلج ما غلطان اكبر غلطان هو لان عقلة تنك وصغير بس كثر الدك على الحديد يصدأ وهذا الصار وي اخوية كثرة الحجي المسموم براسة خلتة ما يشوف دربة

سكتت تشهك بالنفس تقربت حظنتها دحست روحها بحظني تبجي بصوت يفجع الكلب::- كافي لا تبجين اسكتي كلشي خلص وراح صار ماضي و انا هنا مثل اختج انا وسمر و ابتهال خواتج شتردين كولي ختولي شروق بعد ما اخليها توصلج و الله العظيم اسكتي

::- تعبت اية و الله العظيم تعبت منها ومن افعالها ومن مؤمراتها مليت كل مرة تضربني او اخوي يضربني اكول هاي اخر مرة واموت واخلص ما ادافع عن نفسي اكول خل اموت بلكي ارتاح

::- عساهم هم بالموت الكرفهم لا تبجين و الله لو يدري ايسر الا يفين حظها وحظ الخلفوها اسكتي بس يجي انا اكول الة

::- لا لا فدوة اروحلج لا لا بداعة كل غالي على كلبج لا تكولين لواحد لا تخلين سري يم واحد بداعتي كالت بس تكولين او تحجين ادزج لخوج وهو يشوف شغلة وياج فدوة اسكتي ما اريد ارجع لهناك

سكتت بقت تبجي منا لمن سكتت وحدها عفتها براحتها وطلعت مكسور كلبي اول ما طلعت جان اثير كاعد بالبايات مال الدرج بس شافني طفر

::- اسمع صوت بجيها شبيها ليش تبجي

اباوع لحالة متخربط والنفس كوة يجرة::- انت شبيك

افتر حول نفسة ورجع مسح وجه واردف::- شبيها ليش تبجي شنو بيها على شنو تبجي بس لا شروق ضاربتها

تنهدت::- لا بس ما عدها احد يسندها امها وابوها ماتو وهي صغيرة وظلت بيد اخ عربانة ومرت ابو وعندك الحساب!!!!

سكت يبلع بريكة وعينة راحت للمخزن احسة يحارب حرب نفسية ما اعرف شبي راد يصعد صحت وراه::- اثير

التفت الي واردف::- ها

::- انت مو تحب ابتهال??! شبيك هسة تتراجف على رؤيا?!!

::- اني احب ابتهال هاي من شوكت?!!!

::- اي تحبها?!!

::- منو كلج!!!??

::- تصرفاتك كلتلي تهتم الها وتضحك وتشاقة وياها عكسنا انا وسمر صح علاقتك انت وسمر زينة بس مو مثل ابتهال!!!

ابتسم::- ابتهال فاهمتني وتقريبا طبعا مثل طبعي ظاربة الدنيا جلاق وتضحك للهوة انا حيل اعزها اما اني احبها اي صح احبها بس كأخت مو اي شي ثاني واحنا مقربين لابعض لان نفس التفاهة وافكارها تقريبا مثل افكاري

ابتسمت::- هي هم عدها افكار تفكيرها بس بالاكل على كولتك ضاربة الدنيا جلاليق هم مو جلاق واحد

::- و انا جنت نفسها

راد يروح::- وهسة??!!!

التفت يباوع للمخزن بلع ريكة واردف::- لكيت روحي اكعد هنا على درج واسمع بواجيها من اجت لحد الان ما فد يوم مريت منا وسمعتها تضحك دائما صوت شهكاتها طالعة

تنهدت وهو سكت عافني صعدت لفوك وسمر نايمة دخلت فتحت الضوة ردت اخذ ملابس واسبح فتحت عيونها مزعوجة من الضوة

كمزت وعاطت::- انتي شبيج هايشة ما تفتهمين واحد منطمر

صفصفت بوجه هاي معقولة التغلط سمر والله جاي اتفاجئ حيل بتصرفاتها::- سمر شنو مشكلتج ما تكليلي

::- سسسسددددي الضووووة

عاطت بصوت عالي اخذت ملابس وردت اطلع ما احس الا نسحبت الملابس من ايدي وصاحت بصوت::- اننتتيي منووو كلللجج تاااخذذذيييننن هاااييي الملاااببسسس مننن عندديي هااا???

ما تحملت تصرفاتها ودفعتها وشمرت الملابس بوجها::- اخذي ملابسج وسدي حلكج لا تصيحين

::- انزعجتي ست اية هااا انزعجتي مووو كلشيي الييي تردددييننن تاااخذذيي مثلماااا اخذذذتتييي ايييسسسرر مننني

مثل الصاعقة نزلت على راسي واكفة ومتفاجئة منها وهي منهارة وادفع بية وتحجي بكل حقد وغل هاي مو سمر لا هاي مو اختي الاعرفها

::- كتتتلجج واجيتتت اتوسسلل بيجج عووفيي عووفييي ماا عفتتييي يجييي لهنااا يكلج انتييي اعززز اعززاززي عبالللجج مااا اسمعككممم هااا سننيينن سننينن اناا متلوووععةةة كدددامجج وانتتيي ماا تحرككيننن سااكنن عبالللج ماا ادري تردييي بسس الج هااا ماا ادري

جنتتت مخدووعة بييجج طول هل سنيننن مخدووعة بيييج حررامات حسبتج اختتي لجج كلما سويتيلججج ساللفة واخذهااا عنجج واترزلل بداللج فييي سبييل ما ينكسرر خاطرجج وانتي بكللل مرةة تكسررينن خاااطرررييي بكللل مرةةة كدددام عييني كدددامم عيني ترحيين تتغزلين بييي واناا واااككففةةة مننن بعيييد واشاهدكم

اكرررههجج اييةة اكررههج عساااج لا توفقتيي ياااربب اشوووف بيججج يوووممم

خرجت عن صمتي وانا اكول الها بكل هدوء احس كلبي تكطع لاشلاء::- ما حجيت ولا كلت لايسر لان واكف بعيوني اصيل!?

تدرين قبل لا تكليلي احب ايسر انا اعرف باصيل ميت على تراب الي تمشين علية

عبالج هاي الملايس كل سنة تنطيج فلوسهن عمة جميلة منها لا منة وهاي الدورات الي داخلتهن منين من اصيل

هسة واكفة كدامي وواصلة لهل مراصيل بفضل اصيل تذكرين من جنتي ثالث وكمتي تبجين المواد صعبة وجانو الولد بعدهم ما متخرجين ويشتغلون عمالة ومن سمع بيج تبجين من المواد

راح اشتغل فوك العمال بالعربانة ويدفع ويبيع علاليلك في سبيل يدخلج دورات

تردين اعوف حب اصيل??! تردين اعوف تضحياتة شنو نظرتة الي وهو كلما اكعد يسولفلي عليج واكلة راح يجي يوم وتشوف حبك هذا?!!

طول عمرج تركضين ورة سراب بس تدرين شنو طلعت انا المخدوعة بيج مو انتي انا انخدعت طول هل سنين واختي ظامة حقد بكلبها لان تشوفني احب الشخص الي رباني واول ما وعيت صحتلة بابة لان عبالي هو ابوي وعمتي جميلة اميي

انتي ما تستاهلين ربع من حب اصيل الج اما بخوص ايسر اشبعي منة طالعة منكم ومن حياتكم كلها وصدكيني راح يجي اليوم الي تعضين اصابيعج ندم لان تركتي حب نقي وصادق مثل حب اصيل راح ادورين الحب وما راح تلكي صدكيني

عفتها وطلعت راكعة الباب وراي وصوتها وهي تدعي علية يرن باذني كلامها احس مثل الراجدي على وجهي نزل روحي كامت تلوب لا بية ابجي واعرف ابجي ولا بية احجي واعرف مثل العالم احجي البية

طلعت كبل للحديقة خنكة صارت بنص بلعومي اريد بس اتنفس روحي كامت توجعني من الالم هاي هيج سمر مفكرتني?!!

ما كدرت ما كدرت اكسر اصيل هي تحب ايسر ردتها هي تروح وتعترفلة ما ردت ادخل انا انا شكو عيون اصيل يصيرن كدامي

يا فشلتي و الله يا فشلتي كدامة لو يدري انا احاول اجمعهم سنين سنين هو يحجيلي عن حبة الها بس هي غبية غبية

ظليت افتر على روحي اريد شي يبرد كلبي دخلت لجوة لاكتني شروق ابتسمت بحقارة واردفت::- قريبا راح اطلعج حافي من هل بيت انتظريني

ابتسمت الها واردفت::- سوي الي اكدرين علية

هزت راسها بثقة وراحت مشيت بخطوات ثقيلة فتحت الباب على عمة جميلة وكل عادة جاي تحوك رفعت راسها شافتني نزعت نظاراتها الطبية واردفت::- هاي انتي اية مالج

رحت الها الدمعة بطرف عيني تمددت وراسي بحظنها اردفت بغصة::- لعبيلي بشعري

جرت حسرة وحجت::- اشتاقيتيلة مالج خايبة كلما يرحون يدولب حالج

::- اشتاقيت لاهلي عمة سولفيلي عليهم

جرت حسرة وبقت ساكتة هذا الشي الي دمرني مخبلني كلما اكول الهم سولفولي عليهم يكتفون بانهم ماتو بحادث سيارة كلشي ما يحجون غير هل حجي راح يكتلوني اريد اعرق شي عنهم متت

نزلت دمعتي حارة وشهكت بالنفس وهي ساكتة بس تمسح على راسي بحنية غمضت عيوني اريد بس انام ما اريد افكر بأي شي

نمت وثاني يوم كعدت الصبح على صوت عمة جميلة تندهلي علمود اكعد للمدرسة كمت بكسل روحي تعبانة

رحت للغرفة لكيت سمر مكملة لا هي الحجت وياي ولا انا الحجيت وياها مهضومة حيل من عدها وتعبانة نفسيتي

غسلت وفرشت ونزلت لجوة ما احس الا نسحبت من ايدي فزيت شاهكة باوعت اشوف رؤيا::- شبيج ايدي خلعتيها

باوعت بخوف تتلفت::- شروق ناويتلج على نية كشرة تعالي وياي

عقدت حواجبي ورحت وياها ادرفت بخوف تفرك اديها::- اليوم كعدت من الفجر ردت ماي من المطبخ ومن رجعت لكيت شروق تتخنس وصعدت لفوك ظل بالي صعدت وراها ولبدت بالحمام الفوك راحت لغرفتجن وبيدها علاكة سودة ومن طلعت ما لكيت علاكة بيدها نزلت بسرعة ودخلت غرفتها

عقدت حواجبي::- شنو تتوقعين بيدها

ضربت كصته::- خايبة روحي دوري الغرفة وشوفيها شذبت عليج من بلاء من دهر صابج خايبة كومي

تكوم وتسحل بية كمت وياها صعدنا لفوك الغرفة فارغة باوعتلي بارتباك::- ولج شذبت هنا دوري خل نشوف

اسمع صوت هوسة جوة كلت اكيد كعدو بقينا ندور على شي الي تكول علية رؤيا

باوعت الها::- تاخرت على مدرستي رؤيا خلي بعدين

حجت بخوف::- لا لا منا لمن تجين تلكين اهلج متبرين من عندج

باوعت الها بقلق وراسي افتر شنو الشي الي جان بيدها تخبلت نفضنا الغرفة نفض والاصوات من جوة تعلة اخر شي باوعتلي رؤيا واردفت::- تعالي ساعديني شيلي وياي الدوشك مالتج

وفعلا ساعدتها اول ما زحنا شفت علاكة سودة بسرعة سحبتها صافنة اجتني رؤيا تحجي::- خايبة مالج انثولتي شوفي شنو بيها فتحيها يلا

بسرعة فتحتها واشوفة حزام مبين ذهب باوعت الها بصدمة وهي فاتحة عيونها بذهول بعدني اريد احجي وما احس الا انفتح الباب وكلهم صارو بالغرفة وعيونهم على ايدي الي شايل الحزام

رؤيا تباوع مصدومة ووجها كام ينطي الوان بعدني ما مستوعبة الصار ما احس الا عمي تقدم وانطاني راجدي

ما اسمع الا الشهكات صارت بالغرفة تقدمت عمة جميلة اخذت الحزام من ايدي وصارت كدامي وهي تحجي::- ليش تضربها بالله عليك عوفها احلفننك بولدك خايب شنهي عمر اية ويانا من يمتة وانت تصدك بحجي النساوين

اردفت شروق وهي تتعاير::- مع الاسف عليج جميلة شنهي طلعتيني جذابة وروح امي شفتها البت تدخل حجرتي واخذت وياها شي ما عرفتنا شنهي ومن كلت للشيخ كال خل نروح نسالها انتم ما صدكتوني ما توقعتها تبوك انا لو كايلتلي جا ما عزيتة عليها وانطيتة الها

باوعت الها بذهول بعدني ما مستوعبة الصار عيوني جدحن بالنار اردفت مكملة::- كلشي توقعت منج الا بت الي ربيتها تساعدها وتبوكني ما توقعت منج بس انا دواج عندي

توجهت لرؤيا تريد تضربها صرت كدامها ودفعتها من متنها واردفت::- هنااااا حددددججج وحققق دااحي الباببب اخابرررةة عليكممم يهججكمممم من البببيتتت بكببررةة

تقدم عمي يصيح ويهدد يريد يضربني::- تهددينا ولجج ك** انعل** لابو***

انا سمعتة غلط على اهلي وانا نار شبت بضلوعي وما احس الا شلت الشاحنة وشمرتها علية وصرخت وانا دموعي تنزل::- الاااااااااا تغغللللططط على ااههههلللللييييي لااااا تغغلللططططط

تخبل يدفع باعمة جميلة ويريد بس يلزمني وعمة سهى وعمة جميلة يدفعن بية يردن اوخر عنة وانا واكفة ونبي بس يدرون اصيل وايسر ضاربني يرعدون عليهم ويسودون عيشتهم

فززنا صوت اثير هو يدخل يصيح ما قابل على ابو سحبة وعمي يغلط ويسب ويفشر وانا روحي تنمرد مرد من اسمعة يغلط على اهلي

واثير روحة مفرفحة واسمعة يكول::- بوية هاي اية اية هاييي ايييةة مننن شووكت اية تبوووك

::- ما عرفنا نربيهااا هللل ساا***

عاط بي اثير متخبل واسمع بس تدفر::- وحققق داااحييي البابببب هسسسةةةةةةة اطببب احرررك ررررووحييي لااااا تغلللطط لاااا تغلللطط ايييةةة هاااييي ايييةةة

::- ما تظل هينا مااا تظل وحككك ربك ما تظل هسة تطلع ما تظل هينا

وعمة جميلة ترد::- شنهي البيت بيتك هاا بيت ابوووهاا

واكفة واسمع جسمي كلة يرجف مهضومة واسمعهم شلون يحجون علية باوعت لرؤيا الي واكفة منتهية وتشهك اثير اردف::- هااا اهااا كاااعدد هنااا خللل اشوووف منووو يطرددهاا

::- تعصييي ابوورم ولكك تووكفوون بوجهييي من وراهااا

اثير ساكت واسمع الصياح حجاية منا وحجاية من اثير اجت الكلمة الي صدمتني وهدمتني هدم

اسمع سمر من عاطت وهي تكول::- كااافييي هي ايةةة الي سوت هيييججج انا شفتها من جابت العلاكة وخلتها جوة الفراش بس ما جنت ادري بيها ذهب

صار لحظة سكوت وصمت من الجميع ما اسمع بس صوت شروق تحجي::- هاااا هااا طلعتوني جذابة طلعتوني جذابة كلت الكم ما تحبني هل بت تباوعلي بغيض وكره مادري شمالها ولله انا ما اربدن شي غير ريلي يطلعلي حكي حتى الحزام ما اريدة خلي تاخذة الها اريدن حكي ومربع هم

لزمتني رؤيا تشهك::- لا تبجين اية لا تبجين ولله مو انتي انا ادري مو انتي اسكتي انا اصدكج

شهكت لازمة كلبي::- اختي هاي اختي شهدت جذب ضددديييي اختييي ياااا وجعييي

دخلت عمة جميلة وبعيونها عتب اردفت وهي تبجي::- ليش هيج عمة مقصرين وياج

باوعت الها متفاجة::- حتى انتي عمة

دخل اثير واردف::- راح اخابرة

لزمتة عمة جميلة واردفت::- لا تخابرة هو بوضع خطر لا تخلي يعرض روحة للخطر ويجي

باوعتلي واردفت::- وانتي لمي ملابسج روحي لبيت خالتج فاطمة بين ما تهدة الامور

فتحت عيوني بوجع اباوع الها متفاجئة طردتني صدكت بيهم وطردتني رؤيا لازمة ايدي وتضغط عليها

طلعت عمة تبجي وعمة سهى ما قابلة وتصيح ما راضية باوعلي اثير اردف هو يتقدم ويمسح بدموعي::- لا تبجين روحي بس وحكج من ارجعج و راسج مرفوع

هزيت راسي وانا الخيبة خانكة صدري خنك ليش هيج سوت ما همني كلهم ما هموني حتى عمة جميلة من اجت وحطت عينها بعيني وطلعتني جذابة ما همتني بكدما همني صوت سمر وهي تجذبني

ما اخذت شي وياي بس جنطتي ونزلت طالعة من البيت لاكيت سمر بالطارمة تلبس بحذائها تقدمت ناحيتها واردفت::- من اليوم انسي اخت عندج اسمها اية انا وياج من يوم اعداء وصدكيني راح اندمج على كلشي سويتي

باوعت بنص عيونها واردفت::- جنت ادافع عنج واخاف عليج واحبج اكثر منهم كلهم بس هسة صرت ما اطيق وجهج وخافي مني سمر خافي مني

عفتها وطلعت وانا دموعي تصب معقولة هاي سمر اختي معقولة ولله ما جاي اصدك والله .......يتبع

الفاتحة على روح المرحوم عبد ابن هدية 💔

اقرو الفاتحة واهدوها لـ روحة واكون ممنونة منجن 💔

حسابي الانستكرام الجديد 🩵