꧁بسم الله الرحمن الرحيم ꧂
»»»»»»»»»»»»»»»»»»»»»
آنتقآمـ_آلوهہج✨
بقلمـ آيـﮯآت. 🤎
»»»»»»»»»»»»»»»»»»
حًآسِبًيَنِکْ مًنِ آلَعٌزٍآزٍ وٌيَّأهّلَنِهّ
شُبًدٍر مًنِهّ وٌمًنِ تٌلَآگيَنِهّ أعٌبًرتٌنِهّ
وٌمًآ نِعٌآتٌبً عٌآذِريَنِکْ مًآ شُفُتٌنِهّ
هّوٌآيَ بًيَهّآ وٌجّوٌهّ عٌيَنِکْ. 🖤
»»»»»»»»»»»»»»»»»»»»»»»
«ترانيم»
رجفتي زادت واني اشوف الداعشي كدامي احس الدنيا افترت بيه وهوه يباوعلي بنضرات وصخه ويتقدم يخطواته واني اتلفلف وارجف وكلبي احسه واكف كد مايدك قوي باوعت من دخل صگر من وره الداعشي وحاط ايده على حلگه
معنى لاتحجين واني اباوعله واباوع للداعشي ثواني وعاط ووگع بالكاع والدم ساح بالمكان اباوعله وكع على بطنه والسجينه معلكه بضهره
قطرت دم ماضل بيه من شفته متمدد اجه صگر علي بلهفه واني حضنت ذراعه وبلكوه احجي الكلمه
- ل لتعوفني ف فدوه.
- مااعوفج وداعت عيونج.
تمشى بالصاله واني مجلبه بذراعه واباوع لجثه الداعشي اخذ كم غرض وجاب الشال لفه على شعري مسح دمعتي الي معلكه برمشي وحجه
- لاتخافين اني وياج واخو اخيته اليدنالج.
هزيت راسي ولزم ايدي شبكها وطلعنه من البيت وحيلي كله يرجف احس اني بحلم.
ضلينا نمشي ببعد نص ساعه وجانت منطقه مهجوره والبنايات نصها مهدومه والرصاص الي مزرف البيوت والجو صحراوي صار.
المكان يخوف بس صوت انفاسنه مسموعه دخلنه لبيت ماشي حاله بعد احسن من هذنيج البيوت كعدني عالقنفه الي بيها تراب كعد واني الحد الان مجلبه بي باوعلي وحجه
- شبيج ترجفين
- عفيه طلعني من هاي المنطقه راح اموت.
- اطلعج وداعتج بقى شويه ونطلع وتتحر المنطقه وتشوفين خواتج ، ماشي وبعد مااريد اشوف دموعج هذن
حجاها ومسح على خدي لزم ايدي وكومني غسل وجهي وكعد واني من الخوف الرعب غفيت على ايده.
»»»»»»»»»»»»»»»
«وهج»
مرن يومين واحنا ندور ؏ ترانيم ومرات يطلعونه كم داعشي ونطعنهم لان خاف يكشفونه ونوكع بداهيه وبحر ينطي معلومات للقائد مالته ويداهمون المكان حتى تتحرر المناطق اما صديقه الي اسمه علي صار انفجار
وانكطعت رجله وايده بحيث مالكينه من بس رجلينه بس بحر ابد ماتأثر وكأنما شي عادي اتفاجأت كلش من بروده بس مابينت اله ، بالي يم ترانيم وينها هسه معقوله قتلوها
لو عذبوها الف سؤال براسي فزيت على صوت بحر باوعتله وحجيت
- هاا
- وين صافنه
- ونتَ شعليك
- يايابه شهالتكبر هاذا هوه سؤال
- دلتهي بشغلك وسد السانك
- يابه شبيج ماتتحملين كلمه
- كتلكك اسكت كافييي
زمخت بي وكمت افتر محروكه حرك طلعت من الباب وهوه لزم ايدي
- عوف ايدييي
- وين رايحه انتِ مخبله.
- رايحه ادور على اختي مااضل انتضرك لما تلكاها
- لج شبيجج ، ترى المنطقه محاوطه بالدواعش اذا ترحين راح تموتين
- يطبنييي الفف مرضض مادخلك
- شنو انتَ ماتهمج روحج
- اييي ماتهمني كلشي مايهمنيي.
- بس روحج تهمني .
- كافييي عاد وخرر.
وكف بالباب وسده بجسمه ويباوعلي ببرود
- كتلكك وخر
- مااوخر .
كمت بعصبيه وكسرت كلشي بالبيت فقدت اكسر واصيحح ومستمره اجه لزم ايدي ودخلني بغرفه صغيره حيل مثل المستودع وطبكني بالحايط واني ادفر بي حاط ايده على حلكي وخشمي
وجسمه على جسمي حاصرني بالحايط ويتلفت منا ومنا گرصته كل قوتي من زنده غمض عيونه وقرب وجه لأذني وحجه
- لج اسكتي دواعش اجوي هنا.
وصدك شويه وسمعت صوت همسات وطكطه مال رجلين واحنا حتى النفس كتمناه.
فتح الباب علكيف وباوع عليهم منطينه ضهرهم ويباوعون يتفحصون المكان اشرلي بعيونه واني گأنما عرفت شيقصد
طلعنا من المستودع ببطئ والسجينه بيدي طعنته بنص ضهره وبحر ضرب الاخر طلقتين كبل وكعو بالكاع تفلت عليهم وعلى وجوهم
الي مابيها ذره رحمه اخذت سلاح الداعشي وبحر اشرلي وحجه
- امشي خلي ننهزم لان الدواعش حاوطونه.
هزيت راسي وهوه مد ايده عود لزميها خنزرته بغضب ومشيت من يمه وخر ايده وحك راسه ويضحك
طلعنه من البيت واحنا نمشي اندارينه ونشوف الدواعش يضربون طلق علينه هما من بعيد يضربون واحنا ركضنا ونروح منا ونجي منا حتى الطلق لايلوحنا
بحر يركض وياي وكلساع يلتفت عباله اتعب مايدري هاي لعبتي
نركض والطلق محاوطنا والانفجارات الدنيا محتركه حرك
تقريبا ب الساعتين واحنا نركض وكفنا كبال بيت عادي مو كلش جبير دخلنه بي بعد ما تيهنا الدواعش كعدت بالكاع وهوه تيلفونه دك كبل قفله
- منو يدك؟
- هاذا اخويه صگر
- ماترد
- خلي يولي مالي خلگه
غمضت عيوني وانتجيت راسي عالحايط كل جزئ بجسمي يوجعني بس مااحس بالوجع واقوام مااستسلم
لازم الكي اختي حتى لو اضحي بنفسي المهم اختي تطلع سالمه ومايصيرلها شي
- انتِ مخبله
فتحت عيوني اباوعله ببرود
- لو ما معيطه وهارجه الدنيا جان هسه احنا ماعلينا شي
- معليك افتهمت
- واعوفج تصيحين انتِ منتبهة على نفسح من تفقدين وتكسرين وماتشوفين كدامج ، تصرفاتج ابد مو قانونيه مره تضحكين وبنفس الدقيقه تكلبين وجهج حتى مانلحگ نتأمل ضحكتج .
خزرته بغضب وحجيت
- انتَ مادخلك بيه عسى مااحرك نفسي انتَ مادخلك
- ليش بله تحركين نفسج وهج انتي موطبيعيه ابدد
كمت وحجيت
- ايي اني مخبله وبلا عقل ارتاحيتت .
- ليش هيجي جاي تسوين وهج ، جاي تخبلين نفسج بالزايد
سديت أذني كل قوتي وحجيت
- اشششش كافيي كافي مااريد اسمع صوتك
كعد وهوه يباوعلي بتراقب واني هم كعدت انتضر الفرج من الله ...
»»»»»»»»»»»»»»»»»»»»»»»»»
« سنار»
دكيت على وهج وطلع مقفول ودكيت مره ثانيه فتحت خط وكالتلي بعدها جاي ادور عليها مالكت اي اثر الها
طول الوقت اصلي واندعيلهن يجن بالسلامه نفسيتي كلش تعبت وهمات الدراسه وضغوطات علي اهوايي
تعبت حيلل اما لهيب يحاول يحجي وياي لو يسالني بس اني مااجاوب لان نفسيتي ماتسمحلي اما ازهار ماعافتني ولا دقيقه كل ثانيه تجي تشوفني شمحتاجه
لو تجي تواسيني حسيتها امي من كد الحنيه من الي بعيونها جنت محتاجه امي ومحتاجه مواساتها الي بس هيه ماخلتني ابد محتاجه لشي
ومن كد خوفها علي تطلع لهيب بره ماتريده يبات بالبيت لان اني موجوده تخاف علي
طلعت بالحديقه واخذت كتبي وياي جريت نفس طويل وكعدت بالحشيش
فتحت كتبي وبديت اكتب واحل المسائل شويه وحسيت ضل صار علي رفعت راسي شفته لهيب ابتسم وكعد بصفي لبعد متر
- شلونج
نزلت نضري عالكتاب وحجيت
- زينه
- دومج بخير يابه
باوعتله وابتسمت
- لاتبجين ولاتخافين ، انشالله بحر يكدر يلگي اختج ، واني هم بعد يومين التحاقي هم ادور عليها وانشالله تتحر المنطقه ونكدر نلكيها.
- انشالله ، شكرا تعبتك وياي
- لا يابه ماكو اي تعب يمج ، هاي شجاي تقرين
نزلت نضري ؏ الكتاب وحجيت
- رياضيات.
- يابويه هاي صعبه ديري بالج منها
- لا مو كلش صعبه بس كم موضوع شويه معقد
- اذا تردين اشرحلج ، ترى الكدامج مخلص ماجستير
- لعد شجابك عالجيش
- اني ادري غير حضي الاغبر
ابتسمت علي شلون يحجي نزلت نضراتي عالكتاب شويه واجت ازهار شايله بيدها كلاص حليب
ازهار :- هاج يمه اشربي هاذا حتى تركزين زين.
سنار:- خاله والله مااشتهي.
ازهار :- لا اله تشربي ترى ازعل عليج ها.
ابتسمت واخذته منها كعدت وحجت ويا لهيب
ازهار :- شوكت تلتحق وليدي.
لهيب :- انشالله يومين وانروح .
ازهار :- دير بالك يمه من الطريق من المكان.
لهيب :- لاتخافين يمه محروسين بالله احنا.
ازهار :- ونعم بالله وليدي.
باوعتلي وحجت
ازهار :- يمه بعدلج شكد وتكملين.
سنار :- بعدلي شهرين.
ازهار :- ركزي زين بنيتي كون تجيبين معدل تفرحين اخيتج بي وتفرحينه .
ابتسمت وحجيت
سنار :- انشالله خاله.
ازهار :- خابرتي اخيتج .
سنار :- اي خابرتها ، بعد دكول جاي ندور لحد الان مالاگين اثر الها
ازهار :- انشالله يلكوها وتخلص من كل هاذا العذاب ، ترانيم على نياتها ماتستاهل سوده علي هسه شتاكل شتشرب .
ضلت كاعده يمي ولهيب اجا اتصال وراح كملت ورحت رجعت كتبي وطلعت الفيزياء اقره بيها شويه
وهيج مشت ايامي بالدوام والقرايه ومنا بالي كله يم ترانيم حتى ماجاي اركز بالقرايه بس مااستسلمت ابد..
»»»»»»»»»»»»»»
«ترانيم»
فتحت عيوني ببطئ والنوم بعيوني بعده مطفيه وبلكوه اشوف احاول استوعب اني وين نايمه رفعت راسي وصار وجهي كبال وجه
شهكت من استوعبت اني وين نايمه اني هوه نايم عالقنفه ومدد وجسمه ساد القنفه كلها ومنومني فوگاه وحاضني من خصري واني جني فاره نايمه فوكاه اباوعله بجمود
فاتح حلكه ونايم ومبين علي التعب تحركت وهوه فتح عيونه شافني ورأسن كعد واني اذا تكلولي بزز ابجي من الفشله وخرت منه
خجلانه وهوه كعد يفرك بوجه وعيونه جمر من النوم
- اسف اخذتني النومه ومادريت هيج نايمه.
رفعت راسي وحجيت
- لا عادي.
كمت اهفي على وجهي غسلت ورحت كعدت يمه كام جاب اكل وكعد اكلت شويه وكملت
- انتَ شلون تنومني هيج
- مو كلنا اخذتني النومه
- اي بس انتَ سويت شي حرام ، يعني الشي السوينا حرام شلون تنومني فوكاك وو
- ولجج كافيي شبيج انتِ ماتسكتين اسكتي خلي اشتغل .
- عابتلك اي والله
- عليمن هاي
كلبت عيوني ومارديت وهوه عض شفته كأنما يصبر نفسه رجع نضره عالحاسبه
- اكلك
- اشش اسكتي
- شبيك هوه سؤال
فرك وجه وحجه بنتر
- گوليي؟
- انتَ شكد طولك
- شتريدين من طولي شهل الاسئله البايخه
- هسه دجاوب
- خاف تحسديني
- لا يابوي ليش احسدك قابل انتَ شنو حتى احسدك
باوعلي وحجه
- طولي 199.
- شيييييييللل هاي انتَ شكبرك طلعت ، عمت عيني على روحي المسكينه من امداني.
ضحك وحجه
- ليش امداج.
- ياخي طولي مايسمحلي احجي وياك عييعع شكد اكره طولي .
- رحت فدوه لطولج.
باوعتله وارمش سريع وهوه مبتسم ويباوعلي
- بله انتِ شكد طولج
- مااكدر اكول اعذرني
- دكولي ، ترى اني مااعيب هاي مو سوالفي حتى اتنمر على طولج
- انتَ ماتتنمر من هاذا شبعتني تنمر ذاك اليوم
- هاي جنت مااعرفج هسه عرفتج
اخذت شعري وحطيته وره اذني وحجت
- احمم طولي
- ايي
- طولي 152
اشو هاذا بس كلت هيج طكها بضحكه شعلوها كام يترغمل بالگاع من الضحك واني اله شويه وابجي
- شكووو تضحك مو كلت مااتنمر
حجه وجه مصبوغ من الضحك
- ههههههه خرب بيومج شمدريني طولج 152 عبالي بالستين بالسبعين.
رحت علي واضرب بي واحجي
- لاتعيبب ابو شوارب ابو لحيه الداعشي المهتلف
- اشكرج
- انتَ متباهي بطولك جنك طنطل.
- منو طنطل؟
- انتَ
- اني طنطل
- ايي.
- وانتِ البرغي هههههههههههههه
كام يضحك من جديد غثني ردت اخرطه جلاق
- كافييييي اسكتتتتتتت
- شنو اجتج الحاله
- كافي عفيه انتَ ماعندك ستوب
- لا عندي توب ههههههه
- على فكره ماتضحك
- طبعأ انتِ بيج دفره اله اخليج سبوع تصيحين اخخ.
- لاوالله انتَ الي مشتهي دفره
كام وحجه
- هاي عليمن ولج
- عليكك
- تغلطين علي
حجيت واني افرك بصابعي
- اي لان بس تتنمر شسويلك
كعدت علقنفه ودرت وجهي اجه يمي ولزم ايدي دار وجهي باصبعه وحجه
- زعل الگمر
- هستوك شبعتني تنمر هسه صرت گمر
- غير اتشاقه وياج انتِ اكو بحلاتج حتى الگمر ماشايل صفاتج.
حط شعري ورى أذني وأصابعه صارت على بشرتي الدافيه خرطت العافيه فتحت عيوني وحجيت
- اني گمر
- حتى الگمر مو مثلج ، انتِ ملكه گلبي .
- هههه لا مو الهدرجه ماتشوف وجهي صاير بي حبوب اني كل مره احطله كريم واعتني بي هالمره وين الگي الكريم ونتَ مجابلني وكاعد.
- غير صافن علعسل.
- اكلك اشو انتَ اخذتني دگ غزل انته تعرف اني اخت منو
- اخت الطنطل غير .
- لااا مااسمحلك تحجي على اختي ، هسه غير اذا درت بيك لازم ايدي لو حاضني يمكن تحركك ونتَ عايش ومايبرد گلبها.
- لهدرجه اختج قاسيه.
- اي ! واكثر هم تدري جابت كتال اهلي وحركته وهوه عايش.
فتح عيونه بصدمه وحجه
- يعني اختج مجرمه
- لا مو مجرمه بس هيه جابت كتال اهلي شكد رفعت القضيه شكد سوت ماساعدوها ف جابته وحدها ، مره واحد متحارش بيها تدري شمسويتله
هز راسه ينتضرني اكمل
- ضربته وخلت دمه بطوله ، بحيث الولد نام بالانعاش .
- يابويهه اني اكول عليمن طالعه السانج شطوله.
- انييي؟ وانته مادگول لنفس ابو راس المدوحس.
- اغلطي بعد ضاملج ياهن
دفعته وكمت وحجيت
- اووي دوخر شكد غثيث.
اشو هاذا جرني من خصري وكعدني بحضنه وبنفس اللحضه شعري نزل على عيوني وخر شعري من عيوني واني جامده بمكاني
- ماتستحي انتَ.
- لا مااستحي.
- وخر عفيه ترى انتَ الي جاي تسوي حرام ، شلون تلزمني هيج.
وخر ادينه گبل وخرت منه باوعلي وحجه
- عيونج
- شبيهن
- شگن گلبي وكعدن بي .
- ايبااه انوب شگن گلبه منيلك هالكلاوات هاي وليدي .
- وليدي شنو لاعب وياج دعابل رجال شكبرني شكدني تصيحيلي وليدي انتِ منو علمج هاي السوالف
- انتَ علمتني .
- انيي ، اني يمج حواليج
- دروح انتَ وهاذا خشمك.
- ترحيله فدوه بيج خير سوي مثله
- عادي اسوي تجميل
- وشلون تطلعين جنج سعلوه
- هاي انييي وتوه منو جان يتغزل بعيوني.
- اضحك عليج بابه ، انتِ شايفه وجهج بالمرايه.
- تروحلييي فدوهه ابو صماخ .
كام واني طفرت بالحمام وهوه يصيح
- هاي عليمن ولج
قفلت الباب الهث ضحكت وحجيت
- عليك ، ارتاحيتت.
- بس اطلعي واني اعلمج اذا ماعضيتج وخليتج ترفسين.
- دروح انتَ و وجهك العاوي.
ماسمعت منه صوت بعد فتحت باب الحمام شويه شويه لكيته كاعد وجاي يطكط بالتيلفون رفع راسه وحجه
- ضاملج ياهن وحده وحده وين تروحين مني
- شوف والله اشاقه ، انتَ تخبل تموت من جمالك
- غصباً ماعليج
- غصبن ماعليه شنو فوك ماامدحك.
- دمشي وخري من وجهي لا ابتلي بيج
حجيت واني اعوج حلكي اقلده
- ابتلي بيج ، علساس اني خايفه منك لاعزيزي اني ما...
بعدني مامكمله اشو هاذا طفر ولزمني من ذراع ايدي وسحبني علي ارتطمت بصدره وهوه حجه
- يعني انتِ ماتوبين مو اكلج روحي منا .
حجيت بتوتر
- والله بعد ماسويها اسفه.
دنه وجه علي وانفاسنه اختلطت اتقرب اكثر وشواربه طخت خدي حسيت على لسعه بخدي عطت وكمت اكمز واعيط وهوه مبتسم بنصر
- اخخخخخ يمااااا العربيدد لدغنييي يمهاااا.
اكمز ولازمه خدي وهوه يضحك
- شسويتلج ولج هيه عضه ، حتى اتوبين.
كعدت علقنفه واغلط علي.
- الوحش الطنطل السرسري الساقط ابو خشم ابو أذان ابو شوارب .
ضليت اغلط علي وهوه ماخذني على كد عقلي كعد يطكط بالحاسبه واني رحت غسلت وجهي وخدي طلعت اباوعله بطرف عيني شويه ودك مبايله فتح خط وحطه على اذنه
شويه وكام يعيط واني خرطت العافيه
- عفيه صگر شبيك
حجه وهوه يلم الغراض ويحجي سريع
- الدواعش راح يحاوطونه لازم ننهزم منا بسرعهه اخذي شي تحتاجينه بسرعهه ماعدنه وگت بسرعههه.
بسرعه اخذت كم شي احتاجه وايدي ترجف كل ذره بجسمي ترجف لم كلشي وكام لزم ايدي بعده ماحاجي والطلق كام يضرب علينا عطت بصوت ولزمت ايده خايفه.
وهوه يتلفت منا منا دخل للغرفه اكو شباك شويه جبير فتح الشباك وحجه
- بسرعهه اصعدي ولاتلتفتين وراج بسرعهه.
- لا صگر مااعوفك.
- اجي وراج بس انزلي ماعدنه وكت بسرعه.
لزمني من خصري وعبرني الشباك طلعت من البيت وهوه حجه
- اركضي شكد مابيج ولاتلتفتين وراج يلا روحيي.
- لاا صگر لامااعوفك.
- جاي اكلج روحيييييي.
زمخ بيه واني رحت اركض وارجف والطلق مستمر يضرب علينا طول هاي اللحضه ركضت مثل ماكال
بكل ماعندي قوه مستمره اركض وحسيت صوت انفجار صار قريب مني وشه صارت بأذني حسيت الكاع ارتجت بكل قوتها، صابتني رجفه بداخلي التفتت بكل جسمي وياريتني مالتفتت شفت البيت الجنه كاعدين بي النار گابه بي والحريق من كل الجهات صرخت بكل صوتي وحسيت اوتاري الصوتيه تقطعت
- لاااااااا صگرررررررررر....
يتبع.....
»»»»»»»»»»»»»»»»»»»»»»»»»»»»»»»»»»»
اسفه كلشش عالانقطاع بس والله عندي ضروف وتعرفن رمضان مو بس صوم وهاي هاي لازم عباده وقرأه القران مو بس لازمه التلفون واكتب مايصير، ومريضه فد مره صار يومين اروح واجي عالمستشفى فد مره والله العضيم اليوم يلا صرت شويه زينه
مريضه واكتبلكم شتفو اني شكد احبكم، 🤎
اتمنى تقدرون تعبي وتقدرون وضعي وشكرا واحبكم اهواييي 🥹🫂