نـــبـدئ ﷽
#مـلاڪي الطـاهـر
#بـارت 10
لاتنسـون التـصويت+و التعليق بين الفقرات +و متابعه حسابي
.........ولگيتك ضَاملي الشينة
ويم غيري تذِب هناك كُل زينا
شبعَد ويغزر بعينَك .؟.........
.....
ركضت على صرخت كِرستال، و شفتها لازمه كُميّل الي فاقد و ايده كلها تنزف دمه،،
كِرستال: تعاليي خِتّام تعاليي، كُميّل ضرب ايده بميز التواليت و الكزاز ملت ايده
تحجي و ترجف، ركضت اله اريد يصحه، جبتلي ماي شمرت على وجهه و ركضت اخابر ب كِنّاز اتصلت اكثر من مره ماكو رد،
تركت الجهاز من شف كُميّل حرك ايده
خِتّام: كُميّل كُميّل حبيبي تسمعني
لزم رأسه و يباوعلنا بأستغراب
كُميّل: شكوو
كِرستال: ضربت ايدك بميز التواليت و الكزاز دخل بأيدك، فقدت الوعيي ممكن بسبب الدم و أنتَ امبين عليك ما ماكل شيء،
تحجي و ترجف اباوع لـ كُميّل صافن على رجفت أيدها شلون تريد تلزمه و مترردده
كِرستال: اساعدك كُميّل؟؟!
هز رأسه الها و هي أجت بسرعه لزمت من أيده كعدت على التخم الي بالغرفه و رادت تنزل تجيب الاسعافات بس اني كتلها اجيبهم، نزلت اجيب مكناسه حتى الم الكزاز هذا و اخذت الأسعافات وياي،
صعدت شفتها لازمه بيده و تمسح عليها و دموعها تنزل
كِرستال: اسفه اسفه اني السبب بحالتك سامحني
استغربت شلون تغيرت بسرعه قبل يومين ما يهمها طاريه هسه خايفه و لازمته بيده و تحضن بوجهه بديها، و هو صافن عليها، حقه حتى اني مصدومه منها،
دارو وجهم عليه و اني انطيت كِرستال الاسعافات و اخذت المكناسه ألم بهلكزاز و عيني عليهم شلون تشيل الكزاز من أيده و تباوع لوجهها تشوفه متألم لو لا و هو صافن على حرگتها،
كِرستال: تأذيك
كُميّل: هاا، لا لا متأذيني
كِرستال: متأكد
هزلها رأسه و هي رجعت تضمد بأيده و اني من خلصت و لميت كل الكزاز و طلعت عفتهم بوحدهم
....
كُميّل: هسه عليمن تبچين
كِرستال: اسفهه، ردت أكلك بس بس ما كدرت
كُميّل: ليش سويتي هيچ بيه، چنتي تمثلين عليه أنتِ ناسيه كلشي، بس طلع العكس، من سمعت حديثچ ويه عمچ، تدرين شصار بيه
كِرستال: ردت أنتقم منك، لأن عفتني و بعتني
كُميّل: وانييي بيش أحلفلچ ما عايفچ
كِرستال: تمنيتك يمي هواي بذيچ اللحظاات بس حتى تجي و تشوف حالتي بس بس أنتَ ما أجيت
كُميّل: و اني طول هاي الأربع سنوات عيوني ما نمت مرتاح و أني ادور عليچ عمچ خذاچ مني و خلاني أتصفن اني وليلي بس ردت أندلچ، بس هو چان ضامچ عني، و من راد اشوفچ خلاني كدامچ و خلاچ تمثلين عليه، و تفگرين بالأنتقام
مسحت دموعي و اني اذكر كلامه الي
شاهين: تردين كُميّل، ياهو كُميّل نفسه الي أنطاچ الي بسهولة، نفسه الگال ما أريدها أخذوها، و خلاني أدخلچ على شكل خاطف، نفسه هو الخلاچ بعيده عن أمچ و ما خلاها تعرف مكانچ، حتى ماتت أمچ بقرهها عليچ..
طلعت من صفنتي و اني اباوعله و صوتي يرجف
كِرستال: چنت كارهتك و محملتك مسؤلية أنتَ السبب بموتت أمي حياة
كُميّل: و هسه بعد ما عرفتي الحقيقه
كِرستال: بس ما فهمت شغله وحده ليش عمو سوو هيچ طول هاي السنوات، و خلاني أكرهك و أنتقم منك
كُميّل: الأنتقام
كِرستال: الأنتقام؟؟
كُميّل: اي أنتقامه القديم راد ينتقم منه بس كلمن بالشيء اليعزه يحصل أنتقامه يكسرهم باليحبو و يخليهم يعضون أصابعهم ندم
كِرستال: تعرف اني ما أعرف شنو أنتقامه
كُميّل: قصة طويله ماطول هو ما كايلچ عنه ما يحقلي أحچي بيها،
كِرستال: يعني الأفتهمه هسه عمو أنتقم منك
كُميّل: اي أنتقم و خلاني متعذب أربع سنين بس بالأخير رجعاچ من شافني ضد عُثمان
كِرستال: عُثمان سبب كل خراب صار وياكم
كلتها و باوعتله شفت نزل رأسه مستحي و أني عضيت شفتي ندم لأن حچيت، تقدمت اله و حضنت وجهه بين أديه
كِرستال: اسفهه لا كلت هيچ، ما قصدي أجرحك بالكلام
كُميّل: چؤؤ لا كِرستال كلامچ صحيح ابوي السبب بكلشي
نزلت رأسي و هو حلوطني بين أديه و اني خليت رأسي على صدره أفكر بكلامه، حجيت و اني متردده
كِرستال: كُميّل
كُميّل: روحه
كِرستال: إسامه ش
سكتت من حسيت أيده ضغطت على كتفي، عضيت شفتي بتوتر و رفعت رأسي أباوعله، نزل رأسه الي و لزم فگي يمسح عليه بخفه
كُميّل: رايح أشوفه و أتفاهم ويا
هزيت رأسي و عافني و راح، ارتاحيت أشويه من عذاب قلبي و عقلي بعد ما سمعت كلام عمو بس هذا ما يعني اني ما غضبت منه و معناها راح اسكت عن كذبته ألي،
لزمت الجهاز و أتصلت عليه ما تأخر لمن رد عليه
شاهين: هلا يابه كِرستال
كِرستال: هلا بيك عمو، بس أسئلك سؤال
شاهين: و أعرف هلسؤال شنو بس ما راح اقاطعچ أحجي بابا
كِرستال: ليش سويت هيچ بيه و أستغليت ضعفي
شاهين: سويت هيچ لأجل أنتقامي و لأجل اصنع منچ شخصيه قويه يعد ما شفتچ أنتِ و شخصيتچ الضعيفه و اني مستحيل اقبل بنت أخي هيچ شخصيتها،،،
كِرستال: بس تعرف كلش زين اني شگد تأذيت
شاهين: تأذيتي مره و بعد ما تتأذين غير مره لان راح ادافعين على نفسچ و ما تحتاجين شخص يدافعلچ أنتِ و بس تأخذين حقچ
كِرستال: بس بس أنتَ أذيت كُميّل هواي
شاهين: حق أنتقامي و أخذته، بس من شفته نافر من والده. و مبتعد بأمه و أخوانه عنهم و حتى البيت الكاعد بي من تعبه هو ما ماخذ من أبوه درهم و كارها كره دم سنونه، ايقنت بي مستحيل يفرط بيچ، و مو من ضمن أنتقامي.
كال كلامه و سد الأتصال شمرت الجهاز على صفحه و اني باوع لوجهي بالمرايه و شكل شعري شلون كصيته بس حتى أقهره، صح شكله حلو بس بس شعري الطويل أحلى چنت اضفره و اشيله هسه كصير، رجعته وره أذني و عدلت ملابسي و نزلت يم خِتّام،
شفت محد بالبيت أم كُميّل طلعت لأختها مريضه و كِنّاز بالشغل و مُجتِبى رايح لعمته يشوفها، و بس اني و خِتّام وحدنا بالبيت و العرفته هي دائماً تبقى بالبيت وحدها و تقفل الباب عليها ما يهمها شيء و لا تخاف، و المنطقه هنا أمنه الجيران واحد يعرف الثاني فـ مطمئنين.
توجهت للمطبخ من سمعت صوت بي، عرفته بالمطبخ دخلت اريد اشوفها شسوي و استغربت من شفتها لازمه علاگه أدويه و تشرب منهم، هي أنتبهت عليه و خافت ما تعرف وين تضم العلاج
كِرستال: اشبيچ خِتّام
خِتّام: هاا لا مابيه شيء بس شويه فلاونز عندي
عفتها و ركزت على العلاگه بلعت ريگها و هي ترجع بالأدوية للعلاگة حتى لا أشوفهن، رادت تطلع و لزمت أيدها الي لازمه بيها العلاچ اخذت العلاگه من أيدها و هي مصدومه، و خايفه
كِرستال: لا تخافين مراح أحجي شيء بس اشوف شنو من علاج
خِتّام: كِرستال كِرستال جيبي لا تشوفين
كِرستال: لا تخافين خِتّام لا تخافين
جريت الكرسي و كعدت على المائدة و أدور بالعلاجات و اقره بيهن، انصدمت من شفته علاجات كلها تحجي عن ورم خبيث طلعت جهازي. و بديت أبحث و طلعلي أسم المرض و هي واكفه كبالي و دموعها تنزل
كِرستال: خِتّام كُميّل يعرفه
خِتّام: يعرف بيه تشافيت ما يعرف بيه بعدني
كِرستال: ولچ هذا مرض خبيث مو حجي أللسان شلون كدرتي تسكتين عنه ما فكرتي بحالتچ من تسكتين عنه شيصير بيچ
خِتّام: ماريدد ماريدد احد يعررف راح يتأذذوون اني تعبتهم هواي
كِرستال: علساس ما راح يتعبون و يتأذون لو يدرون بيچ ضامه عنهمم
كِنّاز: شكوو شنو الضامته و على منو ضامه؟؟؟؟
..............
لبست عباتي و عدلت معاصميي و شلت الجنطه و نزلت من الغرفه لأكاني اخوي الصغير صبحت عليه بأبتسامه و هو ردلي الأبتسامه
: صباح الخير مؤمن
مؤمن: صباح الخير يلعافيه أنتِ
نزلنا اني ويا ليجوه نسولف على الدراسه، صبحت على عائلتي الصغيره الي هي عباره عن أخوي مؤمن و أبوي حسن و أختي فضة الي عمرها 12 سنة مدللت البيت،
حسن: صباح الخير وليداتي، تعالو يلا تريگو حتى أوديكم لمدارسكم الجديده
: بابا أني ما أشتهي أكل بالمدرسه تعرفني
مؤمن: و اني هم
فضة: أصلاً اني أكلت قبلكم امشوينه يلا مشوقه اشوف المدرسه الجديده
ابتسمنه عليها و هي تلبس جنطته و تحجي بحماس طلع بابا و احنا طلعنا وراه، درت وجهي على فضة من حسيته تجر بعباتي تحجي وياي و اني مانعتها من هلتصرف الي ينرفز
فضة: أفاطم أفاطم
أفاطِم: فضة چم مره كايلتلچ لا تلزمين عباتي هيچ
فضة: سوري عيوني ام سوري اعتوذر جدًا، بس سؤال
أفاطِم: سولفي بلا تعوچين حلكچ
فضة: اي تمام، صدك اكلچ مشوقه أنتِ للمدرسه الجديده لو هاي بس أني هيچ مشوقه
أفاطِم: لا حتى اني مشوقه شوي مو هواي مثلچ
فضة: الحمدلله حسيتي شوي من احساسي
مؤمن: شتحچون خل اسمع
فضة: نحجي على حماسنا للمدرسه الجديده
مؤمن: و شدعوه هيچ متحمسه، تره هي بالحالتين مدرسه يعني نفس اللعبان النفس
أفاطِم: اوو غددي طاقة سلبيه عابت
مؤمن: انهجم بيتچ يلطاقة الأيجابيه
ضحكت عليه شلون يعيب ما عاجبه ضل هو و فضة يتناگرون الطريق كله و اني اخزر بيهم يسگتون، مؤمن من الاشخاص الي ما يحبون الدراسه لذلك راح أدبي و هسه هو رابع أدبي، و فضة هسه سادس أبتدائي، و اني خامس علمي اني أحب الدراسه بس مو بكد فضة تعبد الدراسة عباده و الكتاب ينام و ياها و يكعد وياها و على هلرنه،
انتقلنا لبيت جديد غير بيتنا القديم الي يصير يم عمامي و بابا بعدنا عنهم لان عمامي يدورون مشاكل، و مشاكلهم متخلص ويانا فقرر بابا يبيع البيت و يشتري بيت جديد النا نكعد بي،
من ماتت أمي تركتلي أخواني اني ربيتهم و صرت الهم أم و أم بيت بعدها، امي ماتت و فضة عمرها 9 سنوات ماتت بسبب حالتها الصحيه التعبت اخر فتره و هي مريضة كُلية تعتبت قبل موتها هواي بسبب مرضها، و بعد ما تركتنه ضلينا عايشين على ذكراها احنا و بابا ما يمر يوم الا و احنا مذكرينها.
فزيت من صفنتي على صوت ابوي هو يأشر على مدرسه
حسن: بابا أفاطم هاي مدرستچ
هزيت رأسي اله وودعتهم و دخلت للمدرسه المكان غريب لذلك يراد اندل مكان الصف اباوع يمنى و يسرى ما أعرف احد هنا حتى اجت وحده شافتني اتلفت
: طالبة جديدة؟
أفاطِم: ها اي
: يا صف؟
أفاطِم: الخامس العلمي
: تعالي وياي أدليچ
هزيت رأسي الها و مشيت وراها عبرن الساحه و عبرنه كم صف حتى وصلنا لصف أشرتلي عليه
: هذا صف الخامس العلمي
أفاطِم: شكرا تعبتچ وياي
: عفوا ماكو تعب
عافتني و اتجهت للصف أول ما دخلت شفت بي مجموعة بنات و بنات بعدهي تجي، ضليت صافنه هاي وين أكعد أني، مشيت من يم رحلات شفت أخر رحله فارغه،
بدون قصد مني طيحت جنطت أبنيه بالگاع و أنترست اتراب من التوتر لزمته و أرجف خاف تصير مشكله و احجي بسرعه اعتذر منها
أفاطِم: اسفه اسفه ما چنت اقصد
: لا عيوني ما صار شيء بس اهدئي
خليت جنطته على الرحله و باوعتلها ضليت صافنه على جمالها العيون ملونه و الشعر احمر يجنن صليت على محمد وآل محمد بگلبي خاف احسدها، مدت أديها الي تريد تصافحني
هِييلين: مرحبا أني هِييلين، امبين عليچ طالبه جديده
أفاطِم: هلا هِييلين اي اني طالبه جديده هنا
هِييلين: هلا بيچ ما عرفتينا عنچ
أفاطِم: أفاطِم اسمي أفاطِم
هِييلين: اللللهه يجنن اسمچ اول مره أسمعه
أفاطِم: حتى اني اول مره أسمع اسمچ
هِييلين: اووي فدوه كزكزت شدعوه هيچ بريئه
اجت من وراها حمحم دارت وجهها هِييلين و شفت بنيه وراها خازرتها، ضحكت هِييلين و هي تأشرلها عليه
هِييلين: اعرفچ عُلا هاي أفاطِم طالبه جديده، أعرفچ أفاطِم هاي صديقتي عُلا
أفاطِم: هلا تشرفت بيكم
عُلا: هلاوو أفاطِم الشرف النا عيوني
هِييلين: اي ما كتيلي أفاطِم وين تگعدين
أفاطِم: مو مهم هسه اشوف مكان اكعد بيه
هِييلين: تعالي اكعدي يمنه لان الي بالصف تسسس ما يتحاچنه لا يلزمنچ
أفاطِم: ها خاف خاف اسبب ازعاج الكم
هِييلين: اووي فدوه تذكريني بأختي و ببرائتها خلاص حبيتچ انا...
عُلا: والله خوش شبسرعه
هِييلين: ههههه انچبي عُلا بس خطيه لأن طالبه جديده و خطيه هي امبين عليها التوتر خليها يمنا
عُلا: الله و تنضمم وحده جديده للمجموعه حلوو
هِييلين: شوفي شلوون
يحچن و اني صافنه عليهن أبتسمت من ترحيبهن و كعدت يمهن بدينا الدروس سوه و من يدگ الجرس ما نطلع نكعد نسولف و هنه يسولفن عن أهلهم و عن حياتهم عرفتهن هنه يمووت بسوالف السيارات و الداجات و اني اضحك عليهن و على ذوقهن، و من نريد نشتري تروح عُلا تشتريلنا و نبقى بالصف،
حبيت شخصية هِييلين و شلون تحجي فرفوشه و محبوبه و قويه شخصية يعني الي يحاجيها على كولتها اسحله و أسحل عشيرته، و عُلا خلصتها تنمر و حشه بالناس
هِييلين: لج عُلا سمعت شغله
عُلا: شنو هي
هِييلين: يگولون اذا تتنمرين على احد تصير بأولادچ و يطلعون مو حلوين مو أفاطِم
غمزتلي هِييلين و اني بسرعه حچيت
أفاطِم: هاا ايي اني هم هيچ سمعت، لا تتنمرين حبابه لا يطلعون اطفالچ استغفرالله مو تمام الخلقه
عُلا: اوووعع لو يطلع هسه ابني صخل ما أبطل يابه هي الناس تجيب النفسها التنمرر
هِييلين: ووجعع مو وجه نصيحه أنتِ اسرسحي يلا
عُلا: أنچبي حيوانه، و اني اسرسح
أفاطِم: عززه كافي ولچن لا تتمالخن
عُلا: اووي هي البددت
هِييلين: دولليي غير عود نصحتچ
عُلا: دولي لو أرضي
هِييلين: هاهاها نيهاهاها بدت التفاهة
عُلا: تفاهة لو برتقاله
هِييلين: دنچب لك علاء
عُلا: دنچب لو ميونيزز
هِييلين: ايععع تره لحيتي
أفاطِم: هههههههه كافي بنات شنو النوب هاي مال علاء
هِييلين: باعي أفاطِم اني عُلا من تضوجني اصيح الها علاء او علاوي نفس الشيء اثنينهم
عُلا: و اني من تضوچني هِييلين اصيحلها هميد وين الربط ما أدري بس هي مشت عليها لسنين هميد حتى اخوها يصيحلها هميد
هِييلين: هههههههاي اي ولچ، هسه اجه دورچ افاطم خاف تضوچينه نصيحلچ بأسم ولد
أفاطِم: لا حبابات ما أضوچنن
عُلا: لا عيوني كلشي يصير هسسه خل نطلع الچ لقب
هِييلين: شرايچ بـ أحمد
عُلا: ههههههههه أحمد ابو النسوان بس يلا راح تمشي عليچ احميد
أفاطِم: ههههههههه ليش هيچ
عُلا: تتعودين مثلنا....
خلص يومي وياهن و تعودت عليهن شويه طلبن رقمي و أني انطيت الهن قبل لا يدگ الجرس أجت المدرسه و اخذنه الدرس الأخير و الدرس الأخير يصير شطوله يلا يدگ الجرس و عُلا خلصتها تتأفأف و هِييلين كلما ترفع رأسها ترجع تباوع للساعه لمن دگ الجرس عُلا أجت تهلهل بس لزمتها هِييلين خاف تفضحنه،
ودعتهن و طلعت من المدرسه شفت أخر من أتوقع أشوفه، تقدم ألي و على وجهه أبتسامة خبيثه
أفاطِم: عزيز!!!!!!!
عزيز: شلونچ بت عميي
................
هِييلين
فرحت اليوم من شفت الطالبة الجديدة و حبيتها هي و ستايلها اول ما رجعت من البيت و اني مگابله ماما جواهر أسولفلها عنها و شلون خجوله و تتوتر من كلشي مثل كِرستال وماما صافنه بوجهي تستمعلي و على وجهها أبتسامه، درت وجهي على أزَاد و أشرحله
هِييلين: أزَاد لو تشوفهاا صدك حسيتها كِرستال بخجلها و توترهاا و البنيةةة حبابهه اتجننن حبيتها حتى صادقتها و خليتها تكعد يمنا اني و عُلا
جواهر: ضل بنفسي اشوفها ما تعزميها هِييلين عدنا
هِييلين: خل تتعود علينا و اعزمها هي و عُلا ها ماما
جواهر: خوش يعيون ماما
كامت من مكانها و الحزن مغيم عليها على الرغم عنها تضحك بس حزنها امبين بعيونها، باوعت لـ أزَاد شفته صافن وراها
هِييلين: بعدهي حزينه
أزَاد: حقهاا كلام أبوها يأذيي
هزيت رأسي اله و طفرت أدور على نوح لكيته بغرفه بيبي كاعد يمها هي تخيط و هو لازم بگرت الخيط بيدها و ايدها هيچ منفوخه كزكزت عليه ركضت اجعص بي و أبوس
ام عيسى: دهرر دهرچ، ولچ هيله عوفيي كتلتي الفرخ يااا و لا چنني أحچي وياها
نوح: هله الشغيغره(هيله الشريره)
هِييلين: هاي شنو منو معلمك تحچي بلدغة الراء
نوح: أثماعيل (اسماعيل)
رجعت جعصته مره ثانيه بس بعدين تعبت و خليته بحضني أبوس بي و هو مگيف على الوضع ابن اللذينه، اسماعيل ابن جيرانه اكبر من نوح بسنه بس عنده لدغه بالراء و كلامه يجنن مرات يجينه للبيت و الزمهم ثنينهم اجعص بيهم هو يستحي منه الا نوح يلزمني يريد يگتلني لان أبوس بصديقه...
عفته لازملها بگرته الخيط و هي تخيط و تحچي ويا ساعه تغنيله و هو يرگص و يصفگ ساعه تنعه و هو يسوي روحه يبچي وياها
أم عيسى: محد أجانه من عگب عينك محد أجانه اي يا حبوبه
نوح: اييي حبوبه مهد اجانه
و اني ميته عليه ضحك شلون يحط ايده على عيونه و يهز بأكتافه عود يبچي،
عفتهم و صعدت لغرفتي خذت ملابس و طبيت أسبح، خلصت سبح و طلعت أمشط شعري سرحته و رجعته ليوره لبسته طوگ يجنن لونه وردي بلون التراگسود و طلعت كذلتي منا و منا و خليت شعري مفتوح، نزلت و أني أغني و أطگ بعلگتي
هِييلين: يولي ما نمتي ليلچ
و الليله طولچ سهرانه
نامت عليچ سليمه
شلون تناميين و انا استناچ
على الموعد الساعه أثنين
أنزل من الدرج و اهز خصر مكيف و ادور بشعري و اغني بصوت عالي تجمدت على الدرچ من شفت واحد صافن بوجهي واكف كدام ماما جواهر و ماما جواهر تخزر بيه و هي گوه ضامه ضحكتها، حجيت بتلگئ
هِييلين: هلاوو
مُجتِبى: عمه ليش ما گايلتلي عدكم ساريه السواس
جواهر: ههههه ولك مُجتِبى هاي بنتي هِييلين
مُجتِبى: هاا هلا يابه هِييلين تشرفت بيچ
هِييلين: هلا بيك
مُجتِبى: أعرفچ عن نفسي أسم الشهرة محمد السالم، و شرايچ نجتمع بغنية نطلع الأول على العالم
عوچت حلگي و هزيت أيدي
هِييلين: اووعع محمد السالم هذا هم ذووق
مُجتِبى: لازم ما يعجبچ ام ساريه السواس ولو أنتِ أمبينه تخربين على اليهزون
هِييلين: ميخصك عيونيي
مُجتِبى: خفه لهلعيوون الملونه،
طلعتله ألساني و عبرتهم هي هاي العايزه اتجادل ويا واحد ما أعرفه، بس صدك هذا ياهوو، من يطلع أسئل ماما جواهر عنه...
باوعت على باب الشارع شفته يندگ، طفرت أفتحه و شفته أسماعيل جاي ولازم بيده سيارته و أمه ماده رأسها من الباب تباوعله رفعت أيدي سلمت عليها و هي هم رفعت أيدها أشرت على أسماعيل و أني أشرت على عيوني عود اخلي بعيوني...
صرت خرسه. و أشتغل بالتأشيرات أجيت أطب و شهكت من شفته سيارة الأحلام صافه يم بيتنا، نسيت كلشي و نسيت العالم و نسيت الدنيا كلها حتى أسماعيل نسيته و أني شوفها اكبالي
فزيت على ايد أسماعيل و هو يهز بيه بيده الصغيره
أسماعيل: هِييلين نوح وين اغيد اشوفه
هِييلين: هاها اي تعال طب تلاگه يم بيبي سعاد
ركض ليچوه و أني ركضت طفرت فوگ مغلسه على الكاعدين بالصاله اخذت جهازي و نزلت لأكتني ماما جواهر تباوعلي بأستغراب
جواهر: اشبيج ماما
هِييلين: ما بيه شيء بس حلمي كاعد بالباب و رايحه اصوره
جواهر: ياا ياهو هذا حلمچ
هِييلين: لا يمهه مو الي بالچ لاا
عفتها وركضت طلعت رأسي من الباب و لزمتها تصوير اصور و ماكو حچيت بضوجه
هِييلين: اوووف الصور موحلوه و مو واضحه شنو هاي
مُجتِبى: هسه اخليهن الچ واضحات
كمزت من سمعت صوته وراي وخرت عن الباب و هو طلع أخذه جهازي من أيدي و اني ضليت أضرب صفنات، مديت رأسي من الباب أريد اصيح عليه يرجع جهازي بس سكتت من شفته يصور،
أجاني و على وجهه ابتسامه، من وصل يمي غمزلي و ضحك
مُجتِبى: و هاي أحلى الصور بابا
هِييلين: ءحم عود شكرا
مُجتِبى: عود عفوا يلا أمشي طبي و لا تمدين رأسه الأحمر بره
هِييلين: ميخصك وليدي
مُجتِبى: هي هاي العايزه اصير وليدچ، دمشي أم راس الأحمر
طلعتله ألساني و سديت الباب بوجهه و طبيت جوه هلحقيرر شنو شايف نفسه و يگلي أم رأس الأحمر
يروح فدوه و نذر لرأسي،
.................
: لازم ناخذها منه
: يابه صدك تحجي
: ليش ولك اشايفني اشاقه وياك
: لا مو قصدي هيچ، بس يابه هاي تخص كُميّل و أنتَ تعرف كُميّل يلعب بينا لعب، و يدمر
: هو أني اريده يدمر حتى بعد لا يفكر يجاوز و يعلي صوته عليه، حسباله ناسيها اله لا ما ناسيها بس جايه احيكله عقاب يرجع عقله لرأسه و يشوف كلش زين هو ويامن يجاوز و يرفع صوته
: أذا فكرت أدمره بيها، راح يدمرنا كُميّل كلنا و يسويها مجزره بدون لا يرفله چفن و أنتَ كلش زين كُميّل شنو و شنو يكدر يسوي
: ما يخوفني كُميّل من ساسه الراسه راح اخلي جوه رجلي اخلي يتوسل بيه و ما انطيه علم بيها، راح اخلي ليله ما ينامه بس حتى يلمح لمحه بسيطه منها اخلي يتندم على كل كلمه كالها الي و اخلي ما يفكر بعد يستهان بيه و يعرفني اني مو سهل.....
...................
الحكاية مستمرة♡•
ه