ملاكي الطاهر

الــَمــسـار|7

نــــبـدئ ﷽
#مـلاڪي الطـاهـر
#بـارت 7

لاتنسـون التـصويت+و التعليق بين الفقرات +و متابعه حسابي

..
لگيتك والخضَار بروُحي غطىٰ الگاع.

><><><><♡><><><><

فتحت عيوني و رأسي يوجعني أحسه ثگيل من الألم گمت بتملل و شفت نفسي على سرير و مغطايه، باوعت بأنحاء الغرفه چانت ظلمه فـ ما أنتبهت على شگلها گمت بسرعه أدور على حقيبتي حتى لكيتها مرميه گبالي، على ميز التواليت أخذتها و طلعت الگامره أدور بيها خاف و تذگرت أني مطلعه رام الصور القديمه فرتاحيت نوعًا ما.

لبست الحقيبه و شلت وشاحي من على السرير و خليته على أكتافي و أتجاهت للباب أجيت أفتحه بس لگيته مقفول بلشت أدگ على الباب حيل و أصيح حتى يجي أحد يفتحه ألي،

: منووو هناااا أفتحولييي الباب، لك دكتوررر أفتح الباب ليش حابسنييي، أفتحه لا أكسره على رأسكك هسه أفتحح

كسرت الباب تكسر بلا فايده حتى خليت غراضي على صفحه و بديت أدور على شيء أكسر بالباب عسى و لعل يجي واحد يفتحه لزمت الغراض المسطره على ميزه التواليت من عطور و اشياء ثاني كسرتهن بالباب و محد أجه حتى لزمت ميز التواليت و دفعته و وگع بالگاع و تهشم لأجزاء متناثررره، بختصار كسرت الغرفة كلها...

حتى سمعت صوت القفل ينفتح زفرت نفس و رجعت شعري ليوره بتعب و دخل الدكتور و هو مصدوم يباوع للغرفة بصدمه..

: يا مجنونه شسويتيي

: حتى بعد تتعلم ما تخطف بنات الناس و تحتجزهم عند حضرتك، و أنتَ منووو حتى تخطفنييي و تخلينييي يمك هاا منوو أنتَ

: ما خطفتچ أني، أني رجعتچ ألي

باوعتله بستغراب ما فاهمه كلامه و هو لزم أيدي تحت صدمتي و خله بيها ورقه، نترت أيدي من أيده متنرفزه من تصررفه هو مو يگول أني ما ألمس نساء و ديني ما يسمحلي، طلع هذا نص دين،

رچعت بالي للورقه الي بيدي و فتحتها حتى أعرف محتوها و نصدمت من شفتهه عقد زواج سيد لا و الصدمه أسمي و أسم والدي موجود و أسمه هو، باوعتله بصدمه و هو مستغرب من صدمتي

: شن شنو هذا هذا شنوو

: ما تذگرين؟

: لاا شعرفني شيذكرنيي، منين جايب هذا العقدد و ليش اسمي هنا شنو عزيزي أنتَ ناصب عليه

: لا عزيزتي ما ناصب عليچ، و كلشي واضح كدامچ أقري تاريخ العقد..

باوعت لتاريخ العقد و شفته من 2016 و اني هذا التاريخ ناسيه احداثه كله و ما أعرف السبب و كلما أسئل عموو كان يجاوبني

: مرات يا بنت لازم نتناسه الماضي لأجل المستقبل و هسه أنتِ نسيتي أحداث الماضي لأجل المستقبل، و هذا المستقبل أني راسمه ألچ، ف لا تسئلين مره ثانيه عن كل ماضي مره و فات لان راح تشوفين أشياء ما تسر ناضريچ

باوعتله و بلعت ريگي معرف شلون أگله و اصارحه بالموضوع

: كلشي مره من، 2016 و الي فات ما أتذكر نتفه منه و لا حتى حدث صغير ف مستخيل أذكر هذا العقد قبل 4 سنوات

: فاقده الذاكره؟

: حسب توقعاتي أي لأن ما أذكر شيء او اي حدث مر عليه، بس هذا ما يعني أصدگ كلامك هذا

: مجبورة تصدگين لان عندي دليل يثبت صحة كلامي

ضليت صافنه بين أصدگ كلامه و ما أصدگ باوعت لوجهه و كان يحچي بكل صراحه و أبتسامه هادئة على محياه مثل الشيء الكان فاقده و لكا و يباوعلي بتأمل يتفحص كلشي بيه

: تغيرتي حيل كِرستال مو مثل ما چنت أعرفچ

: شلون يعني؟

: چنت حيل هادئة و خايفه من كلشي ما چنتي تحسين بالأمان الي بحضني و يمي ف قررت أربطچ بيه بعقد شرعي مخافةً من الله بيچ و على طول هاي السنوات چنتي القريبه لروحي حتى بديت أحفظ كل تفاصيلچ و چنت حافظچ بكل معانيچ و حالاتچ، چنتي بريئه تخاف تلزم أي شيء چنتي كلما تفترين تخلين لعبتچ بين أديچ و تگعدين يمي كلما تشوفيني أشتغل، تگعدين بهدوء بس حتى ما أزعچيني و أطلعين صوت بس أني چنت حاب أسمع صوتچ و أخليچ تسولفيلي عن يومچ و دراستچ حتى مرات أخليچ تغنين ألي بس حتى أسمع صوتچ.

و هسه تغير كلشي بيچ ما عاد أشوف نضره البرائه الي بعيونچ و لا شفت الهدوء العندچ صرتي مدمره و عصبيه و تنضرين الكلشي بنضره حاقده و غضب بعد ما چنتي تنضرين للكل ببرائة و أبتسامه هادئة على وجهچ، تغيرتي و صرتي صلفه و تباوعين و تخزرين بالرايح و الجاي

ضليت صافنه عليه و هو يحچي بعتب و أني أباوع لنفسي منصدمه معقوله هيچ تغيرت

: هاي أني هيچ صرت

: أي

: و صرت صلفه، صدك فلا أستحي أني شلون تغيرت هيچ

: حضرتچ تستهزئين مني

: حاشاك عيناي بس اني صلفه شسوي

جريت كرسي و كعدت عليه رجل على رجل و أباوعله و هو واكف كبالي

: اي كمل شتغير بي حبيت أعرف عن نفسي

: صلفه ما ألومچ تربات شاهين، ضاعت تربيتي الربيتچ بيها لسنه

: طبعاً تضعين أنتَ اعرفك بس سنه حسب ما تگول و أني رباني شاهين 4 سنوات ف طبيعي أنساك

أبتسم بستهزاء و گال بحزن

: دوسي على گلبي بكلامچ و أني الممنون، عاذرچ يابعد شوغات روحي بغيابچ.

گال أخر كلامه و طلع من الغرفه، مسحت دمعه هارب من عيوني وراه

: تستاهل كل عذاب و شوغه تشوفها مني هذا كلش قليل يا دكتور كُميّل أذا ما خليتك تبچي دم أني ما أسمي كِرستال، الغلطه منك و أنتَ العفتني أنتَ الخسرت كُميّل.

بقيت اليوم كله بالغرفه و أني متضايقه من الفستان، تنهدت بقلة حيله و طلعت من الغرفه شفته كاعد و يشرب جگاير ما أهتميت و مشيت من يمه للمطبخ أري أطلع منا لعبت نفسي منه و من هذا المگان ما متعوده عليه

: خير يا طير وين تردين

: أريد أرجع للشقه عمو هسه. قلقان عليه

: منو الأحق عمچ لو زوجچ؟!

: ما معترفه بيك زوچي حتى تأخذ الدور عيوني

: يا عيوني يا صلفه أرجعي للغرفه و ذبي هل لعبان النفس العليچ ما ضل نعال ما شافه على جسمچ

: هههيييي و أنتَ منوو جسمي لو جسمك البس اليعجبني معليك بيبي

: استغفر الله شلون تخليني أكوم أفرك هل بچم الأحمرر، أمشي لچ لا أكوم أني أنزعه الچ

: أنتَ زلمه سويها

أني گلت هيچ. و هذا گام ألي من صدگ باوعتله رافعه حاچبي بتحدي منتضرته يجي

: باوع شلوون صلفه و ترفع بحاجبها الماعاجبها، شو تعاي ياهوو اذا انت زلمه شنو حبيبي تنرفزني حتى أجي أنزعك، خو گول من البدايه

كالها و غمز بأخر كلامه دفعته عني بقرف لان چان لازم أيدي و رفعت أصبعي بتهديد

: وخر عني لا تشوف شيء ما يعجبك

: شنو الما يعجبني بله

ضحكت و لزمت أيده و لويتها ليوره و هو أنصدم من سرعتي بس بنفس اللحضه ضحك

: اخخ صلفه و قويه صايره عجبتيني أنطيچ لايك

: أي مو كدامك فيسبوك و تتفاعل عليه، شو أفتح الباب أريد أرجع لبيتي

: بيتچ هنا ماكو غيره

يحچي و يأشر على گلبه تركت أيده و كلت بنفاذ صبر

: أريد أشوف عمو على الأقل

رجع لمكانه و رجع يدخن و كال أبرود

: تمام، بعد شوي أخذچ هسه مشغول

رديت عليه بسرعه ما مصدگه كلامه

: كذاب

باوعلي و خزرني و أني رجعيتله الخزره

: لا تلاسلين لچ تره أكوملچ

ضحكت بستهزاء و هزيت أيدي

: و شسوي أذا گمت

گال بطريقه تنرفز و هو يحاول يقهرني

: أنزعك اذا گمت حبيبي

عفته و رجعت للغرفه أتعارك ويه ذبان وچهي متنرفزه من أسلوبه وياي و شلون ينرفز حتى دخل للغرفه بدون لا يدك الباب

: أهلك ما علموك أدك الباب قبل لا تدخل على غرفة بيها أحد

: چؤ ما علموني أدك الباب على زوجتي ف عادي

: يالله صبرك

: اشش لا أدوخيني لچ تحسسني أنكد فوگها و ما أدري، هاچ هاي ملابس غيره ذني الفوگچ

: أذا هيچ ما تريد أدوخك ليش مخليني يمك، و ثانيًا ما أتقبل أي ملابس ف مكدر ألبس من ذني البيدك

: أسكتي لچ ما صدگت لكيتچ حتى أعوفچ، و هاي ملابس أخذتها من غرفتچ خاتوون

: دقيقه شلون دخلت للشقه

: بالمفتاح ما يحتاجلها روحه للقاضي بنيتي

: أييي و المفتااح شيسوي يمك

كال بعدم اهتمام

: عمچ أنطانيااه، عندچ سؤال ثاني

: لا اطلع خل اغير لبسي

: لا خل ابقه

: يااا اطلع اطللع

: اعصابچ بويه جاي نتغشمر وياچ

هز أيده و طلع يدردم هزيت أيدي عليه و سديت الباب بأحكام لكيت تراگسود أبيض بيه فراشات زرق و أني ما أحبه هذا التراگسود لأن أبيض و عندي فوبيا من الأبيض لان كلشي يبين بيه و البنات يفهمني

من لا چاره لبسته و شفت مشط مرمي على الأرض أخذته و مشطت شعري و ظفرته گصيبه و خليته على جانبي و عدلت غرتي بيدي و طلعت من الغرفه گعدت گباله و هو يدخن و يدندن ويه المغني

: بِروحي فَتاةُ بالعفافِ تَجملت
وَ فِي خَدهَا حَبٌ مِن المِسكِ قَد نَبت
وَ قِد ضَاع عَقلي، وَ قِد ضَاع رشدي مُنذ أقبلت
وَلما طلِبتُ الوصله منِه تمِنعت

من وصل للمقطع الأخير غنه ويا المغني و نفخ چكارته و أني بس گاعده أباوع أله و هو مركز بعيوني

: شسويتي بيه

: شسويت؟! ما مسويه شيء فقيره حتى بعد ما طلع صوتي

: حتى و أنتِ ساگته تحرگيني، شگد أشرب جگاير بس و لا جگاره فهمت نار روحي و طفتها

: هي جگاره شلون أطفي نار

: هم صدگ، هي ما أطفي هي تزيد النار و تشعل بروحي حرب، ناري ما تنطفي اله من يرتوي گلبي

سكتت عنه و ما حچيت لان ما أعرف أريد بهيچ كلام مليان مشاعر لزمت منتصف جبيني بأصبع السداده و ضليت أحركه أصبعي على شگل دوائر فوگ شعر غرتي من أحير بالجواب هاي الحرگه أضل اسويها حتى أفكر بجواب

: أشبيك بابا صلف أنبلع السانك

: لا تحچي وياي بصيغه مذكر

: أجيت أراعي مشاعرچ الأنثويه بس تذگرت أنتِ حتى أنوثه ما عندچ

: شتقصد

: بابا وين أكو وحده لازمه رجال بطول و عرض لاويه ذراعه و تهدد بيه حتى الزلمه ما يسوي سوايتچ

: اي صدك المره الثانيه أكسر أيدك

: ما چذبت من كلت ما عندچ انوثه أصلاً متجرده أنتِ منها

: يمتى نروح

: كومي هسه حتى باچر نرجع للبصره

: شننننننووو يا بصرره يا نرررجع ما أرجعع ويااك

: أمشي لچ هناك عمچ ويفهمچ صلفه صايره ما أكدرلچ

مشيت كدامه و صعدت بصفه بالسياره بعد ما قفل ابواب البيت هاا كنا ببيت توقعت شقه او فندق
كان بيت عادي بسيط امبين يجي هنا يبات بي بس ما مهتم بي مهمل

حرگ السياره و أتجهنه للشقه أنتبهت للشارع لگيته نفسه هذا الشارع الدخلت بيه و شفته يمشي وراي ويغني يعني هو كان ساكن هنا

ضليت طول الطريق ساكته و هو هم ساكت و مغلس عني و أني هم غلست بس أدري بي من يباوعلي و يسرق نضرات من يريد يباوع عليه..

حتى وصلنا نزلت بسرعه و أجيت أدگ الباب بس شفته مفتوح دفعته و دخلت شفت عموو كاعد على المائدة يأكل سحبت كسري و كعدت كباله مخليته يگمل حتى نحچي لأن لو أموت مستحيل يرد عليه دخل كُميّل و سلم بس عمو ما رد عليه و أني اباوعله يأكل بهدوء هز أيده كُميّل و سحب كرسي و كعد يم باب الخروج....

بقينا منتضرين حتى خلص عموو و گام يغسل خله چاي على النار ورجع لكرسيه و رمه كلامه بعدم أهمية ألي

: أخذي كلشي يخصچ منا و أرجعي ويا زوجچ لبيته، كِرستال بعد مكانچ عند بيت زوجچ أني أنتهى شغلي بالعراق و راح أرجع أسافر، أصعدي أخذي كل غراضچ المحتاجتهم

: مستحيل أروح و أتركك و أترك بغداد

: من يمتى و أنتِ ترادديني كِرستال

: گنت دائماً ما ارددك لان چنت يمك و قريبه عليك بس هسه اختلف كلشي أنتَ تريد تعوفني

: يلا كِرستال گملي غراضچ و أرجعي لزوجچ خلص أنتقامي منه و هسه تصافينا أني ويا، خلص كلشي بينا مابينا عداوه

: و أني مخليني محطة لأنتقامك و عداواتك

: شلون تشوفيها شوفيها

أخر كلام كاله و راح للغرفه و سد الباب وراه صعدت لغرفتي و دخلتلها أخذ بس أشيائي المهمه بطاريات الكامره و شريحة الكامره المهمه خليتها بين ملابسي و أخذت مجموعه ملابس و أشياء وياهن

: لا تاخذين ملابس هواي اشتري كلشي تحتاجينه مناك

ما رديت عليه و ترست حقيبه ملابس كامله و أشرتله ينزلها و هو رفع حاجبه ما عاجبه هزيت أيدي و أجيت أشيلها بس هو أخذها من أيدي

: جيبي جيبي عمي

: من البدايه صير حباب و شيلها

: صلفه

عافني وراح و أني طلعت بسرعه حقيبه ضهر سوده خليت بيه أشياء كلش مهمه سحبت الدفتر وخليته وياهم درت وجهي من سمعت صوت الباب تنفتح

: بعد شعندچ

: بس كُتب المدرسه

: جيبي خل انزلهم

انطيته اياهم و نزلهم خذت السگيت و صعدت بالسيارة منصدمه من تصرف عمو الحز بداخلي

فزيت على صوت الباب مال السايق تنسد عدلت كعدتي و تحرگنا على نفس المنطقه الطلعنه منها نزل هو أشرلي أبقي الملابس هنا لأن باچر الصبح طالعين و أني ما أهتميت و نزلت حقيبتي السوده

: شنو هاي ليش نزلتيها

: بيها أحتياجاتي الخاصه

هز راسه و دخل وراي اني گبل رحت للغرفه و شفتها مرتبيها بعد أحسن خليت حقيبتي السوده يم كامرتي و طلعت من الغرفه اريد اكلي شيء متت جوع انتبهت على شخص كاعد يسولف ويا كُميّل أنتبهت على ملامحه و تذكرته من الحفله الشخص الي اجه ولزم إسامه من كتفه نفسه هو

هو أنتبه عليه و حمحم يعدل كعدته

: السلام عليكم أختي شلونچ

: هلا

أكتفيت بهاي الكلمه و دخلت للمطبخ أدور بي على شيء حتى أجاني صوته من وراي

: صلفه أخوي سلم عليچ شدعوه متكبره و ما تردين عليه بأحترام

: شتحچي أنتَ زين مني و طلعت كلمه ال هلا من حلگي، لان نفسيتي صفرر

: شگاعد تسووين

: أدور أكل لان متت جوع

: زين أنتِ مو نفسيتچ صفرر شلون الچ خلك تأكلين

: اذا نفسيتي صفر تنفتح شهيتي و المعذره هسه اريد أكل لا أكلب المطبخ على راسك، و ين أكو مطبخ ما بي أكل

: راح اجي اطيح حضچ ادب سزز، انتضري هنا خل اطلع اجيب

: استعجل

هز أيده و هو يستغفر من وراي راح يدخل للجنه گبل بدون ما يتحاسب دشوفونا شلون حتى واحنا نخثكم مستفيدين منه بس أحنا ما مستفيدين منكم غير الخذلان و الكذب،

الكذب،

أصعب شيء يمر على الأنسان الكذب من شخص قريب عليه كلش و هلشخص يعتبره أمان أله و لروحه بس بالأخير يطلع كاذب عليك و خادعك بمظهره البريئ، أني شخص أكره الكذب بطريقه مو طبيعيه اترگني و تجادل وياي بس لا تكذب و تخذلني و تطعتي بظهري، صفة من خلالها خلاني بعيده عن كل أنس بهذا الگون....

و هسه عمو ترگني وحدي أحارب بعد ما صنع مني شخصيه قويه شخصيه صعبه شخصيه تجردت من المشاعر اتجاه كلشي.

المرأه مهمه كانت قويه و تتظاهر بالقوة تبقى هشه داخليًا بس بس أذا أنكسرت صدگ ما راح تهتم بالباقي و تتجرد من كل المشاعر اتجاه كل شخص كان محاوطها شخص عزيز شخص قريب على گلبك، تشوفها تبتسم بوجهك و دگول هي ضعيفه مستحيل تسويلي شيء مجر مرأة ما تأثر عليه كائن ضعيفه ما يكدر يسوي شيء، بس ما يدري هي جاي تحيگ اله بأنتقام يخليي طول عمره ما يستهزء بالمرأة بعد و يحسب الها و لگيدها الف حساب، حتى بالقرآن الكريم أنذگر گيد المرأة فمنو أنتَ حتى تجي و دگول المرأة كائن ضعيف و هزيل.

باوعت على ذاك الشخص الگاعد بالصاله و هو يتصفح بجهازه مشيت كعدت كباله و هو أنتبه عليه و عدل گعدته و نزل رأسه

: ءحم ممكن أسئلك سؤال

: أي أختي تفضلي

: شتقرب للدكتور كُميّل، و إسامه

: كُميّل يصير أخوي و إسامه يصير أبن أخوي من أبوي

: هاا تمام،

هز رأسه الي و أني صفنت ليش ما ربطت إسامه ب كُميّل و هو كان يتكلم دائماً عن أهله بس كنت أتجاهله بسبب أنشغالاتي

: زين أنتَ شنو أسمك؟!

: أسمي كِنّاز

: أهلاً كِنّاز أني كِرستال تشرفت بمعرفتك

: هلا بيچ أختي أعرفچ كلش زين

: هاا،

أبتسمت بوجهه بتصنع امبين كُميّل مسولف الهم عني، طبعاً مسولف هو سؤال هذا يا غبيه دخل كُميّل و يباوعلنا بأستغراب أشرلي على المطبخ و أني رگضت شفت جايب مشويات لفيتلي لفه و گعدت على المائده أكل بتلذذ مغلسه عن نظراته أتجاهي

: مو تاگلينا كله تره حاسب حسابنا وياچ

: لا رد

: مو أحچي وياچ

: لا رد

: خفه لهلبچم ما مخلي سالفه عوچه ما معلمها عمچ الشفيه بيها

: لا رد

مل مني و عافني وراح كملت أكل و ركضت للغرفه أنسدحت على فراشي چانت الدنيا ضهر و چنت تعبانه و جسمي بي نحول لان ما لاعبه رياضه غيرت ملابسي و لبست شيء خفيف و بدت العب تمارين لحد ما وصلت لضغط البطن و أندفع الباب و دخل عليه عفته بصدمته ورجعت أكمل

1
2
3
4
5

رفعت رأسي من ما سمعت أله صوت و شفته صافن على مكان باوعت على وين يباوع و أنتبهت صدري چان واضح من الشيرت الأبسته عدلت كعدتي و وخرت شعري عن وجهي المتعرق، و هو مسح گصته يريد يحچي بس ما يعرف شيگول

: شنو قصتك ويا الباب بس فهمني ليش ما أدگه

: أششش ادبسزز لا تحچين

كالها و طلع هزيت أيدي و صحت عليه

: ووجع صوتچ يفوصه أخوي هنا

: أريد أسبح وين الحمام

: غيري لبسچ و تعاي

: يااا بيه حيلل

: ولچ بوبه عيب أطلعيننن هيچ عيبب اشايفتنيي مگرررن و أطلعچ گدام أخوي هيچ

: تره هذا لبسي أن شئت و أن أبيت ما يهمني

: السانچ بگد..، استغفر الله هسه أجي لا أطلعين

راح و أشوي ورجع أشرلي أكوم و أني خذت جنطة أحتياچاتي وياي و دخلت للحمام شفته واكف بلباب

: خيرر شعندك واكف هنا بس لا تريد أطب وياي

: ايا فوصه، عمچ من رباچ شال المستحى عنچ بس گليلي

: أي يلا أريد أسبح

جرني من خشمي حيل و طلع و أني لزمت خشمي بألم حسيت ذب كل حرگت كلبه بخشمي الحقير..

سبحت و طلعت أركض للغرفه لأن الحمام منفصل عن الغرفه و لا أخذ برد شيخلصني بعد من الأفلاونزه و شيطيبني منها....

دخلت للغرفه شفته نايم على السرير و يلعب بجهازه، هذا بس لا راح ينام هنا، و أذا نام خيولي ما يهمني أريد أمشط بسررعه و أجفف شعري لا أتمرض و أخذ برد

: تعاي خل أجفف شعرچ

: أني أجففه

: تعاي لا تأخذين بررد

غلست عنه و گعدت أجفف بشعري و أسرحه لمن خلصت خليت هيچ بدون لا أظفره و رگضت للسرير و أشرلتله

: راح تناام هنا

: اي چا وين أروح، ليش ما تردين انام يمچ

: بحالتين ما يهمني لان وجودك نفسه عدمه و اذا تگووم منا بعد أحسن تسوي فضل عليه

شمر عليه المخده و يأشر على الفراش و يحچي بحرگه

: أنطمري بسرررعه فوصه تردد ألسانها شطوله ما يلززم، أبتلي أحچيلي كلمه

: ا....

: بلااا نفسس، سمعت صوتچ هواي اليوم خل ننطمر عندي شغل لا أطلع حرگت كلبي بيچ من صدگ

من شفته عصبي عفته و تمددت و أني العب بشعري صافنه على السگف أفكر باشياء عشوائية، حتى حسيت عليه من جرني أتجاهه

: شسوي هدنيي،، وخ،،

: أششش ما أسمع صوتچ بس خل أنام

: ما تنام منو لازمك وخر عن،،

سد حلگي بأيده و نام و هو حاضني لزمت أيده أوخرها عن حلگي بس تجمدت من دفن رأسه برگبتي و قشعر جلدي من حسيت لحيته لامست رگبتي..

أستسلمت من شفته قافل ما يوخرر عني لعد محاولات هواي ما قبل يوخر عني و هاي أول مره أستسلم و ما أحاول بعد يمكن من التعب،، غفيت و أني بين أحضانه..

...

كعدت على صوت شخص يسولف يمي فتحت عيوني و شفته كاعد و يسولف بالموبايل ويه شخص و العرفته من خلال كلامه كلمته بنت

: ما طول هي بين أحضاني هسه أني مرتاح و ما عندي شيء اخاف منه، مو كتلچ راح ألكاها و أرجعها ألي و لحضني

ما هتميت و گمت من الفراش خازرته و هو سلم عليها و راحت شمرت المخده عليه و أني أنفعلت

: أشبيك أنتَ مو نايممييبن ما تگدر تطلع بره تسولف

: لا مگدر، أشش صوتچ خليني فرحان

هزيت أيدي و شفت الساعه صايره 5 العصرر هواي هاي شكد نايمه و اني فصلت عليه ضحكت بگلبي عليه من تذكرت صدمته و اني اشمر عليه المخده

ضلينا اليوم كلنا نتعارك اني ويا و أخوه مستغرب من مشاحناتنا و كلساع صايح

كِنّاز: لا تصيححوون يمييي روحوو عميي روحو عني دوختونيي

كِرستال: على گيفك ما تتحمل أنتَ ما تشوف أخوووك

كُميّل: و أنييي شعليه تعيي هنا

أشرلي للغرفه و أني طبيت للغرفه و گتفت أديه منتضرته يدخل، دخل للغرفه باوعلي و هز أيده

: صلفه و أدبسز

: أسكتتتت غثيث

: غثيث و لا صلف مثلچ

: المثقففف

: ههههه حبيتها منچ أنطيچ لايك يلصلفه

خزرته و رحت للفراش خليت رأسي و أني مغلسه عنه و أفگر باچر راح أدخل محافظة جديده و غريبه عليه، معرف شنو المستقبل ضاملي و شنو راح يصير الي بعد هذا اليوم،

سمعت صوت تنهيداته و حسيت أنفاسه صارت قريبه على أذني يريد يقربني اله يقرب جسد بلا روح اله أني الچنت أركض لحضنه حتى أحتمي بي من العالم هسه صار العكس الحضنه الاحتمي بي عدم أمان بالنسبة ألي أبتسمت و تذگرت بيت شعر يگول:

وحتى لو ترجعلي ذابل
‏ما أكلك ليش أجيت ؟
‏وأركض لصوتك
قبل لا أسمع اسمي
‏وأبچي من عندك عليك .

كِرستال: كُميّل

كُميّل: عيونه و روحه ل كُميّل

كِرستال: أبتعد عني خانگنيي

أبتعد عني بدون صوت درت و نمت على ضهري و أني أباوع على السگف، درت وجهي على جهته شفته صافن بوجهي.

أبتسمت بگلبي لو تعرف يا كُميّل شمحضرتلك من مفاجأة، اله أخليك تكره كل جزء مني و تتمني لو ما عرفتني، راح أنتقم بس بطريقتي يا كُميّل، أنتقم لكل يوم عشت بيه بعد كل صدمه أنصدمت بيها بسببك....

چنت أتشوفني ملاك بريئ بس هسه كلشي أختلف و صرت ملاك بعقل شيطان، يفكر بدهاء، أني هسه مو كِرستال أني فِنائك يا كُميّل.

____________

الحكاية مستمرّة ♡•