فصلية الشيخ عذاب
الكاتبة زهور
دلال: هيج تكرفصت وظليت ابجي واصيح يا بويه تعال اسندني يمه تعالي مسحي دموعي وما احس الا الباب انفتح اجن ثنين بنات كومني بس شدن ع اديه حيل باديهن وكالن انجبي ولا صوت كومي راح يجي اشيخ يعقدلكم ولج وسفه انتي تصيرين مره عذاب والج الشيخ انتي تصيرين مرته بس لا تصدكين نفسج انتي هنا خدامه وبس نوب سكتن وسمعت رجال يتنحنح ويكول اجه الشيخ ذبن علية عباية ودخل الشيخ اني دنكت وبس ابجي بدون صوت والحسرة ماكلة كلبي دخل الشيخ وظل يقره ايات واحاديث وكال اكو احد غاصبج لو جابرينج
دلال: اني هزيت راسي ب لا كال موافقه عذاب يصير زوجج وتوكليني حتى اعقدلكم كلتله موافقه وانته وكيلي
احس الحجايات زرفت كلبي وعيوني ظلت تصب وبس ارجف وين جنت احلم اتزوج والبس بدلة وامي وابوي يزفوني
دخلت الحجية وسحبتني من ايدي وبناتها وراها وصعدتني فوك وفتحت غرفه جبيره واثاثها يجنن شمرتني بالكاع
الحجية: شوفي هسه يجي عذاب وراح ياخذ منج الي يريده اذا رفضتي اموتج وما اتردد اهلج انطوج وبعد محد اله شي يمنه
دلال: اني هزيت راسي وكلتلها صار الي تردينه يصير وشوي ودخل الولد الي شفته اول ما دخلت معقولة هذا عذاب
عذاب: دخلت ولكيت البنيه بالكاع وشفت امي وخواتي يمها باوعت الامي كلتلها ليش صعدتيها فوك ما اريد اشوفها
الحجية: يمه صعدتها حتى تريح روحك بيها وارجع اشمرها بالغرفه الجوه يلا يمه اريد تاخذ ثار اخوك
عذاب: سمعت هيج امي تكول واني جان عندي عقل وطار كلتلهم يلا طلعو
دلال : سمعته كلهم طلعو احس كلبي طلع وياهم ظليت ارجف شراح يصير بيه وهيج هو صار احمر وعيونه تجدح نار سحبني من ايدي وشمرني ع الجربايه وشك ثوبي
يتبع .....
لا تنسون التفاعل