وصية رسول الله ﷺ
الفصل الحادي عشر&الفصل الثاني عشر
بقلم:
-Rowan Mahmoud Dawoud.
--------
"كيف للحرب أن تخاض بأخلاق اذا كانت بالأساس عملاً منافياً للأخلاق"
~أدهم الشرقاوي~
قراءه ممتعه.....
---------
بعد مرور شهر كامل.
انتهى كل من آسر وشهد من شقتهما وتم الاشهار لزواجهما وأيضا سامر وشروق وتم عقد قران بروج من شقيق شهد التوأم سعيد.
الأمور تسير على ما يرام وهذا يرضيه كثيرا أنهى عمله في المدرسه ليعود إلى منزله دلف إلى باب الشقه يشعر بنشاط غريب اليوم وسعادة غير مبررة لاحظ هدوء البيت الغريب ليذهب إلى غرفة بروج يدق الباب قائلا:
-يا بروج انتي هنا يا بروج.
ثواني وفتح الباب وتطل بروج قائلة:
-أيوة يا آسر حمد الله عالسلامة.
-الله يسلمك اومال البيت هادي ليه فكرتك مش موجوده.
ابتسمت بروج تقول بهدوء:
-لا ده أنا قاعده مع شروق و...قصدي ماما وبابا خرجوا واحنا ما بنعرفش نطبخ ممكن تطلب أكل.
-ماشي هطلب أكل.
دخل آسر إلى غرفته لتدخل بروج إلى الغرفة وتغلق الباب تقول حانقه:
-ايه يا شهد بتقرصي ليه؟؟
-مش قولتلك يا جزمة ما تقوليش لآسر ان أنا هنا رايحه تقوليله أنا قاعده مع شروق وشهد؟؟
رمقتها بروج باستغراب قائلة باستنكار:
-وفيها ايه يختي مش جوزك ده ولا ايه!! اشهرتوا وعملتوا كل حاجة ما عادش غير تتجمعوا مع بعض عالكوشة.
-بس أنا مش عاوزاه يعرف عشان هو قليل الأدب.
قالتها شهد باحراج كبير وخجل لتقول بروج بذهول:
-آسر قليل الأدب؟؟!! مش معقول.
-لا معقول يا حبيبتي مافيش راجل مش قليل الأدب على رأيه.
-على رأي مين؟؟
-على رأيي أنا.
لم يكن صوت شهد أو بروج أو شروق بل كان صوته هو.
-آســر.
نظرت بروج لآسر قائلة:
-انت بتقول ايه يا آسر ده رأيك انت؟؟!
-أيوة رأيي أنا ايه المشكلة...اها صحيح كنت جاي اقولك إن أنا جيبت أكل يلا عشان ناكل.
خرجوا من الغرفة واجتمعوا على طاولة الطعام لتقطب بروج جبينها باستغراب قائلة:
-آسر هو انت عامل حساب شهد؟!
-اها طبعا.
-نعم ازاي ده وانت ما تعرفش انها موجوده؟
نظر آسر لشهد قائلا:
-مين قالك إن أنا ما عرفتش أنا شوفت ايدها لما كانت بتقرصك وشهد صوابعها طويلة ورفيعه أما شروق صوابها قصيرة.
-آسر انت متأكد انت مدرس أحياء يعني مش مخابرات أو مباحث أو حاجة زي كده.
نفى برأسه وهو ينظر لشهد ثم همس بالقرب من أذنها قائلا:
-طبعا مش صوابعك بس اللى عرفتني قلبي دلني عليكي بس انتي قمر النهاردة.
حاول شهد أن تخفي خجلها بتناول الطعام ولكن آسر لا يستسلم حيث مد يده بالطعام يقربها من فمها وبالطبع بروج وشروق يدعيان عدم الانتباه لأنهما لا تريدان أن يقتلهما آسر نظر شهد حولها ثم نظرت إلى يد آسر بتردد نظرت لعينيه لتجده يحثها على تناولها لتتناولها من يده دون تردد.
قطع لحظات تناولهم الطعام صوت رنين هاتف شروق نظرت شروق إلى اسم التصل لتجد أنه مازن نظرت لآسر اللذي فهم ذلك ولكنه تسائل:
-مازن اللى بيتصل؟؟
أومأت شروق بالايجاب ليقول آسر ببسمه متسليه:
-افتحي الاسبيكر عاوز أرخم عليه شويه.
فهمت شروق ما يرنو إليه آسر لتقوم بفتح المكالمه ومكبر الصوت لتسمع مازن يقول بهيام:
-مساء الورد يا شروق وحشتيني وحشتيني وحشتيني.
-قولها مرة كمان معلش.
قالها آسر وهو يأكل وهناك بسمة متسليه على شفتيه ليسمع مازن يردد بملل:
-هو انت يا ابني ما بتزهقش ولا بتتعظ؟؟
-لا ما بتعظش وعايز أضرب أخبارك يا ميزو شايفك رايق تعاكس عالمسا يا رب الروقان ده يفضل لحد اما أشوفك بعد ساعتين كده.
-لا ان شاء الله هيكون يومك زي وشك.
-حبيبي يا ميزو تسلم.
ثم أشار لشروق أن تغلق المكبر وتحدثه بحرية لتفعل شروق ذلك وتنهض وتحدثه هي تعلم أن آسر لا يمنعها من محادثة مازن لكنه يحب إثارة حنقه لا أكثر.
انتهى الجميع من تناول الطعام لتنهض بروج ترتب المكان وتأخذ الأدوات إلى المطبخ وكادت شهد أن تنهض وتساعدها قبل أن يسحب آسر يدها إلى غرفته ويدخلها ويحاصرها بينه وبين الباب المغلق قائلا:
-بقا كده يا شوشو تيجي و ما تقوليش انك موجوده.
أغمضت شهد عينيها بخجل قائلة:
-عيب يا آسر ما ينفعش كده.
-هو ايه اللى العيب يا آسر وما ينفعش احنا متجوزين يا ماما بقالنا شهرين واشهرنا من أسبوع والفرح بعد أسبوع اهه.
-برضو ما ينفعش.
-ينفع ما ينفعش ما يخصنيش المهم ان أنا مش سايبك انهاردة.
نظر لوجنتيها الحمراوتين من الخجل وإلى عينيها اللتي تسلطها على الأرض ليرفع وجهها لتقابل عينيه ليقول هو بمرح:
-ايه يا شوشو سجادة أوضتي عاجباكي ولا ايه؟
لم تزدها كلماته سوا توتر وارتباك نابع عن خجلها ضمها آسر إليه باشتياق شديد وللعجب بادلته شهد العناق بنفس الاشتياق ردد آسر بعتاب:
-بقا يا شهد يومين ما تتصليش ولا بتردي على مكالماتي.
-أنا آسفه بس الموبايل كان اتكسر وبعته يتصلح.
ضمها آسر اليه أكثر قائلا باشتياق:
-انتي ما تعرفيش انتي وحشتيني قد ايه.
نظر آسر إلى عينيها وقام بتقبيل وجنتيها لتدفن وجهها في صدره بخجل سمع آسر صوت طرق على الباب تبعه صوت بروج قائلة:
-يا آسر أنا هخرج مع سعيد.
-ماشي يا حبيبتي خلي بالك من نفسك وما تتأخريش قبل المغرب تكوني هنا وما ترجعيش لوحدك.
-حاضر.
وعلى جانب آخر في الشرفة كانت شروق تحدث مازن:
-لو ما بطلتش تعاكس يا مازن هقفل.
-وماله يا حبيبتي اقفلي وهكلمك برضو بس الفرق ان المنطقه كلها هتكون سامعانا.
-نعم يعني ايه؟؟
-بصي كده تحت.
نظرت شروق إلى الأسفل لتجد مازن يقف يستند على أحد أعمده الإنارة ينظر لها بابتسامة ماكرة ليأتيها صوته عبر الهاتف:
-دلوقتي يا روحي أنا تحت دلوقتي هتنزلي وهنتمشى سوا نص ساعة اشطا؟
ابتسمت شروق بسعادة وحماس قائلة:
-اشطا.
دخلت شروق من الشرفة لتجد آسر يجلس يحضر الدروس كعادته لتردد باستغراب:
-اومال فين شهد؟؟
-مشيت من ربع ساعة.
رددت وهي تراه يمسك هاتفه ومحفظته يضعهم في جيب ملابسه ثم التقط مفاتيحه:
-مازن تحت يا آسر مستنيني نخرج مع بعض.
-عمي عارف؟
-ايوه مازن قاله.
-تمام يا حبيبتي انزلي بسرعة وخلي بالك من نفسك.
قال ذلك ثم خرج من الشقه يمشي متجها إلى المسجد لكي يؤدي صلاة العصر ويقدم الدرس للأطفال.
بعد صلاة العصر اجتمع آسر مع الأطفال ينهي التسميع والمراجعه وبعد ذلك بدأ آسر يقرأ لهم:
بسم الله الرحمن الرحيم
(إِنَّآ أَعۡطَيۡنَٰكَ ٱلۡكَوۡثَرَ (1) فَصَلِّ لِرَبِّكَ وَٱنۡحَرۡ (2) إِنَّ شَانِئَكَ هُوَ ٱلۡأَبۡتَرُ (3))
إِنَّآ أَعۡطَيۡنَٰكَ ٱلۡكَوۡثَرَ (1): الكوثر هو نهر في الجنة ربنا أعطاه لسيدنا محمد في الجنه يكون سيده في الجنه ويسقي الناس منه.
فَصَلِّ لِرَبِّكَ وَٱنۡحَرۡ (2) : اشكر الله على نعمه وصلى و اذبح الأضحيه.
إِنَّ شَانِئَكَ هُوَ ٱلۡأَبۡتَرُ (3): شانئك هو عدوك أو اللى بيكرهك هو الخسران ومصيره جهنم.
نظر آسر لهم بابتسامه قائلا:
-حقيقي مبسوط بيكم يا أبطال عندكم أي سؤال؟
نفى الجميع بوقت واحد ليردد آسر:
-تمام المرة الجاية هسمع سورة الكوثر وسورة النصر وهناخد سورة الماعون.
نهض الجميع يودعون آسر وآسر يودعهم بابتسامه ونظر لأحمد اللذي يقترب عليه ولاحظ عليه الشرود ليردد بشك:
-الواد ده حاسس انه مش مظبوط بقاله فترة اما نشوف آخرتها معاك يا أحمد.
جلس أحمد جوار آسر بعد أن ألقى التحية وبدأ يسمع على آسر ما حفظه بعد عشر دقائق ردد آسر بعدم رضا:
-حفظك مقبول يا أحمد...قولي كده بصراحه يا أحمد بقالك فترة مس طبيعي في حاجه.
توترت نظرات أحمد وردد بتلعثم:
-ها لا أنا ممافيش حاجة كله تمام.
تنهد آسر يردد:
-ماشي يا أحمد نخلص الدرس بتاعنا ومش هسيبك غير لما تقول فيه ايه.
بدأ آسر يتحدث بجديه كعادته عندما يبدأ بالشرح:
-المرة اللى فاتت اتكلمنا عن غزوة احد وهزيمة المسلمين بسبب مخالفة الرماة لأوامر الرسول المرة دي هنتكلم عن غزوة الخندق أو الأحزاب كانت في السنه الخامسه من الهجره بين المسلمين بقيادة الرسول والأحزاب اللي هم مجموعة من القبائل العربية المختلفة اللي اتجمعت لغزو المدينه المنورة والقضاء على المسلمين والدولة الاسلاميه سبب غزوة الخندق هو ان يهود بني قريظه نقضوا العهد مع الرسول وحاولوا يقتلوه، فحاصرهم الرسول بجيشه لحد ما استسلموا، و خرجهم من ديارهم. ونتيجةً لكده، أراد يهود بني النضير الانتقام من المسلمين، فبدأوا بتحريض القبائل العربية على غزو المدينه المنورة، استجاب لهم من العرب قبيلة قريش وحلفاؤها: كنانه، وقبيلة غطفان فزارة وبنو مرة وأشجع وحلفاؤها وبنو أسد وسليم وقبيلة هذيل وقبيلة خزاعه وغيرها،واتسموا بالأحزاب، وانضم إليهم يهود بني قريظه وكانوا على نية انهم يغزوا المدينه بس ما عرفوش بسبب اقتراح سلمان الفارسي على الرسول انهم يحفروا الخندق وحاصروا المسلمين في المدينه المنوره لمدة تلت أسابيع وأدى الحصار إلى تعرض المسلمين للأذى والمشقة والجوع وكان المشركين بيدوروا على أي مكان يدخلوا بيه المدينه بس كان فيه رماة واقفين على الجهة التانية منهم وقذف الله في قلوب المشركين الرعب وخلصت المعركة بفرار المشركين.
ختم آسر حديثه ينظر إلى أحمد اللذي كان يفرك كفيه بتوتر وردد بهدوء:
-هحكي المرة الجاية عن صلح الحديبيه كده خلصنا غزوة الخندق.
أومأ أحمد بالإيجاب ليردد آسر وهو ينظر لعينيه مباشرة:
-ها قولي بقا ايه المصيبة اللى اتحشرت فيها؟؟
نظر له أحمد بتردد للحظات ثم رد أخيرا:
-هو أنا في مشكلة فعلا بس مش أنا اللى حشرت نفسي فيها أنا مظلوم فيها.
نظر له آسر باهتمام ليبدأ أحمد بالحديث قائلا:
-.........
----------
السلام عليكم يا شباب النهاردة أول يوم من رمضان رمضانكم مبارك جميعا.
طبعا في ناس سألوا عالمواعيد الرواية دي بتنزل كل يوم اتنين اشوفكم في بارت تاني يا شباب.
دمتم في حفظ الله ورعايته
روان داود