منتقم _وغريبه
بقلمي_فاطمه🤎
تصويت ....وتعليق بين الفقرات 🦋
_________________________
وآنة صـافن مـثل المحـجّر على الـريح ارتـچيـت .
___________________________
صائب:عمي اني جيتي هنا لان ابن ديوان واعرف بالأصول
_كول عمي احنا بخدمتك
صائب:هذا الزلمه هنا يجيب مشيه يمشي عليه لأن داس بساطي وهد على بيتي
فضل:ذاك من سمع بسرعه اجه يريد يلزم صائب لزمه واحد منهم صاح بي جبيرهم مبين
_لاتتحرك خطوه افتهمممت خل نشوف شمصغم وي الوادم
صائب:اني مالجئت للشرطه لان مو ثوبي المحاكم اني اخذ حكي بيدي ومربع هم
_حك اخووي اشلعه من عيونكم مو اني اخوي الينضرب واسكت
صائب:اسمع وخليهن ببالك ذني الحجايتين
خاف من الي يأخذ حكه براسه مو بأديه وخاف مني لان راح اخذ حكي بالاثنين
_عمي ماعليك بحجيه احنا حاضرين شتفصل احنا نلبس
فضل:التفتت على الهد علينه وحجه
_وهذا مادري بي هد عليكم وحكك علينه وميصير خاطركم الا طيب
صائب:اودعناكم اترخص اني
_متطلع منا الا تشرب جاينه
صائب:تعرف جيتي عليمن اترخص
_الله وياك
فضل:عفناهم ورحنه السياره صعدنه كلمن بمكانه رجع صائب سلاحه بالجكمجه دار السياره ورجعنه للبيت
صادق:لو ادري جايب سلاحي شعدهه ضال بالسياره
معاذ:شراح تسوي صائب هسه ذوله يكلولك احنه ذيابه واحنه واحنه
صائب:اذا همه ذيابه احنه واويه
فضل:متأكد راح يجي مره ثانيه هذا
صائب:خل يجي اني اريده يجي انتضره بفارغ الصبر
صادق:مافتهمت روحتنه الهم شنو هسه يكولون ذولج جبناء وخافوو
فضل: ضحك صائب ضحكه غريبه باوعناله مستغربين
صادق:غير نفتهم ماتحجي
صائب:رحتلهم حتى اصير اني صاحب الحك حتى إذا هدو مره ثانيه وصار شي لواحد منهم محد يحجي ويفك حلكه
معاذ:يعني أنته هسه منتظر منهم واحد يجي حتى تكتله
صائب:مو اي واحد راس الحيه منتظره
صادق:منو هو
صائب:يجي وتعرفوا وعده علاقه بموت ادهم
فضل:ادهم ادهم الي نعرفه
صائب:الي نعرفه اجه برجليه إليه
صادق :شنو هاي الصدفه يعني رضا صدك كاتل واحد منهم
صائب:اي
صادق:عليمن
صائب:علمود فلوس اكيد بس ربك يعرف شلون يفرها جنت ادور واجه برجليه هو
صادق:لازم انضل قريبين عليك لان ذوله مينحزرون
صائب:ماريدكم وياي خاف يصير مايصير
معاذ:احنه حك باطل وياك
صادق:والنعم من عدنه
صائب:تفتهمون شكاعد اكل تبن اني
فضل:لاتاكل تبن مو زين عليك انجب واسكت احسلك لان محد راح يسمع منك ماطول طبينه سوه نطلع من عده سوه
ضرب على الاستيرن بغضب وحجه
صائب:منا وغاد وراس الحسين اذا ماردنهه بكباحه
خل يصبرولي
صادق: ياريت اكلني العو واني صغير
فضل:انجب
معاذ:أنته وحيد امك خطيه
صادق:ولج يمممه الحكيي راح ابنج الزود شباب كثرولي مي ورد ماوصيكم
صائب:كام يم***
صادق:اوووي حبيبي متقبل عليه
صائب:يومي كبل يومج حبيبتي
صادق:اوووي شكد رومانسي شوو اشوف فدديت
فضل:بده لعبان النفس
صادق:تقبل يحجي عليه حبيبي
صائب:انعل والديه واشك حلكه انزله هسه اذا تردين
صادق:لا حبيبي عوفه بارده خطيهه
فضل:الهي الصبر منك
معاذ:نزله صائب شو ضجت منه
فضل:كوواويد شبيكمم
صائب:كله حاده سنونه عليك الصم احسلك
فضل:دنزلوني انعل. ابهاتكم شلوون مذله
صادق:انجب واكعد خل اشغل اغنيه الكم
فضل:شغل اغنيه وكام يرعص هو وفضل يغنون ويركصون
ماننسى ولا ناسينه ومن ذوله ادرس واتعلم
انا ابن الفزع مكواره يوم السمع صوت الغاره
وابن الطيح الطياره وعالعياله احنى المانمنه
انا الهيبته بشخصيته عراقي والنعم جنسيته
صادق اخذه الواهس طلع راسه من الجامه وكام يهوس
فضل:لوما كواد متسوي هيج
صادق:طالع عليك ايي احووووي للكاع
فضل:حيوان طب فضحتنه شنو كاوليه
ذبينه معاذ على الشارع وصلنه لبيتهم نزلنه اتلكتنه هاجر وجهه اصفر
صائب:شكوو هاجر شصاير
هاجر:امي صار ساعه تتصل عليك كالت راح اعوف كلشي واجي
بسرعه فتح جهازه يتصل ويطلع مشغول ترفضه
صائب:غير تجاااوب
هاجر:اتصل على عذراء
اتصل عليها جاوبت بسرعه
صائب:وين امي
عذراء:واكفين بالشارع ندور تكسي
صائب:بسرعه رجعو جايكم
عذراء:متقبل صائب شسوي
صائب:سدي جايج
هاجر:سده وطلع يركض راحو ورا صادق وفضل طبيت جوه اجوان كاعده و تاكل بأظافيرها
اجوان:خاف يصير شي بخاله
هاجر:لا اسم الله راح يجيبه صائب لاتخافين
ضلينه كاعدين على نار كلساع واتصل على صائب ميجاوب لو يطلع مشغول كلبي انشلع واجوان كامت تفتر فوك راسي من التوتر
اجوان:اتصلي على صادق شوفي
هاجر:اتصلت يدك ومحد يجاوب
اجوان:يارب ماكو شي جربي اتصلي على فضل
هاجر:اتصلت هم ماكو
احس الدم صعد الراسي من الخوف كعدت على الكرسي بعد ماعندي طاقه اجت اجوان تركض عبالعا اجتني النوبه
كلشي مابيه لاتخافين بس خل يجون وارتاح مو راح يوكف كلبي
اجوان:كله من اخوج الثور دومه يوكعنه بمصايب ابو المصائب
هاجر:شعليه
اجوان:شنو شعليه غير من وراه خالتي ماندري شبيها
هاجر:اجوان مو وكتج راسي راح ينفجر
اجوان:خرب بالحظ اخ لو الزمه هسه اطلع ظيم الدنيا بيه
هاجر:ضلت تفتر كلساع ماده راسه تباوع وترجع ميسم وسهام من الصبح فوك ماسمعنه حسهن احس وراهن مصيبه هاي الهدوء مو لله
اجوان:احو اجوو والله اجوو
هاجر:طفرنه وكفنه بباب المطبخ طبت السياره نزل صادق فتح الباب لازم خالتي من جهه وعذراء من الجهه الثانيه من شفته كوه تمشي احس رجليه وكفن ماكدرت اتحرك ركضت اجوان لزمته حضنته
صادق:مو وكتج
اجوان:معليك أنته
ضمائر:حبيبتي مابيه شي لاتخافين
هاجر:طبو جوه صائب عدل السياره وطب وراهم متجمعين كلهم بالصاله اجوان كاعده يمه لازمه أيدها كلساع تبوسه ساعه براسه وساعه بأيده يكلك هيه بنته مو احنه رحت يمه حضنتها وبسته
اجوان:اشتاقينالج خاله
ضمائر:بعد روح خالتج واني أكثر
هاجر:كامت عذراء جابت مي وزعته عليهم بس وجوهم مكلوبه منعرف شكو
اجوان:خاله ليش تعبتي شصار
ضمائر:ماكو شي يمه من وره الهوسه
اجوان:من وره ابنج مووو
صادق:شمدريج
اجوان:متجي منا غير المشاكل
صادق:بهاي صدكتي
صائب:علساس انتي شلونج
اجوان:والله اني ماخليت خالتي توكع وتتخربط
صائب:كلش مسويته فجل
اجوان:مستفز
صائب:أم لسان
اجوان:غثيث
صائب:جنج دلاله
ضمائر:كافي اسكتو
صادق:انتي بعد صرتي بفريقي
اجوان:ليش أنته منو
فضل:كاعد اشوف جبهه طايره فوكانه
صادق:لا مامرجيه منج اني صادق الذهب
اجوان:شعليه على روحك
فضل:اخخ الله
صائب:هيج احسلك
صادق:بيه مجال اسكتو
صائب:هييي شنييي
هاجر:صاح بي صائب وذوله خربو من الضحك
ضمائر:كومي يمه اجوان وديني الغرفتي
هاجر:اخذته اجوان راحن الغرفه راحت وراهن عذراء اباوع على صائب عينه وراها لحد مادخلت
صادق:ليش كتلها
صائب:لازم تعرف
فضل:مو بهذا الوضع
صائب:انسب وقت هذا
هاجر:عفتهم وكمت وراه امي لكيته متمدده واجوان كاعده يم راسها تسولف وياه مبين من وجهه كوه تحجي كامت عذراء صعدت فوك تنام من التعب
عذراء:واكفين بالشارع ننتظر تكسي دك جهازي صائب ادري بأمي متقبل اجاوبه فتحت خط احجي بهمس كتله وين احنه سده ووره عشر دقايق منحس غير سيارته واكفه كبالنه اجه باتجاهنه وكفت امي بغضب عليه
ضمائر:شمسوي
صائب:مو هنا
ضمائر:هنا وهسه لان ماعندي طاقه بعد
صائب:صعدي واحجيلج
عذراء:راحت وراه صعدت اجه صادق يمي وكف ماخلوني اصعد وياه فضل وياهم كاعد اباوعلهم
عذراء:صادق شكو شصاير
صادق:ماكو شي هسه نرجع بس انتظري شويه
عذراء:درت وجهي عليهم اباوعلم امي بسرعه اغمى عليها انبصو بيها ركضت الها فتحت الباب غسل وجها صائب صحت فتحت عيونه دفعت ايده صاحت على صادق يأخذها ماقبل صائب لح عليها ماقبلت تالي بالاخير صادق كالعا ماجايب سيارتي صعدو كلهم ورجعنه للبيت مادري شنو السالفة امي حالها حال صافنه وصائب كلساع يستغفر ماوصلنه للبيت الا طلعت روحي طببنه السياره تلكتنه اجوان وهاجر كعدنه شويه بالصاله احس روحي راح اتخربط من التعب اخذنه امي وطبينه الغرفته كعدت اجوان يمه تسولف اباوعلها وضعها شويه احسن من مساع كلت لهاجر اصعد ارتاح شويه فوك صعدت اول مافتحت الباب نمت بوجهي على الفراش غفيت بسرعه مافزيت الا على صوت الموبايل فتحته الدنيا راح تصير الفجر اباوع تك عين مطفيه من النعاس باوعت بالغرفه محد موجود اتصالات واشعارات هواي ابتسمت من عرفته هو من زمان مامراسلني
فضل:والله عيب عليج
_ببيتكم اني وعايفتني ونايمه
_صخونه
_الملحه
_الزركه
_بت الحلوه
_ادبسزز
_العسل
_حياتي
_حبيبتي
_خاب ولي
_صوجي
_راجع لبيتي
_صوجي اجيكم
_تهيي بهيي
_شلون ناس يربي
_لااحساس ولا ضمير
_نايمه وعايفتني
_واني يوم كامل نايم بس ساعتين من وره اخوج
_نوم العافيه يروحي
_نامي جعل محد غيرج ينام
_هنيال المخده
_كاتلها الوصخ ملحه صايره
كتبت لان احس روحي راح اغفى
_عوووفني انااام
بسرعه جاوبني
_صدك جذب شورطني وحبيت
_يله نامي يبعدي انعل والدي اليزعجج
كتبتله
_هههه اروح فدوه
_والله جنت نايمه وبحلم مزعج كلش
_وفزيت على اشعاراتك
رجع دز
_خو انتي مايوم كعدتي وكلتي شي بي خير
_صخونه
_ساعه حلم
_ساعه طافره عليج بزونه
_شننني انتتتي
كتبت
_شسوي احلام طايح حظه تركض وراي
رجع دز
_خاب شورطني يربي
كتبتله
_مشكلتك هاي بعد
رجع دز
_شلون مشكله اويلي كون ماتنحل هاي المشكله
وتبقى براسي لازكه
كتبتله
_الله اممييين يارب الله يسمع منك
_عساها لانحلت
رجع دز
_خاب دروحي
_ولي ولي
كتبت
_والله غصبا عليك
رجع دز
_اهووو
_عمي شتردين انتي
_وجعووو
رجع دز
_هيه اني شبيه ملطلط مال مراسله واكعدج
كتبت
_اريد ابقى لازكه ولاطشه بيك
دز
_هوو شنو بكيفج
كتبت
_تستاهل ليش تكعدني
رجع دز
_بس تدرين الصدك
_ايي
_احلى لطشه بعمري
_اروح فدوه
رجع دز
_ماي بارد وينزل على كلبي من تراسليني
_لاهله ولامرحبه شكعدج يربي مادري
_عمي روحي نامي روحي رحمه على ابوج
كتبتله
_باااع باااع التناقض
_انت فد واحد متناقض كللششش
رجع دز
_شسالفه حبيبتي
_نتقشمر وياج
_صل عل محمد وال محمد
كتبت
_جعل محد غيرك يتقشمر وياي
دز
_اويننني فطيت فطيت
_ماصلللين هيووو يهوديه انتي
كتبت
اللهم صل على محمد وال محمد
_مزعجي اللطيف
دز
_يااااربي اووويني
_محمد لاشافج كون
_بعد كلبي
كتبت
_وسم أنته خليتني اشوف دربي
_عيوني تلزك كوه فاتحتها
رجع دز
_اموت عليج
كتبت
_اقسم بالله احلى شعور
دز
_بووووياااي
كتبت
_احب هيج واحد يونسني
_ولايطلع نفسيه ومعقد
رجع دز
_ايي مو سينما عدج بت ***
كتبت
_احلى سينما بحياتي والله
دز
_خاب كمي
كتبت
_وجودك هو السينما مااحتاج اروح لسينما بعد
_اخليك واضحك عليك
_لاااا اقصد اضحك ويااك
دز
_صدك هاي من شوكت صاير دمج خفيف
_ثكلي ثكلي لاادوس ببطنج
كتبت
_من دخلت كلبي انت صار خفيف
_مثل خفتك
دز
_لا يابت الخفيف
_شكد ادبسزز انتي يربي
_بس والله احبج
كتبت
_شتريد بعد فوكاها غير مونستك اني
دز
_لاعمي وين اذا ماضحك عليج عليمن اضحك
_تاج راسي شهاده هايه
فجئه دك الموبايل وهو بأيدي حمحمت وجاوبت
فضل:شلون الحلو
عذراء:مو زين لان نعسانه
فضل:لا يابت السطل مو صوجج
ماتحملت بسرعه عطت
عذراء:لاتغللط على ابوووي
مااحس الا انفتح الباب التفتت الموبايل على اذني بس شفته بلعت ريكي
صائب:ويامن تحجين
يتبع🦋
البارت قصير اعرف اعوضكم باجر 🤎