قيود عشك الشيخ

قيد الخامس

هَل ياتُرى.. لَو مِتُأنسى ماجَرى..؟!
هَل ياتُرى.. لو كان عندي غَيرگم..
قلبي إليگم ماسَرى..؟!
ه‍َـل ياترى يحتاچ مني ڪرهگم..
قلباً قويا ثائراً متمرداً وتهچرا؟
ها قد فاضت اجفني..
والدمع منها ماجرى

﹌﹌﹌﹌﹌﹌﹌﹌﹌﹌﹌﹌﹌﹌﹌

"ســمر"
كعدت ثاني يوم الصبح اريد اروح للمدرسة باوعت ساعة بالستة ونص رحت غسلت وفرشت اسناني ورحت لاية...

::- اية كومي يلا راح تصير السبعة هم يلا

اردفت بانزعاج وهي تخلي راسها جوة المخدة::- ما اداوم

::- كومي اية حبابة انتي وزاري ثالث شلون ما اداومين كومي يلا

::- روحي سمر ما اداوم

حاولت وياها ردت تالي تنهدت بحيرة وتخصرت::- شيفكج من لسان عمة جميلة ولله ما يقبلن

عاطت بنتر::- سدددي الضوووةة

جريت حسرة واخذت جنطتي ونزلت لجوة وكلعادة عمة سهى وعمة جميلة كاعدات يسون الريوك كعدت اتريك وياهن

نزل اصيل هم تريك ويانا باوعلي واردف::- منو يوصلج

::- اروح مشي

هز راسة وكام هو يحجي::- يلا بسرعة خلصي خل اوصلج

احس توترت ما حابة يجمعنا مكان واحد اردفت::- ماكو داعي هياتها المدرسة اروح مش...

قاطعني::- منتظرج بالسيارة

تنهدت اباوعلة هو يمشي ومنطينة ضهرة اصيل صاحب جتوف عراض حيل واسمراني وعيونة جوزي وبالشمس يصيرن يخبلن يميلن للصفار شعرة بي لون مثل الشكار

اي بنية راح تحبة من منظرة وحنيتة بس انا لا عمري كلة ما فكرت بي غير هو اخوي وابن عمي لا هو ولا اثير جنت طول السنين ما كدامي غير ايسر احبة صرت مدمنة علية مركزة وياه واعرفة شيريد ما يريد من حركاتة وعيونة

جريت حسرة وكمت بسرعة غسلت وطلعت لبرة شفتة واكف صعدت بالسيارة بتوتر هو ساكت بس لاحظت علية حيل حيل ضايج ما اعرف شبي

اردف هو عينة على طريق::- شلونة السادس

::- متعب

::- كلشي نحصلة ورة تعب حلو

سكتت احس كلامة كلها بسامير رجع كال::- شنو اكثر مادة تعانين منها

::- الفيزياء

هز راسة وسكت ما حجة شي وانا هم ما حجيت منا لمن وصلنا للمدرسة اباوعلة نزل فتحلي الباب ابتسمت بتوتر وانا اباوعلة هو يباوعلي بحسرة وحزن

تقدمت للباب البنات عيونهن علية ويباوعلن بنظرات فضول وصلت يم الباب الحارس جان حاميها حراميها فد واحد سرسري وطايح حظة

اردف::- شنو هل صكوك ما تنطينا رقمج

التفتت مفزوعة لاصيل لا يشوفة يحجي غير تقوم القيامة باوعتلة واكف مكتف ايدة وعاقد حواجبة من شافني التفتت ابتسم ورفع ايدة باي اشرتلة بايدي يروح هز راسة وصعد بالسيارة ياشرلي ادخل يلا يحرك ابتسمت ودخلت للمدرسة وانا لازمة كلبي ما شاف الحارس الحقير

جاي امشي بالساحة وما احس الا نسحلت من ايدي اباوع هاي وحدة من صديقاتي بالمدرسة اسمها تبارك سحبتني الها وهي تكول::- ولججج شنووو هلل صكوووكك هااااييي منووو هذااا بسس لا خطيبج

عقدت حواجبي واردفت بالعادة انا ما عندي صديقات ابد::- لا مو خطيبي ليش تسالين??!

::- حبابة عرفينا علية شكلة حلو

تنهدت::- ما يفيدج

صفنت بوجهي::- ليش

::- يحبلة وحدة ثانية

رفعت حواجبها وكالت بغرور::- بس محد يرفضني عرفيني علية وما عليج

سكتت عفتها تحجي وحدها ومشيت تبارك اكثر وحدة بالصف مشاغبة ابوها مدير مركز الشرطة يومية تتعارك وي مدرسة لان تغش وثاني يوم المدرسة تنفصل وكل احنا نعرف ابو تبارك ورة هل شي

لبسها مو تمام ونص شعرها طالع وصوتها حيل عالي بالشارع اية تموت منها دوم من يلتقن تظل وحدة تخوزر بالثانية

تنهدت داخلة للصف ودرس ورة درس يضغطن علينا حيل حيل ما يخلنا حتى نتنفس يدخلن عبالك عدهن سباق بس يردن يمشن بالمادة ويخلصنها قبل الامتحانات الوزارية حتى الفرصة ياخذناها

ما يدرن بهل شي ننضغط اكثر وتتأزم نفسيتنا حيل والطالب السادس خاصةً يحتاج يرفه عن نفسة لان العامل الاساسي بالسادس هو حالتة النفسية لان حيل حيل ينضغط علينا

خلص اليوم بالف يا ويل طلعت اسحل بروحي سحل اجت تبارك صاحتني::- ها سمورة

باوعت الها تمشي تتمايل بخصرها وجسمها محصور حصر بالصدرية تنهدت::- ها تبارك رايدة شي

::- لا ما رايدة بس سايقنا ما اجة هسة اتصلت علية وما يرد وبيتنا بعيد هسة شفت ابن عمج جاي ما تخلي يوصلني

باوعت الها بعدم تصديق وهي ضحكت::- و الله شبيج صارت صدفة هو الله راد يجمعني بي

هزيت راسي واردفت بتعب::- يلا تعالي

توسعت ابتسامتها طلعنا من المدرسة وهي وياي و فعلا اصيل هم واكف بس مغير ملابسة ولابس دشداشة طالعة تخبل علية

ابتسمت وانا اشوفة لا ارادياً اخاف عليهم من العين من اشوفهم يكشخون اظل اصلي على نبي ان كان هو او ايسر او اثير

وصلت ناحيتة اردف::- ها سمورة

بعدني اريد ارد جان تكول اية وهي تنعم بصوتها::- السلام عليكم

التفت ناحيتها واردف هو يدنك ابتسمت::- اهلا وسهلا خوية

كشول وجها من كال الها خوية بعدها كالت::- انا صديقة سمر بالصف واليوم السايق مالتنا ما اجة ممكن توصلني

::- هلا بيج خوية تفضلي

ابتسمت هو راح راد يركب وانا فتحت باب الصدر اريد اركب وما احس الا تبارك ركبت وسدت الباب ظليت مفهية واصيل عيونة توسعت بصدمة

بس سكت ما حجة رحت توجهت للباب الثاني ورة فتحت وركبت طول الطريق وتبارك كصت اصيل كص بنظراتها وهو ولا متهم ولا باوع الها بنظرة حاولت وياه رادت ابد جانت عيونة مصبوبة علية صب ابتسمت الة رجعلي الابتسامة

اردفت تبارك::- سمورة شفتي ام الرياضيات شلون شرحت اليوم فهمتي شي

::- لا و الله ما فهمت شي احسها بس تريد تخلص من الدرس وتطلع

::- طلعت روحها ان شاء الله شنو هل بشر و الله شفتها شلون تباوعلي تغار من عندي لان احلى منها هل جلبة هاي و الله ودي اتعارك وياها وبابة ينقلها شنو هل شكول انا اصلا ردت اهلي بس بابة ما قبل كالت اطلعين 50 بالحكومي ولا اطلعين 80 بالاهلي

سكتت ما جاوبتها وهي بس تريد تحجي اصلا المدرسات كلهن ما يحبنها بسبب تصرفاتها وعدم احترامها الهن بس ما يحتكن بيها لان ابوها ينقلهن لو يفصلهن

وصلها للباب وجان تنط::- شكرا اصيل تعبتك وياي

تفاجئت شلون تكلة اصيل حاف شنو من جرئة جاوب بنتر::- هلا  خوية

نزلت ولوحتلي بايدها باي ابتسمت الها ولوحتها ما احس الا اصيل شخطها اردف معصب::- سمر شنو هل نماذج الي تمشين وياها

::- ما امشي وياها اليوم اول مرة تحجي وياي تصدك

هز راسة وباوعلي بالمراية اردف كاز اسنانة::- شنو من بنت لعبت روحي منها

سكتت بيت تبارك عكسنا هي من اليسار كبل وانا يمين كبل وصايرة المدرسة بنصنا من رجعنا تعدينا يم المدرسة هز راسة ونزل استغربت شعندة نازل

ما احس الا زنك الحارس من ياختة وركعة بوكس بنص وجه شهكت بخوف ونزلت اركض اريد اسحبة من عندة ارجف من الخوف لزمت قميصة من ورة امنعة والحارس ممطول لازم خشمة ويتلوة

اردف اصيل بعصبية شايطة روحة هو ياشر علية::- ثاني مرة اتذكر هل بوكس من تحارش بعرض الناس

اخذ ايدي ومشينا وانا انكث من الخوف فتح الباب صعدت وانا روحي رايحة وانا عبالي ما انتبه بس ولدنا يفتشون باللبن

صعد وحرك الطريق كلة يهمس ويغلط ويسب وروحة طالعة على ما وصلنا للبيت انتهيت
ومتت الف موتة

نوب صدمنا عمي بالقرار مالتة وطلع متزوج عيني راحت الة ردت اشوف ردة فعلة جانت الوضع حيل حيل عادي عندة وبالعكس بارك لابو

انا هم باركت لعمي وصعدة فوك ميتة تعب ميتة وارجف من الموقف الي صار هسة

بدلت ملابسي ودخلت اية دايرة وجها عني ما تحجي وياي وهذا حقها اتهمتها اتهام باطل ونزلتهت بعين اكثر شخص تعزة بهل بيت

"ايــة"
ظلت عمتي جميلة قلقة علمود زواج عمي ساجد دخلت للمطبخ تتهامس هي وعمة سهاوي::- خايبة شنهي لا خطبة لا ناس هيجي بساع بساع تزوجو شنهي من مرة لا اهل حظرو لا عمام لا صخام الوجه شنهي انا ما مطمنة وهاي كولي جميلة كالت

::- كولي يا الله خية خايبة ما تعرفين هو منهو غير شيخ الديرة كلها اكيدن ينطونها اهلها وبلاش هم

::- وشنهي هل بت الي راح تجي وياها انا هل دولاب ما احبنة انا هل بنات اية ام لسان وذيج سمر ما اريدهن يختلطن بالولد نوب يجيبلي بت غريبة ادش بيناتنا شنهي

::- خية نوبنة موش بتها بت رجلها انا همينة ما عجبتني هل سالفة الشيطان شاطر يخية وانا هم عدنا وليدات

سكتن ما راضيات وكالبات الوجه حيل الوضع ما عجبهن

دخل عمي ساجد للمطبخ واردف::- جميلة بعد اخيج هميلي ايدينج ورة الغدة نروح للمرة نجيبها ونجي

هزت راسها بعدم رضة واردفت::- هاي هي بعد اخيتك ما عندي شي جاهز الغدة بين ما ينزلون الوليدات

هو راح وانا فرشت السفرة وكمت انقل الاكل الكل اجو كعدو جان دوم مكاني يم ايسر اباوعلة يباوعلي منتظرني اكعد يمة

درت وجهي وكعدت يم اصيل الي بس ينافخ ما اعرف شبي

اجت سمر كعدت يم ايسر اباوع لاصيل غمض عيونة وعصر كف ايدة تنهدت على وضعهم الجو حيل متكهرب ناس تخزر ناس

باوعت اثير بالعالم الوازي وياكل لا يمنا ولا احذانا ابتسمت وانا اشوفة شلون مطنش الوضعية ولا هامة شي

بدينا ناكل واصيل عيونة ما نرفعت من سمر همست الة::- مالك خايب

باوعلي واردف::- عمت عيني يوم شافتها تعشك اخوي

تنهد وانا ارفع عيني اجت بعيونة خزرني وجه محتقن دنكت بسرعة ابلع بغصتي هذا مكاني!!!

تدري بية ما ارتاح الا اكعد يمة ورغم كل هذا داست على مشاعري وكعدت يمة!!!!

معقولة الحب هيج يسوي بالانسان!! احس روحي كامت توجعني اصيل ولا ايسر اكلو ولا انا ترخصت قبل الكل رغم جنت انسف السفرة اول وحدة اكعد واخر وحدة اكوم

كمت دخلت للمطبخ اهفي بايدي على وجهي حتى ما تنزل دموعي اخخ منج سمر اخخ!!

رحت توجهت للطباخ سويت الهم جاي وظليت واكفة منتظرتة يكمل فجائة فزيت على صوتة هو يكول::- ليش ما كعدتي يمي

التفتت ناحيتة الوجه محتقن وعيون ناطة تنهدت::- حبيت اغير مكاني

ابتسم بطرف شفتة باستهزاء غسل وطلع بدون لا يكول اي كلمة حظرت الكوابة وصبيت الجاي ودزيتة الهم

وانا اخذت كوبي وكعدت هم يم اصيل اردفت::- شبيك معفس

::- عكبة نلتحق

عفست وجهي::- حتى ايسر?!!

::- اي

سكتت ضايجة انقهر من يلتحقون كلولي كلشي ولا تكولون راح نلتحق اختنك جان كل مرة من يلتحقون لزمهم اشبع بجي وهم يقنعون بية ساعات يلا اسكت

واحد يجيبلي حلويات واحد يضحكني وهيج شي جميلة وسهاوي راحن وي عمو ساجد

واحنا دخلنا نظف الغرفة مالتة ونعدلها البيت نظيف بس سمر لمت الماعين وبخرت البيت طلعنا كعدنا بالصالة ننتظرهم

اجت ابتهال ترهف مستعجلة مدت راسها واردفت::- بس لا اجت العروس وانا تاخرت

ضحكت::- لا تعالي ما فاتج شي

اجت بسرعة كعدت يمي هي تحجي متحمسة::- خايبة بس سمعت حتى ماعوني الثالث ما كملتة مرتين لبست الدشداشة بالمكلوب اريد الحك ماكو

ضحكت::- افاا انتي يفوتج شي

ضحكت::- لا ولله بس شو تفاجئنا حتى اهلي نصدمو من كال ابويا امي ما كدرت تجي ما تكدر تعوف فهيدان كالت من يجون اجي اسلم عليهم

هزيت راسي ظلينا ننتظر شوية ودخلت خالة جميلة تهلهل وهي وعمتي سهاوي كمت بسرعة اريد اشوف

صارت مقابيلي مرة جثلة طويلة حيل وسمينة متروسة وبيييييضة تلمع لمع صاحبة عيون وساع ومسوية تاتو اسود ورافعة حواجبها لفوك شيطاني

كلش حلو رحت سلمت عليها وباركت الها وهي ترد بكل هدوء صفنت وانا اشوف بنية تقريبا تطلع بكدي شايلة الجنط من ورة

وحالتها يرثى الها صايتها حيل تعبانة وحجابها تعبان هم وجها حيل ضعيف وبي اثار مثل الضرب او شي لان صاير ازرك جوة عيوني وبخدها هم وشفتها مشكوكة

جنت منزلة راسها مبينة متوترة رفعت عيونها واجت عيني بعينها ابتسمتلي رجعت الها الابتسامة اردفت مرت عمي::- وين الغرفة خلي رؤيا تخلي الجنط

تنهدت عمة جميلة وهي تكول::- بعد حبوبتج روحي ذيج الغرفة اية اخذيها للغرفة

اجت البنية تسحل بالجنط دنكت عود اريد اخذ الجنطة من عدها فزت وشهكت وهي ترجع لورة ظليت مفهية بوجها على ردة فعلها!!!

عقدت حواجبي مصدومة وهي نحرجت دنكت راسها ابتسمت بوجها علمود تضيع السالفة ومشيت مقابيلها وهي مشت وراي!!

وصلت للغرفة اجت بسرعة رتبت الغراض مال مرت ابوها رتبتهن اباوع بقت علاكة اردفت بخجل وهي تفرك بايدها::- وانا وين غرفتي بلا زحمة عليج

ابتسمت وكسرت خاطري ردت اصعدها لفوك جان مرت عمي تكول::- وين ماخذتها

::- اريد اصعدها وياية بالغرفة

اباوع الها بسرعة خنزرت بيها واردفت وهي تاشر على اديها::- خليها بهاي الغرفة

التفتت وين تاشر::- بس هذا مخزن نحط بي الغراض الزايدة لا بي مروحة ولا اي شي

اردفت بعدم اهتمام::- اي هذا هو كافي عليها

اجيت اجاوبها بسرعة رؤيا كالت::- ميخالف ميخالف هناك اكعد انا احب اكعد وحدي

سكتت اباوع الها كل احنا مصدومين اردفت عمة جميلة وهي تجر حسرة::- يمة اية روحي عدليلها المخزن ورتبي بس يجي اثير اكلة يجيب وياه جرباية ومروحة روحي يمة

رؤيا بتوتر::- لا لا عادي انام بي مو مشكلة

اردفت عمة جميلة::- شنهي تنامين بي يمة ما عدنا غرف وتنامين بالمخزن عبن هاي رغبتج بس لا تكولين ما اريد غرفة حالي حال البنيات

سكتت مدنكة راسها امرها عجيب مريب?!! رحت وياها للمخزن اباوع كلة فرش وبطاطين وهوسة صاير

دنكت مبتسمة بخجل::- اذا ما تكدرين روحي انا اعزلة تعبتج وياي

::- دتعاي هي كربة كربة اريد اطلع ظيم كلبي بهل شغل

ابتسمت وهزت راسها جان اكو ميز جبير بالنص باوعتلي واردفت::- خل نجرة وننضد علية الفرش

وفعلا سحبناه انا وياه واجت سمر شاركتنا شوية وبعدها راحت ترتاح لان تعبانة ستوها جاية من الدوام

خلينا الفرش على ميز وسويناها على جهة نظفنا الكاعية ورحت حتى اجيب بردة للشباك من عمة جميلة

::- عمة اريد بردة للبنية

::- اخذي هاي الجديدة بالعلاكة

هزيت راسي ورحت اخذت البردة الجديد ورحت للمخزن بعدني ما واصلة وسمعت مثل واحد يضرب صوت ضربة قوية بسرعة دخلت

والكة مرت عمي واكفة ورؤيا منزلة راسها بس شافتني ابتسمت واردفت::- اجيت اشوف غرفة رؤيا عاشت اديجن حلوة مسوياتها

باوعت لرؤيا خدها احمر وبس شخطة عرفتها ضاربتها راحت عيني الها::- انتي ارتاحي واهتمي بالعمي واحنا نكمل روحي خالة

باوعتلي ما راضية عقدت حواحبها::- شنو هل اسلوب لج احجي عدل

::- كلامي عدل انتي تصرفي عدل لا اطلع رؤيا واراويهم خدها هسة

باوعتلي فاتحة عيونها على وسعهن وطلعت من المخزن وهي بقمة عصبيتها ما اهتميت

باوعت لرؤيا واردفت::- شبيج ليش ضربتج

نزلت دمعتها بحزن ودنكت راسها اردفت بخجل::- عادي ابقى وحدي حبابة

ابتسمت::- عاد بس شتحتاجين غرفتنا انا وسمر فوك تعالي يمنا نتونس

سكتت ما حجت اردفت مرة ثانية::- وهاي البردة جديدة مال جمايل مدام طلعتلج من غراضها الجدد يعني دخلتي كلبها خلي رجليج بماي دافي وبردي كلبج من ناحيتها

ابتسمت بقهر وسكتت خليت البردة على جهة وطلعت مقهورة البنية مبينة فقيرة ليش حتى تضربها هل شكل و الله كسرت خاطري حيل

رحت للمطبخ لكيت مرت عمي شروق باوعتلي بخزرة تجاهلتها توجهت للثلاجة اخذت بطل مي وردت اطلع

صاحت وراية::- كلتيلي اسمج اية مو??!!

::- اي

::- خوش حلو بس انصحج يا حلوة ما تتقربين لهاي الساق**ة

::- ما شفت وحدة ساق** بالعكس شفت بينة يتيمة حالها حالي وكعت بيد ناس ما ترحم ولا تخاف من الله

فتحت عيونها على وسعها::- شقصدج

ابتسمت وسكتت ردت اروح غيرت نبرة صوتها واردفت::- شبيها هاي سهى وجها محروك يلعب النفس اوي لعبت نفسي وتقززت

احس حركة صارت بنص كلبي ما اقبل واحد هيج يحجي على اهلي عمتي سهى من جانت صغيرة كب التنور على وجها واحترك وهي عالجتة بس بقة اثار بنص خدها

التفتت الها فايرة روحي::- شوفي خالة اهلي خط احمر ديربالج تجيبين طاريهم هاي اولا ثانيا انتي مرة خاطر اتصرفي على هل حدود لا تدخلين

::- اسمعي لج بعدج ما تعرفيني الضاهر لا تخليني اخلي بالي وياج واطلعج منا مكسورة راس احسلج انطمي

ابتسمت واردفت::- لا الضاهر انتي الي ما عرفتي منو انا بس الايام الجاية راح تثبتلج مو انا ينكسر راسي انا بضهري ثلث اسود ينهشون لحم كلمن يتقربلي

عفتها ومشيت فاير دمي شنو هاي من بشرية بعدها ما كالت بسم الله كامت تهدد وتتوعد لا وعبالها البيت بيتها

"اثــير"
طلعنا انا واصيل وايسر راح يلتحقون ويردون يشترون ملابس وانا وياهم مثل المجدي منو يشتريلة شغلة اخلي يشتريلي

دخلنا لمحل مال البسة اباوع لايسر يروح وين الجوزي وين الاسود احس روحي اختنكت شبيهن الالوان الاحمر والوردي عجيييب!!

اشترو ملابس واشترولي وطلعنا متوجهين لمطعم طبعا ما حاجة اكول هم اكلي على حسابهم انا رجال مفلس هم جيوبهم متروسة فلوس كولو ما شاء الله لا تخلون عيونكم عليهم لان انا الوحيد الي راح اتضرر

وصلنا للمطعم اردف اصيل::- و الله لو تشوف ابوك شماخذلة وحدة الحجي روحة بعدهي خضرة

ضحكت::- خرب يوم الجامعة ما خليتوني اشوفها اليوم الحجي ادية بالدبس ههههههه

ما احس الا دفرة اجتني بنص رجلي من جوة اباوع ايسر يخزر بية::- لا تصير ملطلط لا امطلك هنا عيب اثكل بطل ضحك الكح***اب هذا

ضحكت حتى اغيضة هو يخزر بية واصيل يمي يضحك علينا اردف ايسر::- اصيل الي محيرني هو البنية الجابتها وياها رغم اخوها موجود وهي مرت ابوها حتى مو امها

::- الله اكو بنية بالموضوع ولكم كومو خل نشوف مرت ابوي وبت رجلها

خزروني ثنينهم واردفو سوة::- اثكل لا تصير ملطلط

اردف ايسر محذر::- وحق رب العباد لون سويت شي وياها يا اثير اعلكم بالهورة واخليك عبرة لمن اعتبر لا عبالك هاي مثل الكح***اب الي تصاحبهن البنية مبينة مضلومة وفقيرة

::- زوجوني واعقل

::- هو انت عندك عقل حتى تعقل بس تتزوج تفشلنا وحق علي تفشلنا ناخذلك مرة وانت يومية وي بنية ثانية

حكيت راسي من ورة باحراج::- ولعباس هنا البنات يزحفلي عمي انا شعلية غير هنا يجن ما يقاومن جمالي

اباوعلهم ثنينهم مخنزين كلت اذا ضربوني هسة هم اتفشل كدام العالم وهم اديهم جنها كرك كل واحد بعرض الثور خل اسكت احسن

رفعت ايدي باستسلام واردفت::- هاي هي عمي سكتنا

تنهد ايسر ضايج اردف اصيل::- اخوها اعرفة واحد زايعتة الكاع احتمال خافت على البنية منة

سكت ايسر يفكر واحس اكو بالة خطة او فد شي ما مرتاحلة

رجعنا للبيت وانا متحمس اريد اشوف مرت ابوي و بت رجلها

دخلنا والكة الحجي لابسلة دشداشة بيضة والمرة يمة كاعدة وهو نافش ريشاتة والاستكان بيدة يرعش حجي وينك وين جروخك المرة ثلاثينية جادة وانت كاضي هم عليك سوالف حجي

دخلت سلمت وباركت وهي تباوع من جوة لجوة خفت على روحي انا رجال ابن ناس وعوائل خل اكوم احسلي

كمت بعدني ادور عليها ماكو ما شفتها صعدت لفوك لاكتني اية ومبين مزعوجة شكد ما ابين روحي اكرها بس كلبي يطير من اشوفها ضايجة::- شبيج يولو

::- ها بونبي

::- طاح حظج و حظ اليسال عليج شكد تافهه

::- مثلك غير

::- اكلج انا تافه وانتي تافهه شرايج نشكل تيم

::- عييع واحط ايدي بايدك شمالني خفة لهل طول

::- يعني صدك ما عندي حظ انا اكصر منهم واجيتي تعيبين على طولي جا ما تعيبين عليهم كل واحد طولة بطول التيل

::- شرايد هسة

::- بت مرت رجلها السابق لمرت عمج وينها شو ما الها حس

::- خوب كول رؤيا وفكها

::- اسمها رؤيا

::- شعليك انت عجييب!!

::- خاب غير اخوها وحاب اسلم عليها

باوعتلي ما عاجبها الوضع عافتني وهي تحجي::- بالمخزن

::- شتسوي بالمخزن!!!

تنهدت::- هي اختارت هل مكان شمدريني روح واسالها لاختك

عفتها وصعدت شبيها هاي اكو واحد يكعد بالمخزن عائلة شافطة وحق علي وحدة ماخذتلها شايب ادية تتراعش والثانية نايمة بالمخزن صدك جذب

"ايـــة"
نزلت بليل حتى اسوي حافظات اكل للولد اليوم اخر يوم للولد وحيل ضايجة عليهم حتى لو صار بيناتنا زعل ما اكدر على فراكهم

بس بقت سالفة البوسة براسي خاف احبل شلون بية ليش هيج سوة وياي ايسر اذا عرفو البقية يموتوني مرة سمعت عمة جميلة تسولف هي ما تدري بية واكفة واتصنت

مرة كالت اكو بت حبلت من غير زواج واهلها درو وذبحوها خاف يدرون ويذبحوني

دمعن عيوني مجرد فكرت بهل موضوع حظرت الكعك وحافظة حطيت بيها كليجة وحافظة فطائر وحافظة خبز هناك تنكطع عنهم المونة ويظلون كاتلهم الجوع عمت عيني عليهم

صعدت لفوك وخنكة تارسة بلعومي ترس وصلت لغرفة اصيل جان الباب مردود وهو كاعد على جرباية مدنك ويحجي::- شوكت عيونج تشوفني خلص حيلي وفاض كلبي وانا اناطرج

اردفت::- فِّأصٌبِر لَحٌګمَ ربِګ فِّآنِګ بِآعٌيِّوِنِنِآ
آنآ آلَلَهِ يِّحٌبِ آلَصٌآبِريِّنِ

{صٌدِقِ آلَلَهِ آلَعٌلَيِّ آلَعٌظّيِّمَ}

التفتلي مبتسم تقدمت ناحيتة واردفت وعيوني مدمعة::- راح ترحون

ابتسم::- كلها ايام ونجيج يا عيوني ليش هل دموع

::- خايفة عليكم وراح اشتاقلكم

::- تشتاقين الي لو لايسر

::- ثنينكم

::- واحد واحد

ضحكت ورفعت ايدي امسح بدموعي::- جنت تقشمروني وانا صغيرة

ابتسم::- وانتي تشلين روحج وتركعيها تصيحين ثنينكم

::- صح ثنينكم نفس المعزة عزاز روحي انتو

ابتسم::- شجايبة وياج هل مرة شمخليتلنا

ابتسمت::- هاك هذا مالتك

ابتسم واخذ العلاكة مالتي::- يلا اعوفك تجهز نفسك رايحة لايسر

هز راسة وابتسم طلعت من غرفتة توجهت لغرفة ايسر روحي ممرودة مرد شلون اواجه ليش هيج سوة وياي رجلي تتقدم خطوة وترجع عشر خطوات لورة

اخر شي ما كدرت كلت اودي سمر تودي الة بعدني اريد ارجع طلع من غرفتة وشافني ابتسم ونزل عيونة على العلاكة::- هاي الي

ابتسمت بتوتر::- اي

::- تعالي فوتي

تذكرت اخر مرة من دخلت وباسني خفت يعيدها حجيت بسرعة::- لا لا ما اريد

سكت متفهم باوع للصالة واردف::- تعالي نكعد هنا سوة بلاها ما ندخل للغرفة راح اشتاقلج ولج

ابتسمت::- مثل كل مرة بناتي ما اريد تهملين دراستج ثم دراستج ثم دراستج

ابتسمت::- هم تجي للامتحانات ما بقالها بس هل شهر ونعطل

::- اذا كدرت اجي واذا ما كدرت اعرف اكو بنية سبعة عايفها وراي وراح تجيب معدل يرفع الراس

::- صحيح

ابتسم وهز راسة دنكت واردفت::- ايسري

::- ها

عقدت حواجبي واردفت::- ليش مو روحـــة

ضحك ودنك::- اشتعلت روحـــة بكاز ونفط

::- اسم الله عليك ايسري

::- روحـــة لايسرج انتي روحـــة

::- حبابين لا طولون يظل بالي ويخنكني صدري

::- اصيرلج جرة هوة يا بعدهم ان شاء الله بس انتي اريد منج تدعيلنا نرجعلج بخير وسلامة والباقي كلة على الله

::- ونعم بـ الله

ردت اكوم لزم ايدي ودنك باسها وهو يغمض عيونة ويسحب منها نفس قشعر كل جسمي ورجفت بسرعة سحبتها من عندة بتوتر واردفت::- اااا نازلة انا

::- اوكفي

::- ها

::- زعلان من بابة??!!

برطمت من كالي هيج دنكت راسي ابلع بغصتي طفر وكف يمي رفع ايدة يمسح بدموعي شهكت واردفت::- ليش بستني ها هسة اصير حامل مثل ذيج البنية ويذبحوني

فتح عيونة على وسعهن::- بوية تحجين صدك يا بنية هاي

::- عمة جميلة ذاك اليوم تحجي لعمة سهاوي تكول بنية حبلت من غير زواج وذبحوها اهلها

غمص عيونة عاظ على شفتة بقهر::- نعلعلا روحي اي و الله هسة انا شورطني

باوعلي واردف بنبرة توسل::- بوية حبيبتي ايوتة و الله ما تحبلين بس اسكتي خرب هسة هاي شلون افهمها ما تحبا بوسة خرب روحك ايسر جبت العيد وبعرتها

::- جا اذا ما احبل بوسة بشنو احبل

فتح عيونة على وسعهن وصاح بصوت::- ولجج

سكتت مخلوسة فوك وجه بقوة واردف::- بوية لا تبجين خلاص ما تحبلين واذز عود حبلتي ما اخليهم يذبحوج انا اتزوجج

شهكت فاتحة عيوني وهو يضحك::- لا لا ما اريد

عقد حواجبة واردف::- ليش

::- اريد ادخل كلية وهناك احب وانحب وتزوج على حب

انصدم وفتح حلكة مترين اردف كاز اسنانة ياشر على باب الغرفة مالتنا::- روحي اية روحي وحق هو علي اذا سمعتج تحجين هل كلام بعد كون اطيح حظ حظ حظج ولي منا

رحت وانا ابجي شلون بية اذا صرت حامل انا ما اريد اصبر هسة ام هسة هو ايسر ليش هيج سوة و الله عيب انا اذا صرت اكلهم ايسر باسني وخل بذبحو هو مو انا

نزلت لجوة الكل بغرفتة افتقدت رؤيا ما الها حس واخر مرة شفتها جانت تبجي من ورة شروق الخايسة اكيد ضاربتها راجدي

تمشيت بأتجاه المخزن بعدني اريد افتح الباب واسمع اصوات غريبة بداخلة استغربت الاصوات وفتحت الباب وانصدم من المنظر الي كدامي .......يتبع

الفاتحة على روح المرحوم عبد ابن هدية 💔

اقرو الفاتحة واهدوها لـ روحة واكون ممنونة منجن 💔

حسابي الانستكرام الجديد 🩵

شلونجن بنات رمضان كرم علينا وعليكن وعساكم من العوادة 🫂🫀

طبعا حيل حيل اعتذر على التاخير الله يشهد ملتهية وضروفي حكمت ومنا تحظيرات رمضان وانا وحدي بالبيت

انطوني رائيكم وتوقعاتكم للبارتات الجاية?!!

احبكم حيل 🫀🫂