꧁بسم الله الرحمن الرحيم ꧂
»»»»»»»»»»»»»»»»»»»»
آنتقآمـ_ آلوهہج✨
بًقُلَمً آيـﮯآت 🤎
»»»»»»»»»»»»»»»»»»»»»
لََآ غُُرنِِيِّ آلَمًًدٍٍحً بًًشُـُفُـُآفُـ آلََمًًحًًبًًيَِّنِ
وٌلََٱ هّـّمًًنِِيِّ آلََشُـُمًًآتٌـٌةّ شُـمًًأّ حًًجّـّوٌ عٌنِِيِّ
يِّلََتٌـٌمًًنِ عٌٌلََيَِّةّ مًشُـُتٌـٌتٌـٌآتٌـ أّلََبًًآلَ
وٌآنِِفُـُضًـهّـّنِ نِفُـُضًـ وٌآنِِهّـّضًـ وٌلََآ جّـّنِِيَِّ🖤
»»»»»»»»»»»»»»»»»»»»»»
وكفت مبتسمه بشماته واني اشوف المحلات جاي يحتركن ، احتركن بعد هاي بس البدايه والله لخليكم تبجون دم مثل ماحرمتونه من اهلنا ، باوعت صارن فحم مشيت خطوه وحده باوعت زلمه جاي يتمشى يمكن جان يحرس المنطقه شاف المحلات وباوعلي واني گبل ركضت سرعتي وهوه يركض ويصيح
ربع ساعه واني اركض وكفت من ماسمعت صوت التفتت اريد اشوف وين راح وحسيت صوت طلقه
وشي اخترق رجلي غمضت عيوني وصرخت صرخه مكتومه ركضت ركضه كل قوتي تجاهلت الوجع الي سلب روحي مني اركض واهمس
- ادوسن فوگ الجرح والچم الملچوم ، واخلي الساگنات لربهن يشوغن .
اركض واردد الجمله وكفت الهث واجر نفس رفعت راسي باوعت وصلت فرعنه تمشيت اعرج ورجلي تسحل وراي فتحت باب الطرمه الي سادته بس ماطابگته دخلت وقفلت الباب دخلت للغرفه بالكوه يلا بدلت رميت نفسي عالسرير حتى الجرح نسيته غفيت..
كعدت على رشهُ مي واصوات عاليه فتحت عيوني شفت ترانيم وسنار واكفات بوجهي ودموعهن ينزلن غمضت وفتحت استوضح الرؤيه باوعت الهن عاكده حاجبي
- شكو شبيجن .
سنار:- لج وهجج هاي شبيها رجلج ، منو ضاربج كليلي .
كعدت على حيلي اباوع رجلي فايضه بالدم وترانيم حاطه وصله عالجرح حجيت بعدم مبالاه
- جرح بسيط ترى .
سنار:- لجج هاذا جرح بسيطط ؟ دشوفي اللحم شلون مفروع وصاير يخوف شبيج وهج معقوله ماتحسين بالوجع .
- كافي هسه الفه بشاش ماكو شي .
سنار:- وهج هاي مبين طلقه جايه برجلج ومفرعه اللحم وطالعه گليلي شسويتي منو ضاربج احجيلي .
- محد ضاربني شبيج ، وشنو تحقيق يعني .
سنار :- كومي وهج كومي ناخذج للمستشفى حتى يخيطوه .
- موكتلج جرح بسيط ليش تلحيين .
ترانيم :- وهج ليش تعاندين كومي خلي ناخذج لو اروح اكول لخاله ازهار عليج .
رفعت حاجبي
- تهدديني حضرتج .
ترانيم :- لاا بس كومي يمعوده دشوفي شلون فاضت الفرشه .
كمت غسلت وغسلت رجلي من الدم مشكوك اللحم وصاير عبالك حفره طلعت من الحمام بنفس الوقت دخلت ازهار وتحجي بالهفه
ازهار :- يمه بنيتي شبيج ولج كاللي رجلج تنزف شضربج ولج .
- لا كلشي مابي ، جرح بسيط تدرين بيهن شكد يجذبن .
ازهار:- شو دتعاي خلي اشوف الجرح .
كعدت عالقنفه وشوفتها الجرح شهكت وضربت افخاذها وحجت
ازهار :- صخامم يمعزايههه هاذا دكلين جرح بسيط ، شو دكومي خلي اوديج للمستشفى
- لا خاله عندي شغل مااكدر اروح
ازهار :- انعلل ابو الشغل انتي مادمرج غير هاذا الشغل شو هسه ترحين چدامي كومي .
ضليت احجي واقنع بيها وهيه قافله اتخبلت من شافت الدم ينفر من رجلي ماكدرت ارفض طلبها لفيت رجلي وبدلت وطلعت وياها اجرنا تكسي متوجهين للمستشفى
وصلنا الدكتور شاف جرحي تخبل كال لازم انخيطه هسه رحت كعدت عالسديه وصاح الدكتور عالممرضه
الدكتور :- روحي جيبيلي البنج خلي اخيطه.
اردفت
- ماكو داعي للبنج تكدر تخيط بدون بنج .
الدكتور :- مو راح توجعج اهواي لازم ابنجها حتى ماتحسين .
باوعتله وحجيت
- كلامي مااعيده مرتين .
هز راسه وحجه
الدكتور :- اني كتلج بعد .
بده يخيط بيها واني اعصر بالفراش احس روحي تنشال وتنركع والممرضه من تباوع علي اسوي نفسي مامتأثره بس الوجع ذبحني ربع ساعه وهوه يخيط بيها وكلساع ورافع راسه ويباوعلي واني اباوعله بجمود .
كمل ولفها ببناندج انطيته الفلوس وطلعت وازهار واكفه بالباب شافتني واجت ركض وهيه تباوع على رجلي
ازهار:- ها يمه خيطوها ؟
هزيت راسي واني اعض بشفتي من الألم رجعنا للبيت وترانيم وسنار واكفات بالطرمه شافني واجن ركض
سنار :- ها شسولها؟
ازهار :- خيطوها ، ادخلي يمه ادخلي .
دخلت للبيت مستنده على سنار كعدت عالقنفه وكعدت ازهار حجت
ازهار :- شلون بيج ولج شلون تضلين بهاي سوالفج لو صاير برجلج شي شسوين .
- كلشي مايصيرلي لاتخافين .
ازهار :- وج وهيجه عوفي هاذا الشغل ، مو دمر حياتج هاذا الشغل .
- خاله اني من اكول كلمه انفذها ، مااكدر اتراجع .
ضربت رجليها وعضت اصبعها وتحجي
ازهار:- اخخخ منج اخخخ موتيني بسوالفج ، شلون بيج .
تجاهلت كلامها تمددت عالقنفه كامت وحجت
ازهار :- راح اروح احط الجدريه عالنار ، سنار لاتسوين غده اني سويت هسه بس احطها واجي نسيتها من وره الافنديه .
تحجي وتباوعلي راحت واجن سنار وترانيم كعدن بصفي من الجهتين حجت ترانيم
ترانيم:- وهج ليش هيج تسوين بنفسج.
- قابل اني الي ضربت نفسي.
سنار:-بس انتي البقيتيلنه من ريحه اهلي لاتعوفينه مثلهم .
ترانيم:- وهج انتي امنا لاتعوفينا.
حضنتهن وحجيت
- لخاطرجن اني عايشه لو ماانتن جان هسه اني نايمه وي اهلي.
رفعت راسها سنار وحجت
سنار:- انجبي لاتحجين هيج انتي اختنا الجبيره وامنا.
ضحكت بخفه حجت ترانيم
ترانيم:- اييييي همزين توه يلا شفنه هاي الضحكه الحلوه من شوكت ماشايفيهاا.
- احيانأ الحياه تغطي ابتسامتنا بحزن .
ترانيم :- اووف عوفج من الحزن ، واحجيلي شلون انجرحتي .
- صرتي مثل اختج محققه .
سنار :- ترى مجرد سؤال جاوبيها ، ليش تضمين علينا احنا مو خواتج .
- اكو اسرار مايصير تنكال .
سنار:- وشنو ذني الاسرار .
ردت اجاوبها اندك الباب اشرتلهن لايروحن كمت فتحت الباب ودخلت ازهار تباوعلي بطرف عينها حجت
ازهار :- انتي شلون وياج ماتكعدين بگاع .
راحت سديت الباب ورحت كعدت يمهن حجت ترانيم
ترانيم:- خاله انتي مو كلتي عندي ولد اشو مااشوفهم .
زمخت بيها
- وشترديننن انتيي .
ترانيم :- يمه شبيج گبيتي ، اي خاله كليلي هما ليش مايجون يمج عايفينج وحدج .
ازهار :- لا هما يداومون بغير محافضه من ينزلون يجون يمي ثلاث ايام اربعه ويرحون ، سوده عليه مايخلون شي مايتسوكون اليه يترسون المجمده والثلاجه .
سنار :- زين هما ليش ماينقلون اهنا .
ازهار :- مو جاي يسوون وينرفضون الگ**ووايد ماينقلونهم الله لايرضى عليهم ، شگد جابو معاملات وانطوهم مايقبلون .
ترانيم :- انشاء الله ينقلون ويجون يضلون على كلبج ودكليلهم اووي شوكت ادوامون واخلص منكم دكومين تملين منهم .
ضحكت وشبكتها وحجت
ازهار :- ولج ام السان شلون بيج يرادلج صگر حتى يصگرج .
ضحكت ترانيم بدلع وحجت
ترانيم :- زين زين خاله ولدج هم حلوين .
حجتها وباوعتلي خزرتلها وهيه نزلت راسها عود خجلت ضحك ازهار وحجت
ازهار:- اي يمه ولدي يخبلون واحد طالع على ابوه عيونه خضر وثنين طالعين عليه عيونهم عسليه .
عاطت ترانيم
ترانيم :- يمهه تسرسحت على العيون الخضر .
عطت بيها خنستها
- ولججج كومي اقري .
كامت وراحت دخلت للغرفه
سنار :- خاله اروح اشوف الجدريه مالتج خاف مابيج ترحين .
ازهار:- لا يمه لاترحين هسه اني اروح اشوفها انتي حضري الصينيه والخصراوات هسه بس اشوفها طابخه واجيبها .
هزت راسها سنار راحت للمطبخ جريت تيلفوني من القنفه وفتحته جايتني ثلاث مكالمات من بحر هاذا شيريد شعنده داك دكيت علي رأسن انطاه رفض شويه ورجع دك حجيت
- الوو
بحر:- همزين رديتي ست .
- احجي شتريد؟
بحر:- لكيت كتال اهلج .
- مايحتاج عرفته اني قبلك .
بحر:- قصدج عمج القاتل .
- لعد منو غيره .
بحر:- لجج بابه شغلي عقلج شويه ، عمج مخطط خطه مدبره .
عكدت حاجبي وحجيت
- شلون يعني ؟
بحر:- انتي مو شفتي لابس ملابس الكليه بس هوه مامسجل هوه تنكر تدرين ليش .
- ليش ؟
بحر:- علمودج ، هوه عرف انتي جاي ادورين عالقاتل وهوه اتنكر بداله حتى شنو ، حتى من تشوفينه تعتبرينا هوه الگاتل اهلج تنسين هذاك وتلتهين بعمج عرفتي شلون .
- افتر عقلي .
بحر :- باعي خلي اختصرلج ياها هوه يريد يلهيج حتى تنسين هذاك المجرم .
- زين كلي شلون لكيته وين هوه هسه .
بحر:- اني عندي صديق خليته يدور علي ومن خلال معرفته انو هوه هسه بمنطقه اسمها......... وحتى جريمه اهلج ناسيها .
- وهاي وين صايره المنطقه .
بحر :- قرب محلات عمامج الحركتيهن .
فتحت عيوني وحجيت
:- شلون عرفت انته .
بحر:- تدرين انتي ذكيه بس اني اذكه منج ، انتي من رحتي للمحلات اكو كامره كبالهن ويجوز اصلان ماشفتيها .
- شلون نسيتها ، ولا اجت بالي زين انته شسويت الها .
بحر:- ماسويت شي بس اخذت التصوير وديته للشرطه .
- بحررررر.
بحر :- عيونه ، شكد حلو اسمي بحلكج شو بالله عيدي .
- احترمم نفسكك واحجيلي شسويتتت ؟
بحر :- هدي بابا هدي ماسويت شي ، بس حذفت اللقطات الي جنتي واكفه بيهن .
- زين تكدر دكلي وين هسه هوه .
بحر :- هاذا شويه عنده ذكاء ، ماتكدرين توصلين اله بسهوله .
- انته بس انطيني العنوان وماعليك .
بحر :- باعي راح ادزلج العنوان بس انتي البسي عبايه
- ليش البس عبايه بلا ؟
- شبيج مو هاذا من يشوفج لابسه بنطرون يعرفج رأسن انتي متمرده شغلي عقلج .
- وبعدينن .
- من تلبسين عبايه وتتلثمين اصلان ولا يباوع عليج .
- ماشي وبعدين .
- بعد اخليها عليج انتي مو ذكيه وتعرفين راح ادزلج الموقع برساله وصورته والباقي عليج
ابتسمت بنتصار وحجيت
- ماشي
سديته منه شويه ودز الموقع وصورته رجع دگ
اخذت نفس وحجيت
- انته ليش جاي تساعدني .
بحر :- والله ماعندي شي اني انسان صادق ووفي وشفت شلون حايره ف كلت اساعدج هم احصل اجر وهم اساعدج .
- اتمنى مايطلع وره هالمساعده شي .
بحر:- لا كلشي ماكو وداعت عيونج الحلوات .
سديته بوجه شكد فاسد وبلا اخلاق دخلت ازهار بيدها جدر راحت للمطبخ انتبهت عليها ولا باوعتلي شبيها ؟ معقوله زعلت مني .
تمددت وحطيت رجلي ؏ طرف القنفه طلعت التيلفون ودخلت على صفحه الاخبار ابتسمت من شفت عمي جبار يبجي ويحجي ؏ المحل وياشر علي وهوه صاير فحم ابتسمت بنتصار وهمس
- ابجو ابجو والله لخلي يومكم مايمر بدون مشاكل واني اعلمكم .
فزيت من شفت سنار حاطه راسها وتباوع وياي باوعتلي بصدمه وحجت وتأشر
سنار :- لادكليلي انتي الي حركتي المحلات ؟
ابتسمت بنتصار وحجيت
- اليلعب بناري يتحمل حرگها .
سنار :- وهج شبيج انتي اتخبلتي شلون تحرگين رزقهم ، ترى حرام عليج هيج تسوين .
- والي سووو بأهلييي حلاللللل ، احجيي .
سنار :- ونتي تردين تصيرين مثلهم .
طلعت ازهار من المطبخ على صوتنا
ازهار:- شبيجن ولجن ، شبيجن تصيحن.
اشرت لسنار تسكت عافتني وراحت متنرفزه حطن الغده بالصينيه وحطنا بالكاع
ازهار :- روحي يمه صيحي لاخيتج خلي تجي تتغده .
راحت سنار صاحت لترانيم اجتي تهز جتف بس شافتني اخنزرلها سكتت وبطلت كعدت عالصينيه وازهار تحجي من وره خشمها
ازهار :-گومي انتي تغدي .
حجيت واني اكلب بالتيلفون
- مااريد اكلن بالعافيه .
سنار :- ترى حتى ريوك ماتريكتي ، شنو ماجعتي .
حجت ترانيم وهيه تمص اصبعها
ترانيم :- يمه شلون دولمهه تخبل ، منو مسويه هاي الدولمه احجن الصدك .
ازهار :- اني سويتها.
ترانيم:- اني اڪول سنار سناره ماتطلع منها هيج اكله .
ضربتها على علباتها وحجت
سنار :- سناره شنو ام لسان اسكتي .
ترانيم:- ترى كلنه عدنه السان ، يمه يمه تموتت الدولمه عاشت ايدج خالهه الحبابه الدبابه.
ازهار :- يالعافيه بنيتي .
سنار :- شفتي خاله ترانيم تغلط عليج .
ازهار:- يااا شكالت ؟
سنار:- كالتلج دبابه يعني دبه .
ضربتها بخفه على راسها وحجت
ازهار :- لا ياادبسزز .
ترانيم :- هههههههه اليوم شبعت كفخات ، لا خاله ماافتهمتي قصدي دبابه يعني هيه الدبابه مو تحمينا وانتي سميتج دبابه لان تحمينا ههه ادري كمت امسلت .
سنار :- لو ض*** احسلج .
- كافيي بلا لغوه زايده ، النعمه الها احترام .
حجت ازهار ماعاجبها
ازهار :- اتعلمن من اختجن الاحترام .
مارديت عليها.. مرن خمس ايام واني كاعده بالبيت كلما اطلع تجي ازهار تدخلني جوه من وره جرحي گعدت وحطيت الحاسبه كدامي ولعبت شويه بيها دكيت ؏ هاذا الي اسمه بحر يمكن ثلاث مرات دكيت ومايرد..
عفته على صفحه واني افكر شلون راح اطلع منا لازم الڪي خطه اطلع مناه هاي ازهار ماراح تخليني اطلع وهذني جاي يدوامن وملتهيات بالدراسه كمت لبست وطلعت بره البيت
بدون ماتدري ازهار سديته ورحت البنات بالمدرسه اخذت اللثام وتلثمت وطلعت متوجها عالموقع الي كالي علي بحر باوعت ناس تروح وتجي وشارع شفت واحد كاعد على صفحه رحت يمه وطلعت صوره الولد حجيت
- السلام عليكم .
باوعلي بنضرات تلاعب النفس حجه
- وعليكم السلام ، تفضلي
- بلا زحمه تعرف هاذا وين بيته او وين ساكن .
باوع بالصوره وباعلي مستغرب
- شتردين منه .
- اني بنت عمه واجيت حتى اسويله مفاجأ بس مااندل بيته .
- اني شايفه هذا بس مااندل بيته .
باوعتله ومشيت وين اكدر الكي لازم الگه بيته لو شغله عنه رحت يم حجي عمره ب٥٠ سنه سلمت وحجيت
- حجي تعرف هاذا وين ساكن .
باوع بالصوره وضل مركز بيها حجه
- اي اعرفه هاذا زيد اسمه بيته بهذاك الفرع ثالث بيت ، بس بنتي شتردين منه .
- مو يصير ابن عمي واجيت افاجأه ومااندل بيته .
هز راسه رحت تقدمت عالفرع الثاني وباوعت لثالث بيت
- لجيبك واجيب عشره منك .
حددت الموقع ومشيت للبيت باوعت لساعتي ب12 هسه اجن البنات رحت واجرت تكسي وصلت البيت وفتحت الباب شفت ازهار واكفه بالطرمه ودك شافتني واجت
ازهار :- وج انتي ماتوبين ، مو كتلج بطلي هاذا الشغل شلون بيج انتي .
- خاله مااكدر اكعد اذا مالكي الشخص .
ازهار :- وج انتي مخبله اكو واحد مسوي جريمه ويضل بمنطقته ، هسه اكيد لو بغير محافضه لو مسافر مايضل هنا بنتي افهمي عوفي الشغل بنتي مو موتيني بسوالفج.
- خاله اني لكيته مايحتاج ادور علي بعد .
عفتها ادك دخلت للبيت ترانيم كاعده تدرس وسنار بالمطبخ بدلت وكعدت بالكاع وانحنيت جوه جريت الوصله الي جوه الكنتور وفتحته وطلعت الاسلاح الي ضامته صار ثلاث اشهر اجه الوكت المناسب حتى اطلعه .
حطيته جوه الجربايه ورحت يمهن وكلعاده ازهار تحذرني مااطلع بس اني اطنشها وهيه تشب وتكع اخر شي سكتت .
للعصر لبست بنطرون وتيشيرت اسود وقمصله جلد وكفوف واللثام وحتى نضارات اخذتهن
- سناررر .
شويه واجت
سنار ؛- ها رايده شي .
- جيبيلي عباتج بسرعه .
- شنو شسوين بيها ؟
باوعتلها وحجيت
- شكتلج اني .
راحت شويه وجابتها اخذتها وجريت السلاح من جوه الجربايه وحطيته بخصري وسنار شهكت وحجت
سنار:- سلاحح ، عزه وهج وين تردين تكتلين منو احجي .
- لاتدخلين بشغلي .
سنار:- تخبلتيي وهج ، ترانيممم روحي صيحي لخالتيي بسرعهه .
- لو تصيحين منا الباجر اني مااتراجع .
تقدمت اريد اطلع لزمت ايدي وحجت بدموع
- لاااا وهججج لاتصيرين مجرمه ، راح تضيعين وتضيعينا وياججج .
فلتت ايدها وعطت
- هدينييي وخريي .
بهاي الاثناء دخلت ازهار لطمت وجه من شافت السلاح
ازهار:- وج وهيجه تردين توكعينا ، تصيرين مجرمه تالي عمرجج .
باوعتلها وحجيت
- خاله اذا متت خواتي بامانتج .
كامت دك وتلطم واني مااكدر اتراجع لازم اجيبه اليوم
عفتها تصيح وخواتي يعيطن ودموعهن تتسابق بس اني ماعندي غير هالحل .
طلعت ولبست العبايه متوجه عالموقع طلعت بتكسي وصلني للعنوان نزلت اباوع للفرع جهال وزلم كومه بالفرع رحت عالفرع الثاني وشفت بس كم ولد جاي يلعبون ضليت واكفه لفت نضري ولد شاب نزلت نضري على ايده وفتحت عيوني بيده وشم ونفس الوجه عرفته هوه هاذا .
تقدمت خطوه وصلت يمه وحجيت بوجه بريئ
- مرحبا.
دار وجه وباوعلي وحجه مستغرب .
- هلا منو نتي .
- عفيه الحكيلي اختي جاي تنزف اهواي والمستشفى بعيده تكدر تساعدني فدوه .
- اي اساعدج بس وينها اختج .
- هناك انته بس تعال الحكني حتى ادليك البيت .
هز راسه ابتسمت بطرف شفتي مشيته وخليته يمشي لفرع مهجور يمشي ويحجي وينه واني اكله هياته دخلته للبيت المهجور
وكف يباوع عالمكان بعده مامستوعب اني اجيت من وراه وضربته برجلي على عكس رجليه رأسن كعد على ركبه خنگته بعكس ايدي وحطيت السلاح براسه وحجيت
- حركة وحده منگ افرغ شاجور بصماخك .
يتبع.....
»»»»»»»»»»»»»»»»»»»»»»»»»»»»»»»»»»»