منتقم_وغريبه
بقلمي_فاطمه🤎
تصويت..وتعليق بين الفقرات 🦋
________________________
ذمه بركبتك روحي وايامي الخذتهن
وذمه بركبتك ساعه ساعه المانمتهن
________________________
اجوان:اتجاهلته رفعت رجلي على التخم فليت الشاش طالع منها دم خفت خاف انفتح الخياط نزلت راسي اباوعلها رجع حجه
صائب:احاجيج
أجوان:ماردت تموت
صائب:ليش
نزلت رجلي ورفع نظري عليه عيوني اجت بعيون الصفر عاكد حاجبه منتظرني احجي
اجوان:ماردت خالتي تعيش العشته اني وتتلوع عليك
صائب:ليش منو كال ماعاشته قبل
اجوان:شلون
ماجاوبني ضل صافن بوجهي كأنو يحفظ ملامح وجهي رفعت ايدي كباله اريده ينتبه نزل نظره على رجلي كام وكف راح للمطبخ اراقب حركاته شويه ورجع بيده معقم وعلبه صغيره كعد كبالي على الطبله صرت كباله مسافه قريبه كلش بيناتنه حط المعقم بصفه فتح العلبه طلع كطن حط عليه معقم اراقب حركاته هادئه التفتت عليه مد ايده سحب رجلي عليه حطها بحضنه دفعته اريد ابتعد لازمها بقوه لزمت اديه اريده يهدها
اجوان:عوفني وخرر
صائب:اثبتي
ماهتملي حط الكطن يمسح على مكان الجرح كرصت ايده حيل اريده يعوفني
صائب:اركدي لااهفج براشدي
اجوان: هددني
صائب:لاتتحركين خل اكمل
رجفت رجلي من الالم من صار عليها معقم رجعت كرصت ايده بكل قوتي
اجوان:وخرر توجعني وخرر
صائب:اثبتي ومتوجعج
ثبتت رجلي ضليت لازمه ايده التمسح على رجلي اذا اتقرب على الجرح ادفعها بس يرجعها بسرعه رفع راسه باوعلي خزرته
اجوان:كافي عووفيني
نزل نظره على أيدي الازمه ايده حجه ابحه وهدوء
صائب :توجعج حيل
اجوان:ماعليك
صائب:جاوبي مثل الاوادم
اجوان:طبعا توجع شتشوف أنته
صائب:بعد لاتمشين عليها
ماجاوبته لزم أطراف أصابعي بنفس الايد يمسح عليها بسرعه سحبته وهو مدنك ابتسم
اجوان:ادبسسزز
ماجاوبني حط شاش جديد لفه عليها رفعت نظري على جسمه ركزت بالوشوم اريد اسئله عنهن بس ماكدر خاف يكول هاي انعجبت كلاده السن نازله على ركبته فاجئني من حجه
صائب:سن الذيب
أجوان:شعليه
صائب:شفتج مركزه بيها هواي ومو اول مره كلت اروي فضلوج قبل لاتموتين
اجوان:غلطان ماركز بأمور تافه
صائب: متأكدة
كمل ورفع عيونه عليه يباوعلي منتظرني اجاوبه
اجوان:خفف على نفسك يامحور الكون
ضحك بخفه وبينت اسنونه عجبته الشغله مسح كصته وباوعلي مبتسم حجه
صائب:يمكن عجبج الوضع مالتنه
اجوان:نزلت عيني على رجلي بعدهي بحضنه يمسح عليها بهدوء فتحت عيني بصدمه ورفعت عيني عليه بعده على ابتسامته سحبته بسرعه نضربت بالتخم شاغت روحي غمضت بألم بس مابينت عليه باوعت عليه نزلت نظري على بطنه شلت ايدي وبطرف اصبعي ضغطت على مكان الدم دفع ايدي
اجوان:شفت شلون توجع
باوعتله كام وكف شال الغراض رجع للمطبخ طول بالمطبخ شويه وطلع راسه ينكط مي ووجهه مبلل مبين غسل راسه رجع كعد بمكانه ورفع رجليه على الطبله وحده فوك الثانيه يمسح اديه وحده بالثانيه باوعت على الشاش الي ببطنه طالع بي دم شويه
اجوان:متلبس تشيرت شبيك
صائب:لازم ضعفتي من شفتيني هيج
اجوان:اللهم طولج ياروح
قهقه بخفه باوعت على السلاح بعده على الطبله بلعت ريكي رفعت عيني عليه سحب باكيت الجكاير طلع جكاره ورثه شمر الجداحه بصفه ورجع يباوعلي مضيك عينه
اجوان:منو ذوله الاجو
صائب:مو شغلج
اجوان:مستفز
صائب:غثيثه
اجوان:لو ماعندك مصايب محد دك بابك
صائب:لوما السانج طويل جان ماحجيتي
عفته ووكفت مشيت اريد اصعد وصلت الدرج استوقفني صوته
صائب:ديربالج تعيدين هذا التصرف مره ثانيه
التفتت عليه ماعرف عليمن يقصد
اجوان:ياتصرف
كام وكف طفه الجكاره واجه بأتجاهي وكف كدامي حط ايده بجيبه وحجه
صائب:مال اطلعين وترمين بالسلاح شنو وين كاعدين احنه لاحسبالج احنه مثل المسلسلات دماغج هذا فكري بي زين يلا تتصرفين
اجوان:شنو يعجبني واشوفه صح اسوي مامنتظره نصيحه من أحد
صائب: يعني من طلعتي واخذتي السلاح تصرف صح برأيج
اجوان:لوما طالعه جان هسه أنته لازميك وكات..
سكتت ماكملت كلامي عرفته يكره هاي الكلمه رفع حواجبه منتظرني اكمل
اجوان:جان تعاركتو وواحد منكم انكتل
صائب:ماخفتي من رميتي
اجوان:مو اول مره الزم سلاح
صائب:منو علمج عليه
اجوان:مو شغلك
ابتسم وحجه
صائب:تسويه وحده بوحده
درت وجهي وعفته لازمه المحجر امشي على كيف رجع حجه
صائب:وهاي هم بطليه
بدون مالتفتت عليه حجيت واني اصعد
اجوان:اليعجبني اسوي
سمعت خطواته يصعد وراي وصلت للغرفه اباوعله راح لغرفته قبل لااسد الباب همس بصوت ناصي بصعوبه سمعته
صائب :براسي بنيه سمره سودنت گلبي الرجيج
سديت الباب تمددت بمكاني وجع راسي شويه خف يمكن لان تعاركت وياه باوعت على هاجر بسابع نومه اني هم غمضت عيوني شويه وغفيت
هاجر :كعدت الصبح على دكه الباب كمت فتحته
اباوع صائب واكف بنهايه الدرج مدنك راسه ويباوع
هاجر:صباح الخ
قاطعني حط إصبعه على شفته بمعنى اش رجع دنك راسه عفت الباب ومشيت يمه وكفت بصفه صوت همسات من جوه باوعتله مستغربه تقرب أكثر على مصدر الصوت مبين صوت ميسم وسهام دنكت راسي حتى اميز الصوت حجت ميسم
ميسم:شلون خاف يكشفنه
سهام:ماعليج سوي الكتلج عليه واني عليه الباقي
ميسم:خاف يصدكها اذا حجت
سهام:ميطيقها شلون يصدكها
هاجر:باوعت على صائب مستغربه هز راسه مثل المتحلف اشرتله بأيدي شكو عافني ونزل على أطراف اصابيعه اباوعله راح بأتجاهن بس لمحته سهام ندست ميسم حتى تسكت
سهام:هاي أنته هنا شوكت كعدت
صائب:صباح الخير اني هم مشتاقلج
هاجر:كامت تضحك تضيع السالفه نزلت يمهم وميسم من تشوفه تضل تسلج برموشه
ميسم:صائب اسويلك ريوك
اتجاهلها والتفتت عليه
صائب:سوي ريوك للولد وصيحلي
عافنه وراح اباوع على ميسم دخنت باوعت على سهام سحبته وصعدن فوك رحت للمطبخ حضرت الاكل شويه ونزلت يمي اجوان كعدت يمي كملت وصحتله دخل لمح اجوان كاعده حجه
صائب:هاجر ديربالج على روحج هليام
عرفته مايقصدني اجوان مارفعت راسه ولا باوعتله أخذ الصينيه من ايدي وطلع رفعت راسه باوعتلي وحجت
اجوان:شكد اكره
هاجر :منو
اجوان:اخوج منو يعني
هاجر :استوهي تحجي ودخل صائب صاير ظهرها على الباب ماانتبهت عليه من دخل
اجوان:أحسه مكروه وغثيث ومينبلع وخبيث هم جنه عوده مال مطيرجيه
هاجر:بلعت ريكي بخوف اباوعله واباوعلها خزرته حتى تسكت
اجوان:لاتخزرين لااهفج بالماعون شنو انعديتي منه
صائب:هفيها اذا بيج حظ
هاجر:التفتت عليه وحجت
اجوان:انته حتى بالمركه كمت تطلعلي
صائب:هلكد شايله حقد بكلبج ليش ضامته
اجوان:ماضامته طلعته وهاي الحقيقه
صائب:علساس انتي شلونج ام المشاكل
اجوان:ابو المصايب
هاجر:اخذ القوري وراح رجع يمهم كعدت على الكرسي حطت ايده على كلبها
اجوان:شفتي شلون مو كتلج خبيث
هاجر:شعجب خفتي منه
اجوان:اني اخاف من هذا
هاجر:اشوفج كمتي ترجفين
اجوان:ليش اخاف مسويه شي قابل
هاجر:حضرت الغده من وكت لان دوامي ظهري اجوان كاعد يمي كلساع تذكر شغله وتحجي اخوج هيج واخوج هيج
اجوان:انتو شلون متحملينه
هاجر:ليش
اجوان:الله يساعد كلبج خاله شلون عايشه وياه
هاجر:شبي
اجوان:شنو شبي انتي شايفه أسلوبه شلون همجي
هاجر:بالعكس صائب ماكو احن من كلبه وطيبته
اجوان:لان اخوج هيج تحجين
هاجر:شويه واجه صائب جاب الصينيه كال طالعين
صائب:اذا تأخرت صادق يجي ياخذج للدوام
عافنه وراح رجعت اطبخ كملت الغده غطيته عفت اجوان تتريك رحت جوه نظفت البيت كملت ورجعت يمه لكيته تغسل بماعينه دخلت علينه ميسم وسهام
سهام:سويلنه ريوك يمه ميسم
ميسم:بعيوني
هاجر:راحت يم الطباخ اجوان واكفه تغسل دفعت وحجت
ميسم:وخرري شويه اووي
اجوان:عدلي حلكج من تحجين جنج ذبانه
ميسم:حبيبتي هي هاي طريقه كلامي شكو مضغوطه
اجوان:اني مضغوطه
ميسم:اصلا تردين تموتين
اجوان:انقهر عليج اني تعرفين ليش لان ماعندج كرامه ولااحترام
سهام:ك***وبر**** ام ****
اجوان:على كيفج وي نفسج راح تموتين
سهام:شكد صلفه وساقطه
اجوان:تعلمت منج
ميسم:احجي عدل لااكسر راسج
اجوان:لا تعبين نفسج كولي مشتهيه كتله وبيج خير ودللي
سهام:ولج هاي ويامن هيج تحجين
اجوان:ماكو غيرجن هنا
هاجر:اجت ميسم عليها دفعته وكعت اجوان بالكاع وكفت كباله امنعه اجت سهام تركض تريد تلزمه طفرت اجوان على ميسم لزمته من شعره وكفت بينهن حتى ميوصلنها كامت تجيني ضربات مادري منين صوت ميسم عالي من تعارك تصيح وتغلط وسهام وياه اكو طاوه بيه دهن استوني طفيته لزمته اجوان وبدته كلها على ايد ميسم وذيج ضلت تكمز وتصيح
ميسم:اخخ يمه ايدي ام الزللم الله لايوفقجج ولج يممه لحكيني
لزمت سهام حتى متوصلها طفرت اجوان على ميسم لزمت شعرها والأيد الثانيه لزمت أيدها عضتها بكل قوتها وهاي ضلت تكمز وتصيح رحتلها اركض لزمته اريدها تهدها احس لحمه ايدها انشلعت وذيج فضحتنه بالصياح اجت سهام دفعتنه اثنينهم اني واجوان رجعنه ليوره لزمته لان تريد ترجعلهن ميسم صوته عالي تبجي وتصيح
ميسم:ساقطه ام الشوووارع ك**** ام****
بت *****
اجوان:وخرري انتي هل ارجعلها هدينني
هاجر:لازمه بالكوه سهام من شافتها هيج اخذت ميسم طلعته من المطبخ كعدت اجوان على الكرسي تلهث وتحجي بحركه وكفت يم الباب حتى متروحلهن
اجوان:اني تغلط على ابوي واسكت لا والله الا اندمها بسيطه وين تروح مني اني اعلمها
رفعت رجله تشوفها فلت الشاش طالع دم منها مسحتها ورجعت لفتها باوعتلي وحجت
اجوان:وخري انتي شكو واكفه بالباب
هاجر:حتى مترجعيلهن
اجوان:هاجر وخري ترى اكتلج وياهن
هاجر:والله متروحين ترى اخابر امي اخليها تجي لهنا
دارت وجها ضايجه كامت وكفت تروح منا وتجي منا تأشر بأديه بحركه ساعه تعض إصبعه بقهر صارت الساعه قريب الظهر اريد اروح للدوام احضر نفسي اخاف اصعد واعوفه وترجع تكتلهن حابسته بالمطبخ
هاجر:اجوان راح اصعد ابدل بروح ابوج عوفيهن لاتكتليهن
اجوان:ماكتلهن روحي
هاجر:جذابه ادري بيج
اجوان:ضلي لعد هنا لاتروحين
هاجر:اجوان راح أتأخر شبيج
اجوان:وجع متروحين لازمتج
هاجر:احلفي متعاركيهن
اجوان:اذا اتحارشن اكتلهن
عفته وطلعت لكيتهن كاعدات بالصاله ميسم كاعده دموعها بخده وسهام تمسح على ايده لافته بشاش بس لمحني خزرتني سهام عفتهن وصعدت فوك اركض بدلت بسرعه بسرعه خاف يتعاركن مادري شلون لبست نزلت اركض على صوت ميسم تصيح
لكيت اجوان واكفه بباب المطبخ ميسم واكفه وتصيح رحت يم اجوان اركض لزمته خاف تروحلهن
ميسم:متولين ترجعين لو عجبج الوضع هنا ونسه
اجوان:اي اتونس بيج يوميه اكتلج
سهام:شكد بر****وم***** ات*****
ميسم :وحده ساقطه مثلج ماشفت ماعندج كرامه
احنه مو طردناج حتى عمتج متريدج شكو باقيه لو دورين زلم ام الزلم
هاجر:لهنا وماكدرت اجوان تسكت بعد نترت ايدي
وركضتله سحبته من وره عمته لفت شعرها على أيدها ودك بوكسيات على وجها وين اليوجعك ملختها تملخ وذني يردن بس اتهدهن ماكو رحت وياهن اريدها تعوفها وجها صار عباره عن دم وذني من ايسن كامن يضربنه حتى اني انضربت وياه ومتقبل تبطل كمت أصيح حتى بلكي تعوفه
هاجر:ااااايييددددي انكسررررررت ؟!!
اشوفه ابتعدت منه وتفلت عليها وحجت بصوت عالي وهي تلهث
اجوان:زلم ماهزتني تهزيني انتي يالدايحه .
هاجر:بس حجت هيج عمته ردت عليها تغلط غلط عمري ماسامعته
تفاجات بها شلون هيج تحجي واجوان ماصدكت رجعت انوب على عمته كامت لزمته وكامت تضرب
بوكسيات وادفر بيهن اثنينهن ماخلت وحده ماكتلته
ماحس غير صائب طب بس لمحها من الباب ركض عليها شالها من خصرها هوايه بعدها ادفر وترافس
اخذه ودخله لغرفه امي كامت تصيح رحت وراهم اركض
اجوان:وخرر هددنيي خررب وخررر
صائب:اركددي ولج اثبتتي
هاجر:دفعها على الجربايه وكفت تلهث رفعت أيدها على صائب تحجي وتصيح
اجوان:أنته شلوون تلمسنني هااا
صائب:هاجر شوفيهن روحي
اجوان:احجيي وياااك
عفتهم وطلعت وي طلعتي دخل صادق شافهن ميسم كاعده على التخم وجهه مليان دم وسهام يمه تريدها تلزمه وذيج تصيح وتبجي
صادق: خيركم شكووو شصايرر
سهام:الب****كتلتها صادق وديها للمستشفى مادري شبيها
صادق:امشو صعدو خل اخذكم
هاجر:راحت سهام تركض لبسته شلون ماجان وطلعو رحت يم اجوان بعدهي تصيح صائب واكف كبالها ومجتف اديه
اجوان:أنته منو وتلزمني هاا
باوعت على رجلها تجري دم كعدت على الجربايه تجر نفس كعد صائب كباله على اركبه رفع رجلها نترتها من عده صاح عليه
صائب:هاجر العلبه جيبيها
عفتهم وركضت جبت العلبه انطتيها رفع رجلها رجعت نترتها ووكفت كام وكف حط اديه على اكتافها ورجع كعدها حجه بتحذير
صائب:اثبتي لا ومحمد اسوي شي ميعجبج
رفعت راسها خازرته رجع كعد مره ثانيه رفع رجله فتح الشاش عقمها وحطلها شاش جديد أحسها كاعده على أعصابها تنافخ وتخزر كمل وكام وكف
صائب:شكو تعاركين إذا رجلج بعدها مخيطه
اجوان:اكسر راسها هم تغلط عليه واسكت
صائب:صيري زينه وعاركي محد يلزمج
التفتت عليه وحجه
صائب:حضري روحج خل اوصلج
صعدت فوك جبت الحنطه ونزلت اركض طلعت هيه من غرفه امي تكمز على رجل وحده
هاجر:ديربالج على نفسج
اجوان:روحي هاجر لااكتلج انتي الثانيه
هاجر:ابتسمت عفته ورحت لكيته كاعد بالسياره فتحت الباب صعدت يمه مشى دك جهازه فتح خط خلاه على السبيكر
صائب:ها صادق
صادق:ولك هاي شمسويه بيها كاسره خشمه
صائب:تستاهل
صادق:هههه خرب ببليسه مشوهه وجهه
صائب:شكالولك
صادق:نضفو وجهه وأيده حرك بسيط لفوها الها انطوها عصارات راح يكملون وارجعهم
سده منه وحجه
صائب:ديربالج يكتلنها هاجر
هاجر:هيه تعاركهن وتضربهن
صائب:خل تكتلهن بس لايكتلنها
هاجر:يغلطن عليها ويضربنها هم
صائب:اضربيهن وياها لاتخليها وحدها
هاجر:يااا شلون اكتلهن
صائب:لا تضربين وياها بس لاتخليهن يوصلنها
هاجر:ماكدرلهن وخصوصا هيه مثل الجريذي تطفر عليهن متخاف من أحد.
صائب:خليها هيج احسن تكتل ماتنكتل
هاجر:باوعت عليه مبتسم وصلني للمدرسه نزلت سديت الباب ودخلت
_________________
فضل:طلعنه الصبح اتلاثتنه خابرنه معاذ ويانه
صادق:وين رايحين صائب
صائب:نوصل وتشوفون
فضل:غير نعرف وين
صائب:خل يجي معاذ واكلك
فضل:لكينا واكف على الشارع سلم وصعد
معاذ:ها شباب وين
صائب:نروح لبيت جبيرهم
صادق:جبير منو
صائب :عشيره****
فضل:شعدنه هناك عركتنه مو وياهم
صائب:راس الحيه همه
فضل:وصلنه يم شارع ضيك كلش شفنا من بعيد زلم ملتمه قريب على بيت حجه صادق
صادق:ذوله همه
صائب:اي
معاذ:شلون هسه
فضل:سحب المسدس من الصندوك حطه بخصره
صادق:هاي شتسوي
صائب:للااحتياط
فضل:شراح تسوي
صائب:انتظروا
انباوعلهم يصيحون واحد منهم يحجي ويأشر حجه صادق
صادق:معاذ شنو هدفك بالحياه
معاذ:ماعندي هدف
صادق:چا ليش عايش
معاذ :حب استطلاع
صادق:شلون يعني
معاذ:اريد اشوف شيصير بعدين
صائب:اسكت خل نفتهم
فضل:ضلينه كاعدين منتظرين طلعو اربعه واحد منهم مبين جبيرهم لان كله سكتت من وكف يمهم حجه صائب
صائب:انزلو
صادق:العب
فضل:نزلنه اربعتنه شافونه من بعيد وصلنه يمهم سلمنا عليهم
صائب:السلام عليكم
_وعليكم السلام
فضل:حجه واحد منهم عرفته من ذوله الهدوء علينه
_شجابك هنا
صائب:لاه لاه هاي مو الأصول
_اسكت أنته اعذره عمي ميعرف يسولف
صائب:أنته المبين رجال خير عمي
_تفضل عمي جوه تفضل
صائب:لا عمي مو مال كعده عندي كلمتين احجيهن واروح
فضل:رجع حجه نفسه
_شتريد اجيت هنا
صائب:لاتكثر بالكلام اذا مو كده اني ماحب الزلم الي مثل الراديو نسمع منها ومانشوف شي
_لا راح تشوف
_زين جمع افكارك واحنه بانتضارك
يتبع🦋
هواي يسئلون على النشر بنات النشر كل يومين ويكون بليل والقصه حقيقه شكد عدت عليكم وكتلكم حقيقيه وشكرا لتعاليكم الحلوه تصويتاتكم وتعليقكم للبارت احبكم 🦋