منتقم _وغريبه
بقلمي_فاطمه🤎
تصويت.. وتعليق بين الفقرات 🦋
_______________________
الفــرح طيف ونسيتــه وراح مـن بالي
_______________________
فضل: وصلت شارعهم اشوف سيارت اربعه طابكه يم بابهم وزلم ملتمه نزلت من السياره اركض صياح وغلط وصلت يمهم صائب فاقد أعصابه ويصيح واربعه واكفين كباله يهددون صاح بيهم
صائب:ليييش شسوووه
_اخوووك وين خل يطلعلي واككلك شسووه
صائب:غيررر اعرف ليش ترييده وجاي هداد علينه
_اخوك ضااارب ابنننه نريدده هسه لو ندخل للبيت نسحله
صائب:اذا أنته رجال سويه
_رجال وغصب على الشوارب
صادق:كنالك مو هناا شنووو تهدد بينه
_ماروح منا اذا مااخذ حك اخوووي
فضل:يجماعه صلو على محمد
صائب:شوف حباب تاخذ زعاطيطك لايصير شي مايعجبك افتتتهمت
فضل:بس كلهم هيج هجم واحد منهم ضرب صائب ركض صادق عليه نام فوكاه يضرب بكل قوته رحت اركض اريد الزمهم راحو اثنين على صادق لزموه اجه صائب دفر الواكع بالكاع ونام فوكاه لزمت واحد منهم اريد اوخره ضربني لزمته من خوانيكه ونمت فوكااه ركض واحد بيهم على صائب لازم سجينه كمت اريد اروحله لزمني واحد منهم صاح صادق
صادق:صاائب ورااك
فضل:التفت عليه صائب لزم السجينه بجف ايده وشمره لزمه ضربه بنص وجهه وكع بالكاع منحس غير صادق ركض لصائب دفعه اجه بوجه واحد لازم سجينه صارت الضربه يم بطنه صائب دفعه صادق وكع بالكاع نام فوكاه دفعت هذا الازمني وركضت الهم جاتو علينه سته كل واحد يضرب وين متجي ايده منحس غير على صوت الطلق التفتنه ونشوف اجوان واكفه بالشارع رافعه ايده لازمه السلاح وتضرب صاح صائب عليه
صائب:اااجوووان
فضل:ركض عليه واحد من عدهم دفعت هذا اليمي وركضت سبقني صائب من ركض اله صار كدامه أخذ السلاح منه اصتكينه بمكانه من واحد منهم رفع سلاحه بأتجاه صائب
اجوان:بس سمعو صوت الطلق رفعو روسهم صاح صائب عليه واجه يركض اباوع على بطنه يطلع منه دم سحب المسدس مني بقوه باوعت وراه وأشوف واحد موجه سلاح عليه حسيت كلشي انعاد بيه الموقف مال بابا نعاد كبالي بلحظه وكفت كباله امنعه يوصله فتحت اديه واهز براسي ب لا صار ظهري عليه لزمني من متني يريد يبعدني ماتحركت اباوع اجه صادق من وراه دفعه هي لحظات طلعت الطلقه وصار صوت قوي غمضت عيني مااحس الا اندفعت ووكعت على الرصيف انضرب راسي بالشارع صارت صوت ركضه اسمع أصواتهم بس بعيده احس شي بارد ينزل على كصتي عيوني كوه مفتحتهن لحظه بنظره اباوعلهم صعدوه السيارات يركضون ولحظه أغمض ماحسيت الا انرفعت من الكاع وشخص ضمني الصدره وركض بيه غمضت عيني فزيت على شي بارد صار بوجهي
هاجر:فاتحه الباب اباوعله وكعت بالكاع من صار صوت الطلق صارت هوسه وكله ركضت اجه صادق وفضل يركضون شال صائب راسه يضرب بيه راشديات ماتستجيب شاله وركض بيه للبيت دخله واني اركض وراه حطه على التخم يضرب على خده متكعد مغمضه عيونه وكصته انملت دم
صائب:اجووان فتتحي شوو باوعللي اجووان
هاجر:يحجي ويلهث يكلب بيه رفع جسمه ايده ورجليه يتفحص بيهن صاح صادق
صادق :هاااجر ميي جيبيي دوللكه ميي
هاجر :رحت اركض للمطبخ جبت المي انطتيه صادق كاعد بالكاع مهدود حيله وفضل واكف فوك راسه ويصيح عليه
فضل:كوووم نأخذه للمستشفى كووم
هاجر:ولا كأن يسمعنه أخذ الدولكه مني ايده ترجف حاطه على رجليه دار عليه مي فزت فتحت عيونه وشهكت
اجوان:باابا
هاجر:حضنه صائب عصره بكل قوته بحضنه دفعته بسرعه تباوعله مستغربه
اجوان:شلون اجيت هنا وينهم
هاجر: التفتت على ميسم وسهام واكفات بنهايه الدرج يباوعن بس باوعلي بسرعه صعدن فوك كامت اجوان وكفت بسرعه تخربط وضعه ووكعت بالكاع لزمه صائب يريد يكومه دفعته ووكفت كوه على نفسه رجليه يرجفن كعدت على التخم لزمت راسه صاح عليه صائب
صائب:شلووون اطلعيين وترمممين بالسلاح
فضل:صائب مو وكته امشي ناخذك للمستشفى شوف بطنك
صائب:وخر عني خل اشوف مصيبه الله النزلت
هاجر:دفع فضل يريد يوكف يمه رحت ركض كعدت بصفه لزمه فضل مره ثانيه خزره عيونه حمر كوه مسيطر وواكف بطنه تجري دم كصته عركت كام صادق لزمه يردو يكعد وهو معاند صاح بيهم
صائب:وخررو عنني يالكاائناات
صادق:امشي ولي للمستشفى شوف بطنك
صائب:يطبني مرض عوفوني
فضل:زين اكعد مو زين اتضل هيج واكف
هاجر:كعدو كوه عليه دنك راسه يجر نفس بصعوبه رفع صادق القميص مالته شهكت من شفت بطنه متروسه دم خزر صادق ورجع القميص باوعت على اجوان تفتح وتغمض بعيونه رجعت راسه على التخم تباوع عليهم كلبي أحسه راح يوكع من الخوف والرهبه حلكي نشف اشرلي صادق اجيب معقم وشاش صعدت اركض فوك حتى اجيبله
اجوان:راسي أحسه يريد ينفجر من الالم عيوني بيهن غواش كوه مفتحتهن من وره الضربه انتجيت راسي على التخم اباوعلهم يردون يعقمونه ميقبل دفع ايد صادق وعاط بي
صائب:لاتلزمننني
صادق:بطنك مفتوحهه حيوااان اثبت وووين صرتي هااااجر
اجوان:التفتت عليه خزرني عيونه صارت جبده حمر حيل يعفس وجهه من الالم وجهه وركبته عركن فضل وصادق يحاولون وياه نزعو قميصه باوعلي وحجه كوه الكلمه تطلع من عده
صائب:ليش طلعتتي هااا
صادق:مو وكته اسكت
صائب:احجججي
اجوان:لوما ماطالعه جان هسه كتلوك ومتت
دفعهم وكام وكف يريد يمشي ميكدر لزم بطنه
صائب:يكتلووني تسمعووه شتكوول يكتلووني
اجوان:لوما اني جان هسه أنته ميت
اجه عليه يركض لزمه صادق
صادق:وللك هددني عوفوني وللج شنوو مكرننين كاعدين هنااا
اجوان:عووفه صادق خل نشوفه شيسووي
بس حجيت هيج انجن صار يدفع ويضرب بيهم نزلت هاجر تركض انطتهم المعقم كعدو فضل لازمه وصادق ينظف بالجرح ويعقم كاعده كبالهم اجت هاجر يمي جايبه وصله مبلله مسحت كصتي وراسي دفعت ايده احس راسي صار حار جمر باوعلي وحجه وهو يضرب على راسه
صائب:انتي شحاطه هناا عقل لوو شنوو اطلعين ترمين وين كاعدين
اجوان:والله العتب مو عليك العتب عليه خلصتك منهم
صائب:وللج شخلصتيني وخر أنته خل اااحججي اصبريلي
صادق:متحجي شنو لازم حلكك
فضل:كومي خويه صعدي فوك
اجوان:مااصعد وهاي كاعده كباله اريد اشوف شلون يهدد
صائب:ولكم راح تخبللني
اجوان:ماكو داعي أنته مخبل من كاعك
صائب:هسه اعلمج المخبل شيسوي
اجوان:شو بس تهدد كوم نفذ اذا بيك حظ
صادق:اااجووان
لهناك وبعد ميكدر يسكت نهض من مكانه بسرعه واجه باتجاهي وكفت كباله صار بيناتنه صادق وهاجر
صائب:وللج ردتي تمووتين هناااك
اجوان:ماموت لوما ماخذ مني السلاح
صائب:وشننو تضرربين الوادم وتكتليهم
اجوان:همه مو كتلووك وردت تموت شلون ماتكتلهم لعد
صائب:ولجج لاتكولين كتلووك لاتكوولين
يضرب براسه حيل ويدفع بصادق
صادق:متكول بعد متكول بس اكعد
صائب:تسمعه أنته تسسممعه شتكوول
صادق:انضربت براسه اعذره متدري
اجوان:لا ادري وبكامل وععي قابل مخبله مثله
صائب:منين اجتج الفكره واخذتي المسدس من غرفتي شلوون فكررتي بيه
اجوان:ليش مو احسن شي هذا مو احسن متموتون كلكم
صائب:شلون نموت بله ست اجووان وشنو انتي باتمان
اجوان:فوك مااطلعكم من المصيبه جاي عليه تصيح
صائب:استلم وللج بابا انتي عاقله راسج شمخليه بي كليلي شمخليه هنااا
يحجي ويضرب براسه بااصبعه دفع صادق وكعد على التخم كعدت كباله اهز برجلي
فضل:كومي خويه صعدي فوك
هاجر :كومي اجوان خل نشوف راسج
اجوان:ماريد عوفيني
هاجر:كاعده كباله تهز برجله خازرته وهوه هم صادق يعقم ببطنه وهو يباوع عليها يخزر بيه يقبض ايده ويرجع يفتحه ماجاي استوعب شصار ومنو ذوله
هاجر:صائب منو ذوله الاجو
صائب:ماعليج لاتدخلين
خازر اجوان يباوعلها ويحجي وياي مالتفتت عليه
صادق:اركد خل اكمل
صائب:فضه لاتصير دكتور براسي
فضل:زينه مو كلش قويه الضربه بيك بخت
صائب:الزود للام المشاكل مالتنه
اجوان:لا والله الزود الك صائب ابو المصائب
صائب:بس اريد اعرف ليش اخذتي السلاح شلون اجت هاي الفكره الج
أجوان:اجتني وفادتك وطلعتك من الموت
احسه كوه كاعد على أعصابه كمل صادق لف الشاش على بطنه راح هاجر جابتله قميص لبسه وكعد كبالي لزمتني هاجر من ايدي سحبتني كوه صعدتني فوك تمددت على الجربايه راسي موتني من الالم دك موبايله باوعتلي مصدومه
هاجر :امي
اجوان:جاوبي لاتخليه تدري ويضل بالها
فتحت خط وجاوبتها
هاجر:هلا يمه شلونج
_وينكم صار ساعه اتصل
_جنه جوه والموبايل فوك ماسمعته
_دكيت على صائب ميجاوبني
_موبايله على الشحن مخلص شحن
_شلونكم شلونك اخوج واجوان
:زينين الحمدالله
_شبي صوتج شكو
_ماكو شي بس تعبانه اريد انام
_انطيني اخوج شو مامرتاحه
نزلت تركض جوه حطيت ايدي على راسي الم مو طبيعي افرك بي اريده يستقر احس حراره تطلع منه
غمضت عيني بألم
هاجر:نزلت اركض اسمعهم يصيحون وصلت يمهم أشرت لصائب امي اخذه مني يحاجيه
صائب:ها يمه
_ماكوو شي
_كلشي مابيه
_ابن اختج العار وابن حماج الصكط
_تدرين بيهم ميفاركوني يحبوني
_ماكو شي وداعت شوارب صادق
_خلص شحن
_لا لاتجين خلصو وتعالو
_وروح ابوي مابيه شي لاتخافين
_كلشي مابيه مثل البربوك السان دلاله عده
_يلا هاهي ماكول ماحجي بطلت
_خوش يلا هاهيه لاتوصيني
_ديربالج على عذراء الله وياج
هاجر:سده منه شمر الموبايل على التخم رجع راسه ليوره وغمض عيونه حجه فضل
فضل:شراح تسوي
صائب:هايه هدتهم على البيت وتهديدتهم عليه كعده اريد اشوف ياهو يطلع وراهم
صادق:متشتكي عليهم متبلغ الشرطه
صائب:جؤ جؤ أخذ حكي بالعشاير مو بالقانون
صادق:ماسمعتهم رضا كاتل ابنهم
صائب:شنو اليثبت رضا
فضل:اكيد عدهم دليل عليه واجو لو ماعدهم جا
مااجواك
صائب:باجر اشوف يطلع الصبح ويصير خير اذا مااندهم على هده البيت هاي ماتسمه باسم ابوي
هاجر:عفتهم وطبيت للمطبخ صبيتلهم جاي ووديته الهم صار نص الليل وهمه بعدهم كاعدين يسولفون شراح يسون تشرلي صائب افرشلهم بالاستقبال صعدت فوك نزلت فراشات فرشتلهم رحت يمهم شاورني صائب اروح انام عفتهم وصعدت فوك للغرفه لكيت اجوان لازمه راسه وكاعده
هاجر:شيوجعج اجوان
اجوان:راسي موتني
هاجر:هسه اجيبلج علاج
طلعت جبتله علاج انطيتيه شربته وتمددت غمضت عيونها اني هم تمدد والف حسبه وحسبه ببالي شراح يصير شلون تصفه لل٢يلا كدرت اغفه
اجوان:اتكلب بالفراش الم مو طبيعي احس راسي يريد ينفجر ساعه اتمدد وساعه اكعد من اخذت العلاج زاد الالم مانقص كمت للحمام غسلت وطلعت عيوني كوه مفتحتهن نزلت على الدرج البيت صنته فزيت من شفت شخص كاعد على التخم الصاله ضلمه بس ضوه جمره الجكاره مبين رفعه للحلكه باوعت عرفته هوه من ريحته ملت المكان طبيت للمطبخ شربت مي طلعت لكيته مشغل ضوه خفيف كاعد وحاط رجل على رجل على الطبله اتجاهلته وكعدت كباله يدخن ويباوعلي نازع القميص ركزت على الوشم مالته جان اكو كتابه انكليزيه one و two هسه شاخط عليهن مثل الي الخط مبين جديد والكتف الثاني متروس وشوم ورسوم مينفهمن وكلاده السن وسلسله بركبته فززني من حجه رفعت عيني عليه يباوعلي مضيك عينه والجكاره بحلكه
صائب:عجبج
اجوان:شكد متستحي
ابتسم بطرف شفته نزل رجليه طفه الجكاره طلع السلاح من خصره حطه كباله صار وجهه مقابلي شبك اديه سوه رفع راسه يباوعلي ويسأل
صائب:ليش صرتي كبالي من رفع السلاح بوجهي
يتبع🦋
البارت من البارحه كتبته بس خلص النت وهسه اشتركت اذا كدرت باجر انشرلكم بارت
احبكم🤎